2004 年 3 月 4 日 星期四 【晴】

今日番工事件薄...
話說今日老細吃過午飯之後肚仔痛...
佢話佢食左上海舖ｄ蝦人炒蛋嘛
又話驚ｄ蛋未熟～又話ｄ蝦唔乾淨
跟住同事仔比左ｄ腸胃藥佢食．．
佢好番ｄ之後話～～～
唔怪得肚痛～原來今日係。驚蟄。
佢犯小人喎！
迷信～

今日番團契...
有時有ｄ野都幾深！～
不過好彩麥麥好用心解釋我聽
其實學到ｄ野0係日常都會用番出黎

聽到呢隻歌真係好好聽呀^^..
好有意思..................
MIDI 版


MP3版


愛是不保留

常聽說世界愛沒長久，
哪裡會有愛無盡頭？
塵俗的愛只在乎曾擁有，
一刻燦爛便要走！

而我卻確信愛是恆久，
碰到了你已無別求；
無從解釋、不可說明的愛，
千秋過後仍長存不朽！！

誰人受痛苦被懸掛在木頭？
至高的愛盡見於刺穿的手；
看！血在流反映愛沒保留，
持續不死的愛到萬世不休！
惟求奉上生命全歸主所有，
要將一切盡獻於我主的手；
我已決定今生再沒所求，
惟望得主稱讚已足夠！

>>April 7, 2004 at 2:15:03 PM GMT+8

2004 年 3 月 3 日 星期三 【晴】


今日同左公司阿媽影相相呀。。。同埋Ｄ會員^^
晏晝老細又出左去開會啦！！
今朝實在頂佢唔順喇。。。煩煩煩！
催催
下午我們好輕鬆咁工作～～呵！
我地晏晝玩到傻丫～～
又在office影相～

中間果個係新同事呀～
之後同事仔話同我地用手機影來電顯示張相
好搞笑丫～我通常都係　v^o^v　咁影架
出黎個效果好得意架呢

>>March 5, 2004 at 6:37:51 AM GMT+8

2004 年 3 月 2 日 星期二 【颳風】

今日好平凡咁渡過呀～～～
不過陪老細做野做到６點先走！～
我都唔想陪佢～邊個叫佢要我打！打！打！字
累丫。。。
呀。。今日又涷番～～
我Ｄ病又發作喇＞"＜
媽咪用心良苦沖左Ｄ葛根湯比我飲之後訓覺～～
呼～～～～～～～～～～～～～～

>>March 4, 2004 at 5:18:56 AM GMT+8

2004 年 3 月 2 日 星期二 【暴雨】


今朝早番到公司就準備中心生日會Ｄ野
今日阿一搞個生日會有點兒那個
似show爐同埋臨時拉夫=.=
總知就要識執生啦～～～～

下午食完午飯去了圖書館小休
最近多左好多電腦書～～
我最愛！！～睇既書^^
同時我休息的好去處
呢個月同阿一食１２點
我食完即閃架啦～～～
之後落番來見到麥麥
佢都好關心我....中心比長者用部電腦柴左
ＨＡ～～佢話佢有個hard disk買多左
叫我同老細講佢幫我地整埋
唔駛搵ＣＩＴＡＣ(明愛資訊科技xxx）
好好笑佢話本來個hard disk $562
之後收我友情價！！ 只不過係$560～～
真係好～～～～～～～勒

放工都0係地鐵站撞到麥麥～～
我地一齊搭地鐵囉....
我就在金鐘落～～
約左大大～
我地今日去尖沙咀～
行街街。。估唔到我有收獲囉
誘惑我啦～～～
冬季大減價！！～買左兩件衫呀
行左間舖頭都好耐下喎
本來想買條短裙仔！！都好抵！
紫色好靚～但我忍手啦～我都好少著=.=
我地去左許留山買野飲～
之後我地就行加連威老道～～
好成功地我冇買野！大大就忍唔到手喇
恨左好耐件褸終於買左，呵呵
行到肚仔餓～～　本來想去食→傷心豆腐花←
但係路過我地見到間魚生壽司舖～
就入左去食啦！～都唔錯啦！
盛惠$75大元啦～～　

同大大一齊食咩都好開心^^...

>>March 3, 2004 at 6:49:01 AM GMT+8

2004 年 2 月 29 日 星期日 【炎熱】

今朝返工途中真係嚇親我呀...
真係好驚呀
路過搭棚果度飛左枝短竹落黎～
我行過左之後～（１０步之後倒啦）
聽到「棚」一聲呀！
咁我擰返轉頭～枝竹0係地下唔知碌去邊嚕
我第一時間當然怯左一怯～～
之後我個心．．．係感謝主呀！！
我聽日行過對面馬路返工喇.......驚！！

番到去開我個電腦班～～
跟住個整電腦system哥哥黎左～
幫我地update～之後～～
佢好好人～幫我地整埋個router呀
我話佢咁犀利既^^..佢笑左一笑
好ｎｉｃｅ～～
當佢整緊途中，老細去左家訪！
我地３隻野又0係度開是非小會
講到佢地話老細淨係唔鬧我
我話佢地一個「以靜制動」
另一個「以動制動」即係硬碰硬
其實如果佢有唔妥我的話～
我唔介意囉～我有我工作～～
我有我方法嘛！～
我又善忘喎～～話咁快ｄ唔開心野就唔記得
所以我頂到咁耐就係咁
我地３個人都好合拍！～
好似今日同公司阿媽講野咁～～
同一時間對住個會員講埋同一句說話
我同佢講，我地幾時變得咁合拍
佢就話，做得佢個女都有番咁上下
今日個哥哥仔講解到１２點半呀～～
我今日食１２點嘛～～咁我１２點８先坐定定食～～
食到１點咋．．．又係咁！～
之後得番我一個日看檔～～
佢地４個都１點食嚕
不過好彩冇咩野做

放工本來搵麥麥架！
但係我地５點２就收哂工啦嘛
咁上到去佢門口，著燈架喎
但佢出左去做野嘛
咁我行來行去，好礙眼嘛
我閃左入圖書館～～
我睇左幾本電腦書咋嘛（係咁二望幾眼）
點知我搭七出番來．．
佢已經走左喇！駛唔駛咁快
最衰我今日冇帶電話呀．．失策
不過番到屋企打番比佢
好彩佢自己都有事咋原來
唔係我同佢講我會內疚架！

>>March 1, 2004 at 1:37:10 PM GMT+8

2004 年 2 月 28 日 星期六 【晴】

今日唷！
好耐都冇試過咁好好既休息
我竟然冇出過街呢～～～～
好舒服唷
朝早食左個早餐加埋午餐就冇食野喇
不過當然好肚餓找左ｄ零食來吃
等夜晚黑食晚飯^^......

>>February 29, 2004 at 11:20:31 AM GMT+8

2004 年 2 月 27 日 星期五 【晴】

今日。。公司阿媽番左黎喇。。 好掛住佢呀^^ 不過真係唔捨得佢呀．．．遲ｄ佢就走 放左工之後，約左媽咪搭電車去銅鑼灣 我0係電車站度等佢架叮叮我就上車 跟住阿爸都一齊去丫嘛^^... 我地一齊約左在天樂里間美心度等～ 一齊食ｌｕｎｃｈ．．． 跟住我地食完一齊行去銅鑼灣ｃｉｔｙｓｕｐｅｒ 阿爸好少出呢ｄ地方～～佢好少行 有時我都覺得好搞笑～～ 同阿爸行街有時見到ｄ野覺得好新奇^^ 不過我好嚮往一家人一齊行街架 今日銅鑼灣ｔｉｍｅｓｑｕａｒ附近有人做唔知咩訪問喎 好好笑呀～～竟然差ｄ拉住阿爸做訪問 個人拎住個咪架呢～～ 阿爸閃都閃唔切．． 之後我地又行ｓｏｇｏ 我地去左華潤度行下 就黎租約期滿=.= 我地咪走左上去睇.... 媽咪買左張被～～ 丫！～我見到件ｎｉｋｅ背心好型架！！！ 第一眼便愛上它了！！！！ 不過我最後放棄它～～～～ 最後它亦給別人..............................看上了 切．．．．．．．算吧 行完之後，我地去鵝頸果度買送 之後阿爸就先坐巴士回家嚕 我跟阿媽繼續行～～～～ 之後陪阿媽買左對鞋～～ 本來我想買對ａｄｉｄａｓ鞋架 但又冇我ｓｉｚｅ 唔係我既始終都唔係我既 之後我地去埋 灣仔電腦城（阿媽原來果度識人喎） 幫公司買埋個ｒｏｕｔｅｒ就閃回家嚕 p.s....今日買左monchichi既毛看散紙包包,好得意^^ 仲有個play boy 數碼相機套套^^...比左哥哥

>>February 29, 2004 at 11:12:06 AM GMT+8

2004 年 2 月 26 日 星期四 【晴】



>>February 27, 2004 at 4:09:49 AM GMT+8

2004 年 2 月 25 日 星期三 【晴】

今日好得閒......
老細冇番呀......
一早開會開到黑......
冇咩做！！
大家好開心５點３又走得喇！


>>February 26, 2004 at 3:29:10 PM GMT+8

2004 年 2 月 24 日 星期二 【晴】

今日番到黎出左去同電腦班傾左陣計
好快就到１０點鐘～～～
因為我今日要帶電腦班既會員出去
今日係佢地既嘉許禮。。
0係西邊街的西區社區中心
果度係間紅磚屋黎～～
以前係贊育醫院黎家嘛
我帶住成班一行１５人搭巴士去！～
依家帶慣佢地出去都覺得冇乜野
我約佢地１０點原來係對的
預左有人會遲下到呀～摩下摩下。。
仲要等車～～～
１０點１０先去到
去到都安安穩穩安排佢地坐定定
好快就開始～～～同我諗法差不多^^
我都係同佢地影下相之類都冇乜野做
完左有茶點招待呢～～～
當然我都有吃飽飽當午餐^^
好衰地！～　哈哈
我拎左３盒者哩＆布丁番中心
比２個姑娘食囉～～^^
勁開心～～
當然出去都不忘佢地既辛勞啦

我今日下午都沒有在office裡啦
全程在出面搞電腦=.=
感謝麥麥^^................
難為同事仔應酬老細

>>February 26, 2004 at 7:17:45 AM GMT+8