2006 年 1 月 24 日 星期二 【晴】

鳳凰山之行 (四大金剛大戰米老鼠)

今次上鳳凰山也算得上是不枉此行，雖然沒有日出看 (就連沒個太陽都見唔到.....)，但和一班好朋友出動反而更難得，讀書時要吹雞就容易，大個了，個個也有工作在身就不同了，要好好珍而重之！

零晨1點45分出發，都唔知上了幾多梯級，終於到左全港第二高的鳳凰山頂了，那時已經四時多了。山頂上有一間小小的石屋用來避風，我們把背囊放好後，就開始煮食，突然雞頭大叫一聲「有老鼠」，四支頭燈就照住那隻剛剛出場的老鼠，紅色的眼睛閃閃發光，阿傑大喝一聲，先把我們三人嚇到，再嚇到隻「米奇」，米奇想跳跑，但捐左好耐都捐唔到出去....終於捐到喇！可能我們煮的公仔面太香，隻米奇又好耐冇食過野，好快佢就入返黎，仲在石凳上出現，石凳放滿了我們煮好的公仔面和打開了的罐頭，我們四人只好用手拿起食物......「米奇」仍然未走，我拿起了行山杖，打了他一下，米奇才識怕，發芧狂奔，奔出那裏？奔左去我們的背囊後才離開......=.=

阿傑把鬼火，拿住公仔面出去引隻米奇現身，於是我叫雞頭睇住d食物，我們三人便出去狩獵，山上大約得5度，還有大風，不夠5分鐘我返回石屋食面，面已經凍了，湯面上還有一層凝固了的油，無奈！

我影了一些相片，大家看看吧！http://www.fotop.net/sungs/lantaupeak

>>January 26, 2006 at 12:25:36 PM GMT+8

2006 年 1 月 23 日 星期一 【晴】

上鳳凰山去

現在是2350了，我已經準備好一個大背囊，今晚和阿傑、傑的細佬和雞頭四人行，行上鳳凰山山頂睇日出，希望有個愉快的旅程！

>>January 24, 2006 at 3:51:30 PM GMT+8

2006 年 1 月 19 日 星期四 【晴】

男兒當入樽

我家中有兩套漫畫，其中一套係男兒當入樽，最近重看了一次，今次重看感覺很特別，因為我試用新的角度來看，我特別留意主角隊每位隊員的成長變化，後來發覺除了主角隊的角色能感動我之外，每個出現的敵人也很有風格，也能感動我。

以下節錄了幾句令我印象深刻的說話，
1.「我想打返籃球….」出自三井口中，背景：初中是最佳球員，升上高中一時因受傷後加入了黑社會，放棄籃球，高中三時返回學校倒亂，在校內籃球場裏大打出手，突然老師出現了…….(這位老師曾在他初中時鼓勵他，所以三井才加入這間不出明的學校打藍球。)
2.「把球放入籃裏去吧！」出自老師(教練)的口中，背景：最後的一場比賽時，在下半場出場時對球員說的唯一一句話，這句是一句最廢的廢話，但如果大家是從第一本入樽開始看的話，大家就會明白這個老師是一個教練中的教練！
3.「雖然你們經常令我生氣，但這隊真是一隊最好的球隊」出自赤木隊長，背景：赤木是隊中最(唯一)成熟的一個，其餘四個是問題球員，令赤木經常大動肝火教訓他們，在最後的比賽中，大家也為了勝利合作得很好。

>>January 20, 2006 at 2:20:38 PM GMT+8

2006 年 1 月 13 日 星期五 【晴】

祈禱的經驗

今日就快行到巴士站時，我作了一個祈禱：「神呀！可否樣我行到巴士站時就有車埋站呢？」當我快要結束祈禱時，我突然心裏同自己講：「難度你作這樣的禱告，那架巴士就會無啦啦開快D嗎？」又有一把聲音同我講：「所以這架車沒有為你開快了，但神已經在你禱告前為你預備好了。」我再想：「咁我咪應該馬上作一個感謝神的禱告？」

我還有兩步就到車站了，車站裏有一個女人等車，她向著馬路方向前行了一步，那時我心裏有了答案！

>>January 14, 2006 at 12:50:52 PM GMT+8

2006 年 1 月 13 日 星期五 【晴】

一種「血」

今日開心了大半天，因為一早就入到元朗的耀道中學，入去為一間就快成立分隊的學校帶集隊。今日出席的隊員有19人，全部都係中一生，每次見到呢個年紀的學生，就好似見返自己細個一樣。除了我，還有兩個學校老師和一位以前玩開童軍的女仔一齊做導師，很高興又識到一班同路人，一齊透過少年軍這個工具來傳福音。

上午集隊後，又要趕返自己的分隊集隊，在上車途中，一位男導師問關於我在少年軍長大的經過，又讚我對隊員解說時很有條理，其實都是多得教大我的導師們。李Sir一問再問之下，我就發覺自已好像在數算神的恩典一樣。今日我覺得自已手裏拿著很多工具，那些工具係傳福音的工具，係輔導年青人的工具，係和年青人相處的工具。那些工具係神親手交給我的，我要好好使用，把榮耀歸給神！

我身上留的血是少年軍的血、是一種很熱的血！

>>January 14, 2006 at 12:38:54 PM GMT+8

2006 年 1 月 12 日 星期四 【晴】

兩個節目

最近我聽多了收音機，今日想在這裏同大家分享兩個節目，

第一個係叱吒903既《鬧爆你》，節目時間內，各位聽眾可以打電話去該節目，找節目主持人，然後大鬧一番，鬧社會、鬧香港、鬧老闆、鬧家人等等，鬧乜都得！

第二個係香港電台既《好人好事》，節目時間內，大家可以打電話去該節目，找節目主持人，然後大讚曾經對自己好好的人。

新一年你會用「鬧爆你」的態度或是用「好人好事」的態度做人呢？我會用「好人好事」的心態！！

>>January 13, 2006 at 11:13:03 AM GMT+8

2006 年 1 月 6 日 星期五 【晴】

光陰似箭

今日係星期六，當然要集隊啦，又當然會在集隊後打籃球啦！每次打完籃球都會好滿足，在球場上跑跑跳跳，出一身汗。但今日好似有D唔對路！？因為多左好多新血，幾個月前還是初級組的麥君漫就快高過我，連鐘浩銘和林氏兄弟等人也轉行唔打乒乓波，走左黎打籃球。其實最近呢兩三次集隊已經係咁架喇，導師的打法也改變了，現在通常會長傳給隊員，讓他們有多一點機會投籃！

其實我仍然好貪玩，好想出全力去打反場真正既籃球，但唔係同宜家既隊員(因為他們仍然未夠班)，我相信導師繼續以今日的訓練方法，1年多之後就可以和他們真正的較量一下，想起都開心！

看見他們成長，我也很開心，感謝主，主讓我未成為一個老豆，但卻讓我有機會教導別人的兒女，又讓我有份開心！

>>January 7, 2006 at 3:42:34 PM GMT+8

2006 年 1 月 5 日 星期四 【晴】

江山如畫張家界

無線最近有個節目叫《江山如畫張家界》，裏面會有一個靚女加葉青霖攝影大師一同介紹國內的山水名勝，自從學攝影以來，經常聽到葉青霖攝影大師的名字，但確未真正欣賞過他的作品。

從節目裏，聽到很多葉青霖大師對攝影的心得，又聽到他攝影的心態，今次真係獲益良多！

已經足一個星期冇好好拿起相機影相，相痛痛快快的去影一輯靚相，好想去旅行，好想有一個攝影的同路人。

>>January 6, 2006 at 1:07:25 PM GMT+8

2006 年 1 月 4 日 星期三 【晴】

朋友之眾會

今日假期冇返工，下午悶悶地，打個電話俾alex睇下佢在邊度，住上水的他原來去左尖沙咀見工，我地一同心裏想：「咁就好喇，下午有節目！」1445先見到佢，一齊去左食Lunch，行左陣旺角再撘車去佢度，傾下計，飲下檸茶食下燒鵝，睇下Beyond 87年既演唱會同彈結他唱下歌仔咁又到2200。

做朋友既野其實好簡單，見下傾下已經好開心，大家也要好好珍借，他朝有一日大家各自有了自已的家庭，有老婆有仔女就更難有這些日子了！

>>January 6, 2006 at 4:43:12 AM GMT+8

2006 年 1 月 3 日 星期二 【晴】

06新人要加油！

最近我都經常同周邊既朋友提起樂壇，新人多就好多年啦，但好耐以黎一個有實力的，可以話一個都冇.....但今年就唔同喇，唔單只係睇得上眼，我道理仔直頭係愛上了！愛上邊個？排名不分先後，衞蘭、SOLER、側田同王菀之。最近求其打開收音機也會聽到他們的歌，確係大飽耳福，希望今年的新人能夠真正做好音樂！

今日收到Phoebe既禮物，係兩隻CD，SOLAR的《直覺》和林夕自己撰的45首金曲《林夕字傳》

>>January 4, 2006 at 1:35:03 PM GMT+8