2004 年 8 月 12 日 星期四 【晴】

other duties

積極準備黃宜洲 camp + grad book仔。問心...我係比較喜歡做 grad book, 多過搞 camp, 可能...grad book 係按我自己o既意念&構思去做, 我會投入去做, 而 camp, 實在要顧累太多瑣碎野, 亦要考慮其他人o既意見, 的確...好多outcome都唔係我預期中的, 今次o既籌委, 同兩年前搞 o'camp o既莊mates好唔同 style, 當時, 搞o'camp係辛苦, 但真係幾開心, 可能有一班志同道合o既莊mates, 而家, 我覺得好似...是為了責任。唉...究竟我諗緊乜.....我應該學習去承擔......

今日...將詩歌重新編排了, 原來, 編次序都幾花時間。最後我都係冇公開自己做o既封面, 用o左阿真 send 俾我的, 再搞埋 camp book o既排版, 雖然........係我排, 但係...我完全冇諗過要將佢 upload 上o黎.....

● 頭先o係電視奧運直播見到 KK ^^, 超型, 感覺好興奮, 希望佢 sunday o既比賽有好o既表現啦~

>>August 13, 2004 at 8:42:44 PM GMT+8

2004 年 8 月 11 日 星期三 【晴】

真正的暑假!!?

都唔明...點解我成日都o係重要考試日子唔知醒...明明已經比以往訓多好多 >.< 唉...算啦, 唔係好似考 AL Chem 時遲到 20 mins 已經好好 -_-"' 考完 201 lu, haha, 我都唔知點講, 個個都話好難唔識, 咁我唔識係咪都好正常呢, 上次 midterm 話唔識唔識但結果都ok, 唉...唔知呀, i'm not so care this time. 考完試食埋 tea 就返 hall "墳"機, 正~~, 今日科大好熱鬧呀, 因為 yr1 入學註冊, Atrium 咁熱鬧人都精神o的 ^^

學業暫時告一段落, 可以專心做下星期 camp & grad book仔o既野, 我...不能一心多用, 又溫書又做其他野只會兩頭唔到岸。camp 應該都 ok 冇乜大問題, 至於 grad book仔.......真係唔想提.....最後都係我同 chili 的起心肝做, 又係趕 deadline, 又係我同 chili, haha, exactly newsletter 翻版, 趕deadline 做野永遠係我地的習性。學 chili 話齋, 盡人事啦.......唔知幾時先有真正o既假期......

(唔知幾時開始喜歡上了用橙色 ^^)
cd cover 初稿 x 2 @ july 2004

2004 年 8 月 10 日 星期二 【微雨】

閉關 201

會考放榜, 對於我...已經係5年前o既事, 仍然記得當日o既情景, 好似發生o左冇幾耐咁^^ 話晒都係第一次考公開試, 仲記得前一晚o係阿 pig 屋企過夜.....第二日一齊食早餐, 返學校拎, 緊張, 等嗌名, 八下人地幾分, 嘩, 到我^^ 哈, 咩心情呢, 興奮又帶少許失望 ..., 即閃, 電阿媽, 揀讀咩, 註冊, 咁就5年了, 真快。本來想 upload 張 cert 上o黎, 但係o係屋企o既深處, 等下年啦~ ^^

數下先發現201要考11個 topics, 咁多...又難, o係極惡劣o既溫書狀態下, 後面o個幾課...溫完都唔知有咩用, 唉...o係 summer take course 真係兇多吉少, 辛苦完個 project 已經冇心機溫, fall sem take 一定唔會係咁...慘 x_x"' 最慘係唔多覺有壓力...溫都溫得 hea o的, 唉,,,聽日開始放暑假,,,算吧啦

>>August 12, 2004 at 10:30:33 AM GMT+8

2004 年 8 月 9 日 星期一 【晴】

終於都溫書

還是這樣...唔到最後都唔會專心溫書...>.< 好 bad 呀, mid-term 後教o左勁多野, 又冇人解釋過喎...越溫越覺最後幾個 topic 好哽,,唉,,, michelle 搬野過o黎o既時候...我同佢講, 我覺得自己好似自修完 java, 然後去報考試,,,就係呢種感覺..... 今日有個舊年實習時o既學生 icq 我 ^^, 同佢傾o左一輪, 原來佢地都仲記得我, 講o左好多班o既野俾我知, 仲話 "u are the best of them....." (them=其他實習學生), 的確係...令人幾開心 ^^, 所以,,特別 upload 實習時o既相 ^^........可惜......我真係唔係咁鍾意教書o既工作 17/11-12/12/2003 @ TSKVGSS

2004 年 8 月 8 日 星期日 【清涼】

唔想溫書

lunch 同一大班弟兄姐妹一齊食...而siu lai...真係唔知醒, 尋晚都係問下你o者, 點知真係。返到 hall 一o的溫書o既意慾都冇...死梗...連丁屎壓力都冇...仲死...=_="', 唔想溫書, 於是就做下 camp book cover ^^ 我喜歡有 feel 又有意思o既 picture~ 每逢做完呢類野好滿足o既時候, 通常都有個習慣...就係會睇返以前上莊時出o既 products, ^^ 我想睇...大概係因為呢o的係心血^^, promotion sec. o既我可以帶走o既, 仲有呢一推產物。而我最鐘意睇o既就係最後, 最用心亦係最長時間做o既 newsletter, 哈哈, 而家睇返都仲覺得我地 pi-spirit 出o左一本好正o既 newsletter ^^。


呢幾張係頭幾頁......

>>August 9, 2004 at 6:18:39 PM GMT+8

2004 年 8 月 7 日 星期六 【清涼】

習泳+休息 if 時間許可, 我真係可以訓好多, 尋晚又訓了11hrs, 唔知醒...仲要遲到做司事...唉...但係都仲好tired呀.... tired 還 tired, 下晝都係去o左游水, 攬住塊浮板同samsam游出浮台join其他人, yeah~ 終於見到dream partner, 我的好戰友, 共同目標︰summer完學識游水^o^。勁感謝佢陪我返岸邊習泳...有佢o係度我都放膽好多去游 ^^, 勁野~~ 因為佢不久前先同我有相同經歷, 完全明白一個初學者o既心態 ^^, 我先覺得係可以學識游水, 下week再努力。今晚星期日影院︰美國處男 & 照出兇靈(1/2), 哈...唔知下星期會睇咩呢~~ 今日全日玩樂, thur o既 201 final 完全冇溫過, 抱住「判死」&「置之死地而後生」o既心態去玩, 唉...唔理得咁多喇 ● 我覺得《2046》張 poster 好靚, 如果 "2046" 字型可以 match o的更正

2004 年 8 月 6 日 星期五 【晴】

拖延

happy birthday to my sister

尋晚實在撐唔到, 未諗好今日o既program就訓o左, 不過都4:00am >.< 9:30am 起身又plan過, 唔知..係咪死亡力量o既關係, 每次o係最後關頭..效率總會提升幾倍, 好快就諗好成個flow..., 但...尋晚諗..係諗唔到 -_-"' 成日都係咁...拖到最後先做...好鬼辛苦...每次都係諗住船到橋頭自然直...做到諗到就話o者, 做唔到都唔知點算,,,我個腦...好似要受到壓迫先會轉......但係迫住諗野o既感覺又好鬼辛苦.......矛盾.....真係要好好改善一下

eX-zone program 後黃宜洲 camp 開會......返到屋企都7點幾.....好想睡....11:00pm 就睡了....

搵返一o的2003年1月o既 diary, 放埋上o黎了, 睇返都覺得好無聊白痴....haha

>>August 8, 2004 at 8:57:19 AM GMT+8

2004 年 8 月 5 日 星期四 【晴】

執著

我果然...對自己所做喜愛o既工作...係有份執著, 尋日同celia講電話....
celia: 咦你今次唔改靚o的個project喇!!?
popo: 唔改 lu, 要溫 final 喇
celia: 你唔係完美主義 gei meh!!?
popo: um..又冇 bonus o既.....
但係...話唔改唔改...最後都係幹了。12點幾開始執靚佢...執靚完已經日出了。哈, 真像我的作風,

今日真係好 tired,,好想訓,,訓o左3粒鐘就要起身準備搬房, 兩個月搬第3次, 好煩!! SHO o既 check-in/out 程序真係差到爆, 每次check-out日都搞到大混亂, 連 hall 3 office 阿哥都埋怨佢地. 搞o左一大輪 1:00pm 先俾搬野, 失晒預算, 一搬就兩粒鐘,,,仲要未食過野,,,好苦,,真係好累呀,,沖涼食野又要趕返屋企同sister慶祝生日, 食完飯又要上course仲要遲到...仲未休息得....要預備聽日eX-zone活動同寫會文o既「認識你的教會」.......好想休息呀....好攰呀...手腳發軟....聽朝又約了 fat 11am 副堂, 我要訓覺呀...help.....

>>August 8, 2004 at 5:47:45 AM GMT+8

2004 年 8 月 4 日 星期三 【晴】

courses registration

我覺得 showhappy 個版面清o的, 雖然冇o左個別留言, 不過我一向都係用開 showhappy, 正所謂用開有感情, 既然 showhappy 而家重開戶口, 我梗係返o黎 showhappy 懷抱啦~

一sem一度o既 reg courses 大日子, 只係 pre-reg lang308, 其他全都係 free electives, 可以 take 乜呀!!? 如果唔 cover o的唔好 grade o既 courses o既話, 今個 sem 只需 take 7 credits. 但係基於交o左學費冇理由蝕俾佢, 加上真係好想cover某o的科,,所以都係 take 爆...如願的話, 下個 sem take o既 科有 MATH110, MATH306, HUMA099D, SOSC144, BISC002, ELEC001, LANG308, =19 credits. o的 courses......勁雜....不過睇o黎今個 sem o的科都好似幾輕鬆~~ ^^

嗱...201 project 做咩呢, 就係做 library system, 以下就係一部份o既 demo ~'o'~

2004 年 8 月 3 日 星期二 【晴】

the end of java programming.

# Happy Birthday to Dream Partner - Bird #

上完 lab 6 之後,  comp201 就係咁已經上完晒堂, 真係快結束得有o的過份 , 明明仲有成個星期先考 final, 個 prof 竟然可以o係上星期四已經教晒書!! 足足早o左 2 weeks, 離晒大譜!! 我肯定...當我畢業後, 一定唔記得有 take 過 comp201...淨係記得自己自修過 java。頭先填埋個 course evaluation, 俾個 prof o既分勁低 and 勁俾 command 佢,,好火,,實在教得太太太差。

201 份 project 經過今日一輪 debug 後, 接近尾升了, 唔駛再上 lab ^^, great!! 我對我們組的進度非常滿意 (梗係...日做夜做), 之後可以專心溫 final lu~

再祝大鳥生日快樂~ gary 送俾你張 picture 真係好正!!