2003 年 5 月 27 日 星期二 【晴】

今朝一早就不停咳...訓緊覺架...咳醒左...
嘈醒埋屋企人...俾媽咪迫我搽d唔知咩油...
跟住我就發爛渣...死都唔搽...不過俾佢搽左d~之後我又訓返...
訓到九點半起身...返ploy睇醫生...
護士問我駛唔駛探熱...我話唔駛啦,咁佢就捉左我去"度高磅重"
醫生俾左3包藥丸我...佢竟然唔俾咳藥水我...~
之後搭87d返home~沿途有好多回憶呀!...

返到home煮粉食&食藥,睇緊報紙好朋友就打黎啦~
聽日去唔到唱k...兩個把聲都死左...哈哈
好朋友話我唔開心bor~其實真係冇呀
俾你"tum"得好開心啦~haha~
不過真係唔好飲咁多酒...有害冇益!
講左成粒鐘...哈哈~記下歌詞啦你...唱作人...霆鋒果fd~哈哈

之後又返恆商教波...
冇乜點出聲...驚又咳ma~
點知今日有人勁白痴...搞到我地笑餐死...
我受左好多無妄之災呀...有人撞埋黎啦,果波掟中我啦,"踏"左我一腳啦...完全失控呀~
今日阿ben又食左豬油撈飯wor~~~搞到我地笑死咁滯...

之後又請左阿jay客串做守門員~
我又一齊打...3號波~
之後有人跟隊wor...笑死...
點知班死仔差d輸俾人...激死我啦~

又講f.7球場流血事件俾佢地知...警惕下ma~
點知有人講左d好難聽既野...勁嬲呀!
果個唔係笑話黎架~不知所謂!
果件事...對我影響好深遠...
果個係我同學+好朋友...係我疏忽造成...
我應承自己以後都唔可以有d咁既事發生...
所以我一定要你地遵守...

之後同左d唔知邊個踢左陣波就返屋企lu...

今日又唔記得帶蚊怕水...又咬到成腳蚊難...好癢呀..
又唔食得西瓜...雪糕...凍野...糖...好慘呀

今日東方日報...講體藝呀~我既母校~懷念...
"喜愛體藝生活,你去運動我繪畫,皆愛讀書可動可靜..."
*********引以為傲說體藝!*********

>>June 17, 2003 at 1:33:24 PM GMT+8

2003 年 5 月 26 日 星期一 【晴】

今日都係成日o係屋企...完全冇出過門口呀~呵呵

起身又係搞d無聊野
諗住熨晒d衫...點知連熨斗都俾我跌爛...好彩仲用得...
成日就係食左兩個菠蘿飽同n粒糖...

把聲好左dd啦...不過都有咳呀...

星期四要返工啦...連企4日...一定辛苦死~不過都好ga,練下腳力囉~


夜晚係咁俾人鬧...o係屋企整爛晒d野...
全部入我數...佢有佢話...我有我繼續玩~呵呵

今日仲無意聽到呢首歌tim~哈~有d久違了既感覺*****一首我好鍾意既歌*****最開心的時候...

就算只談一場感情 除外都是一時虛榮
不等於 在蜜月套房 遊玩過 就可自入自出仙境
情願獲得你的尊敬 承受太高傲的罪名
擠得進你臂彎 如情懷漸冷 未算孤苦也伶仃

明知愛 這種男孩子 也許只能如此
但我會成為你最牽掛的一個女子
朝朝暮暮讓你猜想如何馴服我
若果親手抱住 或者不必如此
許多旁人說我不太明瞭男孩子
不受命令就是一種最壞名字
笑我這個毫無辦法管束的野孩子
(我也笑我原來是個天生的野孩子)
連沒有幸福都不介意

若我依然堅持忠誠 難道你又適合安定
真可惜 說要吻我的還未吻 自己就夢中甦醒
離場是否有點失敬 還是更轟烈的劇情
必需有這結果 才能懷念我 讓我於荒野馳騁



>>June 17, 2003 at 1:32:30 PM GMT+8

2003 年 5 月 25 日 星期日 【雨】

今日全屋又係我最遲起身...差不多11點...哈~因為開左冷氣ma~
食早餐睇報紙上網...我起身冇耐...其他人又去訓覺...即係又係自己一個人!

本來今日有諗過去睇波架...不過...太遠啦,個人懶到連屋企門口都唔想出...
冇去到...將軍澳bor~~~~而且...果度有過不快經歷...都係少去為妙~~~

點幾...媽咪同細妹訓醒就去新港城食野啦...
行左陣街...林嘉欣黎宣傳新戲呀...好想見下佢~我都幾鍾意佢...
不過我地見到"豬勞"先~~佢打頭陣...佢d fan屎...真係交足貨架...勁嘈...
搞到我冇mood睇karena...返左屋企...
勁睇karena個MV~好聽...好主觀地覺得~

又睇"feel 100%"啦...方力申勁白痴呀...記得之前o係hall已然話同ka lok睇啦...
不過有techincal problem...就冇睇到...點知宜家會係返左屋企睇~哈哈

今日仲幫個頭搞搞新色~~~
宜家變左做"楊千嬅"啦~哈哈...紫棕色...

今日身體狀況都係唔掂...仲咳呀...
已經食少左好多糖架la~~~

>>June 17, 2003 at 1:31:33 PM GMT+8

2003 年 5 月 24 日 星期六 【晴】

冇得開冷氣訓...好早起左身喲...9點半...
之後好叻女自己搞掂晒上網既野~終於可以用返自己部腦lor~
而且now.com咁多野睇...冇咩必要都唔駛出街lu~哈哈~日日關自己o係屋企~

上網...聽歌...睇雜誌...勁舒服...

之後好朋友打電話黎...
一聽到我把聲...以為我未訓醒囉...唉...你話咁點去唱k啦?灰到震呀...仲係成日咳...好辛苦
******唱k*****無限期押後*****
...唔制...要快d好返至得...
講講下我講左d唔應該講既野tim~不過好彩冇不歡而散~
仲俾人玩番轉頭...話我想發脾四tim...哼~!我唔會上當ga~
不過講左出黎...好似舒服d,但係明明唔再關我事架la bor~~~
所以...答案對於我而言...係唔重要囉~哈哈
宜家...傾下計...幾開心丫...好過拍拖果時...至少大家對大家多左尊重...唔會亂發脾四咁~

兩點...勁肚餓...煮左個麵食...完全唔想落街呀~
之後一次過睇小燕既diary...嘩嘩嘩...我真係一次過睇晒200幾個entry~
我發覺...有d經歷...我地都好似喲...唔怪之得我地咁夾囉~嘻嘻
不過我留唔到msg俾你呀o係你diary到...我唔係member~~~~

見到身邊個個都有目標...我都要諗下自己想點囉~
其實...我都好想出國讀書~哈哈...我想去荷蘭...
我想自己唔再成日發脾四啦...(不過我發覺好似通常都係對好朋友先發脾四,唔知點解呢)

唔記得今晚有波睇tim~~~早知午睡la~
今晚一定睇唔到lu...

星期三...要快d好返喲~!真係好想去唱k~haha~




>>June 17, 2003 at 1:30:36 PM GMT+8

2003 年 5 月 23 日 星期五 【晴】

尋晚icq...亞基話poly收左阿倫同燒肉~
嘩嘩嘩...開心死~~~期待返學...
哈~亞基問我如果佢accept埋會唔會開心d?
ofcoz la~friends ma~不過我知道你志不在此~

今日...又係無無聊聊咁...
出左去彩虹道...點知又唔駛練bor~
又唔想返屋企...就遊車河...入科大搵kenneth la~
之後就搭小巴去坑口食野...
哈哈...阿斌住果度...好有親切感呀~就黎可以見到佢lu~~~~
食完去行吉之島...呵呵...好白痴呀~~~
10點鬆d就搭mtr走la~~~


也許...我也該為自己打算一下...

不能再漫無目標地生活...


今日一起身就想搞suprise~
買左好多好多糖......
不過到夜晚....我覺得我整既suprise已經唔重要...
從你的曰記...清楚感到你心中有一個她...
並不意外...一直以來...我都感到...
我們的關係是呈反比...
時間愈長...關係愈疏離...
我想...我是時候離開了

>>June 17, 2003 at 1:29:45 PM GMT+8

2003 年 5 月 22 日 星期四 【晴】

今朝10點起身...
食麵包...睇報紙...睇書...
點半落左大家樂同老豆食飯
返到home繼續睇書...聽歌...
3點9就出門口教波....今日俾班女笑死...大家不停咁笑...
而且成身冇一處係冇俾"蚊"咬......痕得要命~

我竟然記得帶鎮痛劑俾人(驚人地又整親)......但係唔記得帶蚊怕水俾自己...

白痴得很~~~~~~!

今日一講野又勁咳...好辛苦喲
教波的時候又不自覺地大聲講野...勁辛苦...

>>June 17, 2003 at 1:27:51 PM GMT+8

2003 年 5 月 21 日 星期三 【晴】

今朝一早起身去西貢interview~
好勁喲...我自己起身架今朝...冇人打黎叫醒我囉...可能人地驚啦~

食左個m記早餐先上去...又諗起d往事tim~

10點已經in完...等佢check 資料...之後係group interview~
10個人一組...不過有兩個冇黎...之後自我介紹每人半分鐘(實質每人幾句)
之後問左兩條situation questions~個個講下咁囉...
跟住就有人講下工作性質之類既野...就玩完lu~
我係最多野講,最有point果個囉...哈哈,d人成日話同意間條衫果位小姐咁...
(我今日著間條背心+紫色雪紡裙)
要等消息喲...

等in果時有d艷遇丫...哈哈...可惜佢in得遲過我la~

次次入西貢都會好開心咁出返黎...真係好舒服...

返到home收到姑姐電話...下午又同表弟一齊去見工lu~
係sales黎ga~o係d百貨公司counter sale護脊書包~
我地兩個勁似去玩~~~見之前仲去左pccw搞上網~
搞左成個頭...就搭車返屋企lu~
走果時3點9...而我係去小瀝源見工ga~
突然有d想打俾人/send sms既衝動...當然最後都冇啦~


好眼訓．．．不過為左睇電視要捱下．．．
隻腳又花晒呀．．．好痕呀..."喂"飽晒d蚊~討厭~~

>>June 17, 2003 at 1:26:30 PM GMT+8

2003 年 5 月 20 日 星期二 【晴】

尋晚同阿BEN o係icq到傾計...hehee~
記得得閒打俾我,搵下我la~**無人迫到我打電話出去架~呵呵~

今朝一早起身...繼續執野...都執左大部份啦...
剩返部電腦同埋D衫未熨...搞到屋企勁靚...
張床...俾叮噹訓晒...自己冇位訓lu~
星星相架...都仲o係床頭...aiya~係咪應該接埋佢呢?

1點鬆D就出門口...返hall check out~
3點就搞掂...byebye啦...polyu hall~仲將d野寄存o係阿信到tim~
之後返沙田...去左宜家買野...就搭車返恆商教波啦

今日有好多人練波喲...而且佢地好乖...好肯學...
不過我勁俾人撞囉...勁驚...
教得好開心~~~~滿足感係錢買唔到架~~~~
希望可以keep住啦...

之後返到屋企又係執野...好煩呀...迫人地要快d執...
成晚冇停...食飯...洗碗...睇報紙...沖涼...執野...prepare tmr interview...
好累~~~~~!!!



>>June 17, 2003 at 1:23:50 PM GMT+8

2003 年 5 月 19 日 星期一 【晴】

今日...真係唔知點打呢篇日記好...有d野搞到好唔開心......心情好矛盾呀~

一句講晒:"心淡"

尋晚完全唔知做乜...訓唔到...今朝勁早醒左...隻眼勁痛...隻腳又勁痛...
最白痴係返左恆商...搞到自己勁唔開心~!隻腳愈來愈痛tim~
周身都痛...

問desmond借左部即影即有相機...
返hall執野...自己拆部電腦...拆拆下搞唔掂...勁想喊...
死唔忿氣...最終我都拆掂佢~不過已經身心疲累...
仲自己搬晒d野落樓...勁累~~~!隻腳痛到啤啤聲...都唔知乜事...推左4轉車仔...
total我有14箱/袋野...宜家成屋野...唔知點執......help~

經過今日之後...我覺得自己可以去跟車送貨~

多謝kaka小姐d糖糖~今日最開心既野就係收到妳d糖糖
呢半年黎多謝你成日容忍我...965的回憶我今生也不會忘記~
我地間房...充滿...笑聲...野食...仲有係勁靚...同埋兩隻懶訓豬~

唔開心...同阿斌講左...個人舒服d~maybe我真係應該一早聽你講...
um...放心...be happy ma~有你d best fd~我一定會be happy~

完全冇左一回事...
"點解你可以完全忘記我問你既野ga?究竟我係咪咁黑你憎呀?"

"u hvn't phone me, 我以為......"又係我既錯啦

我真係唔知點解自己仲要對你咁好...我唔想再去理了...
可能有d野一定要有完結既一日...

我最憎"sori"呀~!點解次次都係咁ga?

我真係好唔開心呀~~~~~~~~~~~!

算啦...我唔想再聽...leave me
alone...

見到你一句句"sori"咁send過黎...心...更加不知所措...對住個monitor
c...r...y...
也許一個電話我就會原諒你...也許隔幾天又會冇事...

不過我知道,我對你的確在乎...不然也不會這樣不開心~
曾經說放棄...卻又不捨...又再繼續待你好...


我算...犯賤麼?


>>June 17, 2003 at 1:22:34 PM GMT+8

2003 年 5 月 18 日 星期日 【晴】

今朝好早俾人熄左冷氣...
不過我都訓到11點幾先起身...尋晚又勁早訓bor~10點半就返房sleep~total sleep左13hours~好好feel~
不過雙腳,膊頭勁痛...一定係星期五練波後遺症啦...好痛呀....erm....

又執執執...係咁俾細妹鬧...佢都痴線ga~
擺d信o係衣櫃...衣櫃係擺衫架ma~激氣...開片咁滯...
好彩有人打黎吹佢出街ja~煩到死...

之後同媽咪出去沙田...約左二姑姐...仲有兩隻怪獸(煒仔同樂樂)
首先我地去商務睇書...有折ma~
我買左一本relate 運動科學既書,另一本就係星巴克傳奇,仲買左小百科俾樂樂~

on the way to 商務途中...收到好朋友電話bor~
哈,我地真係好"有緣"囉...永遠都撞唔到ga~講左陣.....
放心啦好朋友...我覺得你一定可以拎到ｓｃｈｏｌａｒｓｈｉｐ去英國架~
我真係想睇戲架,並唔係"攝"時間...

行完商務就去左kfc食野啦...哈哈...kfc...好野黎架~hehe

之後就行街街...睇衫...
哈哈,有收穫呀...一條裙+一條褲...
開心死...又唔駛自己俾$$$ wor~又勁靚~

夜晚睇完<爆米花>就睇<2002>...有霆鋒bor~
不過我覺得馮德倫型好多~~~可能我不嬲都鍾意男仔短頭髮~

哈哈~好搞笑呀...
d人打人手提響人全朵wor~仲要把聲勁勁難頂咁...
笑到我訓低左呀~~~~~~
哈哈哈~久違了既感覺喲~勁白痴呀!



>>June 17, 2003 at 1:20:31 PM GMT+8