2003 年 6 月 6 日 星期五 【雨】

我知道自己次次唔開心都會把自己關起來...
好似自閉咁...不過總會有復原的一天...

今日又係九點幾wake up~搬返屋企真係作息定時左好多呀~!

整下homepage...打下機...無無聊聊又一day~!

今日玩煮野食...第一次煎午餐肉...
唔係煎...變左油炸午餐肉...
我落左好多油ma...驚"痴"底ma~
點知at night 問返mum...先知根本唔駛落oil~因為我用煎pan~shiT!
真係好Q蠢...呀!

夜晚屋企差d火燭!
插電飯煲個插頭有火花...個插頭"火農"左同黑晒...嚇死...好彩發現得早~

今晚同desmond去左pizza hut dinner~
佢搵我攝時間ma~見係佢就應酬下la(hehehee)
如果唔係呢...我都唔會離開家門半步呀~
食得好飽呀~!成$75...豪俾你~其實係我話去pizza hut的~呵呵
下星期...好似好多節目咁...希望全部都去得成啦~散下心~

之後去左百佳入貨...
home d drink 俾我飲晒ma~所以我去buy番~
又buy左至愛pizza味薯片+珍寶珠~

聽日又要返工lu~~~

p.s.傻"朱"send左e貓俾我...我個consumer behavior ppt有B+~
勁呀~~~~開心~~~~



>>June 15, 2003 at 6:03:49 PM GMT+8

2003 年 6 月 5 日 星期四 【晴】

今朝九點半起身...

睇完報紙就睇<異度空間>...超好睇...
已經係睇第2次啦~呵呵~!正爆...有karena~
上次睇已經好驚架啦...今次都仲有d驚~真係好好睇呀~!抵買~

之後打左陣機...食餅...
又冇出過家門半步...
仲訓左陣tim~until朱同學來電...
then拎晒d人地寫俾我既信/卡...出黎睇...
仲睇番自己d diary~又諗起好多"過去"既野...
哈~睇到d卡寫兩個名...真係...有d搞笑呀~

最掂都係katherine果張...
"妳宜家咁乖...我始終覺得係佢功勞!"
真係睇到笑死左咁滯~

夜晚又係睇下電視...繼續relax~




>>June 6, 2003 at 11:48:32 AM GMT+8

2003 年 6 月 4 日 星期三 【晴】

今朝訓到11點幾先起身...

兩點先落去飲下午茶...表弟又入左黎...都冇乜野食...

之後就返屋企啦~又俾樂樂虐待...我竟然冇還手wor~
我心情咁"靚",我驚打死佢~

睇晒百分百感覺lu...
如果我呢生人能夠遇到一個好似"許樂"咁既人就好lu~
已經好心滿意足...哈哈~
仲聽到一首窩心的配樂...<野孩子>...想起他...
次次唔開心都想起他...很奇怪...

6點半就dinner~都冇乜胃口...

朋友仔聽完我講成件之後...話我成熟左喎...
哈哈,經歷多左...人就自然會長大架啦...
佢仲話宜家既我識"顧人感受"同為他人設想...呵呵
但係人地唔顧我感受呢......shit~
nevermind~問心無愧就ok~!係你損失~

thz文仔,細佬...我冇事架~
我知自己要做d咩~

今日仲同leo chat~呵呵~開心~
我地好快又可以見面lu~yeah~
記住我地既約定呀...唱k,睇戲,bbq~

姑姐話14年前既今日...原來我係o係大陸wor~
佢放假...所以帶左我返去...
果時我睇到電視...<六四事件>...就話"姑姐姑姐...打仗呀...走啦..."
哈~我一d印象都冇...果時我得6歲ja~聽返佢講...都有d搞笑呀~呵呵



>>June 6, 2003 at 5:48:21 PM GMT+8

2003 年 6 月 3 日 星期二 【晴】

今日整左salad食...

買左六合彩,不過中得個半字...好鬼死多人買...排左好耐隊...

教波...
唔係咁想講...sorry 呀yuki,suki,碧...
班仔又打到唔知點咁...仲差好遠呀...唉...
不過都要唔該文仔佢地返黎同佢地打~

really very sad today...really want to say 粗口,不過我記得我應承過人唔講ga,so havent~i dun want to see the things that i create with my fds destroy　by ppl~how come?i really dun want to see~!so disaapointed!
i dunno what i can say anymore ~
i will be fine~but now,wanna talk to my gd fd~
whenever i"m sad,after talk to him,i will feel better~
but i wont phone him lei,dun want disturb him~

返到屋企狂煲<百份百感覺>...睇到12點幾...呵呵~

NETH打黎話去旅行...我想去呀...
不過...冇$$呢...




>>June 6, 2003 at 5:49:28 PM GMT+8

2003 年 6 月 2 日 星期一 【晴】

今日好早起身...冇開冷氣訓ma~

睇左<九個女仔一隻鬼>...勁無聊...
我見佢$11同埋有edison我先買ja~
edison超型...但係出場加埋都冇廿分鐘...

下午就勁搞笑啦...不過唔知點打出黎好wor~
kekeke~~~~有d人呀勁"9"...玩人地wor~哈哈哈~
真係丫......唔掂呀!我係咁不停笑...笑左成個鐘...人都癲呀!

之後拎晒d相簿出黎睇...好多回憶喲~很美好...
睇到海旁,kenneth打黎...就死左出旺角...

行左陣...call埋周家傑出黎...就去唱k lu~哈哈
終於可以去唱k~不過...有d灰呀...我真係唔係咁唱到...把聲仲未得~妖!
本來有3支咪...一人一支...不過有支冇聲bor~
咁就叫人整啦,佢搞左10分鐘到...都搞唔掂...
佢就話可能要搞3,4個字...會阻住我地~叫我地用兩支咪就算~
咁我就即係話"咁可唔可以俾我地唱耐d??"
佢話唔得wor...我兩個朋友已經笑到"扒"左係到~haha~
唱到10點半ja~之後阿neth話睇<咒怨>...要睇午夜場,又要成$60~
我放棄啦...不嬲唔鍾意半夜返屋企...條路有d恐怖呀~
而且我又唔覺得會好驚咁囉~我嚇大ga~

阿neth話隔離class ruby化左妝都幾靚~
嘩嘩嘩...我即係回應...
"我化左妝選港姐都得啦"hoho~~~講俾家傑聽的時候佢都勁笑丫(好明顯佢係笑neth的說話)



今日BEN問我點解仲放"過去"既相o係我的相片既?

係bor...點解呢?好問題丫...我會考慮下清除佢...
可能有d唔捨得啦...都叫曾經係我最愛既人ma...

澄清下先!我宜家冇拍拖,冇失戀呀(冇戀何來失呢?)~
唔好再估估下la~冇人估到我想點架~hehe

"別人笑我太瘋癲,我笑他人看不穿"hahaha


>>June 6, 2003 at 5:50:22 PM GMT+8

2003 年 6 月 1 日 星期日 【晴】

2003年過左一半lu...哈哈...時間真係過得好快喲...
仲有十日..."你"就<回來我身邊>...好興奮啊~~~!

今日係卓c生日...生日快樂呀~!
醒起卓c生日...又諗起果件事...又諗到......唉...唔好再諗~~~~~
不過印象極深刻...我連佢著咩衫都記得...shit...點解我咁好記性架.

今日又返工...今日係net loss~
因為支出>收入...
我買左好多野呀...包括...


1.夢寐以求superstar tee乙件
2.我諗可以用一世...既泳鏡(全副裝備都有齊,係咪應該學游水呢?)
3.放靚相相簿一大本
4.零食一大袋

滿足晒我既購買慾...繼續振興香港經濟...

仲要返工時候去shopping~掂!(最衰係售貨員gigi叫人去...)

不過好開心...返工時見到好多得意小朋友~
原來我做sales都幾得架wor~~~

*******************************************

今日突然好感觸...

我愛你　有陣時　不必真正講出口

並沒運氣共你拖過手
沿途護送著你在你的背後　也就夠

也許這是最完美的結局,對嗎?
我知道我面對自己愛的人,只能保持距離...愈遠愈好!
他就一定能得到幸福~



>>June 6, 2003 at 5:52:24 PM GMT+8

2003 年 5 月 31 日 星期六 【晴】

又要返工...企左9個鐘呀...好累...
仲撞到個學生tim~
之後仲要唔可以即係搭車歸家...
搭地鐵入將軍澳...拎野俾人ma~
又遊觀塘線...

佐敦>寶琳>再鑽石山...

不過其實都有d開心ga~

話晒同你講左咁耐電話...仲要係你打俾我bor~

"哈哈...keke...係咁笑..."有十個白痴呀...o係地鐵d人係咁啤住我...
不過我都係咁笑...你又笑bor...哈哈...SUPRISE!

"喂喂喂...喂喂...請問你搵邊個呀?..唔該...我搵(果個白痴呀)......又再喂喂喂...聽唔到bor...喂喂......"
又十個白痴呀...哈哈~



>>June 6, 2003 at 5:56:03 PM GMT+8

2003 年 5 月 30 日 星期五 【晴】

又企左9個鐘...

又講左陣電話...嘈醒左人tim~
下午9點竟然訓緊覺~~~~~懶~~!
個電話又突然聽唔到...妖~!

返到home有麵食~勁好味...
好多餸架......仲有西瓜tim




>>June 6, 2003 at 5:57:44 PM GMT+8

2003 年 5 月 29 日 星期四 【晴】

今日第一日返工...tired died!企左11個鐘...

歸家途中...bus 壞左...
又要轉車.....黑...冇位坐...

講左陣電話咁~

放工打電話覆人啦...點知d人唔可手提...
打屋企啦...搞到我又俾人鬧..."你遲d打過黎啦!!"

唉...好灰...



>>June 17, 2003 at 1:35:11 PM GMT+8

2003 年 5 月 28 日 星期三 【晴】

今朝好早起身...o係屋企猛煲now.com d MV~
之後就出左旺角啦...寶瑜叫到...又點可以唔出呢?
仲有eliza同牛腩...發生左好多搞笑野...笑話連篇...

1.落錯車
2.eps事件
3.聯合廣場爆笑對話

有好多架...真係打唔晒...所以索性唔打出黎,不過各位有興趣可以問我...包保笑死你地~hehe~

去左意粉屋tea~大魚豐作dinner~

今日大家好努力振興香港經濟...駛左好多錢...

我買左2隻vcd,一件背心,一條褲,一對鞋,兩隻錶...
本來仲睇中左件勁靚背心架...決定買...點知佢收左舖wor~激死人啦~
****真係好鍾意****
仲見到個識既人tim~

今日開心呀...聽日就辛苦啦~



>>June 17, 2003 at 1:34:26 PM GMT+8