Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 >>

2005 年 9 月 13 日星期二【陰】

準備就緒
【本報訊】返左 CityU 都成個星期了，我識既人唔多，鬼叫自己 O Camp 又唔去， O Day 又放飛機咩！幸好 Mentor 阿 Sam 好人屎，介紹返Ｄ人俾我識，點都識到個同樣住太和既 Gilbert ～希望之後可以同其他 Mentees 一齊玩多Ｄ啦！

我份人真係好怕寂寞，唔鍾意做自閉仔咁囉！幸好星期二識到 Howard 同 Edward ，唔係既話好難想像我第一個 Present 點做，我相信佢地都會係一Ｄ好負責任既同學仔黎既～係星期六更加識到 Kenny 、 Alvis 、 CoCo 、嵐同 Carmen ！唔知點解我覺得同呢堆同學仔玩會好開心啵，大家一定要夾手夾腳做好Ｄ Project 呀！

＊今個 Sem 好想爆佢 GPA ，嘻嘻！痴人說夢話。當然我真係希望夢想成真，上堂少Ｄ發夢啦！加油， Zebra ～

>>September 13, 2005 at 10:57:08 PM GMT+8

2005 年 9 月 5 日星期一【酷熱】

好人
【本報訊】得而復失的感覺太難受。就在今天，有一個決心，不想再被比下去，前所未有的改變。

若談樣子不會叫好不算最討好
但我的內在美不夠味道哪足以自豪
談為人當然好雙手也好抱
無奈獨有伴侶問前路
沒有想陪同鄰家男孩跳舞
唯獨當我師徒
人人親近我無人爭奪我
無人關懷是誰大平賣親和
平凡像我路過十個似我情敵實在太多
人人鼓勵我無人傾慕我
常常激勵別人盡情熱戀事後遺下我
像毒咒無人愛我別嚇我
並無自欺所有老死只配作知己
願意跟我細數戀愛挫折抱住我會死
談完情拖好手都將我拋棄
從來沒理會我喜與悲
是那麼平凡仍可以來鬥氣
談情令我心死由得我死

人人親近我無人爭奪我
無人關懷是誰大平賣親和
平凡像我路過十個似我
你管不到那麼多
天都不愛我立心孤立我
平凡的人若提及情份便顯得不配麼
難道我看不到現況正是結果

由得我無人爭奪我
無人關懷是誰大平賣親和
平凡像我路過十個似我情敵實在太多
天都不理我令我想清楚
感情是來自由弱者所寫的悲歌
事實上為什麼不拍到拖說穿了我不美信我

＊細心咀嚼歌詞……真的失眠了！求我自己別胡思亂想。 That's enough ，真的足夠了。

>>September 7, 2005 at 1:15:48 AM GMT+8

2005 年 9 月 4 日星期日【雨】

保密日記，請登入觀看！

>>September 7, 2005 at 1:15:56 AM GMT+8

2005 年 9 月 3 日星期六【陰】

澳門睇「妞」團．貳
【本報訊】明明較了八點起身，不過大家都要九點先起到身，雖然係遲左起身，可能打亂左行程，但係個個都非常之精神，那就是自由行既優點啦！陸陸續續叫晒所有人起身梳身，再執番正間房後，正式 Check-Out ！唔知琴日邊條友仔話要買手信架，而家一袋二袋，真係白痴都知我地係遊客了！哈哈～

又去返民政總署個邊了，再一次拎住本手冊周圍搵野食，今次去左街角靚粥「合誠粥粉甜品」，黎之前搵呢間野又上山又落斜，攀山涉水，無所不用其極，幸好我地既付出並無白費。雖然間鋪好細又冇冷氣，但係就好有大排檔風味～叫了同琴日差唔多的食物，不過今次既主菜就係變左粥，那個魚蓉肉碎粥非常之甜美，但聽大雄生話佢既螺肉魚蓉粥更加鮮甜，咁下次黎到澳門一定會再試！臨走個時見到老闆伯伯又係度手磨黑芝麻，所以就試埋佢地既芝麻糊，又幾正喎！坐係度傾下「點解澳門女生天生麗質」，不停品足評頭，老實講我們是痴漢四人組！哈哈～

★「合誠粥粉甜品」的金牌手磨芝麻糊★

食完早餐都幾晏，事不宜遲直鏟出去氹仔，那一邊的世界更似香港，更加新淨，是不是因為那些私人樓宇有平台既關係？不過就真係冇野好行囉～行左好耐想搵Ｄ特色既手信都冇，非常之不快～我地只係見到Ｄ學生妹，先稍為提升番一Ｄ士氣～其後終於嘗試了搭澳門既巴士，去了那黑沙海灘，雖然話就話Ｄ黑沙係由帶黑的次生礦海綠石所致，我地又唔係一身 Beach Boy 造型，所以更加覺得非常之污糟囉，同埋都冇 Beach Girls 既，咁又係既，好揀唔揀揀個岩岩開左學而且仲係下午兩三點鐘既時間，搵鬼去咩！非常之痛心疾首呀！又見肚餓，去了書中介紹的惹味海邊燒，買「正宗肥佬」即叫即燒既豬扒包同埋燒雞翼，之後拎住坐係石灘邊食，吹著一Ｄ都唔涼快既海風，感覺自在～沒有沙灘小子，只有潮州怒漢，所以我地都係早走早著～之後再去埋「安德魯餅店」食正宗葡撻，沒有 KFC 那種咁甜，呢Ｄ就係正宗口味？再配合埋激酸天然檸檬水，精神大為一振，大叫一句「嘰嚒吱」～呵呵～買埋曲奇之後，再搭巴士返番去氹仔。

★「黑金沙灘」的瞥伯Ｚ、肥佬豬扒包及肥佬燒雞翼★

★「安德魯餅店」的葡撻及檸檬水★

回到氹仔之後，到了那一條著名既手信地帶，不過唔記得左係咩名了。見到那一個好有名氣既「小飛象餐廳」，可惜我地冇錢！只好望門輕歎囉～去了一間叫「義順牛奶公司」食雙皮奶，點了一個紅豆雙皮奶，太甜了嘻嘻～四條麻甩坐左係度，又再傾下濠江女生了～我地係度研究緊點解澳門Ｄ女咁正。我地初步估計係因為佢地自小運動量多，澳門地方不大，而且又有好多山路，其實好多地方都可以行去的，行上又行落， Body 自然索。就算要搭交通工具，好似巴士咁，都因為座位數量唔多，都要被逼企係度，間接令肌肉結實。而且澳門出名薑汁撞奶，相信佢地由細食到大，想唔白唔滑都幾難啦～加上澳門真係比香港更加似旅遊天堂，個個學生都唔知係唔係由細開始被逼上公民教育堂，有禮貌到見親人都以微笑回報，真係想喊都唔好意思了。不過有個好奇怪既現象，就係Ｄ女性到了三十歲以上開始走晒樣，唔知係唔係因為佢地有錢渣車（電單車）既關係呢？哈哈！傾完呢Ｄ懶係 Serious 既問題，趁個肚子又有Ｄ空位，又去左一間「？？粥店」食蟹糕粥，鮮甜味美！蟹又多肉～正正正正正！不過美中不足既係個Ｄ店員非常之煩囉！妖～食完都想即刻走～

★「義順牛奶公司」的紅豆雙皮奶★

★「？？粥店」的蟹黃粥★

搭澳門之旅最後一次的巴士，回去大馬路那一間「百家昌涼茶飲食店」，大家各自各外賣了一杯可消暑毒既萬球果膏上船食。最後去埋「鉅記手信」度買埋牛肉乾、豬肉乾～就即刻打的趕返去搭八點鐘船了。埋條公數，公數最後剩番五毫子。上到船食埋個萬球果膏，味道淡淡像龜靈膏，加了糖水入口容易！（各人回到家後都排毒，臭到飛起但很舒暢～）。返到香港，十點半準時回家。整個旅行我俾八粒星！我．真．係．好．開．心．呀！

★「百家昌涼茶飲食店」的萬球果膏★

★ K.O. Perfect ★

>>September 7, 2005 at 1:16:03 AM GMT+8

2005 年 9 月 2 日星期五【陰】

澳門睇「妞」團．壹
【本報訊】終於比我恨到啦！做左幾個月工，為既只係等呢一日既來臨，我．要．去．旅．行！睇到上面個大題目，都知我地呢個團係搞咩架啦！去得睇「妞」，緊係唔可以有女阻住，所以今次過大海，就只係得我、 MK 、忽輝同大雄四條麻甩（費高甩底～凸！）參加。

今朝六點起身，其實我乜行李都未執，心想過一過大海要有何牽掛呢？結果越執越多，充斥了整個背囊。明明約好了八點集合，忽輝夠膽七點半起身，結果整個行程就俾條友仔拖累左了！哈哈～齊晒人搭東鐵出尖沙咀碼頭，以為個度有船搭，非常白痴囉！要去中港澳碼頭先有船的，而碼頭的位置卻係 271 的總站旁，多麼的 Holyshit ！去到中港城時，仲見到傳說中謎一樣之男「李焯林」，他一身 Financial Planning 的打扮，老實講我都係建議佢回去砍叉燒會較有前途的，哈哈！到大堂買了來回船飛之後，搞埋出境手續，就正式開始我地兩日一夜的「濠江吃喝玩樂荒淫生活交流體驗團」……

★ Here we go ★

上到架船度勁多日本人，日本型男及索女乜都有，其實日本既型男係某程度都幾 MK Look ，不過唔知點解可以咁型囉！至於Ｄ索女又係喎！高質到～噴晒鼻血呀！所以我地派出本團唯一既日本人野比大雄去同班女媾通一下，可惜無功而還，不過已經為我地個睇「妞」團掀起序幕！搭左個幾鐘頭船黎到澳門，沒有高樓大廈，一個好似深圳的地方。搞左入境手續，人生路不熟，結果去搞酒店 Check In ，揀了一間三星級帝濠酒店，四條麻甩一間雙人房，哈哈！只不過係酒店大堂逗留一陣，已經見到幾個非常惹火既女郎， So Hot ！

黎到澳門充一充大頭鬼，凡事以的士代步（因為真的很便宜！）。拿出新假期個本澳門遊天書，首一站去了民政總署附近，那裡有點似元朗，整條街道上都是舊招牌。跟住本天書的地圖周圍逛，仆街啦～Ｄ地圖錯到飛起！想食個間手打巨丸「三元粥品專家」都冇食到囉！結果由街尾行返到街頭，去了 Second Choice 「盛記白粥」，又吃不到皮蛋瘦肉粥，只可以挑選炒麵、蘿蔔糕、咸肉糉、炸腸及豆漿，不過又真係抵食夾大件。食完之後去下Ｄ民政總署、聖彼得、聖瑪利教堂參觀下囉！點都算係提升文化氣質既～不過其實我地成班麻甩仔既焦點都落左係Ｄ雌性生物度，因為九月二日已經係開學日，周圍都係Ｄ學生，奇怪的係女生既數目遠超男生，或者係我地太過留意女性吧，不過多女生都不打緊，而係好多女生都好得！真係好得！情況完全同香港既唔同囉～呢度真係好似天堂，好多仙女呀！哈哈！睇完女之後，就去搵創意甜品老店「杏香園」食那書中介紹的芒果椰汁涼粉及老闆娘推薦的龍眼雪耳，那涼粉可以話平平無奇，不屑一談！什麼最多人叫得配搭？我擔保佢地唔會回味無窮。至於那龍眼雪耳，可謂驚喜重重，諗都諗唔到可以咁潤架！龍眼肉滲了菠蘿蜜的香，甜而不漏，令我地不假思索咁再叫多碗，享受多次味覺的轟炸～ Yummy Yummy ！

★「盛記白粥」的炒麵、蘿蔔糕、咸肉糉、炸腸及豆漿★

★「杏香園」的芒果椰汁涼粉及龍眼雪耳★

被甜品徹底俘虜後，我地決定去澳門遊必到勝地「大三巴」。唔怕老實講，我地既視線真係落晒係Ｄ女生度囉！所以行錯晒路都唔知，野比大雄更加見到有女生出入的商場，就拉了我地闖進了（其實我地都好樂意，哈哈！），見到女生，我地只有三句對白「好Ｘ正呀」、「好想同佢地ＸＸＸ」、「ＸＸ晒Ｘ」，哈哈！真係句句都唔出得街囉～暈暈舵舵去到唔知邊，之後大雄又帶我地行了條亡命斜，好Ｘ腳軟呀凸～經過埋那一個濕鳩砲台及博物館，先到了大三巴！哈哈～拍照一張留為紀念先！拍完照，唔知邊條磨轆話而家買手信最好，咁又神推鬼推咁去左「咀香園餅家」度掃貨～之後大家都見攰，搭的士回去酒店，晏Ｄ再享受一下馬交的夜生活！ Yeah ～

★「大馬路」的可愛郵箱亭★

★「大三巴」的四條磨轆★

逗留左係酒店休息及鋤弟，玩到七點鐘，終於出發到「澳門觀光塔」，又再搭的士去了，去到先知道是七十蚊每位（原來依書介紹係四十蚊的～），我第一個話走啦！我好肯定覺得唔值囉！我寧願食左佢好過啦～之後又打的諗住出去賽狗場睇下跑狗，點知司機話今日唔開喎（書中介紹係有開架～又再被老點～）！之後建議出返市區，本身話食日本菜，但個的士司機一言驚醒戇鳩仔，黎到澳門，我地竟然唔試下葡國菜！真係好白痴吧～之後個司機車我地到了一間幾高檔的餐廳，本著「一生人總要豪一次」的精神！吃了五百幾蚊～講真真係好好味呀，完全冇港式風味，馬介休炒飯有點似咸魚雞粒炒飯，不過有咩分別又講唔出；焗肉醬芝士意粉的味道剛剛好，唔似香港的芝士味太濃烈搶晒味道；燒牛柳骨入口鬆軟，正～蒜蓉焗四蔬更加可以清清腸胃；煎龍脷魚更加俾我地五馬分屍。因為真係好好味呀！略嫌不足係杯 Drink 太細杯了，搞到吹水唔夠喉～吹完水埋完單，就去左新開的金沙賭場，臨入去之前見到一班年青人跳舞，嘩！一條仔拖十幾廿條女～澳門既男女比例真係……上到去賭場，俾人 Check 身分證了（好耐都冇試過啦）！初初入去見到好多部老虎機，之後到了正廳範圍，好壯觀，根本就係一個 Shopping Mall ，不過就換晒賭檯囉～好多人身上都夾住一大疊的現鈔一千蚊，呢Ｄ真係叫賭！我自己賭唔起，太怕輸～等大雄同 MK 玩埋老虎機（兒童遊戲～）之後，就決定返回酒店！係超級市場買了好多零食，大家返回酒店後沖完涼，就即刻開始我地既大食會，一路睇尋秦記，一路食忽輝蝦片。呵呵～二點幾鐘訓左，咁又一日了！

★「葡國唔知乜餐廳」的焗肉醬芝士意粉、燒牛柳骨及蒜蓉焗四蔬★

★「金沙賭場」的外圍夜景★

★「大西洋銀行」的一千蚊金牛★

>>September 7, 2005 at 1:16:39 AM GMT+8

2005 年 9 月 1 日星期四【陰】

九月一日
【本報訊】今天係……真係要搞到連朋友都冇得做呀嘛？點解呀？唉～我真係咁仆街咩？

今天回去鋪度簽離職通知書，有種感覺，我覺得自己係呢一刻消失係非常合時候。搞掂晒同忽輝及俊俊去左大埔中心許留山飲野，之後上左俊俊屋企打 WE9 ，我就係好需要呢種二世祖既感覺呀！好 Hea 好 Hea 呀～跟俊俊學左陣電結他，手指就快拗埋一堆了，費高都學緊打鼓，而家係爭位主音，仲記得好耐以前我地講過既「 Wild Animal 」，唔知有冇可能呢？買了本雜誌，期待「澳門麻甩團」，哈！

＊想了很久，那朋友的確很會逗人開心，但係從來都不懂得關心別人，要明白關心不等於逗人開心，是要了解事情的深層。我對那朋友好似關心得太多，有點失衡，那是開始要求公平的訊號？或者我應該減少關心，或者對那朋友而言，我的關心根本不值一文。我感覺到我可有可無，沒有被需要的感覺。朋友，我有冇講錯呀？

★澳門麻甩之旅，我來也★

>>September 7, 2005 at 1:16:50 AM GMT+8

2005 年 8 月 31 日星期三【酷熱】

Orientation Day
【本報訊】今朝八點九就同阿晴出左去 CityU 既 Orientation Day ，去到個度見到個 Mentor ……俾佢帶到去一個大 Hall ，聽完班高高在上的校長及嘉賓講完廢話之後，悶得很即走……走了去搵 MK ，不過佢又去了另一度了。之後同埋 Amy 和阿晴等運到，都係見唔到 MK 出黎，所以都係提議出去食野了。去了南山邨，一個 City 學生食飯的另一熱門選擇。阿晴介紹一間叫「新南山冰室」的地方，幾好味的，係個度 Hea 左個零鐘之後，又唔想返去，所以決定去尖沙咀唱Ｋ，呵呵呵～阿晴把聲真係好似孫燕姿，真不愧拎過歌唱比賽獎的人馬。唱到五點半，返去 CityU 聽 Grant / Loan 既 Talk 。同埋 MK 、四葉及阿姜聽聽聽，又係悶悶悶。聽完同 MK 又出左去海港中心黎個 Window Shopping ，搞到十點半先回到家。

>>September 7, 2005 at 1:15:41 AM GMT+8

2005 年 8 月 30 日星期二【晴】

與郭生的一席話
【本報訊】八月三十日，係我翡翠的 Last Day ， Farewell 就遲幾日先搞，今晚得番我同郭生睇鋪。呢排，覺得郭生既煩擾越來越多，由細鋪調到旗艦店做店長，日日都有幾個老細落黎行街，都咪話唔煩。老實講啦！其實我都唔想郭生再煩咁多，我都係乖乖咁日日準時返工打咭（若果真係令幫我打咭個位同事咁唔妥既，我向你道歉）。九月一日返去簽埋張辭職通知書就正正式式 Quit ，唔洗郭生你再為人手問題去煩，名正言順拎人。與你的一席話，知道你的煩惱，希望你可以慢慢適應，做到另一層次，要當呢個「最佳店長」！

>>September 7, 2005 at 1:16:59 AM GMT+8

2005 年 8 月 29 日星期一【晴】

與蘇生的一席話
【本報訊】好難先有機會單對單同師兄蘇生傾計，感覺好奇妙。由迦密時代既趣事、同中學朋友既關係、在社會生存的方式、公司內既人事、進修既方向……同佢傾完，好似有一點點啟發，真係好開心，難得真係有一個師兄經理係我左近，比我信心！多謝你！我明白到你成功總有一套原因。

>>September 7, 2005 at 1:17:10 AM GMT+8

2005 年 8 月 28 日星期日【晴】

家駿再見
【本報訊】今日係家駿既 Last Day ，講真家駿真係好得人鐘意，你那幾句下流對白真係係我心中留下好深既印象，因為真係好好好好好笑！雖然你份人講野係賤Ｄ，但係你真係好「真」！我知道你會係一位好同事，可惜你已離開了～

入返正題，放左工之後約好左搭家駿架 Mini Cooper 去元朗唱Ｋ。今日有主人家、釗榮、我、阿儀同阿豆去玩。睇唔出阿豆把聲咁似何韻詩……其實今晚都幾平淡架喎！因為我好多新歌都唔識唱，唱得又唔好聽，呵呵！唔通真係得粵曲適合我唱？ Holyshit ！睇黎我真似比較多餘Ｄ囉～唉～我之前個兩年真係少了好多娛樂，唔 Update 是嘛……兩點幾回到家！

＊帶左部相機冇用到，係囉！扮高貴唔影囉～哈哈！

＊喂！雖然你話家陣係老手對老手，但千祈唔好玩出火呀！知嗎？

>>September 7, 2005 at 1:17:21 AM GMT+8

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 >>

●○●○●○●○●○
○●○化身斑馬●○●
●○●劃清黑白○●○
○●○●○●○●○●

讀者留言

| 路人留言 |

= ="
>>August 16, 2005 at 9:48:15 AM GMT+8

prue,我幫你咁多,都有一餐飯
>>August 12, 2005 at 1:15:27 AM GMT+8

其實我唔係好明6/8個日的日記呀
>>August 11, 2005 at 4:14:54 PM GMT+8

康,點解呢???
>>August 11, 2005 at 4:13:10 PM GMT+8

prue : 你爭我一餐飯ar.
>>August 8, 2005 at 8:53:56 PM GMT+8

你同康都好核突,一心望靚人,點知
>>August 7, 2005 at 9:56:23 PM GMT+8

MK, K款王要係大場先有用..
>>August 7, 2005 at 7:54:34 PM GMT+8

我係k款王~~~
>>August 4, 2005 at 11:27:25 PM GMT+8

ar榮,你d diary好有屎~
>>August 4, 2005 at 3:33:21 PM GMT+8

MK, 你下一個月會輸得好慘!
>>July 26, 2005 at 1:36:54 AM GMT+8

斑馬佬, 我決定下個月同你鬥跑數
>>July 22, 2005 at 8:56:11 PM GMT+8

 唔好炸喇你,陣間炸完變
>>July 20, 2005 at 8:50:33 PM GMT+8

認同wai!! .\"
>>June 20, 2005 at 11:49:29 PM GMT+8

不是你的專長，卻是你傷害別人的武
>>June 20, 2005 at 11:05:06 PM GMT+8

唔係bor~ sophy~ 你好
>>June 18, 2005 at 1:44:32 AM GMT+8

佢地呀...講埋哂d衰野呀!!!
>>June 9, 2005 at 3:33:43 AM GMT+8

mk: 好簡單o既姐..
>>June 6, 2005 at 12:22:09 AM GMT+8

離開是為了回來.... 
>>June 3, 2005 at 11:25:23 PM GMT+8

你係咪想我殺死你!!!!!!!!
>>May 31, 2005 at 12:38:44 AM GMT+8

一定拍住上拎金球~
>>May 22, 2005 at 11:20:18 PM GMT+8

果日我兩個fd企我後面架...
>>May 16, 2005 at 10:59:02 AM GMT+8

*0* .... 我今日同經理比
>>May 11, 2005 at 1:25:23 AM GMT+8

客咩撚野氣丫...大家都係同一集
>>May 8, 2005 at 8:34:50 PM GMT+8

To MK: 忽輝招成名秘技未必
>>May 8, 2005 at 10:21:21 AM GMT+8

ct kind of job u
>>May 8, 2005 at 8:30:43 AM GMT+8

好勒力的斑馬~~ >0<"要努力
>>May 8, 2005 at 12:50:57 AM GMT+8

[IMG]http://jm.g
>>April 27, 2005 at 3:25:54 PM GMT+8

"但後生仔就係咁，係咁不理後果，
>>March 11, 2005 at 8:28:43 AM GMT+8

2nd March
>>March 6, 2005 at 1:58:34 PM GMT+8

-.- fuck yeah~ <
>>March 6, 2005 at 12:14:01 PM GMT+8

RE:mk fuck y
>>March 6, 2005 at 7:13:31 AM GMT+8

fuck yeah maxwel
>>March 5, 2005 at 8:11:40 PM GMT+8

wt the heck are
>>March 5, 2005 at 8:00:33 AM GMT+8

呵~又幾靚喎d相影到~好彩我都有
>>January 2, 2005 at 11:24:31 PM GMT+8

咩痴男怨女 ar? =.=凸
>>January 2, 2005 at 11:01:36 PM GMT+8

=.= mk人~ <
>>December 31, 2004 at 10:00:34 AM GMT+8

wa~ diu ! 隻斑
>>December 27, 2004 at 12:59:32 PM GMT+8

努力吧啦...中7仲要攪埋d o
>>November 28, 2004 at 10:58:44 PM GMT+8

umum~我都知你辛苦ga喇~
>>November 27, 2004 at 1:44:41 PM GMT+8

麻甩仔x2 =.=V
>>November 24, 2004 at 10:54:33 PM GMT+8

我知你慳錢辛苦架~! 多
>>November 14, 2004 at 3:11:39 PM GMT+8

hello~好耐無見啦...自從
>>October 14, 2004 at 10:26:27 PM GMT+8

嘩！稀客呀～哈里波凸！自從你地三
>>October 11, 2004 at 9:50:20 PM GMT+8

hei.........long
>>October 10, 2004 at 2:39:23 AM GMT+8

加油lum~ 
>>October 4, 2004 at 4:43:26 PM GMT+8

-.-凸 支持斑馬大哥!
>>September 18, 2004 at 10:51:30 PM GMT+8

 well~你個白痴仔
>>September 5, 2004 at 12:06:59 AM GMT+8

咪嘻咪嘻咪嘻咪嘻喎喎涮~~^%^
>>August 7, 2004 at 4:46:06 PM GMT+8

=.= 魚扮蟹~ 高手高手~
>>August 4, 2004 at 10:35:14 PM GMT+8

超 又叫人lei 留言都
>>August 4, 2004 at 7:09:43 PM GMT+8

你地班仆雞仔~ 成日睇完
>>August 2, 2004 at 8:48:10 PM GMT+8

咁中四呢??
>>July 10, 2004 at 10:47:55 AM GMT+8

路人, 我寫左中三o個篇好耐la
>>July 9, 2004 at 11:57:03 PM GMT+8

我係路人呀 你有中三未呀
>>July 9, 2004 at 9:53:44 PM GMT+8

家姐盈~ 我點會嬲你呀 =.=v
>>July 1, 2004 at 8:28:20 PM GMT+8

點解咁耐都唔寫日記呀?! >June 29, 2004 at 1:46:47 PM GMT+8

[IMG]http://foru
>>June 6, 2004 at 3:24:12 PM GMT+8

好~ 即寫~ 我保證2日內交貨~
>>March 16, 2004 at 12:04:06 AM GMT+8

請問有未呢??
>>March 15, 2004 at 12:27:59 AM GMT+8

賤人~~~~~~~~-_-" <
>>March 8, 2004 at 9:42:55 PM GMT+8

=.=v 借題發揮0者阿yui~
>>February 26, 2004 at 6:51:45 PM GMT+8

見到缸魚jei.. 使唔
>>February 26, 2004 at 5:50:26 PM GMT+8

請問有中三未呢.... 
>>February 24, 2004 at 10:09:23 PM GMT+8

ｙｏｈｏｈｏ～ 我又黎ｌ
>>February 23, 2004 at 6:49:11 PM GMT+8

客咩鬼氣呀 我覺得我果日
>>February 23, 2004 at 6:14:23 PM GMT+8

"認位唔認人，睇分數教人" >February 19, 2004 at 11:39:31 PM GMT+8

To ■■■: =.=v 你話唔
>>February 18, 2004 at 10:47:29 PM GMT+8

"淨"我一餐飯~
>>February 18, 2004 at 9:55:28 PM GMT+8

點解■■■可以成日都咁白痴既呢.
>>February 18, 2004 at 4:51:49 PM GMT+8

呵呵呵～好耐冇黎呢樹ｌｏｒ～ <
>>February 16, 2004 at 6:27:38 PM GMT+8

嘩.... 你個感歎號吊
>>January 27, 2004 at 11:19:28 PM GMT+8

版主呀.... 你肯寫未
>>January 26, 2004 at 9:48:32 PM GMT+8

呵呵~ 今日考完試~ 可以繼續寫
>>January 14, 2004 at 5:26:14 PM GMT+8

攪錯呀~ 冇新野~
>>January 13, 2004 at 11:39:42 PM GMT+8

你的日記真係整得好靚~~>﹏<.
>>January 11, 2004 at 3:37:37 PM GMT+8

一睇國字口面三尖八角終極鬈髮四眼
>>January 10, 2004 at 4:45:58 PM GMT+8

哈哈，洗唔洗講到咁嚴重，雖然E份
>>January 10, 2004 at 12:34:23 PM GMT+8

哈哈~~你地唔好推黎推去啦!!!
>>January 8, 2004 at 9:20:41 PM GMT+8

硬係佢個對先la......
>>January 8, 2004 at 9:14:04 PM GMT+8

mk教父 =.= 搞掂左b鋒魔頭
>>January 8, 2004 at 9:01:19 PM GMT+8

好! mk仔係到做斑馬同區
>>January 8, 2004 at 8:51:22 PM GMT+8

佢唔講你真係會介第個
>>January 8, 2004 at 8:50:25 PM GMT+8

車
>>January 8, 2004 at 8:48:09 PM GMT+8

唔該晒呀 B鋒 ^_^ 我想打好
>>January 8, 2004 at 8:42:45 PM GMT+8

你打o係lee度... 
>>January 8, 2004 at 8:37:57 PM GMT+8

咪就係鐘意你lor....
>>January 8, 2004 at 8:36:04 PM GMT+8

哼 你唔答我 我
>>January 8, 2004 at 8:34:32 PM GMT+8

e..... 咁問人地g
>>January 8, 2004 at 8:33:20 PM GMT+8

區小姐 到底你鐘意我d
>>January 8, 2004 at 8:31:32 PM GMT+8

人生不得意事十常八九~~~ >January 3, 2004 at 7:40:18 PM GMT+8

我費事做電燈膽JA
>>January 1, 2004 at 10:16:00 PM GMT+8

-.- 得啦~ 家姐, 你估我唔
>>December 30, 2003 at 11:47:07 AM GMT+8

你快d打啦 唔好拖幾日啦
>>December 30, 2003 at 12:34:15 AM GMT+8

細佬仔～ 多謝
>>December 29, 2003 at 2:44:34 PM GMT+8

好唔好意思,你果份禮物已經係24
>>December 28, 2003 at 1:38:10 PM GMT+8

我d頭髮已經剪短左好多嫁la b
>>December 28, 2003 at 12:19:01 AM GMT+8

唔駛唔好意思喎,我地明架喇,卡卡
>>December 27, 2003 at 10:28:11 PM GMT+8

都好喎, 就咁決定~ 不
>>December 27, 2003 at 9:20:47 PM GMT+8

你不如搵一日專係講你以前既校園生
>>December 23, 2003 at 11:54:55 PM GMT+8

B鋒, 快D跟我同MK買番支暗瘡
>>December 23, 2003 at 9:35:05 AM GMT+8

就講下以前既學校生活~
>>December 21, 2003 at 10:48:19 PM GMT+8

暗瘡.....唉 第一之
>>December 21, 2003 at 10:37:51 PM GMT+8

你班友好過份呀... 出
>>December 21, 2003 at 8:06:31 PM GMT+8

嘩 =.= 連路人都黎留言~ <
>>December 21, 2003 at 6:57:08 PM GMT+8

HiHi 我真係路人~
>>December 21, 2003 at 6:03:09 PM GMT+8

我無嬲到你,ok..? 
>>December 15, 2003 at 11:50:06 PM GMT+8

紅賤士就好啦~~日日有得食蕉 ^
>>December 14, 2003 at 9:17:32 PM GMT+8

綠賤士~~睇黎紅賤士下一次係要
>>December 7, 2003 at 1:40:46 AM GMT+8

阿盈~ 你說得對~ 我先
>>November 17, 2003 at 10:13:20 PM GMT+8

（爆笑） 我都係識ｄ唔識
>>November 17, 2003 at 4:54:05 PM GMT+8

我頂你頂你頂你頂你頂你！！！ <
>>November 16, 2003 at 7:35:49 PM GMT+8

 我地唔係話你
>>November 8, 2003 at 8:57:22 PM GMT+8

下次識做啦^^
>>October 19, 2003 at 12:45:42 AM GMT+8

哈哈...錯... 大撚
>>October 18, 2003 at 11:37:19 PM GMT+8

故事係9成真,1成作 ^^ >October 15, 2003 at 10:06:35 PM GMT+8

哇卡卡~~~~喂~~~~~ >October 15, 2003 at 6:17:19 PM GMT+8

哈哈.......... >October 13, 2003 at 9:06:20 PM GMT+8

真人真事黎架？？
>>October 13, 2003 at 8:20:53 PM GMT+8

人氣: 35243

Design & Scripting by ShowHappy.Net