2006 年 8 月 21 日 星期一 【晴】

6點幾放工，同 Tong 返左 CITA先，之後再等埋包包，就一齊去TST行街買衫喇。行左一陣阿雲就黎埋，我都買到一件衫同一對鞋，咁就冇左$ 600 喇.....未出糧先破財......只係行左一個場，咁就 10點幾喇.....完全唔夠時間 lor~~ 返到屋企已經11點半喇....

>>August 24, 2006 at 10:59:33 PM GMT+8

2006 年 8 月 14 日 星期一 【晴】

今日起公司都係做到冇停手，台頭愈堆愈多野喇~ 就黎冇法挽救呢~~~ 個阿姐冇返，冇咁大壓力。但個大大阿姐要我打 E-mail 喇.....真係唔識呀~~~~~救我呀~~~~~~~~ 今晚 OT 到 8點半先放工，個大大阿姐同我一齊收工，佢就叫埋我一齊坐的士，佢話一個細路女，危險喎~ 但只係 8點半呢~ 不過我都有坐，呵呵~~~順風車嘛~~~ 好快呢~ 4個字就返到太古，之後我再轉小巴返屋企，因為個大大阿姐係住太古ga嘛~~~ 但都算好ga喇，我地起的士到都有傾下計，4個字ge車程，都冇冷場，算係咁ga喇~~~

起屋企樓下，見到金魚仔，咁我就入左 8號 買左3隻清潔水草ge蝦仔，仲有一條孔雀同一條麗麗，哇~~~我屋企條招財麗麗終於有同伴喇!!! 不過D蝦仔好衰呀!! 竟然跳左出黎喎?! 捉佢ge時候，又係咁跳，最終就跳左去電腦台後面.......搵極都搵唔到.........迫於無聊都係要拉張電腦台出黎..........到我食完晚餐，聽到 " 卜 " 一聲，咁我就即刻睇下啦，原來隻蝦仔又跳左出黎........激死我喇~~~~~所以到最後我就拎個蓋蓋住個魚缸.......都係快D拎D蝦俾駿先得........煩死

>>August 14, 2006 at 11:04:48 PM GMT+8

2006 年 8 月 10 日 星期四 【乍寒還暖】

哇~~~ 3日冇見面喇!!今日雖然一齊睇戲，但睇完戲都已經 9點半喇，所以我同老公仔駿駿只好各自歸家，不過佢當然係送左我返屋企先啦! 咁我就起屋企個窗口目送佢返屋企!!! 呵呵~~~~" 小別 " 果然係 " 勝新婚 " 呀!!

今晚行返屋企時，我同駿駿大吐苦水，點知就俾佢話返我轉頭，佢叫我唔好俾人蝦，有時要惡D，唔好只係對住佢先咁惡喎~~~ 我知佢係擔心我同關心我。因為而家起新公司，都有受委屈.........大家可能睇唔出，但係我起公司有時都真係忍氣吞聲，完全唔似我ge本性..........我同自己講，有一個限度，一到個限度，我就唔會忍!!個限度當然唔會定得咁低啦~ 起碼我唔會俾人用粗口鬧我甚至我媽媽!!!

返到屋企沖完涼，打俾老公仔，傾左一陣咁啦~ 我地有個目標呀!所以要好好努力去實現!!!希望有朝一日，可以夢想成真!!!一定要加油呀!!!!!!!!!

>>August 10, 2006 at 11:03:26 PM GMT+8

2006 年 8 月 9 日 星期三 【晴】

今日做到冇停手.......我張台愈埋愈多野........都唔知要到幾時先可以清得哂?!我個阿姐，我都唔知佢ge真面目係咩?不過佢而家對我都算係咁，但我就唔會理咁多野，專心工作，專心賺錢!!呢個就係我ge目標!!因為太多是是非非喇，真係唔可以聽咁多，我唔想好似佢地咁....=_=""

差唔多 7點半放工，返到屋企就即刻沖涼洗頭，之後就整下D魚，哇~~~終於落左石喇，同埋整左D水草，自從加左濾水器之後，就冇換過水喇，呵呵~~~又冇時間，同埋又懶，呵呵~~~~~~而家養左十幾條魚，可能太多魚掙食，佢地唔夠飽，搞到死左一條...........唉~

呢兩日，駿都主動打電話俾我，都幾開心ga!!不過唔知係咪我強迫佢，佢先咁做呢?你為我改變，我都會改變下自己，好啦~咁我唔買袋啦~ 呵呵~~~~~

就快 8月中喇，再過多 3個月，就 2年喇!!真係好難得呢!!!要珍惜哦!

>>August 9, 2006 at 10:54:33 PM GMT+8

2006 年 8 月 8 日 星期二 【晴】

今日同駿和好，但我覺得始終未能似足從前......

我個大大阿姐，唔知點解叫我做 小精靈 =_= """ 之後仲要係咁叫，叫到我有D打冷震ge感覺..........好驚呀~~~~~~~~~

今日放 7點 45......差唔多 成8點..........本來仲諗住可以準時走，唉~~~~ 返到SKW，我就好似以前咁，一個人去超級市場 shopping，似足一個師奶仔咁.......我好環保ga! 因為我冇用膠袋呢!! 多謝支持環保!!哈哈哈~~~~~~~~

返到屋企，都已經 9點.........休息時間真係愈來愈少..........已經有D疲憊~

>>August 8, 2006 at 11:19:38 PM GMT+8

2006 年 8 月 7 日 星期一 【晴】

今日我個阿姐冇返工，美國果邊D大老細又黎埋，我個大阿姐都要開會，所以我今日成日都幾輕鬆，做下filing 咁，雖然今日要返工D，但今日6點幾就走得，冇人管住哂真係幾好!!

不過因為D大老細黎左，唔可以行去會議室果邊，搞到冇得叮飯食.........明明帶左飯，都要出街食............所以我今日第一次同 Tong一齊食 lunch，都幾好，離開一下是非之地，呵呵~~~~~~

雖然今日全日都冇乜壓力，但...我今日放工時，唔多開心。情緒低落，都係駿唔好呀~~~~~~~~~~衰人黎ga!!! >o<

>>August 7, 2006 at 10:21:32 PM GMT+8

2006 年 8 月 6 日 星期日 【晴】

今日終於都返左冒險，感覺......好似輕鬆左，又好似有D緊張......唔知呀~百感交集掛~呵呵~~~~~~~佢地都有問我另一份工D野，今日都唔覺得好辛苦~仲有，今日食KFC，好開心呀!!!!!

放工，陪駿同駿姐姐去買衫，我都係覺得駿著西裝褸好睇D!!不過件褸都真係幾貴!!而我都睇中左個袋，但真係好貴呀!成 $1490呀~~~~~~我從未買過咁貴ge野 ga!!所以都係冇買到，如果唔係，駿又會話我貪慕虛榮ga喇!!我唔想起駿心目中，我係一個咁樣ge人!!!我而家用緊ge呢個袋都係駿駿送ga!都要成 $400幾ga!!都唔便宜ga!!!仲係佢送俾我ge第一份生日禮物 tim!!!

我今日冇買過野呀，駿就買左件褸同外套，都幾好睇ge~ 買完之後，行左一陣就返駿家 lu~

>>August 6, 2006 at 11:58:24 PM GMT+8

2006 年 8 月 4 日 星期五 【陰】

想返冒險呀，因為而家呢份工一D娛樂性都冇，返左快兩個星期，人都已經有D呆板．．．不過冒險又唔可以做終身職業，所以都係要努力呀！！！

今晚同Pinky傾左好一陣子，原來我走左半個月，SSW已經變左咁多，感到都有D陌生ge感覺，星期日就返去喇，唔知會點．．．．．．

今日個阿姐都仲未返黎，因為去左深圳嘛～不過到左下午，佢就返黎喇。佢走左呢兩三日，工作氣氛輕鬆左，雖然佢唔起到，都有個大大阿姐，不過都唔算直接對住，所以都冇咁緊張！唉～～～個阿姐返左黎，都唔知好定唔好，不過無綸好唔好，都唔到我揀啦～呵呵．．．．．．

放左工，冇得即刻走，都知ga喇，但估唔到要等到７點啫．．．一走得，就好快咁去搭車，因為今晚要去駿家食晚飯，食完飯就好累，睇左一陣報紙，又訓左一陣，咁就１０點半喇，跟住就返屋企lu～

尋晚都有去駿家，我仲拎左佢個濾水tim，good呀！！尋晚沖完涼就安裝左上去，今朝起身，缸水即刻清到好似剛換完水咁，正呀！！！愈黎愈多魚，愈黎愈多裝備喇～



P.S.　　Pinky，我會全力支持你gａ！！有咩唔開心，我希望我可以幫到你！！

>>August 5, 2006 at 1:10:34 AM GMT+8

2006 年 7 月 25 日 星期二 【晴】

唉～我公司部電腦冇速成，搞到ｍｓｎ冇得打中文．．．不過我部腦仲要對住成幅玻璃牆，上網勁唔方便．．．唉～～～～～～

今日成日都起到入文件，入足成日，不過都要影下印咁啦～４點幾時又唔俾野我做，到左５點半就放工時先俾野我做，搞到要ＯＴ．．．做做做，做到７點９先放工，返到屋企都差唔多９點．．．今日媽媽放假，都冇得早Ｄ返屋企感受下天倫之樂．．．

今日我搭１０６返工夜工，哇～我終於識搭喇！一程車搞掂！good呀！！！不過都要９個字．．．

可能係尋日唔慣，今日返放工時，都唔覺太攰～

>>July 25, 2006 at 10:26:59 PM GMT+8

2006 年 7 月 20 日 星期四 【晴】

今日我同駿都放假，所以約好陪我拎完身分證，再去飲下午茶，之後返水族街行一陣，就去打幾。點知計劃都仲未開始，就有人打黎叫我見工～咁我當然去啦！！工作地點，紅堪。原來係同Tong同一間，good呀！！

咁我就即刻返屋企換返套戰衣，再會合駿一齊去ｃｗｂ拎身分證，拎完都冇時間飲茶，所以就去元綠食 lunch，之後就趕去紅堪見工喇。

填表時，見到係英文．．．有Ｄ唔識，好在我有帶自己ge Resume啫，不過都有個字唔識，所以打俾Ｓａｒａ問下，講左幾句，我就繼續填表，點知感覺有人經過，原來 Tong飄左過黎叫我，呵呵～～～

填完，就有個男人ｉｎ我，叫我介紹自己，之後又問下我問題咁，跟住佢話等通知，我就同佢講，我下星期一要返另一份工，希望佢可以盡早。佢就話聽日前。跟住佢又叫我等等，因為佢只係代ｉｎ，因為負責ｉｎ人ｇｅ果個人ｉｎ緊第二個，叫我等一陣，佢仲話覺得我 OK tim！

跟住我就等左一陣，有個女人黎左，又叫我自己介紹一下，又問我起冒險負責做Ｄ乜，又問點解星期一有份工要返，都會黎見？！我答完，佢都好似幾滿意，咁就請左我喇，星期一正式返工！好野！！可以同 Tong 一齊返工，做同事！

不過我聽日就要推左之前果份喇，哎呀～都唔知點開口好．．．真係好唔好意思．．．唉～～～

之前聽到第一間話請我時，我冇開心ｇｅ感覺，但今日呢間話請我時，我真係幾開心，駿都有Ｄ開心！！

真係好感恩！感謝主幫我咁多，所以我要好好工作，努力呀各位！！

>>July 20, 2006 at 11:30:12 PM GMT+8