2004 年 12 月 11 日 星期六 【颳風】

我真係唔知自己點解依幾日會咁心散嫁
成個人好似散曬咁,冇心機讀落去....
好驚......我知道,我已經溫唔切la....
而仲有另一個問題就係....
我d同學仔已經溫得7788
之後果兩科,佢地都睇過下,都ok熟嫁la....

得我一個,咩都未溫......

聽日得番一日,就算勉強溫到星期2果科
星期3果科,都已經冇可能一晚溫得曬la....
唉...真係情願日日狂考,最少,我個心唔洗咁散.........

其實都知自己會有d咁既情發生嫁la.......
個人都真係遲早死得
但估唔到...係考到中途死je........
諗番,如果依家求神,佢仲會幫我咩?
唔通佢又會變番d時間出來俾我
又話或點.....我真係諗唔到

睇住d note,就知自己其實上堂都唔係真係咁專心je
咩都唔識
好寂寞.......20歲到依家都覺得好寂寞........
除左生日果日之外,都冇咩邊日係可以開開心心咁過既......
真係好辛苦...............

connie你個問題唔係我唔想答你
係我真係唔知自己想點......

如果真係有神,如果神真係有力能.......
求你救我丫.....幫下我.....或者...教下我應該點做......
一個人既路.....真係太難行la........

今日唯一開心既事,就係知道nicola26號受浸

>>December 12, 2004 at 4:15:41 PM GMT+8

2004 年 12 月 9 日 星期四 【乍雨乍晴】

依幾日.....真係懶左......
一休息下.....就停唔到咁玩.........

前面仲有3科....但依家又開始日日掛住打機la......
唔知做咩事呢我= ="
3科都唔大把握呢,雖然econ叫明少少咁
但....d econ人好勁呢....要小心佢地.............
另外兩科.....真係由零開始.........

精神唔太好,溫書又唔多專心
唔關d咩野事,應該完全係我心散je
或者我應該format左自己部機...咁可能會好少少....

前晚發左個夢...令我明白左好多...........
個夢講咩,就唔o係度講
但,我知依個係我要話俾自己聽既message
捨不得,但始終要有放手的一日...........

>>December 10, 2004 at 6:01:23 PM GMT+8

2004 年 12 月 7 日 星期二 【乍雨乍晴】

兩科考試過後,終於有半日休息既時間
但...當停下來既時候,想玩又未去得玩既時候..............

考左兩科,一科衰左,一科接受到
睇來,今年既gpa都一定唔會有3..........
連續幾日都不停咁input野
講真,依3日讀左既野,可能多過依個sem時讀左既野
都係成時懶之過.....
算la,都考左lor....仲可以點..............

訓得好少,每日既精神只係維持到我坐o係度溫書
haha,自己都唔係好慣依d生活
但有好多野,係迫番來既..............

雖然話唔鐘意神,但生活中都真係有經歷的
話說星期一考完一科已經辛苦死,但第科又未溫過
諗起好多野都唔係自己控制得到,都有d灰心
死頂住要溫書既時候,o係果科既file裏面有d野跌左出來
睇睇,原來係以前宇婷送俾我既一個書籤
後面寫左話"無論明天的結果如何!xx神已為你預備。當中你必經歷神的信實"
跟住就諗,神仲會俾咩信實我?
反番個面,其實個書籤有個雪花型既洞仔,同埋一d字
"換個角度看世界
讓心境隨著事情的轉變而流動
不用多久你就會豁然開朗起來"
睇完幾句野,突然想試試點換個角度
白痴到用個雪花洞去睇野
睇落,冇咁清楚,但...反係靚左,有一種自己好想擁有既feel
番番出來睇,原來,我已經擁有左
神,有時都幾識開玩笑..........

就靠住一張雪花洞既書籤,挨左三日兩夜......

>>December 8, 2004 at 4:31:32 PM GMT+8

2004 年 12 月 4 日 星期六 【颳風】

原來今日又係5號,真係唔睇佢日記都唔知......
足足一個月,發生左咁多事,
回頭一想,自己竟然只係o係一次聚會中見過佢一面,世事真係可笑

全日都o係學校既圖書館度過..............
其實都覺得自己好幸福,最少,愈忙愈難分心
d書好明顯溫唔切,anyway,我會盡力
今次考試好冇信心,但,都冇法子

gilllain打過來,話左我知佢入左馬會做
又話佢知我日記講果個係邊個
如果佢冇吹水既,咁即係有人講俾佢聽la
我發誓,俾我知道係邊個講俾佢知既,我一定依世都同佢過唔去! ! !

同佢講唔夠幾句,又嘈起上來
同佢真係冇咩方法可以溝通到,次次都嘈交收場
我唔鐘意佢d態度,佢又唔鐘意我d態度
都話左我聽日要考試今日忙到死嫁la
嘈,都搵過第日丫...........

全日都睇住個電話
睇到12點....冇打到來..............
都知你好忙,所以冇咩聲好出
如果真係有神,就應該係神要有咁既結局..........
或者今日既我真係唔係唔信神
但我始終唔明佢諗咩
我唔會揀唔信神,但我會揀嬲左佢........
冇人可以放棄神,但放棄自己,總係可以的...........

真係好唔想一個人個聖誕..........
突然好有種孤獨既feel............
好想有個人陪下自己................
或者搵番個女朋友對我會好少少,但
我做唔出.............

娜...祝你...旅途愉快...........

>>December 5, 2004 at 5:00:52 PM GMT+8

2004 年 12 月 4 日 星期六 【颳風】

我真的知道.............大家都實在太忙...........
或許神要我將這些記憶,用不斷工作的時間抹去
或許神將會給我更好的.........但,我還是很恨他........

星期六,冇番到教會
可以話,完全係故意的
暫時都冇心番去住
相信有神,但正因為信他的存在
我才去恨他...........

溫書溫書加溫書
之後睇番passpaper,先發覺自己完全冇讀過一樣
一定抄蛋..............
唔想讀,但都要讀
日子就係咁過左24小時,當然,我有訓幾個鐘既..........

講左成個星期,電話都係冇響
都知你咁忙,未必有時間睇我日記嫁la
鐘意左項羽講既一句說話 : 非戰之罪
要盡既力,都盡曬la
既然天亡我也,縱有勇武,也無可奈何...............

>>December 4, 2004 at 8:15:42 PM GMT+8

2004 年 12 月 2 日 星期四 【炎熱】

兩個online test,一日內做曬
一個full mark,一個得14/20.....唔多滿意..........

一直到5點前都冇咩溫過書
上studio,果然係溫唔到書既......
想番屋企訓覺,走之前記得要幫大b借書
咁就順便咁搵搵orin,佢果邊居然有個位空左wor
咁就入去坐下咁la
拿左d note出來,即刻訓著左
訓左大半個鐘醒番,好似精神左wor
又溫到書la~a"a
好彩入左去圖書館溫書
如果番左屋企,一定專心唔到la
結果我就溫書溫到11點先離開city

星期一考con tech,星期三考en sci
溫,就一定兩科都溫唔切嫁la
但都要溫嫁la,開始慣左一日訓4個鐘既日子
辛苦,但總好過胡思亂想

唔知你依個星期有冇睇我日記呢???
上星期日個日記已經開始寫,想你可以既話打一打俾我
有d野想問你呢..........
可能大家都太忙la,又或者主唔想俾你睇到la,又或者,你唔想覆la
但...我仲等緊個電話響,我會等到今個星期日嫁
我連星期三番工都唔肯關電話= =v
好想接到你既電話,但,你自己決定吧..........

>>December 3, 2004 at 7:02:37 PM GMT+8

2004 年 12 月 1 日 星期三 【炎熱】

4年前如是........
4年後,亦如是........

"曾經戀愛過的都明白，
童話式的天長地久只屬於童話，
不屬於現實。

難得，所以可貴，所以童話！
現實中愛情，最愛的，總是得不到的。" 節錄自 <只能談情 不能說愛>

祝你旅途愉快?
周恩立,你做得到麼???

>>December 2, 2004 at 1:34:56 PM GMT+8

2004 年 11 月 30 日 星期二 【微冷】

開始.............
思覺失調..................

>>December 1, 2004 at 10:05:08 PM GMT+8

2004 年 11 月 29 日 星期一 【微冷】

心情開始平伏番d......
(如果冇人講起件事既話.......)

電話響........冇來電既........好緊張.........
一聽,近乎想搵粗口話佢,但最後都冇咁做.........
因為,打來既,係一個電話錄音.......

另一個電話,又係冇來電......
原來係公司打番來,居然問"你可唔可以一陣番工?"
直接加極快地say no
"一陣"..........公司d野真愈來愈亂la........

今日溫書都唔算太有心機,睇既野唔夠深入呢
睇來,我唔加速就溫唔曬...

開過童話,玩左陣
都ok既,如果唔太燒時間的話

知自己仲可以支持到
為既,只係唔想身邊既人擔心~.~

希望...你會打來la.........

>>November 30, 2004 at 5:20:47 PM GMT+8

2004 年 11 月 28 日 星期日 【微冷】

終於交曬d report lu~
但仲有兩個online test未做.......

今日好辛苦咁終於做完曬d report la
一今諗住做埋個test可以溫書la
點知,阿sir果d自以為是野終於有報應la
個test開唔到,我都話左會有問題嫁la
一早問佢如果有事點好,佢居然串我
好la,依家終於衰左la
又要delay,都唔知delay都幾時

溫書完去左搵vera食飯
一開始都怕傾唔埋,但後來就知個諗法係多餘嫁la
兩個人都傾唔停口咁= ="""
佢都幾得意丫= =v都唔似早我一年入u既~a"a

電話未有人打來.....再等下咁la...

>>November 29, 2004 at 4:33:52 PM GMT+8