2004 年 4 月 3 日 星期六 【炎熱】

今日一朝早起身去左柴灣拜山。。係～又去拜山。。
連續兩個期都頗累喔！！
２點才吃午飯～飲茶丫
之後３點鐘～～就同表姐搭地鐵去太子
年年清明節都係同佢去太子行丫
因為太多時間唔知去邊好
搭緊地鐵加映左一件爆笑事件簿
搭搭下地鐵～～表姐同我講：「我見到言承旭呀」
之後我好呆咁唔知佢講乜丫嘛～（因為佢實在好鍾意）
咁我話邊度呀？佢就指去地鐵隔幾排座位
咦！真係言承旭喎～
之後我地仲跟蹤到佢0係金鐘落車添啦！～
跟埋佢上車～～近距離添呀
言承旭就在油麻地落車～～
哈哈～～～呢個言承旭其實係＜魔幻廚房＞既人形紙板！～
一比一咁大丫！～　表姐仔已經開心死
我地去到太子～行左聯合廣場啦
買左隻耳環～　之後我地就去花園街
由街頭行到街尾～由街尾行到街頭
有收獲^^v買左條，頸鍊～之後又買左隻耳環丫！
0係花園街買果隻係同表姐一人一隻呢～
跟住買左件衫又係一人一件丫～做左ｔｗｉｎｓ
（之後番到去表弟話做咩扮ｔｗｉｎｓ～
個組合名叫「微型」→我地兩個加埋個名，嘰！）
都唔夠時間行啦！我地行到８點～都要閃人番去食飯嚕
本來諗住去睇細妹ｄｒａｍａ架！ｂｕｔ行街又趕急ａ．。．
又要落番去食飯丫～～要人等就唔好
有機會先啦
夜晚成１１點半先番到屋企丫～超累累




>>April 5, 2004 at 4:21:02 PM GMT+8

2004 年 4 月 2 日 星期五 【晴】

今日番工都冇野做咁呀^ｗ^...
呵呵呵！～
仲同大大公然傾左陣電話添
唔怪得ｋ話我番工好似玩咁都唔似番工
有時真係啦！有時我幾ｅｎｊｏｙ架
同ｄ同事開心～同ｄ會員開心^^

本來諗住下午出街架
但每次番到屋企都會想訓既～
又同大大傾左陣電話去了昏迷了
起碼訓左３個鐘ｚｚｚ愛睡的

ｋ腸胃炎．．真可憐喔＞＜

>>April 3, 2004 at 2:23:49 PM GMT+8

2004 年 4 月 1 日 星期四 【雷雨】

咁快就三年喇。。
即係黎左明愛已經踏入第３年嚕
記得第一日仲戇下戇下咁。
我唔笑唔代表我ＣＯＯＬ。
哈哈哈！真的～叫慢熱
敵不動我不動～呵
今日都係同大大相識三週年紀念日～～
^^...一定要慶祝啦。


今日食完飯太無聊。。
去左同ＡＤＡ姐姐傾計^^...
佢見到我帶左個十字架，
問我係咪基督徒！～
我話我算係架^^.....
佢好似唔信咁～
問我受洗未？！
佢話乜有基督徒咁ＩＮ架咩？
（佢仲話我係咪去識男人，
真係該檜。。教會Ｄ人唔岩我）
佢原來都想番教會喎^^
仲想同我一齊番咁^^....
之後Ｃ子狗出左黎，我就走都走唔切嚕。。

好開心呀～今日見到同事仔戴住我送俾佢既鍊鍊
佢話係我Ｄstyle～３Ｄ立體咁樣
銀色立體蝴蝶～呵呵
我咪同佢講！～我都好鍾意架！～^^
實在好靚靚丫嘛

放工之後行中環喎～～
又在同一間舖頭度～
遇見同一個舊同學。。
Ｅ。。^^　
我地一齊行舖頭睇衫衫呀～～
仲買左件Adidas既背心。。
好正架呢～

>>April 6, 2004 at 5:23:55 AM GMT+8

2004 年 3 月 31 日 星期三 【乍寒還暖】

今朝番工好奇怪喔！
一踩到入中心門口。。。
咦！多左個人既？！
呢個人本來係社區中心ｄ關懷大使來架喎
我冇理佢走左入廚房放飯盒嚕
點知，同事仔同我講！
佢今日黎呢度番工～～
我即刻好大反應話～～
慘喇慘喇！我地開口中呀！
之前因為我地兩個都接觸過佢
印象唔係咁好！～～～
因為點解上次佢跟埋同事仔一齊去旅行
好似比人教番我地做野咁囉
之後對上果次佢同同事仔講話佢都好想做我地呢ｄ位
又有得帶旅行又有得做文職ｄ野
比佢恨到喇=.=我地就慘喇．．
呼～～因為好多人都知道我地辦公室係幾咁大架啦
而佢既身形就。．。．我話佢有兩個我都有人信=.=
今日佢經過我後面..我背後咪有個File櫃既。我縮得幾辛苦呀！
今日我都唔敢同佢傾計呀=.=　
雖然佢比我細少少呀（我已經唔係全中心最細個喇）
～～但總好似格格不入咁!?
我都係鍾意同ｄ成熟ｄ既人傾計咁
今日Lunch同番ａｄａ講！
佢話恭喜哂我地囉！佢話佢好鍾意點人做野
我地係唔會比佢點既～～～精明精明

今日下午開會丫。。。
好眼訓ZzZzZ
不過今日開會好快咁
黎老闆其實都幾有見地
佢都話「唔好比人點番轉頭先得」

又一年！
記得有一次見到張國榮，真係好ＮＩＣＥ
上次仲拎埋佢簽名

＊永遠懷念張國榮＊


>>April 12, 2004 at 6:30:03 AM GMT+8

2004 年 3 月 30 日 星期二 【晴】

今朝～早左五分鐘出門口．ｈａ
落左去樓下間餅店諗住買蛋糕的！
但係見到唔係咁靚～
所以轉左買西餅番去。
皆因今日係同事仔生日。。。
加上公司阿媽今日就要走喇＞＜
咪買番去一舉兩得咁樣～～
番到去。我同左老細講
老細好抵死話：乜你咁心水清？
我話：下？！（冷笑中）
佢又話：「我都有企圖買架！不過太晏咋嘛」
係咪呀老細？我之前都諗驚有人會買架
點知係冇既～～算啦！

今日好似好累咁！
無端端用左我ｄ寶貴時間
無端端幫佢用電腦Project野開組囉～～
之前唔知發生咩事。。
我諗住幫佢ｓｅｔ好部機就閃番入去
點知.......佢冇意圖或企圖走埋黎我度喎
咁我就唯有要坐左0係度幫佢了＞＜

之後３點佢去左開中心會議喎
正呀～～　可以靜下
之後４點同佢地兩個食蛋糕
佢地朝早都唔知我買左蛋糕比佢地食
本來諗住唱首友誼之光
贈下慶！哈哈（監獄歌嘛）
之後唱左幾句生日歌比同事仔聽
其實點首ｔｏｄａｙ就岩^^

臨放工老細同公司阿媽講：「前途一片光明呀下」
公司阿媽話：「我行出呢個門口就會光明！」
同事仔之前都話：「行左出去唔好望番轉頭！之前Teresa 就係望番轉頭，
　　　　　　　　　所以要番多一次黎做！」

呼～～別了依然相信以後有緣再聚！！

>>March 31, 2004 at 3:32:45 PM GMT+8

2004 年 3 月 29 日 星期一 【雨】


尋晚無端端夜晚落雨喎＞＜
唔鍾意落雨．．．

今朝老細又放假勒
實質佢有４１個鐘OT...三十幾日年假！
幾時放得哂～～根本就爆咁滯！
放哂去啦放哂去啦

唉唷～今日到同事仔中招啦～
上次提起那個超級無敵無品之中既極品
同事仔對完個無品人番黎同我講番佢ｄ「大牌」野囉
難為同事仔了．．．
我今日係咁閃係咁閃～～ 閃避呢個人啦．
此人已列入本中心黑名單中

本來我地既目標係５點３的！
但！！！５點社署ｄ專員先黎visit
我又要睇住班番黎幫手電腦戥腳既人仔
=.=搞到５點半先放得工
放工途中見到少娟！ｈａ．．
好好傾～～一路行一路傾！！
ｂｕｔ佢去銅鑼灣～～我地就各散東西喇

放工約左ｋ在地鐵站借野比佢～
之後就走人啦！！
落大雨！！！！濕哂
但我都去買左ｄ野比同事仔丫
好靚呀。。。
係蝴蝶型的項鍊^^...
自己都好鍾意添！！！＞３＜

>>March 30, 2004 at 3:02:19 PM GMT+8

2004 年 3 月 28 日 星期日 【微冷】


今日放左工都有去麥ｓｉｒ度聽佢講野呀
佢真係講得好明呀
我真係要努力睇聖經先得喇

夜晚去左婆婆度食晚飯^^

>>March 30, 2004 at 3:42:04 PM GMT+8

2004 年 3 月 27 日 星期六 【微冷】

今朝８點就要起身喇
吃過早餐後～～
我地就約埋舅父、舅母、婆婆～
大家一齊去柴灣掃墓了！！～
早早起床實太累～～～
今天考慮到一個問題！？
是否應該「上香」給祖先呢
聽了哥哥說～不吃那些食物就可以了
（但我吃了喔，肚子餓嘛﹝不聽話﹞）
呼！～～１點才回去～
２點才吃午飯～～
我們去了飲茶啦！～
然後吃飽後～～～
我回家就昏迷了～～‵
４點睡到７點嚕。。
呵呵呵！～～ＺＺＺ

>>March 29, 2004 at 3:38:20 AM GMT+8

2004 年 3 月 26 日 星期五 【乍暖還寒】

今日...老細＆同事仔去左旅行丫 一朝早搵我黎搞！～我幫佢地整車果ｄ野 ｄ人又咁快落到黎喎～成日都咁心急架～～ 唔理佢地啦/.\～～　 佢地出左發仲衰！！～～～ 得番我一個同佢地收哂九十幾張凳呀．．嗚嗚 公司阿媽又要煲湯～～～～～ 隔離ｄ阿姐又番１０點喎～～算！！！ 比著以前既我，我會覺得好委屈！ 但係人大左！～　覺得冇乜野啦！ 收咪收囉．．能屈能伸～我有手有腳！ 仲有要跟個跳舞班～ 跟住又要幫佢搞埋個週末茶聚 １點鐘入去食粥＆粉～～呼．食完即返出黎看檔啦 下午的社交舞中＆初班 好彩今日冇乜電話響（因為ｄ人去哂旅行嘛） 再晏鍾姑娘個講座又要幫老細錄音！～ 之後再飲埋公司阿媽煲既湯～ 佢地就番黎啦！～～～ 真陰公呀同事仔，佢跟果架車係冇咪架＞＜ 佢把聲又細喎．．再加上佢仲病添！！ 希望佢星期一番工冇事啦 最後我地六點鐘走人！！～

>>March 28, 2004 at 3:46:55 PM GMT+8

2004 年 3 月 25 日 星期四 【晴】

今日極度忙碌！～
好累喔！
聽日D人仔去哂旅行
好耐冇試過兩架車囉～

淨番我同公司阿媽啊！！忙



>>March 27, 2004 at 5:42:11 AM GMT+8