| 日記 | 日記主簡介 |
|||||||||
2006 年 1 月 31 日 星期二 【晴】 2006 年 1 月 22 日 星期日 【晴】 CHING
好開心 超開心 可能唔係因為我寫得好,只係因為呢個配對hit 但係我真係超開心,就算話我大驚小怪都係咁話*0* 雖然只係小小既進步, 但係足夠支持我去行下一步 >>January 23, 2006 at 3:38:04 PM GMT+8 2006 年 1 月 21 日 星期六 【晴】 CHING
本來做緊中文問答 做做下阿姨落左黎 同阿娘吹吹下水 然後佢打比舅父諗住問佢幾時食團年飯 順便問下大姨果女到底點... 佢之前腦膜炎入左醫院... 點知舅父同佢講,依家好似唔係腦膜炎 醫生同佢地講話唔好抱有太大期望 因為康復之後,智力都可能得番三四成... 阿姨就同阿娘討論到底去唔去探佢好 因為某d原因,所以佢地有d猶豫... 不過佢地最後決定如果情況真係咁嚴重的話,佢地都會去探... 一路聽..我覺得阿姨有一句講得好岩... 大人既野,唔關細路仔事.. 其實人生真係好難測,點解我地仲要同人計較咁多? 時間有限...與其咁,不如珍惜大家可以一齊相聚既時間... 舅父話,表姐變成咁...死或者仲好... 反對佢呢句又唔得,贊成佢呢句又唔得... 萬一表姐真係得番三四成智力, 大姨照顧佢一定好辛苦... 佢自己辛唔辛苦就冇人知... 一個人去到咁既地步,又係唔係死會係最好既解脫方法? 雖然表姐同我感情好疏離,但我希望佢可以快d康復,而且情況冇醫生講既咁差 岩岩又睇多次jay既mv 約左小飛俠旅行完之後去睇「霍元甲」,我諗佢應該會鍾意 阿姨終於比左旅行既行程我地睇,我覺得好kai=.= >>January 22, 2006 at 2:53:04 PM GMT+8 2006 年 1 月 21 日 星期六 【晴】 CHING
有一樣野令我要打第三篇!!!! 十分重要,不過我剛才唔記得左=.= mv→周杰倫李連杰的電影「霍元甲」寫下同名電影主題曲，除了親自執導MV，周杰倫更在MV中大跳一整段嘻哈融合中國風的舞蹈「武扇舞」！ 周杰倫獲李連杰讚賞 《霍元甲》MV拍出震撼 2006-01-20 【明報專訊】周杰倫為李連杰電影《霍元甲》主唱的同名主題曲，收錄在本月20日發行的《霍元甲》EP，並加收他在「無與倫比」演唱會的粵語歌《獻世》Live版，不少人聽過都讚他廣東話咬子比國語標準。EP初版印數約2萬張，但預購數字則高達2萬5千張，要火速加印。 《霍元甲》MV播出後反應甚佳，歌迷讚他「舞功」進步神速，還讚親自執導的他能掌握節奏，李連杰亦讚賞MV好震撼，把年輕的活力帶到傳統電影來。是次EP附贈的DVD收錄《霍元甲》、《11月的蕭邦》等MV共13首，這些MV拍攝遍及台灣、紐約、威尼斯、北京、日本五個地點，總計耗資1700萬台幣，其中《逆鱗》及《藍色風暴》MV是從未曝光的。 歌→周董在靈感泉湧寫下「霍元甲」同名電影主題曲，還叮嚀作詞的方文山歌詞要符合電影的精髓，周董在歌曲中以女聲腔飆高音的詮釋細膩又有特色，可以說是這首歌的神來之筆！ 個mv我睇左起碼有五次,好正~ 可能有人會覺得佢好kai,不過我真係好buy佢呢個mv~ 果段舞真係好型*0* 係有d鏡頭重複左~ 呢派好鍾意揉合左中國風既流行音樂~ 大鼻佬同jay都好得XD EP20號出左啦...唔知聽日去買仲買唔買到... >>January 21, 2006 at 4:21:54 PM GMT+8 2006 年 1 月 20 日 星期五 【晴】 CHING
唔知點解好有興致打日記~ 岩岩唔小心撕爛左尋日講座派既其中一張野→「如何應付壓力」 證明我真係好不滿=.= 今日8:30比人叫左起身.... 咁樣放假有咩意義....? 不過阿爹會話:咁你人生有咩意義? 人生既意義咪係十年後要買架全新既benz比你=.= 一切等我 然後出旺角 同helen買紀念冊 罕有地早到,約左3:00,2:45到左@0@ 不過helen要熄制...我到左佢都仲未出得門口 又唔想係火車站等佢 唯有冒住蕩失路既危險,自己一個向潮特進發 我得承認...一向去唱k睇戲行街我都係跟佢地行,冇乜認路的... 我大慨記得係直行,不過直行去到邊又洗唔洗轉彎就唔多清楚 去到bodyshop對面打比helen.. helen:向右邊直行,然後到咁上下轉彎 我:咁即係係邊度轉彎? helen:哎...你行到掘頭路轉彎咪得law! 我:我好驚會蕩失路... helen:唔好丫你...我擔當唔起ga.... helen真係我生死相隨既好朋友...果然有擔心我=.= 終於我行到掘頭路 不過好朋友001冇同我講轉左定轉右, 好彩我認得兆萬,仲見到「牌神 千姬變 街頭魔術大揭秘」^^ 行晒成層第一層helen先到 展開尋找紀念冊大行動 期間發生左靈異事件 至今仍無法解釋 最後冇收獲=.= 諗緊仲有邊度可以行既時候 helen媽媽打黎叫helen羅鎖匙返屋企,因為佢冇帶 爭執左一輪,helen決定搭車返屋企,而我就出沙田先 等車期間見到消防車(紙貓口中的火燭車)經過 helen:會唔會係我冇熄好個制...依家屋企火燭..? 過左一陣,佢求其見到架巴士就跑左上去=口= 果一刻,我真係覺得helen好瀟灑=.= 出到沙田 第一站citysuper 都唔係好睇得岩 因為好貴...而且我要自己加工封面 跟住行去無印 見到一好無印feel的,又平又厚,$22*0* 不過唔係硬皮,傳得幾傳必變梅菜=.= 跟住收到helen電話 helen:我到左啦,你係邊? 我:係無印~ helen:....我係citysuper!!! 我:我岩岩都係citysuper,不過走左=口=|| 估唔到呢d「我走左你就到」既電影情節會發生係我地身上...-o- 據helen既意見,佢覺得無印簿唔好,咁算啦..有份寫既嫌棄你,唔買了=.= 買左幾枝筆,留左係helen袋度,麻煩星期一記得比番我~ 然後行西田文具部 又無收穫 諗住去禁錢交補習報名費 點知我唔係好記得密碼 頭一次唔岩 要試第二次 都唔岩=口=|| 果一刻我真係好淆底 拿拿聲羅卡走 需知道櫃員機唔會一開始話你聽密碼錯 係等你連銀碼都禁好,佢先話「私人密封不符」 係helen既建議下試第三次,又唔岩!!!!!!!!!!!!!!!!!!!!!!!!!!!! 咩事????????????????? 櫃員機,張卡真係我ga=.=不如我地驗指紋=.= 呢次連「請與本行接洽」都出埋 淆到不行,唔敢試第四次,驚佢食卡 到時阿娘會殺左我-o- 一路行去商務一路同helen係度講密碼既事 係度講如果第四次都錯,會唔會即刻落閘唔比我地走,然後電腦系統會自動報警..... 警察:靚妹!!!盜用人地張卡下嘛!!!! helen:我覺得可以再試下...反正食卡又唔關我事~ 好朋友^^ 商務又係冇收穫 不過d書好平,因為佢就搬遷~ 然後同helen行左過隔離影貼紙相 唔想行落樓下,太懶了-o- 昌錢昌左好耐 前面果個人不停咁過膠,過一百張丫笨 企係櫃台慢慢逐張逐張入套 唔係話你唔可以咁做 不過請你行埋一二邊-o- 入左一部聲稱係最新既機 好耐人尋味 因為冇中文指示 完全係靠估 次次揀都係揀聲稱係最新既背景 因為除左春夏秋冬之外 其他日文我地都唔識 每一次都係未諗好pose就要影or未ready好就影左 太kai,笑到跌低 然後部機出左個畫面,彷彿話我地已經影完 咁我地就出去等啦 之後有一班男仔入左去 我地係外面等左好耐 又唔見有得揀相 淨係聽到班男仔係入面不停咁笑 helen:佢地會唔會係笑緊我地??!!佢地會唔會幫我地揀緊??!! 我心諗:唔係掛... 但係又冇衝入去一探究竟既勇氣 好彩幾分鐘之後,我地既懷疑被推翻,如果唔係的話...就真係...-o- 可惜我地係時限之前只係揀左兩張,因為張張都好kai,好難揀,本來人地比四張我地 加野上去,我令helen變做女皇,helen幫我較左美白(因為我之前不停提議去影超美白)XD 影完貼紙相 我同helen都覺得成個行程充實左好多 然後helen去補習,用衝的 我就去citysuper買左令我大出血既簿 再行過對面買海膽餅 仲要唔知擺係邊而打比jade=.= 比完錢走人既時候 聽到有人好大聲對罵,好似想開片 身後一對情侶一個箭步行去睇 我就繼續走人 人地開片睇黎做咩,開埋一份定阻止佢開? 莊子話要順其自然,唔係既話只會痛苦 搭火車返大埔 超多人 好似淨係有人上冇人落咁 同埋唔知係咪因為改左用人手埋站,個司機又廢 停車果一下衡力好大 前面果個男人企唔穩,差d跌左落我度=口=" 返到屋企一陣就出去食飯 呢部份或者留番聽日打 打左咁大篇,非常累=.= >>January 21, 2006 at 4:00:07 PM GMT+8 2006 年 1 月 20 日 星期五 【晴】 CHING
昨天放學後,家長講座前 helen同廖佩上黎我屋企 租碟睇 為免遇到好似「cool男寡女」咁既爛片,租左兩套"緣份的天梯"+"我的b型男友" 正丫,又係韓國kai片^^ 「cool男寡女」真係好爛(其實係我話要睇) 我寧願睇多十次「吾妻十六歲」 所有既笑位都係我地嘲笑入面既人先有 除左一個＞＞＞＞＞ 男主角:明天是我的生日,你來我的生日會吧! 女主角:明天??!!! 男主角:有問題嗎? 女主角:可是....明天我有一個很久不見的朋友從美男國回來啊!!!!!!!!!!!! 果一刻大家(tinyan我蒂貽helen彤)o晒咀 冇人知道美男國到底係地球上邊一個神秘既地方 直到男主角講下一句＞＞＞＞＞＞ 男主角:甚麼?!美國?! 笑到跌低XD 諸如此類既出錯字幕成套戲都不停出現 然後影到女主角係「美男國」返黎既朋友原來只不過係一個染金毛既肥仔,又笑左好耐XD 最後睇左「緣份的天梯」 廣東話配音真係好好笑 我懷疑配男主角既配音員暗戀rain 成日都整埋果d「丫...丫...um..」果d聲出黎 有一個超經典既笑位係咁＞＞＞＞＞＞ 話說男主角(奎植)既朋友(善達),就建議奎植, 如果想女主角(鳳熙)領洗,應該用d潮d既方法。 結果奎植就換左一套好型(佢自己認為)既衫, 趁鳳熙洗緊車既時候, 行埋去,對住車頭玻璃係度整自己d頭髮(懶型地), 鳳熙:你咁著都幾靚仔丫~ 奎植:係咩???(繼續整頭髮)其實............................天主比我更靚仔! 又係笑到跌低XDDDDDDDDDDDDDDD 不過後尾既感情戲悶左d 始終權相佑唔係一個靚仔 轉碟期間,廖佩去左廁所 helen同我匿埋係我間房 廖佩出到黎見冇人 就用好哀怨既聲線大叫:b ching~~~~~~~~~helen~~~~~~~~你地係邊丫~~~~~~ 睇完「緣份的天梯」都要出門口返學校 咁果套b型男友點???????? 行去學校既途中 brenda打左十次比helen問我地行到邊,佢唔想自己一個入去 講座內容好廢 不過都有唔少笑位 rex真係假左少少...雖然我明錄果d片係要講d咁既野,不過由rex講出黎又未免太冇說服力 阿娘好明顯係聽到好眼訓 十大金句原來我都中左兩句 成個講座淨係講左恩主教會收幾多分 又唔講有乜科讀,一眾家長都冇問 填feedback既時候毫不留情咁指責佢呢樣野,反正係不記名的~ >>January 21, 2006 at 2:48:13 AM GMT+8 2006 年 1 月 14 日 星期六 【晴】 CHING
係呢一刻係幾咁寫意舒適 儘管窗台係幾咁混亂 換左2006既月曆 新一年首次知道聽日係幾號 re:迴旋 >>2005年12月23日 11:28:12 多謝關心^^ 依家可以講係放開左~ 聖誕過左,祝你農曆新年快樂XD re:jeffy >>2005年12月24日 23:01:00 長長都係未寫左就訓左, 睇黎你可以做埋大股東添,005^^ >>2006年01月01日 03:17:50 大家咁話,祝你要乜有乜XD re:shun >>2005年12月28日 09:07:54 叫人玩完就好溫書, 下一句就話冇乜所謂, 你都幾耐人尋味=0=" >>2006年01月12日 05:26:11 一齊都幾好, 有心唔怕遲,happy chinese new year~ hv a happy day~ re:bird >>2006年01月14日 20:59:14 唔好咁自滿啦雀雀, 呢度一d都唔難搵^^ >>January 15, 2006 at 9:07:30 AM GMT+8 2006 年 1 月 8 日 星期日 【晴】 2006 年 1 月 1 日 星期日 【晴】 CHING
今日親戚入黎飲荼 等位浪費左好多時間 需知道我每一分每一秒都秒好寶貴的! 除左係因為功課未做完之外 尋日仲比我發現左明3有●●的●●既感情結局=口=|| 睇到各位玩家post出黎既感想同對話節錄...有一百個◎◎ 雖然人唔靚,但呢點可以用我獨門既幻想力補救 而且主角又要係○○○ 於是...我※了 啦啦聲飲完茶同表妹+堂妹返屋企先 我:尋日有冇去倒數? 表妹:冇丫...我11點就訓左law...同關公一齊倒數 我:關公?!@0@ 其實佢會唔會係想講周公 開左絕世好賓比佢地睇,我就係房玩明3~ 功課進度:完成econ >>January 1, 2006 at 4:11:52 PM GMT+8 2005 年 12 月 31 日 星期六 【晴】 CHING
成11點半先食飯 食完行過大中 時間岩岩好XD 等左10分鐘就倒數 倒數完就即閃XD 期間聽到有同brenda同名同姓既人中左獎~ 等倒數既期間 有don+mandy同唔知邊個既獻唱 不過我咩都睇唔到,太矮了=.= 到左倒數既時候 好耐人尋味地全場數快左兩秒XD 全大中既人早兩秒踏入2006年~ 阿娘:好野,數完可以返屋企~ 返到屋企 阿娘對小飛俠做左樣野 我:依家阿rain咩??@0@ 然後佢地兩個就自我陶醉地一個扮阿rain,一個扮尖叫既師奶 係度上演萬年纏綿戲碼 為人女兒者,唯有返房打日記~ 06年願望:心想事成~ >>December 31, 2005 at 4:27:49 PM GMT+8
|
人氣: 31734 Design & Scripting by ShowHappy.Net |
好累
咁所以最大ge都走埋ge~
<b