2004 年 11 月 26 日 星期五 【晴】

今晚去左佢屋企食飯, 好驚, 好緊張呀~~~~~~~~~~~~~~~
不過佢屋企人都好 nice!! 但我始終都係咁面紅.........
佢仲以為我化左妝tim~ 其實係冇, 呵呵~~~

>>November 27, 2004 at 9:32:01 AM GMT+8

2004 年 11 月 22 日 星期一 【晴】

Re : 包包. 多謝你咁安慰我呀!!! 我都唔知自己到底點ga?! >_<"

今日媽咪返新工作, 希望佢工作愉快啦!!
由今日開始, 我又要自己一個人食飯喇~ 就好似前幾年咁..........
雖然而家係大個左, 但有時...真係會想喊ga......

>>November 22, 2004 at 11:58:15 PM GMT+8

2004 年 11 月 18 日 星期四 【颳風】

今日上完一堂後, 我地就去左唱K lu~ 因為空堂嘛~~之後都要再返去上堂ge~
哇~~~我地玩得勁癲呀!!! ^o^ 阿雲 仲唱到把聲沙哂tim~~ ^.^ Sara 同 唐小儀佢地仲跳舞, 超搞笑呀!!! 真係又底又好玩呀!!!

唉~~~ 我覺得自己好罪孽深重呀............/ . \" 點算? 點算呀~~~~~~~~~~~~~~~~~~~

>>November 18, 2004 at 8:40:13 PM GMT+8

2004 年 11 月 15 日 星期一 【颳風】

Re : 芝. 歡迎你黎留言哦! ^.^ 嗯嗯, 我知道喇! 我會多D祈禱ga喇!!!

最近, 我有問題諗緊, 真係幾重要. 但......我真係諗唔到, 我覺得自己好衰.........
我真係唔知點好?! 唉~~~~~~~~~~~~~~~~~~~~~~~~

>>November 16, 2004 at 11:26:40 PM GMT+8

2004 年 11 月 14 日 星期日 【晴】

今朝一早打電話去叫 阿駿 起身, 因為佢要練波, 之後就我再返訓.
到左中午, 佢打電話俾我, 我仲以為佢咁早就返到屋企, 原來佢冇去到........ 枉我咁早醒 >.<"
大約點幾, 我地就去睇戲lu~ 係<<死亡寫真>>, 仲以為會好恐怖, 其實只係有少少核突, 如果唔係, 都幾無聊下..... =.="
睇完之後, 我地就行左一個鐘到, 就返SHAU KEI WAN lu~ 本來諗住去影印ge~ 但點知冇開.....
咁我地就去左拎間表, 點知俾人寸........ 都知會ga喇......

>>November 14, 2004 at 7:08:35 PM GMT+8

2004 年 11 月 13 日 星期六 【晴】

Re : 大包. 呵呵~~~ 我都唔知點答好?_? 只係希望隈~~ ^.^

尋晚返工, 都遲左大半個鐘先放工, 有D攰呀!! 因為要拖地......... 不過好在唔係得我一個人拖隈~ 仲有 阿駿 一齊拖. 而且仲唔需要我去倒水�! 梗係, 鬼死咁重嘛~~ 哈哈~~~ ^o^
就放工時, 就覺得好肚餓, 因為我冇食飯呀! 本來 阿駿 叫我一齊去食野, 但又唔知食咩好喎, 而且媽咪仲打電話黎吹tim, 所以到最後都冇去到~
返到屋企, 同 包包 傾左一陣, 之後就我就自己整野食喇. 食緊ge時候, 就同 阿駿 傾左好一陣間, 我食完野之後就織左一陣頸巾就去訓u~~~ 所以我都冇online tim~

今朝 9點半就起身, 之後就去銀行. 再買左張卡, 點知部電話又傻左喇! >.< 激死我喇!!!!!!!
唉~~~ 跟住就去左 吉之島行下, 本來想買本記事簿ga, 但又冇本靚D ge~ 所以到最後都係冇買到~~~
今晚同左 阿駿 去食晚飯, 食完之後行左一陣佢就送我返屋企lu~ 我已經盡量自然D, 但始終都有少少怪怪咁, 可能係第一次同佢去食飯啦~ 仲要俾 阿欣 撞見.......=.="

>>November 13, 2004 at 10:49:53 PM GMT+8

2004 年 11 月 11 日 星期四 【晴】

好耐都冇好似今日咁大玩SMS喇! 感覺....... 好難形容呀~~~ >.<"

今晚一放學, 就即刻返Shau Kei Wan 接杏子. 因為我地去打邊爐嘛~ 哇~~~ 好開心呀!!! ^.^ 因為好耐都未試過咁一齊食飯喇! 所以又講下笑, 又玩下咁! 下一次, 都唔知又會係幾時ge時lu~

今日 阿雲 第一日返工, 唔知佢返成點呢? 希望佢都好似我咁, 遇到D咁好ge同事啦! 最好仲俾佢遇到.......嘻嘻~~~ ^o^

>>November 11, 2004 at 10:44:39 PM GMT+8

2004 年 11 月 10 日 星期三 【晴】

今日一放學, 就趕返屋企拎野, 之後就同 杏子 去街街.
佢本來想去 銅鑼灣ga, 但因為我好攰, 所以就唔想去喇! 我地只係去左 太古! 跟住我地就去左食KFC lu~ 唉~~~ 本來係想去食 Pizza ga嘛........ 但點知佢竟然裝修喎 =.="
食完之後, 我地就去左換禮物喇! 都換左好多呀! ^.^ 但係竟然撞到 阿炎........... 不過好在我都冇玩到隈~~

>>November 10, 2004 at 11:07:13 PM GMT+8

2004 年 11 月 5 日 星期五 【晴】

Re : 小開. 我就覺得一D都唔好喇! 我覺得佢又扮野, 又衰喎! 好在, 阿Jack ge諗法同你唔同�!!!

哇~~~ 好多日都冇寫過日記喇!! 鬼咩~ 又要返學, 又要返工, 連上網ge時間都冇乜咁滯~~~
尋日只係返左一堂, 就唔駛上lu~ 所以我就同 包包, 仲有 阿雲去左旺角行街街, 可能太早啦~ 都冇咩舖頭開咁, 之後就陪 阿雲去睇牙, 佢睇完牙, 我地就去食lunch喇! 間野好一般, 唔會再有下一次!!
食完lunch, 就去買 包包ge鞋喇! 好在佢買鞋都唔麻煩隈 所以都唔係好耐. 買完鞋, 我地就去左旺中, 我就買左條褲, 都OK ga!!! ^.^ 就係咁就用哂D錢lu~~~ 連少少ge積蓄都冇哂, 所以就要問媽咪借錢.......... 唉~~~~~~ 不過好在聽日就出糧�! 嘻嘻~~~ 就都唔多啦~~~~~

>>November 5, 2004 at 10:30:23 PM GMT+8

2004 年 10 月 29 日 星期五 【晴】

哇~~~ 今日勁開心呀!!! ^o^ 今日係學校 ge Hallween party! 係放學之後先開始ge~
o係未開始之前, 我地走左去影貼紙相, 好靚靚呀!! 跟住仲去打左陣機tim! 好好玩呀!!! 我有玩到槍game呀! yeah~~~~~~~~~
跟住就去學校到玩lu~~ 一開始就去 "鬼屋" 我地6個女仔, 分成3個一組咁入去玩, 唔知點解佢地個個都想同我一組, 可能佢地覺得我大膽D~N~~~
Sara佢地入去先, 點知叫到鬼死咁大聲, 搞到我都有少少緊張ga!!! 之後就到我地入去玩喇! 都有少少陰森ga! 跟住我就見到男班長彈出黎嚇我地, 點知.........一D都唔恐怖.......=.= 跟住我就一路行,一路叫D 鬼怪出黎, 我仲有捉返佢地轉頭tim呀!! 哈哈哈~~~ 真係一D都唔驚....... 有隻女鬼捉住我隻手, 叫我留低陪佢lor~ 呵呵~~~ 之後就有隻男鬼捉住我條頸喎?! 咦~~~~ >.< 有個就只係戴個面具, 衫都唔換, 我仲叫佢換件衫先再嚇人啦~~~ 有個俾我一早就見到, 我就督佢, 同佢講話" 我見到你喇!! " 哈哈哈~~~~~ ^o^
玩完鬼屋之後, 所有人就聚集o係一齊搵幾個出去玩遊戲, 我都有出去玩ga! 哈哈哈~~~~ 我仲贏左tim呀!!! 之後抽獎, 我又抽中左呀!! 呵呵呵~~~~ 跟住仲同好多 "哇鬼" 影相, 今日真係好開心呀!!! ~^o^~

>>October 29, 2004 at 11:27:26 PM GMT+8