2006 年 8 月 29 日 星期二 【晴】

一切有為法，皆悉歸無常。
佛陀

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身返工
成朝係咁咳
同埋喉嚨痕
辛苦

做完最後一份 report
呢個暑假做左 11 份 report
勤力過平時返學
不過除左做 BUC 之外少理其他野, 可惜
但係至少知多左電腦軟件既應用
都係一件好事黎既

晏晝成班人 farewell 我地三個就走既人
去酒樓食飯
原先諗住夜晚食架
不過有人唔得閒, 改響晏晝 farewell

等位等左半個鐘
明明預訂左檯都可以等咁耐
仲要等到門口剩係得番我地幾個人
咁下次連檯都唔使訂就咁衝入去都得啦

不過都無下次架咯

食完飯, 1430 先返公司
無所事事
唯一做左既就係 Taber 叫我幫佢釘裝三份 Tender Document
然後送去銅記

1545 離開公司
1615 完成任務
當然唔會返回公司啦
直接走左去奧海城買戲飛同 Konnie 睇戲

1920 睇戲
Konnie 黎到都只係 1745
食完野周圍行
好似消費左好多野

行左好耐
卒之等到入場睇《Death Note》
響無睇過漫畫既情況之下, 都已經算係咁上下架啦
不過我諗漫畫會遠比戲精彩

睇完戲出番商場
居然見到唐文龍
無我想像中咁高大威猛
加上佢果 D 演技
令我開始明白佢點解紅唔起

送 Konnie 歸家
2345 先離開
0030 返到屋企
聽日 Last Day 了

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
全球首富比爾 - 蓋茨到底有多富？

1、
假如蓋茨掉了1000美元，他才懶得去撿
因為他去撿要花掉四秒鐘，這一彎腰他已賺回1000美元；

2、
美國的國家債務約56200億美元，如果由蓋茨來還，他能在少於10年內償還美國的債務；

3、
如果蓋茨將錢捐給地球上每個人15美元，到頭來，他還剩下500萬美元的零用錢；

4、
米高 - 佐敦是美國收入最高的運動員
如果他不喝不吃，將3000萬美元的年收入存起來
他必須存上277年，才能像蓋茨現在這樣有錢；

5、
假如蓋茨是一個國家，他將是地球上第37個最富有的國家
或是美國第13家大公司，甚至比 IBM 還大；

6、
如果將蓋茨所有的錢換成一美元，你可以建一條路連接地球和月亮，來回14次
但你必須用1400年不停地建造這條路，而且用713架B747飛機來運這些錢；

7、
蓋茨今年45歲，假設他能再活35年
他必須每天花678萬美元，才能在上天堂前花完他所有的錢；

8、
不過如果微軟視窗的用戶每次在電腦死機時可以向蓋茨索賠1美元，蓋茨會在三年內破產。

>>August 30, 2006 at 6:00:07 PM GMT+8

2006 年 8 月 28 日 星期一 【晴】

人類有一個暴君，那就是蒙昧。
盧梭

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
首先問大家一個問題

如果你係女仔，有一日有個男仔：

1. 突然包起間戲院同你睇戲
2. 知你鍾意食一樣係香港冇得買既野食，特登搵人飛去外地買返黎香港俾你食
3. 突然係你屋企樓下接你

唔知你會唔會lum到爆呢？

──────────────────────────
除左第三個係常人可行之餘而有效果（儘管效果唔太大）之外
其餘方法不敢茍同
應該咁講, 如果有個女仔真係會覺得頭兩樣係好既話
而出發點係因為佢對自己所花費的財力
呢 D 女仔係唔係值得娶既？？

頭果兩樣, 在我眼中唔係細心 / 有心思
而係豪奢 + 炫耀自己既本錢
尤其係第一個
包場根本就無意義
如果佢有後續手段既就另計（譬如會播一段佢同個女仔講野既片）
即係好似 D 人包起間餐廳, 都要有 D violin 伴奏 + 悠和燭光呀！

以下係 GLi 既寶貴意見：

「睇戲有以上橋段咪lum lor
　真實就好睇個男仔究竟同我有咩關係

　唔識既男仔第3會驚lor
　如果係追緊我既男仔第1同2會多謝佢份心意
　不過會小心衡量係咩意圖, 同埋佢人品
　係咪為左溝女先不擇手段定 / 本身係1個洗腳唔抹腳既人, etc.
　係男友ga話, 雖然都會開心, 我會希望佢知我唔係要呢d野

　總括黎講（就第1,2樣）, "lum"係指surprise開心ga話都會有d
　但係唔代表我認同鐘意佢既行為」

不過都係果句
如果個女仔鍾意你, 無論你做乜佢都會開心
相反, 佢唔鍾意你, 你做乜都無用

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
28-08-2006 日記補遺

翎欣晏晝打畀我
問我有冇興趣教琴
睇下時間表, 果段時間無堂上
不過詳情未定
容後再談

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身返工
今日人人有 site 出
大房除左我之外, 就幾乎一個人都無
不過呢 D 都係晏晝既事
朝早都唔係咁冷清既

晏晝同 Taber 去賓墟撐檯腳
返到公司無耐, Taber 同 Cody 都走埋
無王管既情況之下, 少不免會亂黎
除左瘋狂同人 MSN 之外, 就係一口氣將 PNAP 55 至 PNAP 245 print 出黎
用左兩疊 A4 紙

PNAP 全名 Practice Note for Authorized Persons and Registered Structural Engineers
到目前為止出到 PNAP 298
點解唔 print 晒出黎既原因有二：
1. 部 printer jam 紙
2. 望見疊野太大疊, 怕一陣會重死

用 MSN 約一食晚飯
仲撬得開保嬰丹把口講左陣野
臨別時份, 都唔會有 D 大事搵我做
做埋手上既「雄風」大廈就應該無
所以唔會咁快做完

放工一個人走
去到九龍塘地車站
坐響月台等一同漲黎
等等下發現唔對路
打去搵一, 原來佢地以為我響火車站月台......

去到沙田會合陳倫
一齊行去乞等位, 順便等 Tim 黎
佢隔左好耐先到
不過佢黎到都仲要等一輪先可以入內進食

食完野, 去滿記食糖水
食完各自歸家
同一行返屋企
行左去第一城買野飲, 然後折返富豪
由於早食完飯, 所以坐到 89X 離開沙田既時候都未過 0000
返到屋企都只係 0020

為左上面果段男性既行為
周圍搵人問到底畀著佢係當事人會有乜睇法
仲同鄧文蟹傾左一陣
佢宜家高又高過我（170cm）, 重又就黎重過我
仲要搬左去我附近（壁屋果頭既清水灣道）
話咁快佢就 17 歲
好似咁就過左好多年咯~~~~

好消息
wikipedia 卒之有人鏟走左我個名
著實感激肥仔既轉告
更感激鏟走我個名既人
畀人咁樣混淆視聽
實在對 wikipedia 內容既可信性信心大降

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
係醫院聽到就驚驚喇

1、哇，搞半天他是個男人！
2、我嘴裡的煙頭那裡去了？
3、拿斧子來！
4、聽說最近腎臟很值錢！
5、這跳動的是心臟還是肺！
6、著根腸子原本的位置在哪！
7、大家休息一下，再接著來做手術。
8、這個病人是什麼血型來著。
9、怎麼會停電了！
10、大家下班吧！
11、還要重新開刀，我的剪刀不見了！
12、怎樣劃的疤痕才好看呢？
13、喂，你從他肚子裡拿走了什麼東西？
14、快去拿書來，我忘了這個器官叫什麼！
15、算了，算了，湊和著縫上吧！
16、這傢伙只給100元紅包！
17、這刀怎麼這麼鈍，還要再劃一次！
18、不是吧，怎麼多了個器官，這器官放哪？
19、去拿塊豬皮來。
20、現在才2點，再混幾個小時就下班了。

>>August 29, 2006 at 6:27:37 PM GMT+8

2006 年 8 月 27 日 星期日 【晴】

沒有學習，就沒有進步。
奧斯特洛夫斯基

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身
今日無彈起身
亦無誤以為今日有得早放

時間過得好快
轉眼已經進入返工既倒數階段
第一日返工果陣好驚青
怕隨時會畀人炒

卒之完成左兩份積存已久既 report
朝早同 Benny 捧著兩大袋 report 過太子搵 AP 簽名
好重
去到先發現果度就係上次我幫人考牌果座大廈
真巧合

等 AP 同其他人傾完野先簽得完
不過都好, 因為望著出面落雨
我同 Benny 都無拎遮
畀 AP 留左咁耐, 至少可以當避雨

捧番堆 report 返公司
晏晝做「雄風」大廈
突然望到「金多寶」, 先發現原來係做中山裝果間野
呃我 $ 800 做件咁既質素既衫
等我搵多 D 佢既問題出黎, 抵番買衫錢
等佢賺得咁過癮呀啦！！！

持續努力做 report 至放工
返屋企, 睇書打機
輕輕鬆又一日
聽日好似都係差唔多

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Personal Question

A six-year-old girl asks her mother, - "Mommy, how old are you?"
The mother replies,
"Honey, that's a very personal question. You are not supposed to ask a woman her age."

Then she asks, - " How much do you weigh?"
The mother says,
"Honey, that is also a personal question. People don't want to be asked about their weight."

The girl goes on, - "Mommy, why did you and daddy get a divorce?"
The mother says, "That's a very sensitive subject. When you are older, I'll tell you."

The next day, the girl goes to the kindergarten and tells her friend about the conversation she had with her mother.
Her friend says, "That's easy!! Look at her driver's license. You can find all the information in there."

So the girl finds her mother's driver's license in her purse, looks at it for a while, smiles big, and runs to her mother.
"Mommy, mommy, I know how old you are! You are 32!
I know how much you weigh, too! You weigh 130 pounds!
And I also know why you got a divorce! You got an "F" in sex! "

>>August 28, 2006 at 4:10:19 PM GMT+8

2006 年 8 月 26 日 星期六 【晴】

只有正視自己的無知，才能擴大自己的知識。
馬辛斯基

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起左三次身
第一次係畀電話嚇醒
第二次係畀電話嘈醒
第三次自己彈醒

望下個鐘
0907！！！
好驚地彈起身
正當準備換衫之際, 突然記起今日係星期日
鬧左幾次自己發神經就繼續訓

連續三日都對掌握唔到當日既時間
星期五就以為係星期六
星期六就以為係星期五
星期日仲以為係星期五
-3-

訓醒
無乜野做
走去打番呢幾日既日記
打完就打機

全日都無所事事
但係好疲累
應該係返工返到有 D 神經緊張
真係發神經的

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
世界之最

世上最另人痛心的事
不是 Titanic 的沉沒
而是老 Rose 把那枚價值連城的「海洋之心」扔入了海底

世上最另人扼腕的事
不是被男友的拋棄
而是發現離去的男友投向了另一個男人的懷抱

世上最愜意的事
不是透過 Starbucks 的落地玻璃窗看著街外晰晰嚦嚦的小雨
而是在香氣四逸的咖啡旁放置著一疊別人為你寫好的論文

世上最爽的事
不是遇到了美眉
而是發覺我比美眉更美

世上最另人歎為觀止的事
不是有恐高症的人站在金茂88層大廳內鳥瞰地面
而是突然間窗外有個徒手爬上頂層的人在向你招手（未投保者不得倣傚）

世上最幸福的事
不是男友單腿跪下向你求婚
而是他手中著捧著一枚3克拉的鑽戒

世上最可惡的人
不是偷吃娃娃魚的人
而是吃了之後卻說那是豬肉的人

世界上最遙遠的距離
不是生離死別
而是我就站在你面前，你卻看不到。

世界上最痛苦的事
不是嘴裡叼根煙卻找不著打火機
而是打火機就在你手裡卻點不燃

世界上最憤怒的事
不是電話裡驚天動地的爭吵
而是當你想狠狠重重的將電話掛上時，你卻發現拿在手裡的是手機

世界上最糟糕的事
不是你十萬尿急的在高速公路上飆車
而是最後終於看到通往加油站的出口，你卻被警察攔下來了

世界上最倒楣的事
不是你忘了帶准考證
而是當你滿懷信心昂首闊步抵達考場，你卻發現你遲到了三天

世界上最悲哀的事
不是你親愛的人死了
而是你親愛的人把你殺死了

世界上最難吃的菜餚
不是不會煮菜的人不小心煮出來的
而是會煮菜的人故意煮出來的

世界上最常叫嚷自己好肥好肥的
不是胖子
而是已經瘦得皮包骨的馬子

世界上最醜的女人
不是東施
而是卸妝之後的西施

>>August 27, 2006 at 5:01:13 PM GMT+8

2006 年 8 月 25 日 星期五 【晴】

無知是偏見之母。
伏爾泰

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身就返工
尋日就成日以為尋日係星期六
今日真係星期六, 又成日以為自己 1800 先走得
=3=

今朝搵左條褲著
條褲唔多合身, 但係無時間換
著得幾唔舒服
好似我真係肥左好多咁

響 1300 之前做唔完工業大廈
返屋企, 打左陣機, 訓左陣覺
1830 起身
匆匆換衫出門口

1900 去到沙田
同陳倫響小巴黎會合
一間無位, 另一間執左
結果都係要去 Great Fun 食

食完就入進場
聽完陳倫走先
我等到 Konnie 換完衫就走
送佢返屋企

0100 先返到屋企

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
When flying with Caf讜 Pathetic Airways（ZX）......（2）

為左你旅途愉快，記住以下一D貼士
（copyright http://www.xanga.com/CXsucks/523214353/when-flying-with-cafe-pathetic-airways2.html）

What to expect？
1.
空中桑拿服務

由於油價不斷上升，航空公司為節省開支，將維修檢查要求水準和次數降低
因此冷氣系統不時失靈。
乘客即時變為燒賣或牛肉，在引擎噴入客艙「空調」的熱空氣之中「乾蒸」。

2.
證件簽證 NotiFAIL 服務

Check in 既時候，航空公司地勤職員會先檢查乘客是否有合資格旅遊證件或簽證。
她們會有本事在未詢問目的地海關入境部門前
率先告訴你本應有效的簽證「並不能在目的地入境」，並責罵乘客。
與有關部門查證後，發覺原來她們並沒有權力私下自把自為地「宣佈證件無效」，便裝作若無其事。
（Nehmo，2005）

3.
引擎煙火表演

飛機引擎需要燃料，而燃料當然就是要燃燒的。
為了證明航空公司用的是真材實料，引擎會噴火噴煙給你看。
但此服務僅限於幸運乘客才可看得到。
為免其他乘客投訴看不到噴火 show，批評不公平
航空公司是不會承認有引擎煙火show這回事。

4.
發自內心的服務（Service Straight From the Heart，SSFTH）

所有員工只會依照當時的心情提供服務。
黑面，怒罵，不瞅不睬，喜怒形於色，不做作，不強顏歡笑。
真真正正發自內心的服務。

5.
極速收杯服務

當你喝完飲料，空中服務員不會主動詢問是否想喝多些，而是極速收杯
讓你能更加享受客艙乾燥的環境。

6.
仙女散花表演

機翼上的擾流板 spoiler，會毫無徵兆的突然在半空中碎裂
碎片在四萬呎高空上散落到太平洋海上，蔚為奇觀。

7.
五星級價錢

香港人公事繁忙，貨比三家，價比五家的資訊成本（Information Cost）極高。
在「平野冇好」的定律下，價錢成為了質素的同義詞。
價格越高，名義質素（nominal quality）越高
（注意：nominalquality高與實質質素real quality沒有必然關係）。
航空公司特別將價錢定在高水平，就是為了減輕乘客付出Information Cost去尋找好的航空公司。

8.
催眠服務

在機上，空中服務員使用廣播系統，不斷透過你的耳朵
宣傳自己的航空公司榮獲「年度航空公司大獎」（Airline of the Year），「慌死你唔知」
儘管每年的頒獎機構不同，2005年為 Skytrax，2006年為野雞Air Transport World。
但航空公司成功催眠顧客，令大部分人以為Caf讜 Pathetic Airways「連續兩年」獲得「同一個」獎項。
因此，我頒發「Airline of the Ear」大獎予Caf讜 Pathetic Airways
表揚他們成功透過利用乘客的耳朵來達到擾亂視聽之目的。

9.
香港第一扒房

香港人，特別是男性，很喜愛談論豬扒。
男士們閒談，豬扒前豬扒後，不停地說
有見及此，航空公司特別成立了一扒房，豬扒無限量供應，滿足香港男士們的喜好。

10.
盡責機長

飛機輪胎少了20磅氣，機身降低了，在紐西蘭起飛後機尾擦地
在不知損毀嚴重程度下，新官上任三把火的本地華人機長，決定遵照基地營運部門的指令
冒著飛機空中解體爆炸的危險直飛香港，準時把乘客送到目的
讓他們接機的親友不用擔憂，亦讓轉機的乘客能夠趕及轉乘飛往歐美的航班。

11.
古董飛機「話當年」

為令乘客「想當年」，航空公司不斷引入二手飛機
以保持機隊平均年齡較亞太區其他競爭對手（如新航）高。
新航「公司如其名」，只用「新」飛機
不惜trade in用了數年的AirbusA340-300給波音，換購新的777客機。
而Caf讜 Pathetic Airways就「」執二攤「」使用這些新航棄用的A340-300。
近年，新航退役的Boeing747-400亦開始尋求買家
這些買家主要是二三線航空公司，如Cafe Pathetic Airways及AirIndia等
就是購入這些退役機的主要顧客。

為慶祝航空公司進入60歲退休之齡，空中小姐們都穿起已退休的舊制服上班
而公司更斥資買下已退休的舊飛機DC-3「Nikki」
為公司的老化，以及對香港的社會及未來作出裹足不前的倒退承擔。

12.
專人押解服務

Gucci袋價值連城，比佛指舍利等國寶更重要
因此不能空運，必需由警方押解下機。

13.
Now you're really flying

電視廣告話比我地知，原來搭其他Airlines，原來唔係flying來的
只有 Caf讜 Pathetic先至係真實地飛行（REALly flying）。

***********************************************************
What NOT to expect？

1.
我尖叫（I Scream）

電視廣告看到一可愛小女孩，不斷尖叫，問問題，然後獲得雪糕獎勵。
不錯的說，正如樓盤廣告，香港的高尚住宅廣告內竟然有澳洲悉尼歌劇院，盡是西人白人
任何正常人皆知買了該棟座落在香港的豪宅並不會看到悉尼歌劇院，除非是超級海市蜃樓。
即使是超級海市蜃樓，可以在香港看到悉尼歌劇院，那仍是虛幻的，不是真實存在的。

假如你有錢，買了，你打開窗看不到廣告中的悉尼歌劇院，巴黎鐵塔
而是看到住在咫尺之隔，對面的那個肥婆晾曬胸罩
那是你的無知，不能告發展商貨不對辦。
他們賣的是樓，不是view。

同樣地，廣告是虛幻，賣的是I Scream，不是IceCream，不要弄錯。
航空公司賣的是Scream，賣的是刺激的服務
在三萬七千呎高空上，坐在價值數十億港元的飛機玩「過山車」，實在超值。

緊記聽到廣播──
「各位乘客，航機現正經過一段不穩定既氣流
　請各位乘客盡快返回座位，並將安全帶扣上及尖叫，多謝合作」
便一起Scream！

至於Ice Cream，是海市蜃樓，如八萬五一樣，沒提，就已經不存在了。

2.
五星級服務

付了五星級價錢，不代表能夠享受五星級的質素。
因為你所付的，是三等艙的五星級價錢，所以依然只有三星級服務。
You pay MORE than what you get。

3.
自主 Studio

Caf讜 Pathetic 令眾人明白「Studio」一字，並不代表 Studio 擁有者是有權操控。
假如Warner Brothers或狐狸 Fox 買了一座Studio CX回來
發現原來連Play Pause Rewind Fast Forward皆不能時，肯定氣得爆血管。

4.
熱水杯麵

飛機上熱水有限，如果你剛好與杯麵黨一起爭取杯麵時，你的杯麵會是用冷水泡的。

5.
有汽汽水

為安全起見，在高空低艙壓中汽水不會膨脹爆炸
Cafe Pathetic的汽水並不是使用鋁罐裝，而是使用有彈性而含氣較少的膠樽裝
每樽約1L，每次斟100mL左右。
每次開樽蓋時皆洩氣，因此派餐派到你的時候，如之前八個人均已選飲可樂
你便只可飲剩下洩了汽的可樂。

6.
蒜蓉包

蒜蓉使口氣問題惡化，在經濟客艙擠逼的環境中，實在不適宜食用
因此蒜蓉包僅在座位較疏落，空氣較流通的商務艙或頭等艙供應。
而經濟客艙則提供可供恐怖份子扑穿頭的石頭麵包。

7.
「It's the little thing were member」（「即使睇黎微不足道，我地都會為您用心做好」）

那句口號的真正版本其實是「即使睇黎微不足道，我地都會激到您嘔泡」。

8.
會比起英美航空公司安全

Cafe Pathetic最大的股東仍是「太鼓集團」，即是仍然是英資的。
很不幸，港資 / 中資的本港第二大航空公司，龍肉航空公司已被鯊魚吞吃掉
CEO士丹利黯然辭職歸故里。

9.
Online買票能選座位

雖然Cafe Pathetic上網買票可預選座位
但90%以上的座位，以及99%以上的好座位，都給電腦「block」掉，不能選。
能選與不能選，可說是沒分別。

10.
Asiamiles 能夠換到心儀目的地機票

心儀目的地永遠搶手，你想換，人人都想換。
Cafe Pathetic想要你的金錢，多於你的里數，因此供里數換領的機票極為有限
而且不到最後一分鐘，都不能確認是否有機位
你耐性不好，等不及他們回覆，而付了錢，便上了當。
他們最想你的里數過期，那時他們年報上的「Statement of Financial Position」中
「Liabilities」下的「Provisions」數額便可減少一筆。

>>October 8, 2006 at 5:30:00 AM GMT+8

2006 年 8 月 24 日 星期四 【晴】

越是接近真理，便愈加發現真理的迷人。
拉美特利

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身返工
無遲到， 但係趕餐死
經常以為今日係星期六
仲成日諗住我 1300 可以走得
=3=

照樣做 report
除左繼續做「雄風」大廈之外
仲可以做工業大廈既補相
可以著手清左呢份放左好耐既 report

晏晝無乜人出街食飯
於是叫外賣
叫左個唔好食既咖喱吉列豬扒飯
好快就放棄左

放工前先僅僅貼完「雄風」大廈既相
之後既野應該可以好快做完
單單係唔需要既相已經有兩筒菲林
真可怕

一叫左我好耐， 話叫我同肥仔幫佢手搬屋
之前佢搬入星街既時候， 我都有幫佢搬
由於見佢宿舍既雜物同我幫佢手搬果時無乜分別
諗住今次既任務會好快 + 好順利地完成
從容應承左佢
點知......

好快就由長沙灣去到金鐘
會合肥仔， 一齊去大古廣場行
除左睇鞋之外， 居然走左去睇紅酒
仲拎左人地一張有關邊年乜野酒先好既資料睇

會合一 + 佢既同事兩位
一個係上海姐姐， 另一個係雄性（唔記得名）
行去一既宿
計劃完點搬就開始搬遷行動

搬既野唔算好重
最大既問題有二：
1。 盒邊唔夠平滑， 令搬既時候好痛
2。 一既新宿舍響五樓
3。 好肚餓......

行左兩轉先搬完一既野
響佢新宿舍勾留左陣
幾似一人公寓
不過真係好細， 比我間屋仲要細
個人認為不太舒適

搬完已經一身汗
不過響充滿冷氣既房內好快就乾左
乾左兩次， 休息多陣就輪到幫上海姐姐搬
同時亦係惡夢既開始

五大袋重到傻既紅白藍膠袋 + 無數林林總總既小袋
三個年輕力壯既雄性動物搬到汗出如漿
好彩上海姐姐住二樓， 唔似一住五樓咁高
都尚可用餓到震既身軀持續搬野既行動

卒之搬完
疲乏 + 肚餓
行左去佢地宿舍附近既名苑食
一同上海姐姐夾份請
幾好食， 但係份量就......
食完仲餓左 =3=

結果肚到幾乎行唔郁
搭住一， 佢地陪我走左去飲野
不過唔係落 pub（儘管佢地想）， 而係去左牡
極速鯨吞左一個餐
稍舒飢火

響牡五個人講野
基本上一係我識既人裏面最「濫交」既人
佢可以將佢所識既人混埋一齊識
好似可以令我熟佢 D 同學多過自己同學
所以佢既朋友範圍可謂廣泛之極
無愧佢「淫萬」既美譽

提起佢呢個美譽既原因係：
是日， 肥仔將佢呢個美譽介紹畀佢同事識
而佢呢個美譽之後會有幾多個佢既同事知道
就不得而知啦

講到 0200 先走
同肥仔坐小巴過旺角
再自己坐小巴返屋企
0400 先進入夢鄉

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
When flying with Cafe Pathetic Airways （ZX）......

為左你旅途愉快，記住以下一 D 貼士
（copyright http://www.xanga.com/CXsucks/523214015/when-flying-with-cafe-pathetic-airways.html）

1.
唔好叫停路過既空中小姐要求服務
因為佢地唔鐘意行行下比人截停，永遠唔能夠一口氣由機頭行到機尾（or vice versa）。
佢地唔會 appreciate 你呢種方法係會避免左 rule 2 & 3 既情況。

2.
唔好走去廚房度，揭開佢地塊布，話想要野。
佢地覺得你侵犯佢地「私人空間」。
我諗你都唔想見到佢地撩緊鼻屎個樣......right？

3.
唔好按Call Button
佢地唔鐘意叮叮噹噹係咁響，亦唔鐘意佢地做緊野時突然比你interrupt，要行去serve你
（而行去你個位既途中又會遇到rule 1既情況）。

4.
岩岩起左飛，唔好要空中小姐做野，因為佢地要預備 Nuts & Juice。

5.
食完 nuts and juice，唔唔好要空中小姐做野，因為佢地要收杯及垃圾。

6.
收左杯及垃圾，唔好要空中小姐做野，因為佢地要加熱 main course。

7.
自己記住 main course 有乜 choice，主動開聲，唔好要空中小姐講野
因為佢地之前已經每人問左不下兩次「chicken or fish」，或者「rice or noodle」？
（will further elaborated on this topic）。

8.
派左正餐之後，唔好要空中小姐做野，因為佢地要預備 tea & coffee。

9.
斟左 Coffee or Tea 比你，要極速由佢地個盤上面拿走你杯野
唔好係上面慢慢拿／加Sugar／cream，唔好要空中小姐隻手痺。

10.
食完野，唔好要空中小姐收你個tray。
生有時，死有時。派餐有時，收盤有時。
因為佢地要趁你有個tray塞住你在座位，走唔到出黎既時候，洗toilet比你用。

11.
收完野，唔好要空中小姐做野
佢地好唔得閒，要壓縮垃圾，又要自己開餐，爭食頭等商務艙食唔晒既高級野。

12.
當客艙開始回復平靜，多數人開始入睡，唔好以為空中小姐會得閒serve你。
佢地趕住輪班休息。

13.
任何時間唔好要杯麵，雪糕。
你一要，其他人見到/聞到，跟住個個都要，空中小姐就有排煩。
佢地最憎杯麵黨雪糕黨。

14.
你眼訓唔想食正餐，唔好旨意訓醒之後有得食番。
空中小姐會用鄙視既眼神，告訴你：
「頭先比你又唔食，而家收晒爐冇野食你就要食，麻X煩。」

15.
如果同空中小姐有過爭吵，而之後serve你既橙汁有泡，或稱Orangejuiccino
小心入面有瀉藥（即時排毒）or止瀉藥（幾日內排毒不能）。

16.
如果因為某D情況下，航空公司送左inflight duty free既shopping voucher現金券比你，唔好用。
你用voucher買野，空中小姐冇commission收，白忙一餐，佢唔會多謝你，亦唔會感激你。
只會埋怨你算盡張voucher，都唔肯比多少少錢等佢有番少少commission濕腳。
一路做你生意一路黑你面。

17.
排隊等廁所既話，寧願企在機翼上面等，都唔好企在通道上面等。
阻住空中大小姐行過，會鬧你的。

18.
練好英語。
當你用中文（廣東話or普通話）問空中小姐一D佢地覺得低能無理既問題
佢地既nicam系統會間歇性失靈，只懂英語。

19.
唔好以為你係客，空中小姐係serve你。
佢地同你一樣，都係期待緊去東京shopping，去巴黎掃LV。
在空中小姐既眼中，你同佢地係平等的（if not你低等過佢地的話）。

20.
唔好要空中小姐幫你將行李放上overhead compartment。
空中小姐弱不禁風，陣間佢扭親隻腳你就養佢一世。
Inflight baggage亦唔好係名牌，你都唔想做第二個Gucci小姐／先生，係咪？

***************************************************
點餐技巧

a.
記熟 main course，清楚知道自己想要既 main course 既配搭係點樣。
因為：

b.
大部分人（包括空中小姐）既preference都係一致
舉例：chicken > fish，rice > potato > pasta / noodle，salmon > chicken等。

c.
如rule19，佢地覺得佢地重要過你，佢地都有自己既preference，而通常都同你一樣.：
（i）唔貴唔食
（ii）唔好食唔食

d.
基於以上原因，空中小姐會同你有conflict of interest。
因此，佢會言論上引導你去選佢唔想要既 choice。

e.
例如今日既 choice 有 chicken noodle同埋beef rice，而佢又想要chicken
佢就會問「rice or noodle？」。
因為多人 prefer rice，所以佢就會得到佢鐘意既 chicken noodle。

f.
例如 chicken pasta 同埋 salmon rice，佢想要salmon
但佢亦知道你一聽到 Salmon 就會要 salmon
所以佢會問「Chicken or fish？」而唔係「rice or pasta」
飛機餐既魚因為經過處理，一般都係比較鞋，唔好食
多數人會 prefer chicken in that case。
咁樣佢地就可以 preserve 到佢地鐘意既 Salmon 自己食。

>>October 8, 2006 at 5:29:30 AM GMT+8

2006 年 8 月 23 日 星期三 【寒冷】

害怕錯誤，即是害怕真理。
黑格爾

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
經過一連兩日既疲累
卒之今日訓到唔知醒
起身望錶
搭九啦！！！！

好匆忙咁起身換衫
但係搵左陣就望多次個鐘
0745......

再訓
0815 再起身
最後都係逃唔過遲到既命運
-3-

又係對住「雄風」大廈
對左一朝, 進展不大
不過都無乜分心做其他野
都算係咁架啦

下晝同 Alex 出去補相
響「荔園」遇到障礙
看更不見了
去附近牡等左陣再去
其後由清潔工人講我地知佢放假
-3-

坐 27 號歸家
返到屋企無乜野做
打機, 食飯, 打機, 打日記

如果唔係肥仔, 我都唔知我畀人擺上檯
詳情請瀏覽以下網頁：
http://en.wikipedia.org/wiki/Diocesan_Boys%27_School#Notable_alumni
我都係宜家先知自己係Zhongruan maestro, composer and conductor......
仲要同孫中山先生屬於同一等既 DB 舊生
完全無奈

最無奈既係想搵呢位打上去既幕後黑手都無線索
事關肥仔話唔係佢做
而響我日常生活中, 最得閒 + 最無聊 + 最鍾意做無聊野既就係佢
唯有期望有人可以話我知.....

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
冥皇星降級　太陽系剩八行星

國際天文學聯合會大會投票決定，將冥皇星降級為「矮行星」，剔出行星之列，
今後太陽系只得八大行星。

來自八十多個國家的天文學家在布拉格召開國際天文學會，決定太陽系中行星的數量。

最新的草案將行星定義範圍限制在太陽系之內，
規定「行星」指的是圍繞太陽運轉、自身引力足以剋服其剛體力而使天體呈圓球狀、
並且能夠清除其軌道附近其他物體的天體。
這些天體包括水星、金星、地球、火星、木星、土星、天王星和海王星，
但同樣具有足夠質量、呈圓球形，但不能清除其軌道附近其他物體的冥王星，
就被剔出行星之列，降級為「矮行星」。

太陽系就只剩下八大行星

會議還表決是否在八大行星前面加上「經典」這個詞，
即是１９００年前發現的八顆行星就被稱為「經典行星」，
冥王星、谷神星、原先被認為是冥王星衛星的卡戎
和一顆暫時編號為２００３ＵＢ３１３的天體就被稱為「矮行星」。
「矮行星」也是行星，意味太陽系的行星會增加到十二顆，但這一建議被否決。
太陽系最終確認只有八顆行星。

>>August 24, 2006 at 4:04:24 PM GMT+8

2006 年 8 月 22 日 星期二 【晴】

求學要如金字塔，要能博大要能高。
胡適

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身就返工
理論上可以照 copy 番尋日日記既頭 4 段
除左一樣野：
今日我係幫 Konnie reg. 科

reg. 完就做 report
又係對住份 report 發呆
唯一慶幸既係有《龍珠》陪我
是日斯路遊戲完結後 7 年開始, 一直睇到完為止

明明尋日先睇緊斯路半完全體
點解今日會由斯路遊戲完開始睇？？
理由好簡單
就係果個網無左中間果段
=.=

睇完, 無乜野好做
當然, 「雄風」大廈既相仲係支離破碎
靜靜等放工返屋企

好疲累
好早就訓左
訓醒, 起一起身
然後再訓落床再訓

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
相信五十年後，大家說自己的地址時，會出現這情形：

「我住在『君臨天下』。」
「是嗎？我是住在『至尊無敵』。」
「但我覺得『石破天驚』比較好住。」

─────────────────────────
現時樓宇名稱︰
御皇廷、君臨天下、君匯港、一號銀海、都會馬尺、擎天半島、凱旋門

估計未來樓宇名稱︰
紫禁之顛、長城半島、華山之顛、桃花園、巴別塔、
霸王硬上莊、香港正義花園、酷園、闔家富貴、
妙手仁心、畢舉山一號、稱霸山莊、大東亞共榮圈、強者之家、八劍山莊、
真流星蝴蝶園、風雲再起、新一室、東方不敗樓、皇者之風閣、
大學莊、義莊、皇者之風、雄峰、馬上峰、男子漢新村、
藏春閣、稱霸山莊、龍虎豹別墅......

建議名稱：
隱形山莊、宋皇臺、盧冠廷、失樂園、黃灝峰、張宇軒......

>>August 24, 2006 at 3:17:40 PM GMT+8

2006 年 8 月 21 日 星期一 【晴】

真學問之問，非問難之問，乃問路之問。
唐君毅

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
晨咁早起身
今朝要好早返公司
唔使因為要表現自己既勤力
而係因為今日要 reg. 科

比預算既 0730 遲左 45 分鐘起身
匆匆出門口
行落屋企樓下既大樓梯既時候居然小腿抽筋
一拐一拐的行去地車站

返到公司
得 Charles 一個
做左全公司第二早返既人
可怕

萬般周全既情況之下
0900 開始 reg. 科
打左 15 個數字
按一按「submit」
0900 完成

完成埋尋日爭少少既 report 之後
正式開始我既惡夢
「雄風」大廈令我毫無頭緒
好彩有《龍珠》助我舒緩情緒

是日既工作係做「雄風」大廈 report
Taber 映既相 + 謙 mark 既圖
呢對完美既組合成功令我多次響公司暴走！！！
Taber 係人像攝影專家, 謙就係師從 20 世紀法國印象派既畫家
兩個人既心血結晶, 卒之令我坐響度努力發呆左一日

是日既《龍珠》旅程
由比達黎到地球, 直至斯路變成半完全體
不過無論悟空畀人打左幾多拳, 放過幾多個對手
都無法改變我對住二百幾張相既無奈
=3=

臨收工 Eric 打畀我
佢話幫 PCCW 問可唔可以問 DB 借大鑼用
本人當然話唔到事
於是要打畀馬太初, 留左個言等佢覆

放工就坐地車至九龍塘
打畀 Tim, 佢居然話已經返左屋企
仲叫我買野上佢屋企, 同佢 + 伯母一齊開飯
順理成章地坐到大圍, 轉馬鐵至沙田圍

轉車前, 響大圍站某店舖同一傾電話
邊傾邊揀衫買衫
$ 19 一件 T-shirt
抵買之餘, 仲可以順便同一慶祝佢 D 恤衫畀洗衣店污辱
其中一件仲要係 Hugo Boss

好似話佢連底褲都染埋色
不過佢死都唔肯畀我睇, 但係就肯畀我著
-3-

去到沙田圍
Tim 電話指引我去邨內 7 仔等佢
然後佢帶我去麵包店買野畀自己食（臨食飯都要買零食, 抵佢肥！）
再去牡買野畀我自己食
再上佢屋企

開左 D「牡食」食左陣（Tim 仲要搶我 D 薯條食, 抵佢肥！！）
等左一陣佢同伯母就開飯
一張檯, 兩個食飯 + 一個食牡
好奇怪

飯後同佢吹水
吹到 2100 就走
其間馬太初打畀我, 同佢講完情況就同 Eric 匯報
叫佢兩個直接對話

坐馬鐵至馬鞍山站
按記憶行去烏溪沙青年新村
邊係荒島呀！擺明係市區啦～～～～

接 Konnie 去馬鐵站
坐火車到九龍塘站
然後各自歸家

返到屋企, 一個人都無
等到屋企人黎到屋企, 已經係無線晚間新聞時間咯
是日不但可以早歸家
仲可以響 0000 前打完日記
抵讚

聽日要幫 Konnie reg. 科

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
24個經典廢話

1.
天才只會話人地白痴，白痴只會話自己天才。

2.
唔好急，最緊要快。

3.
警察：「咪郁，舉手」
犯人：「阿sir，我舉手就會郁架啦喎，唔郁又點舉手呀」

4.
我生平最憎兩種人，一種係種族歧視的人，第二種係黑人

5.
樓下個看更：「咦？出街呀？」
住客：「落左樓唔通落黎同你傾計麼？」

6.
測驗分數既高低係唔緊要架，最緊要係唔好低分！

7.
第一，無速度！
第二，唔夠快！
第三，太慢喇！

8.
「顧客，你要先升級您的下載軟件，才能下載我們的升級軟件。」

9.
信我啦！依球波一係入一係就唔入。

10.
你唔好收左聲先講...

11.
邊位同學無返唔該你舉手。

12.
富貴於我如浮雲，浮雲於我如命根。

13.
拿，你而家首先may埋眼，跟住就望住我。再跟住就放鬆個人，然後就集中精神。

14.
你訓左未啊？訓著左就應下我啦。

15.
上堂前Miss用廣東話問：「有邊個唔識聽廣東話？」

16.
黃生您好，貴姓呀？

17.
下堂突擊測驗

18.
你唔好咁擔心啦。不過講真呀，有時遇到咁既事，俾我都會好擔心。

19.
一次考試，主考老師：「而家既時間仲有.....」
同學諗住有仲五分鐘，老師繼續講：「17秒。」

20.
你起左身，訓醒未？

21.
你訓覺之後會做乜？

22.
你可唔可以一路用個口透氣一路用個鼻吸氣呀？

23.
咁耐冇見，肥左又瘦左喎。

24.
其實如果你唔樣衰都幾靚架喎。

>>August 22, 2006 at 3:58:53 PM GMT+8

2006 年 8 月 20 日 星期日 【晴】

如果缺少了那份心動的感覺，那就算不上是戀愛了。
柴門文

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身返工
準時
但係如果聽日都係呢個時先返到公司就死
事關聽朝我要晨咁早趕 reg. 科

好悠閒地做 report
悠閒到可以一邊睇漫畫一邊做
仲要一口氣睇左十幾期
由孫悟空輸畀笛子魔王到比達剛到地球

有時都真係諗自己係咪出黎撈既......

做到 1800 就放工
仲爭少少先做完份 report
聽日拎完 D 補相就可以清多份
可惜聽日唔可以出 site
更可惜既係我聽日好似要去烏溪沙接 Konnie 放工

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
審判 1

律師：「當死者送到醫院的時候，你有沒有對他作詳細檢查或者治療？」
醫生：「沒有。」

律師：
「你沒有對死者作詳細檢查和治療，一眼就判定他死了。
　你認為這是一個醫生應該做的麼？請你回答！」

醫生：
「當送到死者來的時候，就只有他的身體，沒有頭顱。
　律師先生！如果這果這樣也要作詳細檢查才能判定他死去，那我就不幹醫生這行業好了！」

──────────────────────────────
審判 2

一位法律系學生到法院實習，審判一件殺人案。
佢指著兇器問疑犯：「你有冇見過這把刀嗎？？」
實習生反覆問疑犯，但係犯人都都話未見過。

退庭後，佢覺得自己唔夠嚴厲，缺乏威嚴。

於是，第二日開庭，佢扮到好憤怒既樣，拍住桌子問：「有冇見過呢把刀？」
疑犯答：「見過。」
實習生以為自己既威嚴發揮好有用，佢又問：「咩時間？咩地點？」
疑犯答：「琴日，呢到。」

──────────────────────────────
逃獄

阿偉逃獄，但係比獄警捉到
獄警就問佢：「你仲有一個月就放監，點解你而家要逃獄？
阿偉就答：「因為依度既伙食太差啦！」
獄警好嬲咁講：「一派胡言！」

阿偉就講：「你知唔知我用咩打爛圍牆？」
獄警就好奇：「用咩呀？」
阿偉答：「用早餐果塊方包囉！」

獄警就答：「監獄唔係得包食架o者~~」
阿偉就話：「咁你知唔知我用咩黎扑暈其他獄警？」
獄警問：「用咩呀？」
阿偉就答：「午餐豆腐火腩既豆腐。」

阿偉係依個時候，突然掙脫向獄警攻擊
獄警：「你...搵...乜...插...我...」
阿偉就答：「晚餐條豆豉鯪魚。」
獄警：「xzy*&*^%..」

>>August 21, 2006 at 3:18:34 PM GMT+8