| 日記 | 日記主簡介 |
||||||||||
2005 年 8 月 9 日 星期二 【晴】 CHING
尋晚發夢夢見我家Keanu>w< 上次係夫人(自從helen將某人稱呼為johnny之後,我就唔想將夫人稱呼為我家johnny) 幾時到orlando???好期待~~ 出場人物 我--Keanu超級fans 工作人員甲及乙--負責化妝 樣衰大隻佬--壞我好事 Keanu--獵物=.= 開場係一個盛大既頒獎禮 我唔知匿埋係邊度 總之係一個所有人見唔到我,我又見到所有人既地方-O- 明星一個一個入場 終於 最後一個係Keanu 有一大班好似我咁匿係暗角既人衝晒出去 混亂之中 Keanu個頭甩左出黎@O@ 原來係假扮的 假扮我三姨太既下場就係被人拖出去圍毆 我呢D醒目既,當然繼續守株待兔 終於見到Keanu既真身 不過又唔知點解我冇衝出去 反而去求工作人員甲及乙幫我混入後台 結果佢地好好人咁應承左 咁岩原本既工作人員丙冇返 我就帶住佢張工作証入後台 點知係門口比一個樣衰大隻佬攔住 類似殘酷一丁果D 佢話要核對身份 PP佢 佢第一個就問我住邊 神奇地我又答得出 跟住又問咩名,負責D乜野等等 然後就問工作人員乙住邊 佢指住我答:「我同佢係兩公婆黎ga」 大隻佬冇出聲,然後放晒我地入去 出奇地我同乙都係女仔-O- 等待多時既Keanu坐係化妝台前面 我幫佢化妝 期間唔知講左d咩 化完之後(好似化得好好) 佢捉住我隻手,同我講:「不如我地一齊去日本」 又係講廣東話@o@ 最後我未黎得切應承佢就醒左 呢D咪叫日有所思,夜有所夢XD >>August 10, 2005 at 5:19:35 AM GMT+8 2005 年 8 月 7 日 星期日 【晴】 CHING
今日阿娘冇出去... 結果我9點幾就比人整醒左...慘絕人寰T0T 會合埋小飛俠去食早餐 出左lift之後 阿娘:「做咩唔叫人丫你」 我:「叫邊個?-O-」 阿娘:「櫻冰丫!人地都認得你,你做咩唔HI人咁冇禮貌」 阿爹:「同學黎ga?」 阿娘:「係丫~仲fd到痺添丫~」 結果成餐早餐我就不停比人話冇禮貌...唔識世面等等-_- 咁我真係見佢唔到丫嘛... 咁早起身,都未訓醒-_- 下午既活動係去科學館 有tinyan蒂貽helen我 首先同tinyan一齊出去 一見面我地就話自己個袋好重 鬼咩...全部都係要借/還比佢地既書 helen都話唔知點解去完書展之後 我地成班變得好有書卷味-O- 搭火車既途中 同tinyan討論博物館好嚴肅既問題 然後 佢問我 「有邊間科學館係唔嚴肅ga?!」 ....-O- 去到科學館 蒂貽未黎 等待既期間 好無聊咁幫HELEN諗左一個介紹佢既最好方法XDDDDDDDDDDD 入到場 一見隻長頸鹿就已經知呢個展覽唔需要太期待 poster上面既長頸鹿係成隻 不過真正既展品係得個頭 冇錯,係得個頭-O- 全埸都係小朋友同家長 小朋友玩得好開心 最恐佈既係佢地竟然可以揹著個龜背(場內提供) 歇斯底里咁向前爬,賽跑-O- 我地睇左45分鐘就走@o@ 然後tinyan話要去迪士尼地鐡站 最後我地以星期六睇完chocolate factory再去會更夢幻為理由阻止左佢 出到黎冇理由真係去完科學館就乖乖地返屋企ga 所以我地去左漫畫cafe 基本上我都冇乜睇到漫畫 tinyan同helen上網 玩neopets,睇相,笑到我ppXD hea左兩個鐘就返屋企lor~ 回程既時候 同tinyan講d好嚴肅既話題 證明其實我地都可以好正經= =+ 因為阿娘同阿姨返左大陸 拋夫棄女 留低我同小飛俠兩個食自己 pp小飛俠差d累到我冇得睇野蠻奶奶 TO廖佩: 好搞笑?@o@ 你講咩好搞笑先?? 我呢d高級邪靈梗係醒啦-O- >>August 9, 2005 at 9:59:41 AM GMT+8 2005 年 8 月 6 日 星期六 【晴】 CHING
哈哈哈哈.... 真係發夢都笑得出~ 尋日同小飛俠出左旺角,買mon~ 事緣係.... =================================================== 爹:「點解你個mon震得咁犀利既?」 我:「下?!唔知丫..佢呢派都係咁」 爹:「哦,可能夠期壞左啦~星期六同你出旺角買個新ga啦~」 =================================================== 我冇話佢聽brenda都係咁 更加冇話佢聽可能係中左毒XD 結果就係咁比我呃左個新mon~yeah~~ 仲送無線keyboard+mouse 正當我滿心歡喜咁諗住用新野既時候 我發現隻driver disk都冇我果隻model-O- 唔好玩啦 求其裝左個諗住得啦 點知connect極都connect唔到 真係佛都有火....更何況我區區一個凡人 打比brenda求救 點知佢話幫我唔到...orz 天亡我也... 結果同小飛俠一齊奮戰左差不多3個鐘終於搞掂 正想叫小飛俠退場比我上網 點知佢話 爹:「點解個mon仲好似咁震既?莫非係部腦既問題?!」 我捏一把冷汗,希望佢唔好發現其實係中左毒 如果唔係我就pp啦-O- 小飛俠開始check問題既所在 我企埋一邊扮睇the most famouds bird in Taiwan 一邊諗定佢發現左之後,我應該點算-O- 呢d係咪叫「上得山多終遇虎」-O- 終於 爹:「哦~原來係顯示卡有問題。」 顯示卡?! 咁即係唔關我事啦~ 原來唔係中毒,連我自己都誤會左-O- 跟住小飛俠一邊沉醉係好後悔點解唔check清楚就買mon既悲痛之中 一邊努力咁幫我整番好 佢係奮戰當中 我就舒舒服服咁坐係梳發睇the most famouds bird in Taiwan 無他 因為隻老虎比漁農處人道毀滅左 正丫~~ 結果有驚無險地大贏家仍然係我XD 好感動-O- 終於有人留言啦-O- 人氣亦不知不覺間去到7165-O- TO達達: 真係多謝你... 就算冇野講都係度留言... 太好人啦你>O< TO小廖佩: 係law... 太悠閒啦... 點算... 星期三就開始補課生涯...T0T 想睇狼的誘惑問tinyan借吧~ 估唔到你阿妹都對電車男有興趣@o@ 我都覺得好好睇,一路睇一路奸笑XD TO brenda: 唉... 我maths wb仍然停留係第一課階段 係上次同helen卷左幾課MC.... 點算...orz >>August 7, 2005 at 2:32:01 PM GMT+8 2005 年 8 月 4 日 星期四 【晴】 CHING
岩岩睇完7-ELEVEN之戀 坐係窗臺,飲住涷水,又好太陽 太悠閒既生活啦~~~~ 所謂既溫書同功課 掂都未掂過-O- 冇果個心情就冇ga啦~ 既然溫唔到書又做唔到功課 就惟有繼續玩樂,唔好晒時間 本週大事係小飛俠同我講佢細個試過放火-O- 真係...細細個已經咁有犯罪天份 好彩冇遺傳比我-_- helen小姐笑爆咀 郭品超呵...重點重點~ 星期一去博物館,正丫 好有益身心-O- 終於做番d好學生會做既野-O- 快d到星期一啦~~我要睇蒂貽阿sir既相~XD >>August 5, 2005 at 6:47:17 AM GMT+8 2005 年 8 月 1 日 星期一 【晴】 CHING
驚險又悲壯既風帆之旅圓滿結束 雖然羅唔到證書 不過諗番起果兩日又真係好開心 除左化身孤兒漂流果時-O- 真係人生中難得既體驗 同時我發誓冇下一次 詳細過程唔打啦 反正好多人都知~ 尋日去左漫畫節 果種徘徊係地獄既感覺我依家仲記得-O- 真係pp佢 第一次行呢d展覽行得咁辛苦 然後又好冇義氣咁 丟低蒂貽一個面對地獄黎既魔女orz|| 跟住去台灣餐廳食野 不停咁吹水-O- 幾好,聽到好多八卦野 然後蒂貽同brenda轉戰銅鑼灣 helentinyan我歸家 一路上發生好多笑死人既野 事實證明一同tinyan一齊 我身體內既細胞會產生異變-O- tinyan亦都話佢可能笑到內傷 丫~helen仲未話我聽蠟像館既名-_- 夜晚去左稻香食飯 果個抵食到嚇死人既搭搭餐=口=|| 三位$338 免荼免芥免加一 六個餸加每位一個頭盤,甜品同支裝汽水 d份量多到我地一家三口全部陣亡 果個紅米炒飯成為我今日既午餐...T0T pp小飛俠既提議 自己又唔肯用米網卷做早餐 都話米網卷同涷奶荼係天做地設既一對-O- 成餐飯引黎唔少人既注目 因為我笑得太大聲-_- 連侍應都問我做咩食得咁開心...-O- 然後部長上菜既時候見到我笑又學我笑...-O- 今日食野果時個侍應阿姨又問我有咩咁好笑...-O- 發生咩事...-O- 原來我係不知不覺間變成一個奇怪既人....orz 今日當我悠哉悠哉咁睇緊狼的誘惑 收到蒂貽既電話 我可憐既朋友...我會為你祈禱... 雖然你同我講你唔信上帝... 受到狼的誘惑既影響 依家成日打埋呢D表情符號→-O- , -_- , T0T etc... 太得意啦~ 星期四要數學比賽... 我唔想去...orz.. 快d到今晚..我好想睇野蠻奶奶~!!!!!!!!! 靈珊變壞啦~!!!!!!!!!! 都係Lisa姐搞到佢咁T0T >>August 2, 2005 at 10:13:36 AM GMT+8 2005 年 7 月 20 日 星期三 【晴】 2005 年 7 月 19 日 星期二 【晴】 CHING
過憤左呢種寫意生活 覺得連補習都係一件苦差,點算~ 靈感湧到咁黎 星期一 brendahelentinyan我大家樂食早餐 去既時候係k12巧遇brenda 100%驚訝=口=|| 我地真係有緣XD 然後brenda講左件可以成為某人「一生的笑柄」既事比我聽 笑死朕XDDD 大家樂食食下,pinky過黎會合埋我地 再一齊去交成績表 落斜路果時,pinky冇啦啦大叫what's up 笑死我同tinyan~XD then去圖書館 係成人圖書館講野大聲得濟 比職員伯伯叫我地「可唔可以細聲少少」 轉戰兒童圖書館 用天真爛漫既小朋友作為掩飾 唔記得坐左幾耐 臨走借左蛋白質女孩 同情迷朱古力既原聲 吸引我既唔係入面既歌(雖然都好聽) 係我家johnny既靚樣XDDDDDDDDDD 有時間要搵番隻碟出黎睇第三次 送完tinyan搭火車就同pinky閒逛一陣就back home 嚴重覺得某某人應該賄賂我 星期二 補習 入到去見到鄧偉鵬 應該點講? 「是福不是禍,是禍躲不過。」 首次比張記認同我既句子係solid 不過仍然停留係c階段 放補習搵阿娘 食野 然後佢去美容,我返屋企睇「蛋白質女孩」 笑死朕 入面講既野真係超一針見血又懶押韻 跟住先知小飛俠今晚唔返黎食飯 高唱「今天不回家」 其實佢係為工作 fine~ 同阿娘出門血拚去 終於買左泳衣,幾時去游水? 見到佐丹奴既白色米奇tee ok靚,不過一定好快著到通街都係,算~ 終於買左涼鞋,綠色的XDDDDDDDDDDDDDD 行左兩個幾鐘 由七點幾行到9點幾差不多十點 罕有地唔覺得行街辛苦@O@ 晚餐 牛腩河+淨魚蛋,正丫~~~~~~~~~~~~~~~~
>>July 20, 2005 at 3:55:39 AM GMT+8 2005 年 7 月 15 日 星期五 【晴】 CHING
＊＊＊＊＊＊＊總記＊＊＊＊＊＊＊ 呢期最開心最值得歡呼既事─文科第一名是我 猶記得中四開始冇耐 有一個名叫發奮會定奮鬥會既group 大致就係大家要發奮向上 加入既會員每個人都有一個成績方面既目標 我既目標係─ 「我要做文科第一。」 呵呵呵呵....目標達成>w< 講笑...其實我係羅完第一先記得有過呢個目標... = =+ 我知今次有好多人退步 我亦承認呢個係我可以羅第一既因素 but,講到尾,都係我自己努力換返黎既結果~ 考試溫書唔多努力 平時test都係test當日or之前果日先溫 不過我都係有溫 之前溫左,點都比較容易上手 我諗呢個係我可以係冇乜努力既情況下 仍然有進步既原因 如果有人問我羅第一有咩感覺 我諗我會答─爽到不行 好xx的答法XD 好彩冇人問ja~ 對唔住law....就比我係diary小驕傲一下^^" 其實仲有一件比羅第一更興奮既事 不過我驚打出黎會引起公憤 有興趣既人私下問我好了XD 呢期最PP的事─強戰世界 事緣我打比補完課返屋企的helen 之後我地決定去睇史密夫決戰史密妻(以下簡稱史密夫) 搵齊人有我helenlor蒂貽 其實果時已經1點9..我仲要晒埋衫先出得門口.. 去到三點,冇場 居然有人話睇龍咁威... 我:「咁我返屋企啦~」 唔好玩啦..龍咁威...睇多次逃學威龍都好笑過佢~ 尢其聽完pinky轉述既爛gag之後 呢個時候我+helen提議去朗豪坊啦~ 阿lor就提議用商場既電腦check下有冇場先 呢個提議非常好 我地一行四人浩浩蕩蕩咁黎到電腦面前 「暫停使用」 笑死朕XDDDDDDDDDDDDDDDDDDDDDDDDDDDD 轉戰百佳密謀睇免費報紙 入到去,蒂貽就同我講「行啦行啦行快D~」 同helen+阿lor展開捉迷藏= =+(其實得我+蒂貽玩) 好pp啦....行左大半個百佳都見唔到雜誌架 會合返佢地,一齊再搵 結果─ 雜誌架係門口隔離 我地足足兜左一個圈XD 聽完旺角都係冇場 唯有去旺角boardway睇強戰世界 畢彼特換左湯告魯斯已經好pp.. 成套野仲... 唉... 天價製作費不如捐比慈善團體 做下善事相信更有意義 三腳機械人走黎走去射超人死光 主角命大到,周圍D人死晒,淨番佢一枝獨秀 原本要搭船過對岸,三腳機械人一出現,主角游水就到左,掂過偷渡 結局更是吹脹.... 成套野最成功就令我尖叫左一下 咁就四十五蚊... p.s.蒂貽第二日同我講返,其實嘉禾有場,我地睇漏左 呢期最賞心悅目的事─史密夫 哈~終於同蒂貽去睇左~ 廿五蚊,平強戰世界廿蚊,好睇n倍 一路睇一路覺得 畢彼特會因為呢套戲同安祖蓮娜婚外情 一d都唔出奇 兩個企埋一齊真係襯到絕>w< 正~~~~~~~~~~~~丫~~~~~~~~~~~ d對白又抵死XD 最好笑既係 史密夫知道史密妻係殺手之後果個淆底相XDDDDDDD 仲搞野就係 佢地兩個知道對方已經知道自己係殺手(好複雜=.=) 即刻各自飛奔 一個去羅槍 一個極速飆車逃走XD 成套野真係好好睇 感動位都OK到肉 出碟一定買~~ 呢次有得去睇 係呃左阿娘話我去同蒂貽買風帆d野 有少少罪惡感 辜負左阿娘對我既信任 不過偶然呃一兩次都冇所謂啦~ 反正我又唔係做d咩作奸犯科既野~呵呵呵呵呵 p.s.覺得kelly既<<情人戰>>好有史密夫既feel, 可以做中文版主題曲XD ＊＊＊＊＊＊＊好累 下次再打＊＊＊＊＊＊＊ TO pinky: 終於睇到你既一句留言XD 你應該多謝ricky信你=x= TO ying: 要知道一日要記既野太多 唔記得幾十樣都係正常 唔洗刻意要自己去改 亦唔需要引以為恥XD 其實...我話brenda冇帶鎖匙... 只係用黎呃我阿媽= =+ 根本冇件咁既事,令你誤會實在唔好意思^^" 好多野都要睇心情 就好似我今次打日記+留言 都係因為用呢個心情~呢d野,隨緣啦~ 做完啦?!可惜我一集都未睇過.. 不過我會為佢默哀三秒... 我幾時先見到你? >>July 16, 2005 at 1:41:28 PM GMT+8 2005 年 7 月 14 日 星期四 【晴】 CHING
岩岩睇完藤井樹既新書<<十年的你>> 老實講...我睇唔明@0@ 已經唔係果種識字就睇得明既小說 有d頭痛...因為一口氣睇晒一本咁難明既書 p.s.留言+日記頭痛完先~ p.p.s.祝蒂貽及nana有美好的三天~ >>July 15, 2005 at 8:37:12 AM GMT+8 2005 年 7 月 14 日 星期四 【晴】
|
人氣: 31735 Design & Scripting by ShowHappy.Net |
yo ~~今天上沙灘去 ~~~~
咁所以最大ge都走埋ge~
<b