2004 年 2 月 23 日 星期一 【晴】







>>February 26, 2004 at 8:02:59 AM GMT+8

2004 年 2 月 22 日 星期日 【微冷】

今日下午食飯發生左件事
係我睇唔過眼既事囉．．．
咁我理所當然在廚房食飯架啦
公司阿媽就比老細點左入黎執野喎
（當人阿四咩？）
阿一又睇唔過眼人地冇咩特別野做！
唉！點解唔比人地抖一陣？
咁公司阿媽佢幫co-or執野執左成朝都好累啦！
都唔識得體諒一下人既
再者！！阿一好唔岩囉～～～
當住咁多人（包括其他部門同事＆會員）
話「你用下個腦啦」～癲架！
咁你唔講人地點知放邊呀？一陣唔岩你心意又比你剷
唉～阿一走出左門口～～公司個阿媽就喊喇
唔知點解睇到佢喊～～
我唔識得安慰佢～～　只係我都好想喊呀
因為真係好委屈佢（記得果陣大大都係咁）
不過新同事都安慰佢．．．
我就只好由得佢靜下．
我出番去ｏｆｆｉｃｅ
之後阿媽就去番co-or度做野
咁阿一就入廚房又出番黎
問我！！ｘｘｘ（全名）去左邊？
我話去左co-or度幫佢地手囉
咁佢即刻打去問co-or佢係唔係0係度
好似驚佢唔知蛇左去邊咁
咁阿媽好快又做完落番黎中心
又入番去「柴」房～
阿一竟然鼠左入去同佢ｓａｙ　ｓｏｒｒｙ
只得佢地兩個！！話人果陣又唔見咁？
已經比佢插左刀～流哂血啦！有埋傷口
有埋疤痕～依家先同人ｓａｙ　ｓｏｒｒｙ？
咩都救唔番啦！心靈創傷～～～～
之後阿媽話聽日開始放足４日假！！
真係頂佢唔順囉～～～～～～～！！！

放工之後，逢星期一．．
我又係去找麥叔叔囉～
今日係教靈修～與神溝通^^
之後順便同佢傾計～～
傾到八點鐘呀
今日都同佢講開下午發生既事
佢真係講得好對呀！！！

>>February 23, 2004 at 2:24:40 PM GMT+8

2004 年 2 月 21 日 星期六 【晴】

今朝阿爸本來話飲茶架～
但懶人話唔去．就就哂呢個懶人喇
（其實就係我）～～～
之後媽咪煎左ｄ黃金糕比我食
煮左個麵比阿爸食～
跟住２點幾～～
我同阿媽又出左去Delifrance度食TEA
食左個三文魚焗薯～～^^...
加沙津加檸檬茶～～好幸福同埋飽到上心口
食飽飽後～搭車去左深水步～～～
過去換個有線解碼器～～
（不過事實上換左回家都看不到，因為大多現在都行光纖了）
經過深水步～～呢個我當然會睇衫啦
ｈａ．．咁我拿住一條褲～～
有個婆婆都話靚呀^^...好搞笑
阿媽話同個阿婆講以為阿婆話我靚
跟住阿婆聽到話：靚，都靚呀！！
幾搞笑呀～～　tum得我好開心喎
ｕｍ．．又買左件褸～～瘋狂中＞▽＜

>>February 23, 2004 at 1:35:34 PM GMT+8

2004 年 2 月 20 日 星期五 【晴】

今日我個喉嚨真係覺得好辛苦呢
一早11點幾就開始搬野上五樓既「健康推廣日」
不過好彩都有好多人幫手者
我同新同事以為我地都冇飯食架喇～
點知ｄ飯盒有剩３盒^^...咁我地３個人分左黎食嚕
咁我覺得樓下既２位同事好似唔係咁公平咁
同事仔仲自己帶野番黎食添
好快食完又得個「做」字
我ｓｅｔ好ｄ攤位～～
老細完全冇叫我做ｄ乜架喎
我係周圍巡～踩場架
但係～～我會好勞氣囉！0係一個攤位度
咁個攤位要拎籌先得既．．
講左十萬九千七字～～呢個要拎籌先得架
咁我就拿住ｄ籌～～派一個鐘４０個人
咁有ｄ人就野蠻到爆燈！～
明明唔係佢個時段又要0係呢個時段淨住要做呢個ｔｅｓｔ
真係勞氣死我喇！我係同佢講道理囉
咁佢又0係度嘈喎～呢個世界乜人都有囉
之後我就唔理佢喇！！～～哂咁多口水佢都係唔明架喇
我都好慶幸，我做呢間長者中心既會員大部份都係好有教養囉
間唔中先有呢ｄ麻煩人～～
不過一早比我ｂａｄｌｉｓｔ哂～～生人勿近
好難捱先完個function啦！！
老細完左之後話，好彩冇亂！！
老細呀老細，你睇野太表面喇．．
亂果陣唔知你行左去邊囉
我同新同事都好應同囉
．．．．．．．．．．．
番到去累到成隻野咁呀！！！
即刻訓喇～～～～～～
起身食飯，阿媽話我係咪擔泥黎
咁辛苦，唔好做啦！！咁樣囉～～

>>February 22, 2004 at 3:01:42 PM GMT+8

2004 年 2 月 19 日 星期四 【晴】

★・★・★・★・★・★・★・★・★・★・★・★・★・★・★・★・★・★・★・★．★・★・★・★・★・★・★・★・★・★・★・★・★・★・★・★・★・★・★・★

今朝多左個名添！！好搞笑 新同事話我係「小ｉc」 ｈａ～佢地打完ｄ野比我過目過先比老細 (center in-charge)，都係我知老細心意嘛！ 係我先頂得佢順．．． 同埋係「慳家妹」~~ 我成日就住中心ｄ野黎用 e.g　ｉｎｋ同埋紙！ 咁快用哂～第一，我又要去買！ 第二，中心冇錢嘛！！ 今日為左想早ｄ可以收工！！ 又係食左幾個字飯就出番去做野 （！今日襯少少時間打左個電話比嫦姐呀， 　　好掛住佢呢！佢話遲ｄ得問約埋陳姑娘 　　一齊出黎食餐飯呀！！^^） ～老細手寫完個申請書 叫我打左去，佢話「如果今日打得哂就打， 打唔哂就聽日打」 下！？係咪反我？聽日邊有時間打 即係比壓力我叫我今日打哂佢者！ 我好努力咁打打打＠打得哂喎！（不過一定有錯） 臨放工（都５點幾）又要幫佢掛ｂａｎｎｅｒ 搞到我５點９先走得～～嗚．．． 今日好曳曳呀．．冇番到教會！！ 我買完演唱會飛先記得呀 唔乖一次咁多啦！ 搭船轉巴士～６點半先過到去紅磡火車站～～ 跟住同ｋ就去國際新都會度食左少少野， 又去埋零食物語買野食＆野飲。。。 我地就入場喇！！ 差唔多８點半先開場呀！！ ＜I AM READY>關心妍演唱會 今日準備左望遠鏡大派用場～ 一v一 V ．關心妍今日第一個嘉賓 - 陳慧嫻 同佢合唱＜拈花惹草＞。。 好搞笑地，佢拍埋ｊａｄｅ度，咁肥既！ 之後～～有傅佩嘉～～自彈自唱ｊａｍ歌 跟住呢個勁呀！！！有　呂方！！ 佢講野都幾搞笑！ 佢同ｊａｄｅ合唱＜妳令我快樂過＞好正呀！ 仲有最鍾意既＜without you＞saxophone solo唱加吹^^ 有幾ｐａｒｔ都覺得ｊａｄｅ好似佘詩曼呀 個演唱會１１點半完～～　 整體都ｏｋ～～不過都係睇周杰倫＆Ｆ４多野ｄ咁！ 之後就搭巴士番去嚕 好快番到去呢～４個字！跟住好快搞埋ｄ野覺覺豬

★・★・★・★・★・★・★・★・★・★・★・★・★・★・★・★・★・★・★・★．★・★・★・★・★・★・★・★・★・★・★・★・★・★・★・★・★・★・★・★

>>March 20, 2004 at 7:22:08 AM GMT+8

2004 年 2 月 18 日 星期三 【晴】

最近又開始忙起來
呼～～老細話今個禮拜六前比個會訊佢睇
因為黎老闆下個星期要番大陸
我同佢講話「唔得喎」。。
唉～～～不過我都係盡我既可能啦
好辛苦！！！
不過同事仔都幫我打ｄ～～好彩得佢
今日我都留到６點４先走
社區中心ｄ麻煩囉
又要借我地個場比班中學生
好大膽地～佢地搞我地出面部電腦囉
之後我又要ｓｅｔ番ｄ野入部電腦度喎
好心佢地搵人睇住佢地啦
再之後我又要整張告示喎
煩呀煩呀

>>February 20, 2004 at 4:42:14 AM GMT+8

2004 年 2 月 17 日 星期二 【乍暖還寒】

我都唔明點解有幾個會員都係咁樣講阿一！
而佢自己仲唔知既。。
好似人地行出去同Ｄ會員傾下計
（又唔係走左出中心範圍同Ｄ後生傾計）
佢都好似當人冇野做咁～～
講到第三句就點人去做野
Ｄ會員睇到都唔抵得呀。。。
今日晏晝佢又出左去開會
有個會員入左黎ＯＦＦＩＣＥ同我地傾計
又係講佢～～
我覺得佢講得幾岩架！～
讀咁多書（仲要係讀社工添）
都咁樣做野法！～
今時今日咁既服務態度係唔得架
唉！佢個人就只有ＹＥＳ同ＮＯ！
冇其他彈性架喇。。
所謂江山難改，本性難移
佢點樣想改都好難喇

>>February 19, 2004 at 4:47:03 AM GMT+8

2004 年 2 月 16 日 星期一 【晴】

今日好努力咁做左個攤位遊戲。。。
跟住做呢樣做果樣。。
黎老闆又吹我快Ｄ做好張電腦班cert
好彩佢入黎果陣我係做緊～～
好快手做左比佢嚕～～

放工之後約左ＫＡＲＥＮ同佢食飯
好開心見到佢呀^^...好耐冇見
我同佢去左銅鑼灣～～
周圍行左一陣之後～
我地就去食晚飯
今次同左佢去ＴＨＥ　ＢＡＲＮＩＩ度鋸扒
我食左鐵板豬扒
佢就食左個大蝦西冷扒
真係極飽=.-
我地出番黎果陣0係ＳＯＧＯ後面見到古天樂拍野呀
都幾型喎！！～
跟住我地去左宜家傢俬
我地都覺得成日行銅鑼灣行到唔知行邊好了
所以我地１１點就走嚕
我又眼訓佢又眼訓了嘛～～
番到去又飽又眼訓。。。

>>February 18, 2004 at 6:20:45 AM GMT+8

2004 年 2 月 15 日 星期日 【晴】

今日同事仔到佢傷風。。（唔知係咪我傳比佢）
公司阿媽又比左Ｄ藥（黃色細細粒）佢食
上次我傷風好勁佢都係比我食囉（唔好亂食藥呀）
上次睇醫生都係比左３大包我食
政府醫院都係食呢Ｄ，所以都唔怕
公司阿媽話佢前幾日身痕敏感睇完個鬼妹醫生（上次我睇果個）
佢比左好多藥佢，仲有噴鼻～仲有防敏感既沖涼羔
個醫生真係好呀

今天很累呢～～（基本沒有一天不累）
但今天放工還是有去找麥麥～～
他是裁培員^^...到底裁培甚麼呢!!??
呵呵~~

>>February 18, 2004 at 6:41:20 AM GMT+8

2004 年 2 月 14 日 星期六 【晴】

＠ ＠ ＠ ＠ ＠ ＠ ＠ ＠ ＠ ＠ ＠ ＠＠ ＠ ＠ ＠ ＠ ＠ ＠ ＠ ＠ ＠ ＠ ＠

今天陪了爸和媽外出～去旅行 昨晚夜睡！～～今天老早的起床（７時多） 我這個愛睡的大小姐當然很想懶床ｚｚｚ 但不行啦！還是要起來～～～ 吃過早餐後～～～ 我們便出發了～～～ 一家大小～跟婆婆那家３口人～ 舅父一家４口～我們一家４口～ 一行十一人～～～　出發 第一站～～　沙田車公廟 我當然沒做過些甚麼事情 陪他們好了，我只是逛了一個圈擺了。 第二站～～　蓬瀛仙館午膳 十一時就吃午膳嚕～　還好啦！～ 反正就是吃素吧～不太飽嘛 早兩年還是有帶一班會員去吃 記憶中只有我自己一個跟車帶他們一行三十多人 嗯嗯～～　跟他們到過的地方都記得 吃飽我們就到 第三站～～　寶生蜂場 蜜蜂＠＠＠　天氣很熱～～　人又多 沒有去聽講者講解=.= 然後～ 到第四站 大埔林村許願樹 當然沒有許願（我還是想用錢買一個橙吃下肚吧，哈哈） 途中～看到一個「年年有魚」的新年吊飾 我在人家的舖外看到已經很欣賞了 本打算買下來的～～ 可是！～２５大元唷～～（我說２０元才會買） 沒啦～房子裡越來越多「玩意」了（垃圾多的是） 媽叫我不要買了，但爸說買給我^^" 但我還是不要啦～～跟爸說了句：「我唔可以咁任性架！唔買」 哈哈哈～從小到大爸看到我喜歡的東西就買給我 我是家中的皇后嘛（爸有時候都喜歡稱呼我為「女王」） 呵呵 到最後一站了～天水圍的千葉跳蚤巿場 我覺得這個跟上環的大笪地差不多^^ 逛逛也無妨～～ 臨走差不多要上車的時候～ 我四處望望～～～ 先看見一個「熟口熟面」會員甲！～ 噢！～再看見一個會員乙！！！ 因為跟這個乙先生也很熟絡的 還是要跟他打個招呼！！ 天水圍也會遇到！！！真巧合 跟著我們更坐車回家嚕～～～ 回到去５時多～～ 要睡個覺ｚｚｚｚ ６時又要爬起來～～ 去了西環吃晚飯～～～ 累～～～～～～～ ． ． ． ． ． 今日ｋａｒｅｎ生日，生日快樂呀！

＠ ＠ ＠ ＠ ＠ ＠ ＠ ＠ ＠ ＠ ＠ ＠＠ ＠ ＠ ＠ ＠ ＠ ＠ ＠ ＠ ＠ ＠ ＠

>>February 16, 2004 at 3:37:10 PM GMT+8