| 日記 | 日記主簡介 |
|||||||||
2005 年 9 月 9 日 星期五 【晴】 CHING
今日helen生日~~ 生日快樂喔~~ 16歲啦~~ 仲大過我-O-(講笑) 朝早同蒂貽廖佩去螢之祭 冇乜野睇.... 有點雷聲大雨點小的感覺...被騙了...@o@ 跟住去搵野食... 佢地兩個堅持要食麥當努-O- 搞到唱k遲左7個字有多...┬┬_┬┬ 途中係度討論廖佩唔可以同姓咩既人結婚 笑死XD 去到 我覺得全部都開晒button law... ○生日卡 好絕XD ○夢中人 我明白唱k呢家野應該要投入 但...古巨基那種賴飄逸的表情...然後唱的又....XD ○蔡偉鋒(係咪咁打?) 唱歌高廿個key 何韻詩既化碟係佢既一嗚驚人之作XD ○勁歌金曲 模仿古巨基的表情與做手 ○LALA世界,將冰山劈開 唱K飲歌~~叫到喉嚨痛 ○FIR 進入失控狀態 HELEN小姐倒香檳倒瀉左XD 期間發生左一件好驚險但好KAI既事... 勢估唔到... 返到屋企連我都KAI埋一份-O- 擺明係為朋友兩肋插刀 冒住失聰危險去完成任務 唔知另一位特工,依家點呢?? 係毫無心理準備之下....會唔會真係暈左@O@ >>September 10, 2005 at 4:44:38 PM GMT+8 2005 年 9 月 8 日 星期四 【晴】 CHING
johnny depp十一號黎香港丫丫丫丫丫!!! 迪士尼真係勁... 好想見佢...好想去接機...┬┬_┬┬ 魔盜王2首映黎香港搞丫....┬┬^┬┬ 係forum見到有人話去接機又送埋機... 好羨慕....好想比佢簽名...┬┬_┬┬ 今日返學校 主要活動係hea 學生會宣傳係大笑話law~~ 先有王+樑勇殺四腳蛇 然後有內閣罵戰 再有karo串嘴(有人以為係我=.=) 最後以許文龍既「可以放飯未丫?」作結 社大會 搞election-O- o晒咀 兩個社長都唔好得去邊ga啦~ 應該會參加200同1500 200預左係後面揮手XD 1500應該跑得晒...如果係7分半的話 放學 好無奈 唔知點解又會關我事-O- 明天helen birthday 會去唱k~ 不過之前會同蒂貽廖佩去敗家XD to shun: 稀客@o@ 若然佢真係glad有我咁好既學生 佢就唔會咁糟質我啦=0="" 點解the last sentence冇親切感既?? >>September 9, 2005 at 10:05:12 AM GMT+8 2005 年 9 月 5 日 星期一 【晴】 CHING
開學既第四日 到今日既中史堂我先有番少少會考生既知覺 聽起上黎中史又ok易 可能有個B~ 放學 蒂貽helen三個食lunch 食完 同helen過大中 見到好多vc=.= 去左交表比miss廖 等左好耐...辛苦晒helen 然後nana終於比miss廖拉左黎~ yeah~ 42公里ja~一定得既 50公里都唔洗12個鐘 不過籌錢一定好辛苦......................................... 唔想搵校長搵,陣間佢叫我同nana係早會度分享咁點算...┬┬_┬┬ 岩岩上e-class見到王sir將中文notes擺上去 應該係notes黎的 雖然佢話係會考重點表 真係唔明點解印notes都要收錢 環保,唔通我地係屋企自己印就好環保啦咩?! 若然話係費時係又印唔係又印, 咁我覺得老師們咁大個人,識衝量,識分輕重 再唔係咪出指引,講明邊d先介定為notes law~ 一去就已經去到收錢既地步 冇彎轉,講錢傷感情 對外講話為"環保" 比我既感覺又唔係呢一回事 仲搞笑既係 依家連係咪印親都要收定印白紙先要收都冇人知 學生唔知,老師都唔知 我諗呢項政策都唔係呢幾日決定既事 不過到依家開左學 都仲未有明確既宣佈 擺明就係行政混亂 希望老師們今日放學開會係討論呢件事 我諗如果學校今年冇整外牆校名我都冇咁興 依家去做history果個golden five minutes 山山話係耶魯大學既教學法wor=________=+ 自從miss wong(唔識串英文名..)教呢個開腦掣(brain button)之後 我地班無論係老師定學生都好似開晒掣咁XD 全部失常XD >>September 6, 2005 at 12:01:53 PM GMT+8 2005 年 8 月 31 日 星期三 【晴】 CHING
開學 獲得全恩主教最偏遠課室一間 附送地獄式樓梯瘦身療程 驚喜優惠價五千六百一十,免息分七期繳付 因 今年更增設外牆校名 而且校園內掛上各式橫幅 增添學習氣氛,製造超一流學習環境,向高級學府進發 保證你有頭有面,出街唔怕比人笑 恩主教大家庭,誠意歡迎你加入 >>September 4, 2005 at 10:01:36 AM GMT+8 2005 年 8 月 29 日 星期一 【晴】 2005 年 8 月 23 日 星期二 【晴】 2005 年 8 月 20 日 星期六 【晴】 CHING
岩岩睇完"迷失在夢想國的戀人" 話睇完,實則上係未睇完=.= 睇到2/3就stop左... 實在太悲哀啦... 越睇個心就越唔舒服,好似戀愛地圖既上海篇咁.... 會唔會係我太容易就代入左故事入面...? 雖然我表面上睇黎唔似咁既人 但我曾經睇醜小鴨睇到喊..... that's why果d洋溢住親情感動既電影唔岩我睇 我諗睇完 負能量會纏繞住我一段好長既時間 我會為最後既大團圓結局高興 但我更為當中慘痛既過程傷心,往往將慘痛既部份不斷放大 愛情感動既ok,睇下去到邊個程度 尋日睇完戀愛地圖... 五味雜陳之餘... 我人生中既五姨太出現左.... 佢就係.. 戀愛地圖上海篇既男主角-----塚本高史 呢一刻,我仍然相信我只係被佢個角色吸引 冇錯,一定係咁! 絕對唔係因為佢靚仔...請相信我.....嗚....┬┬_┬┬ 目前仲未太了解佢 好似係歌影視三棲藝人 夫人....我對你唔住...係你使出渾身解數黎展現才華既時候... 我居然被第二個吸引....我會好好反省..請你相信我對你既愛....orz... to蒂貽: 我知啊~ 你睇唔到我前面話"唔通"麼??@o@ >>August 21, 2005 at 11:31:04 AM GMT+8 2005 年 8 月 19 日 星期五 【晴】 2005 年 8 月 19 日 星期五 【晴】 CHING
屈指一算 其實暑假剩番12日(計埋今日) 真係...快樂既時光過得特別快,又係時候講bye-bye~ 我唔想咁快同我既悠閒生活say goodbye.... 一連五日既補課,冇去兩日,一日逃學(一節ja~) 人生之中第一次逃學就出師不利-O- 即係咁 原本10:00放break我地已經閃左 諗住去十大 點知佢開11:00...┬┬_┬┬ 去左麥記,蒂貽食野 hea左45分鐘,再去十大 冇帶會員卡...佢收我非會員價=口=|| 奸商,黑店!＞口＜ 係呢個高科技時代,居然唔可以用電腦check?! pp佢..算~反正坐一個鐘多d ja~~ 我發現唔止tinyan... 其實蒂貽都可以好恐佈.... 佢睇一本櫻蘭睇左一個鐘就算... 期間仲要不時爆笑XD 本身櫻蘭係好好笑,佢笑成咁仲好笑XD 好彩個職員阿叔冇行埋黎話:「小姐,麻煩你地靜少少,唔好發出怪聲~」 相比之下,我睇曲棍球既爆笑程度就冇咁高,BUT都好好笑~ 講起呢位阿叔(冇叫佢阿伯算好....居然收我非會員價..) 當我地揀緊漫畫既時候 佢就羅住塊毛巾走出出面抹玻璃門XDDDDDDDDDDDDDDDDD 笑死朕XDDDDDDDDDDD 好想影底佢,不過唔夠薑XD 1:00準時返到學校補ECON 同nana一齊陷於迷茫之中 開始十五分鐘之後 佢講既野我已經唔明XD 來年ECON險情告急 放學上去搵佢地 個個一見到我就話:「咦?!你做咩係度ga?!」 見到十個,第十一個行過既路人都咁問我 我好好奇...明明我淨係話左比brenda聽...-O- 睇黎我品學兼優既形象已經冇左XD 尋日星期五 唔返去補課,呵呵~~去左上張記堂~~ 原來張記同陳崗係華仁既師兄弟-O- 佢好驚訝聽到我地學校得一個A 因為張記曾經問過陳崗洗唔洗幫恩主教搞D補底班 結果陳崗拒絕左,認為恩主教既英文冇問題...=______=+ 上張記堂真係好好笑 雖然佢成日話自己唔似出面果D,上堂成日講笑話 不過佢講D野真係好好笑XDDDDDDDDDDDDDDDDD 最經典既係,佢教magic e既時候 舉ask呢個例,然後講講下又扮黑人 狂講don't ask me!don't ask me! 果次笑到我地成班pp~ 最值得高興既係 佢終於話我英文作文可羅c啦┬┬_┬┬ 終於從佢長達一年既轟炸之中解脫~~~(灑小花) 佢又話今年既會考口試班,最後有18%既人oral羅左A 我地成班就即刻好有默契咁講我地既slogan「會考冇難度,十A做得到」XD 落堂既時候 張記好語重心長咁勸我地要勤力d云云 我地就報以熱烈既掌聲,感動死佢XDDDDDDDDDD 然後去紅蜻蜓搵tinyan佢地 期間不停狂笑 發現helen無論係慘事定nor事都好有娛樂性 4:00返去補oral 又笑到腰痛...XD 今堂主要既活動係扮講電話 笑死,忍唔住要錄音,遲D放上黎同大家分享XD 好可惜下堂冇得返,叫阿羨幫我錄XD 夜晚蒂貽打黎 笑到內傷XDDDDDDDDDDDDDDD 多謝上天,我身邊每一個人都充滿娛樂性XD >>August 20, 2005 at 4:50:45 AM GMT+8 2005 年 8 月 16 日 星期二 【晴】 CHING
再度嚴重荒廢學業,補習既功課都唔做,連日沉醉係w800i之中... 所謂既沉醉都係上網搵下主題,入下歌咁啦=x= 愛死佢>w< 唔知係咪心理作用, 我總係覺得w800i既喇叭好過我電腦果對15蚊既喇叭 唉~ 跟住又被阿娘話我敗家-O- 都唔關我事,三大罪狀得一樣我開口話買ja嘛~~ 請勿將自身的揮霍歸咎於子女身上,多謝合作~ 今日逃學去睇牙 等左一陣就入去 個肥佬醫生harry同另一個女仔係度講緊會考 harry:「今年考得幾好丫~我有d病人6A,7A,8A都有~佢地好多都拔左尖啦~有幾個入左中大,有D去左讀MEDICAL SCHOOL~有個英國返黎既尖子丫,即係英國果邊d尖子呢~今年返黎考都好多A丫~」 睇佢個樣...好似佢自己考到咁...語氣仲要係羅A易過買舊生豬肉-O- 個女仔好牽強咁陪笑左幾下,然後話:「你D病人都好勁wor~」 harry:「係丫~~有年有個10A添啦~(下面廢言，自動SKIP)」 女仔極無奈,好明顯我入黎之前佢地已經係呢個話題上打轉左一段時間, 呢一刻我好慶幸佢唔係同我講, 到最後,個女仔坐上手術椅既時候----- harry:「咁你有幾多個A丫?」語氣期待。 女仔:「一個。」 忍得好辛苦先冇笑出黎 到我既時候,佢同我講考多幾個A比佢睇-O-.... 呢個會考 已經成為朋友間每日既話題 然後就引伸到將來既問題 目前唯一可以確定既係 我會從事有關文字既工作 叫我做OL...不如叫我去羅綜緩 暫時既FIRST CHOICE:旅遊記者 原因:邊旅行,邊工作,開眼界之餘又可以賺錢 現實:冇時間玩,而且budget少,要識外語先有比較好既機會,又要識影相 SECOND CHOICE:書本翻譯 原因:唔洗坐office 問題:不懂多國語言,英文亦唔掂,唔通負責將簡體字轉做繁體字?! THIRD CHOICE:作家 原因:自由,唔洗坐office 問題:自身創意不足,搵唔到食 唉...到底有d咩係唔沉悶又岩我做既工...? >>August 17, 2005 at 10:58:24 AM GMT+8
|
人氣: 31736 Design & Scripting by ShowHappy.Net |
nana:
咁所以最大ge都走埋ge~
<b