Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 >>

2004 年 7 月 28 日星期三【乍寒還暖】

北京尋「歡」遊．肆
【本報訊】今天比起琴日，可以遲成半個鐘起身呀！真係好開心～食過早餐之後，就去朝早既景點，就係北京地標之一－天安門廣場。

天安門廣場俾我既感覺係一個封鎖晒言論自由既地方，四圍都有Ｄ便衣警察竊聽，只要一講錯野，就會捉左你～今日去到，聽導遊講唔可以乜又唔可以麥，真係感受到呢處戒備森嚴。天安門都有好多景點可以參觀，而第一個就係毛澤東紀念堂，入去之前要排隊，四人橫列一組。步行期間，有好多大陸哩插隊，我地緊係唔甘心啦！開始堅持陣形，適逢下雨天，隨身攜帶了一把縮骨雨傘，只要一見有人想越過我地，我地就會利用雨水攻擊，第一式《全方位雨水撥打》：只要打尖者一靠近就會報以雨水還拖，期間把雨傘會由 90 度角轉波至 45 度角，向目標方位撥水；如果呢招都唔湊效，就用第二式《縮骨．一飛沖天》：首先將把雨傘垂直，作收傘狀態，之後移入敵方傘內，再強行開傘！嘩卡卡卡卡～瀨晒撻啦！期間當然有我地既港式粗口源源不絕咁恭送到對方既耳仔邊！講番正題（有Ｄ喧賓奪主，呵呵），入到去個紀念堂，有人買花獻上，但只見入面個個守衛都兇神惡殺咁！只見到毛澤東主席個頭發光後，就匆匆離去了，前後都唔夠幾分鐘～

出左黎返去個集合地，準備到人民英雄紀念碑參觀，之前發生左段小插曲。那插曲的名字叫《表妹愛在天安門的表哥》，仆佢個雞！咁Ｘ型約表哥係天安門等，你都咁薑架啦！要我地成班人等你打完茄輪先！凸！最後味又係俾人屌～講番到個紀念碑，係附近影左Ｄ相就到全聚德食北京名菜北京烤鴨。

係全聚德門口度，掛住四星級食肆名銜係度，我諗應該都幾好伙食掛！呢一餐，無可否認係六日團裡最好食既一餐，但係衰在唔係好食於招牌菜上，而係其他小菜！「天下第一美食」北京烤鴨比起片皮鴨簡直係差緊Ｄ野，Ｄ皮又唔夠多，Ｄ肉又太多，Ｄ醬又麻麻……難怪既！我地呢Ｄ出生在美食天堂既後生仔，緊係對食物挑剔Ｄ架啦！

食完野就到故宮博物院參觀，係之前又發生左段小插曲，女主角依舊係阿表妹，不過男主角就換左李力持～究竟發生左Ｄ咩呢？事源個陣就係故宮博物院入口影下相先入去，但係過左集合時段都未等到佢兩條友（加埋忍者龜），返到黎李力拎被鄭 Sir 照肺，之後又俾大廖暗串佢地拍拖拍到慒左！李生緊係心有不甘咁破口回答：「邊個拍拖呀？」如果遇中其他人可能冇乜事，不過佢遇中既係大廖，緊係瀨晒撻啦～結果佢之後成程都冇晒心機！話說回頭，其實今日北京係落驟雨架！總之天有不測風雲。其實我就入面覺得冇咩特別，四周圍都搭晒棚裝修，外表係好有宮廷 Feel 既，之不過冇乜內涵俾我地睇下呢～聽肥仔 David （又係佢啦！）講，話故宮入面Ｄ正野，係中國內戰時，俾國民黨帶左去台灣了，所以北京度，除左Ｄ真係帶唔走既野，好多野都被帶走了！我就覺得成個故宮博物院，最正係個御花園，如果可以係度溫書，你話幾咁歎呢～

出左故宮博物院之後，就乘搭人力三輪車去遊覽北京胡同，去到條河邊，個景真係好靚，有Ｄ似日本～不得不提係個司機既腳瓜幾咁大舊，應該係日子有功練成既！見佢咁好人，肯同我地一齊做Ｖ手勢影相，緊係俾貼士啦！不過唔多，五蚊雞是也。之後就去食飯，時間係五點鐘，係同第二日晚飯去既餐廳一樣，菜式都係一樣……真係冇晒胃口！之後個段時間係全日最 Dum 波鐘既時間，去左唔知乜春公園遊玩，之後同費高及阿水學左 Part 舞！不過精彩既事亦因為呢隻舞而發生。上左車之後，阿忽輝條友仔，俾我用左副新啤牌去邪佢，結果玩 Com 綿胎時大敗，願玩服輸，而呢次大懲罰就係罰佢由一落車起，到老舍茶館之前，不停跳同一隻舞，但因為其他胃丸仔去左搭地鐵，結果要遲Ｄ先入場，所以忽輝就大撚鑊啦！之不過佢竟然自得其樂，在我地既拍攝機前應付自如，儘管朗拿甸奴（細廖）話唔好映衰佢，否則記缺點，佢依然無懼權威，無視路人既指指點點，捱到入去茶館，仲要堅持要拍埋上樓梯既最後一 Take 先肯收手！忽輝既專業精神真係令我眼前一亮～

入左去茶館，其他胃丸仔女又未到，味去買定Ｄ手信，結果買左兩罐茉莉花茶葉及一個茶葉罐（只係洗左三十雞！抵！）。其後入到茶座，坐第二排位，都算不錯，未開場前已經有點心甜品送過黎！每樣都係一人一舊，份量岩岩好既～之後既表演仲精彩，之不過係因為太精彩既緣故，我都唔係好記得出場個先後次序，咁不如就用精彩度作為先後吧！

節目名：《一個蒙古草原上識跳舞的女人》
精彩度：★★★★☆☆☆☆☆☆
介紹：由一個樣子尚算可以，身段還可以既女子表現一Ｄ西域既舞蹈，可以用三個字黎形容：「悶悶悶！」

節目名：《 Mini Cookies 清代版》
精彩度：★★★★☆☆☆☆☆☆
介紹：繼續由上文提及既女子再加多三位比較標緻既姑娘，穿著清代宮廷服，載歌載舞，都可以用三個字黎形容：「悶悶悶！」

節目名：《京劇．白蛇傳》
精彩度：★★★★★☆☆☆☆☆
介紹：京劇係電視就睇得多，呢次都係親眼見既。其實京劇有戲劇 + 雜技 + 武打既成份存在，個位女表演者相當好功夫～可惜我唔識欣賞，對呢Ｄ不大感興趣～

節目名：《解開變臉之迷》
精彩度：★★★★★☆☆☆☆☆
介紹：比起琴日個位女變臉大師，今日呢位既穿崩位已經少左好多。總括黎講，不過不失咁啦！

節目名：《老舍 F4 之另類樂器玩法介紹》
精彩度：★★★★★★☆☆☆☆
介紹：嘩！呢四個麻甩佬都變態既，一隻手玩自己既樂器，另一隻手又去搞人地既樂器，都忽忽地既！不過彈出黎又幾好聽喎！

節目名：《京片子來楝篤笑》
精彩度：★★★★★★★★☆☆
介紹：可惜可惜我唔係北京人，否則我會聽得明佢地講乜。但從佢地既身體語言黎講我知，佢地唱雙簧係好搞笑得黎好熟練。

節目名：《用鐵頭功尋找支點的方法》
精彩度：★★★★★★★★★☆
介紹：呢條友仔玩缸玩到出神入化，連頭殼頂都可以因此玩到地中海，點解？原因就係佢條友用個缸放係個頭上轉，無論將個缸點擺係個頭上，佢依然可以平衡到，令到個缸唔跌。若果中國國家隊多Ｄ好似佢咁既人黎控球，你都咪話唔玩晒！

節目名：《金魚佬的 Magic 》
精彩度：★★★★★★★★★★
介紹：從前見過好多既魔術道具都係死物黎既，今次可以親眼見到Ｄ活生生既……呢位魔術師可以隨時隨地用一個冇魚既魚勾釣到一條活生生既金魚上黎，甚至乎釣一條手臂咁長既魚都可以，更厲害既係用魚網刮一刮地板，成網金魚就出左黎！佩服晒～

順帶一提，老舍茶館係北京之旅入面最正既一個景點，有冷氣歎，又有位坐，又有靚女服務生，又有特別頒發三星級廁所，又有得扮下二世祖，嗯！今晚真係正～睇完中國咁多奇能異士，係時候返去酒店度了。咁就四日。

＊生活照精華稍後奉上。

>>September 3, 2005 at 4:13:00 PM GMT+8

2004 年 7 月 27 日星期二【清涼】

北京尋「歡」遊．參
【本報訊】已經進入第三日，今日行程相當緊密。已經成六點半起身，預早左成個鐘梳洗了，但係都仍然遲到食早餐，所以又俾大廖怒啤啦～食完野就出發啦啦啦啦啦！

本來係想參觀呢個北京大學先既！但係盧公話大學方面就唔到時間俾我地入去喎～咁好啦！先去呢個頤和園參觀既呢！呢度可謂係湖光山色，各個花園雖然都堆滿左遊客，但都無損皇家花園既氣派。花園出面有一個湖，一個一望無際既鏡湖！倚欄柵處有一片荷花，剛剛開始凋謝，真係可惜可惜。過了荷花池，有一條長走廊，走廊上有住唔同既畫，長度我估有三四百米～而附近既山上有座寺廟，唔記得乜乜寺了！總之就同個湖組合成一幅別緻精巧既山水畫。行到長廊既盡頭，就係賣紀念品既地方，我本來想買一件 Tee 俾自己著下，但係見Ｄ款又唔係太靚，最終收埋左呢個念頭，只係買左迷你面譜就收工。遊覽完呢一岸，我地乘搭以龍的設計為藍本既觀光船，劃破鏡湖。講番個湖，聽 David 講冬天可以係個度溜冰，但係佢有朋友試過因為Ｄ冰太簿，跌左落冰水度到。此外頤和園有個地下庫，係用黎係冬天儲冰供夏天使用。題外話講完，乘船到左彼岸，見到透白色既十七孔橋，但由於時間關係冇影到相，蝕晒桌啦！就係咁～行完呢個皇家園林了。（睇番細珊既日記，先記得去左景泰藍。不過唔寫都無妨啦！都冇咩特別事。）

●頤和園的乜乜山●

之後去左間兩星酒店（者係比瀟湘酒店仲屎）食午飯呢！但係呢餐十分之好味道啊！我地食快掃晒Ｄ食物，跟手去屙尿～嘩屌！個廁所臭到，要閉氣先可以去哦！果然係保留住兩星級水準！

解決左生理問題之後，我地繼續馬不停蹄， Next station is Beijing University ！到達左之後，仲要等大學方面審批，等待接見。以為北京大學有咩咁巴閉，又話好多規矩，入到去味又係見到各省英雄聚集係呢度。有Ｄ賣水，有Ｄ玩車，有Ｄ鏟草……實質呢度就係一個花園，係人都入得。北京大學搵左Ｄ學生做我地導遊，廢的！連個大學圖書館都唔俾我地入去睇下！都係走吧啦……

●北京大學的圖書館●

之後到左琴日去唔到既天壇公園，其實今日係非常極之好攬曬，所以冇乜 Mood 去行，求求其其行左陣就算。不過都講下個度Ｄ野，天壇係俾皇帝祭天既地方，好著重風水之類，所以個度既東西，好多都以九（最大的陽數）為單位既呢～去到天壇既主壇，有一段石塊好得意既，在第三塊上面拍掌會有三下回音，第二塊則有兩下，如屎類推……最後既總結就係呢度好古色古香囉！

●天壇公園的主壇●

其後乘坐呢一個小型旅遊車，風馳電掣地到達飯店，一路食一路欣賞忽輝內子俾我地既 Surprise ！呵呵～之後去左睇雜技團，個度環境還可以，但硬係有種怪味。其實印象最深刻既係少林功夫，好型！其實個個少林僧，唔打得都睇得，有好多都好俊俏。有位少林僧係我面前表演硬氣功，佢放左個碗去肚皮度，用內力吸住，之後叫觀眾拔個碗出黎，當中抽中左大雄，大雄起勢咁拔，連個碗墊都搣爛埋，都係拔唔出～果然係少林真功夫！佩服！佩服！其他表現節目分別有《十幾廿人踩單車》、《好兄弟上樓梯》、《連環呼拉圈２６》、《人肉蠟燭座》同埋《國粹－穿崩變臉大法》，總之就絕無欺場，大家媽聲而回～睇完之後就返酒店啦！咁就三日。

>>September 3, 2005 at 4:10:34 PM GMT+8

2004 年 7 月 26 日星期一【酷熱】

北京尋「歡」遊．貳
【本報訊】正所謂龍床不如狗竇，呢句說話一Ｄ都冇錯。今朝訓到早上六七點就起身，始終呢度咁生保，都係早起好Ｄ。起身擦牙等自己冇咁戇鳩鳩，之後就食Ｄ餅同花生卷做早餐。

班友仔陸陸續續起床，不過都係悶到發慌，唯有諗下Ｄ大懲罰娛樂下。又係玩 UNO ，又諗左Ｄ變態懲罰……今次得我同忽輝輸左，而我仲係輸得好撚仆街個隻～忽輝呢！佢就執到啦～本來個懲罰係包括埋係走廊度行，唔記得因為乜野原因就唔洗，而佢係罰Ｄ咩呢？就係擺個水樽係褲度，讓它挺起俾我地拍短片（不過最後俾ｍｋ唔小心洗左！大家冇眼福嚕～）；而我只係同忽輝玩牌抽大細，細個位要被大個位摑一把，只不過我竟然可以連輸Ｚ咁多鋪，俾佢打左鑊甘。之後玩多次 UNO ，我同豆腐周旋係突然死亡階段，但亦係鬥得難分難解，大家遲鈍能力不相伯仲，結果都係採用最殘忍既方法抽大細了結件事，結果我抽中左大，但係我輸了（抽之前要求抽中大者受罰，人黑仔上黎就係咁……），最後我係被罰同大雄黎個濕吻！我就係一片無奈、心淡既陰影下到達左北京。（漏記左豆腐嗚食蕉真人 Show ！）

臨走前，本想同靚女服務員姐姐合照，但係被「唔習慣影相」呢個理由拒絕左！真係冇晒癮……

到達北京既時間係下晝五點左右，比原定時間遲左兩個鐘，原因係有段路軌水浸。既然遲左，原本行程係先去天壇公園都要改變。見到北京個導遊，嗯～冇咩特別！上左車，遙遠望到北京火車站既外貌，好宏偉！同內裡既自然裝修有住不同既格調，一句「金玉其外，敗絮其中」可以話形容得好貼切。

北京俾到我地既感覺係，空氣乾而且濁，仲成日塞車囉！係車上面又聽下個導遊講下野，言語間覺得佢係識搞笑，但礙於學校團既關係，佢盡量收歛左；而且聽得出佢係非常之仇外，一時蘿蔔頭，一時番鬼佬，可想而知，佢既民族意識好強勁哦！

終於到左北京之旅既第一間餐館，入面Ｄ野食麻麻地！一Ｄ特色都冇，盧公（導遊）話之後個一站係王府井夜市加東華門小吃，我地緊係保留多一點胃既容量，準備迎戰美食既衝擊！臨走前仲影左張 To-Fu 公仔同豆腐既合照！嘿嘿～

● To-Fu 公仔ｘ豆腐●

●豆腐ｘ To-Fu 公仔●

之後到左目的地，原來得個半鐘行晒兩撻地方，唉～呢Ｄ就係鴨仔團既特色。行王府井係簡直糟蹋晒Ｄ時間，唔係話個度唔正，個度其實好撚正又靚！只係唔夠時間用係個度而已！行左九個字，趕個鬼咁飛返去東華門， holy Shit ！東華門度有好多野食囉！不過好多好似擺左好耐，尤其係Ｄ凍粉，本想一嘗，但係都冇咁做。之後我食左炸牛奶（味道甜甜地架！好味）、中國粟米（唔係超甜粟，食落口好似一粒粒番薯！好難食）、羊肉串（正！八個好味，一Ｄ都唔羶，好似加左五香粉既雞肉串咁）、炸蠍子（只係好似炸瀨尿蝦咁）及炸海星（仆街！勁硬口，似多春魚味但唔好味囉）。之後有人請我地食炸蟲蛹，嘩！緊係耍手又擰頭啦！聽番佢地講係似炸花生醬，一咬即爆既 Feel ，真係毛骨悚然～

　「＊＃︿（％＃＄％＠？（京片子）」神秘女子說。
　「乜野呀？」我話。
　「＊＃︿（％＃＄％＠？（京片子）」神秘女子又說。
　「妖～ｍｋ你黎聽。」我話。
　「＊＃︿（％＃＄％＠？（京片子）」神秘女子又再說。
　「你識唔識廣東話？（國語）」ｍｋ講。
　「不懂。（京片子）」神秘女子說。
　「 Can you speak English ? 」ｍｋ講。
　「 Massage（按摩） , OK ?」神秘女子說。
　「按摩喎！」ｍｋ講。
　「唔洗啦！都係唔好，問下佢幾多錢。」我話。
　「請問幾多錢？（國語）」ｍｋ講。
　「一百塊一小時。（京片子）」按摩女郎說。
　「漂不漂亮？青不青春？（國語）」ｍｋ講。
　「當然青春漂亮！我帶給你們看看。（京片子）」按摩女郎說。
　（我示意ｍｋ玩夠了。）
　「不用，我們只是小朋友。（國語）」ｍｋ講。
　「不好意思。（京片子）」按摩女郎說。

以上對話係番酒店房間之後半小時收到既電話……問番其他中六，佢地都話有，不過Ｄ中四胃丸仔同Ｄ女仔就冇收到。大雄同阿姜仲見埋真人啊！原來係樣衰都爆～唉～呢間乜撚野酒店黎架，同佢地打籠通！屌～之後洗完白白，落左去玩。本來想碌齡的，不過關左門，咁唯有篤波囉！篤夠左，就返上去訓了。咁就兩日。

>>September 3, 2005 at 4:09:56 PM GMT+8

2004 年 7 月 25 日星期日【酷熱】

北京尋「歡」遊．壹
【本報訊】今日終於出發到北京，但係臨去前覺得被搵笨啊！因為係中旅社出面見到個北京六日團，只係貴我地個團二百蚊咋！人地包埋香港北京直航，而我地呢，緊係正死啦！加上我地係學校團呢～你地都知架啦！實好多禁制架嘛，連搵導遊帶我地出夜街都唔可以，唉……

到上水火車集合之前，同左一班胃丸北京之旅成員到 Red Forest 食晏，食完之後遲到左五分鐘，俾大廖逼收廿五蚊！（妖～佢真係日日追我地數架！）過左羅湖關口，成班胃丸鴨仔就係度等個深圳領隊黎！其間有好多蛇頭鼠眼既人係附近，為左唔想俾佢地洗劫一番，我地都好似佢地咁四圍望！個領導到左啦！仲拎住一支未燙過既旗，係我地面前飄揚～係深圳火車站等左一兩個鐘，終於等到上北京既直通車了。

原本我想像既硬臥，的而且確真係唔硬，同我屋企張床差唔多，只不過唔係我諗既「哈利波特」式（者係一列火車卡上，分開好多房間及一條貼窗既走廊，以三張床重疊分佈兩邊組成為一單位），原來係開放式，任何路經既人都可以窺探我地既睡姿。不過算啦！頭一晚都冇諗過要訓。

●火車 + 硬臥 + 走廊●

今日晏晝個餐就係上水搞掂左，而晚餐呢～本來想食杯麵就咁了斷，不過大家興之所至，味到火車上既餐廳試下囉！Ｄ野食可以話唔太好食，加飯又要加錢，服務態度又差，食野途中又見到好多事。例如有旅客想抽服務員水，但係俾服務員巧妙地扭動蛇腰逃出魔掌；又有旅客無理發爛，不肯靠邊，只有兩人就想霸佔四人座位。唉～大陸哩就是如此無理（雖然港燦都不見得好！哈哈）。

食完野，有服務員黎 Sale 野，係賣咩呢？就係賣七色彩虹夜間導航電筒原子筆一枝，呢Ｄ咁高科技既野，我地要黎托咩？只會糟蹋支筆架嘛。不過見咁悶，味當個服務員係普通話老師，不同用廣東式國語同佢溝通，叫佢轉行啦！賣筆冇前途架之類。結果係點？當然緊係冇買啦！最後個服務員真的「哭」了～嗚嗚嗚～

食飽飯又冇屎屙，唯有玩下 UNO 解下悶。普通玩法已經提不起我地既興趣，緊係要諗下Ｄ大懲罰先刺激架嘛！先有大珊被罰「索腳板兩野」、「被挖鼻屎」及「被撩吊鐘」，後有費高大做體操「引體上升～喔舒喔舒」。當中，我地識左阿水同豆腐，玩完遊戲就吹水，話題係中四既事～為左唔騷擾大廖，我地起左個幕，期間有個美女服務員介入我地度，叫我地唔可以咁做，唔好俾人誤會入面做Ｄ咩！睇真Ｄ佢有Ｄ似陳慧琳，我地見機不可失，緊係吃她的豆腐啦！不過佢好冷酷啊！唔識笑，不過又幾健談！但問佢好多野都唔答呢，應承左會講年齡又唔講！真失望～我地八掛完之後就訓覺嚕！咁就一日。

>>September 3, 2005 at 4:09:05 PM GMT+8

2004 年 7 月 23 日星期五【晴】

我愛蒙嘉慧，我愛陳慧珊，我愛張五常
【本報訊】今日同區文、阿盈去左一年一度既書展，屈指一算，我都好幾年冇踏進呢個知識寶庫。一點幾鬆Ｄ就到左會展會場了，甫入場就見到少爺占，原來真人真係好矮！哈！行左一陣又見到落選港姐王從希，真人瘦好多，不過好鬼姣！係姣到出汁個隻！又厚粉～如果佢條仔同佢打茄輪，一定成面粉了～其後又見到陳慧珊，真係佢呀！好靚呀！笑得黎好燦爛，一Ｄ都唔似三張幾！我心諗如果撞埋蒙嘉慧，一日可以俾我見晒兩個我鍾意既電影台姐仔！我真係開心到爆！嘩哈～真係撞到，可惜睇唔夠十秒就俾佢閃左人，不過都好啦！真係好正哦！我唯有影番佢身邊既藝員補數啦！

●好索既蒙嘉慧●

●好正既陳慧珊●

●好矮既少爺占●

追完星，做番Ｄ正經野先！去買我想買好耐既雙子座 Twins 罐！其實呢個罐比我原先想像既大廿幾三十倍，我本身以為可以掛住揪鎖匙架嘛！原來唔係……我太天真了！個罐仲係唔似金色而係似銅色！頂～突然間俾佢打沉晒咁囉～之後買左張五常個三本驚天動地既書，都抵啦！有七五折喎！睇完之後我要係高考一鳴驚人！之後又見一百蚊有四本書，就買左一本《漫畫３６計》、兩本英文參考書，同一本名為《為何你說的話總是很硬膠》既書黎睇。見到個書名，唔知點解好想買，可能係因為佢好似講緊自己一樣咁！呵呵～不過呢本書都幾搶手架，其他書仲疊到高一高，呢本就得番幾本。嗯～雖然買左呢Ｄ書未必有時間睇，但時間係自己逼出黎既！我會盡力而為既！行行下又見到一Ｄ高考既書，味買番本睇下囉！一本係講中化讀本，一本係做速讀既～係胃丸讀中化既人都知啦！個阿 Sir 靠唔住，有乜理由成個暑假都唔俾功課同學做，我真係俾佢地嚇撚死囉！諗諗下，呢一年，我真係好似科科都係自修咁～唔可以怪人既，可能我習慣左夜校自修溫書呢一招，因為喜歡，所以就應用左係日校度。

行到八點幾成九點鐘，我地終於肯走。真係唔好講笑，拎住Ｄ書行足八個鐘～真係人都癲。之後到左一間好似好多 Mickey 既茶餐廳食晚飯，仆街囉！入到去先知乜野好食既餐都冇左！唯有叫個普通既飯，嘩！Ｄ湯既味唔似平時既，好似酸酸地～不過真係好肚餓，我都係成碗鯨吞左，碟飯Ｄ味又淡而無味，杯凍檸茶又唔夠甜！不過餓左成日，焗住俾佢禁住黎搶啦！食完野就返大埔嚕～

由細到大，我都未做過一件唔會令自己後悔既事！中七，我要做到！雙子座既性格係「三分鐘熱度」，我要改造到自己係「八個月熱度」！無錯！只係八個月～《 The Book Of Answer 》講我知我距離目標不遠～ Move On ！

>>November 11, 2004 at 6:17:30 PM GMT+8

2004 年 7 月 18 日星期日【綿綿細雨】

黃 Sir 教我重情，但你的情何在？
【本報訊】連續兩日不停搵同學幫ｍｋ及粗框寫求情信，成王敗寇，還看今朝！呢一星期看盡老師真面目，有麻煩怕事既、有心恨手辣既、有見義勇為既、有無事生非既，唉～究竟呢間咩學校黎架！我係最唔抵得Ｄ冇料阿蛇咁鄙視學生既求情信囉！

上星期搵既幫雜誌寫稿既工，應該冇得做嚕！ Penny （搞雜誌既朋友）同我講：「我幫你問左啦！我會同 PlayerOnline 個邊Ｄ人講，之後佢會聯絡你啦！」唉～呢份工雖然唔多錢，寫千二字有百五蚊，一星期寫一次，其實我都係想搵份工作時間穩定Ｄ、又合自己創作既興趣、亦都可以撥Ｄ時間去溫書既工做下都唔得，唔通真係要我八月去鞋店賣鞋咩？我唔想，但可以點？

錢，我從來都冇諗過要多，只係想夠就可以。而家你有收入，我就斷絕晒所有收入來源，好冇癮真係好冇癮。我好想陪你出街、睇戲、食飯乜都好，奈何客觀經濟條件唔容許可我咁做，我真係唔想一次又一次用冇錢呢個理由拒絕你出街既要求，仲有暑假咁長時間，我只係唔想咁花洗晒Ｄ錢！冇錢我冇所謂既，最多係屋企自閉，不過都係自己冇銀用呢～真係真係唔想做敗家仔，攤大手板問阿媽拎錢～而家既我，買乜野都要諗過度過，有時我都唔明你點諗既，可能你都係一樣……

我呢一刻需要錢……＄＄＄＄＄＄

>>November 11, 2004 at 6:18:58 PM GMT+8

2004 年 7 月 13 日星期二【酷熱】

海洋公園。大肥仔
【本報訊】今日係旅行日，唔想提Ｄ傷心事。呢日去左海洋公園，個度真係好多野玩既，但係其實冇一樣野令我提得起勁！我漸漸覺得自己失去左童真，可能係因為近日Ｄ壞消息（自己又話唔提……）。而個個都玩得好癲，我就留低多一秒都不耐煩了……算吧！我都係 Post Ｄ相出黎交差吧！

●門口的大合照●

●可愛的小海豚●

●肥胖的大熊貓●

●海獅的「湯馬斯迴旋」●

●海豚的「起雙飛」●

六點左右搭車返大埔，返到去沖個涼（玩滑浪飛船濕晒下身），約左 David 八點旺角食飯！幫佢去 2000fun 店訂 Game ，仲拎左個九折！多謝你呀水鬼！之後揀左間上海野黎食，兩個麻甩佬，叫左太多野食，有糖醋排骨 + 海蜇雞絲 + 賽螃蟹 + 紫菜肉碎豆腐湯 + 菜飯 + 豆漿，真係好似食左成隻豬入肚咁！同 David 傾左好多野，學業、家庭乜都有……我真係當左你係哥哥架啦！今晚暢所欲言，值得一記！

>>November 12, 2004 at 3:51:30 AM GMT+8

2004 年 7 月 12 日星期一【酷熱】

昨天的因今日的果
【本報訊】再次感受到分離既逼近。今日收到ｍｋ既電話，原來我、佢同粗框已「入選」了本屆胃丸中六的重讀名單。雖然呢個消息係早已預料，大家都心裡有數，但係有邊個想咁快面對個事實呢？今次考試我自問盡了最大努力去獲取最多分數，奈何能力有限，先落得如此收場……

>>November 12, 2004 at 3:52:09 AM GMT+8

2004 年 7 月 8 日星期四【酷熱】

迦密位位老友成績個個優秀
【本報訊】「機會只係俾一Ｄ有準備既人，所以要時時刻刻都要準備好，等待機會既來臨……」呢句野講得冇錯，機會落入未有準備既人手中時，佢地只會大歎錯失良機。我就唔願意做呢Ｄ人，希望呢個暑假可以令我充分預備高考啦！

今日係高考放榜既日子，好多朋友仔都終於等到呢一日。而我就緊係訓到太陽係頭殼頂先起身，因為呢一日都唔關我事（無奈！），起左身食左野之後，打俾天慧問下佢考成點，佢都算唔錯啦！一個 A 一個 B 兩個 C 一個 D ，都夠入中大工商管理系啦！再問下佢迦密邊個考得最好，原來係周堅呀！三個 A 兩個 B ～想當年大家都仲係一齊打機戇鳩鳩，點解佢今時今日讀得咁勁架？哈哈！至於迦密理科方面，係炒得最勁既一年，兩班得一個 AL 拎 A ，究竟點搞架？唉～我諗呢一年係迦密最低入Ｕ率既一年！

今日借左碟睇《江湖》，挑！根本就係一套垃圾片！ Rubbish ！

>>November 12, 2004 at 3:53:13 AM GMT+8

2004 年 7 月 3 日星期六【酷熱】

任務：在葡萄牙創出希臘神話
【本報訊】今晚十點半出左去睇波！因為今晚係歐洲國家杯決賽既大日子！由東道主葡萄牙主場迎戰本屆黑馬希臘。不過約左ｍｋ十點半咁早，又冇地方去，所以去左馬會睇下野！頂你個肺葡萄牙～見你對家既賠率咁好分，放左廿蚊去你對家度！哈哈！

買完波都係十一點左右咋！冇咩野好做，又去左開心度打機。本來換左十蚊打機，點知行開陣聽個電話，Ｄ錢就冇晒啦！屌～難道註定我今晚要破財？唉～都係 ONLINE GAME 岩我多Ｄ，所以又會合埋粗框、大雄、Ｂ鋒同薑汁蠔去左 Super Net 打雞！打左一個鐘就去茶餐廳打躉睇波，跟住我同ｍｋ又用左六蚊雞填肚（記住係有得食，又有得飲，仲有埋 Nuts ），嘩哈哈哈哈～

等左個幾兩個鐘，時間到左兩點九！一開波，葡萄牙禁住希臘黎攻，但係始終未入禁區就甩腳；另一方面希臘既反擊力甚強！隊中球員既默契非常之勁，幾腳短傳已經鏟入禁區～上半場就係咁而呈膠著狀態。下半場葡萄牙加強攻擊力，不停製造埋門機會，但一次又一次俾希臘個鋼龍救晒！五十幾分鐘希臘憑一個角球頂入葡萄牙～之後希臘全面退守，但係任由佢地單刀、遠射，佢地唔係斜出就係射飛機！以基斯坦奴既把握能力同盤扭技術做得最「好」～臨完場前有一名球迷，見費高入唔到波，就用支巴塞旗掟佢，最後自己仲衝埋入龍門， Goal ～呵呵～任由葡萄牙點絕地反擊、破釜沈舟，都係改變唔到一比零既賽果！終於由客隊一班聖鬥士創出「希臘神話」！呵呵～咁又贏左百一蚊～哈哈！

>>November 12, 2004 at 3:54:26 AM GMT+8

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 >>

●○●○●○●○●○
○●○化身斑馬●○●
●○●劃清黑白○●○
○●○●○●○●○●

讀者留言

| 路人留言 |

= ="
>>August 16, 2005 at 1:48:15 AM GMT+8

prue,我幫你咁多,都有一餐飯
>>August 11, 2005 at 5:15:27 PM GMT+8

其實我唔係好明6/8個日的日記呀
>>August 11, 2005 at 8:14:54 AM GMT+8

康,點解呢???
>>August 11, 2005 at 8:13:10 AM GMT+8

prue : 你爭我一餐飯ar.
>>August 8, 2005 at 12:53:56 PM GMT+8

你同康都好核突,一心望靚人,點知
>>August 7, 2005 at 1:56:23 PM GMT+8

MK, K款王要係大場先有用..
>>August 7, 2005 at 11:54:34 AM GMT+8

我係k款王~~~
>>August 4, 2005 at 3:27:25 PM GMT+8

ar榮,你d diary好有屎~
>>August 4, 2005 at 7:33:21 AM GMT+8

MK, 你下一個月會輸得好慘!
>>July 25, 2005 at 5:36:54 PM GMT+8

斑馬佬, 我決定下個月同你鬥跑數
>>July 22, 2005 at 12:56:11 PM GMT+8

 唔好炸喇你,陣間炸完變
>>July 20, 2005 at 12:50:33 PM GMT+8

認同wai!! .\"
>>June 20, 2005 at 3:49:29 PM GMT+8

不是你的專長，卻是你傷害別人的武
>>June 20, 2005 at 3:05:06 PM GMT+8

唔係bor~ sophy~ 你好
>>June 17, 2005 at 5:44:32 PM GMT+8

佢地呀...講埋哂d衰野呀!!!
>>June 8, 2005 at 7:33:43 PM GMT+8

mk: 好簡單o既姐..
>>June 5, 2005 at 4:22:09 PM GMT+8

離開是為了回來.... 
>>June 3, 2005 at 3:25:23 PM GMT+8

你係咪想我殺死你!!!!!!!!
>>May 30, 2005 at 4:38:44 PM GMT+8

一定拍住上拎金球~
>>May 22, 2005 at 3:20:18 PM GMT+8

果日我兩個fd企我後面架...
>>May 16, 2005 at 2:59:02 AM GMT+8

*0* .... 我今日同經理比
>>May 10, 2005 at 5:25:23 PM GMT+8

客咩撚野氣丫...大家都係同一集
>>May 8, 2005 at 12:34:50 PM GMT+8

To MK: 忽輝招成名秘技未必
>>May 8, 2005 at 2:21:21 AM GMT+8

ct kind of job u
>>May 8, 2005 at 12:30:43 AM GMT+8

好勒力的斑馬~~ >0<"要努力
>>May 7, 2005 at 4:50:57 PM GMT+8

[IMG]http://jm.g
>>April 27, 2005 at 7:25:54 AM GMT+8

"但後生仔就係咁，係咁不理後果，
>>March 11, 2005 at 12:28:43 AM GMT+8

2nd March
>>March 6, 2005 at 5:58:34 AM GMT+8

-.- fuck yeah~ <
>>March 6, 2005 at 4:14:01 AM GMT+8

RE:mk fuck y
>>March 5, 2005 at 11:13:31 PM GMT+8

fuck yeah maxwel
>>March 5, 2005 at 12:11:40 PM GMT+8

wt the heck are
>>March 5, 2005 at 12:00:33 AM GMT+8

呵~又幾靚喎d相影到~好彩我都有
>>January 2, 2005 at 3:24:31 PM GMT+8

咩痴男怨女 ar? =.=凸
>>January 2, 2005 at 3:01:36 PM GMT+8

=.= mk人~ <
>>December 31, 2004 at 2:00:34 AM GMT+8

wa~ diu ! 隻斑
>>December 27, 2004 at 4:59:32 AM GMT+8

努力吧啦...中7仲要攪埋d o
>>November 28, 2004 at 2:58:44 PM GMT+8

umum~我都知你辛苦ga喇~
>>November 27, 2004 at 5:44:41 AM GMT+8

麻甩仔x2 =.=V
>>November 24, 2004 at 2:54:33 PM GMT+8

我知你慳錢辛苦架~! 多
>>November 14, 2004 at 7:11:39 AM GMT+8

hello~好耐無見啦...自從
>>October 14, 2004 at 2:26:27 PM GMT+8

嘩！稀客呀～哈里波凸！自從你地三
>>October 11, 2004 at 1:50:20 PM GMT+8

hei.........long
>>October 9, 2004 at 6:39:23 PM GMT+8

加油lum~ 
>>October 4, 2004 at 8:43:26 AM GMT+8

-.-凸 支持斑馬大哥!
>>September 18, 2004 at 2:51:30 PM GMT+8

 well~你個白痴仔
>>September 4, 2004 at 4:06:59 PM GMT+8

咪嘻咪嘻咪嘻咪嘻喎喎涮~~^%^
>>August 7, 2004 at 8:46:06 AM GMT+8

=.= 魚扮蟹~ 高手高手~
>>August 4, 2004 at 2:35:14 PM GMT+8

超 又叫人lei 留言都
>>August 4, 2004 at 11:09:43 AM GMT+8

你地班仆雞仔~ 成日睇完
>>August 2, 2004 at 12:48:10 PM GMT+8

咁中四呢??
>>July 10, 2004 at 2:47:55 AM GMT+8

路人, 我寫左中三o個篇好耐la
>>July 9, 2004 at 3:57:03 PM GMT+8

我係路人呀 你有中三未呀
>>July 9, 2004 at 1:53:44 PM GMT+8

家姐盈~ 我點會嬲你呀 =.=v
>>July 1, 2004 at 12:28:20 PM GMT+8

點解咁耐都唔寫日記呀?! >June 29, 2004 at 5:46:47 AM GMT+8

[IMG]http://foru
>>June 6, 2004 at 7:24:12 AM GMT+8

好~ 即寫~ 我保證2日內交貨~
>>March 15, 2004 at 4:04:06 PM GMT+8

請問有未呢??
>>March 14, 2004 at 4:27:59 PM GMT+8

賤人~~~~~~~~-_-" <
>>March 8, 2004 at 1:42:55 PM GMT+8

=.=v 借題發揮0者阿yui~
>>February 26, 2004 at 10:51:45 AM GMT+8

見到缸魚jei.. 使唔
>>February 26, 2004 at 9:50:26 AM GMT+8

請問有中三未呢.... 
>>February 24, 2004 at 2:09:23 PM GMT+8

ｙｏｈｏｈｏ～ 我又黎ｌ
>>February 23, 2004 at 10:49:11 AM GMT+8

客咩鬼氣呀 我覺得我果日
>>February 23, 2004 at 10:14:23 AM GMT+8

"認位唔認人，睇分數教人" >February 19, 2004 at 3:39:31 PM GMT+8

To ■■■: =.=v 你話唔
>>February 18, 2004 at 2:47:29 PM GMT+8

"淨"我一餐飯~
>>February 18, 2004 at 1:55:28 PM GMT+8

點解■■■可以成日都咁白痴既呢.
>>February 18, 2004 at 8:51:49 AM GMT+8

呵呵呵～好耐冇黎呢樹ｌｏｒ～ <
>>February 16, 2004 at 10:27:38 AM GMT+8

嘩.... 你個感歎號吊
>>January 27, 2004 at 3:19:28 PM GMT+8

版主呀.... 你肯寫未
>>January 26, 2004 at 1:48:32 PM GMT+8

呵呵~ 今日考完試~ 可以繼續寫
>>January 14, 2004 at 9:26:14 AM GMT+8

攪錯呀~ 冇新野~
>>January 13, 2004 at 3:39:42 PM GMT+8

你的日記真係整得好靚~~>﹏<.
>>January 11, 2004 at 7:37:37 AM GMT+8

一睇國字口面三尖八角終極鬈髮四眼
>>January 10, 2004 at 8:45:58 AM GMT+8

哈哈，洗唔洗講到咁嚴重，雖然E份
>>January 10, 2004 at 4:34:23 AM GMT+8

哈哈~~你地唔好推黎推去啦!!!
>>January 8, 2004 at 1:20:41 PM GMT+8

硬係佢個對先la......
>>January 8, 2004 at 1:14:04 PM GMT+8

mk教父 =.= 搞掂左b鋒魔頭
>>January 8, 2004 at 1:01:19 PM GMT+8

好! mk仔係到做斑馬同區
>>January 8, 2004 at 12:51:22 PM GMT+8

佢唔講你真係會介第個
>>January 8, 2004 at 12:50:25 PM GMT+8

車
>>January 8, 2004 at 12:48:09 PM GMT+8

唔該晒呀 B鋒 ^_^ 我想打好
>>January 8, 2004 at 12:42:45 PM GMT+8

你打o係lee度... 
>>January 8, 2004 at 12:37:57 PM GMT+8

咪就係鐘意你lor....
>>January 8, 2004 at 12:36:04 PM GMT+8

哼 你唔答我 我
>>January 8, 2004 at 12:34:32 PM GMT+8

e..... 咁問人地g
>>January 8, 2004 at 12:33:20 PM GMT+8

區小姐 到底你鐘意我d
>>January 8, 2004 at 12:31:32 PM GMT+8

人生不得意事十常八九~~~ >January 3, 2004 at 11:40:18 AM GMT+8

我費事做電燈膽JA
>>January 1, 2004 at 2:16:00 PM GMT+8

-.- 得啦~ 家姐, 你估我唔
>>December 30, 2003 at 3:47:07 AM GMT+8

你快d打啦 唔好拖幾日啦
>>December 29, 2003 at 4:34:15 PM GMT+8

細佬仔～ 多謝
>>December 29, 2003 at 6:44:34 AM GMT+8

好唔好意思,你果份禮物已經係24
>>December 28, 2003 at 5:38:10 AM GMT+8

我d頭髮已經剪短左好多嫁la b
>>December 27, 2003 at 4:19:01 PM GMT+8

唔駛唔好意思喎,我地明架喇,卡卡
>>December 27, 2003 at 2:28:11 PM GMT+8

都好喎, 就咁決定~ 不
>>December 27, 2003 at 1:20:47 PM GMT+8

你不如搵一日專係講你以前既校園生
>>December 23, 2003 at 3:54:55 PM GMT+8

B鋒, 快D跟我同MK買番支暗瘡
>>December 23, 2003 at 1:35:05 AM GMT+8

就講下以前既學校生活~
>>December 21, 2003 at 2:48:19 PM GMT+8

暗瘡.....唉 第一之
>>December 21, 2003 at 2:37:51 PM GMT+8

你班友好過份呀... 出
>>December 21, 2003 at 12:06:31 PM GMT+8

嘩 =.= 連路人都黎留言~ <
>>December 21, 2003 at 10:57:08 AM GMT+8

HiHi 我真係路人~
>>December 21, 2003 at 10:03:09 AM GMT+8

我無嬲到你,ok..? 
>>December 15, 2003 at 3:50:06 PM GMT+8

紅賤士就好啦~~日日有得食蕉 ^
>>December 14, 2003 at 1:17:32 PM GMT+8

綠賤士~~睇黎紅賤士下一次係要
>>December 6, 2003 at 5:40:46 PM GMT+8

阿盈~ 你說得對~ 我先
>>November 17, 2003 at 2:13:20 PM GMT+8

（爆笑） 我都係識ｄ唔識
>>November 17, 2003 at 8:54:05 AM GMT+8

我頂你頂你頂你頂你頂你！！！ <
>>November 16, 2003 at 11:35:49 AM GMT+8

 我地唔係話你
>>November 8, 2003 at 12:57:22 PM GMT+8

下次識做啦^^
>>October 18, 2003 at 4:45:42 PM GMT+8

哈哈...錯... 大撚
>>October 18, 2003 at 3:37:19 PM GMT+8

故事係9成真,1成作 ^^ >October 15, 2003 at 2:06:35 PM GMT+8

哇卡卡~~~~喂~~~~~ >October 15, 2003 at 10:17:19 AM GMT+8

哈哈.......... >October 13, 2003 at 1:06:20 PM GMT+8

真人真事黎架？？
>>October 13, 2003 at 12:20:53 PM GMT+8

人氣: 36124

Design & Scripting by ShowHappy.Net