2006 年 11 月 3 日 星期五 【晴】

要我上去，仲要自己走，你當我係咩ar？

>>November 3, 2006 at 11:26:18 AM GMT+8

2006 年 10 月 22 日 星期日 【晴】

今日返冒險，本來都唔係咁想返 ga喇，因為連續兩晚都 2點先訓，所以個人都就快散哂，不過最後我都返左冒險，因為駿要我返....... 但返左都唔係太辛苦，只係有 D 眼訓.......
第一次見到 阿權 咁，有 D驚，亦都有D唔開心，阿權亦都冇返工，編完間表就走左..........

而家愈來愈少打日記，其實我都唔想好似週記咁......但而家放左工，返到屋企沖完涼都好似冇乜時間剩咁.......星期日又要返冒險，真係完完全全冇時間休息=_=好辛苦、好辛苦、好辛苦呀~~~~~~ 我真係好唔想對住個阿姐同大大阿姐.........好假，真係好假!!!!對住D咁假 ge人工作，我真係好難做野!!!
我阿姐前日同我傾計，如果可以，我真係唔想同佢傾 D 乜呀!!! 不過冇辦法......... 佢叫我唔好日日都咁準時 6點就放工喎，有時每星期都要留幾日 OT 下，仲話人地阿邊個成日都做到 8點幾 9點先放工。 大佬呀，我幾時有 6點準時就放工呀?! 我自問從未試過 lor !! 我 OT ge時候又唔見你記下?! 當你請假唔返工 ge 時候，你又知唔知我做到幾點呀?! 唔係我媽咪放假，又或者駿放假，我又點會 6點半先走呀?! 有時就算我媽咪放假，我都做到 7點半啦!!! 我媽咪一個星期先放得一日假，小聚一下都唔得呀?! 平日一日先見得 1，2 個鐘，講得幾句野.......佢放假時最多都係見得 4，5個鐘...... 唔通你仲要我 OT 到8點幾 9點呀?! 你幾多錢一個月，我又幾多錢一個月呀?!
好假，你真係好假呀!!!!!!!!!!!!!!!!!!!!!!!!>o<救命呀!!!!!!!!!!!我真係好唔想對住個咁假 ge人做野呀!!!!!! 你自己都肥到隻豬咁，你仲夠膽叫人地做 肥豬?! 一D 自知之名都冇!!!!!!!!!!!!!
好辛苦呀~~~~~~~~~~~~~~~如果可以，我真係唔想做呢份工...........................神呀救救我吧~~~~~~~~ 我唔想再食死貓，唔想對住變面阿姐呀~~~~~~~~~~~

>>October 22, 2006 at 11:40:22 PM GMT+8

2006 年 10 月 21 日 星期六 【晴】

同駿一家人去左海洋公園哈佬喂，玩到差唔多 1 點先走，都幾好玩ge，不過都唔算好嚇人，只係玩跳樓機時先有尖叫下啫，呵呵呵~~~幾好玩，不過就好累，好累~~~~~~~~~~~~

>>October 22, 2006 at 11:39:18 PM GMT+8

2006 年 10 月 20 日 星期五 【晴】

放左工，6點半左右就同 Tong去左 CWB。我地先去買左幾件衫，哇~~~好低呀!!!! 好開心!!
之後就去左狗狗 Cafe 喇，因為係幫 Sara 同 Tong 慶祝生日!! 果到D大狗好正呀!!!好搞笑呀!
都玩得幾開心 ga!一路食就一路傾，食完又傾傾傾，傾到12點幾先走~~~~

>>October 22, 2006 at 11:38:43 PM GMT+8

2006 年 10 月 7 日 星期六 【晴】

　今日起身就去左駿屋企，食完早餐，打左陣機就訓著左，因為實在太累喇！！！尋晚玩得太夜，而家好少玩到咁夜嘛～我由１點幾訓到３點幾，之後再訓著左．．．．大約５點幾先起身～～
　今晚打邊爐呀！！！好似幾多野食喎！！！又打麻雀喎！不過我就係咁輸．．．．唉～～～　呵呵呵～～～～唔緊要啦～下次贏返咪得 lor~哈哈哈～～～～～～不過最後老公都有俾返少少我ge~

>>October 8, 2006 at 12:32:54 AM GMT+8

2006 年 10 月 6 日 星期五 【晴】

　今日放早，因為係中秋節嘛~不過都唔係早得去邊啦～～話就話放 5點，點知咪又係搞到 5點半先走得～～　早半個鐘都好啦～～
　一放工就去駿屋企，之後再去赤柱做節，不過都只係食左少少野，因為夜晚仲要去沙灘ＢＢＱ ga嘛！！９點鐘就去買野飲，跟住就去搵爐喇！！哇～～～都幾多人喎！不過好在都唔係等好耐，因為有一班學生，所以佢地都唔係燒得好耐！！
　都幾多人去燒喎！！所以我地要左個爐，Ｄ野食開頭睇落去好似好少，但原來係食唔野．．．．．最後都拎返好多袋野走．．．．唉～～～
　哇～～燒到差唔多２點幾，就黎３點先返到屋企．．．不過媽咪都冇話我，因為我之前都已經通知左佢喇嘛～呵呵～～～
　今晚都幾好玩，因為駿駿整左一隻兔仔燈籠俾我！哇～～驚喜喎！！！本來我係叫佢買一隻俾我，點知佢就自己整左一隻，哈哈哈～～～～～之後個個都寸我地，不過我知佢地係羨慕之嘛！！呵呵呵～～～～～～但最搞笑係俾佢表妹寸我地．．．
個表妹話：今日又唔係情人節！
我無言．．．
呵呵呵～～～～搞到個個都係咁笑～～～～～～～哈哈哈～～～～～～～～～

>>October 8, 2006 at 12:27:24 AM GMT+8

2006 年 9 月 23 日 星期六 【晴】

哇~ 好多日冇打日記喇!!! 有好多野要記底呀!!!!

22號
好唔想再對住我個阿姐，第一次起呢間公司喊........俾單眼皮見到，佢都冇安慰我。之後我打俾 駿，就係咁就喊到收唔到聲喇.........我覺得自己真係好失禮..........不過喊完之後就舒服好多，可能係將呢兩個月黎 ge 抑壓發洩哂出黎啦~ 呵呵~~~
又有一個純真 ge 新生命誕生喇!! 就住 阿駿個舅母所生 ge BB 喇! 佢叫做 謙謙，願主保守謙謙，讓佢可能健康地成長，希望唔好似佢哥哥咁唔乖啦~

今日真係好忙，本來諗住返學校拎張文憑，點知個 阿sir 走左.......所以同 Tong 食完野我就即刻返屋企拎對鞋同衫褲俾 杏子喇，仲要我拎入去小西灣........不過佢著完之後，佢 D fd 話佢好型，咁都幾開心啦! 而 杏子 就梗係超開心啦!!! 哈哈哈~~~~~
之後我就去左太古買 PSP喇! 呵呵~~~要姐姐等真係唔好意思喇!!!買完之後就一齊去醫院睇舅母同 BB喇，哇~~~都算幾得意啦~ 不過我都係覺得 權權 靚仔好多!! 哈哈哈~~~~~~~~~~
大約 6點半，我就同 包包 去左 QB 郎田到食野，哇~~~~ 唔錯唔錯!哈哈哈~~~~ 我希望可能最少每個月都可以去一次! 呵呵呵~~~~~ 間唔中聚下，都幾好喎!!!!嘻嘻~~~~ 今晚真係食得好飽呀!!!肚又飽，又大飽眼福!!! 哈哈哈~~~~今晚都幾開心 ga!!!! good 呀!!!
食到 8點幾，就去搵 駿 lu~ 送禮物俾佢嘛! 佢雖然開心，但又話咁早送，哼~~~~~ 唔滿意就拎返黎呀~ 等我玩到 11月中先再送俾你都得 ga! 哼~~~~~~~~~~~~呵!

>>September 24, 2006 at 12:10:41 AM GMT+8

2006 年 9 月 18 日 星期一 【晴】

今日冇返工，因為個胃好唔舒服，嘔左兩次，又痾左兩次.........訓左成日，下晝先去睇醫生，醫生話我喉嚨又發炎喎........唉~~~聽晚一定要 OT 到好夜啦~~~~~

等左兩日，終於買到隻碟喇!!! "first of may" good呀!!!
呢兩日都有影相，呵呵~~~ 都幾靚 ga!!!

>>September 18, 2006 at 6:18:29 PM GMT+8

2006 年 8 月 24 日 星期四 【乍寒還暖】

一早起身，超攰呀~~~~ 勁眼訓 =_= 返到去竟然見到 D QC仲未入 file.....唔係呀?! 有冇搞錯呀?! 我已經差唔多做哂咁滯，只係差入落 file咁簡單都唔做? 都要等我?!不單止咁，我台頭仲多左一堆衫.........唉~~~~~~~~救命，真係救命.......成日只係坐起到覆 E-mail，唔怪得你咁肥啦~~~

今日美國 D大老細返左去，諗住可以準時放工，點知都要OT到 7點半.......而家仲要做埋 shipmant D野，完全冇時間 filing........愈堆愈多......... 真係想死........工作辛苦，身在是非之地更令人難過.........

>>August 24, 2006 at 11:00:50 PM GMT+8

2006 年 8 月 22 日 星期二 【晴】

本來一早就同個阿姐講左要準時收工，因為仲有好多野仲未買，點知執QC file ge表仲未到，後來 6點先有 lor~~~ 佢又冇出聲叫我收工，因為QC file星期三就要 send比人，但我星期工要放假，所以佢就唔俾我放工，過份呀!!!

我已經對好哂，只係得 14個之嘛，又唔係好多，自己執一次都唔會死啦，下話?! 咩都要我，咩都問我，佢自己就只係覆 E-mail，台頭一棟野都仲未 filing，每當我一要 filing，就話有野俾我做，要打尖先，要做先，咁我台頭果棟野永遠都唔洗執 ga啦!! 到時個大大阿姐又話我ga喇!!

已經有幾次俾個阿姐屈我食死貓，當我俾個大大阿姐話 ge時候，個阿姐又粒聲唔出，想點呀?! 明明係你要我咁到，點解到個大大阿姐問起時，你又唔出聲?! 你係人唔係呀?!激死我喇~~~~~~~~~

到最後，我就將果 14個要執 ge QC抽哂出黎，影埋印，打哂 o隆，只係差果少少未入 file，佢都仲未出聲叫我走，之後 Tong 打電話俾我，問我走得未，我就大大聲咁講，我走喇!! 當我執自己個袋時， Tong 黎搵我，個阿姐企左起我側邊，我冇望佢個樣， 之後Tong話我知，佢完全目到哂我個阿姐變面! 我個阿姐真係好假呀~~~~救命呀~~~~~~~~~好在我一早就唔再同個阿姐一齊食飯啫，我情願自己帶飯呀!!!

最終到左 7點半先走得......之後就去左旺角行街，好在都買到個袋仔同短褲啫!個個都有收獲，星期三先可以著得靚靚出去咋!!!又係行左一陣，就10點幾，不過人已經好攰，返到屋企，又係 11點半.........

>>August 24, 2006 at 11:00:08 PM GMT+8