2004 年 4 月 29 日 星期四 【晴】

勁趕project

見到阿風果組份project 咁靚, 我同阿君都忍唔住, 要改靚d, 阿sir 一睇, 起碼唔會有比較先啦. 成間學校都無colour print, 真係cheap! 交咁多錢學費, 無一部機有colour, 成日用d錢係無聊野到, 激死人. 攪到我地要去文具鋪, 遲左2 個字交.

>>May 3, 2004 at 3:19:05 AM GMT+8

2004 年 4 月 28 日 星期三 【微冷】

特別日子, 被兩名女仔連環嚇親.

今日係學校發生兩件事, 不得不提. 事件一:
預備上cb時, 我, 風, 高妹由toliet 出黎, 有個女仔迎面行過, 我地三個立即對望, 有一個感覺, 佢好似鬼, 我仲要微微望番轉頭, 見到佢又另轉頭, 十足十拍戲, 向你陰陰嘴笑. 呢下已經嚇親, 我地三個等阿君, 望下, 個女仔又行番轉頭, 今次個角度仲要得個頭, 得個頭係半空行咁, 我同阿風即刻入課室, 真係好似, 好似. 我係有心寒ge 感覺. 放學講番, 原來阿雙都覺得佢好似鬼~~~

事件二:
呢件係無聊事, 不過真係比隔離班女仔嚇親, 上上下堂, 無啦啦向住我地成班大鬧. Ms 都唔知點收科, 係咁叫佢冷靜. 十足想殺人, 仲要屈阿明. 佢真係慘. 不過, 我覺得做呢件事ge人真係唔啱, 人地都有阿媽生, 有尊嚴.

>>April 29, 2004 at 6:27:54 PM GMT+8

2004 年 4 月 27 日 星期二 【微冷】

叫阿妹陪我唱twins, 佢完全不在狀態la, 高下立見. 以下係我地三母女對話:
妹: 阿媽, 我地今日唱k 呀.
媽: 唱咩呀, 唱咩呀.
我: 佢唱得超級難聽.
妹: 好過你唱得"懶"好聽.
我: 呵呵, "懶"好聽, 即係你都承認我唱得好聽la..嘩哈哈....
我講完, 阿妹完全無反撃, 即係默認. 而我阿媽就係咁笑.
我今日仲對住阿媽講英文,
我: i am talking english, do you know what i say?
媽: i don"t know.
佢然識答我, 好勁呀, 佢話估到我咩意思. 厲害.

>>April 28, 2004 at 5:29:34 PM GMT+8

2004 年 4 月 26 日 星期一 【晴】

無啦啦唔使上一堂, 有時間傾project.

今日阿風着左件好靚ge睡衣返黎, 係咁比高妹同我笑.

雖然, 19 之後就好快20, 享受最後1字頭ge人生喇, 除非你過100啦. 我睇果台係中央電視, 都幾正ga, shandy, 我唔記係邊個lue, 下星期留意先.

>>April 28, 2004 at 5:15:56 PM GMT+8

2004 年 4 月 25 日 星期日 【晴】

~~雖然生日快樂~~20 is coming!

返學就好開心, 因為可以同班傻仔傻婆一齊笑, 玩. 繼續玩馬拉松, 今次連阿sir 都加入, 後生仔女記憶力特別強, 阿sir 當然輸左la.

我諗起昨晚睇左個節目, 整個開刀手術過程都見到哂, 當時我睇緊Top Model, 間中跳台ge 時候, 見到個內臟(冇郁到), 唔知係咩, 跟住一路睇, 果舊野原來係心臟黎ga, 移植左落個人到, 跟住就係咁跳, 勁核突, 後尾仲要縫針, d 線係塊肚皮到扯黎扯去. 我真係好佩服醫生, 咁都頂得住.

>>April 27, 2004 at 11:25:04 AM GMT+8

2004 年 4 月 24 日 星期六 【微冷】

成日都霸住部電腦, 做ie.

阿媽係咁叫我出街, 佢話阿姨買衫比佢, 佢自己又唔想買, 迫我去, 叫我揀衫, 因為唔使佢比錢. 我呢位媽媽真係好好笑!!

>>April 26, 2004 at 10:23:28 AM GMT+8

2004 年 4 月 23 日 星期五 【晴】

一起身就2 點半, 訓左14個鐘, 梗係要訓番夠啦, 去中山訓得4 個鐘.

打中山日記, 我有好多野想寫落去ga, 例如玩超級敵馬拉松,
洲: 好硬
阿大: 硬"掘掘", 跟住就諗左掘金掘骨掘雞骨接落去
仲有一次, 阿大開, 佢問, 係咪幾長都得? 我同高妹都話得!
佢就講出化學15種元素- 氫, 氧..氯...長到死, 高妹接唔到, 就被罰~

粉紅救兵今集太感人, 個男主角太浪漫, 我呢位觀眾都感受到好sweet, 感受到佢地ge 深愛. 相反Survivor 就好殘酷, 出賣朋友, 雖然係一個遊戲, 但係好自私. 今日兩個劇集, 就分別見到人性ge 醜和美.

高妹, 中山真係好玩, 但係我覺得行程只不過係一個點綴, 我地一大班人玩先最開心.

>>April 26, 2004 at 10:20:46 AM GMT+8

2004 年 4 月 22 日 星期四 【晴】

早早morning call, 食過早餐又出發.
睇左兩間鞋廠, 因為有時間, 我地去遊樂埸玩, 騎馬, 我隻馬無啦啦食草, 真係嚇親, 我驚佢一唔專心, 跌左落山, 到時我真係遭殃. 前面阿風同阿洲匹馬, 都痾屎, 嘩, 我第一次見d馬痾屎, 仲要打孖見到.

食午飯, 每道菜都好好味, 好想食多d, 但係個肚已經食唔落, d 班成班人過黎挑戰, 猜輸左就要食大粒魚蛋(稱保齡球), 開頭阿大, raphael 都輸左, 但係輪到高妹出戰, 先贏陳家俊, 再贏其他, 咩省港澳包, 剪, 耷王, 都被高妹星球大王打敗. 笑死我.

最後就參觀學校, 間學校最出名就係設計系, 睇見d 作品, 覺得真係有水凖. 參觀完就要黎一場友誼賽, 玩二人三足, 我比人擺上枱, 話我跑步好叻, 阿sir 就叫我打頭陣, 揀左阿風做partner, 開頭追上, 但後尾轉彎, 步伐唔夾, 輸左, 男雙都輸, 到混雙高妹and 陳贊詩呢對高人, 行步路都快過人, 贏番. 拔河, 對手超大力, 大力都比人禁住黎扯. 結果香港學生大敗.

原本諗住返到香港又過去深圳食飯, 但係新措施唔許可. 就到上水食大排擋, 碟碟都好正呀, 最特別係沙拉骨, 炸大腸, "翠塘"豆腐. 返到屋企發現, 杏仁餅同人調轉左...

>>April 26, 2004 at 10:17:00 AM GMT+8

2004 年 4 月 21 日 星期三 【晴】

出發

由深圳坐車要兩個半小時到逹中山, 時間雖然耐, 但係都一樣咁好玩, 到左中山第一個節目就係食午飯, 我地成枱都係女仔, 所以就食"淨"好多野, 之後就有個海關人員同我地講解中國內地報關情況, 我地食飯時, d 蚊都開餐.

中山最出名就係杏仁餅, 係廣東四大餅之一, 參觀杏仁餅廠房, 仲落手整, 睇就易做, 但係都幾考功夫, 比我地玩完, 就梗係叫我地買手信啦. 工作人員真係落力叫我地買, 但係都唔平呀, 要22蚊一盒.
國父孫中山紀念公國, 最特別係有99棵柏樹, 象徵國父精神長存.

食晚飯, 自由活動, 去行街, 洗頭(佢d 指甲整到我d頭皮好痛), 食雙皮奶, 按摩. 不過最激係玩true or dare, 男仔無一幸免, all dare, raphael, 阿松, 葉安有問必答. 令到大家對佢地了解又多左.

>>April 24, 2004 at 9:38:50 AM GMT+8

2004 年 4 月 19 日 星期一 【晴】

今日阿sir 選左我做中山組長之一, 不過我d 組員好乖ge, 唔怕佢地會走甩.
放學雙, 君陪我返荃灣, 皆因我地要行街, 我就咩都無買, 但係就去佳記食左魚蛋and 牛雜.
攪笑:
放學行到地鐵站, 阿明問我, 你係咪返荃灣? 我話係. (當時佢個意思係, 你唔搭地鐵, 我就搭巴士)原來無左我陪, 佢唔搭地鐵ga, 不過有我係度, 一定好d, 起碼佢比人蝦, 都有我幫佢. 呵呵

阿洲, 非常感激你成日留言呀, 不過, 我發現原來之前d留言會自動消失ga, 我唔想無左呀.
所以,,,希望...你咁聰明, 識做lei.....哈~

>>April 21, 2004 at 11:18:13 AM GMT+8