2004 年 3 月 22 日 星期一 【晴】

今日好忙碌＠！
一朝早～老細去開會
咁今日會員例會有講座丫嘛
之後～個講者遲到喔
成１０點先黎到
咁我地幾個同事仔匯報中心事項
時間都唔知幾難捱
乜都講哂個講者都未來啊！真是一額汗

今日１１點幾就走左去吃飯了
（老細叫的）
幾間中心一齊有大型活動搞丫嘛！！
１２點上去～～幫手整野～佈置之類
今日好厲害丫！
前所未有聞所未聞的
係本小姐有份上台表演！～～
係一個話劇來的！！
咁我有對白．真係難念丫
發夢都記住佢呀＞＜
對住幾百人我都係第一次咋
驚驚．．．有總主任在場嘛
好彩上台我講得出呀
咁我講完句對白ｄ人會拍手掌囉
我又覺得好搞笑啊！
拍爛手掌．．．（妄想症）
話唔定有人看上做了明日之星啊
之後ｄ同事都話個話劇都做得幾好
ｈａｈａ．．托賴托賴
仲有今日活動裡啊！
我完全唔知發生咩事
有人話會0係我側邊幫我～
點知..........人呢？！
我係出左去坐左0係電腦前面打字既
台下觀眾講咩出黎
我就要即打！！即聽即打啊
個notebook又咁難打喎=.=
有驚無險！！好彩我平時訓練有素
完左之後大家各位都派左隻出奇蛋！～
ｈａ．老細見我咁辛苦～
俾左隻我呢～～我要朱古力，我要玩具
同埋新奇好玩既野！完成左我３個願望了

>>March 24, 2004 at 6:33:16 AM GMT+8

2004 年 3 月 21 日 星期日 【晴】

今日～好煩Ａ
我都覺得每次「苦差」都係要我出～
老細係睇下邊個少ＯＴ既去～次次我都放哂去啦
留咁多把鬼咩=.=
嗚嗚～～～～
之前同同事仔已經一齊商討過估下係邊個出去
（原先諗住２個可以一齊出添，因為兩架車）
見到個ＬＩＳＴ已經知道呢班有一半係弱弱地的>"<
算啦算啦！！！
反正好耐冇乜幾可同佢地一班人出去旅行

>>March 24, 2004 at 6:41:52 AM GMT+8

2004 年 3 月 19 日 星期五 【晴】

今日一早媽咪就叫醒我！！
「阿女去飲茶啦」～ＨＡＨＡ
我仲未訓醒 ～
２點鐘先去樓下飲茶啦
今日請左爸同媽咪一齊飲^^
飲左六十幾蚊～～都飽了
好難得係我請（間唔中啦。ＨＡ）
之後同左媽咪去行街街～～～
買左幾牛背心仔呢
之後其實我鍾意左件褸(幾型)
但係都係唔買(住)啦=.=
睇下點先~~
之後去到另一間舖頭喎
見到件jessica既連身裙喎～～
幾靚～～有ｄ花同埋係綠色架
諗住遲ｄ生日可以著嘛～～
但係又諗下～～著得一次半次啊
又冇買

>>March 23, 2004 at 10:36:44 AM GMT+8

2004 年 3 月 19 日 星期五 【晴】

無論什麼事情發生，要好好享受當中的過程，不要太著意，最好把它視為生活的驚喜。 今日番工都幾開心！！阿一短週大家就開心 二黎放假很久的公司阿媽回來啦 （有點久別從逢的感覺呢） 同佢閒談之間也有很多不捨＞︿＜ 今日講講下佢竟然都會提起大大 因為會員甲乙丙丁都知道以前既野 同左公司阿媽講卦～ 又係比人迫。。。唔同的只係一個硬一個軟 呼～～一個比人話就同佢牚到底 　　　一個比人話都唔出聲既 同樣好委屈～～～ ａ。。。兩個都同我咁好既 佢都話如果唔係阿一0係度～ 佢都唔捨得走～～ 不過佢誤打誤撞入左黎做的 （行行下街社區中心ｄ人介紹的） 仲有我同佢講笑都係我衰啦 我好記得個情境的～～ 佢黎面試～之後要打字speed test 咁我又冇幫佢計時喎～～（由佢打落去．ｈａ） 咁佢係打得最多果個呢．（查實我睇人黎in時都覺得佢nice架喇） 咁樣識到我地都算係緣份丫！！

>>March 20, 2004 at 2:40:26 PM GMT+8

2004 年 3 月 18 日 星期四 【晴】

夜晚番團契～
好開心可以大家一齊約埋食晚飯
我地去左澳門荷蘭園茶餐廳度食呀
團契今日算好多人～好開心^^
希望會越黎越多！！



獻上今天

掌握今天 , 讓這天作奉獻，
為那永活國度快將再臨這地面，
要珍貴這一天，盡心思意志，
努力承擔 主所告知。

掌握今天 , 盡發輝作奉獻，
懷著畏懼戰慄意專心誠無雜念，
人熱誠心志堅，主必施愛眷，
且賞賜天上大榮冕。

將身心相獻，態度純一真摯，
應堅守信心愛心不敷衍，
天天皆相獻，困倦毫不抱怨，
要竭盡全力付上永不變。


>>March 20, 2004 at 4:03:42 AM GMT+8

2004 年 3 月 17 日 星期三 【晴】

今日好似大事不宜咁呀
雖然老細今日放假
應該開心先係
但都有點黑的感覺！！
唉0也～黎老闆今日過黎：
見到我～～又話：
「仲有Ｄ錢呀，夠開多班電腦班，
依家仲有人想學架可？」
我話：「仲有Ｄ未學過想學既」
心諗～Ｅ～搞極都仲有錢架
究竟仲有幾多錢呢？？？
今日同同事仔講：我o係呢度心淡喇，我做埋今年架咋
之後佢地都問我：講真架？
今日心情唔多靚～～我今日好唔想留0係度

今日有個經歷呀=.=
有Ｄ激鬼氣呀
咁有個今日會員入會喎～
我覺得呢個人好冇品囉
避之則吉～懶巴閉咁囉！！！
咁佢入完會～佢就玩電腦喇喎
問我係咪要password架？咁樣喎
我話係呀～之後我幫佢打左個ｐｗ落去了
順便我最鍾意就係問人關於電腦既野啦
我問佢「咦～你有冇興趣參加電腦班呢？！」
佢答我：「我識架喇！」
我又好友善咁問佢：「咁你識關於電腦ｄ咩呀？」
我叫佢可以參加中班之類！
佢又答我：「總言之我識啦！！」好囂張咁答的
真係想ｘｙｘ佢～～咪答我囉好巴閉ａ！
佢好似質疑我依家係咪唔比佢玩電腦咁～
睇左佢開左機啦！之後乜都未出哂佢就走去按ＩＥ喇
搞到部機好慢好慢！～（一陣Ｄ人唔識玩整壞我唔負責呀！）
之後都費事理佢！～跟住佢玩完！
最有問題係竟然佢會問新同事點閂機！！！
閂機都唔識～～咩叫做：「總言之我識啦！！」
之後佢又0係度哂命囉～勁哂英文囉！以為自己好勁咁樣囉
用個手提大大聲咁0係COUNTER面前以為自己講得好叻好好聽咁喎
我咁大個女都未見過ｄ人咁作撞既！！我黎明愛咁耐都係第一次見呢ｄ咁既人囉
冇品既人都見得多！但係呢ｄ真係冇品中既極品囉
（呢個人我諗諗下知道佢之前係打過黎詢問野架喇！
　我印象中聽聲已經覺得問野呢個人懶乜咁
　我問佢貴姓名，因為佢話要我地寄個會訊比佢，
　之後又唔留名！叫咩女士咁～跟住我諗番起睇番佢個名，
　真係呢個人囉！！！）
我以後見到佢必快閃！！

>>March 20, 2004 at 4:17:59 AM GMT+8

2004 年 3 月 16 日 星期二 【雷雨】

今朝一番到公司～
老細講左一句野，唔知好嬲定好笑既！
佢同我講～「冇左你真係唔掂呀」
只不過係部數碼相機既咭爆左咋嘛
咁簡單既事都唔得？？ＮＯＮＯ=.=

今朝得我一個在ＯＦＦＩＣＥ～～
佢地同埋Ｄ組長開會～～１１點半開完
有慶功丫嘛^^上次健康推廣日有Ｄ錢就駛埋去
我就負責食！！！好好味:P
.
大家都好開心ａ～～

食完之後呢～老細擺我上檯～
係咪ＰＬＡＹ我先～
～噯！麻煩～～～
下個星期二大獲
要我出場＞＜怕怕
要好好地背好呢句對白！唉
「我依家正係花樣年華，前途一片光明，
梗係留番多Ｄ錢比我呢Ｄ年青人啦！
等我日後可以好好咁大展拳腳丫嘛！」
咁假～點講得出口呀
前途一片灰暗Ａ～
我係識做戲一早入左藝員訓練班啦
切！！我做慣幕後嘛


放工之後～
自己行左落中環～～
之後0係利源東街度～～
見到個咁熟口熟面既女仔既!?
原先我唔敢叫佢呀～～～
咁我好衰地跟左佢兩間舖頭呢
ｈａｈａ．．佢終於發現我了^^
當然等佢相認我啦！！
呢個人就係中學既同學仔
由中二識到依家啦
之後我地一齊行落去呢
佢之前買左條短裙仔唷
呃勒～好彩今日著得都見得下人即
之後我地企0係條街度傾左一陣先走呢


今日突然諗起呢首歌～～～好心動～
下載做ＭＰ３。行路番工時聽ａ


>>March 20, 2004 at 4:11:27 AM GMT+8

2004 年 3 月 15 日 星期一 【陰】

今日好難得放假～
足不出戶！！～～
冇出過街！～休息休息
今朝１２點先醒呀～～
好好訓～～之後在床度碌來碌去１點先起身
之後行下企下上下網
２點幾媽咪番黎先食午飯！～～

今日勁打「哈超」呀！！～
係咪放假就病先？？
鼻水長流呀～～
夜晚又食左黃色小丸子。。
勁眼訓！！～～ＺＺＺＺ

>>March 17, 2004 at 2:21:25 AM GMT+8