2003 年 7 月 26 日 星期六 【晴】

今日買左好多報紙呀...勁多奧雲~
lunch食開心樂園餐...因為見到隻八爪魚勁得意先食ja~~~

睇埋<足球小將>先出門口...今日跳舞呀
o係半圓等緊既時候仲見到嘉恆...十世冇見呀~好開心...因為大家可以好close咁傾計...
去hall跳...哈哈,又係好好搞笑
笑到唔識跳呀...阿sam係勁低b~
分開跳既時候同karen一齊發現左d搞笑野...哈哈哈~真係好搞笑...
今日跳左好多次...成身濕晒呀...成身汗...好累~
魚旦話我瘦左bor~哈哈...好開心~
break果時阿冬同我地mark舞wor...點知係我地幫佢mark返轉頭囉...真係...
總之就好好笑啦...時間過得勁快~
跳完就去G/F交form la...最後決定:12/F>9/F>15/F
之後同TOBE+暉搭火車

唉...好灰呀~~~~~!奧雲~~~~~!
有飛都去唔到...唔開心呀
其實我真係好想去睇奧雲架......始終...有緣無份...><
um...激氣!owen....唯有英國見啦~

返到home醒起自己買左六合彩...
拿拿臨對下啦......點解d no.咁熟ga?好似中左3個字bor~
點知......原來係星期四果張中左3個字lor...shit~
今日我冇買返果注飛呀...

P.s.隻腳又瘀哂呀...哎呀呀

>>July 30, 2003 at 12:00:42 PM GMT+8

2003 年 7 月 25 日 星期五 【陰】

今朝起身玩左陣icq...討論下點解我唔出街呢個問題
的而且確...呢個summer我都玩自閉~
其實又唔係特燈ga...咁岩姐...
出街...要$$$ka ma...自己一個去...又悶;太大班人去...又煩;冇乜心情去...又灰;
我又唔鍾意搵人bor...結果我就成日o係屋企啦...慣lu...哈哈
不過多謝朋友關心我ga~

今日去左成日街呀!
點幾就入到上水同姑姐去左元祿食lunch傾計~
哈~我的確係好偏心架...剩係錫怪獸表弟~冇辦法...我鍾意ma!
食到兩點幾就去怪獸表弟間學校參加佢地既結業禮...
山長水遠去係因為佢地兩個都有獎攞...
雖然唔係d勁獎...只係進步獎同小老師...不過都應該鼓勵下佢ga~
我記得我細個成日拎獎架...仲要係d勁獎...不過都冇人黎睇我領獎ga~
今日我仲發現原來'佛寶歌'個melody係同'黃大仙頌'既melody係一樣ka~
搞到我諗返起細個果時返學d情形tim...
同佢地影完相我就走lu...

搭火車出沙田...去左k2行左陣...
終於buy左個bag~黑色...好大個...
我buy黎for打波ka...好抵...$147.5ja~!半價ma...抵到丫!

之後搭bus去葵涌...舅父公司
等一齊打的去黃金海岸酒店食buffet
仲有d表妹一齊去...d野都唔好食ga...特別係desert...勁失望呀
所以今次冇食到嘔...之前幾次食buffet都食到嘔~
不過個view好正...我又自己行左去海邊吹吹風呢~爽呀!
同埋同d表妹傾下計咁囉...
食到9點幾就閃...打的返home lu~



>>July 30, 2003 at 11:59:55 AM GMT+8

2003 年 7 月 24 日 星期四 【雨】

打風...訓得好好啵...
以為自己訓到好late...原來都係10點幾ja~
11點鬆d就過左新港城...
入票+買六合彩...仲行左陣tim~

成日睇左2份報紙
仲同阿朱講左成粒鐘電話
um...我的確幾需要錢~希望我個plan可以成功la

夜晚又係煲電視...真係好嘆呀呢d生活
我買左$10六合彩...中左一個字ja~
好野~~~!又冇人中頭獎...我仲有希望~

尋晚icq...更加肯定我既選擇係正確~我會堅持~~~~~!
不過搞到我d朋友'jo yeung'...俾我發爛渣...真係唔好意思~

learning to be a better girl...



>>July 30, 2003 at 11:58:46 AM GMT+8

2003 年 7 月 23 日 星期三 【雨】

今朝晨早起身...要返馬會training9-2...好眼訓
同阿jo一班車...佢仲同我打招呼tim~不過之後佢點左我地行錯路~
今日唔係阿jo教...係一個唔似大我地好多既男仔負責我地班...
佢講野好悶...我真係訓著咁滯...又串人wor~低低能能咁~
我個test做得勁快...佢又話乜咁快呀...吹丫...我岩晒呀
又串我條褲吊腳唔岩規格...低b~唔想同佢講野呀...
但係佢又成日撩我同我個fd講野...麻鬼煩~
最搞笑係去canteen時見到阿jo上緊另一班...
我地同佢揮手...佢又向我地揮返手...笑死~

放training之後就去左小瀝源拎cheque,之後就返屋企lu~
打風ma~"伊 布 都"...好討厭...搞到我聽日冇得去大埔ride bicycle同bbq tim~激氣!

夜晚又係追電視...今晚又冇生果食...
我唔鍾意既野係冇人迫到我架~

今日係大怪獸派成績表...都幾好
諗住獎勵下佢地...哈哈
我對佢地係最闊綽架...買野俾佢我係唔care個price ka~
可能因為我經歷過佢地既階段啦...我想佢地比我更幸福~
gameboy...考慮下啦
我記得細個我都有好多遊戲機架...都係我叫daddy買...
果時閒閒地都千幾蚊一部架...
因為我叻,所以要乜有乜...宜家唔會咁lu...反而我會買多d野俾佢地...

今晚睇掛居同成美睇到有d感觸...好似...
感覺好似我同你咁...
不過我諗個結局會唔同...
我同你冇可能係大團圓結局...
不過要我去忘記你真係好難...好難忘記我最幸福的時候...
以前我會逃避...宜家我會面對...
美好回憶都唔係必然架...應該好好珍惜!

你就係我會付出一百分感情的那個人...
那麼當我遇上你之後...
很難再愛上別人了...

你知道嗎?你就是令人永忘不了你...
直到現在...對我影響最多,最深的還是你~

能夠傷害我的...只有你...能夠令我歡喜的...也只有你
在我心中...你永遠o係一個好高,好特別既位置...
無人能及...亦無人能取代...


有d野真係只會為一個人而做架ja~

>>July 30, 2003 at 11:55:20 AM GMT+8

2003 年 7 月 22 日 星期二 【晴】

今朝又俾電話嘈醒...有糧出...不過我真係好眼訓...
之後gloria打黎...8月8日...佢就走啦...
一百個唔捨得呀~!好朋友...走下一個又一個...
我替你們開心...做到自己想做既野...
我...就不能了...負擔很重...很辛苦...
唔准唔記得我呀~友誼永固...
我會俾心機儲錢去英國探妳架...hehe~
妳要包我食住呀...帶我探owen~my dear best fd~!

中午搞grant loan果度打黎...好煩囉~
d態度又差...政府應該炒晒呢d廢人la~
我屋企真係有財政問題ma,有錢洗鬼申請咩...貪唔夠煩咩~痴線架!
我daddy媽咪d a/c d數我鬼知咩...低能架~
好似審犯咁問我...好想投訴佢呀~

點幾同細妹落街食lunch...
食左個時菜牛肉炒麵...都ok~
之後返home...寫好左封信...順手去寄埋...心情又好d~
可能因為情緒得到宣洩既關係~
收到小燕既suprise~~~勁開心~thz you~!
之後又收到leo電話...叫我聽晚去玩
夜晚又係對住電視目不轉睛~哈哈

細怪獸表弟今日拎成績表...
竟然考得唔錯...考第10...英文又進步左好多...
哈哈...話晒都係我幫佢補習...梗係有返咁上下啦
佢話佢記得我講既野係因為佢驚我打佢wor~哈哈
佢仲拎進步獎tim~星期五結業禮頒獎...叫我去睇tim~哈哈


愛一個人,要去了解他.
太了解一個人,可能令你無法愛他.
愛一個人,往往要一些神秘感,加上一些幻想力和距離.
人無完人,赤裸,往往只是自曝其短.

過多的溝通,往往使人性的弱點無所遁形;
過多的溝通,也可能不小心透露了對方聽了會不高興的事.
因此,談得多,是不是好,很難說.


>>July 30, 2003 at 11:51:36 AM GMT+8

2003 年 7 月 21 日 星期一 【晴】

尋晚11點幾就訓lu...一覺訓到今朝...好精神~
又o係屋企勁食勁食~正!包括...
坐飛機返黎既曲奇餅,西瓜,lemon coke light,雪糕,雪米糍...仲有至愛珍寶珠~

去7-11持報紙撞到表弟源tim~
之後繼續o係屋企養豬處優...
suji打黎無聊左陣...妳幾時同我行銅鑼灣??

夜晚又冇人煮飯...可惡...我o係屋企就冇飯食...
daddy煮公仔麵ja...不過好食...仲好飽tim...
食左放左o係雪櫃幾日既雞翼...同埋油菜~

嘩哈哈~~~宜家7:30都可以見到鋒鋒~
好開心...9點半又見到...真係好~
而且...我一開電腦就會見到...kekeke~~~~

今日寫左半封信...寫寫下...放棄左...未完成
唔知自己想點...



>>July 28, 2003 at 10:36:46 PM GMT+8

2003 年 7 月 20 日 星期日 【晴】

今日返工返10點...
8點9就要起身...(其實已經係好趕)
今日帶埋黑眼圈返工...
尋晚唔知發咩癲...竟然失眠...點半上床訓...到四點幾都仲係眼光光...shit~~
腦海有跳舞既step,handball既form...同埋xxx.......痴線架,訓唔著~

准時返到...好多人呀...我地10個俾人當人球咁點黎點去...
dry run其實都幾悶...不停入飛覆飛...同埋做左2個低b test咁...
好彩跟我地個組長係我training果時果turor ja~超好人!又玩得...
另一個女人真係搞到我地笑死咁滯...
佢briefing果時叫我地唔好拎走任何野..包括紙...
佢話:"你地唔好拎走我,唔好搞我..."
成條line d人都笑到扒o係到...之後佢仲嗲我個組長tim...
又成日彈下彈下咁...好天真架...鬧人果刻先係佢真性情啦~哈哈..
因為佢...搞到大家都冇胃口...冇食lunch...我食左包餅ja~
今日出埋返工時間表...好開心..因為=又有$$~
未真正返工...我已經有糧出啦八月...仲有過千tim~真係好正~
今日組長又問左我個staff no....可能我又有其他重任lu~hehe~好開心bor~
本來放四點架...點知又遲左..4:30先走得...搞到我睇到幾分鐘<足球小將>ja~妖
不過有$$$就算啦...我要積極搵$$~~~

夜晚同daddy落街食...屋企冇人煮飯...
又去左茶餐廳叫餸...今晚我食西蘭花鮮"友"...
我覺得尋晚好食d...可能因為我有話事權ma...而且又平dd tim~
今晚daddy叫個魚...我都唔食ga~搞到得一味餸可以食...
今晚我都係食左半碗飯ja...
之後仲去埋百佳tim...狂掃飲品...同埋買左珍寶珠tim r~哈哈

返到home...一開電視就見到陳先生呀~!
好開心呀~~~!好靚仔~~~!



>>July 20, 2003 at 9:47:28 PM GMT+8

2003 年 7 月 19 日 星期六 【晴】

今朝suji打俾我呀...講時間表...
真係估唔到佢又同我完全一樣...除左大家科elective之外...
year2都要繼續揍女...真係打風都打唔"luck"...
send個timetable俾佢睇...佢竟然敢死叫我讀俾佢聽...你話丫...咩人黎架
不過我已經慣左lu...仲有2年...可能係上一世欠佢ga...哈哈

睇完<足球小將goal>先出門口返hall練舞...
今日又係搞笑啦...始終...我都係同男仔熟d~
試走位...好好玩咁...又係跟住阿sam...哈哈~
之後helper跳一次我都係跟住阿sam架...分唔開~哈哈
死魚旦係咁打我呀...衰人~
之後上左eric間房hea...先再去食dinner~
本來諗住撐枱腳...不過最後join返大隊...
我,eric,ka lok,阿達,ben,jay一枱
dinner落單勁唔掂...竟然漏左我果個椒'炎'鮮'友'bor...反而我幫阿達叫果個滑蛋蝦仁又有bor~我都話佢漏左杯凍檬水架啦~
等左都幾耐...我又冇乜胃口...食左好少...
又俾eric串...今日玩新意..."減肥丫?"
大家講下d心理測驗...IQ題咁...哈哈~
魚旦粉有魚旦,牛丸粉有牛丸,咁乜粉有condom呢?哈哈
竟然d人都諗左好耐bor...竟然俾唔用腦既我都諗到tim~haha~
之後就變左...PT知,Phyics知,Marketing都知...hahaha~
因為阿達知,ka lok知,我都知ma...
阿達全程係完全累到就死咁既樣...好可憐咁~食飯都訓著咁滯~

食飽去搭火車返home...12點鬆d就安全到步lu~
今日拎左form la....reg hall...
不過都仲未決定到...
eeeeeeeee~今日冇左$250...好肉痛...


>>July 20, 2003 at 9:47:05 PM GMT+8

2003 年 7 月 18 日 星期五 【晴】

一起身就check sem 1 timetable la...真係睇到啤啤聲!!!!!
我係返下午班...
4日放六半...日日返三,四點咁滯...
朝早完全可以igrone...得星期五係返一小時10點半至11點半...其他堂全部點半後...CRAZY!!!!!!!
點算呀?點教波?......又要不停走堂??好灰呀...
我想做個好學生呀!!!!點解個天咁玩我?
咁既timetable點上堂呀...咁我好難會返到學架bor~!　
唔開心呀~~~~~~~~~~~~~~~~~~~~~~~~~~~~~~~~~~~~~!
好彩細班有2科都同阿朱一樣...仲有果科都應該可以change到...哈哈
宜家要諗住唔住hall好啦...真係煩...

下午返左馬會上training...係d extra野...
返工唔駛落飛...不過要解答問題囉...好考應變能力...haha~岩我做bor~
星期日又要返...dry run..一定要好好睇睇呀~

夜晚仆返home...為左支持陳先生呀~~~勁正~!

今日右邊身仲係好痛呀...仲有左腳...



>>July 20, 2003 at 9:46:19 PM GMT+8

2003 年 7 月 17 日 星期四 【晴】

尋晚訓得好差...2點幾上床...差不多天亮才熟睡...
可是晨早8時多又要起床...好慘喲~
山長水遠入粉嶺...揍怪獸兄弟...
入到去我地一齊睇<春田花花幼稚園>...哈哈哈
今日大怪獸好曳...好想打佢呀...
不過最後都冇打到...因為...記得自己小時候常常俾人打的情況...好痛架...不想他似我一樣受苦~
送埋佢地上校車我就搭車回家

今日d報紙好好睇...因為多新聞ma~
又o係sofa訓著左...
夜晚又係不斷睇電視...
陳鍵鋒真係好得呀~~~~~~~!!!!!!愈睇愈得...dream man la~haha

今日仲發現右手掌腫左+瘀左...好痛呀~
經過尋日...我右邊身癱瘓了...move 少少都好痛...shit~

唔好再問我呀...近期我真係乜都做得出架...
EQ奇低...最後就唔好惹我呀...如果唔係...後果自負呀!

期待9月的新開始...目標已經鎖定..
1.　大專賽　（一鳴驚人）
2.　ＧＰＡ　（節節上升）
3.　學界賽　（打破宿命）

其他野．．．唔好煩我．．．

近排心情唔靚+天氣太熱=唔想去街...
我唔係有心請人食檸檬...我真係唔想出街...
費時又向人發脾四...請見諒~
更加唔好拎其他人比較...根本冇得比~好反感!

>>July 18, 2003 at 12:33:41 PM GMT+8