2004 年 7 月 24 日 星期六 【晴】

返上去, 玩, 竟然見到阿釗, 咁啱又係果頭玩喎~好橋喎, 玩, 簡直係悶死, 咁多人, 我淨係識5 個人到, 同其他人坐埋一齊, 但係就各有各玩, d大陸妹, 好麻煩, "丫丫炸炸", 撞到人都唔講sorry, 睇佢背面就好索, 點知, 除咗副眼鏡, 真係見鬼, 嘩, 嘩,嘩!!咁又係呀, 係靚女, 黑媽媽, 都唔使戴眼鏡, 仲有d大陸妹周圍揾食, 真係cheap, 明知無人理佢, 仲要坐係度, 自我陶醉, 真係痴線~ 4:00走人, 去按摩, 一路睇電視, 食野, 再比人打, 真係舒服! 按摩時, 我條褲, 邱得太高, 技師幫我"斜"番條褲落d, 好彩個個都比人打緊, 唔係比人見到, 就唔抵. 不過比人打完, 有d位, 就痛痛地~~

眼訓到死, 走去配眼鏡, 一隻近視, 一隻散光, 唔怪得大細眼啦.

多謝風, 君幫我預備interview, 期望有好表現~

>>July 25, 2004 at 3:52:33 PM GMT+8

2004 年 7 月 22 日 星期四 【晴】

鬥雞?

三姨話我對眼開始走埋一齊, 即係鬥雞呀, 我成日對住電腦, 鬥梗喇, 不過我唔要, 所以我今個星期就要配眼鏡!!

收到副學士叫我interview, 好, 同老闆講請假, 好彩佢肯放我有半日, 我要好好預先練習!

今日, 終於講咗比老闆聽, 我可能選擇讀書, 佢好好咁同我分析, 話沙田full time, 就唔建議我讀, 因為我日日做ge 野, 就係沙田讀的東西, 但係副學士就唔同, 不過無論點, 佢都要我做到8月尾, 因為佢地要殺, 殺貨...啱哂啦~經佢一講, 我就決定沙田果邊唔交錢, 死等..最重要係, 我覺得, 講咗出黎, 個心舒服好多, 老闆仲話, 一早預先同佢講, 好過後尾, 單刀講唔做, 到時佢仲慘...原來大家ge 諗法都一樣, 憑自己感覺去做, 後果係要諗, 但係最好就win win 啦...

無機會見鄭梓靈lue, 但係唔怕, 明晚可能返大陸玩..正呀, 好耐無癲~

>>July 23, 2004 at 3:48:59 PM GMT+8

2004 年 7 月 20 日 星期二 【乍寒還暖】

呢兩日返工過得唔錯, 因為我ge 真性情終於慢慢暴露出黎, 我跟本就唔係咁乖, 咁靜, Yoyoyo!!!

今日收到沙田ive打黎, 優先收我喎, 要我明天去攞學費單, 仲要最遲下星期要交學費, Damn it!!我報副學士, 諗住副學士收我, 我就唔讀ive 啦, 無啦啦優先收人, 我都無話參加優先計劃!!完全打亂哂我個plan 呀! 超文叫我講大話, 話屋企人去旅行, 無錢交學費, delay, 等副學士結果, 其實呢個辦法我已經諗過啦, 行得通先得嘛, 返到屋企, 即刻同爸媽講, 阿媽都叫我講大話, 好白痴呀!!

我究竟交錢, 定係等副學士呢?

我阿妹返工要化妝, 佢個樣好大個呀~~

>>July 21, 2004 at 3:05:26 PM GMT+8

2004 年 7 月 18 日 星期日 【乍寒還暖】

Yr 2成績出咗喇, 中規中矩啦~

最怕星期一, 諗起仲有成個星期先放假, 就悲哀, 全日做新野, 攞住把軟尺, 度胸圍呀, 勁多野度, 胸濶, 杯長, 仲要用個膝頭頂住個cup 度呀, 係老闆教我度, 有陣時, 我覺得好好笑, 一個男人竟然日日對住呢d 野, 成個專家咁, 經過今日一度, 真係唔知自己日日著住ge 野, 竟然咁講究!!不過, 老闆講得太詳細喇, 攪到我1:45先食飯. 下午, 老闆叫我開會, 過新野比我, 我個心即刻掙扎, 講定唔講好呢? 幸好, 佢今日比我都係翻單, 8 月尾走貨, 跟完呢d, 我就走, 好...千萬唔好再比新野我跟.

做mer, 從咩都無, 做到有件貨出黎, 過程中, 咩都自己做, 我覺得. 好似睇住自己個仔出世.

>>July 19, 2004 at 2:18:36 PM GMT+8

2004 年 7 月 17 日 星期六 【晴】

終於有得打日記

好奇怪呀, 14號邊個留言呀, 會變樣架! 阿風和我已証實咗呢件事, 唔好嚇我, 一定唔可以比公司d人知的!!

星期四, Arron 黎咗荃灣, 我地要見面啦, 名副其實ge大細路!

星期五的8 號風球, 令我可以休息, 兼睇都市閒情, 因為我細妹個朋友參加比賽..勁好笑, 當見到你識ge 人上電視~

星期六, 就睇harry potter, harry 放水晶球, 嚇親呀!!呢日, 異常開心~

講返今日, 早早就飲茶, 再去百佳掃飲品, 維他檸檬茶, 可樂, 係長期指定飲品!!細妹已經返工, 啱啦, 試下做野, 揾錢, 另外, 佢又無時間出街, 簡直係一舉兩得!

>>July 18, 2004 at 12:13:48 PM GMT+8

2004 年 7 月 12 日 星期一 【晴】

我在自尋煩惱?

終於, 老闆比新野我跟喇~第一次用自己個名去寫cover letter, 無興奮, 只有不安!
撞到平姨, 佢就即刻扯住我飲野, 我同佢講工作, 我覺得慚愧, 好似撬起人地, 教識我野, 走!! 要人地重教另外一個人, 平姨即刻講, 人係自私, 有得揀, 揀自己想ge!
返到屋企, 同阿媽講, 佢話, 你收得人工, 佢唔比野你做咩, 做咗先啦, 盡能力做, 就算走都走得安心.

經呢兩位長輩指點, 我決定唔好厭世咁做, 因為你唔做, 係屋企, 得支出, 不如揾錢去旅行!

>>July 13, 2004 at 2:27:26 PM GMT+8

2004 年 7 月 9 日 星期五 【暴雨】

菁笑我, 幾日都做同一樣野, 鬼叫我要做record 咩, 都係為咗方便翻單, 可以check 用過ge 物料, 不過今日唔使成日做record, 要訂野, 20張單, 要計數, 打單, 都煩ga,,,3 點先收...

估唔到有人仲遲過我~我已經搭咗一架慢小巴, 都係要等,,不過今日出去旺角睇中好多野, 波鞋, 涼鞋, brikenstock包頭, G-shork手錶, 平mp3, 勁多野想買, 見我咁癲, 唔申請credit card 就係呢個原因, 先洗未來錢, 會死的. 我仲見到伊健, 好開心, 我鍾意佢, 型, 健康. 超文仲帶我去睇figure, 我想要果隻透明暴力熊, 賣80元正....天呀, 一個鎖匙扣, 完全唔值!!!!!!!!!!!!!!!!!!!!!

媽媽成日話揾男朋友要有錢, 鍚自己, 我都想啦, 咁易咩, 媽媽契家姐, 要介紹佢個仔比我識, 媽媽似乎有意思, 講開又提起........為人父母, 當然想子女婚姻美滿啦~

中學同學們, A-level 都考得不錯, 對我黎講, 他們經已好捧~
高妹, 有你ge支持, 好!, 我都知兩個都係好, 我個心偏向讀書, 因為我仲未玩夠~

>>July 10, 2004 at 4:06:44 PM GMT+8

2004 年 7 月 7 日 星期三 【陰】

強

我終於感覺到d人成日話, 出咗黎做野, 就想讀番書, 今日個感覺非常強烈, 學校打黎, 問我點解報咗名又唔交錢, 係咪放棄個學位, 我好辛苦咁講咗"係!", 放棄眼前唾手可得ge野, 真係好難, 我會唔會就咁無書讀? 一世都係間公司做? 會唔會做錯選擇? 我覺得公司多野做都唔緊要, 但係, 呢一刻, 呢一刻我真係會選擇讀書, 好煩呀!!!!!!

千遍一律, 做record做到煩, 唔好比組新野我跟, purchase收我, 我會走的, 我更加唔想做衰人.

>>July 10, 2004 at 3:32:38 PM GMT+8

2004 年 7 月 5 日 星期一 【陰】

由於星期一我出差, 今日就好努力咁做, 因為要食BUFFET 嘛~

6 點半到就做完, 去到TST, 阿風話佢地先剛剛坐低, 開始食. 得10個人, 我就奇怪, 點會咁少人呀, 一半都唔過? 不過算啦, 我知2日後仲有大把機會見的.

返到去已經好累, 都係早休.

>>July 7, 2004 at 5:43:24 AM GMT+8

2004 年 7 月 3 日 星期六 【雷雨】

熟睡中, 電話響, 睇一睇, 係匿名人電話, 追問佢係邊個, 原來係培強, 佢周圍send sms 比人, 真係傻!

阿媽仆親, 嚇死我呀, 好彩佢同我一樣pat pat 厚肉, 跌親都無咩事.

頂, beckham 阻鬼住, 無得睇飛黄and top model, 越來越唔鍾意佢, 靚仔, 萬人迷又如何!

君, 我地班camp 友真係勁好玩, 叫你參加又唔制, 包你有一生人最難忘的5 日~
高妹and HEHE, 我個感覺同你地一樣, A片A片, 你地要諗定d激野, 下次用~

>>July 5, 2004 at 10:45:28 AM GMT+8