2004 年 10 月 12 日 星期二 【微冷】

french test個mark出左
慘不忍睹.........

好驚.....迫住要狂溫書la
3個credit既力量.....拉得低好多分呢
希望第科可以做好d,拉得番好個靚靚gpa la~.~

去左csc,一口氣咁print左兩科note
但好似仲有一科未print曬
聽日又去print過先

天文第二次招莊大會,都係冷冷清清咁
我同tony好似當左自己係半個現莊咁
去到都唔係for上莊,係搵現莊吹水
今日有人搵我攪莊la
其實我真係好想攪嫁
但諗左好耐都係好怕d成績drop
問左好多個friend,基本上都係一致叫我唔好攪
唉.....冇法la,鬼叫自己以前唔努力讀書....入左AD咩
karen媽媽,對唔住la,有負你既厚望~.~
但我會幫手做下helper推廣下天文嫁la~= =v

青姐十世後先番到屋企,結果佢都係冇打俾我.....

>>October 13, 2004 at 6:55:15 PM GMT+8

2004 年 10 月 11 日 星期一 【酷熱】

今日先發現,原來都好多人睇我個日記嫁wor
一個夜晚,起碼有15人次

今日一起身就知咩事la
病到起唔到身
唉.....支持到11點,起身,feel到個人散曬咁
摸摸頭,發緊燒
好辛苦咁爬左入洗水間沖涼
出番來,都係咁辛苦
算la,放棄,今日冇番到學

全日都冇咩胃口咁,又唔多想睇醫生
食左d必理痛就算數,休息得都唔係太多
唉呀....今日又溫唔到書呀~><"
身體支持到做得完d功課,已經係好好彩

上莊果度,出左d問題,好大機會攪唔成
但,都未必唔係好事

今日上堂分組攪project
一早已經好有自知之明
知自己番唔到就打左俾個friend叫佢group埋我先
點知都係出左事
就係上次present果個唔做野既人
我地今次已經唔想同佢一齊,就自己搵齊左5個人(5人一組)
但佢居然全無知會我地既情況下,o係張list度寫佢入我地組wor
tony佢地都係睇番張list先知有d咁既事
大家決定左聽日番到去約埋面對面講番好件事
講真,我覺得佢好過份

病既日子裏面plan好左個溫書既時間表la
一科科咁溫
如果afford到的話,聽日開始

一個好好好好好既消息
就係青姐聽坐日機番來la
真係好開心呢

>>October 12, 2004 at 5:27:22 PM GMT+8

2004 年 10 月 10 日 星期日 【微冷】

由於個lecturer要開會,所以要番早一個鐘
唉....番8點半呀,辛苦死我
好多人都遲到,我就遲左15min

第二堂lecture上左一陣,就俾我見到d唔多想見到既野
變左咩心機都冇曬,完全咩都聽唔入腦
傻下傻下咁摺左個盒仔出來唔知做咩
結果果堂都係get唔到d咩,心情ok差

食完飯個人好似諗通番d,情願努力考好個試算數
好想快d做左d功課佢,無奈唔多識做
site surveying果陣阿sir又照樣發顛
唯有自己加油d,盡量get la

放學前阿糖居然打來,結果o係一個咩人都唔理既情況下
講左半個鐘左右

去左天文個招莊大會,睇過d人,都ok la
真係幾想上莊,但又真係覺得自己已經好忙la wor
究竟上莊係學到多樣野丫?定係自殺呢?~
同上莊同現莊d人食飯,真係幾好傾嫁
好鐘意天文依支莊,好有種歸屬感

番到屋企10點幾,不知覺下訓著左
12點先醒番
唉.....又病左........累到出汁........

>>October 11, 2004 at 4:39:19 PM GMT+8

2004 年 10 月 9 日 星期六 【炎熱】

好似好耐都冇番崇拜同主日學la
突然番來,原來一切都在等待我

今日係美詩姑娘講道wor
之前果幾首聖詩已經好有feel嫁la
但美詩姑娘講既,更加入心
魔鬼會揀人最緊張,最重視既野落手
自問有野方唔開,好似不容失去咁
回頭諗番,真係好似俾生活控制左自己
自以為最珍惜既,居然絆倒自己,依個問題,真係要諗清楚

好罕有咁番主日學,更罕有既,係我居然走出去問問題
自己都覺得不可思議,出左去問主日學老師聖經既野
可能因為上左大學慣左唔明就問la
又可能因為依條問題關乎自己既一個心結
問左老師:
點解主叫左摩西上山40日,都唔同下面既百姓講清楚
等百姓以為摩西死左,先另個別既偶像
咁叫係試探,定係咩野
老師既答案係:
冇人叫d百姓另起別神,雖然俾左自主權佢地,卻要佢地識得去相信
百姓應該要學識等待既功課

等待既功課,真係好難去學
除非識得去相信,交上俾神,唔係只有辛苦自己

好多謝組員們既信呀
只係想講,你地既每一個字,都俾到我極大既安慰

多謝大b陪我我成個下午
又陪我去睇眼鏡,又陪我去haircut

番到屋企溫唔切書lu~又掛住睇tv同打機
唉,聽日又係一個新既難關la

好鐘意karen媽媽果句message:
"風平流靜的日子，不一定是好的。
生活上有起伏，有風浪，才有意思。有經歷、有挫折，才會成長。 "
真係好touch,thx~

>>October 10, 2004 at 6:45:48 PM GMT+8

2004 年 10 月 6 日 星期三 【微冷】

con tech project住入最後階段
last day卻又係大家唯一一日好團結既一日

冇食早餐又冇食到午餐
都係想盡快咁做好個project
但今日卻又居然有好多運動wor

好耐冇打籃球la,今日終於忍唔到手
腳痛都唔理lu,打左先算
d波屎左好多呀,好彩大家都好耐冇打
未致於輸波

今日又上法文
阿sir話今次大家都做得好差
十個有六個都fail
唉...佢地fail時我咪仲低分.....
不過算la,阿sir都話只要下次做番好d就ok嫁la
望....就係咁望la......

好多謝宇婷,青姐同joanna既message
別人睇只係message一首,對我來講已經係好大既祝福同安慰

成個week都係死頂,希望頂埋聽日present完可以放番自己半日假la
星期六又要番工,番唔到教會......
星期日....都係留來追功課吧la....

>>October 7, 2004 at 5:34:19 PM GMT+8

2004 年 10 月 5 日 星期二 【炎熱】

開學之後第一次,也都係最大一次既失敗
french test做得好差,一定fail
唯有希望下兩次做得好時cover番今次既差la

個con tech project就來做到我精神分裂
一組5個人,有咩事都問我咁
其實,我都只係一個組員來嫁je,我都好多野唔識嫁ma~.~
好彩有orin同tony幫我頂住je,但我地都已經做唔切lu.....

今日又要番工,又發生左d事
詳情好難講得明,總之就係個人買多左錢退唔番la
錯其實係錯在佢度既
如果講程序,我完全都得o岩
但其實,我又可以唔跟程序咁同佢改既,但結果我冇做到
最後聽到佢果句聲,係一句好無奈既答應
一路都覺得就算番馬會,都可以活出到神既樣子
但今次,好似做錯左......
最少,我係咁諗

生活愈辛苦,就愈想有個人陪住自己
依一兩日開始覺得自己既愛情觀好一廂情願
自問不是一位好的基督徒,可能有些事我會好努力做到,但有些事卻永遠都做不到
我很相信神給我一條道路,但我卻不相信路只有一條
我覺得路是由神所安排,卻也是由人爭取的
我是一個常常不甘心的人,所以可能不能事事貼服主
我所相信的,是如果我的努力沒走錯方向,自己在看,別人在看,神也在看
所以,我最討厭自己一廂情願走錯路.......

>>October 6, 2004 at 4:59:14 PM GMT+8

2004 年 10 月 4 日 星期一 【炎熱】

一起身就見到阿媽眼濕濕,都未知咩事
原來,表姐過左身.......

依個表姐唔係住o係香港的,移左民幾年
但我對佢既印象都幾深
其實我細個時都好頑皮的
以我阿媽所講,我細個時好鐘意周圍跑跑跳跳搞破壞
又好鐘意咬人wor,根本上成個外家加埋一個表哥兩個表姐(個表妹應該冇掛= =)都俾我咬過
所以大家都好唔鐘意我,但就唯有依位表姐(細表姐)肯一直都陪我玩,一直都咁錫我

之前睇完<天作之盒>,冇幾耐就收到依位表姐有血癌
一來,可能因為<天作之盒>又係講血癌la
二來我又幾緊張依位表姐(成個外家就係佢同五舅父最錫我)
三來我又知佢o岩o岩結左婚,簽左紙,但連酒都未擺就出事
所以真係好關張,試過同阿媽講話要去驗骨髓
但原來地區唔同,send d資料同骨髓過去係好煩的
諗緊方法既時候,表姐果邊已經話有消息la
好好彩,咁萬中無一,都俾表姐o係果邊搵到個o岩既骨髓
果陣真係好開心嫁,以為一天都光曬,主真係會俾信既人有充足(我表姐係基督徒)
咁一直都冇咩消息,直到今日
手術時出左細菌感染,結果攪成咁
真係好唔開心,點解會係咁嫁
點解最難搵既骨髓都搵到,反而係依d問題攪到今日咁
我同媽都好唔開心,但我知表姐家更加傷心
而我最擔心既,係表姐新婚既丈夫.......
一個咁好既生命,讀書讀得勁,搵到份好工,有個好好既丈夫
到頭來,輸俾細菌感染........
真係好想知主點解會為佢擺上一條咁既路
雖然說主給每個人都有一條路,但我真係想知點解......

今日真真正正睇到,阿媽係幾緊張兒女
阿媽聽到個消息,真係好唔開心,結果阿爸特意番來香港睇住佢
我o係度諗,如果果個係我,媽都唔知會變成點
始終咁多年心血放o係子女身上,父母總係會好緊張
今日明白,就算平時點俾佢話法,始終,佢最care既都係自己.......

坦白講,依種心情,如果唔係因為約左人趕星期5個present
我今日一定會走曬d堂唔番學........

係呀,都想多謝番d人,就係同系既iris,present果team既tony同orin,尤其是係karen媽媽
tony同orin見我今日咁,都好肯幫我分擔下個present既工作
iris雖然唔知咩事,但我都知佢關心我既
karen媽媽好緊張呢,我icq同佢講完佢就即刻打俾我安慰我,仲話有咩事可以搵佢,真係一萬個感激

>>October 5, 2004 at 5:17:11 PM GMT+8

2004 年 10 月 3 日 星期日 【微冷】

個日記網又神神地,先幾日打唔到日記,打左都post唔到出來
琴日又太累冇寫日記wor,真懶
但最開心既係最錫錫既karen媽媽上來我日記呢~^0^

前兩日去左天文個o'camp
兩日一夜,ok好玩,不過就玩到損手爛腳咁~^^"
可能係玩得太顛既關係吧~^^"
其實第一晚果陣發生左d意外,攪到我自己自閉左一晚
但之後見到karen媽媽好唔開心咁,同埋其他爸爸媽媽都好關心
覺得自己好似好衰仔咁,所以諗辦法補獲la
覺得今次o'camp得著最多既,唔係學到好多睇星既野
而係多4個爸爸媽媽~^^

其實去左好多個o'camp o'night,組爸組媽真係唔少
但真係今次天文o'camp先叫得出爸爸媽媽law
覺得爸爸媽媽們好用心去做,尤其是karen媽媽
我真係覺得karen媽媽好努力嫁,佢d努力貼曬o係面上~^^
一來佢又係莊員la,二來可能因為佢同我同齡,又係住大埔
大家o岩話題,傾野特別多掛
哈哈,其實呢,karen媽媽同joanna係同學仔來嫁呢,但karen媽媽係文科law
媽媽仲識羅定邦d文科人呢,勁勁

講左好多媽媽既野,其實係因為今日諗到d野
突然覺得呢,自己原來係一個細路哥
自從讀左city之後,咩都好似大個左咁
做野要決斷d la,做人又要有番d自信
但依一兩日好累,好似有d支持唔住既時候
就發覺其實自己都仲幾似個細路仔
原來自己一唔開心一累既時候,就會好想有一個人陪住自己
依種感覺原來一直存在,只係有精神時自己頂得住就唔覺law
不過都好既,反正我都唔想咁快大,做個細路哥都唔錯~^^

>>October 4, 2004 at 5:00:32 PM GMT+8

2004 年 9 月 26 日 星期日 【炎熱】

con tech project
site survey畫積
french test
算吧la.......依兩個hoilday我都係註定忙過不停嫁la...

5點半放學,就去左畫圖
一畫,就畫到11點
其實畫到8點已經有d想發脾氣
好在之後有個friend坐我右邊一齊畫,就好番少少.....
連續咁多個鐘向望,條頸好辛苦,向唔番上
今日都只係做左一半唔夠jar,我都唔知之後點算
畫就星期四交,但最煩都係個con tech project
project下星期要present la,依家都未搵好料
好驚,又好累.....

>>September 27, 2004 at 4:19:52 PM GMT+8

2004 年 9 月 25 日 星期六 【酷熱】

從前一個人到森林中尋寶
他找到一個在流沙群中的寶藏
他很小心地想走進流沙群
但因為觸動了流沙,所以寶藏慢慢向下沉
他很害怕,所以不敢快步上前
直至寶藏沒頂,他才驚覺自己失去最重要的東西
他衝入流沙,希望找回寶藏
結果自己也給流沙抓住,幾乎給淹死

幾年後,他又找到另外一個寶藏,又是在流沙群中的
有之前的教訓,今次他十分小心,可惜還是觸動了流沙
眼看寶藏已開始慢慢向下沉沒,便打算走快一點
但才走了兩步,已覺得流沙開始把自己的腳抓住.........

當時那人很無助
如果寶藏會開口回答的話,他會問 :
究竟我是走快了,還是走慢了......?
定還是你根本是一個永遠得不到的寶藏.....?

>>September 26, 2004 at 7:27:10 AM GMT+8