2005 年 1 月 24 日 星期一 【微冷】

今日仲係有D痛, 行得仲係好唔自然, 又慢喎!! >.<"
都唔知點ga?! 又唔係冇食藥喎! 而家已經日日都有食ga啦!!
仲係咁?! >_< 到底想點呀?! 我真係好攰喇............ 我驚我就黎支持唔住呀~~~~~~~~~~~~
到底可唔可以好返ga?! 神, 祢 可唔可以話我知呀?!

>>January 24, 2005 at 7:12:04 PM GMT+8

2005 年 1 月 22 日 星期六 【乍雨乍晴】

Re : 笨笨. 你是 君君 嗎? 放心, 我會好好的照顧自己, 你也一樣哦! 我也祝你快樂!!

今日要返學校補課, 補到中午就放學. 放左學之後, 包包 就同我返屋企, 因為要做功課嘛!
我地等到 3點, 就去左食下午茶. 同埋 駿 一齊去哦!! ^.^ 食野時都幾開心, 大家都有講有笑!
哈哈哈~~~~~ 因為大家一齊o係到 .......... 嘻嘻~~~~~~~~~
食完之後, 我就同 包包 返屋企, 不過都只係搵到D圖片......=.=" 唉~~~~~
大約 6點, 駿 就接我去佢屋企食飯~ ^.^ ~ 唔知點解, 佢屋企今晚好多人, 計埋我 都有 12個!
佢 婆婆, 兩個舅父, 表妹表弟, 契媽....... 仲之好多人啦~~~
佢地又打麻雀, 我都o係則邊睇左一陣, 因為佢地都想教埋我.
大約 10點半, 駿 就送我搭車lu~~~

>>January 23, 2005 at 3:31:09 PM GMT+8

2005 年 1 月 21 日 星期五 【颳風】

Re : 笨笨. 你是誰呀? 最近我的身體不太健康, 不過也要謝謝你的關心.

尋日放學之後, 我就同 駿 去左 元綠 食飯! 食完飯之後, 我地就去 冒險 睇下.
大約 5點, 搭車返佢屋企. 因為我腳仲痛緊, 所以就o係佢屋企度休息左一陣.
大約 6點半就起身, 本來想返屋企ga喇, 但佢又留我o係度食飯. 所以又要打攪 aunt lu~

>>January 21, 2005 at 10:32:20 PM GMT+8

2005 年 1 月 17 日 星期一 【寒冷】

今日一早起身, 個舊患就超痛......... 食左藥都仲係咁.........
跟住 包包 打俾我, 話佢第一堂唔返, 因為好攰.
果時, 我都諗住第一堂唔返, 因為我真係痛到唔係好行到路........
所以我就打電話俾 Sara, 話佢知. 點知, 佢竟然話黎我屋企接我一齊返學.
果時, D 眼淚就即刻流左出黎! 因為我真係好感動!!
之後我就等Sara 黎, 跟住就慢慢咁行去搭車, 一路都有D人望下我地! 都唔知望咩?!
唔通我真係行得好肉酸?? 唉~~~ 我都唔想ga!! >.<"
差唔多返到學校時, D 藥力開始生效, 所以都冇咁痛!
但係藥力散左就................

>>January 17, 2005 at 8:41:10 PM GMT+8

2005 年 1 月 14 日 星期五 【乍雨乍晴】

最近又開始痛喇........... 所以我有食返藥...........
我覺得真係好辛苦..........次次都係咁..........
到底要到幾時先可以真正咁好返?! 到底仲要我食藥食到幾時呀?!

>>January 14, 2005 at 10:57:12 PM GMT+8

2005 年 1 月 11 日 星期二 【颳風】

今日 Sara 同 包包 黎我屋企做 Textile Project.
返到筲箕灣經過球場時, 竟然見到 寶寶呀!! 之後我地傾左幾句啦~ 仲有 阿軒 tim!
跟住就返屋企lu~ 不過冇耐, 我就訓著左lu~ 一訓就訓到 6點3 先起身..........
之後媽咪就整左D煎炸野俾我地食, 佢地走果時, 仲叫佢地拎D走tim~
不過Sara 就走先, 因為 包包 同我地一齊打邊爐, Sara又唔想食, 所以就走先lu~
大約 9點半, 我就送 包包 去搭車, 之後我就去左公司搵 駿 喇!! 不過只係坐一陣, 我就返屋企lu~

>>January 11, 2005 at 11:03:37 PM GMT+8

2005 年 1 月 9 日 星期日 【微冷】

今日成日都唔係好開心...... 開頭都冇乜野ge~ 但到左夜晚就.........
今日返工返 4點, 返工時, 竟然撞到 姐姐, 我地講左兩句, 佢問我有冇諗過返教會. 果時我都有d想返, 但我覺得自己好難做到, 所以我都冇一口答應~ 之後就走左, 唔知點解果時有D想喊, 跟住就打左俾 駿 傾左幾句!
之後返工, 大約 5點出, 駿 就黎陪我食飯.
到左夜晚 清機 時, 佢地話要我學清機, 其實我大概都識, 只係有D機唔知個擺銀位o係邊隈
不過 駿 到有睇住我清機. 但唔知點解佢好似好惡咁, 雖然佢有提我個擺銀位o係邊, 但佢ge提示方式, 令我覺得自己好似一個白痴咁! 果時我都唔係好開心, 不過今次我冇發脾氣, 只係自己靜左一陣, 忍下咁, 所以之後就冇事lu~
放工返到屋企後, 打電話俾 駿, 佢同我講, 原來我返工時個樣好似好唔在乎份工咁. 個經理話再係咁就唔得ga喇!
直到而家我先知! 果一刻......我真係好開唔心........但我都冇喊, 因為我唔想俾佢聽到!
之後收左線, 當我聽到電話傳黎ge "do do" 聲, D眼淚就係咁, 跟住流落黎.................
直到呢一刻, 我先知我係做得幾咁唔好.......... 原來我仲係表姐所講ge咁 天真 ~~~
我一直都以為返工好開心, 連媽咪都以為係! 因為我會將返工ge野, 同媽咪講. 但原來........
如果俾媽咪知道, 佢一定會唔俾我返工ga! 我唔想咁呀!!!!!!!! >.<"
嗚嗚嗚~~~~~~~~~~~~~~~~~~~

>>January 9, 2005 at 11:54:25 PM GMT+8

2005 年 1 月 8 日 星期六 【晴】

今日好開心呀!!! 影卡就除外.......

今日中午, 同 駿 仲有佢個fd一齊出去 世貿 打機! 都ok好玩ge~ 我又見到 梁俊一 呀! 我仲影左相tim!!
我地玩到下午, 就去左 味千 到食野. 食完之後就行下街喇!! 我地又買左家私 俾 駿 ge哥哥同 Bon Bon tim!!
大約 5點幾, 我地就返去lu~ 去左駿 ge屋企! 等到佢家姐同哥哥仲有Bon Bon到左之後, 就煮飯食喇!!
食完飯, 我地就一齊玩 大富翁 ! 大家都玩得好開心! 我買左好多地呀! 不過錢就唔係最多!
我地都有記低佢, 下次再玩過ga! ^.^

>>January 9, 2005 at 2:07:47 PM GMT+8

2005 年 1 月 5 日 星期三 【颳風】

今日本來要返工ge, 但因為我要去睇牙醫, 所以就請左假, 搵左 阿康 替我!
今日隻智慧齒仲係好痛! >.<" 所以 lunch時只可以食河粉, 不過仲係食得好慢......
一放學, 我就搵埋 駿 陪我去小西灣睇喇! 開頭只係檢查下. 係Sara介紹我去ge, 因為佢話個牙醫幾靚仔ga! 所以都專登今日去喇!
檢查完, 個牙醫就話可以即刻"mok"喇! 但我又好驚喎! 而且身上又冇咁多錢o係到, 不過我又好想即刻"mok"左佢!
因為如果唔"mok", 就列等到 星期五先! 所以就即刻打電話俾Sara, 問佢借住先!
等Sara一黎到, 佢就陪我一齊入去"mok"牙喇!
我真係好驚呀!! 個牙醫先幫我打麻醉針, 都幾痛ga!!! D藥又苦喎..........
過一陣, 佢就開始"mok"呀喇! 雖然唔痛, 但就聽到佢鉗我隻牙ge聲喇!!! 哇~~~~~~ 隻牙好大隻呀!!
"mok" 完牙之後, 我就返屋企喇! 唉~~~
而家咁凍, 又唔可以食D熱野喎, 7點左右, D麻醉藥就開始散喇, 好似感到有少少痛喇~~~~
呀~~~~~~~~~ 好慘慘呀~~~~~~~~~~~ 而家冇左隻牙, 感覺好怪, 有個大坑o係到, 都唔知點咁~~~

>>January 5, 2005 at 7:27:38 PM GMT+8

2005 年 1 月 4 日 星期二 【颳風】

好慘呀~~~ 生緊智慧齒, 痛到我食咩都冇味.........
聽日就要去睇牙醫喇! 唉~~~~~~~~~~~~

最近少左打日記~ 不過其實已經唔係最近ge事lu~ 其實最近都有好多值得記低ge事ge!
例如係 除夕夜同 駿 ge屋企人一齊去打邊爐. 1月 2號 又同佢地一齊去食飯, 仲去左 明記 食糖水tim!!
但都係自已懶啦~ 所以就少左打日記~

>>January 4, 2005 at 10:45:08 PM GMT+8