2004 年 12 月 26 日 星期日 【乍雨乍晴】

幾日冇打日記,聖誕仲叫過得ok開心
但總係有太多事不從人願

考完個試之後就冇似冇左個生命支柱咁
一路咁無聊落去la.....
我知道自己可以做咩,應該做咩,但我又冇做
都唔多知依d叫咩

雖然好o係好多人既支持下
之前既問題好似開始解決
但....自己好似花左太多力氣~.~

正如我同rachel所講,依家既我
相信有神,相信神係有power既
但我都相信神係鐘意玩既神
玩到我死下死下咁= ="

人生在世,總係多煩事
就算好多人陪自己,好多人支持
還是覺得不夠,因為,其實已經發生了

教會裏,導師轉了,小組轉了,人的態度都轉了
對我來說轉變得太快了,問題係,我信心唔夠
所以,我冇咩心機番自己既教會
唔係話新既唔係,而係我唔好

人生去到廿歲,好似都睇化左d野
好估唔到地,我依家既理想居然係想設一頭小康之家
靜靜咁了埋餘生...

但,有樣野一定要講番既,就係要對宇婷同carman萬二分感謝
依份禮物,畢生未忘~^^"

>>December 27, 2004 at 8:21:57 PM GMT+8

2004 年 12 月 23 日 星期四 【颳風】

由一早就已經無聊,搞活動又唔多似搞得成咁
本來都係諗住過lonely christmas,點知,結果又唔係咁

三點幾屋企睇戲,睇睇下rachel打俾我叫我去陪佢買鞋
咁我睇完咪落去law,買完,佢又陪我周圍行,大家傾下計咁law
我都知佢好好人地陪我,所以我就一於送佢番屋企la
一路上同rachel講左自己最近對神既睇法,包括一部份既不信任
rachel講左好大堆野~^^"我都唔記得到全部
但,有幾句,真係好入心的,可能,一直諗唔通既野,佢終於俾到答案我吧....
anyway,又應該多謝rachel陪我

送完rachel先番去個christmas party,所以遲到la
但......真係覺得今年個christmas party唔多掂= =""""
唔多知佢做緊咩.........
戴左眼鏡去,有人話我斯文左,但就冇咩唔同
可能係無框既關係掛......
今年既聖誕願望,今日都係實現唔到.....

party完左就出去join天文學會d friend
冇咩行,居然去左行公展會
哈哈,超搞笑呀,我地成班人,尤其是係媽媽丁,好似自遊行咁亂影相
其實都係我同媽媽丁影得最多je,見咩得意就影咩,發曬傻咁
工展會度仲有得倒數tim呢,d人都唔叫既
我一開始叫個10字,先知.....原來我係全場第一個叫= ="""""""""""""

買野方面,基本上我都冇買過
但去買野食就搞出d笑料出來
事緣我好想去買d小食la,咁媽媽丁同阿仁陪我去wor
但我一路行都搵唔到好野食
咁媽媽話想買野飲,我同仁見到有d新鮮豆漿賣,就諗住買埋俾丁丁飲la
同老闆我要兩支,一支黑一支白la
咁問丁丁要邊知,但丁丁又講緊電話wor
突然老闆就出主意咁同我講la:
"拿,支黑既就俾女朋友飲la,飲左就靚d呀
男仔就飲支白既,多蛋白質呀,冇介紹錯嫁la,今晚你就知"
聽完之後,我同阿仁就呆曬= =""""""""""""""""""""""""""""
呆完之後,我地就望住丁丁,佢仲講緊電話,咩都聽唔到
再之後,就係阿仁既狂笑同我既苦笑la
我可以答既,就只係:
"哦哦,咁你要支黑嫁la,媽媽= =" "

出到去同佢tony佢地講番,又係個個狂笑= ="
不過算la,又真係幾搞笑既~^^"

行完工展會,大家都差唔多散la,得番tony同丁丁陪我
去左打陣機,就坐車番去la
坐火車既時候,突然大家又想去睇睇尖東站,結果又坐左倒頭車
哈哈,丁丁仲同我按摩呢~a"a~好舒服=0=

尖東站都冇咩睇既,但我地又差d亂影相
發覺同tony+丁丁一齊去玩真係勁開心
媽媽丁又得意wor, tony又好玩~^^

今個聖誕,真係好開心
本來以為既lonely christmas,變左好開心既一日
多謝每一個今日陪過我既人~^^

>>December 25, 2004 at 6:33:02 PM GMT+8

2004 年 12 月 22 日 星期三 【颳風】

今日又要聽talk,又要交功課,懶,全部亂來
今個聖誕想做d轉變,唔想做以前既阿立,要立心忘記從前的一切

一早聽talk, B,Q,E3科既人都講自己果科有幾好
E講先,最後係Q
真係一個差過一個,個Q果個人d presentation skill仲衰過我= =
專業人士= =""""""""""""

assignment 5,以一個放棄既心態去完成
反正冇A,幾努力都冇用,咁就不如由得佢死算la
sem A中最後一份功課,也都係最冇心機做既一份
夠鐘前半個鐘,交左,收工

走之後,搵左nicola陪我去shopping(但唔小心嘈醒左佢...唔好意思)
多謝佢又肯出來陪我呀真係
今日又買左個袋,買左個星圖
仲拿左個眼鏡la,本來諗住遲d先戴
但nicola又話戴住先,俾雙眼慣左先
結果就俾霜霖同珊姑見到la
好彩都唔係太樣衰je

琴日訓得太少,番到屋企,倦極而睡,其實,真係一種福氣
醒番之後又趕住約人,但睇來都唔多約得成
算....我聽日點都會出去嫁la,不論同咩人

lonely christmas?之唔係我law

又許左個好過份既聖誕願望................

各位聖誕快樂!

>>December 23, 2004 at 7:29:28 PM GMT+8

2004 年 12 月 20 日 星期一 【微冷】

全日都呆下呆下咁
唔知做咩好

冇咩心機做運動
琴日太夜番到屋企
今日訓到兩點先識醒= ="""""""""
唯一算似番個人既事,就係睇左蜘蛛俠2...........

好想打電話搵人傾下計...但....又唔知可以打俾邊個
好似個個都好多活動咁,冇咩人會得閒.........
唉..........唔知點好.............暫時仲係好寂寞,好想有人陪住

assignment.........冇心情做..........(雖然星期4就要交...)

大家得閒既話,就打下俾我la,我會永世都好悶咁得住你地電話嫁la= =vvv

>>December 21, 2004 at 4:36:12 PM GMT+8

2004 年 12 月 19 日 星期日 【微冷】

今日出左去同達強買衫,而且拉埋阿欣出來= =vvv
夜晚又約左花花食野,多謝佢地3個陪左我一日,尤其是好唔願出來都俾我拉左出來既阿欣

3點半起行,我拉左達強同阿欣出去買衫
其實佢地本來唔多識的,所以都有d怕,但最後都冇咩事= =v
去到旺角,我同達強係咁亂行女人街
唉...都冇咩o岩既
平平地買左少少野就走人
之後又去左行商場,今次終於有d收獲
但,我同強都唔係d識fasion既人,多得阿欣la就要
都係果句la,冇多個人陪既,我同強睇來都要空手而回~^^"

行得夜左,欣同強要走la,真係好唔該曬佢地
之後又去左搵花花
同佢食左野
11點幾,想走,但花花屋企冇電冇野好做
最後,就搵左我同睡魔去淐k la

唉,終於有機會唱k la
不斷咁唱,將一個月來好想唱出來既野,都俾我點曬
唱到<生還者>最後果度,我先算擠得出少少眼淚
坦白講,覺得自己好好哭一場心情會快d好得番
但,男仔想喊都唔係咁易= ="喊唔出..........
但居然都俾花花見到,佢就請我飲酒la= =vvv
飲來飲去....一d事都冇= ="""
醉又唔醉......暈又唔暈........好似飲氣水咁......吹脹....

anyway,突然覺得.....無需要為左一個唔會在乎自己既人咁傷心法..........
一廂情願又如何,我覺得今次自己做得唔錯,只要唔再堅持的話...........
擇日失戀MTV中的一段:
"人生既悲哀
莫過於找到一生中最重要的東西
但偏偏不能把她留在身邊"

我希望,自己可以做一個承認悲哀,卻不承認絕望既人............

>>December 21, 2004 at 4:25:22 PM GMT+8

2004 年 12 月 18 日 星期六 【微冷】

幾日來,好多謝好多人陪住我
雖然問題仍在,但心情,好番好多......

由於最後一科m&d考得異常咁好
所以果日既心情都不至於太差
因為下個sem開始我個系就要分3科
而我想讀QS既話,M&D係主要因素
依家考成咁,打左支強心針

依兩日,都應該係我全年內最多人陪我既兩日
其實我一開心已經好想搵人陪住自己
唔鐘意自己一個人,一得番我一個我就會好辛苦
但,真係好多謝好多人
一放學有阿風,tony,orin,micheal,烏蠅佢地陪我去打機
之後青姐又來陪我
雖然我結果遲大到,又一個電話都冇打到俾佢(因為果日我冇帶電話.......)
但佢都一直o係度等我,好多謝佢
同佢傾左好多野,傾左咩唔係問題
問題係,好開心有人聽我長篇大論咁講我自己既事

琴日放工,宇婷又約我去食飯
我諗對佢對我來講,都算係個突破~^^"
但,我知佢係明我諗咩既
多謝佢約左我成晚

beryl我又冇咩時間理到佢,真係唔多好意思
但,都好開心,琴日見到你~^^

坦白講,宇婷同我講教會d野既時候,我個心真係冷左一冷
好似人面全非咁.........傳道人又轉,小組又轉
唔係話新傳道唔好,唔係話新小組唔好
係我唔好je,我冇咩心機再去試新野..........

果件事....暫時未諗得通.......
今日全日留o係屋企發傻咁諗
都諗唔出點算好
要點做,我已經諗到,但又唔多做得出.........
真係自己折磨自己

太眼訓,冇番教會,不知是禍是福.........

心情惡劣....................................

>>December 19, 2004 at 2:35:04 PM GMT+8

2004 年 12 月 16 日 星期四 【乍雨乍晴】

下午4點,o係陳大河行出來
wa,終於考完la,走人=0=

本來預計考完試都唔多會開心
但事實又唔係咁,可能其中一個原因係份m&d卷
我唯一讀左既part數,就係佢唯一出左既板數
勁多謝阿step借俾我抄既key point同joyce d tips
仲有唔該曬阿欣教左我點做cut & fill.......
佔全卷50%既cut & fill,今次都真係叫淺la......
最少,比measurement淺100倍,雖然2揀1,但d level都唔同既
考果陣都見到人地做measurement咁,做得勁趕
但自已做cut & fill就已經早早做完la= =v
今次,都ok la,如果講話對比番個咩都冇講過既miss,已經超水準嫁la
好野,今次揀QS就可以放心d la
兩個星期以來,有一班咁好既同伴陪我一齊努力一齊衝,好開心

同風佢地去左黃埔打機,我之前溫書溫到咩都冇帶
錶,又冇,手提,都冇帶
約左青姐夠曬鐘都唔知,結果仲好罕有咁o係黃埔迷左路= ="""""""""""
結果改左地方見面,去左荃灣,但我坐果架車原來又周圍走
我睇完1/4本"只能談情 不能說愛",車都未到= ="
都知遲大到嫁la,但又冇錶又冇得打去俾青姐.....無奈
落左車,飛咁就衝過去
青姐居然仲等緊,講真.....冇遲一個鐘都一定有半個鐘..........
佢咁耐都仲等,係我今日最開心既事

同青姐講左好多野,一開始係咁講番d考試野
青姐話覺得我對依科好有興趣,咁講真,我又真係幾鐘意 surveying依科既
at least,唔討厭,值得我去讀
and then又講左好多其他野,佢俾左好多suggestion我
唔理結果d問題解唔解決到la,我已經覺得好開心嫁la

番到大埔,望向天,好多星呀,好一個冬季星座
兩個星期來,次次唔開心,又或者溫到累,都會行出去睇下d星
心情就好番d嫁la

推左好耐既問題終於要解決la......
冇信心做得好,但盡力~

>>December 17, 2004 at 11:15:05 PM GMT+8

2004 年 12 月 15 日 星期三 【微冷】

訓到12點先起身
今日都冇咩心機溫書..........

今日咁牽先起身,都有諗過好唔好番去
但.....玩開果隻online game今日有function
我知我唔出街就應該溫唔到嫁la.........
臨走前同細佬嘈左一場
細佬走左番學之後,阿媽話番我知細佬以前同佢講過既一d野
聽完我都趕住要出去

火車上,一路諗住阿媽講番果d野
唉....或者我真係唔係一個好既阿哥啦.........
或者十幾年來,我都唔係好識點去好好咁對自己細佬
跟住....又諗起好多野.............
覺得自己人生既頭二十年都係一個大錯誤
係最近一年左右先叫有番d自覺咁......
自己既性格,改得就改,d壞脾氣壓得就壓
功課既野都叫有盡過力,對朋友,都唔會再好似以前咁咩都唔講
o係屋企,好不容易先同阿媽搞番好d關係,但原來,又有個細佬.......
廿年既過錯,唔知要用番幾多年既努力先level得番呢..........?
依d日子對我來講有d難挨la.....但冇法......鬼叫以前自己衰..............

番到去都係因為依事唔多開心
見到班同學仔,佢地溫得ok,差個cut & fill
就咁o岩係我唯一識既一樣野,結果變左阿sir,講番曬俾佢地聽
講完知後,我就係咁多個人裏面識得最少野既一個= ="""""
好彩阿step好人,借佢本書俾我畫番低d key point
如果唔係,果本野要我搵d key point就死lu
之後就死背曬入腦law,我發覺自己今次考試,隻手已經將一本超過1cm厚既簿寫滿左
其實大學既考試真係易過a-level好多
問d野都冇咩深度既(最少city AD係)........只下將d野死背曬就有番咁上下分
但當然,得死背,又唔會太高分既,要加埋d運用就好d la

7點,d同學仔走曬,得番我一個
勁寂寞,心情突然降幾個grade
打俾青姐,冇人聽,打俾娜娜表姐,又冇人聽
想打俾花,佢又未放工........其他人,又怕佢地要考試..............
食完飯走左去周圍行city,行到心情好番d先入得去溫書

今次依科,真係冇咩大信心,可以話,聽天由命
key point,我會背得曬,2揀1既計數,出兩種計法,我只係識一種,另外一種既認識=0
佢出得淺既,我就過到骨,玩野出d細徽野既,我就獲蛋都仲得,因為除左d key point我咩都冇睇....
不過依份卷都溫得輕鬆,因為,我已經冇精力去拼十二分命落去,各安天命吧la.....

最大既隱憂,就係考完試之後,突然冇曬野做既時候.............
我會發咩顛,唔知,但已經搵左青姐出來陪我
希望,今次佢唔會再爽約..............

>>December 16, 2004 at 5:18:46 PM GMT+8

2004 年 12 月 13 日 星期一 【乍雨乍晴】

傳說中surveying(冇人教過)既兩科中既其中一科,site surveying,終於考左la.........
的確,係值得o係依件事上感恩

10點鐘番到city,打開書溫
一溫,就訓著左= ="""""
訓到11點半左右,勉強醒到,洗個面,
睇到個鐘,原來已經咁遲,嚇一嚇,醒番曬= =v

溫左幾多呢?數我就溫曬嫁la
當然,英文係我既week point,就當然要花時間去串番d問題會出既字la....
如果唔係,點知佢問咩= ="""
detail果d parts,其實我真係溫唔曬,溫得熟既,最多得1/3
但,真係好覺得神有大能力
叫我可以o係咁唔夠既時間入面,超額完成d notes

夠鐘入去lu,聽天由命
考之前,不忘祈禱,係我入city之後第一次考試前祈禱

今次份卷,d mc就真係好難........
有好多都唔sure,唔sure得來係因為我見到冇見過果d野o係note出現過
可惡既阿sir又亂出野.......好彩20條mc佔得20分je..........

section b真係好值得感恩,同埋有經歷
long question佔80% 6揀4
第3-6條係計數,諗住都發達la,做曬計數就夠~
由尾做番頭,雖然中途出左d問題,搞到我check左4次數
但,最少我知自己d數一定已經冇錯
做完第4,5,6題,一方面好多謝主,叫份卷出得唔難,又叫我讀左既,真係用到o係答問題度
但一方面又覺得,4條都係計數,又咁淺,個個都識做咁
自己花左咁多時間o係背d detail野度,一d都冇用過,好似有d浪費
又諗早知自己唔溫d detail,拿d時間去訓覺或者去溫第科好過la

但覺得神就係要話我知,我既努力係唔會白費既
問題出o係第3題度,雖然係計數,但我居然唔識做
a part搵個唔知咩出來,題目d字好深= ="唔知佢講咩
應該係問scale,但....我兩行就計到la wor....點值8分呀......
b part我又唔識做....結果放棄左第3題,做左第2題
第2題係純文字law,冇計數,我都唔係十足識做,20分我最少空左8分,仲要有野錯
但,起碼我唔洗估估下佢問咩,寫左既答案,就真係因為我有讀過law

事後真係好感謝主,如果唔係睇過d detail,我就要迫住做第3條la
我有d同學都係做3,4,5,6,但佢地大部份其實都唔太識做第3題
但冇咩溫過文字,迫住要計數
我覺得主要話我知,我有努力過既,佢一定會悅納既

依份卷,係最有希望拿到A既一份卷,如果mc成績唔太差既,應該有機~^^

另一個奇蹟就係我居然可以o係4個鐘內
將幾日都睇唔明既macro加monopoly睇明佢
真係,感謝主

好多野應該感謝主
但,果件事我仲係唔明主想做咩
暫時可以分得清楚一件事還一件事
值得感恩既,就感謝神
果件事唔明白既,就放埋一邊等考完試再秋後算賬

>>December 15, 2004 at 4:37:14 PM GMT+8

2004 年 12 月 12 日 星期日 【颳風】

或者真係應該多謝琴晚為我代過禱既人
或者,因為好耐都冇求過神既我,琴日真係去求神
或者,神真係有去幫我,用一個我冇諗過既方法,去幫我

最少,我覺得今日見到一個降o係自己身上既神蹟
明明都冇可能讀得曬既野,明明唔夠時間
佢就係有方法...

今日番到去已經死下死下咁,諗住早d番去溫
8點9番到去city,點知食完早餐,o係圖書館度訓到11點= ="
真係吹脹...............
溫到12點左右去問阿欣借番d past paper影印
影完同佢傾左兩句
佢就叫我溫曬d計數先,其他野多數出mc
咁我就聽佢講la,點知睇完少少數,再睇番past paper
已經識做= =""""d計數淺到傻的........
7揀5 long question佔80%
有3條半都係計數,而且真係幾淺
要寫字果d就真係深la,唔識做
但,好似神已經幫我留左個底咁
其實,到依家,我都仲係溫唔切嫁......
但,只要聽日d數唔難過d past paper太多,已經唔難拿到個一般既result
依件事,真係值得感謝主

溫書時見到達強,原來佢就坐我附近
問起,原來大家都少番左教會
對於做咩唔番去,各有各理由
達強又話我知,我d野好似其實好多人都知
咁....即係我更加唔洗番去la~.~
達強又講左一d人對我既批評
唔好講佢批評得o岩定錯,我覺得.....
我真係已經有盡力,無論在任何事上
最少依一年內,我有好盡力
我都認自己唔係一個好既基督徒
但我一定係一個因為信神先番教會既基督徒
以前因為貪玩先番教會既日子,過去左lu~

好多野都要考完試先處理到,但首先
都係要大醉一場= =vvv

聽日一科,後日一科,星期5仲有科勁野
唔知.......我過唔過到星期5呢...........
求神,你背我走過
最記得 miss au教我既一句金句:
主的恩典夠我用的........

>>December 13, 2004 at 5:17:53 PM GMT+8