Showhappy.net - Members diary

日記

日記主簡介

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 >>

2004 年 10 月 3 日星期日【晴】

大學之路由我建造
【本報訊】不可視大學之門而不見，能夠改寫命運的關口設置在人生路上，只有闖過去，才會看見另一天地。有目標便有動力，雖然奮鬥的初階的而且確令人嘔心，令人氣餒，令人想走回頭路，但卻挽回不到早已燃燒的青春，為了不後悔而從不說後悔，堅持己見，笑罵由它笑罵，理想我自為之。為邁進理想，別浪費希望，努力以赴不再成為掛於唇邊的口頭禪，而變為身體力行的表示。日日做數身體好，男人老狗做得到。 Just do it ！

>>November 12, 2004 at 1:58:42 AM GMT+8

2004 年 9 月 21 日星期二【綿綿細雨】

自負等於白痴
【本報訊】有口話人冇口話自己，其實我先係天下第一白痴！只有白痴先講得出咁既說話既，不自量力，自以為是。哼～唔再講野，鋤爆你地先～

>>November 12, 2004 at 2:01:54 AM GMT+8

2004 年 9 月 18 日星期六【晴】

對自己的鼓勵有效期至明年五月
【本報訊】開學左幾個星期，我知返學既生活真係好枯燥，連《斑馬日報》都冇時間去寫了，但係我唔會白費我既犧牲，好多求學上我唔會做既事，而家我要一一做到，我知自己係得既，我要堅持，明知不可而為之，那就是我高考前既人生態度。堅持上堂唔訓覺，堅持交齊功課，堅持唔再敷衍任何一個測驗，堅持最多訓六粒鐘，只因為我中六 Hai 得太多……

中化堂換來新 Miss ，坊間好似劣評如潮，我倒不敢恭維，可能大家習慣左上年華 Dee 式教法呱！一個執二攤既老師，如果稍為有Ｄ上進心，緊係想比上年既教得更好，唔多唔少緊係拎自己同對方比較，更何況佢早已說明自己與華 Dee 係死對頭吧！哈哈～好似對情敵咁，唔多唔少想係條女面前突出自己，人之常情。不過話到尾，呢Ｄ良性競爭，受惠既都係我地７Ａ班同學。諗諗下如果上年早已由佢教，大家對事情可能有逆轉一百八十度既睇法。一個有料既人，講野緊係有自信，如果唔岩聽，考試就唔好用佢既方法吧！換轉係一個白痴講同一句說話，自自然然就係自大，至於佢係有料定白痴？我都唔知，同學不妨拭目以待。

我好憎 UE 任何一個 Section ，但當我諗番如果 UE 合格，我仲有機會入大學，咁唯有死死氣繼續做晒黎老子俾既功課，所以面對唔鍾意既事但又要應付既，那就諗下佢能夠俾我既好處，相信個心都會好過Ｄ既（一笑）……

暑假個陣，開始迷上一個時事評論員既文章，講野太岩 Feel 啦！睇佢既文章，發覺世事可以用那一個角度黎睇，真神奇！我要堅持收集佢既評論，為做人對事也好，為測驗考試也好，不失為一個參照！我亦開始變為一個「厚黑」的人了！一個心入面只有「厚黑」 Point 既混蛋！嘻嘻～

而家追回自己既成績，總比日後追回因自己的懶散而奪走既青春好。如今，除了讀書，就係讀書。上年做了一整年既包尾大幡，今年我卻要做匹離群黑馬……

「今天我是包尾，明日我要拋離。」同學們，共勉之……

>>November 12, 2004 at 12:12:30 PM GMT+8

2004 年 9 月 9 日星期四【綿綿細雨】

我要做一隻肥肥（黑黑）白白的斑馬
【本報訊】今日特登請假唔返學，就係為左今日睇營養師。難得今日可以訓到十點鐘，呆到十二點半就搭車出藍田……

去到間醫院，睇到好多黎覆診既都係細路，而我簡直係特殊人！哈～等左幾個字終於見個營養師，原來係個美女醫生黎既～所以我好細心聆聽佢既問題，而我又緊係對答如流啦！唉～原來我比正常體重差咁多既，睇黎真係要好努力谷肥自己。睇完醫生，獨自食晏，四圍逛逛，一副優遊自在的樣子，好耐都冇試過唔洗做事倉促所帶來既興奮，可以慢慢行，可以慢慢睇，可以慢慢食……（爽死）跟手出左去太子交埋補習費，交完仲可以去歎杯奶茶，好休閒呀！

優哉遊哉左個下午，出去尖沙咀同阿謙及小飛會合，因為今晚係 2000Fun 古龍版四大天王既聚餐。我地三個呆子齊人後，就去左美麗華酒店等阿老細 Andrey ，同埋揀左一間高級韓國料理食飯。同上次柏麗酒店 Buffet 一樣，我地都係神遊古龍，漫談 2000Fun 政事，交談得知，阿謙俾 PC Game Weekly 請左做撰稿員，自此唔洗再生蝨（雙失）。嘿嘿！你要識做呢～下年份暑期工，我要靠你糊口了！食完飯，又不知何年何月何日再能聚首一堂！

>>November 12, 2004 at 12:12:49 PM GMT+8

2004 年 9 月 4 日星期六【晴】

斑馬的祈禱
【本報訊】我們的考評局，願你的名為聖，願你的考試降臨，願你翻炒的試題會出現在我們的考卷上，如同在我們所貼的會考卷上。我們想要取分，求你們把它賜給我們，也請你們免找我們的錯，如同我們免了你從前出卷的錯。不叫我們遇見難題，救我們遠離肥佬，因為出卷、收卷、改卷全是你的。直到永遠，阿門。

>>November 12, 2004 at 2:08:16 AM GMT+8

2004 年 9 月 1 日星期三【晴】

生日告示
【本報訊】我愛人生日啦！嘩嘩～哈哈～呵呵～嘻嘻～

>>November 12, 2004 at 2:09:25 AM GMT+8

2004 年 8 月 26 日星期四【陰】

無題《八月廿六》
【本報訊】思緒凌亂，如何開口說我的隱憂，我只想尋覓那兩者的平衡點。

>>November 12, 2004 at 2:12:44 AM GMT+8

2004 年 8 月 16 日星期一【晴】

一個又一個離我們而去……
【本報訊】我地胃丸６ａ班身材最豐滿既男同學、英文學會渣 FIT 人、《哈利波特》主角 Harry Pottor 既首席替身及廿激邪惡硬碟既主人Ｂ鋒魔頭同學今日八點幾鬆Ｄ離開左好多填鴨既香港，飛左去民主國度阿美利堅合眾國讀書嚕！我諗佢而家過緊被鬼妹圍既生活，希望你條友仔生生醒醒，唔好做出Ｄ對唔住阿 May 既行為啦～記住下年返黎買我想要既生日禮物！呵呵～

～再見啦！ William Fung ！一路順風～

>>November 12, 2004 at 2:13:46 AM GMT+8

2004 年 8 月 13 日星期五【晴】

朋友並唔應該咁做
【本報訊】其實呢日日記係對一位朋友既日記作出回應，然而我對妳既說話亦都感到失望至極，原來妳係咁睇人既……

「在愛情路上，時時刻刻都作出缺乏理性既行為。」呢一句說話不容置疑，起碼我自己都是其中既一份子。之不過，唔通咁就可以胡言亂語、無的放矢既咩？事到如今，唔怕老實講妳講，妳地件事擾攘幾耐，我就知道幾耐，甚至乎可能比妳想的還早。妳鍾意那個男仔，我唔會話妳揀得好唔好，亦都冇資格去講妳乜乜麥麥，呢Ｄ野係主觀既，冇話錯對。你係包容佢既缺點，欣賞佢既優點，呢點我相當認同，我係呢Ｄ立場上面唔會偏左，都唔會偏右～

但係妳同佢既事上，我扮演一個聆聽者既角色，佢有乜疑難向我傾訴，我都會照單全收。雖則我唔係乜野心理醫生、社工，我冇乜建設性既意見可以俾到對方，但係做得朋友既，係我能力範圍以內既事，盡幫囉！當係解下佢壓都好啦！最緊要係俾到佢一Ｄ（當然唔會係全部）認同感佢，即使要我主觀地話妳戇鳩、白痴都好，我都唔會後悔，妳認為做朋友係唔係應該咁先？唔通一開口埋口就同佢講：「歡迎致電斑馬聊天百科熱線，學業～請按１字，足球～請按２字， Online Game ～請按３字……至於，愛情～請掛上你既電話。」可能妳係，但我唔係。

「明明知道仲可以若無其事？」（一笑）呢句說話令我覺得，自己連選擇角色、位置既權力都在被剝削。算吧！咁我就重新表示立場：不鳴則已，一鳴驚人。亦都唔再當妳係「傻仔」（我從來都冇咁既想法），那麼至少不讓妳有被玩弄既感覺。

妳呀！妳呀！妳真係俾人覺得妳好自私。妳就可以同朋友、親人傾訴自己感情事上既問題，而妳就唔俾佢去搵人傾訴。大佬！妳要明白，呢Ｄ野屈住係心會嘔、會痛、會死架？妳認為呢件事係屬於妳同佢之間既，我明白妳可能唔想俾外人（即係我）知，呢層都係無可厚非，但我唔認同妳話我係妳面前做所謂「乜野緊係扮傻」既行為囉！

我只係單方面聽佢所講既說話，冇聽過妳任何既見解，所以我冇得出咩結論出黎。而且同妳又唔係到達左可以傾心事既朋友（也算係酒肉朋友吧），所以我都自問冇把握改變妳地之間既事情。之但係，係妳面前唔問件事都算罪過嗎？妳可能會話「你同你女朋友發展成點呀？」呢Ｄ問題都有問斑馬你啦～點解你要「扮傻」喎？我心就會咁諗，妳、佢同「他」三個之間既事，一來我又唔識「他」（一句：你識佢老鼠咩？我已經可以被窒到冇聲出），二來我無權干涉，我憑乜野去出聲先？三來我都有問佢話洗唔洗幫下口咁，佢都話唔洗；佢同得我講呢Ｄ事，咁俾著我味當冇事發生過，好似保守秘密咁囉～唔通真係要我一知道左件事，無論如何用乜野方法， SMS 也好， Email 也好， ICQ 也好，同緊朋友傾電話時都要駁「三線」也好，都要即時同妳匯報我已經知道左妳地既事，再好撚八掛、冤鬼纏身咁不停追問妳「同佢發展成點呀？」、「乜咁折墮搞成咁呀？」、「究竟幾時散者？」諸如此類既問題咩？我個樣似係咁，但事實唔係咁。

我做人睇呢Ｄ事可以睇得好分真，界定得好清清楚楚。妳話我講電話時可以扮晒咩都唔知，仲可以話聽我電話已經覺得自己好勁。妳係當事人緊係可以將件事放得好大好大啦！但對我而言，妳地既事對我來講可以看得好輕，而且只係佢同我傾電話時先會擺上心頭。好似以搞歡送會統籌人身份去打電話約人，齋講歡送會既事，不提其他事都可以被冠以「扮傻」的名銜嗎？似乎妳看得自己太重了……

別人重色輕友，起碼佢都仲會識留心聽朋友既每一句說話，就算講一次唔記得，兩三次都有Ｄ印象嗎？若果要問到四五六七次，將心比己，自己都厭煩啦！覺得自己都唔受對方尊重，咁算係朋友咩？重要事都唔擺係心，唔通真係要甜言蜜語先可以聽得入耳咩？就算妳喜歡聽，別人都未必願意講～唉～好心妳啦！我都廢事講得再多了～

俾個良心當狗肺～三個要好既朋友因為一個女子搞到如斯地步～唉！

拿～我預左同妳反面架啦！妳呀！我真係當妳係朋友先得閒同妳長篇大論，如果換轉係阿豬阿狗，我理撚得妳老虎蟹踩屎啦！最後，如果我真係唔小心對號入座，誤會左妳既意思，對唔住囉！大家一笑置之吧～

>>November 12, 2004 at 2:15:19 AM GMT+8

2004 年 7 月 30 日星期五【乍寒還暖】

北京尋「歡」遊．伍
【本報訊】因為今日要朝早四點鐘出發去天安門睇升旗禮，所以決定唔訓，所以我、忽輝同ｍｋ到左小魚及細珊間房玩耍。玩左陣都係敵唔過睡魔，同佢地兩個麻甩仔大被同眠，不過咁就領野啦！訓到三點七收到 Morning Call 先施施然起身，返到房又施施然梳洗，結果我、ｍｋ同忽輝遲左成九分鐘，搞到成車人等我地，大廖又話「盛惠四十五蚊」！凸！結果係車上食左Ｄ同平時一樣既早餐，不過係打包既～好難食！食左幾啖都係冇食嚕……

到左天安門，原來已經有好多市民集結左係旗桿下面，等左好耐～等左好耐～等到個太陽都就出黎！無疑地，日出比起升旗禮更加吸引我，雖然個個升旗手都好專業，但係因為日出個景太靚啦！所以我都影左張六日之中最滿意既照片。

之後行程相當之緊密，王師傅（巴士司機）好似拓海上身咁，好快就車左我地到天下第一關－萬里長城．居庸關！到目的地個時都仲係七點幾八點，你都咪話唔早～望見條長城幾咁高又幾咁斜，真係又Ｄ想敷衍下就算，最初都係拍住忽輝一齊上，一路行睇到Ｄ樓梯級有成條小腿咁高，好多級仲係中間凹左既（好明確係太多人行過行蝕晒）。行到第二個城樓，開始有Ｄ好耐都未有過既身體反應：作嘔、頭暈、體力透支……好明顯係血糖低既症狀，都係因為食唔夠早餐累事，結果俾忽輝、俊俊、ｍｋ同薑汁蠔放甩左～食左粒糖，感覺好左好多～本來想跟埋上去架！不過佢地走得老遠了。結果同大珊、細珊、小瑜及費高上到第四個城樓影埋相就收皮了，之後等埋ｍｋ個班友仔一齊落返去。原來已經上左成廿幾三十層樓咁高既～哈哈！之後落返去，整左張紀念鐵版之後就落返去了！常人道：不到長城非好漢，但不幸既事就發生：我當了長城好漢，但卻做了仆街仔！唉～仲整爛左部電話～柒死～之後問返導遊有冇補險賠（冇！）；問下大廖有冇買保險（冇！），頂佢串得你！你話冇得賠電話我都冇野好講，佢又屎忽痕加多句話膠布就有得賠，你老闆！都係 Miss Leung 最好，主動同我講話係香港買左財物保險，返到香港幫我問下喎！呢Ｄ先叫熱誠架嘛～就算冇得賠我都鋸返晒啦！

行完長城，時間都尚早，到左食品市場買手信，我都係覺得大陸Ｄ食品好冇保障囉！一時頭髮煉豉油，一時又大頭奶粉，真係好佩服大陸Ｄ人，包裝做得咁好，呃得勁多人～係個市場冇買野，之後去左食晏晝，嘩屌！仆你個臭街，乜呢Ｄ菜係撚人食架？碟碟有異味，Ｄ茶冇茶味，仲有湯係雜菜湯（餿水）！見到都飽晒！唔想食～閃人～

下一個景點就係明十三陵，可能因為太早起身加埋冇啖好食既關係，體力不足，本來對呢個景點已經冇乜興趣既我！更加冇癮～唯有行行企企咁，希望快Ｄ走！行完既時間都尚早，仲係四點幾，之後返到市區大約五點就晚飯（早得滯呱？）。唉～又係冇啖好食既呢！對我呢個食肉獸黎講，今餐十碟菜有八碟係齋令我非常之失望囉！老師又同我地反應話今日太早完成旅程，所以就提議再遊王府井，真係好開心了～

到達王府井，先去影音店睇下大陸正版（香港老翻），真係好平，十零蚊有交易～不過都係睇唔中心水，唔似得俊俊執到正貨，真羨慕啊～之後再行商場，入面Ｄ店舖同香港不大分別， izzue Ｄ野仲貴過香港添～而且仲好似係上一季既東西！其間又行過Ｄ食肆，見到一間五星級食肆（即係仲勁過全聚德！）係唔知食羊肉定火鍋架！點解我地成團都冇呢Ｄ野食下架！唉……之後又見到一間「咪嘻咪嘻涮涮鍋」，忽輝又不停係度Ｒ頭，講「咪嘻咪嘻」扮外星人，搞笑？（呢個團係逼住自娛架啦！）之後去到機鋪，見到寂寞機神大雄打機！不過呢度Ｄ機都係唔岩玩，又鳴金收兵！到戲院，豆腐鳴問大陸上映緊既蜘蛛俠係講咩話，ｍｋ又話緊係潮州話啦（用手射蜘蛛絲個陣講「格嘰冷」～吹脹）。再落去書店睇書同想買書，可惜係簡體，冇乜心機睇～之後到Ｍ記同肯德基買肉食啦！好感動，好耐冇食過肉啦！帶晒呢Ｄ野番酒店準備開餐～

回程時，王師傅帶我地路經長安大街，呢度真係好似香港既銅鑼灣。但不久不幸事情發生了，我地部巴士係燈口轉彎時撞到個渣單車既阿伯，但當時行人路係紅燈既～王師傅冇理會到，之後繼續行，過了兩個燈口，有部單車窮追不捨，最後攔腰咁截住我地部巴士，我地懷疑係阿伯個老婆，之後王師傅就落去同佢理論，個女人甚至於乎成架單車抬左入去巴士度！王師傅味逼不得已咁掉頭返到事發地點。見到個阿伯，係部單車爛左少少，之不過係佢不守交通規則，理虧左先既～但不斷見好多途人圍住個司機，可惜盧生又唔係度，幫唔到手～呢一刻見佢好無助，但覺得佢好豪氣蓋天～後尾見佢同阿伯攬頭攬頸，有講有笑，原來Ｄ路人係見到事情既經過，幫口認為係阿伯搏慒呃錢，而個女人原來係路見不平既人（又吹脤晒！）。最後息事寧人，賠左Ｄ錢就走了。事情擾攘左半小時。

返到去，食下野，個個好似冇黎神氣。之後到左阿水間房玩，又係玩 UNO ，又諗到大懲罰，就係抬地下個紙牌 Mary 上房影相，結果俊俊同豆腐鳴輸左，一個睇水，一個負責抬上黎！哈哈！之後又玩多鋪，輸左就抬返落去，結果由咪嘻星人忽輝同阿水輸左～玩完之後就返房了！咁就五日。

>>September 4, 2005 at 12:13:24 AM GMT+8

<< 1 2 3 4 5 6 7 8 9 10 11 12 13 14 15 16 17 18 19 20 21 22 23 24 >>

●○●○●○●○●○
○●○化身斑馬●○●
●○●劃清黑白○●○
○●○●○●○●○●

讀者留言

| 路人留言 |

= ="
>>August 16, 2005 at 9:48:15 AM GMT+8

prue,我幫你咁多,都有一餐飯
>>August 12, 2005 at 1:15:27 AM GMT+8

其實我唔係好明6/8個日的日記呀
>>August 11, 2005 at 4:14:54 PM GMT+8

康,點解呢???
>>August 11, 2005 at 4:13:10 PM GMT+8

prue : 你爭我一餐飯ar.
>>August 8, 2005 at 8:53:56 PM GMT+8

你同康都好核突,一心望靚人,點知
>>August 7, 2005 at 9:56:23 PM GMT+8

MK, K款王要係大場先有用..
>>August 7, 2005 at 7:54:34 PM GMT+8

我係k款王~~~
>>August 4, 2005 at 11:27:25 PM GMT+8

ar榮,你d diary好有屎~
>>August 4, 2005 at 3:33:21 PM GMT+8

MK, 你下一個月會輸得好慘!
>>July 26, 2005 at 1:36:54 AM GMT+8

斑馬佬, 我決定下個月同你鬥跑數
>>July 22, 2005 at 8:56:11 PM GMT+8

 唔好炸喇你,陣間炸完變
>>July 20, 2005 at 8:50:33 PM GMT+8

認同wai!! .\"
>>June 20, 2005 at 11:49:29 PM GMT+8

不是你的專長，卻是你傷害別人的武
>>June 20, 2005 at 11:05:06 PM GMT+8

唔係bor~ sophy~ 你好
>>June 18, 2005 at 1:44:32 AM GMT+8

佢地呀...講埋哂d衰野呀!!!
>>June 9, 2005 at 3:33:43 AM GMT+8

mk: 好簡單o既姐..
>>June 6, 2005 at 12:22:09 AM GMT+8

離開是為了回來.... 
>>June 3, 2005 at 11:25:23 PM GMT+8

你係咪想我殺死你!!!!!!!!
>>May 31, 2005 at 12:38:44 AM GMT+8

一定拍住上拎金球~
>>May 22, 2005 at 11:20:18 PM GMT+8

果日我兩個fd企我後面架...
>>May 16, 2005 at 10:59:02 AM GMT+8

*0* .... 我今日同經理比
>>May 11, 2005 at 1:25:23 AM GMT+8

客咩撚野氣丫...大家都係同一集
>>May 8, 2005 at 8:34:50 PM GMT+8

To MK: 忽輝招成名秘技未必
>>May 8, 2005 at 10:21:21 AM GMT+8

ct kind of job u
>>May 8, 2005 at 8:30:43 AM GMT+8

好勒力的斑馬~~ >0<"要努力
>>May 8, 2005 at 12:50:57 AM GMT+8

[IMG]http://jm.g
>>April 27, 2005 at 3:25:54 PM GMT+8

"但後生仔就係咁，係咁不理後果，
>>March 11, 2005 at 8:28:43 AM GMT+8

2nd March
>>March 6, 2005 at 1:58:34 PM GMT+8

-.- fuck yeah~ <
>>March 6, 2005 at 12:14:01 PM GMT+8

RE:mk fuck y
>>March 6, 2005 at 7:13:31 AM GMT+8

fuck yeah maxwel
>>March 5, 2005 at 8:11:40 PM GMT+8

wt the heck are
>>March 5, 2005 at 8:00:33 AM GMT+8

呵~又幾靚喎d相影到~好彩我都有
>>January 2, 2005 at 11:24:31 PM GMT+8

咩痴男怨女 ar? =.=凸
>>January 2, 2005 at 11:01:36 PM GMT+8

=.= mk人~ <
>>December 31, 2004 at 10:00:34 AM GMT+8

wa~ diu ! 隻斑
>>December 27, 2004 at 12:59:32 PM GMT+8

努力吧啦...中7仲要攪埋d o
>>November 28, 2004 at 10:58:44 PM GMT+8

umum~我都知你辛苦ga喇~
>>November 27, 2004 at 1:44:41 PM GMT+8

麻甩仔x2 =.=V
>>November 24, 2004 at 10:54:33 PM GMT+8

我知你慳錢辛苦架~! 多
>>November 14, 2004 at 3:11:39 PM GMT+8

hello~好耐無見啦...自從
>>October 14, 2004 at 10:26:27 PM GMT+8

嘩！稀客呀～哈里波凸！自從你地三
>>October 11, 2004 at 9:50:20 PM GMT+8

hei.........long
>>October 10, 2004 at 2:39:23 AM GMT+8

加油lum~ 
>>October 4, 2004 at 4:43:26 PM GMT+8

-.-凸 支持斑馬大哥!
>>September 18, 2004 at 10:51:30 PM GMT+8

 well~你個白痴仔
>>September 5, 2004 at 12:06:59 AM GMT+8

咪嘻咪嘻咪嘻咪嘻喎喎涮~~^%^
>>August 7, 2004 at 4:46:06 PM GMT+8

=.= 魚扮蟹~ 高手高手~
>>August 4, 2004 at 10:35:14 PM GMT+8

超 又叫人lei 留言都
>>August 4, 2004 at 7:09:43 PM GMT+8

你地班仆雞仔~ 成日睇完
>>August 2, 2004 at 8:48:10 PM GMT+8

咁中四呢??
>>July 10, 2004 at 10:47:55 AM GMT+8

路人, 我寫左中三o個篇好耐la
>>July 9, 2004 at 11:57:03 PM GMT+8

我係路人呀 你有中三未呀
>>July 9, 2004 at 9:53:44 PM GMT+8

家姐盈~ 我點會嬲你呀 =.=v
>>July 1, 2004 at 8:28:20 PM GMT+8

點解咁耐都唔寫日記呀?! >June 29, 2004 at 1:46:47 PM GMT+8

[IMG]http://foru
>>June 6, 2004 at 3:24:12 PM GMT+8

好~ 即寫~ 我保證2日內交貨~
>>March 16, 2004 at 12:04:06 AM GMT+8

請問有未呢??
>>March 15, 2004 at 12:27:59 AM GMT+8

賤人~~~~~~~~-_-" <
>>March 8, 2004 at 9:42:55 PM GMT+8

=.=v 借題發揮0者阿yui~
>>February 26, 2004 at 6:51:45 PM GMT+8

見到缸魚jei.. 使唔
>>February 26, 2004 at 5:50:26 PM GMT+8

請問有中三未呢.... 
>>February 24, 2004 at 10:09:23 PM GMT+8

ｙｏｈｏｈｏ～ 我又黎ｌ
>>February 23, 2004 at 6:49:11 PM GMT+8

客咩鬼氣呀 我覺得我果日
>>February 23, 2004 at 6:14:23 PM GMT+8

"認位唔認人，睇分數教人" >February 19, 2004 at 11:39:31 PM GMT+8

To ■■■: =.=v 你話唔
>>February 18, 2004 at 10:47:29 PM GMT+8

"淨"我一餐飯~
>>February 18, 2004 at 9:55:28 PM GMT+8

點解■■■可以成日都咁白痴既呢.
>>February 18, 2004 at 4:51:49 PM GMT+8

呵呵呵～好耐冇黎呢樹ｌｏｒ～ <
>>February 16, 2004 at 6:27:38 PM GMT+8

嘩.... 你個感歎號吊
>>January 27, 2004 at 11:19:28 PM GMT+8

版主呀.... 你肯寫未
>>January 26, 2004 at 9:48:32 PM GMT+8

呵呵~ 今日考完試~ 可以繼續寫
>>January 14, 2004 at 5:26:14 PM GMT+8

攪錯呀~ 冇新野~
>>January 13, 2004 at 11:39:42 PM GMT+8

你的日記真係整得好靚~~>﹏<.
>>January 11, 2004 at 3:37:37 PM GMT+8

一睇國字口面三尖八角終極鬈髮四眼
>>January 10, 2004 at 4:45:58 PM GMT+8

哈哈，洗唔洗講到咁嚴重，雖然E份
>>January 10, 2004 at 12:34:23 PM GMT+8

哈哈~~你地唔好推黎推去啦!!!
>>January 8, 2004 at 9:20:41 PM GMT+8

硬係佢個對先la......
>>January 8, 2004 at 9:14:04 PM GMT+8

mk教父 =.= 搞掂左b鋒魔頭
>>January 8, 2004 at 9:01:19 PM GMT+8

好! mk仔係到做斑馬同區
>>January 8, 2004 at 8:51:22 PM GMT+8

佢唔講你真係會介第個
>>January 8, 2004 at 8:50:25 PM GMT+8

車
>>January 8, 2004 at 8:48:09 PM GMT+8

唔該晒呀 B鋒 ^_^ 我想打好
>>January 8, 2004 at 8:42:45 PM GMT+8

你打o係lee度... 
>>January 8, 2004 at 8:37:57 PM GMT+8

咪就係鐘意你lor....
>>January 8, 2004 at 8:36:04 PM GMT+8

哼 你唔答我 我
>>January 8, 2004 at 8:34:32 PM GMT+8

e..... 咁問人地g
>>January 8, 2004 at 8:33:20 PM GMT+8

區小姐 到底你鐘意我d
>>January 8, 2004 at 8:31:32 PM GMT+8

人生不得意事十常八九~~~ >January 3, 2004 at 7:40:18 PM GMT+8

我費事做電燈膽JA
>>January 1, 2004 at 10:16:00 PM GMT+8

-.- 得啦~ 家姐, 你估我唔
>>December 30, 2003 at 11:47:07 AM GMT+8

你快d打啦 唔好拖幾日啦
>>December 30, 2003 at 12:34:15 AM GMT+8

細佬仔～ 多謝
>>December 29, 2003 at 2:44:34 PM GMT+8

好唔好意思,你果份禮物已經係24
>>December 28, 2003 at 1:38:10 PM GMT+8

我d頭髮已經剪短左好多嫁la b
>>December 28, 2003 at 12:19:01 AM GMT+8

唔駛唔好意思喎,我地明架喇,卡卡
>>December 27, 2003 at 10:28:11 PM GMT+8

都好喎, 就咁決定~ 不
>>December 27, 2003 at 9:20:47 PM GMT+8

你不如搵一日專係講你以前既校園生
>>December 23, 2003 at 11:54:55 PM GMT+8

B鋒, 快D跟我同MK買番支暗瘡
>>December 23, 2003 at 9:35:05 AM GMT+8

就講下以前既學校生活~
>>December 21, 2003 at 10:48:19 PM GMT+8

暗瘡.....唉 第一之
>>December 21, 2003 at 10:37:51 PM GMT+8

你班友好過份呀... 出
>>December 21, 2003 at 8:06:31 PM GMT+8

嘩 =.= 連路人都黎留言~ <
>>December 21, 2003 at 6:57:08 PM GMT+8

HiHi 我真係路人~
>>December 21, 2003 at 6:03:09 PM GMT+8

我無嬲到你,ok..? 
>>December 15, 2003 at 11:50:06 PM GMT+8

紅賤士就好啦~~日日有得食蕉 ^
>>December 14, 2003 at 9:17:32 PM GMT+8

綠賤士~~睇黎紅賤士下一次係要
>>December 7, 2003 at 1:40:46 AM GMT+8

阿盈~ 你說得對~ 我先
>>November 17, 2003 at 10:13:20 PM GMT+8

（爆笑） 我都係識ｄ唔識
>>November 17, 2003 at 4:54:05 PM GMT+8

我頂你頂你頂你頂你頂你！！！ <
>>November 16, 2003 at 7:35:49 PM GMT+8

 我地唔係話你
>>November 8, 2003 at 8:57:22 PM GMT+8

下次識做啦^^
>>October 19, 2003 at 12:45:42 AM GMT+8

哈哈...錯... 大撚
>>October 18, 2003 at 11:37:19 PM GMT+8

故事係9成真,1成作 ^^ >October 15, 2003 at 10:06:35 PM GMT+8

哇卡卡~~~~喂~~~~~ >October 15, 2003 at 6:17:19 PM GMT+8

哈哈.......... >October 13, 2003 at 9:06:20 PM GMT+8

真人真事黎架？？
>>October 13, 2003 at 8:20:53 PM GMT+8

人氣: 35257

Design & Scripting by ShowHappy.Net