| 日記 | 日記主簡介 |
|||||||||
2005 年 5 月 29 日 星期日 【晴】 CHING
好啦...頭先打打下hang機...好彩打左小小ja... 岩岩睇完冰冰比我既回信 只能夠講 多謝 同時公開表揚佢咁有我心 多謝晒 尋日列果張LIST...哇咧 打晒都要一段時間 而聽日係econ test ga 打住幾樣先啦~ ＊＊＊＊黃家樑痴線事件＊＊＊＊ 話說 我地當日教緊「請客」 然後黃sir就叫我地講出請客既壞處 仲話 越早講越著數 佢第一個就問馬文鋒 「哈哈~~你睇我對你幾好丫~~係咪心懷感瀲呢?」 我地成班好多同學,不約而同咁話 「痴線」 本來大家都好細聲講 但實在太多人同時講呢兩個字 變到好大聲 當然,黃SIR都聽到 佢忽然間好嚴肅咁同我地講 頭先果兩個字可以好大鑊 如果老師小氣既話 我地就大鑊啦~~~ 「不過~~你地遇著既係我~~~哈哈哈哈~~~」 ↑BY黃家樑,閃亮地 ＊＊＊＊蝦兵蟹將＊＊＊＊ 我細姨去馬來西亞 諗住搵埋邪靈媽媽 點知佢一講話去旅行,未問我阿娘去唔去 我阿娘已經好決斷咁拒絕左佢 理由佢 「我唔可以丟低果兩隻蝦兵(我?)蟹將(阿爹?)係屋企。」 ＊＊＊＊brenda指定要打果句＊＊＊＊ 某日在大埔某處 「果個應該唔係姦夫，不過我肯定佢係淫婦！」 ＊＊＊＊MISS廖精彩語錄＊＊＊＊ 補習講呢個econ既elacticity問題 miss廖為左令我地明白 社會對東隧同西隧既demand係inelastic 所以佢話 「你地幾時有見過東隧做promote ga? 你幾時見過佢做廣告話『行東隧 有型又有款』 『行東隧又得 行西隧又得 行東西兩隧都都得 請你食冬甩』咁ga?」 在場冇一個人答到佢呢條問題 大家都笑到pp 結論：唔會,因為d slogan實在太差,冇人會用 ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 今天art堂,說是不高興 不如說是無奈 沒有想到會開這樣的玩笑 我自問不是一個非常「玩得」的人 但也不是完全不能開玩笑 人的忍耐是有限度 別要問我底線是甚麼,我自己也不清楚 我只知道 在那一刻 我真的感到很無奈很無奈 不知道為什麼會這樣,但那的確是我的感受 換了是你,你會做如何感想? 也許你覺得沒有甚麼大不了 但在那一刻 我不能令我自己以一笑置之來帶過 已經不是第一次了 同樣 這次也沒有人伸出援手 或者大家也覺得很高興,沒有甚麼好介意 我在意,反而是我小氣 不管你怎樣想,我真的笑不出來 已經採取不理會的態度 但仍然繼續 我自問沒有這樣子的去開過別人的玩笑 很想大叫stop 不過 我想我這樣做 對方大慨也不好受 不希望別人加諸在自己身上的東西,自己也千萬不要做同樣的事 這樣拚命抑制著...也不是第一次... 本來心情已不是很好 明明在找圖,卻被人以為在玩 然後又這樣...很無奈...真的.. 同時也是一個警惕 如果在看這篇diary的你 曾因我的玩笑感到不快 很抱歉 下次我又做出那樣的事 請你馬上喝止我 >>May 30, 2005 at 9:28:01 AM GMT+8 2005 年 5 月 28 日 星期六 【晴】 CHING
值得記下的事情實在太多...偏偏時間少得很 SHOWHAPPY死左兩日,冇得打DIARY, 又唔想打係分享空間,又唔想打定先 一來因為某D原因 二來,始終只有係呢度打...先有DIARY既感覺 ＊＊＊＊將要記得既事＊＊＊＊ 黃家樑痴線事件 張繼聰LIVE 垃圾筒之鳳凰木女俠 MISS廖精彩語錄 星期六整牙 蝦兵蟹將 兩件必買貨 brenda指定要打果句 ＊＊＊＊唔肯定有冇漏＊＊＊＊ 得閒先打番晒~聽日都未比得~ >>May 29, 2005 at 1:34:38 PM GMT+8 2005 年 5 月 23 日 星期一 【晴】 2005 年 5 月 23 日 星期一 【晴】 CHING
發現某人既生日占卜漏左一句 坐言起行 其實應該係咁 坐言起行,例如跟女朋友說:「我要把你拿回家」,便把女朋友拿回家了。 >>May 24, 2005 at 10:04:42 AM GMT+8 2005 年 5 月 22 日 星期日 【晴】 CHING
今日同蒂貽講先醒起 話說4E下半班上堂中文oral (MMLC) 一眾乖寶寶已經係門外等上堂 點知 見到我地敬愛既黃SIR仲係一樓同國事學會新上位果位人兄吹水 (呢個時候已經打左bell幾分鐘) 算啦,等一陣 點知 越等,黃sir就傾等越興起 我地亦都忍唔住大叫 黃sir,上堂啦~~~~ 黃sir上到黎 發現mmlc係鎖左既 而佢...係冇鎖匙既... kai子黃卓軒就話:「不如用條屋企鎖匙試下丫~」 ＊以下係用屋企鎖匙開mmlc門既死kai子＊ 黃卓軒 袁德輝 黃家樑 ＊none of them sucessed＊ 派出男班長落office羅key 臨走前 我地好真誠咁同佢講 阿田．．． 唔好行咁快 等待期間 見到阿田以好爛仔既姿勢「並」係office度 我決定以我最拿手既火柴人畫畫比大家睇 
好似d調戲良家婦女(miss mak??)既爛仔 正丫XD 後尾佢上返黎,話條kay冇左 黃sir決定去e座 個間room好似用黎比d form7溫書 開始講 講講下 miss mak探個頭入黎「黃sir,你仲要唔要果間房ga?」 黃sir,閃亮地「唔洗啦~~」 ＊＊完,仲想睇咩丫你＊＊ 沿 途 情 人 們 圍 觀 煙 花 觀 看 憑 靠 臂 膀 為 何 仍 然 難 將 憂 鬱 釋 放 難 見 曙 光 一 天 一 天 不 經 意 經 過 了 這 年 頭 一 天 一 天 的 習 慣 分 手 從 我 的 快 樂 面 容 背 後 如 若 發 現 寂 寥 眼 眸 無 非 要 破 壞 不 再 為 妳 癡 心 的 借 口 如 往 昔 故 事 未 能 照 舊 仍 沒 法 接 受 怎 麼 不 經 意 不 經 意 地 放 手 還 是 不 應 追 究 琴 弦 隨 時 隨 旋 律 急 速 飛 放 隨 處 跌 盪 太 過 理 智 明 知 即 使 沮 喪 無 法 說 謊 一 天 一 天 不 經 意 經 過 了 這 年 頭 一 天 一 天 的 習 慣 分 手 從 我 的 快 樂 面 容 背 後 如 若 發 現 寂 寥 眼 眸 無 非 要 破 壞 不 再 為 妳 癡 心 的 借 口 如 往 昔 故 事 未 能 照 舊 仍 沒 法 接 受 怎 麼 不 經 意 不 經 意 地 放 手 還 是 不 應 追 究 心 中 思 憶 想 追 溯 走 過 那 些 路 途 今 天 彷 彿 都 沒 法 修 補 而 我 知 往 後 並 無 去 路 前 路 更 是 令 人 卻 步 迷 失 這 腳 步 不 進 沒 退 不 知 怎 算 好 和 妳 的 不 知 怎 去 點 數 如 劃 上 句 號 或 者 總 比 較 不 懂 愛 護 妳 好 徒 讓 光 陰 虛 耗 >>May 23, 2005 at 11:00:49 AM GMT+8 2005 年 5 月 20 日 星期五 【晴】 CHING
又打日記啦我.. 岩岩食完野 行返屋企 見到成班基督軍係度matching 好感慨 如果我中一冇走到既話 唔知會做到咩位呢?? 斷估都唔會係普通隊員掛 想當年次次test最高分果個都係我 唔明點解當時會放棄一個咁好既地方 又或者如果我依家仲係基督軍,我唔會覺得佢好 又或者係果度唔會開心 太多或者同如果 只可以話 每一件事 你冇去做過 你唔知會點 作每一個決定既時候 都放棄左其他可能會經歷既人和事 唔知我放棄左做基督軍,算唔算一個遺憾? 遺憾既定義係咩? 放棄左某樣野,及後先發覺佢既美好,呢d叫遺憾? 你又點知你所認為既美好係真ga呢? 冇去做你應該做or你想做既事,叫遺憾? 你又點知真係比你做既時候,你仲會覺得果件事係你既理想,係你應該做既呢? 凡事都唔好講得太「老定」,撐到咁行,到時唔係咁,笑死人 唔想說服人亦唔想比人說服 係呢個問題上,唔認同以上觀點既看倌 自己搵個發洩渠道,總之唔好係呢度 不過有一件事我可以肯定 如果我仲係基督軍 我就唔會係屋企,打呢篇日記 而會係樓下matching >>May 21, 2005 at 7:49:54 AM GMT+8 2005 年 5 月 20 日 星期五 【晴】 CHING
太耐冇打diary啦 本來尋日都想打既 不過一諗到有勁多野要打 放棄左 咁岩做maths hw做到吽晒 P.268(2-14)傻ga咩....諗緊係唔係pp寫錯=x= ＊＊注意 本篇日記超長 ＊＊ 五月十八日 星期三 一返到屋企 阿娘就同我講book左6:00去睇牙 洗唔洗咁趕丫=口=|| 阿娘話個醫生同佢講要去美國wor 呢個星期六日都唔係香港wor 詳情係咁既 早上九時正 娘:我想幫我個女book星期六睇牙ga 醫:星期六唔得wor,因為我要去美國開一個箍牙既會議,今日啦~ 娘:下?!但係我個女要返學wor 醫:唔緊要,放左學都得ga~~我要去美國嘛~ ． ． ． ． ． ． 醫:咁就今日六點啦wor,遲d我要去美國ga啦~byebye~ 去美國洗唔洗講三次,難道佢覺得呢件係一件值得炫耀既事?? 去到 同我印象中既牙醫診所唔同,好colorful 而且好多人等睇= =+ 雜誌架有高尚雜誌同八卦雜誌 電視係NOW TV,仲有DVD機添 唔止,另一部電視用緊打X-BOX TV game,有個男仔打緊唔知咩game 有電腦,可上網 娛樂性豐富,唔怕你悶親 然後報到 櫃台阿姨已經用英文同我地溝通 new patient?? 搞到一時轉唔到channel 跟住填表 填完等左陣 阿姨叫我地入另一間房 櫃台阿姨問左好多野 Q.點解要箍牙? A.覺得D牙唔齊同哨牙law Q你覺得自己d牙本身有咩問題? A.唔齊同哨...(同前面有咩分別?) Q.你想出黎有咩效果? A.齊D同唔哨...(想我點答?) Q.有冇咩家庭牙醫? A.下?!冇,冇...(心入面一百個感嘆號+問號,大家族咩依家) Q.幾多歲丫? A.15...(張form有填) Q.讀緊書丫??中幾丫?? A.中四 Q.邊間學校丫? A.恩主教書院(同箍牙有咩關係??) Q.英文?? A.VALTORTA COLLEGE(兩文三語,洗唔洗講埋普通話) Q.How to spell? A.V-A-L-T-O-R-T-A(又講英文?哈哈,跟到channel啦今次) Q.COLLEGE係? A.普通果個COLLEGE 然後佢叫我地等陣,醫生會入黎同我地傾 真係多手續... 醫生一入黎 中年肥佬一個 一睇就知佢身家豐厚果隻 佢坐底之後第一句就話 「你哨牙wor!」 x你... 唔哨牙搵你做咩... 跟住佢以為自己好好笑咁 開左後面個燈箱 係米奇老鼠同唐老鴨既畫 跟住佢自己一個係度笑 完全唔知佢想點=口=|| 跟住佢話「香港就開啦~9月12嘛~哈哈~~」 阿娘就打圓場話我冇幽默感 嗚...邊係...係條友講冷笑話JA嘛 開始入正題 至少箍兩年,戴一年矯正器,跟住半年覆一次診 世紀工程喔.... 問我要透明定鋼線 開玩笑...箍咁耐介要我箍鋼線,當然係透明啦 然後就入去診療室影相,x-ray同倒牙模 一入到去 工場咩依家= =+,成村護士+成村病人+另一個醫生 有三張果d登,有間玻璃房入面又一張 影相果d唔講 講倒牙模 你可以想像下就係排牙比d紙黏土緊緊痴住 然後你個口係合唔埋 想吞口水又驚吞埋d紙黏土 咁都算啦~ 個死人harry中年暴發戶鍾意同人佢要去美國開會冷笑話之王肥佬牙醫 仲要係度話 「你幾耐冇洗過牙丫?唉~我都係唔好問啦~咁鬼污糟~我包埋你洗牙真係好人啦~」 x你...完全冇比我辯解既機會 objection丫法官大人!被告葉曉菁因倒牙模無法答辯! 終於搞掂 出去約時間覆診 見到林韋希 不過我見佢好似唔認得我咁,所以冇hi (後尾返學先知佢驚佢認錯人coz我冇可能去果度) 走啦終於~搞左好耐~ 阿娘為左宣洩因為我箍牙佢洗左好多錢既悲痛 帶左我去瘋狂購物 果間鋪頭係賣唔同植物既面部護理丫~洗頭沖涼丫~呢樣果樣 完全見識到阿娘既瘋狂...睇黎佢打擊真係好大... ＊＊本日記完＊＊ 完啦完啦 牙醫部份告一段落,仍然好多野未打 下次先啦~就算我有心機.你地都冇心情睇啦~ 睇到呢度既看倌,比個good你~~太有毅力啦你~ >>May 21, 2005 at 7:49:08 AM GMT+8 2005 年 5 月 15 日 星期日 【晴】 CHING
好病... 好冇力... 想做功課溫書都冇法... 食早餐 去上水,救命= =+ 雖然話開車去 不過still好辛苦 返到屋企食藥 成個人又係度飄移=口=|| 覺得可以去參選飄移女郎,雖然我冇美腿 得飄 得飄 得咿的飄 得飄 得飄 得咿的飄 訓醒 仍然係死死下咁 吽左唔知幾耐 pinky打黎 又話打返比我,哼! 信唔信我用果4個字唱你丫啦 Ｘ．Ｘ．Ｘ．Ｘ (just joking) 睇番之前果d架勢堂 笑到肚痛 余迪偉好女人XDDDDDDDDDDDDDD 成日係度講「咩je」,「咪就係」 星期五方力申做嘉賓果集都好好笑 方力申超串XDDDDDDDD 總括黎講 成三日假期入面 一日羅左黎憂鬱 兩日羅左黎病 聽日art仲要補課... 後日文學test...唐詩...李白..詩仙...我都就黎升仙.... >>May 16, 2005 at 1:59:53 PM GMT+8 2005 年 5 月 14 日 星期六 【晴】 CHING
改版啦改版啦 用左都ok耐 因為背景係自己整,唔係話d相係我影,邊有咁勁= =+ 日本網搵ga~~網主真係好犀利＞ｗ＜ 預錯左位...唉...尺寸係1024x728... 不過係IE睇唔係呢個size...T^T 配色未改,因為未諗到 背景音樂都未改 溫書大計擱淺左=x= 轉換心情計劃都ok成功 首先,剪左髮 唔好有太大期望丫下 雖然我話要換過髮型 不過阿sam自由發揮完之後都冇乜變到 接著係改版 未完成 然後 好戲劇性地 殘障傷風一齊黎 佢地兩個係最新既好朋友=口=|| 食左藥,暈暈地中＞＞＞＞＞＞ >>May 15, 2005 at 1:59:42 PM GMT+8 2005 年 5 月 12 日 星期四 【晴】
|
人氣: 31734 Design & Scripting by ShowHappy.Net |
咁所以最大ge都走埋ge~
<b