Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 >>

2003 年 12 月 30 日星期二【炎熱】

二零零三年的除夕
【本報訊】呢一日係零三年既最後一日，仲記得上年我係同ｐ仔加埋佢Ｄ朋友一齊過呢個除夕，感覺都幾好既，不過始終都唔及今年好吧！若果係呢一日陪伴住自己鍾意既人橫跨零三至零四年，可以話係一齊經過左生命中其中一個時光里程（嘿嘿～當然我係誇張左Ｄ啦！）～呵呵～呢一日節目雖然平凡，但卻係妳同我特別既日子，值得圈住佢。

今日一點鐘左右出到沙田，同埋區文、 Hoiling 、阿 May 同Ｂ鋒去食晏晝，食完之後冇野做，仲有成幾個鐘先夠七點四去睇《地下鐵》。味同佢地去宜家傢私睇下野，晒下Ｄ時間都好嘛！的而且確，Ｄ時間真係幾易過喎！行完之後， Hoiling 應該好似返去搵笛子魔童先生啦！本來阿 May 同Ｂ鋒都唔走架！但行左幾步阿 May 又話走，Ｂ鋒又跟住走喎（搞緊地下情麼？）！得返我同區文四圍行，順便味睇下區嘉琪份生日禮物，始終我同區文成日行沙田都有點悶！本來想去元氣搵阿彥，之不過又唔見佢！只係見到佢個朋友，吹漲～咁我唯有盡力令到個氣氛冇咁悶啦！哈哈～

「捱」過最 Dum 波鐘既時間之後，六點鐘就食晚飯吧！雖然呢間冇軟腳蟹壽司食（早知叫阿彥老笠幾件黎食啦！呵呵），不過都仲有粉紅色河粉壽司既～哈哈！睇黎妳呢日食完野都要認真減下磅嚕！呵呵！否則妳將會有個新花名，哇卡卡卡卡～食完野，岩岩好夠鐘出去又一城 AMC 睇《地下鐵》。

「單戀，係令人發人深省……」從前我聽到呢一句一定感同身受。唯獨妳，今次係我真真正正反省以後，實行反省時既諾言：不再重蹈覆徹！呢套戲都幾好睇既，不過只係梁朝偉同楊千嬅個部份，至於董潔個部份就黎得相當突然、出奇同莫名其妙，其實真係可有可無……係盲人既世界入面，並唔係只有黑暗，因為佢地通常都係樂觀的。對佢地而言，看不到既世界都可以係多采多姿的，所以我好佩服佢地能夠克服逆境，真係值得學習架！不過真係唔好好似阿梁朝偉咁講大話啊，分分鐘整死自己一段大好感情。呵呵～唔知妳又學左Ｄ咩呢？

睇完戲就係又一城個棵又大又靚又閃既聖誕樹下面影相，可惜個位自由行旅客渣機唔穩，影到Ｄ相有點矇查查，不過算啦！求人不如求己嘛～呵呵～我都影左果棵好靚既聖誕樹全相！遲Ｄ再放係網上先～影完相都趕住去銅鑼灣時代廣場等倒數。出左閘先知封左好多路，唯有搵路去。不過都好好彩都俾我地搵到個位置睇到十五盞萍果燈。等既期間其實好悶好逼：有人恃惡大晒，夾硬逼入黎；又有人趁人開闢條通道俾有需要人士走個時，搏慒霸佔有利位置。不過由得佢地，總之氣氛溫暖就可以，我地就略嫌焗促……好彩都有好好聽既歌解悶，仲有妳既存在。下一年如果再到此地倒數，真係要帶齊晒裝備赴會先～倒數個時空氣緊張，五四三二一咁，新一年就到左。十幾秒既熱鬧持續令人興奮，呵呵～ Happy New Year With You ～

……一切由這裡開始……

倒完數就搭地鐵去尖沙咀，食下宵夜糖水！本來諗住食完搭 N271 走人，可惜搵極都搵唔到個站俾我地上車， Shit ！途中仲有人送左小禮物俾我，不過都唔知有冇過期或者係穿左，返到大埔都掉左了。最後我地唯有死死氣去火車站搭火車返大埔。到左大埔就漫步返屋企了，我明妳個個顧慮，所以妳唔好以為我真係奸笑呢！因為我真係識做架啦……

＊呵呵～今日真係大出血，但係都值得既，話晒大時大節呀嘛！不過最可惜係唔見左部電話，電話冇左我冇所謂，但係個 Number 唔見左就可大可小。算啦！我都知自己唔會行運行到腳趾尾，但有妳陪住我已經好開心好足夠了！ Ccccccc ～

>>August 8, 2005 at 11:38:42 AM GMT+8

2003 年 12 月 29 日星期一【微冷】

巨星殞落
【本報訊】今朝早又聽見一位天皇巨星既殞落，繼張國榮、林振強同埋柯受良之後，另一位離開呢個世界既係梅艷芳。我雖然唔係佢既 Fans ，但係又一位著名歌手既離世的而且確係令人黯然神傷，可惜之後又係可惜……

晏晝上左阿彥屋企，等埋佢之後出又一城 AMC 買飛，佢又趕住返工，都冇行到街。算啦～你做埋十二月之後都唔撈架啦！第時大把時間啊！可惜個衰仔又大慒，留左Ｄ野係我度。買完飛之後都唯有返屋企了，返到去薑汁蠔打俾我話我打波，不過我都唔打波既，但係因為夜晚要俾番Ｄ野阿彥，都係諗住去睇陣波算吧～後來ｍｋ仔打俾我話佢都去打籃球喎，味打俾佢順便話送佢返去屋企啦！去到佢地打波既地方，就接佢返去！送完佢番屋企又搵阿彥，十二點幾先等到條友仔來～之後都番屋企了～

>>August 8, 2005 at 11:40:05 AM GMT+8

2003 年 12 月 28 日星期日【陰晴不定】

齊懷念過去《中一篇》
【本報訊】今日執執下書櫃，發現左我係迦密時既同學錄，細心閱讀一陣就勾起左我好多回憶……橫掂阿路人先生 / 小姐話想知下我既過去！就打下囉～我諗我打晒成個中學回憶都應該可以有幾千字既～嘿嘿！

仲記得我係九七個年入迦密讀書既，個時迦密係大埔中學既 Top Five （而家好似係 Top One 啦）。呢間學校係我既第一志願，我都幾開心可以入到呢間學校既，但係唔開心既係我所有小學比較熟既同學仔唔係去左恩記，就係去左王記，得番我孤苦伶仃咁係呢間新學校讀書。

個時細個，咩大場面都未見過，以為自己有少少聰明，就算係乜野天才，就連木工堂整鎖匙扣，我都特登整「天才」兩個字（嘿嘿！呢兩個字令我諗返起籃兒當入樽個個櫻木花道），可想而知我係幾自以為是！結果頭一次考試就一敗塗地。其實我都知自己衰Ｄ咩架，一來自己由小學到而家個英文底子都唔好，什麼 EPA 、 IS 、 Hist 等等一慨唔明；二來成日唔溫書，認為只要好似小學咁打天才波就可以。結果下學期好努力先可以拎得合格既平均分（低能架！迦密既合格分數為六十分），咁先好好彩唔洗留班……

我入黎迦密個時，真係冇咩朋友！係後來識左一班同樣係太和住既同學仔，有阿彥、陳英同埋吳志，我仲記得我個時有個花名叫「雞仔」！哈哈！阿彥佢地以前係讀埋同一間小學，所以佢地好好朋友。就係咁一齊放學返學食飯，慢慢建立左一份無形既友誼，呢班朋友亦都對我影響深遠。

個時中一我都仲好白痴，好似仲係玩緊四驅車、 Gameboy 。呵呵！我仲同Ｄ同學仔一齊報名參加四驅車比賽架！我個時上堂都好戇鳩下架，成日同Ｄ同學用有彈簧原子筆係檯上彈擦膠，撞跌人地舊擦膠落檯為止贏！呵呵～諗番起呢Ｄ低能野都過癮，話晒都叫做童真！

我記得中一既陸運會，我報左一百米、百一米欄、跳遠同跳高。跳遠同跳高都冇咩得別事發生。不過跑一百米就真係瘀死，賽前同個同學講話鬥快，我最初以為佢跑得好慢架！點知佢就係快我廿米過終點，但係佢都唔係最快個個啦。諗番起小學我假假地都係校隊四乘一百既代表，加上跳遠都叫拎過牌，冇理由咁屎既！嘻嘻，不過我好似唔記得左自己小五時不斷拗柴之後，廢左好多都冇玩田徑了，所以廢係好正常！不過最瘀既都唔算係個Ｄ，而係我跑百一米欄時，係第三個欄之後我就冇力跳啦，隨後個Ｄ欄我都頂硬上照跨，我睇住隔離既有個同學仔都好似我咁仆街，不過冇我咁削～結果好似同左成分鐘完成個比賽，跳完之後仲好似傷左小弟弟！呵呵～

中一既回憶到呢度為止先，我都唔知幾時先會打中二個部份～（待續……）

>>November 12, 2004 at 8:06:22 AM GMT+8

2003 年 12 月 26 日星期五【陰晴不定】

沒去校慶的原因太幼稚
【本報訊】今年好似係迦密既廿五週年校慶，仲係文化中心度整左個廿五週年銀禧校慶綜藝晚會表演……可惜我同廿一週年個時一樣都係冇去，但係原因就唔同，一切盡在不言中，唉～咁就四年了！都畢業左咁耐，其實我係唔係仲記掛住 CPU 既生活呢……？

>>August 8, 2005 at 11:41:17 AM GMT+8

2003 年 12 月 25 日星期四【乍雨乍晴】

浪費光陰
【本報訊】今日應該係患左渴睡症，訓到下晝六點鐘，搞到我冇去同阿豪、舅父個Ｄ出去腳底按摩！蝕晒啦～連我本來想睇既《 PTU 》都冇睇！真係浪費晒Ｄ光陰！不過今晚都睇左《大丈夫》，都非常一級棒！不俗不俗～個晚仲狂食消夜，Ｄ豬骨粥都一樣係一級棒啊！唔知身係廣州既妳又點過呢？

＊係大陸既街上見到夾公仔機，呢部唔係普通既夾公仔機，而係夾煙仔，我都拎左部數碼相機影左呢一個奇景！

好似連紅雙囍同埋三個五都有得夾！一蚊就可以夾煙仔～十個抵！

>>August 8, 2005 at 11:42:30 AM GMT+8

2003 年 12 月 24 日星期三【乍雨乍晴】

Family Holiday
【本報訊】今日又寒冷番啦！大家真係要小心身體，著番多件羊毛底衫啦～經過琴晚活動之後，今日要更加早起身，成六點啊！因為要趕返大陸去飲舅父新屋入伙個餐。今日見到好多表兄弟姐妹，有阿豪（一個好似費高既同年紀表哥）、阿康、佩詩、阿勇等等，食完野都係冇野做，味留左舅父新屋，同阿豪佢地睇 VCD ，今日睇左《金雞》，真係好好笑，比我預期中爆笑十倍！呵呵～睇到十二點，就返番係舅父新屋對面既自己個楝屋沖涼訓覺！

>>August 8, 2005 at 11:43:10 AM GMT+8

2003 年 12 月 23 日星期二【炎熱】

一個唔淫賤的平安夜船上派對
【本報訊】今日天公真係造美，朝早八點鐘就起左身執定野、洗定頭、燙定衫。咁十點就約左費高、忽輝、Ｂ鋒同俊俊去大埔中心買禮物準備係船上交換。我就買左一盒經痛貼，俊俊就買左好多排口膠，費高就買左一個富士大蘋果，忽輝就買左三盒明治 Melty Kiss ，Ｂ鋒呢個魔頭就買左一盒衛生綿棒。我地買完野係麥當奴食左個早餐之後，就搭巴士去火車站集合啦！

嘩！我係火車站見到阿 May 冇戴眼鏡個樣，即刻眼前一亮，更何況係Ｂ鋒呢個魔頭呢？嘩卡卡！我見佢好似扯晒Ｘ咁喎！成日死口唔認有路。唉～醜婦終須見家翁，不認不認還須認，蘇州過後冇艇搭呀仆雞仔！事實擺明，阿 May 係你架啦！（謎之聲：衰人！唔好咁玩我老公仔啦！我地搞緊地下情架嘛！）哦！我明啦！呵呵～跟住等左好耐就見到阿蕊個新頭，其實佢剪左同冇剪冇咩分別！仲有哦，做乜成日遮遮掩掩呢，平安夜 Sexy Ｄ有咩野所謂，當派冰淇淋俾我地呢班麻甩仔做聖誕禮物囉！嘿嘿！之後一行成十幾二十人就搭火車出沙田轉巴士去西貢啦！

去到西貢，就到左惠康買野準備上船開大食會。本來諗住有張《地下鐵》優惠卷送，點知送晒， Shit ！不過算啦！本大爺今日心情靚到爆炸！上左船之後就釣魚，釣魚真係要好有耐性，加上我又唔識釣，最終都係得個吉。最勁都係區文啦！釣左舊石頭上黎，仲有埋隻寄居蟹係上面添！哈哈！其後打下麻雀，我都食左幾鋪架！不枉我得到老豆既優良傳統！跟住又唱下Ｋ，吹下海風，影下相咁，拎埋上次叫細妹買既聖誕節飾物黎玩，咁又一個下晝！

食完晚飯之後就開始交換禮物，忽輝就抽中左張《金雞２》戲飛，聽講仲有另一張個喎！希望唔好係我抽中啦！頂～就真係我抽中左，真係應驗晒有名既「梅度定律」。不過，做兄弟既我緊係識做既，我決定再同王麗欣交換禮物，益你啦忽輝！祝你廿六號水到渠成吧！唔知最後結果係點呢？嘻嘻～最後我就換左俊俊既一大盒口膠，今次一定食到硬膠膠啦！不過見到忽輝咁爽，為朋友我覺得係值得既，友情既力量真係非常極之偉大啊！最正都係■■■啦，得到ｍｋ仔買既胸圍連 T-back 底褲套裝，不過睇你都係唔夠大撐起套野架啦，飲番多Ｄ奶谷大Ｄ個胸先啦～嘩卡卡卡卡～家姐就抽中我個盒經痛貼，祝你同經痛講拜拜！

抽完禮物，就到呢晚既高潮遊戲 Turth Or Dare ，知道左好多期待已久既事實，例如男仔就會問打飛機既時候會諗住邊位女同學，又或者下體有幾長咁，女仔就問下破左處未等等令人期待已久既問題！至於最激都係粗框同阿招啦，打茄輪都俾你打左兩 Round 啦！唔知你地仲有冇下半場呢？呵呵！仲有Ｂ鋒同阿 May ，有機會發展呀呵？得啦得啦，連船長都知啦！至於忽輝同王麗欣， Good Luck ！我睇好你，因為我知你最愛「腩交」架嘛！你一定唔會放過呢個機會既！不過最唔好都係拉埋我同區文落水，搞到人地女仔人家幾咁尷尬就唔好啦！呵呵！玩完緊張刺激既遊戲之後，我地就觀星啦！同係長洲一樣，我地依然係見到 Acc 三連星係灰藍色既夜空上守護著！玩到十點就上番西貢上岸！

上返西貢就去左滿記食糖水，本來就真係食糖水既，不過見到招牌甜品咁正，就叫左個榴槤布甸食啦！果然正哦，榴槤肉夠味哦！不過仲正既都係榴槤班戟，簡直就有十個正！本來想出去 Join 埋大細珊小愚，不過唔好意思哦！因為我……（希望唔好介意啦）食完野就返番大埔，返到大埔就送左■■■同班花 Hoiling 返歸先，之後就同埋淨低既人係大中吹水。不過黑賤士薑汁蠔就收到個銷魂 Call ，即刻仆去瘟女！呢Ｄ就係正宗既重色輕友！嘿嘿！傾到差不多時辰，就送番區文歸家啦！送完佢就送埋家姐返去吧，途中傾左唔少野既，呵呵～一個平安夜就此告終！

＊多謝妳給我一個溫馨既平安夜！刻骨而銘心～希望你鍾意個份小小心意啦！我曾經講過「你喜歡的不喜歡你，只是她不是你生命裏的那一個。不要讓自己見不到，看不到，感覺不到生命裏那一個她。」所以我唔會再令自己後悔既！

>>August 8, 2005 at 11:45:09 AM GMT+8

2003 年 12 月 21 日星期日【晴】

二千分四大天王
【本報訊】嘿嘿！今日無無聊聊就搵 Andrey 傾 ICQ ，本來只係想幫 David 睇下佢有冇裝備可以交換，點知就有大驚喜醒我喎。佢話一月十三號個日， Gameone 請我同埋現任 2000fun 古龍版版主食年飯！哈哈，我緊係去湊下熱鬧啦！話知佢跟住十四號個日係經濟科考試啦。諗番起上一年既十二月尾，個時我仲係鄉議局夜校返學，當時既古龍版版主小天就要返工，唔得閒處理 2000fun 既日常版務工作，我見自己又咁得閒就毛遂自薦去幫下佢手囉！點知一做就做左八個月，其間個時政績係點，我就覺得好壞參半既，一來成日忍唔住手加左朋友既分數，二來又對Ｄ會員爆粗撐到行一行！憑良心講句，我雖然唔係好版主，但係我真係好努力去做好每一個古龍 Online 既任務，盡力解答會員既問題，保持任務更新同改進，個時對我黎講呢份真係一份好工作，能夠成為全港大型論壇既版主，對我黎講真係一個寶貴既經驗同埋得著。但係八月放左榜之後，自己又能夠上中六繼續升學，我都覺得係時候退位讓賢，好彩我都唔算眼光太差，搵既接班人 Andrey 同阿謙都做得唔錯，尤其係 Andrey ，能夠幫個論壇同網絡遊戲公司 Gameone 接洽，係 2000fun 度開左幾個官方討論區，令到個論壇真真正正做到獨佔壟斷既局面，你真係功不可沒吧！呵呵，成半年冇見啦，黎緊呢次年飯，都可以再一次聚首一堂吧！哈～

＊順便賣下廣告， 2000fun 繽紛論壇網址為： http://www.2000fun.com/discuz/index.php ！有興趣既朋友就上去參觀下啦，可能有意外既收鑊都唔定呢！

>>August 8, 2005 at 11:46:02 AM GMT+8

2003 年 12 月 20 日星期六【乍雨乍晴】

古龍 Online 。小聚。暗瘡潔面劑
【本報訊】今朝訓到十點幾就彈左起身食早餐，上左陣古龍幫 David 升到二轉先！上年差唔多時候我都已經二轉左好耐啦，你個死肥仔肯定成日掛住同襄兒開心唔得閒打機啦！呵呵～而家先有二百等級！又成日掛住升狗，乜你唔悶既咩？呵呵！你真係升得慢架啦！

玩左陣就收到電話叫我出去拎野，不過我又見今日都仲咁凍，唔係幾想出，都係遲Ｄ先拎番吧！但係跟住我又屎忽痕都係想出拎番支洗面液，都係唯有死死氣出去，橫掂又有曲奇食！你家姐整Ｄ曲奇又幾好味喎，不過就「火農」左少少，但都幾惹味喎！

拎番左支野，我都係時候要勤力Ｄ洗面，因為我細妹話我冇左Ｄ暗瘡都幾好樣喎（打緊呢句說話時我都有Ｄ作嘔）！不過算啦，即管試用睇下 Hoiling 同粗框有冇老點我先！係人都貪靚，我都想自己好樣Ｄ既～嘿嘿！

>>August 8, 2005 at 11:47:28 AM GMT+8

2003 年 12 月 19 日星期五【乍雨乍晴】

元氣壽司。旺角。Ｂ鋒
【本報訊】今日補完會計之後，就同左ｍｋ仔、家姐阿盈同埋■■■（拿！真係打晒格仔架）去左元氣食壽司，最衰死仔彥今日係返廚房而唔係出面，搞到我地今日食野冇九折！嘿嘿～算，阿彥你整既壽司都唔錯既，冇蝕到水既！哈哈！

食完野得番我同ｍｋ仔行街，加上又未夠鐘出旺角，所以就周圍行。行過西田同玩具反斗城見到百獸戰隊既玩具，咁別緻，我拿拿臨拎部數碼相機黎影，遲Ｄ用黎做白鳥賤隊既參考！跟住又去左莎莎睇下 Hoiling 同粗框都介紹既 Neutrogena「露得清」暗瘡洗面液，加上有七五折喎！抵～不過都係冇買住！跟住又無無聊聊走左去好運買古龍既野！終於夠鐘出去旺角了～

呵呵～白鳥戰隊呀嘛～

係沙田會合埋忽輝、Ｂ鋒、薑汁蠔、 May 、四葉同埋區文～嘩！見到區文個頭，笑到我ｐｋ，跟本就同我細妹個頭冇咩分別，不過某程度黎講都幾好睇既，若果你唔戴眼鏡的話啦！到左旺角後就去左旺角中心，陪阿 May 買袋。頂你多人到！逼到我成日掂到人地個重要部位，唉～我尷尬唔緊要嘛，搞到佢地幾尷尬就唔好啦！嘿嘿！阿 May 買完袋就等埋阿 Rain 去左肯德基食野。

拿！咩叫蜜運熱戀中既男女呢？睇Ｂ鋒就明架啦！只要一有雄性生物接近阿 May 身邊方圓一米範圍，平時無惡不作既佢就會放低魔頭既面具，就會著番個套護花使者戰衣以九秒七九既速度去為阿 May 作出三百六十度全方位貼身式保護，呢Ｄ就真係羨煞旁人啦！正所謂兄弟如手足，老婆如衣服，今日天氣咁凍，但係Ｂ鋒就出奇地咁溫暖，究竟點解呢？白痴都識啦！緊係因為有衣服著啦～呵～廢事多咀啦！

其後我地就係旺角鬧市中不停穿梭：旺角電腦中心、瓊華中心、 Chic 之堡、潮流特區……嗚嗚～班死仔好似冇理過我感受，不停買野，屌～冇得買野得個睇字好冇癮架嘛！算～我都係旺角莎莎買左個支暗瘡洗面液，都唔算晒車錢出黎既！不過收穫最多都係ｍｋ仔啦，買左部 MP3 ！呵呵～都係唔夠我個部靚！行到九點腳仔軟就搭巴士返屋企了！

>>August 8, 2005 at 11:49:03 AM GMT+8

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 >>

●○●○●○●○●○
○●○化身斑馬●○●
●○●劃清黑白○●○
○●○●○●○●○●

讀者留言

| 路人留言 |

= ="
>>August 16, 2005 at 1:48:15 AM GMT+8

prue,我幫你咁多,都有一餐飯
>>August 11, 2005 at 5:15:27 PM GMT+8

其實我唔係好明6/8個日的日記呀
>>August 11, 2005 at 8:14:54 AM GMT+8

康,點解呢???
>>August 11, 2005 at 8:13:10 AM GMT+8

prue : 你爭我一餐飯ar.
>>August 8, 2005 at 12:53:56 PM GMT+8

你同康都好核突,一心望靚人,點知
>>August 7, 2005 at 1:56:23 PM GMT+8

MK, K款王要係大場先有用..
>>August 7, 2005 at 11:54:34 AM GMT+8

我係k款王~~~
>>August 4, 2005 at 3:27:25 PM GMT+8

ar榮,你d diary好有屎~
>>August 4, 2005 at 7:33:21 AM GMT+8

MK, 你下一個月會輸得好慘!
>>July 25, 2005 at 5:36:54 PM GMT+8

斑馬佬, 我決定下個月同你鬥跑數
>>July 22, 2005 at 12:56:11 PM GMT+8

 唔好炸喇你,陣間炸完變
>>July 20, 2005 at 12:50:33 PM GMT+8

認同wai!! .\"
>>June 20, 2005 at 3:49:29 PM GMT+8

不是你的專長，卻是你傷害別人的武
>>June 20, 2005 at 3:05:06 PM GMT+8

唔係bor~ sophy~ 你好
>>June 17, 2005 at 5:44:32 PM GMT+8

佢地呀...講埋哂d衰野呀!!!
>>June 8, 2005 at 7:33:43 PM GMT+8

mk: 好簡單o既姐..
>>June 5, 2005 at 4:22:09 PM GMT+8

離開是為了回來.... 
>>June 3, 2005 at 3:25:23 PM GMT+8

你係咪想我殺死你!!!!!!!!
>>May 30, 2005 at 4:38:44 PM GMT+8

一定拍住上拎金球~
>>May 22, 2005 at 3:20:18 PM GMT+8

果日我兩個fd企我後面架...
>>May 16, 2005 at 2:59:02 AM GMT+8

*0* .... 我今日同經理比
>>May 10, 2005 at 5:25:23 PM GMT+8

客咩撚野氣丫...大家都係同一集
>>May 8, 2005 at 12:34:50 PM GMT+8

To MK: 忽輝招成名秘技未必
>>May 8, 2005 at 2:21:21 AM GMT+8

ct kind of job u
>>May 8, 2005 at 12:30:43 AM GMT+8

好勒力的斑馬~~ >0<"要努力
>>May 7, 2005 at 4:50:57 PM GMT+8

[IMG]http://jm.g
>>April 27, 2005 at 7:25:54 AM GMT+8

"但後生仔就係咁，係咁不理後果，
>>March 11, 2005 at 12:28:43 AM GMT+8

2nd March
>>March 6, 2005 at 5:58:34 AM GMT+8

-.- fuck yeah~ <
>>March 6, 2005 at 4:14:01 AM GMT+8

RE:mk fuck y
>>March 5, 2005 at 11:13:31 PM GMT+8

fuck yeah maxwel
>>March 5, 2005 at 12:11:40 PM GMT+8

wt the heck are
>>March 5, 2005 at 12:00:33 AM GMT+8

呵~又幾靚喎d相影到~好彩我都有
>>January 2, 2005 at 3:24:31 PM GMT+8

咩痴男怨女 ar? =.=凸
>>January 2, 2005 at 3:01:36 PM GMT+8

=.= mk人~ <
>>December 31, 2004 at 2:00:34 AM GMT+8

wa~ diu ! 隻斑
>>December 27, 2004 at 4:59:32 AM GMT+8

努力吧啦...中7仲要攪埋d o
>>November 28, 2004 at 2:58:44 PM GMT+8

umum~我都知你辛苦ga喇~
>>November 27, 2004 at 5:44:41 AM GMT+8

麻甩仔x2 =.=V
>>November 24, 2004 at 2:54:33 PM GMT+8

我知你慳錢辛苦架~! 多
>>November 14, 2004 at 7:11:39 AM GMT+8

hello~好耐無見啦...自從
>>October 14, 2004 at 2:26:27 PM GMT+8

嘩！稀客呀～哈里波凸！自從你地三
>>October 11, 2004 at 1:50:20 PM GMT+8

hei.........long
>>October 9, 2004 at 6:39:23 PM GMT+8

加油lum~ 
>>October 4, 2004 at 8:43:26 AM GMT+8

-.-凸 支持斑馬大哥!
>>September 18, 2004 at 2:51:30 PM GMT+8

 well~你個白痴仔
>>September 4, 2004 at 4:06:59 PM GMT+8

咪嘻咪嘻咪嘻咪嘻喎喎涮~~^%^
>>August 7, 2004 at 8:46:06 AM GMT+8

=.= 魚扮蟹~ 高手高手~
>>August 4, 2004 at 2:35:14 PM GMT+8

超 又叫人lei 留言都
>>August 4, 2004 at 11:09:43 AM GMT+8

你地班仆雞仔~ 成日睇完
>>August 2, 2004 at 12:48:10 PM GMT+8

咁中四呢??
>>July 10, 2004 at 2:47:55 AM GMT+8

路人, 我寫左中三o個篇好耐la
>>July 9, 2004 at 3:57:03 PM GMT+8

我係路人呀 你有中三未呀
>>July 9, 2004 at 1:53:44 PM GMT+8

家姐盈~ 我點會嬲你呀 =.=v
>>July 1, 2004 at 12:28:20 PM GMT+8

點解咁耐都唔寫日記呀?! >June 29, 2004 at 5:46:47 AM GMT+8

[IMG]http://foru
>>June 6, 2004 at 7:24:12 AM GMT+8

好~ 即寫~ 我保證2日內交貨~
>>March 15, 2004 at 4:04:06 PM GMT+8

請問有未呢??
>>March 14, 2004 at 4:27:59 PM GMT+8

賤人~~~~~~~~-_-" <
>>March 8, 2004 at 1:42:55 PM GMT+8

=.=v 借題發揮0者阿yui~
>>February 26, 2004 at 10:51:45 AM GMT+8

見到缸魚jei.. 使唔
>>February 26, 2004 at 9:50:26 AM GMT+8

請問有中三未呢.... 
>>February 24, 2004 at 2:09:23 PM GMT+8

ｙｏｈｏｈｏ～ 我又黎ｌ
>>February 23, 2004 at 10:49:11 AM GMT+8

客咩鬼氣呀 我覺得我果日
>>February 23, 2004 at 10:14:23 AM GMT+8

"認位唔認人，睇分數教人" >February 19, 2004 at 3:39:31 PM GMT+8

To ■■■: =.=v 你話唔
>>February 18, 2004 at 2:47:29 PM GMT+8

"淨"我一餐飯~
>>February 18, 2004 at 1:55:28 PM GMT+8

點解■■■可以成日都咁白痴既呢.
>>February 18, 2004 at 8:51:49 AM GMT+8

呵呵呵～好耐冇黎呢樹ｌｏｒ～ <
>>February 16, 2004 at 10:27:38 AM GMT+8

嘩.... 你個感歎號吊
>>January 27, 2004 at 3:19:28 PM GMT+8

版主呀.... 你肯寫未
>>January 26, 2004 at 1:48:32 PM GMT+8

呵呵~ 今日考完試~ 可以繼續寫
>>January 14, 2004 at 9:26:14 AM GMT+8

攪錯呀~ 冇新野~
>>January 13, 2004 at 3:39:42 PM GMT+8

你的日記真係整得好靚~~>﹏<.
>>January 11, 2004 at 7:37:37 AM GMT+8

一睇國字口面三尖八角終極鬈髮四眼
>>January 10, 2004 at 8:45:58 AM GMT+8

哈哈，洗唔洗講到咁嚴重，雖然E份
>>January 10, 2004 at 4:34:23 AM GMT+8

哈哈~~你地唔好推黎推去啦!!!
>>January 8, 2004 at 1:20:41 PM GMT+8

硬係佢個對先la......
>>January 8, 2004 at 1:14:04 PM GMT+8

mk教父 =.= 搞掂左b鋒魔頭
>>January 8, 2004 at 1:01:19 PM GMT+8

好! mk仔係到做斑馬同區
>>January 8, 2004 at 12:51:22 PM GMT+8

佢唔講你真係會介第個
>>January 8, 2004 at 12:50:25 PM GMT+8

車
>>January 8, 2004 at 12:48:09 PM GMT+8

唔該晒呀 B鋒 ^_^ 我想打好
>>January 8, 2004 at 12:42:45 PM GMT+8

你打o係lee度... 
>>January 8, 2004 at 12:37:57 PM GMT+8

咪就係鐘意你lor....
>>January 8, 2004 at 12:36:04 PM GMT+8

哼 你唔答我 我
>>January 8, 2004 at 12:34:32 PM GMT+8

e..... 咁問人地g
>>January 8, 2004 at 12:33:20 PM GMT+8

區小姐 到底你鐘意我d
>>January 8, 2004 at 12:31:32 PM GMT+8

人生不得意事十常八九~~~ >January 3, 2004 at 11:40:18 AM GMT+8

我費事做電燈膽JA
>>January 1, 2004 at 2:16:00 PM GMT+8

-.- 得啦~ 家姐, 你估我唔
>>December 30, 2003 at 3:47:07 AM GMT+8

你快d打啦 唔好拖幾日啦
>>December 29, 2003 at 4:34:15 PM GMT+8

細佬仔～ 多謝
>>December 29, 2003 at 6:44:34 AM GMT+8

好唔好意思,你果份禮物已經係24
>>December 28, 2003 at 5:38:10 AM GMT+8

我d頭髮已經剪短左好多嫁la b
>>December 27, 2003 at 4:19:01 PM GMT+8

唔駛唔好意思喎,我地明架喇,卡卡
>>December 27, 2003 at 2:28:11 PM GMT+8

都好喎, 就咁決定~ 不
>>December 27, 2003 at 1:20:47 PM GMT+8

你不如搵一日專係講你以前既校園生
>>December 23, 2003 at 3:54:55 PM GMT+8

B鋒, 快D跟我同MK買番支暗瘡
>>December 23, 2003 at 1:35:05 AM GMT+8

就講下以前既學校生活~
>>December 21, 2003 at 2:48:19 PM GMT+8

暗瘡.....唉 第一之
>>December 21, 2003 at 2:37:51 PM GMT+8

你班友好過份呀... 出
>>December 21, 2003 at 12:06:31 PM GMT+8

嘩 =.= 連路人都黎留言~ <
>>December 21, 2003 at 10:57:08 AM GMT+8

HiHi 我真係路人~
>>December 21, 2003 at 10:03:09 AM GMT+8

我無嬲到你,ok..? 
>>December 15, 2003 at 3:50:06 PM GMT+8

紅賤士就好啦~~日日有得食蕉 ^
>>December 14, 2003 at 1:17:32 PM GMT+8

綠賤士~~睇黎紅賤士下一次係要
>>December 6, 2003 at 5:40:46 PM GMT+8

阿盈~ 你說得對~ 我先
>>November 17, 2003 at 2:13:20 PM GMT+8

（爆笑） 我都係識ｄ唔識
>>November 17, 2003 at 8:54:05 AM GMT+8

我頂你頂你頂你頂你頂你！！！ <
>>November 16, 2003 at 11:35:49 AM GMT+8

 我地唔係話你
>>November 8, 2003 at 12:57:22 PM GMT+8

下次識做啦^^
>>October 18, 2003 at 4:45:42 PM GMT+8

哈哈...錯... 大撚
>>October 18, 2003 at 3:37:19 PM GMT+8

故事係9成真,1成作 ^^ >October 15, 2003 at 2:06:35 PM GMT+8

哇卡卡~~~~喂~~~~~ >October 15, 2003 at 10:17:19 AM GMT+8

哈哈.......... >October 13, 2003 at 1:06:20 PM GMT+8

真人真事黎架？？
>>October 13, 2003 at 12:20:53 PM GMT+8

人氣: 36125

Design & Scripting by ShowHappy.Net