2005 年 3 月 14 日 星期一 【乍雨乍晴】

哇~~~~~~~~~~ 咁快又過左咁多日喇! 而家已經愈來愈唔得閒寫日記......
再加上部電腦又傻傻地......... 成日都開唔到........ 真慘 =.="

今日普通話堂時, 唔知點解好攰, 好似有D暈暈地咁... 又要朗誦喎....... 心情真係非常之一般....
放學之後就好左D, 返到屋企, 部電腦又開到喎, 所以就好返D喇!!
同 表妹 傾左一陣, 都OK ge~~~

唉~~~~~~~~~ 由尋日開始, 個腦就係咁亂諗野..........D衰野就希望唔好發生, 唔好實現啦!!!

>>March 14, 2005 at 8:45:59 PM GMT+8

2005 年 3 月 8 日 星期二 【晴】

仲病緊, 好慘呀~~~~~ >.<"

唉~~~ 駿駿 俾人調左去太古幫手......... 要成個月先可能返黎........ 只係可能...........
唔知點解? 今日特別掛住佢, 好想見佢!! 可能因為果邊太多人喇!!
我應該俾多D信心俾自己同佢!!
今晚佢都有黎接我放工呀!! 呵呵~~ ^.^

>>March 8, 2005 at 11:25:36 PM GMT+8

2005 年 3 月 6 日 星期日 【颳風】

病左.......好慘呀~~~~~~~
病左仲要返工, 仲慘呀~~~

今日返工, 有好幾個客都認到我冇戴眼鏡, 佢地都話幾好睇喎~~~ 呵呵~~~~~~~
今晚見返個小學同學, 不過佢就唔認得我, 但我都有叫佢!
之後見到我個名, 就認得我lu~ ^.^
原來佢已經結左婚喇!! 仲結左成年幾tim! 都幾快喎!!! 仲大左tim!!!

今晚 駿 都有黎接我放工, 佢都有問我ga~
唔知...... 我幾時會結婚呢? 嘻嘻~~~~~~~~

>>March 6, 2005 at 11:53:54 PM GMT+8

2005 年 3 月 4 日 星期五 【颳風】

Re : 無名. 不是不上, 只是最近比較忙, 所以沒空寫日記而已.

最近真係忙到死咁滯~~ 唔好話寫日記, 連上網都唔得閒呀!! >.<""
不過有好多野我都好想記底佢ga!
例如我地幾個第一次去飲茶啦, 果日雖然要text, 但text去飲茶就好開心喇!!! ^.^
仲有我地又一次ge無聲爭執, 再一次的落淚, 唉~~~ +.+' 不過都好快好返~ 之後仰要去鋸扒tim~

今日去TST CEO唱K, 我覺得冇銅鑼灣果間咁好隈~~ 個餐又唔多好食喎....... =.="
哇~~~~ 聽日就係我地學校ge開放日喇! 唔知會唔會仲差過上年 ge DMS呢? 希望唔好啦~~~
不過都應該唔會ge~ 因為起碼都有fashion show睇呀! 咁就應該唔會差得去邊~N??

>>March 4, 2005 at 1:41:04 AM GMT+8

2005 年 2 月 12 日 星期六 【陰晴不定】

Re : 小我兩天的人. 是呀, 這個地方是不錯的呀!! 沒空間? 那是什麼意思呀??

今日我ge心情 & 情緒, 就好似今日ge天氣咁, 乍寒乍暖~~~
今日日頭ge心情真係好差, 覺得自己連做一個鬧鐘都做得唔稱職...... 因為根本就冇作為!!
所以就自己出左去行下, 散下心~~~ 行到 2點幾, 打黎, 開始爭執.......
收線後, 傷心....... 想喊...... 過左一陣, 再打黎, 言氣有D衰....... 終於落淚.........
唉~~~ 我都唔想....... 好在後尾都冇事~
不過買禮物時, 意見又分歧, 開始感到........XX!! 後尾買左, 又好返......... 奇怪~~~
之後仲買壽司一齊食tim! 食完之後就返屋企, 跟住再去酒樓食飯!
因為係 Aunt 生日! 生日快樂呀!!! 雖然飽飽地, 但都去食左D!
跟住再返屋企, 先送禮物!! Aunt 都話靚呀!! 呵呵~~~ 仲打左小報告!! 嘻嘻~~~~~
之後就一齊打麻雀, 不過我只係睇, 阿駿打.
都贏左唔少ga!! 我都幫佢玩左 3局, 但就幫佢輸左 $80...... 所以佢即刻自己玩返~~~
好在後尾又贏返少少!! 所以我都有得分! 哈哈哈~~~~~~

其實今日我已經買左情人節禮物ga喇!! 呵呵~~~ 不過冇話你知!!

我覺得自己真係變左, 包包 都係咁講! 因為< 愛是不保留 >

>>February 13, 2005 at 1:54:09 AM GMT+8

2005 年 2 月 5 日 星期六 【微冷】

尋晚 經理 請食飯, 不過我唔駛返工, 所以就等到佢地放工時, 我先去搵佢地!
我地去左公司樓下ge酒樓打邊爐, 都幾開心ga! 仲幾飽tim!!
食完之後, 返到屋企就再溫書喇....... 真係幾辛苦.....

今日一早就起身, 因為要再溫下書嘛~ 不過都好似唔係溫得好入腦....... 可能係太耐都冇咁溫過書喇~N~ 今次未必合格....... 點算呀????
放學之後就去左 駿 喇~ 食左lunch之後就訓左一陣, 因為尋晚好夜先訓, 所以好攰~~~

我訓到 4點就起身, 因為今晚係我地同 Helen ge最後一次見面!
約左佢地 5點半, 大家到齊之後, 就帶著奇怪的心情, 前往殯儀館........
不知道為什麼?! 當我一踏進大門, 眼眶就紅起來了... 而當我看到 Helen的名字, 眼淚便落下臉頰...... 我也不想哭的....... 我真的不想.......
看著妳的時候, 感覺上妳只是睡著了, 妳只是安靜地睡著........
妳在新的地方過得可好? 還適應嗎? 願 主 保守妳!!

>>February 6, 2005 at 1:26:14 PM GMT+8

2005 年 2 月 4 日 星期五 【颳風】

超慘呀~~~~~~~~~ >.<""
今日放學之後就返屋企啦~ 返到屋企就沖涼洗頭啦~ 跟住同 包包 傾左一陣電話, 再跟住就傾垃圾喇!
但.....點知............拎左袋垃圾去後樓梯, 大門就自己閂左. 不過佢不嬲都會自己閂ge~~~
但.............. 今次係鎖左............ =.=""" 我望住個大門幾秒, 我就諗... 死喇!! 點算呀?! "o"
呀~~~~~~~~~~~~~~~~ 我真係唔想著住睡衣走去搵媽咪呀~~~~~~~~
不過............ 冇辦法............ 所以我唯有著住套睡衣走去 酒樓 搵 媽咪拎鎖匙..............
真係超樣衰呀~~~~ >_<" 想喊.........................
之後一路行, 都有好幾個人望過我......... 超無奈..................
但好在都唔係好遠, 不過咁著出街, 感覺上都真係幾遠................
一入去酒樓, D人就望住我.............. 唉~~~~~~~~~~~~~~~ 苦笑...............
見到媽咪之後都只係識得苦笑.............. 拎完鎖匙之後就嗱嗱淋走人..............
真係好慘, 好慘, 好慘 呀~~~~~~~~~~~~~~~~~~~~

>>February 4, 2005 at 8:37:39 PM GMT+8

2005 年 2 月 3 日 星期四 【暴雨】

今日雖然朝早唔駛返學, 但我都早起. 因為今日同 包包 去深水黧R野! 不過去之前仲要先去銀行拎錢~~
我地早餐都冇食, 就去買野先喇! 行到 12點出, 我地就返 九龍灣 食Pizza lu~ 哇~~~ 真係好好味呀!!! 不過我地就遲到....... 但算啦~~~~~~ 哈哈哈~~~~~~~~~~~

今日睇返之前ge Email, 突然有仲感覺. 令我諗返之前所發生ge事, 只好苦笑一聲~

忘不了妳~ 雖然一起經歷的日子不多, 但已足夠讓我們成為好友!
後天, 到了後天, 我們可以再次見面, 但......... 也是最後, 最後的會面了.............
希望感受到妳的存在, 讓我知道妳就在我們的身旁!! 可以嗎?
好想妳, 好懷念...好懷念......
忘了? 忘不了 --- Helen

>>February 3, 2005 at 9:56:16 PM GMT+8

2005 年 1 月 28 日 星期五 【雷雨】

Re : 筠筠 & 芝. 多謝你地呀!! 多謝你地為我地同Helen ge屋企人祈禱!! 我地已經冷靜左好多ga喇!! 因為我地相信 Helen 都唔會想見到我地咁傷心! 總之多謝你地啦!! ^_^

已經係第二日喇~ 心情都開始漸漸平伏起黎. 因為感覺上 Helen 只係瞓著左咁~
就好似只係好耐冇搵佢咁ge感覺!! 唔覺得佢係離開左我地咁!!
我好希望 Helen 可以o係新ge地方, 生活得開開心心!! 願 主 保守Helen!!

>>January 28, 2005 at 11:42:35 PM GMT+8

2005 年 1 月 26 日 星期三 【颳風】

尋日放學後, 同 包包 一齊買左個袋, 我就去 駿 屋企lu~ 因為我地已經兩日冇見, 都絃掛住佢ga!! 本來諗住o係佢屋企食埋飯先返屋企, 但諗諗下都係唔好, 因為今日要 Test 嘛~ 所以咪諗住返屋企溫下書lor~ 因為我仲未溫過嘛.....
返到屋企就即刻沖涼洗頭, 之後就吹頭, 準備煮野食.
但....... Sara 打電話俾我, 問下有冇女人打過電話俾我, 我問咩事啦~ 原來 Helen 入左院....... 仲係o係 深切治療部......... 我聽完, 眼淚就即刻流左落黎......... 我打埋電話俾 包包 同佢講完之後, 就換衫即刻去醫院!!
去到醫院, Helen ge 姨姨就同我地講下 Helen 而家ge情況! 聽完都好傷心, 因為佢而家仲昏迷緊.....但我地要支持佢!! 我地相信佢一定會冇事ge!!!
因為有好多人去探佢, 所以我地就o係外面一路摺紙一路等. 等左一陣, 我就同 包包 入去先! 本來有好多野想同佢講, 但唔知點解果時出唔到聲........ 我只好o係心入面祈禱!! 之後 包包 忍唔住, 喊左出黎! 因為Helen ge 姨姨講過唔好喊, 所以我地就即刻出返去~ 之後就到 Sara 同 潔瑩入去!
過左一陣, 佢地就出返黎, 我知道佢地都有喊到! 跟住我地都一直摺紙, 摺到大約 11點, 我地先返屋企!! 因為我仲未食晚飯, 所以煮左 烏東 食完之後, 過左一陣就訓 lu~ 因為對眼好攰............ 所以都冇乜點溫過書~~~~~

今朝起身, 對眼有少少腫, 不過都冇所謂啦~~~ 尋晚發左個夢, 有D奇怪! 因為我夢見自己入左醫院!! Sara 同 包包 仲有 駿 都有黎探我!!!
返到學校第一堂就溫下書, 因為唔溫真係唔得! 但....... 好難入腦! 真係好難, 好難!!! >.<"
到左第二堂, 就Test 喇~ 真係唔識.......... 不過好都好努力咁作!! 突然間, Sara 叫 Miss, 開頭以為佢唔舒服! 但見佢出去左咁耐, 一入黎就喊.......... 我....... 都估到少少............. 我個心開始震......... 咩都寫唔出................. 所以就交左卷~~~
入返自己課室, 等Sara親口話我知咩事.
等左好一陣, 見到佢喇!!
我就即刻問佢咩事,
佢話... Helen 去左.........
我聽完, 下一秒就只係識得喊.........放聲咁喊.................喊...........................

我接受唔到........... 跟本冇可能!! 我地 11點左右走, 佢就o係 1點幾 離我地而去...................... 點解喎?! 上次 打邊爐 你冇黎, 我地唔係明明約好左 3月一齊去 潔瑩 屋企 BBQ ge咩? 點解你要咁早走?! 點解呀~~~~~~~~~~~?

今日, 每當停下步伐, 就會想起大家在 DMS 的種種事情! 大家一起玩 大富翁, 由你不懂得玩 "鋤D", 到上堂時便一起偷偷地玩! 每個充滿著歡笑聲的畫面, 直到學期完結時臨別依依, 相互安慰的時刻......... 直到昨晚........ 在深切治療部的玻璃窗外, 看見你昏睡的容貌......都一一在眼前浮現~~~

願 主 保守你, 讓你得到永生, 讓你能夠到達天國, 在 神 在的地方, 展開你新的生活, 新的開始!! 阿門.

>>January 26, 2005 at 10:33:40 PM GMT+8