2005 年 12 月 27 日 星期二 【陰】

今日冋聰同pearl去左玩~
去番第一次見既果間red box唱k~

真係唔講都唔記得我地原來第一次係o係度見面的呢~^^
pearl仲扮果陣時既我= ="""
不過呢,果度就真係太少歌la...........
唔知係咪我太out呢,定還是太update
識果d舊歌又太舊,唱來唱去都係果d
新果d又真係太新,全部未有得唱= ="""
同埋今日好眼訓.......唱唱下訓著左= =vvv

唱完k一齊去左太空館~^^
特登揀星期三去,是關唔洗錢錢ma~
都好耐冇去lu~對上一次來時,已經係識得睇星之前既事
有番d知識先入去,再睇又發覺更多野
原來有d野真係以前睇唔明的,依家就睇得明la~^^~好野=v=

我見到本中國星圖出左呀~>v<
88蚊jar,不過好似冇錢買
ha,唔緊要la,我等人送俾我la= =v

太空館之後就當然就去玩埋科學館la~
同pearl同聰入去玩就真係好笑,搞出好多笑料出來
睇人地做實驗表演呢,玩到成地都係煙~正@@

>>December 28, 2005 at 4:25:26 PM GMT+8

2005 年 12 月 26 日 星期一 【陰】

今日兩邊都有約
一邊係教會約去黃耀哥哥屋企玩,一邊係學校d friend約去bbq
最後揀左去bbq,因為我仲想試下去解開個死結

3點幾去左霸爐,結果大家7點幾先到
8點幾先有得食野~
見到問題出o係邊,但冇法,仲係解決唔到
但今日都未算係好唔開心咁既
我諗,我開始學識點可以減少件事對自己既傷害掛~
又出左海灘影相,當然,個景冇尖東咁靚la~

交換禮物換中左隻小熊公仔,winnie話好鐘意好想要
所以同佢開左個玩笑之後就同佢換左件禮物
見到人開心,基本上自己都會開心d既~^^
況且佢同我換果份野,都唔差丫,o岩男仔用呢~^^

今日最失落既兩件事,就係天陰陰la
冇得睇星星呢~.~
當然,第二件事就係果件事la~

聽日同後日都仲有節目.......其實我真係唔想咁多........
好想有番幾日休息下加做下自己野,考試果時有好多野想做......
依家,真係係時候要做下la.......

>>December 27, 2005 at 6:38:07 PM GMT+8

2005 年 12 月 25 日 星期日 【陰】

考完試幾日lu~
開心死左,日日都出街玩呢~^^"
約番好多以前太少搵既frd,見下,都好丫

教會好似都應該要番番多d la
之前青姐問我會幾時受浸,依家諗下
其實距離自己接受到自己係個似樣既基督徒,都仲有一段距離
話唔定真係有機要等埋佢= =""""""

考試過後特別想見的幾個人,暫時全部都未約到
大概重要人物既booking比較full d~
平安夜曾經有人揚言要出現搵我,當然,果個人d吹水功,我都見唔少~a"a

其實聖誕狂歡,都一半為玩,一半為逃避la
要講逃避既話,主要都係學校既麻煩事la
頭先都同connie傾過兩句,佢又話我敏感
雖然佢話我敏感,但我始終覺得,問題存在
至於真正原因係咩,暫時未有好具體既解釋
anyway,感覺係主觀的,最緊要,係要令自己開心~^^
最近比起xanga果邊日記,依邊多人睇好多,亦都有在乎同關心我的人ma~^^

merry christmas~^v^

>>December 26, 2005 at 7:43:32 PM GMT+8

2005 年 12 月 13 日 星期二 【乍雨乍晴】

o岩o岩睇到
自己個日記板有11400人次~
哈~真係幾開心呢~原來咁多人來過呢~

依幾日愈咳愈嚴重
搞到勁辛苦.......結果都係要買藥食...........

我好想去睇星呀......考完試即刻去=0=
會唔會有人陪我顛呢............?

最近好想多d番教會,但唔知親唔親近到神呢= ="?
似乎番去係為左想逃避某d野多d呢~.~
好耐冇睇聖經la,有d想睇番
但屋企無論係學校note同天文書都疊到山咁高bor
遲d仲要做fyp唔得閒
點好呢......一日24個鐘真係唔多夠用呢..........

>>December 14, 2005 at 7:25:32 PM GMT+8

2005 年 12 月 11 日 星期日 【微冷】

呵呵~
最近一無聊就去借天文書呀,到依家一共借左十四本la~a"a
原來借書都可以係一個滿足來嫁wor,可惜真係未有時間睇~
我相信睇晒之後我會更滿足呢~^^

依幾日除左一堆堆既書陪左我之外,仲有d惡運跟住來呢~
琴日就o係品香食野,俾個待應話到我一面灰咁
佢派錯飯來,仲好惡咁話我地連食咩都唔知wor
之後仲要同附近檯d人講話我搶左佢地d飯.......超無奈law
本來派錯飯加惡死我都忍佢嫁la,佢仲同人地咁亂講野wor
就決定嚇下佢,搵佢老闆出來~@@
最後老闆搵唔到~~~都估到嫁la,都唔係想搞大佢既,但要嚇下佢唔好俾佢咁串丫ma~ava

第二件黑仔野就係今日la
馬會打來問我做咩琴日曠工唔番wor
又係呆左一陣~我明明打過番去問,佢話下一日係24號,咁都冇法嫁
打來個同事又係都話之前有通知過我wor,話我聲漏左
唉......之後又講左一陣,問佢有冇之前d錄音~佢又話冇.......
點會冇先得嫁,馬會就最鐘意錄人音嫁la~
佢話要我收信wor= ="當然就據理力爭la~
後來同佢講,就算我聽漏個日子,咁佢都sure冇講過個時間,我都係一樣番唔到,咁佢先冇聲出
但最後都係,要睇佢會唔會interview我

算la~依d野,都係身外野je~好快就過去la~^^

今個sem超唔俾心幾溫書wor,唔知點解呢,成日做埋d無聊野la~
例如溫溫下書就去左玩la,或者去睇天文書la
入左city以來第一次考試留o係屋企溫書唔番學校溫la,o係屋企真係註定溫唔到,一定去左玩~
對番學有d厭惡感,好似冇咩reason番去咁law
不過溫書反而好定當wor,一來覺得溫唔溫得晒都冇咩所謂= ="(依個係今年既經典.....)
另外就因為之前一段時間其實仲忙,要身兼幾職,依家咩都唔洗做,日日坐o係度溫書就得la
好似反而輕鬆左咁wor~
anyway,我覺得今年既成績會低左,最少~0我覺得自己冇左上兩個sem既拼勁~

唔到一個月之間已經試過三次用sms叫救命咁,當然次次都send俾唔同人,唔想煩到人ma~
算la~我不嬲都係同考試有仇的,總係要考試前夕先來大獲野~
唔知之後會點,但我諗,我會fight到最後一秒嫁=0="

咳左個幾星期........好似未有蹟象會好呢........

>>December 12, 2005 at 1:59:25 PM GMT+8

2005 年 12 月 7 日 星期三 【晴】

o岩o岩打完自己xange個日記
睇番一次,真係好native
唔知點解會咁......但我唔多自己既人生咁native law

成日好似覺得唔開心咁,其實有幾多係自己攪出來,我都唔知
我真係太敏感la.......敏感到想令自己開心都做唔到
成日只係識得記住以前既野,唔識向前望,似乎冇出頭既一日
琴日終於恨心delete晒手機裡面d sms,所有野希望告一段落
諗番,其實自己一直將幾封唔開心既信件帶住o係身,都有4年既la..........
所以咁唔鐘意人睇我銀包= =v

放開d la,識得放開d既話
我覺得我會開心d既,我身邊既人都會開心d.........

>>December 8, 2005 at 11:52:05 AM GMT+8

2005 年 12 月 3 日 星期六 【晴】

終於有心情打番依個日記la
琴日同青姐傾完電話,諗番起,真係覺得今手實在有太多事發生la.......
開心自己可以挨到依家,但又擔心咁攪落去唔係辦法

前幾日試過send左個sms俾好多人,其實果陣真係好辛苦,好唔知點先做埋d咁既野
好彩有人理我je......多謝詩,強,joanna同娜娜先
我諗joanna講得o岩既.......真係交上俾神,神就會幫我做我做唔到既野
其實果日睇佢個sms咁講,真係覺得幾好笑,又唔多信咁.........
但,拖左咁耐既一件事,就係因為我突然間睇到d野,突然間轉變諗法,諗通左
最後搵番個雖然唔係好願意,但卻係真真正正既最好解決方法
咁我又唔敢講話joanna講既野只係巧合wor.......
anyway,就算諗到方法.....個心都唔係真係咁好過je.........但我知自己應該要做d咩law

今年學埋學埋既野,就係唔好同人講自己唔開心既野la~
一來,左到人,二來,自己都覺得煩
所以呢,教會又真係唔係咁多人知得太多
不過唔緊要la.我覺得,大家吹下水飲下野係最歡樂嫁la
唔洗講埋d掃興野~a"a
有時候,幸福真係好易就有,三五知己去玩下,去吹下水,已經好好嫁la
仲有我都知教會有好多人關心我既~^^
想再追求d咩,睇來最後都係反效果嫁je~話唔定現況係最好呢~^^

>>December 4, 2005 at 6:49:28 AM GMT+8

2005 年 11 月 28 日 星期一 【晴】

對不起,最近心情真的不太好
冇心情寫晒兩邊日記
但都多謝仔來睇下我,得閒可以過另一邊睇睇

http://www.xanga.com/home.aspx?user=andrewlap

希望我可以早d有番心情寫依邊日記la...........

>>November 29, 2005 at 1:47:17 PM GMT+8

2005 年 11 月 21 日 星期一 【微冷】

原來自己都唔係咁識manage自己d時間
攪到自己依幾日晚晚都訓得3個幾鐘........似乎有d問題............

今日番收樓果份工,累到番3個半鐘訓著左個半鐘..........
好彩今日冇野做,阿頭行開左,加埋佢又咁好人又知我忙,先偷到少少時間休息.........

愛上左<一時無兩>依首歌,歌詞真係唔錯~
同一時間真係好難做兩樣野做做得好好,何況係三樣= ="

fyp有d轉機,有少少希望會做得似人樣,雖然都應該做唔晒........
辛苦到開始亂來了,有時唔鬼想做tim呢.............

今日夜晚遇上左d失落既事情,想搵人傾下咁
打左n個電話,個個都冇人聽........
算,反正打得通,我都未必會講,最近唔鐘意講唔開心野呢
最後打左俾娜娜,講既野,都只係吹水...........

今日係花生日呢,生日快樂~^^

>>November 22, 2005 at 8:15:39 PM GMT+8

2005 年 11 月 16 日 星期三 【陰】

今日同大b,芷筠,ceci,阿so一齊玩
去食飯,打乒乓波,好累,但開心~^^

o係學校做野耐左,所以遲左番大埔
以為有好多人來,原來加埋我得5個人(到好後來先省覺係小組約我= =""")
想mandy來,但都知佢忙,同埋知佢唔會來,就算la~
時間唔夠,去食十蚊兜,真係好耐冇食lu~
食完野,阿so要趕功課閃人先

4個人去左打波,如我所想,唔夠半個鐘已經玩緊超級無敵乒乓波
由於最近都唔夠訓,加埋食完野,完全係一個個腦轉唔到既狀態
好彩都冇錯得太勁je~a"a
第一次o係壁球室切蛋糕,好搞笑,個蛋糕好好味呢
有人陪我過生日,邊度都好,都係咁開心~^^
之後打左陣波,十點鐘,番屋企~

突然諗起某某人.........
兩年來都冇同我講生日快樂,亦都唔得閒來陪我食下飯咁.......
當然.........咁既人大有人在,但我只在乎這一個人.............
如果我用半個願望祈求.........唔知可唔可以有甚麼奇蹟呢~^^"

>>November 17, 2005 at 6:40:13 PM GMT+8