2003 年 7 月 6 日 星期日 【晴】

今朝又係10點起身...咁樣幾好丫~
之後落左酒樓飲茶...
飲完又返屋企無聊...

俾人鬧左成日...好煩呀~~~~!
我一定要搬返去hall...如果唔係...就大檸樂啦~
真係頂唔順呀~!最憎人煩我.......
俾我靜下得唔得??

睇完<足球小將goal>就落左運動場跑步...
唔開心既時候我就好鍾意去跑步...發洩下...會舒服d架~

夜晚食粥...繼續俾"煩音"嘈...help~!


>>July 11, 2003 at 12:23:28 PM GMT+8

2003 年 7 月 5 日 星期六 【晴】

好朋友凌晨點幾打黎...
我已經訓到死豬咁lu...
um...真係好叻呀你...我係真正"燈"你開心的~~~
你打俾我...我真係好開心架...
有d意外tim~especially 最後你講果句~
其實今日我真係勁勁勁唔開心的!!!!!!不過...都咁夜lu...
我把聲又咁難聽...你都應該好tired la...所以我冇講...
唔想你擔心我...
而且,我應該學下點自己面對...唔可以再依賴你啦...


今朝10點幾比電話嘈醒...
之後就係無聊啦...今日我睇左3份報紙...剪埋報tim~

4點半就出門口...今日又練舞~
好叻女呀我...終於記得點跳lu...
企o係阿達同阿sam附近跳好似有信心d~又好笑bor~佢兩個真係...搞到我就笑死呀~
開頭tobe未黎...真係有d悶...好彩佢有黎ja~唔想剩係群男仔...哈哈~
今日係non-stop咁跳...好玩...而且跳得ok~

等去食飯既時候...o係lobby見到蘋果日報bor~
見到好朋友bor...咁就俾左d朋友睇啦...
死人頭ka lok串我wor..."你睇下...人地一離開妳就咁勁,妳腳頭唔好呀~!"
頂...雖然我都有d認同...
不過最搞笑既係阿冬果句"五傻"...五優變五傻~

等食飯時仲影左d好低b既相呀~已經upload左上網~哈哈

之後又成班人一齊去食飯...
我同ka lok,tobe,eric坐...叫左3個餸一齊食...都幾ok ka~
不過果兩位男士食野都幾"拿渣"

走既時候又同阿達傾計啦...
佢串我wor..."o係一個寧靜既半夜帶俾佢好多歡樂..."
結果俾我係咁打黎洩憤~哈哈
又講左唔開心野啦...不過係濃縮版...因為唔夠時間ma~
下次要加長節目時間呀~哈哈...佢又俾人串係咪想入閘搭火車...
um...我會考慮下你既提議ga~講左出黎...舒服d啦~

之後同tobe一齊搭火車走~

>>July 6, 2003 at 1:01:56 PM GMT+8

2003 年 7 月 4 日 星期五 【晴】

我地去左旺角倫敦大酒樓飲茶~
一路上都係嘻嘻哈哈~笑爆嘴...
o係酒樓飲早茶...竟然係講鬼古...真係...有人d思維愈來愈亂...
大家笑到肚痛...wallance自己返學校...
之後就剩返恆商團啦...搭281A返恆商
我同阿超勁精靈...其餘3位就...哈哈~

之後既野...唔想打...HANDBALL TEAM既人成績都不錯~欣慰!
我同leo真係好錫阿超...哈哈~
UM...我細妹讀唔到DEGREE...炒左econ~
好多朋友都考得唔好...搞到我都唔開心~

不過都有人考得好好~好朋友...5A~竟然俾我講中...
恭喜晒...你終於做到你想既野...我一D都唔意外...
那時候...我真的以為你同我開玩笑...不過我知道一切已成事實~
我地既距離...一開始已經很遠很遠...宜家就更遠更遠...
不過我確實曾經找到一個我想搵的人~聰明得很~
又一個曾經愛錫我既人...出國...um...唔知仲有冇人會對我好呢?

最搞笑我講左俾d fd知...佢地既反應真係好好笑...
"咁你有冇後悔呀?".......痴線咩...點解後悔?
我覺得我好有眼光tim la~娃哈哈~

之後返到屋企,灰爆...~
今日個世界好似痴Q晒線咁～！
做乜事會咁架？好唔開心呀！！
"太累　太亂　太害怕　說不出說話!"

沖完涼訓左陣...
冇返poly...因為真係好累...

夜晚去左新港城食飯...um...開心返dd啦~!
哈哈,同阿達講左一陣電話...開心返d~~~~謝謝你~
媽咪叫細妹repeat...俾我鬧到七彩...當然,我已經有一個好好既出路俾我細妹啦~

之後打俾小燕就仲開心返d啦~hehee~
同一陣線!!一齊灰爆~~~~!
宜家要諗下點面對呀...我地


夜晚好累...好早訓...
把聲沙晒...講唔到野呀~!灰爆...
我諗聽日會好開心~~~"tmr is another day ma~"

今日發生既野...比放榜來得還要震撼...
不過...總算還好朋友一個清白~~



>>July 6, 2003 at 12:55:21 PM GMT+8

2003 年 7 月 3 日 星期四 【晴】

今日絕對係充實的一天呀~!不過好鬼熱呀~!

11點幾返左恆商拎支票,同埋俾D相人做BOARD~
GARY YEUNG真係傻架...哈哈,果然同我地預計一樣...係咁講野BOR~
不過我"鼠"左入STAFF ROOM搵Cathy li呀~哈哈掛住佢ma~
咁咪得番阿鋒同楊sir"傾計"lor~
之後同cathy li講左陣...就出去救佢啦~不過果時楊sir都差不多講完...
因為佢要食lunch ja~

之後我就行去廣源搭281A出尖沙咀...
因為我約左好朋友拎返本<足球小將road to 2002>...果本係第二期黎架...
erm...好耐lu~年幾...哈哈~
我地一齊去左入票...之後食lunch~
感覺怪怪地咁~我都唔知點解...
可能慣左自己照顧自己呱...突然有人食野時會照顧自己...唔知點咁~
覺得佢有d唔同左...感覺踏實左~好事好事!
不過佢又好大力搣我塊面呀~

之後去左搵大威...拎抺面巾...吹左陣水la~~~
宜家冇曖昧呀!!!

行陣左街...就返poly...去左圖書館...睇經濟日報...足球小將...
睇睇下足球小將...發現某一頁夾左張紙..."粉紅色摺紙"
um...諗起...應該係摺紙鶴果時用既紙...
跟住我嘗試下摺...不過...一d都唔記得lu~~~~
也許...有時候...唔記得比記得還要好~~~~!

今晚要練舞...之後仲去唱k tim~~~又通頂lu~一等一壞孩子~哈哈~
魚旦好好人黎左cc陪我~哈哈~講埋d白痴野呀~~~
之後就行去家維村練舞啦...今日大家俾阿龜鬧....
不過我都認同佢既講法...我都要俾心機跳好d~~~
今日唔係企阿達隔離就衰左...唔記得晒d step...
warm up 做體能時又玩低b野...哈哈~
之後沖埋涼去食飯...同wingyee share~
仲竟然撞到阿富哥哥bor~~~~~~!
食完就同ka lok佢地走先...陪佢去左hall睇下有冇得reg. hall
d肥小姐staff d態度真係唔掂呀...之後就行返poly~

我就落尖東join番阿超佢地啦...
唱k~~~~~好好玩~~~~
飲酒....又醉左...好耐都未試過啦~上次係一年前...
其實我唔係成日飲...除非好熟既fd先會~
巧合的是每次見完好朋友就會飲醉酒...唔知點解bor~
每次醉左我都會打電話俾人先搞笑呀...但係我係冇印象自己講過咩(而且係check番record先知自己打俾邊個架...真係...有點不知所謂)
個個都有d醉意呀,特別係周x達啦...完全失控...笑到我地死咁滯...
唱到天光6點....先走...出發去飲茶~

(4/7to be continue....)

>>July 6, 2003 at 12:54:20 PM GMT+8

2003 年 7 月 2 日 星期三 【晴】

今日係好乖咁stay at home~
剩係落左街寄信同埋拎報紙ja...

lunch係食榴槤~哈哈~
聽日cathy li唔得閒...咁又唔知返唔返恆商好...
不過細佬峰打黎...叫我拎d相俾佢地做borad...
咁即係返啦...不過d時間唔知點咁...
要wait到7:30pm先跳舞...咁中間幾個鐘去邊好呢?
細佬峰講講下俾左個電話人聽...完全唔知想點呀!!!
又唔講自己係who,我問又唔應~!算...

今日又係打下機,睇下報紙雜誌咁又一日...
夜晚終於有我最鍾意既粟米湯飲...正~!

傻仔neth又打黎無聊左陣...哈哈~



>>July 5, 2003 at 1:55:50 PM GMT+8

2003 年 7 月 1 日 星期二 【晴】

今日又訓到10點幾...
俾人叫醒要去飲茶先起身ja...間野ok ga~
不過行好遠又要等好耐就唔係好抵啦~

阿朱打俾我呀...叫我去睇<左麟右李演唱會>...
哈哈,應承左佢去...果時又有d想返poly tim~
不過最後我係冇返到架...
睇左<足球小將road to 2002>第九期...勁㊣㊣bor~
真係好鍾意呀~~~~~~!
之後仲訓到夠鐘先出去~~~

哈哈,我有返poly...around 7:45pm...搵阿朱ma
點知又見埋阿忻同佢媽咪...咁就一齊行去紅館la...
我...真係好耐冇睇過演唱會lu...上次係[霆鋒]...係唔駛$$先去ja~
八點半開show..唱到11點9...都算係咁啦~抵睇...
我地係山頂既朋友~哈哈~
李克勤真係㊣㊣㊣㊣㊣呀~~~~~~!★籃星海★勁靚...好彩我有帶相機ja~
阿朱同阿忻都變髮...我都想呀,不過未諗到點整呀~
佢地又問我買左ticket睇owen未...
唉...唔好提啦...唔通真係去訓街咩...算啦...絕望啦~!

睇完我又火車轉"忘命"小巴...
呢排晚晚都"忘命"咁滯...
似乎我愛上左"忘命"小巴lu...呵呵~



>>July 5, 2003 at 1:55:08 PM GMT+8

2003 年 6 月 30 日 星期一 【晴】

今朝訓到11點幾...不過訓得唔係咁好...

下午就出左旺角neway city唱k la~
禽獸聚會...本來冇諗過會咁齊人架...真係有d意外呀~
有我,suji,小傑,des,neth,toby
一走埋一齊就發癲啦...笑鬼死...
suji院長不愧為院長...句句精警...
41號房變左41樓..."同ruby同班"果句笑左5mins...

之後阿超打俾我...話食飯bor...咁我就走左lu...
同阿超+靚仔隊長食飯啦~哈哈~勁開心呀~!!!
雙妹嘜~~~~係無敵ga~
靚仔隊長請我地去左pizza huts~
傾左好多計~正!仲要係d秘密呀...哈哈~

隊長問我:呢半年有冇拍拖呀?
我(好肯定講):冇
阿超就話:真係乜都冇丫?最後都冇?
我(又好肯定答):係
我(補充講):我都係覺得自己可能同d大學朋友會溝通得好d~(((((笑)))))
隊長+阿超(異口同聲說):早就應該啦~!
我:係啦,知啦...呢期好開心呀...因為...好搞笑...hehehe
阿超:咁下次叫埋人一齊出黎玩啦...
我:好呀~~

似乎...我已經傻左~~~~哈哈


食完飯我地仲去左睇<千機變>tim~~~
套戲都幾無聊...可以笑下咁囉~
不過edison真係好靚仔呀~!

12點鬆d睇完...就返歸lu~

P.S.個個都抄人野呀...收版權架~
都話我d中文掂架啦..."和而不同"

p.p.s.今日發覺...唔拍拖有唔拍拖既好處~哈哈...少d煩惱~


凌晨一點...玩電腦...勁慶呀~!
好想搵果個可以TUM到我好開心既人傾計...
不過我冇打俾佢呀...因為我唔鍾意打電話俾人...幾唔開心都係咁~
只係SEND 左SMS話俾佢知我返唔到去...
sorry ya~阿達...
我真係想返去玩架...你叫我BOR...
我真係想同你玩...哈哈~會好開心...
不過...真係對唔住...



>>July 5, 2003 at 1:57:06 PM GMT+8

2003 年 6 月 29 日 星期日 【晴】

尋晚好好訓bor~唔知點解...可能係心情靚既關係啦~!
不過其實都有d野...um...應該祗係朋友既關心囉...
我諗如果係你識既人受傷...都應該了解下發生咩事ga~
所以尋晚...係...冇野~哈哈哈(開始有d唔明自己講咩)

我細妹話尋晚發左個夢..哈哈哈..佢撞車撞死左呀..
而佢係坐我架車嫁..哈哈哈..我都死埋呀..
痴線~!

今朝訓到12點先起身...
等埋阿柯先出去彩虹道支持mays~
仲有小燕...我地好落力咁打氣架~!
阿斌復出係應該去睇下ga~佢既表現都算係咁架啦~竟然追快攻...
不過唔知阿四係咪太掛住阿斌...球球都撲埋去..攬到實
大威又冇左隻腳...阿邦就打完波先黎...教練又賴對腳冇力...得甲由ok d ja
仲有明日之星誕生..."啟華"...兩度射入香港首席門將阿jack守既龍門...
今日仲見到黃志華..好慘呀佢...拍死肥仔...對隊d人又冇品wor

如果我隊mays抽到籤...我地真係贏啦..宜家冇得打..好冇癮!

今日曬到隻狗咁...可能真係太累...
睇完波就死返屋企...仲o係sofa訓到食飯...先俾人叫醒~
之後又睇<爆米花>...又一日啦
今晚終於係o係屋企食飯啦~

今晚icq好忙...好多人同我傾計呀~哈哈哈
有d人又笑死我啦...d人真係可愛到死啦...哈哈哈~
點解男仔會話自己可愛架...先唔掂呀~!可愛應該形容我~唔係你呀~哈哈哈
"滑稽"可以形容你bor~哈哈哈...如果唔係...我又點會見到你就係咁笑呢~


>>July 2, 2003 at 5:40:23 PM GMT+8

2003 年 6 月 28 日 星期六 【陰】

今朝又俾電話嘈醒...激死人呀~!
睇左edison做封面既雜誌...
upload埋個homepage...其實仲有好多野想整落去架...
不過都upload左先啦~haha~回響都唔錯bor~
多謝小傑,catherine,des,sam既讚賞~
又食tea...蜜糖雞翼+沙拉...
睇埋<足球小將>先出門口...

又返hall練舞呀~very tired ya~~~
不過好好玩呀...同d helper 都幾岩玩~~~~掂!
不過好多都唔識ga~~~~係完全未見過果隻...有d擔心呀~
今日我地幾個都有進步呀...哈哈~
練習期間又係咁笑lor...跟住阿達跳...佢掩護我~haha

跳完就沖涼去食飯...hall宜家有花灑啦...勁正...
去左海皇粥店...諗左好耐食咩...想食芝麻糊...點知收銀auntie話未有...
咁我就叫蝦米腸+豆漿...點知...有人勁想食芝麻糊...去左問廚房d哥哥
哥哥話有熱芝麻糊...不過我已經買左飛...
不過我都有芝麻糊食,因為有人分左一半俾我囉~
我地叫阿虎食...佢竟然唔食wor...自己去買...點知賣晒~哈哈
最後都係食左我地食剩既芝麻糊...哈哈哈

之後就搭車返屋企...
火車去旺角轉通頂小巴=超快~!
有人話俾$20蚊我打的...呃人呀~!
好曳呀...差我$20呀你~!

果個有人咪阿達囉~!

今日我有帶遮就冇雨落~頂~



>>June 30, 2003 at 11:47:42 AM GMT+8

2003 年 6 月 27 日 星期五 【雨】

今朝俾電話嘈醒左...係gloria...咁就訓唔返起左身...
好痛呀周身都...膝蓋瘀左...頸同腰勁痛...

打左電話問阿柯駛唔駛練波...風雨不改wor~
我同小燕講既時候仲加多句不見不散tim~哈哈

今日整homepage呀...就黎搞掂啦...食左下午茶...

等練波...媽媽返左黎,爸爸都返埋黎先出去...
佢地終於見到我啦...好耐冇見...
我又唔記得帶key...之前去買野食返home時又唔記得拎key...插左o係道門到...正白痴
老人痴呆情況愈來愈嚴重...

其實唔係太想去練..因為成個星期都唔o係屋企食飯...
但係教練為左我改時間...唔去好衰女ga~
朱敬文班死仔又o係到一齊練...笑死...
撇除某d因素...今日練波都ok ga~

之後又成班去食飯...
同小燕share個炒豬扒公仔麵...
勁抵死...食食下落大雨...即刻由室外搬入室內...

之後仲成班行去松記食糖水...
好飽呀~!食左芒果黑珍珠...
之後阿柯勁爛賭...去打牌...
我就唯有自己搭車返屋企啦~


好開心呀...同左靚仔隊長講左陣電話...終於可以有信任既人share呢單野~
thz you support me ya~!不過我把聲...好難聽呀...又沙晒...

仲玩左陣icq...哈哈~搞笑呀...竟然有人肯洗碗..."了"人住hall~~~
搞到我真係有d心動想住呀...不過到時你都未必有時間同我玩啦...

>>June 30, 2003 at 11:49:18 AM GMT+8