2004 年 10 月 8 日 星期五 【微冷】

惡夢+新工作

實在可怕, 真係會日有思, 夜有所夢? 我會盡地一煲的去告訴你, 我現在的心情嗎? 在夢境, 我做了, 但是沒有答案.

昨日收到Sean電話, 叫我一齊返工; 都幾好做, 叫人試飲, 玩玩下又一日, 我好喜歡聽Sean講自己的事, 屋企, 朋友, 理想, 我覺得佢係我識的男仔之中, 最特別, 最有個性的其中一個. 大家都有同一件事, 好想做, 就係攪個大party, 叫哂我識的朋友, 來個大認識, 咁樣玩都方便啦~~而我亦都諗緊, 如果我生日, 有個咁樣的party, 就正喇, 攪竟有無地方, 可以比我咁做?

>>October 9, 2004 at 4:35:45 PM GMT+8

2004 年 10 月 7 日 星期四 【晴】

每日日記的平均瀏覽人數, 都成10個人, 各位支持, 我會繼續寫下自己點ge~~

星期五, 5個鐘頭break, 過得非常易, 因為要傾project, 我組已經不能自拔, 諗得太仔細, 引發好多問題, 做生意真係難, 每一點都要計劃好, 所以, 好佩服成功人士. 今日睇到篇文章, 要做有錢人, 先要條件就是"有野心". 你對錢都無野心, 唔想得到咁多, 你點會勤力做野揾錢?
夜晚, 約咗細榮, 勁耐無見, 佢又高咗, 低能ga, 成191cm, 同佢拍住行, 勁有自卑感, 佢又寸, 話我個頭有幾多個轉都一眼見到, 同行行下又會唔見咗我(太細粒, 佢揾唔到我). 去打波, 射球, 勁耐無打籃球, 好懷念IVE時,一有空, 就打波的日子~~
再睇2046, 梁朝偉真係好戲, 正, 各位女主角身材簡直呼之欲出, 各有千秋, 特別提提章子怡, 如果我係男人, 我都冧佢呀, 又嗲, 應有都有, 而2046係賣巨星, 我嘗試去解劇情, 都明ge, 但係2個鐘, 實在太難忍受喇~!王家衛, 非一般的導演, 我情願睇鄭中基, 周星馳的笑片!

>>October 9, 2004 at 4:14:24 PM GMT+8

2004 年 10 月 4 日 星期一 【晴】

高慧然

我喜歡你所寫的一切, 對於愛情觀, 講是容易, 但寫出來, 很有共鳴.

因為你不是我的朋友, 所以我對你的期望更殷切, 要求也更高; 因為你不是我的朋友, 我為你付出愈多, 計較得也愈多; 因為你不是我的朋友, 你每一個動作, 每一絲表情, 在我眼中都有與別不同的涵義, 令我所有的感覺細胞都敏銳地活動起來; 因為你不是我的朋友, 你輕輕一聲問候或關照會讓我心旌搖曳, 而你無意的疏忽卻也足以讓我失落, 如同世界的棄兒.

我們願意對全世界每一個人謙虛, 嘴角掛着温文的笑容, 學習寛容, 保持風度. 可是, 在情侶面前, 我們有另一個面孔, 我們變得斤斤計較, 寸土必爭, 因為我愛你, 所以我計較. 別人可以對我傲慢, 你不能; 別人可以對我冷漠, 你不能; 別人可以傷害我的情感, 只有你不能. 因為你是殺傷力最大的那一個. 別人無法影響我的情緒, 別人無法左右我的判斷, 別人無法讓我的思緒陷入真空, 別人無法真正傷害我, 而你能夠. 我們常常被我們愛的人傷害, 同時, 我們也傷害愛我們的那個人.

只有被此相愛, 才能亙相傷害. 相愛, 然後傷害, 似乎愛情無法逃避的詛咒.

我們情願原諒一個敵人, 卻不輕易原諒我們愛的那個人, 因為他對我們的傷害最重, 也最深.

有一些路, 注定不能往回走. 想永遠擁有朋友的話, 最好不要相愛.

>>October 5, 2004 at 4:30:50 PM GMT+8

2004 年 10 月 3 日 星期日 【晴】

相識

今日識到一個年紀大得可以做我阿爸的人, 我覺得識唔同ge人, 從佢地身上, 會得到好多唔同ge睇法, 今次我睇到, 兩人之間性生活唔愉快, 都唔會出軌, 呢d先係愛, 我覺得千萬不要對伴侶不忠, 就算有, 都要收埋, 有時欺騙, 係好, 某情況下, 我絕對會講大話!

原來今個星期critical thinking要quiz...oh my god, 開好個頭, 第一次, 唔衰得!

好掛住Araon, 唔知佢幾時返來香港呢? 我係一個平時唔揾friends, 但如果佢地離開香港, 我就會好想見. 我喊:「Araon, 你快d返來, 我應承你, 介紹女仔比你識, 等你返黎去party!」

>>October 4, 2004 at 5:06:06 PM GMT+8

2004 年 10 月 2 日 星期六 【颳風】

又一次

話過以後都唔update某人info, 因為我見過一d唔想睇的事, 每一次睇, 心情就跌落谷底咁, 而淩晨時份, 我又手痕update自找瘡疤, 總之每次個心都好沉重, 點解我仲咁在意? 都年幾了, 我知係無真正解決問題, 我一直都逃避緊, 避去諗, 回憶, 睇番以前d相, 睇你留比我ge 野; 從以前的日記, 我寫, 時間會沖淡所有野, 難度時間唔夠長??今日見到一個似你的人經過, 又亂諗野, 呆咗; 而打這篇日記時, 我忍唔住哭了,,,,,,,,

我好憎人用"賤"字來話自己, 話人, 但係, 自己近期經常講"賤"字, 要有資格話人, 我一定要收口.

三姨, 阿慧都叫我脫癦, 我又覺得無咩問題喎, 到時真係要爭先算啦~

>>October 3, 2004 at 4:48:11 PM GMT+8

2004 年 10 月 1 日 星期五 【微冷】

終於有得打日喇, 我會將幾日發生的事, 記得就寫~

周杰倫演唱會, 志再聽歌~

問咗幾間運動鋪, 都話對黑色nike greco supreme 斷碼, 係我極度失望之時, 竟然係尖沙咀見到, 留電話, 有貨就call back, 今日收到call, 非常開心, 即刻仆出尖沙咀買, 好出奇, 今次阿媽無話我買鞋, 反而好肉緊成日問我, 揾唔揾到對鞋. 哈~
最經典的addidas褸, 價值500元, 好吸引, 但我有自制能力, 死忍, 唔好諗. 愈諗愈想要!

星期五的奪寶奇show, 如果我可以去玩就好喇, 由俄國去到埃及, 話飛就飛, 我呢世人一定要去印度的恒河, 泰姫陵, 埃及睇金字塔, 獅身人面像, 咩日本, 美國呢d大城市都吸引唔到我, 越神秘, 越刺激, 就正!

>>October 2, 2004 at 12:33:41 PM GMT+8

2004 年 9 月 26 日 星期日 【晴】

兩日露營
地點: 西貢灣仔

一早去鑽石山百佳買晚, 早餐食物, 組員要買雞翼, 豬扒, 要煮蕃茄豬扒, 豉油雞翼, 初時真係覺得無可能, 但係我地真係做到呀, 仲好餸過屋企阿媽煮飯. 成晚不停咁玩完又食, 遊戲都ok 啦, 最唔好玩就係check point, 周圍走, 完全係無意思; 我們的組員panda, 真係好得意, 好可愛, 帶給我地歡樂笑聲, 正!!夜晚睇月亮, 星星真係一流, 不過, 最美中不足就係, 一大群牛成日偷野食, 食完又痾, 屎多到非常壯觀, 攪到我地要運路走, 仲要撞營; 總括, 今次個camp就唔夠之前五日四夜個camp 好玩, 可能係我地無玩變態野!!搭船離開, 海風削面感覺真係好爽, 13蚊, 抵玩到陣!

返到屋企就訓, 捱夜的感覺真係辛苦, 訓幾多都補唔番~

>>September 27, 2004 at 5:12:17 AM GMT+8

2004 年 9 月 23 日 星期四 【晴】

好朋友嘉蔚生日快樂

細妹遲到, 搭的士返工, 咁我就坐順風車, 但係要夾番錢的~Account Miss 不如轉用中文講啦, 用英文教書, 好似跳機咁, 好難聽呀~

5 個鐘break, 又是搭的士, 到港威睇Terminal, 值得看的一套戲, All the people are waiting, what are you waiting for? 一個諾言, 為的是一個諾言, 曾經對別人許下很多諾言, 但美麗的永不兌現, 我怕承諾.

晚上與嘉蔚食壽司, 全部人都唔熟, 講過的說話, 10句都無.

我知道自己想要咩, 但尚未立下決心!

>>September 24, 2004 at 4:44:08 PM GMT+8

2004 年 9 月 22 日 星期三 【晴】

無奈

開開心心上堂, 又同YOYO, 大DeN爆笑, 我肯定d人話我地傻~淨係笑個"拿"型都笑足兩個字, 仲有日日都講的大嶼山Edision, 很多低能, 無畏的假設, 實行自娛.

肯定大家有眼神接觸, 睇到的反應卻是另轉身, 見到的那一刹, 個心係亂, 但係大方d嘛, 打個招呼絕對無問題呀? 你的反應令我心淡, 叫我知道接受新的一個, 時間不容許我再浪費.

客人贈我幾句, 衰的我便打出來,
1. 話我面上粒癦是不好, 感情方面要同人爭, 脫? 不脫, 我順其自然, 愛自己便行!
2. 我身邊多小人, 唉...真係煩...邊個會暗地講衰我呀!
我十分相信她的說話, 因為佢講三姨, 講得好中!!!!!!!!!

>>October 15, 2004 at 5:34:42 PM GMT+8

2004 年 9 月 16 日 星期四 【晴】

阿風生日快樂

上堂打噴嚏, 勁似放屁聲, 攪到成班人望住我笑; 5個鐘break, 變態ga, 時間雖然好難過, 但係有大DeN同yoyo, 我地三個一齊簡直笑死呀, 大Dan佢雖然係加拿大返來, 但係佢中文程度絕對唔差, 寸人時腦筋轉得好快, 我同yoyo 都服咗佢.

今日係阿風生日, 我地去食韓燒, 大家傾傾, ive變咗好多喎, 我揾日一定要返去睇下, 順便去食譚仔, 就完場時, 我隻右眼覺得好澀, 好痛, 仲眼紅紅, 慘~

>>October 15, 2004 at 5:35:00 PM GMT+8