Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 >>

2004 年 1 月 25 日星期日【乍雨乍晴】

齊懷念過去《中二篇》
【本報訊】阿路人咁得閒上黎提我交作文，我又咁得閒，就作下中二個篇啦！中二既事唔係記得太多，我唯有將我記得既寫得詳盡Ｄ啦～呵呵～唔好意思，拖得太耐……

中二個陣，就係我情竇初開之時。我仲好記得我鍾意個個女仔係咩樣，咩性格，不過就係唔記得以前我鍾意佢Ｄ乜，我諗都係因為佢個時靚女呱（都應該冇咩其他理由）……以前，我係認為點先可以媾到女呢？其實都幾白痴，不過講下無妨啦！嘿嘿～我個時成日借Ｄ耳係個女仔面前扮 Cool ，而家諗番起都勁戇ｘ呀！我仲夠膽死打去人地屋企，問下佢：「我今日 Cool 唔 Cool 呀？」哇卡卡卡卡，自己又唔係靚仔，又唔係型，呢句野真係俾人足足瘀左成個學期！不過呢一次追女仔，係點告終呢？緊係無疾而終啦，不過又黎得幾意外架。有日，我個班既死「也母」型男同學（女仔個朋友）打電話俾我，叫我唔好再騷擾個女仔。傾傾下個時我有電話入，味駁去聽另一個電話先，聽完味駁返去原本條線。點知又俾我聽到我鍾意個個女仔把聲，原來佢同個死「也母」型係駁 Three-Line 打俾我。不過唔知佢地知唔知我係講完另一邊線返左黎，我都唔知個女仔係有心定無意地，竟然自爆自己鍾意既係另一個男同學，可能想我知難而退呱！跟住我扮聽唔到（其實聽得一清二楚），最後好無奈咁講拜拜收線啦！而我都 Down 左幾日啦！哈哈～不過可能我同呢個女仔係怨家，事實可能真係有咁岩得咁橋～竟然俾我係胃丸撞番佢……

其實呢次媾女既事件，令我太過盲目地相信自己既直覺。其中一個本來同我好好既朋友，因為佢同個女仔玩得好埋，佢明知我鍾意個女仔，仲玩到咁，個時我咁幼稚，我緊係妒火中燒啦！最後我慢慢咁疏遠左佢，就算係成日一齊踢波都冇乜兩句啦～呢次我都衰仔架啦！唉……咁就少左一個知心友！

中二呢年，我識左肥仔喬，佢份人都幾隨和架，我好鍾意同呢種人做朋友，後尾更加入埋我既朋友圈。又識左智業，我同肥仔喬成日上佢屋佐玩，但係我同佢雖然係玩得埋，但始終唔係深交，可能係因為佢比較冷酷既性格，中二之後冇再同班，大家都冇聯絡啦！其實呢年，我都識左佢，其中一個影響我深遠既女仔，當然我個時仲未有對佢有意思，就算有都……唉～（待續……）

>>November 12, 2004 at 8:04:44 AM GMT+8

2004 年 1 月 23 日星期五【乍雨乍晴】

「麻甩」聚會
【本報訊】今日係赤口，我又成日咁爛口，都應該避諱下，所以我成個下晝都冇搵野玩，屋企人又聽日先返，唯有打機渡日辰……夜晚突然係 ICQ 見到ｍｋ仔上網，本來佢應該初四先返架嘛！原來佢都好似我咁自己一個人返左香港，我味諗住出去一齊食野，跟住就叫埋Ｂ鋒、費高同埋忽輝出去食野，本來薑汁蠔都返左黎香港諗住一齊出去，可惜他爸的拒絕左佢既要求！我地十點幾去昌運中心食野，兩點幾食早餐，八點幾食晏晝，十點幾就食晚飯！食左個水餃河之後，就去左隔離食埋芝麻糊。食完之後，費高又要買ｍ記返屋企俾佢細妹，所以要早走！我地本來想出去沙田或者旺角睇戲，可惜忽輝條撚屌唔合群，死都唔去，最後就去左我屋企打麻雀，條友仔又再諸多要求，話兩點鐘就走！所以味打俾區文睇下佢黎唔黎一齊打，不過太晏，頂～焗住打到兩點就收檔，都係你個仆雞仔忽輝！佢地走左，我上陣網，打掃埋屋企，差不多六點先訓……

>>November 13, 2004 at 4:45:21 AM GMT+8

2004 年 1 月 22 日星期四【乍雨乍晴】

大陸盤菜。大陸網吧。大陸按摩
【本報訊】呢幾日我係大陸過新年，比起以前過新年既感覺好唔同，可能因為我阿婆一家人都搬左出黎市區住，而市區就係唔俾玩煙花炮杖，唔似得以前可以係鄉村入面隨隨便便咁玩。時代不斷既改變，好可能令到好多風土習俗都冇埋，係好係壞就見仁見智啦！聽唔到炮杖聲，聞唔到煙花味，真係有Ｄ黯然失色……

今年既團年飯係食盤菜，其實盤菜都唔係我地客家人既文化，但因為潮流既盛行，我地都改變左習俗，食左一餐盤菜。呢次係我第一次食盤菜，講真盤野既賣相又唔係好，我真係好覺得盤菜只係一盤由「食送」頭「食送」尾整成既食物，不過食落口都幾好味，不太差又不見得非常之好……

我呢幾日點過呢？都幾無聊下。一時就同Ｄ舅母表姐打麻雀，不過好不幸，我輸左錢俾呢班賭徒，真係有Ｄ俾人強姦銀包既感覺，認真無奈。一時就同阿豪打桌球，呢條友仔恰我唔識打，我只能用我打康樂棋既技術去挑戰佢，結果當然又係輸到仆雞啦！講真我舅父間屋真係犀利，屋企有成六層，有層仲係成個聯誼會咁添，乜都有得玩，我真係建議下一年買埋個燒烤爐去屋頂 BBQ 都好喎！又可以睇星！一級棒啦～有時冇野做就追大陸既連續劇睇，噢賣葛呀！

係間屋度玩到冇野好玩，我同阿豪就去大陸網吧度見識一下，我帶左隻古龍返去，諗住佢個度有得俾我裝，之後上網玩，點知連個 CD-ROM 都冇，媽的！ ICQ 又開唔到，香港網頁又 Load 得慢。唉～三蚊一粒鐘，唯有將就下吧啦！所以我玩左一個鐘，以後都唔會去大陸網吧。新年真係多黑仔事，不過否極泰來既事都會發生係我身上面，有晚同成班親戚去左腳底按摩，幫我按摩既係一個勁似 BoA 既靚女，呵呵～手勢又唔錯！按得我幾爽（不過好似某幾部份按得唔痛之外，忽忽都病）…… Shit 呀呀呀呀！

年初二個晚，我頂唔順大陸既生活，其實因為我勁唔習慣屋企個花灑唔夠水壓，沖涼都頂唔舒服（呵呵），所以自己一個返左香港了。

>>November 13, 2004 at 4:49:35 AM GMT+8

2004 年 1 月 20 日星期二【乍雨乍晴】

同大家拜個早年！
【本報訊】恭喜發財！我係呢度同大家拜番個早年先，恭祝大家萬事如意、身體健康、龍馬精神、大吉大利、橫財就手、吉星拱照、如意吉祥、生意興隆、一本萬利、一帆風順、學業進步、步步高升、龍騰虎躍、萬事勝意、五福臨門、新年進步、虎虎生威、新春大吉、財運亨通、鴻圖大展、鴻運當頭、貨如輪轉、更進一步、心想事成、出入平安！咁大包圍法，你梗有一樣中啦！

>>November 13, 2004 at 4:53:11 AM GMT+8

2004 年 1 月 18 日星期日【乍雨乍晴】

新年聯歡會，多舊魚！
【本報訊】今日係學校既聯歡會既日子，可以比正常時間遲一個鐘先返學，不過我就照平時返學咁既時間起身，諗住早Ｄ起身幫區文拎野。天氣真係好凍，大埔應該係八、九度左右，天又落起毛毛雨喎，所以顯得更加凍。一路震一路等，我準時到唔準時咁到達，不過女仔遲到係女仔既福利之一，冇所謂吧！佢整左「 Tea - Ru- Mi - Suz 」做今次聯歡會既食物，佢琴日好唔小心，整頭一個蛋糕失敗左！搞到佢要自己銀荷包買番Ｄ材料（我都話粗框肯計番出多左既錢），好彩第二個成功左，仲好好味啊！好快俾Ｄ同學仔掃晒。可惜我只係食左一口咁多，唔夠喉囉！下次我地整大個Ｄ吧！仲有其他好野食，例如好運店既煎釀三寶，真係幾好味，但就熱氣左Ｄ！阿蕊小姐Ｄ沙律都幾好味，如果有多Ｄ我鍾意既薯仔就更加好味！阿招Ｄ壽司材料同賣相好吸引，可惜酸左少少打左折扣。食完之後都冇活動玩既，一味睇北姑十二樂坊 VCD ，一個字「悶」……

開完聯歡會，就送區文返屋企換衫。之後就同埋粗框、忽輝等行陣大埔中心，行左陣都係返屋企換衫出去旺角。區文後尾又唔出銅鑼灣，本來出去一齊食晏，可惜老早就約左阿招同粗框一齊出去旺角（只係約出去旺角，之後各自各快樂），出到去佢兩公婆要睇《德洲電鋸大屠殺》（如果我有錢都想睇），食完大家樂我都閃左（多謝阿招杯奶茶），廢事阻住地球轉。今日出去既目的本來只係交上網費，若果唔係冇單黎我都唔會出去，咁我又聽到肥仔社長話要出去旺角買衫之類，我味順便問下睇唔睇幫眼囉！所以就約埋吧！搵交網費既地點極為陰暗，我兜左半個鐘先搵到！

交完網費就會合埋肥仔、龔龔、美寶同 Leo ，肥仔條友幾時都食野既，連遲到既原因都係因為食野，我真係好想問佢俾幾斤肉我。本來就諗住買衛衣，但係其他社又用左，加上又冇靚既選擇，最後都係放棄左呢個建議。後來見到有條黑底青蘋果領帶，好靚呀！所以都係決定用領帶襯恤衫，可惜揀恤衫上有意見分歧，又唔知大家咩身材，廢事買錯衫，都係遲Ｄ先搞。後來去左訂啦啦隊Ｄ裙，跟住又四圍格下啦啦隊件衫既價，幾經辛苦岩岩好夠數……忙完一日，返到屋企同區文傾左陣電話，應該都訓了， Zzzzzzzzz

>>November 13, 2004 at 4:54:15 AM GMT+8

2004 年 1 月 15 日星期四【颳風】

祈望……
【本報訊】今日派左兩份卷，一份係英文科，一份係數統科。先黎數統科，本來諗住個分可以差少少就合格，點知距離個目標仲係太遠呢！搞到冇咩心機，因為數學由細到大都係我最強既一科。不過算啦！係自己冇咩努力溫書聽書先既～不過連會考數學拎Ｂ既Ｂ鋒都炒粉，我都唔可以強求Ｄ咩野，下學期衝返上去吧。至於英文科，我既期望真係唔係好大，係迦密個五年，我未試過英文合格，就連第一次考會考都要肥佬，要考多次先岩岩好合格。今次竟然符碌過骨，其實都係因為Ｄ卷出得比較易掛！繼續努力斑馬仔！而我都定左好多改善方法去令自己既成績進步！以下係下學期既目標……

　　中化科：保持水準，再創高峰
　　英文科：穩步發展，脫離危險
　　經濟科：力爭上游，考試唔愁
　　會計科：達至合格，再無受壓
　　數統科：超越文科，緊貼理科
　

>>November 13, 2004 at 4:44:09 PM GMT+8

2004 年 1 月 14 日星期三【微冷】

有心栽花花不開無心插柳柳成蔭
【本報訊】今日派左好多份卷，竟然就俾到好多意外驚喜過我。中化科讀本我竟然合格呀！我諗吹多Ｄ水真係有用既。中化科作文又合格啊！真開心。不過中化科口試就仆左街，華 Dee 話我應該係勸條友唔好跳樓，而唔係鼓勵條友去死（乜我有咁講咩？），又話我懶音多！頂～所以呢份卷就炒左了。至於經濟科，我本來諗住岩岩好合格咋，點知波豬條友改卷都忽忽地，我真係好懷疑佢識唔識改！我竟然有成六十幾個巴仙！神蹟～不過學 Bruce Chan 話事齋，應付到學校考試係冇用架！公開試都唔會咁易俾你過骨，都係睇多Ｄ張五常既文章，下學期要更加努力！區文好叻女，如果有分科獎拎既話，佢就拎左經濟科個份架啦！至於會計科，我預左低分架啦！我本來都想有雙位數字架，誰不知岩岩得九點幾分，飲恨而回～有少少失望！見到其他同學既會計都合格，得 Account 四連星（薑汁蠔份卷仲係生死未卜）唔合格，仲係要四條友加埋晒都未必夠四十分合格分數！頂～仲有忽輝既地理科係六甲第一，嘩！好古惑呀！睇唔出～區文又好叻，都有六甲第二！今次考試果然跑出左好多黑馬！例如得■■■係數統科合格，好恐怖，其他人死晒！睇黎下學期真係要努力，我相信我肯溫，一定唔低分！

放左學又開社職員會議，好多垃垃雜雜野要討論，我就要負責設計個吉祥物，唉～有排搞！最後差唔多要成六點先走得人！本來又諗住去暴龍樂園見工，不過ｍｋ仔又冇帶相，唯有聽日再去見！一日復一日，我要返工！

>>November 13, 2004 at 4:46:35 PM GMT+8

2004 年 1 月 13 日星期二【微冷】

仆你個臭街考完試緊係去唱Ｋ
【本報訊】今日考完非常之ｐｋ既經濟科，好似識識地又好似唔多識……是能旦吧！輕輕鬆鬆諗下去邊度玩，睇下個銀包得番廿雞！十分極之無奈（正如Ｂ鋒話事齋，自從贏波之後 Account 四連星既財運急劇下降）。不過就係呢個時候，友情既力量就會發揮最大威力，呵呵～終於夠錢出去唱Ｋ。

之後就同左ｍｋ仔、忽輝、薑汁蠔、Ｂ鋒、費高、俊俊、大珊、細珊同小瑜出到去旺角，之後就揀左 Neway City 唱Ｋ。嘩！三十三蚊一個 K-Lunch 仲可以唱成四粒鐘，仲有一間二百幾呎既大房加埋部電腦上網，抵到乜咁啦～哈哈！好耐冇唱過Ｋ啦！呵呵～今次真係俾我唱爆咪啦！我真係好鐘意唱Ｋ呀！哇卡卡卡卡！不過俊俊同忽輝就好似黎陪坐咁，你地咁做係唔得架喎！下次應該好似我咁～呵呵呵呵～唱完Ｋ都係返屋企，廢事再留係街上，我驚我會再亂花錢。
返到屋企食左Ｄ野，訓左陣又去補習，咁又一日了……

>>November 13, 2004 at 4:48:19 PM GMT+8

2004 年 1 月 12 日星期一【乍雨乍晴】

回本計畫徹底失敗
【本報訊】今日既中化讀本考試，不提也吧！亂吹一通～都唔知可以有幾多分呢？考完試只係九點幾就十點！返屋企訓陣覺，起左身見到Ｄ經濟又想再訓，訓訓訓……本來今晚可以同 Andrey 及阿謙一齊去參加 Gameone 既週年晚宴，無啦啦臨時話唔夠位，我呢Ｄ二打六前版主被逼冇得去，無奈！仲諗住食返佢兩隻鮑魚，回番我年前打古龍既錢！ Shit ！今晚唯有乖乖地溫經濟。經濟有Ｄ唔識打去問區文，妳又好叻喎！識答我～妳話唔識個Ｄ課文，我應承左妳晏Ｄ教妳，點知我關左電話收唔到妳 Msg ，我又溫到勁累……訓著左！ Sorry 啊～唔好嬲～

>>November 13, 2004 at 4:49:40 PM GMT+8

2004 年 1 月 11 日星期日【颳風】

撩我打交？同你死過！
【本報訊】今日考完英文，聆聽個部份難到死，食屎多架啦！作文又隔左行作，要扣分架！今次真係食硬屎了。考完之後成半班去左大埔墟君城食飯，真係食左好多野，蝦餃燒賣乜都叫兩三籠，燒味飯都十碗咁滯啦，Ｄ點心足足叫左成三十幾個，今次飽到聽日晏晝個餐都唔洗食啦！個埋單價錢仲好抵，一人三十八元正！最抵食係我啦！仆晒雞～早知返屋企食慳錢吧啦！我既財赤負擔又更上一層樓了！我要快Ｄ開工快Ｄ開工！

食完野返去換鞋拎書出去溫書，搞掂好之後就等埋區文去獅子會自修室。櫃位個個幫我地整證既肥仔，連我個名都寫錯！頂～之後入自修室溫書，阿 yui 小姐依舊發夢。溫書途中其實溫唔到好多，成日睇雜誌玩 IQ 題！又成日想訓覺……唉～失敗！溫到六點鐘，收拾好之後諗住去圖書館溫書，點知我搵得一個位，都係留番俾阿 yui 吧！之後送埋區文返屋企都返歸了。

返到屋企訓到八點幾，今日阿媽唔洗返工，由佢黎煮飯，皆因我老豆呢個時候都仲唔會蒲頭。九點半老豆返左黎，又係度嘈怨巴閉，又郁手郁腳。頂！ｘ你個街～味同佢打交，發惡呀拿！我都忍左你好ｘ耐，同你死過！俾條友仔抓傷左隻手同面，仲打瘀埋個菠蘿蓋！唉～家家有本難唸的經……今晚都係冇心情溫中化，聽天由命吧啦！

>>November 13, 2004 at 4:51:29 PM GMT+8

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 >>

●○●○●○●○●○
○●○化身斑馬●○●
●○●劃清黑白○●○
○●○●○●○●○●

讀者留言

| 路人留言 |

= ="
>>August 16, 2005 at 1:48:15 AM GMT+8

prue,我幫你咁多,都有一餐飯
>>August 11, 2005 at 5:15:27 PM GMT+8

其實我唔係好明6/8個日的日記呀
>>August 11, 2005 at 8:14:54 AM GMT+8

康,點解呢???
>>August 11, 2005 at 8:13:10 AM GMT+8

prue : 你爭我一餐飯ar.
>>August 8, 2005 at 12:53:56 PM GMT+8

你同康都好核突,一心望靚人,點知
>>August 7, 2005 at 1:56:23 PM GMT+8

MK, K款王要係大場先有用..
>>August 7, 2005 at 11:54:34 AM GMT+8

我係k款王~~~
>>August 4, 2005 at 3:27:25 PM GMT+8

ar榮,你d diary好有屎~
>>August 4, 2005 at 7:33:21 AM GMT+8

MK, 你下一個月會輸得好慘!
>>July 25, 2005 at 5:36:54 PM GMT+8

斑馬佬, 我決定下個月同你鬥跑數
>>July 22, 2005 at 12:56:11 PM GMT+8

 唔好炸喇你,陣間炸完變
>>July 20, 2005 at 12:50:33 PM GMT+8

認同wai!! .\"
>>June 20, 2005 at 3:49:29 PM GMT+8

不是你的專長，卻是你傷害別人的武
>>June 20, 2005 at 3:05:06 PM GMT+8

唔係bor~ sophy~ 你好
>>June 17, 2005 at 5:44:32 PM GMT+8

佢地呀...講埋哂d衰野呀!!!
>>June 8, 2005 at 7:33:43 PM GMT+8

mk: 好簡單o既姐..
>>June 5, 2005 at 4:22:09 PM GMT+8

離開是為了回來.... 
>>June 3, 2005 at 3:25:23 PM GMT+8

你係咪想我殺死你!!!!!!!!
>>May 30, 2005 at 4:38:44 PM GMT+8

一定拍住上拎金球~
>>May 22, 2005 at 3:20:18 PM GMT+8

果日我兩個fd企我後面架...
>>May 16, 2005 at 2:59:02 AM GMT+8

*0* .... 我今日同經理比
>>May 10, 2005 at 5:25:23 PM GMT+8

客咩撚野氣丫...大家都係同一集
>>May 8, 2005 at 12:34:50 PM GMT+8

To MK: 忽輝招成名秘技未必
>>May 8, 2005 at 2:21:21 AM GMT+8

ct kind of job u
>>May 8, 2005 at 12:30:43 AM GMT+8

好勒力的斑馬~~ >0<"要努力
>>May 7, 2005 at 4:50:57 PM GMT+8

[IMG]http://jm.g
>>April 27, 2005 at 7:25:54 AM GMT+8

"但後生仔就係咁，係咁不理後果，
>>March 11, 2005 at 12:28:43 AM GMT+8

2nd March
>>March 6, 2005 at 5:58:34 AM GMT+8

-.- fuck yeah~ <
>>March 6, 2005 at 4:14:01 AM GMT+8

RE:mk fuck y
>>March 5, 2005 at 11:13:31 PM GMT+8

fuck yeah maxwel
>>March 5, 2005 at 12:11:40 PM GMT+8

wt the heck are
>>March 5, 2005 at 12:00:33 AM GMT+8

呵~又幾靚喎d相影到~好彩我都有
>>January 2, 2005 at 3:24:31 PM GMT+8

咩痴男怨女 ar? =.=凸
>>January 2, 2005 at 3:01:36 PM GMT+8

=.= mk人~ <
>>December 31, 2004 at 2:00:34 AM GMT+8

wa~ diu ! 隻斑
>>December 27, 2004 at 4:59:32 AM GMT+8

努力吧啦...中7仲要攪埋d o
>>November 28, 2004 at 2:58:44 PM GMT+8

umum~我都知你辛苦ga喇~
>>November 27, 2004 at 5:44:41 AM GMT+8

麻甩仔x2 =.=V
>>November 24, 2004 at 2:54:33 PM GMT+8

我知你慳錢辛苦架~! 多
>>November 14, 2004 at 7:11:39 AM GMT+8

hello~好耐無見啦...自從
>>October 14, 2004 at 2:26:27 PM GMT+8

嘩！稀客呀～哈里波凸！自從你地三
>>October 11, 2004 at 1:50:20 PM GMT+8

hei.........long
>>October 9, 2004 at 6:39:23 PM GMT+8

加油lum~ 
>>October 4, 2004 at 8:43:26 AM GMT+8

-.-凸 支持斑馬大哥!
>>September 18, 2004 at 2:51:30 PM GMT+8

 well~你個白痴仔
>>September 4, 2004 at 4:06:59 PM GMT+8

咪嘻咪嘻咪嘻咪嘻喎喎涮~~^%^
>>August 7, 2004 at 8:46:06 AM GMT+8

=.= 魚扮蟹~ 高手高手~
>>August 4, 2004 at 2:35:14 PM GMT+8

超 又叫人lei 留言都
>>August 4, 2004 at 11:09:43 AM GMT+8

你地班仆雞仔~ 成日睇完
>>August 2, 2004 at 12:48:10 PM GMT+8

咁中四呢??
>>July 10, 2004 at 2:47:55 AM GMT+8

路人, 我寫左中三o個篇好耐la
>>July 9, 2004 at 3:57:03 PM GMT+8

我係路人呀 你有中三未呀
>>July 9, 2004 at 1:53:44 PM GMT+8

家姐盈~ 我點會嬲你呀 =.=v
>>July 1, 2004 at 12:28:20 PM GMT+8

點解咁耐都唔寫日記呀?! >June 29, 2004 at 5:46:47 AM GMT+8

[IMG]http://foru
>>June 6, 2004 at 7:24:12 AM GMT+8

好~ 即寫~ 我保證2日內交貨~
>>March 15, 2004 at 4:04:06 PM GMT+8

請問有未呢??
>>March 14, 2004 at 4:27:59 PM GMT+8

賤人~~~~~~~~-_-" <
>>March 8, 2004 at 1:42:55 PM GMT+8

=.=v 借題發揮0者阿yui~
>>February 26, 2004 at 10:51:45 AM GMT+8

見到缸魚jei.. 使唔
>>February 26, 2004 at 9:50:26 AM GMT+8

請問有中三未呢.... 
>>February 24, 2004 at 2:09:23 PM GMT+8

ｙｏｈｏｈｏ～ 我又黎ｌ
>>February 23, 2004 at 10:49:11 AM GMT+8

客咩鬼氣呀 我覺得我果日
>>February 23, 2004 at 10:14:23 AM GMT+8

"認位唔認人，睇分數教人" >February 19, 2004 at 3:39:31 PM GMT+8

To ■■■: =.=v 你話唔
>>February 18, 2004 at 2:47:29 PM GMT+8

"淨"我一餐飯~
>>February 18, 2004 at 1:55:28 PM GMT+8

點解■■■可以成日都咁白痴既呢.
>>February 18, 2004 at 8:51:49 AM GMT+8

呵呵呵～好耐冇黎呢樹ｌｏｒ～ <
>>February 16, 2004 at 10:27:38 AM GMT+8

嘩.... 你個感歎號吊
>>January 27, 2004 at 3:19:28 PM GMT+8

版主呀.... 你肯寫未
>>January 26, 2004 at 1:48:32 PM GMT+8

呵呵~ 今日考完試~ 可以繼續寫
>>January 14, 2004 at 9:26:14 AM GMT+8

攪錯呀~ 冇新野~
>>January 13, 2004 at 3:39:42 PM GMT+8

你的日記真係整得好靚~~>﹏<.
>>January 11, 2004 at 7:37:37 AM GMT+8

一睇國字口面三尖八角終極鬈髮四眼
>>January 10, 2004 at 8:45:58 AM GMT+8

哈哈，洗唔洗講到咁嚴重，雖然E份
>>January 10, 2004 at 4:34:23 AM GMT+8

哈哈~~你地唔好推黎推去啦!!!
>>January 8, 2004 at 1:20:41 PM GMT+8

硬係佢個對先la......
>>January 8, 2004 at 1:14:04 PM GMT+8

mk教父 =.= 搞掂左b鋒魔頭
>>January 8, 2004 at 1:01:19 PM GMT+8

好! mk仔係到做斑馬同區
>>January 8, 2004 at 12:51:22 PM GMT+8

佢唔講你真係會介第個
>>January 8, 2004 at 12:50:25 PM GMT+8

車
>>January 8, 2004 at 12:48:09 PM GMT+8

唔該晒呀 B鋒 ^_^ 我想打好
>>January 8, 2004 at 12:42:45 PM GMT+8

你打o係lee度... 
>>January 8, 2004 at 12:37:57 PM GMT+8

咪就係鐘意你lor....
>>January 8, 2004 at 12:36:04 PM GMT+8

哼 你唔答我 我
>>January 8, 2004 at 12:34:32 PM GMT+8

e..... 咁問人地g
>>January 8, 2004 at 12:33:20 PM GMT+8

區小姐 到底你鐘意我d
>>January 8, 2004 at 12:31:32 PM GMT+8

人生不得意事十常八九~~~ >January 3, 2004 at 11:40:18 AM GMT+8

我費事做電燈膽JA
>>January 1, 2004 at 2:16:00 PM GMT+8

-.- 得啦~ 家姐, 你估我唔
>>December 30, 2003 at 3:47:07 AM GMT+8

你快d打啦 唔好拖幾日啦
>>December 29, 2003 at 4:34:15 PM GMT+8

細佬仔～ 多謝
>>December 29, 2003 at 6:44:34 AM GMT+8

好唔好意思,你果份禮物已經係24
>>December 28, 2003 at 5:38:10 AM GMT+8

我d頭髮已經剪短左好多嫁la b
>>December 27, 2003 at 4:19:01 PM GMT+8

唔駛唔好意思喎,我地明架喇,卡卡
>>December 27, 2003 at 2:28:11 PM GMT+8

都好喎, 就咁決定~ 不
>>December 27, 2003 at 1:20:47 PM GMT+8

你不如搵一日專係講你以前既校園生
>>December 23, 2003 at 3:54:55 PM GMT+8

B鋒, 快D跟我同MK買番支暗瘡
>>December 23, 2003 at 1:35:05 AM GMT+8

就講下以前既學校生活~
>>December 21, 2003 at 2:48:19 PM GMT+8

暗瘡.....唉 第一之
>>December 21, 2003 at 2:37:51 PM GMT+8

你班友好過份呀... 出
>>December 21, 2003 at 12:06:31 PM GMT+8

嘩 =.= 連路人都黎留言~ <
>>December 21, 2003 at 10:57:08 AM GMT+8

HiHi 我真係路人~
>>December 21, 2003 at 10:03:09 AM GMT+8

我無嬲到你,ok..? 
>>December 15, 2003 at 3:50:06 PM GMT+8

紅賤士就好啦~~日日有得食蕉 ^
>>December 14, 2003 at 1:17:32 PM GMT+8

綠賤士~~睇黎紅賤士下一次係要
>>December 6, 2003 at 5:40:46 PM GMT+8

阿盈~ 你說得對~ 我先
>>November 17, 2003 at 2:13:20 PM GMT+8

（爆笑） 我都係識ｄ唔識
>>November 17, 2003 at 8:54:05 AM GMT+8

我頂你頂你頂你頂你頂你！！！ <
>>November 16, 2003 at 11:35:49 AM GMT+8

 我地唔係話你
>>November 8, 2003 at 12:57:22 PM GMT+8

下次識做啦^^
>>October 18, 2003 at 4:45:42 PM GMT+8

哈哈...錯... 大撚
>>October 18, 2003 at 3:37:19 PM GMT+8

故事係9成真,1成作 ^^ >October 15, 2003 at 2:06:35 PM GMT+8

哇卡卡~~~~喂~~~~~ >October 15, 2003 at 10:17:19 AM GMT+8

哈哈.......... >October 13, 2003 at 1:06:20 PM GMT+8

真人真事黎架？？
>>October 13, 2003 at 12:20:53 PM GMT+8

人氣: 36124

Design & Scripting by ShowHappy.Net