2006 年 3 月 24 日 星期五 【晴】

經典

今日有導師團契，分享時Avis說：「第一次來參觀你們分隊時，見到阿樑好惡咁鬧D初級組，覺得好唔舒服，初級組啫？(咁細個都要咁惡既意思！」「上星期見到來我們分隊實習的龍Sir被中級組玩弄後，發覺原來係要咁對佢地先得既.......」全場爆肚！

>>March 26, 2006 at 12:32:07 AM GMT+8

2006 年 3 月 20 日 星期一 【晴】

向兩位警員致敬

警魔徐步高殺警一案都算是水落石出了，當中兩位警員，冼家強和曾國恆令我很敬佩。

曾國恆頭部中槍，徐步高企圖上前搶槍時，曾連打徐五槍，全中！再把槍放回槍袋及用對講機報上call台，但最終被血液倒流氣道死亡

冼家強也是頭部中槍，還有大腿中槍，在昏倒前用手扣扣起徐，用對講機報上call台後昏倒。

兩名警員面對死亡也能為自己工作盡忠，身為基督徒的我，可以這樣盡忠我的神嗎？無論如何，兩位警員也是我值得去學習的！

>>March 22, 2006 at 1:45:21 PM GMT+8

2006 年 3 月 18 日 星期六 【晴】

按摩去... ...

今朝一早和家人上深圳按摩，分別有我、家姐、阿媽、婆婆和細佬，替細佬按摩的女仔，係咁摸佢，我細佬成個彈起！仲俾佢笑，話佢未拍過拖。

今次係我第一次去按摩，都幾得意，家姐俾晒錢，用了約千五元....多謝家姐！

>>March 22, 2006 at 4:13:24 AM GMT+8

2006 年 3 月 17 日 星期五 【晴】

旋風四號 (第二課)

今朝和上個月今日同樣很早起牀，九點半就在突破正式上課，上午是各組員Show Time的時候，帶領其他組員進行歷奇活動，我、碧琪和阿康(188隊長)三人一組，在中午飯後才帶活動，之後就係一連串的檢討，由麥淑華(Cherry)和李德誠負責。檢討完已經四時多了... ... 時間過得真快！

之後竟然就係全日最後的一個遊戲，高牆 (high wall)，德誠說這活動能帶我們去到「高峰經驗」，Cherry又說高牆是low event裏高危的一個活動，好容易受傷。行了少許山路，到達高牆現場，比想像中高很多，大家也認真起來... ...德誠用金句勉勵我們，又問我們為什麼要上去(上那高牆...13呎)，我把問題改了，我問自己，為什麼在一個月前已經計劃好今天我要第一個上去？

我有三分鐘時間寫下來：(和我的現實生活相似)
1. 我想成功
2. 我想更有勇氣
3. 我想跳出安舒區
4. 我想祝福別人

德城再一次集合我們說：「上去和上帝相遇吧！」，漢全又為我們禱告：「我們向高山舉目，我的幫助從何而來....」我面部開始抽搐，眼淚要留下來了......我看得見清清楚楚在前面有兩個因難，

1. 何時結婚，如何建立一個家庭
2. 尋找事業的方向和實踐的過程將會很痛苦

禱告中途心情已經平靜下來，活動完結了，德誠和我們一同分享，問了我們三個問題，當第十四位亦係最後一位組員問完第三個問題後，德誠叫我們往後望，一個完整剛巧沒有雲蓋著的太陽快要下山.....很美麗，約兩分鐘後，太陽已經完全下山了，那時我知道，上帝是喜悅我們每一位今天所作的！

>>March 22, 2006 at 4:14:17 AM GMT+8

2006 年 3 月 15 日 星期三 【晴】

道理仔講道理

第一篇 (服從)
在制服團體長大的我，一直以來都是從服從中成長，今日也在教導青少年人服從，近日在一件小事上對服從有新的看法。少年軍裏話我知，我要聽命導師的說話，我未必需要知道背後的意義或理由，但我就是要去服從，我很樂意這樣做，因為導師是我敬佩的人，服從又使我得到別人的肯定！

前兩日我在公司收到上司叫我做一點事，當我獨個兒在做的時候，我就想... ... 這件事可能有更好的方法去做、如果那上司我是不認同的，我還會去做嗎？今日我知道，如果我事事都問清楚，又要知道背後的理由，又選擇我敬佩的人來聽命，又要得到別人的認同才服從，那就一定不是服從。

第二篇 (對與錯)

一年前買了幾對行山穿的襪，每對都要過百元，但著過之後就知道「襪」有所值，吸汗、厚身、襪頭又唔易鬆等等，但那幾對襪都有一個「特別」的共通點，一隻寫住「L」，一隻寫住「R」，「R」那一隻的襪頭外檔還有牌子的Logo. 每當我趕時間時，我就忘記把「L」那隻穿在左腳......等等......又要費時再穿一次，因為要穿返正確.....點解襪子要分左右呢？ 可以不分左右嗎？答案係可以的。

人生也是一樣，國家的文化、傳統、長輩的教導等等，有些可能係無義意的規範，在你生命中出現，它的功能只有一個，就是說：「你又做錯了！」快點找它出來，因為它是無用的東西，還在阻住我們成長呀！

>>March 16, 2006 at 6:53:31 AM GMT+8

2006 年 3 月 14 日 星期二 【晴】

陶吉吉演唱會 (一個月前篇)

下個月的今天就是我去睇陶喆演唱會的大日子，不過可惜女朋友唔同我去... ... 冇計啦，佢唔鐘意既野，係冇人迫到佢的，佢亦好少為了男朋友去做D自己中性的事，除非佢本人都好鐘意啦。好在仲有阿蘇同我去睇！

今次買左$200蚊既位，阿權話會借支長鏡俾我....天父對我真好！其實考慮左好幾天，買唔買飛好呢？最後俾左一個一定要去既理由自己，就係.............香港冇乜有質素既歌迷...既然我係極少部份的其中一位.....那麼....我一定要去啦，要把陶吉吉演唱會的質素再提升呀！！


自大中.................................................嘿嘿嘿^^

>>March 15, 2006 at 12:55:47 PM GMT+8

2006 年 3 月 14 日 星期二 【晴】

間房好多地方都係塵，一路都唔想抹，因為枺完冇耐都會再封塵.... ....但有一個地方始終都要抹既......就係放了女朋友相片既相架喇.....我唔想女朋友封塵....

女朋友.....希望你可以快d讀完書.....變返個有精神既樣.....又可以同我周圍去.....

阿樑，你都要返d返黎呀，BB等住你呀！

>>March 15, 2006 at 12:45:14 PM GMT+8

2006 年 3 月 9 日 星期四 【晴】

山野急救 (蛇咬篇)

早前報讀了一個名叫山野急救的課程，共六堂，六個課題，六個不同醫生，簡稱666，其實之前上個兩堂都有點失望，因為唔係自己想要既野，今堂個醫生好搞笑，佢係一個蛇痴，係咁俾D蛇相我地睇，把口又係咁UP住：「好靚呀，真係好靚呀！」又不停分析唔同種類蛇的生理結構，性格等等，但講到急救處理就相對少好多，可能唔係佢既興趣啦。

此時此刻我唔能夠100%懂得處理被蛇咬的傷者，但我一定認得那條係乜蛇，同點捉蛇！死味！？

>>March 10, 2006 at 2:04:01 PM GMT+8

2006 年 3 月 7 日 星期二 【晴】

三分

約兩個星期冇點運動過，今晚放工後約左日華打波，球場冇人，我地係咁射波，我入左好多球三分，仲好似連續入左五六球.....打左個半鐘就走喇，因為明天仲要返12個鐘頭呀！越少運動就越唔想運動.....同靈修一樣....唉.....條腰既舊傷都係好唔晒....

>>March 8, 2006 at 3:34:28 PM GMT+8

2006 年 3 月 3 日 星期五 【晴】

一位朋友

今朝一早就起牀，因為要到元朗的一間中學帶集隊，阿賢 (教會的弟兄) 早前約我，想看看那裏的集隊，於是今日約了他。九點鐘在美孚站集合，一見面時，我兩就嘴不停，正式集隊前，我兩一起禱告，感覺很好呢！

下午準備返分隊時，最後還是決定留在家裏睡覺，因為真的很累，剛剛在開始返長工，未能適應... ...

>>March 5, 2006 at 6:00:21 PM GMT+8