2004 年 4 月 8 日 星期四 【微冷】

Happy Easter

時間過得好快. 想温maf, 但係睇咗一頁就放棄.

嘉蔚叫我bbq, 我想去架, 但係阿媽煲湯飲, 又大結局+扮野比賽, 留係屋企唔想出, 睇電視.
皆大歡喜, 《史林廖賴》超攪笑.
駝槍師姐, 實有第五集啦~激死人
扮野比賽, 女子十二點化妝, 成班厲鬼咁, 石仔超攪笑, 彈古箏彈到食左fing 頭咁, 佢又扮juno, 笑死我. 不過最好笑係林子样, 佢唱咁耐我笑足咁耐, 佢係咁點頭, 七情上面, 真係怕佢點到頭都暈, 真係精神可嘉. 呢個節目真係非常好笑. 翻版學友, 無得頂!

係屋企聽到有對面樓細路叫的回音, 係有回音呀, 好厲害. 當佢叫第二次gei 時候, 我即刻搜尋d聲由邊度發出, 出去睇, 原來唔止一個, 係有3, 4 個小朋友, 我知佢地又諗住叫, 所以我做左一件好白痴gei 事, 就係大叫, 我見到佢地個樣好疑惑, 四周圍望, 我叫左兩次, 而且仲叫我細妹叫埋一份, 真係好好玩!

>>April 9, 2004 at 4:59:51 PM GMT+8

2004 年 4 月 7 日 星期三 【颳風】

我的好朋友kitty生日快樂.

友誼可貴, 阿風, 阿君對我太好喇~先出太子, 花園街有檔魚蛋好出名, 要排隊買, 我同阿君觀察, 保守估計每日賺4000, 淨賣魚蛋都有咁多錢賺, 仲未計堂食, 所以"食"係有得做! 再去尖沙咀, 由於阿君只可以食流質食物, 食薯蓉, 唔知以為我地刻薄佢. 慘~ 仲有聽阿風講咗少少《危險人物》內容, 正呀, 唔使睇, 有得知, 你繼續睇多d case, 再口述番比我地聽, 做講故婆~

返到屋企對腳有累gei 感覺, 呢種感覺久違喇. 正~

阿風, 你唔使呷嘈, 呢d都係宣傳效果, 你下次都可以用呢招, 不過, 我諗你無必要, 哈. 因為呢個係我gei專利.

阿洲, 咩無心呀? 如果你一早知我有日記, 而無留言, 你就唔俾面喇. 不過你唔使唔好意思的, 講真, 我都係呷嘈jei.

>>April 9, 2004 at 11:03:43 AM GMT+8

2004 年 4 月 6 日 星期二 【陰】

繼續hunter.

打電話約人bbq, 但係好多人就唔到時間, 唯有下次再攪, 下次你地一定要到!

果然有效呀, 我係阿風, 阿君到宣傳留言冷清清, 今日一睇, 阿君, 阿洲即刻留言, 哈哈, 我果然係高手, 芳芳都湊熱鬧黎留言喎, 好!!!我已經將日記website寫係icq info 到喇, 方便你地黎留言.

雖然, 唔怕啦, 平日好呀, 唱得耐d, 即係靦靦腆腆=怕羞, 但係我個同學話侃侃而談= 你同人講開一d你好熟識既野, 咪好流利, 又講到一'lun'嘴gam...好似同大方有出入喎, 邊個啱呀?

>>April 8, 2004 at 4:54:54 PM GMT+8

2004 年 4 月 5 日 星期一 【晴】

極度無聊

成日睇hunter, 比超文話:
online whole day?
你自己唔識揾鍾意gei 野做咩?
你唔好得個講字啦, 實踐下la.
但係我比佢話都開心gei, 起碼有人同我傾下, send 野比我玩, 呵呵~

今日炸雞翼, 點知, 無味. 因為我炸之前無再攪混. 唉, 阿爸話: 「點解無味gei?」 細妹話: 「d皮好難食呀.」 咁我就好大聲咁講, 炸得咁辛苦, 無人食, 我生痱"知", 爛嘴都食哂佢. 阿媽即刻話, 食呀, 點會唔食, 有d都入味. 我仲見到阿爸默默食左好多. 似乎呢招係有效喎!

大家知唔知"靦靦腆腆" 和"侃侃而談" 點解?

>>April 6, 2004 at 5:06:12 PM GMT+8

2004 年 4 月 4 日 星期日 【晴】

仲以為今日係星期日.

同阿媽, 妹出去, 行到邊食到邊, 阿媽係咁叫我地食野, 撈撈, 串燒, 辣魚仔, 我咩都冇買, 但係就食好多.

>>April 6, 2004 at 7:17:57 AM GMT+8

2004 年 4 月 3 日 星期六 【微雨】

一早起身, 就睇書, 報紙, 我睇完甜甜圈, 結局雖然無講佢地會唔會係一齊, 但係我知, 一定會, 因為他們都是勇敢的, 我深相主角阿朗的信念:
"再給對方一點時間, 他們一定可以用最真誠的心, 毫無保留地重新再來一遍", 一定會逹到的.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
睇睇下書, 靈感一到, 原來我都有寫作天份~
杯中的滾水, 散放出熱氣, 像愛情初時, 雙方都是熱情的.
杯中的温水, 沒散放出像滾水那般的氣, 但喝下去, 總時暖暖的, 像想起愛人時, 感到幸褔, 是甜的.
可是, 若果杯中的是冰水, 它所散出的氣也是冷冷的, 也就是愛情最可怕的時候-終結?
究竟你們現在所喝的是那杯水...
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今日又有時間去整理我個網頁喇, 大家去睇下啦.
http://hk.geocities.com/stupid_egghk

夜晚約左kitty, 嘉蔚去飲野, 本應去打麻將, 但係所有人都放kitty 飛機, 真係無良心, 唯獨我們兩個沒有, 嘉蔚仲要趕時間都黎, 太好. 我必會臭駡所有甩底的人!!!!!!

我出街都帶著收音機, 因為我要與大家一齊知道金像奬的結果, 劉旋, 舒淇好靚, 朱茵好核突呀!

>>April 5, 2004 at 1:30:43 PM GMT+8

2004 年 4 月 2 日 星期五 【陰】

假期第一日, 睇碟, 見到屋企個地板都唔開胃, 就走去拖地, 掃地, 仲洗牛仔褲tim, 呢兩條褲我買左咁耐都未洗過, 因為會脫色, 冇得用機洗, 平時又懶, 所以今日有空, 我非洗不可. 刷到我對手冇哂力.

晚飯吃阿媽煮的米線, 好耐冇食喇, 果然好好味, 米線未流行果時, 阿媽已經想開鋪, 可惜, 本錢係最重要, 如果當時有開到, 依家實賺到笑, 真係機會一流走, 就........所以我有錢的話, 一定會開鋪頭, 將阿婆+阿媽+阿姨的美食, 發揚光大.

唔知點解, 今日察覺好多生意機會, 大家知唔知旺中有一間專賣線衫, 外套gei鋪頭, 如果係荃灣開, 實有得賺.

阿風, 果個人冇眼光就真.

>>April 4, 2004 at 5:59:08 AM GMT+8

2004 年 4 月 1 日 星期四 【陰】

昨日考gei mer 今日就有得睇卷, 阿sir真係高效率, 原來去中山係一pair pair 咁抽, 希望全部人都去到啦.

六合彩開左我阿爸, 加我個生日號碼, 又中20蚊, 我細妹10 月14 日生日, 咁我買果時係度諗買10 定14 好呢, 點知揀左14, 如果買10 就中多個半字, 咁就冇左130蚊. 開13, 唔開14, 開22, 唔開21, 係就中個5半字喇!! 阿媽果張電腦飛都中4個半字, 不過分佈係唔同line.

>>April 4, 2004 at 5:38:50 AM GMT+8

2004 年 3 月 31 日 星期三 【暴雨】

job interview, 幾好玩呀, 有test, 又要執位, first in, second in. 佢地好認真, 唔, 初頭, 搬抬, 果d我企左係一邊, 冇主動參與. first in 最好, 個個都睇好我gar, 但係衰收尾, 因為我見到interviewer, 實在太認真, 認真果様令到我笑左出黎, 答問題又求其. 呵呵..所以, 冇請到我, 請左may may. 我太失策喇~令到高妹, 壁虎失望.

放學test, 都未温熟, 所以臨考前心慌慌. 但係考完成個人都輕鬆哂, 係咁影低能相, 攞住條絲巾扮飛圖(以前d mtv, 得個女人著住一件頭泳衣+絲巾), 仲有扮西施.

返到荃灣地鐵站到, 行行下, 聽到有人叫小姐, 比咭片我, 原來係叫我去影雜誌, 報紙硬照, 嘩, 我咁大個女第一次遇到呢d 事, 佢仲講, 我見到你身材, 各方面都幾適合, 我地係大公司, 唔騙人gar, 講左好多野, 叫我留低電話, 我當然拒絕, 話對影相冇興趣. 其實我好想要佢張咭片gar, 不過, 自己唔會去做, 廢事浪費人地張咭片啦~

番到屋企, 梗係張揚開去, 細妹話: 揾你, 好彩你有自知之名, 唔去. 阿媽話, 小心比人騙!

>>April 1, 2004 at 4:32:33 PM GMT+8

2004 年 3 月 30 日 星期二 【陰】

10 點起身温mer, 睇咗等於冇睇, 我寫d notes, 自己都唔明自己寫咩~

因為有interview, dayoff 專程返學校, 我地5 個人, 同王生傾計, 聽佢講, 分享下經驗, 都唔錯, 不過佢諗住請長工, 但係我仲有意思讀書, 所以, 請唔請, 都唔會太在意. 聽完, 返到荃灣, 點知, wilson 話佢要我地上佢office, 攪到我又要返去長沙灣. 不過發生一件趣事:

出發前阿sir 話同佢唔熟悉, 小心我地比人騙, 心諗都唔會掛, 佢唔似. 但係上到office, 揾唔到間公司, 問人, 有個人話搬左喎, 搬左成年都有呀, 嚇到我地3 個, 唔係真係比人騙呀. 跟住另外一個人就話, 唔係, 你地直行就見喇, 果時我個心先定d. 入到去, 細到不得了. 我終於見識過. 最終wilson 成為幸運兒, 啱哂...

晚上繼續温mer, 下星期放假, 好期待. 真係會"有節目, 差點開心到哭"..哈哈.

>>March 31, 2004 at 4:44:37 PM GMT+8