2005 年 8 月 2 日 星期二 【晴】

好似成日都好悲觀呢
連達強個妹都feel到= ="""""""""""

由細到大,我都係家族裏面既魔星
o係僅有既親戚中,絕大部份都視我做危險人物
根劇阿媽所講,我細個時可以令任何一個大人嚇親
小學至中學,一直都唔係受歡迎份子
加上自己一份牛脾氣同埋大量既執著

可能好多野加埋加埋,搞到我一直都覺得自己好差掛...........

依家好似好左d,脾氣冇咁大,亦都開始識為人諗下
可惜一切都太遲........好多機會....失去左就係失去左......冇得番轉頭..........

>>August 3, 2005 at 9:01:02 PM GMT+8

2005 年 7 月 29 日 星期五 【乍寒還暖】

辛苦左成個星期,成個summer term終於完結la~~~
以後都唔洗咁辛苦lu~可以專心搵錢la~a"a

今日番敎會都ok好笑la~問起我近況
其實都冇話有冇開心or唔開心野,總之,我cover得晒就得嫁la~^^

死人青姐,又話今晚打番俾我話我點進展成點,又冇晒影,等我仲白幫佢擔心咁耐 = ="
依個家姐真係唔要得..........................

>>July 30, 2005 at 6:00:52 PM GMT+8

2005 年 7 月 24 日 星期日 【晴】

琴日聽崇拜,講真正既我......咩叫真正既我呢,其實連我都唔多知........
要記得主給我地既每一分一毫,小冊子係咁講

當我覺得自己一無所有,連唯一所求主都不留給我的時候,衪告訴我 :
神絕不向你拿你所沒有的，但衪會常常向你要你所想保留的。

有時都會有d無助,原來神唔會向你解釋些甚麼.........
最好的道路原來是不能以說話表達

係會好唔開心,佢冇俾我眼界中的最好給我
係時晨未到又好,係未遇見又好,都交給衪...

>>July 25, 2005 at 6:39:21 PM GMT+8

2005 年 7 月 22 日 星期五 【乍寒還暖】

琴晚好似講錯野,令朋友們擔心.........
又係一種罪過......

有時有d野又真係唔應該亂講,但又唔想呃自己個日記.........
反正我有兩個日記,may be自己遲d close一個俾自己打野算lu~

琴日打過俾花....佢睇完我日記,好似唔多開心咁
當然,我知佢不嬲唔鐘意聽依d野,所以一直都冇同佢講
有時有d野,實在太主觀...........
主觀到都唔知係自己多心丫,定係人地唔了解la~

但我會記得,時時笑口常開的
唔會再俾自己affect到人~^^"
冇錯,如果改得晒所有野,果個就唔係阿立
但,我情願改晒佢,最少,對其他人公平少少......

>>July 23, 2005 at 8:56:41 AM GMT+8

2005 年 7 月 21 日 星期四 【晴】

可以為我再多找一兩個不存在於世界的理由嗎.........
再多一兩個,就足夠了..............

>>July 22, 2005 at 6:12:11 PM GMT+8

2005 年 7 月 21 日 星期四 【晴】

今日又係無聊既一日
想幫人整電腦,但唔成功

最近打日記之前,都習慣睇下人地既日記先
今日,睇番一個以前成日都有睇我日記既人既日記
好似都幾ok幾開心

人之間既期望有時真係好唔同........冇可能強求
琴日同講過既一句說話"世上只有給人向前走的路,沒有給人向後望的"
好明顯地,我做唔到~^^"

今日一番到屋企就icq hi晒所有人
係有一個人冇應我,一個我最肯同佢講自己野既人
有時真係唔明點解一個人要避另一個人..........
但偏偏,就有咁多人想刻意避開我..............

>>July 22, 2005 at 5:36:48 PM GMT+8

2005 年 7 月 19 日 星期二 【乍寒還暖】

好想set首舊歌入依個日記度
可惜,最近忙,未得閒諗方法

一連幾份功課咁la~野係多野做,但我真係唔視佢地為壓力
at least,個cciv雖然多野做,但個topic講戲曲,係我既interest~

最近個人平靜左,冇再亂諗野,亦都冇再好想強求d咩,係咪好事,有待觀察
最近兩日都有搵人傾電話,同以前唔多同,一句唔開心野都冇講,或者叫冇需要講,keep住既,係傾下閒計講下笑
依家都好想同人傾電話,尤其是某幾個人,但,既唔會再係有咩企圖,亦唔係訴苦,只係吹下水聯絡下感情咁je~~~或者,最近冇咩苦可以訴掛............

一連幾晚都好夜訓,連埋今日同埋之前,日日都係凌晨4點半到7點左右先訓覺
日日訓到1點幾2點...........我係幾時番番去夜校時代嫁= =""""""""
真係要control下自己d睡眠時間

有一種怪念頭,就係想一個一個咁搵人食飯
一個一個咁搞番好d關係~~當然,依個念頭有兩個大問題
其中一個,係我冇咁多錢= =""""""""""""

同埋今日又學多樣野,凡事唔好只睇表面,亦唔好只睇現在
因為,今日我睇到以前既一隻醜小鴨變成天鵝~~~

>>July 20, 2005 at 8:43:18 PM GMT+8

2005 年 7 月 15 日 星期五 【晴】

要記住自己的使命

要記得自己的信念

要謹守，要堅持

要記得讓人活得好，還要記得令自己活得更好

不再作無根據的猜想，只要努力的默默耕耘

不要急於求功，要慢慢積聚成果

要懂得別人所想，也要明白自己的心意

以人為先，卻不忘自己

凡事忍讓，凡事謙卑

懂得愛，更要懂得隱藏愛

凡事要求，但並不強求

愛惜光陰，知足常樂～

>>July 16, 2005 at 4:50:28 PM GMT+8

2005 年 7 月 14 日 星期四 【晴】

時也命也
有時真係唔到你唔服~

一向鐘意同人講自己野既我,原來都有唔可以同人傾既時候~^^"
屈左o係心度一個week,個人已經開始有d神經質
先兩日為左d唔知咩同學校兩個best firend嘈過來~.~sorry.......我諗又係我唔o岩la~

有時有d野真係唔到你唔信~完全冇諗過既事,或者係唔敢諗既事,發生o係人地身上,你會點睇?點幫到人地?換個轉頭事主原來係自己,心景又會轉到一個點既地步?
我只係堅信,有時有d野,未遇過就係未遇過,永遠冇法子知道果一刻既心情同煩處~

所以,自求多福十分實際

依兩日又講番起我既性格問題la,依幾日係比較灰心的
因為明明守得好好的,control唔到又同左兩個friend嘈
俾著我係佢地,我都唔忍~~~對唔住....依句野好似講左好多次,再講,都冇人理.......

有一個人同我講,話做人既野只要自己客觀覺得o岩覺得好,就得,唔洗睇人地既主觀諗法
講真.....我覺得自己好盡力,冇咩問題....但,點解我o係佢心目中既地位會係咁...?
有d自相矛盾呢~~~~~~anyway,盡力,唔等於有成績.......

幾年前既friend,有幾多個仲係今日既friend呢?
今日既friend,又可以俾幾多次機會我改到大家認為可以接受呢?
我...只係唔想成為別人既負累.......

>>July 15, 2005 at 5:41:34 PM GMT+8

2005 年 7 月 11 日 星期一 【晴】

今日夜晚去左大嶼山水口果邊睇星呢
俾十個正佢呀=0=

一入到去已經見到成個天都係星,落左的士,望上天,wa,一個大星圖就放左上天
唔好話夏季大三角,就連好多暗星都睇得清楚
第一次用肉眼見到銀河呢~>v<真係好長好大條,雖然只係黑白,但,真係太靚la
一行十二人訓晒o係地下睇星,有阿成同子樂負責教星~a"a
講講下突然見到流星呀,我第一次見到jar=0=好快,一閃而過,原來今日有鳳凰座流星雨呀~>v<
我同梓庭都開心都大叫呢~a"a
一去到有我最愛既天蠍座,3點幾之後又見到七姐妹星團,勁呀,原來用肉眼真係睇到嫁
之後用阿成支土炮望遠鏡睇,仲正,睇到d銀河同星團原來係有好多好多星嫁

睇左一晚,除左3點幾之後有時有少少雲之外,其他時間都好清
睇到成個夏季同秋季星座,銀河,七姐妹星團,同埋幾個要用雙筒望遠鏡先睇到既星雲
又開左好多個夏季同秋季既星座呢~a"a
今晚係我第一次見到流星呢,結果一晚就睇到25粒流星呀~>v<~開心都唔想訓
其中有一粒流星係o係天行左成兩秒,有兩粒行左成3秒有多
仲有一粒係個天差唔多光晒先見到呢,果粒直情好似粒火球咁嫁~>v<阿成話如果果粒流星係天黑見既會見到佢勁光嫁
見到d流星時,我許左3個願望呀~>v<~希望會實現la~a"a
琴晚仲見到兩粒人做衛星呢,一開始我都唔信會睇到,後來真係咁好彩見到呢,好鬼得意嫁~>v<

雖然成晚冇訓,但,真係好正!!!!好想再去睇過=0=

仲有既小插曲就係......我地唔小心撞破左人地既好事~^^"

>>July 13, 2005 at 8:24:34 PM GMT+8