2006 年 12 月 27 日 星期三 【晴】

重慶之旅第三日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
君子與君子以同道為朋，小人與小人以利為友。
歐陽修

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
約咗李嘉食午飯
午飯+吹水到佢去補習

之後返咗city同返緊工嘅同學仔傾計
本來諗住只係約實30號晚嘅時
點知吹咗近2小時水...佢地就騙咗$88糧

傾完去地鐵站集合
出發去燒烤
去咗白石俱樂部 ( http://www.whiteheadclub.com/ )
好凍好凍...
燒完去馬鞍山某處食糖水
跟住歸家

11時許返到
如廁中...電話響-.-|||

今日經常不自覺咁提起你...
快d返來啦~~~

btw, friend話friend(男)話覺得你好man
好有男人味.(褒㗎,唔係貶!)

konnie
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身食早餐
早餐食物日日如是
食完去講座
好留心咁聽, 仲抄埋 notes
平日上堂都無咁勤力
至少無遊魂同訓覺

聽完講座就返賓館食午餐
午餐無一開始咁豐富, 亦無一開始咁辣
唔辣, 仲係渝菜黎咩？？

飯後留守房內
吽到差唔多時間就落大堂
晏晝去三峽博物館
睇左兩套片, 一套係 360 度環迴螢幕遊三峽
不過睇既野宜家已經沉晒落江底了

另一套講重慶抗戰時期被日軍空襲
查實係燈光效果 + 音效 + 佈景板
飛機由黑影負責飾演
呃時間得很

再四周逛逛
到 1630 博物館準時閉館
響先進既 locker 拎番個袋就走
成日都落雨, 差 D 跣親

返賓館食晚飯
食完就返房休息
1930 過隔離大廈開交流晚會
畀重慶大學既學生同我地交流
玩遊戲同講下野

其中有個學生拉二胡《賽馬》
一聽就知麻麻, 不過到我地既「回禮」
──小提琴《Czardas》同鋼琴《奏鳴曲》同樣唔得
大家準備不足, 都算係咁架啦

MC 表演唱歌
幾好聽, 原來唔少學生都識唱廣東歌
只見男 MC 落力演出
我走上台送左個蘋果畀佢
無人送野畀女 MC
最後又係我送左支樽裝水畀佢

其後女 MC 行落台
遞左隻手畀我
我以為佢想同我握手, 就伸隻手過去
一握佢隻手, 佢就成個人轉左個圈
好似同我跳舞咁
嚇親

交流時間
捉左拉二胡同彈古箏既同學
佢地技術麻麻, 不過就夠熱心
即使只係得廿個人左右既樂團都好有熱誠咁玩

周圍同人講野
Poly Sharon 行左過黎
叫佢坐低一齊講野
發現佢之前話自己唔係好識聽普通話並非虛言
權充詞語翻譯
內地同學見狀, 用英文講
Sharon 同樣唔明, 呆倒

講到最後突然失聲
喉嚨講野講得太耐, 太乾了
返到房先知已經係 2300
使唔使交流咁耐呀......
沖涼執野, 睇左陣電視就訓

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Only In America

1. Only in America can a pizza get to your house faster than an ambulance.

2. Only in America are there handicap parking places in front of a skating rink.

3. Only in America do drugstores make the sick walk all the way to the back of the store to get their
prescriptions while healthy people can buy cigarettes at the front.

4. Only in America do people order double cheeseburgers, large fries, and a diet coke.

5. Only in America do banks leave both doors open and then chain the pens to the counters.

6. Only in America do we leave cars worth thousands of dollars in the driveway and put our useless
junk in the garage.

7. Only in America do we use answering machines to screen calls and then have call waiting so we
won't miss a call from someone we didn't want to talk to in the first place.

8. Only in America do we buy hot dogs in packages of ten and buns in packages of eight. (THIS ONE
ALWAYS BUGGED ME!)

9. Only in America do we use the word 'politics' to describe the process so well: 'Poli' in Latin
meaning 'many' and 'tics' meaning 'bloodsucking creatures'.

10. Only in America do they have drive-up ATM machines with Braille lettering.

>>January 3, 2007 at 5:15:12 PM GMT+8

2006 年 12 月 26 日 星期二 【晴】

重慶之旅第二日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
生活是一面鏡子，我們夢寐以求的第一件事情就是從中辨認出自己。
尼采

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
昨天台南地震
屋企都震咗半分鐘
嚇親Ｔ＾Ｔ

終於交咗功課
交完之後係city hae咗一輪
之後就練SA camp要表演嘅歌仔
練完之後聽到city orch玩ensemble....比我還可怕呢...
譚博威唔好再笑我渣啦...

夜晚收到個aninymous嘅電話
譚博威竟然買咗電話咭！！！
好開心^^
開心到第二朝^o^

konnie
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
0705 凍醒
點解會咁早熄暖氣架！！
等到同房既 Ben 都醒就起身梳洗
今日查實都唔太凍
不過由暖笠笠既被窩（儘管張被好薄）走出黎
始終係唔太舒服

早餐唔太多野食
最好食既係蒸饅頭
其次係蛋
即係話無乜野好食

食完就去聽左一個開幕禮
睇左段介紹重慶大學（簡稱重大）既片
然後再去校史館參觀
經過重大既史牆
有好多浮雕, 仲有好多狗既排洩物
無愧「屎」牆之名

行校史館
導遊係一個 Year 3 既年青美女
天寒地凍仲著短裙長靴
響到諗第時 Konnie 帶人行 City 參觀果陣到底使唔使咁著

今次既旅程, 重大既主要負責人係孫老師
其次係王睿（Year 3 研究生）
由王睿帶我地去重大既書店
燈光不亮, 幾細, 書唔多適合我
最後都係買左兩本書就走

冒微雨返賓館食晏
又係一碟疊一碟, 加埋有成廿碟熱葷 + 冷盤
不過好少唔辣, 是以好多野都食唔晒 / 食唔到
唯一一碟清左既係生果

飯後先回房旅低紀念品（暖水壺）
幾個人再跟王睿去搵地方買電話咭
由 1315 講到 1425
卒之買左張電話咭
仲有張綑綁咭未買（買左可以平 D 打電話）

趕返會議室聽講座
1430 – 1730
杜承南教授講既係巴渝 + 三峽文化
一開頭睇佢拎著張紙, 仲以為係講稿
隨後接過 notes, 先知佢係照讀之前報紙同佢做既其中一個訪問

映完大合照後就去食麻辣火鍋
第一時間將所有辣椒拎走
儘管麻辣依舊
但係辣既程度畢竟減少了
亦令我地放心開懷大嚼

無山根, 肥牛亦欠奉
不過有水晶牛肉
最搞笑既係有一個個既豬腦畀你揀
一個豬響血紅色而又有一個個泡沬升起既「血池」中浮沉
光是想也覺得可怕

食完, 坐車去睇重慶夜景
太大霧, 有唔少細燈唔開
唔夠香港夜景靚
最大問題係呢度既燈光大多數都係過度浪費
商業區好光, 但係公路無乜路燈（由螢光條取代）

其間去左個平民區既公廁
無燈, 無水, 就算有手機都唔開燈（點知會唔會睇都 D 可怕場面？）
摸黑完成任務
出返樓梯較光既地方就用礦泉水洗手

映完夜景就返重大
跟王睿同 City 同學 Kathy 一齊去南門買電話綑綁咭
由於無帶電話, 要借 Kathy 部手機黎 activate 張咭
搞左一輪先搞掂

返賓館無所事事
行去組長漢同 HKU Sam 間房鋤 D
經常拎 3 條 D
贏到無乜興趣玩
其後同埋 Kathy + Karen 玩 UNO 同蓋棉胎
討論多陣重大交流會既表演事宜就各自返房

打左個電話歸家報平安
再打左個電話畀 Konnie 報平安
聽到台灣地震, 連香港都感覺到
不過在家既家人感覺唔到, 但係荃灣既 Konnie 就感覺到
彩雲唔係近過荃灣咩？？

沖涼, 睇電視, 寫日記
不停轉台, 一個台張國立做乾隆, 張默做嘉慶
另一個台張國立做雍正, 張默做弘晝
正寫到呢點之際, 電視就預告遲 D 就做《康熙微服私訪記》
一個人做晒康雍乾, 唔攰架咩？？

0145 寫完日記
等頭髮乾就訓
臨訓前睇一個講晚清十三行發展既英文節目
背景音樂居然係楊千嬅既《小城大事》
怪哉？？

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

避孕套埋怨衛生巾說：
「我真怕了你,每次你一上崗，我就一星期就沒生意做。」
衛生棉生氣了：
「鳥！你別再裝蒜了，你他媽的稍微疏忽一點，我十個月生意就沒了」 .

主持人問：「貓是否會爬樹？」
老鷹搶答：「會！」
主持人：「舉例說明！」
老鷹含淚：「那年，我睡熟了，貓爬上了樹......後來就有了貓頭鷹......」

>>January 3, 2007 at 4:12:25 PM GMT+8

2006 年 12 月 25 日 星期一 【晴】

重慶之旅第一日

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
天之道，利而不害；
聖人之道，為而不爭。
老子

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
譚博威真係好曳
話拎cream出去俾佢,佢嚴麻煩
叫佢自己去萬寧買,結果唔肯買
係香港都已經乾到甩晒皮
北上實乾到你龜裂!
曳到死! xP

konnie
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身
反覆 check 有乜野唔記得帶
又係因為聽到《叮噹》既「呼喚」先捨得起身

一家大細出門口
不過得我一個去機場
其餘眾人就過海買野
差 D 先上巴士既地方都唔記得點行
最後要繞過彩虹邨先上到巴士
累死

上巴士訓覺
訓醒就到機場
坐巴士好過坐機鐵
事關唔使轉車, 免卻頻撲之苦
有得訓之餘, 車費又平 D, 路又行少 D

去到機場
之前 briefing 話響 A 區集合
但係 Air China 既櫃位明明就響 J 區
為左求證, 專登行去 A 區睇下有冇迷途羔羊響 A 區呆等
行左一圈, 都係去 J 區等人

無幾耐眾人就集合
聽聞去到重慶無飯開
於是一齊行去牡食野
食完就入閘

Swiss 卡片套裝居然過閘果陣畀人沒收
之前去咁多次旅行都未試過
新體驗, 儘管並不愉快
事關返香港要專登去拎番

響閘內撞到一個 CU 既同學, 叫 Nikita
好獨行俠
因為佢既同窗仲響閘外既時候
佢已經入左閘

跟團得兩個老師
HKU 同 Poly 都無老師
CU 既何老師只係做 Admin. 既野
所以好多時出頭既野都由 Kennis（即係黃小梅）負責

上機, 呢架係中型機
遇到氣流仲好震添
飛機餐既食物質素不高
不過好少見飯後果係龍眼

落機, 重慶機場好細
拎行李既時候發現行李箱其中一個轆崩左
點崩？三分之一既轆唔記左咯！
保險既 Excess 要 $ 300, 睇怕都係 claim 唔到架啦

上旅遊巴既時間係 2130
坐車行左三條高速公路
其間司機 U turn 左一次
係咪行錯路就不得而知
但係坐響司機後面, 睇到差 D 跌落山咯！！！

2300 先去到重慶大學校內既學林賓館
各人安頓好後就搵左一班人出校門行街
好多舖頭都關左門
但係仲有若干食肆同「髮廊」開門
點解要加「」？
我諗如果你望到間野入面有好幾個著超低胸裝既女人, 你唔會估佢真係剪髮掛......

行了良久
卒之決定左去其中一間舖頭食野
食左一碟 14 粒既餃子 + 一碟南瓜餅
南瓜餅幾好食, 儘管無南瓜既成份存在
同埋一個甜點既表皮會係辣既......

食完已經係 0000
成村人行去附近買零食
人地買左 D 餅, 我就買左2 支康師傅礦泉水

返到房, 沖涼後寫日記
仲好得閒地睇 ESPN Live 足球
咁就 0130
聽日早餐食到 0830 就要出發
都唔知醒唔醒到

是日消費：
食飯：RMB 2
買水：RMB 3

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
如果每個牌子都出保險套的話

百服寧保險套：保護您！
綠箭保險套：你無法預料，何時你會需要它！
綠箭分享包保險套：更多片，可以和更多朋友分享！
媚登峰保險套：Trust me, you can make it！
飛利浦保險套：Let's make things better！
Pentium保險套：Intel inside
可口可樂保險套：擋不住的感覺
Konica保險套：它抓得住我
麥當勞保險套：都是為你
HP保險套：買得聰明，用得安心
永慶房屋保險套：這是我們應該做的
雀巢咖啡保險套：滴滴香濃，意猶未盡
西北航空保險套：每五分鐘起飛一次
摩托羅拉保險套：良機在握，一觸即發
IBM保險套：四海一家的解決方案
蘇菲保險套：好在有蘇菲
最佳女主角保險套：ARE YOU READY
仁山利舒保險套：又快又持久
NOKIA保險套：科技始終來自於人性
NIKE保險套：Just do it
SKII保險套：你可以再靠近一點！
麥斯威爾咖啡保險套：好東西要跟好朋友分享
菲夢斯保險套：現在妳相信我，以後妳會相信他
克寧保險套：讓你像大樹一樣喔！
鐵達時錶保險套：不在乎天長地久，只在乎曾經擁有

>>January 3, 2007 at 3:17:43 PM GMT+8

2006 年 12 月 24 日 星期日 【晴】

內外相應，言行相稱。
韓非

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
明明已經聲明左 Konnie 同屋企人上遊船玩
但係都避免不了畀無數人問我做乜咁得閒留響屋企
=.=
睇黎我日記真係無乜人睇

起身
尋日 Tim 話約我朝早去睇早場
仲話會 0830 叫醒我
但係最後我 1030 起身, 無事發生

訓緊既時候 Konnie 有打黎搵我
但係一邊發夢, 一邊傾電話實在係無可能
所以訓醒都唔知約左佢幾多點

一點出門口
行到樓下打畀佢
佢話我約左佢兩點
所以折返家中, 等到咁上下時間再出門口

上佢屋企搵佢
偷運左部相機走（要偷運既原因係 Konnie 拎左佢個妹條相機繩）
坐左陣就同佢離開
同佢行左陣荃灣
去食左個飯
然後再同佢出旺角

去到旺角, 行左去提款
提完佢就夠鐘走人
先去搵邊度唱人民幣抵 D
唱完就行書局

行到 1930 先歸家
分別響兩間榆林打左一本《經濟解釋卷四》
睇書唔攰, 要企響度睇書好攰
身子真差

返屋企食飯
食完就執野
好快就執好
但係搵唔番對手套
不過果邊都唔算太凍, 無手套都無所謂既

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
讓我切齒痛恨的數學老師

上小學時，我的數學成績很差。
記得有一天，數學老師佈置家庭作業，有一道題是3的2次方，我想這不就是3 x 2嗎？
於是大筆一揮寫上了6，結果可想而知。
第二天作業發下來了，老師批了一道紅叉，還讓我更正。
可我實在想不明白是哪裡錯了，於是更正的時候我又把答案寫成了6。
老師毫不留情地又給了我一道紅叉。
如此往返有三、四次，老師終於受不了了，把我叫進房間，反覆跟我講解：
一個數多少次方就是把這個數與它自身相乘多少次
比如3的2次方就是3 x 3，3的3次方就是3 x 3 x 3。
我死死地記住了。

期末考試，有一道填空題是這樣的：
1的一百次方。
我想起老師平時教我的，心想這老師也太狠了點吧。
可這難不倒我，於是我拿出一張草紙，在上面一遍遍地乘了起來。
當我好不容易乘到第83次的時候，數學老師過來了。
看他站在我身後看我認真地用1在乘以1，眼看我大功告成之時，他快步走上講台，說：
「同學們，有一道題出錯了，現在更正一下。
　那個1的一百次方的填空題，現在請把它改為1的一千次方......」
我驚愕了，當即暈倒......

>>December 25, 2006 at 5:14:00 PM GMT+8

2006 年 12 月 23 日 星期六 【晴】

順天者存，逆天者亡。
孟軻

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
以上句子, 查實同舊約聖經上帝做既野差唔多

晨早出街飲茶
基本上訓左 3 個鐘
-.-

飲完茶
行左過九龍寨城公園映相
由於上次映既菲林相映唔到全家福
今次補番
同埋當係我去重慶前既留影

映完歸家
食完午飯就訓
其間聽左幾個電話
不過無礙我訓到晚飯

晚飯係打邊邊
個煲無啦啦搞到跳 fuse
好彩已經係食到末段
無損打邊邊既心情

淪落到幫老姐打機
=.=

是日 Konnie 同屋企人上遊船玩
不斷畀人問做乜唔陪 Konnie
特此聲明

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
耶和華的招式

傳說耶和華是唯一全能的神，翻查聖經，發現耶和華真的是百般武藝集於一身！
有傳統的招式，也有花巧的招式。
小弟給他來個招式分析：
基督徒說三位一體，即耶穌其實是耶和華。
所以以下「耶穌」的招式，亦算是耶和華的招式

第一式：叫人掉石仔
民數記
15:35耶和華吩咐摩西說、總要把那人治死．全會眾要在營外用石頭把他打死。

第二式：放火
民數記
1:1眾百姓發怨言、他們的惡語達到耶和華的耳中，
　　耶和華聽見了就怒氣發作、使火在他們中間焚燒、直燒到營的邊界。
約翰福音
15:6人若不常在我裏面，就像枝子丟在外面枯幹，人拾起來，扔在火裏燒了。

第三式：日日比肉你食，食到你鼻孔噴肉！
民數記
11:18又要對百姓說、你們應當自潔、預備明天喫肉，
　　　因為你們哭號說、誰給我們肉喫、我們在埃及很好，
　　　這聲音達到了耶和華的耳中、所以他必給你們肉喫。
11:19你們不止喫一天、兩天、五天、十天、二十天、
11:20喫一個整月、甚至肉從你們鼻孔裡噴出來，
　　　使你們厭惡了、因為你們厭棄住在你們中間的耶和華、在他面前哭號說，
　　　我們為何出了埃及呢。

第四式：趁你食野拿你命
民數記
11:33肉在他們牙齒之間、尚未嚼爛、耶和華的怒氣就向他們發作、用最重的災殃擊殺了他們。

第五式：就咁殺
出埃及記
12:29到了半夜、耶和華把埃及地所有的長子，
　　　就是從坐寶座的法老、直到被擄囚在監裡之人的長子、以及一切頭生的牲畜、盡都殺了。

第六式：詛咒棵樹
馬可福音
11:14耶穌就對樹說、從今以後、永沒有人喫你的果子。他的門徒也聽見了。
11:20早晨、他們從那裡經過、看見無花果樹連根都枯乾了。

第七式：時時刻刻咒詛你
申命記
28:19你出也受咒詛、入也受

第十六式：召喚獸──飛鳥
第十七式：召喚獸──走獸
申命記
28:26你的屍首必給空中的飛鳥、和地上的走獸作食物、並無人鬨趕。

第十八式：用瘡攻擊你
第十九式：用痔瘡攻擊你
第二十式：用牛皮癬攻擊你
第二十一式：用疥攻擊你
申命記
28:27耶和華必用埃及人的瘡、並痔瘡、牛皮癬、與疥、攻擊你、使你不能醫治。

第二十二式：用癲狂攻擊你
第二十三式：用眼瞎攻擊你
第二十四式：用心驚攻擊你
申命記
28:28耶和華必用癲狂、眼瞎、心驚攻擊你。

第二十五式：令你老婆比人姦
第二十六式：令你有屋冇得住
第二十五式：令你有果冇得食
申命記
28:30你聘定了妻、別人必與他同房；
　　　你建造房屋、不得住在其內、你栽種葡萄園、也不得用其中的果子。

第二十六式：令你隻牛被殺
第二十七式：令你隻驢被人搶
第二十八式：令你隻羊被人搶
申命記
28:31你的牛在你眼前宰了、你必不得喫他的肉；
　　　你的驢在你眼前被搶奪、不得歸還；
　　　你的羊歸了仇敵、無人搭救。

第二十九式：令你仔女人搶
申命記
28:41你生兒養女、卻不算是你的、因為必被擄去。

第三十式：令你食自己仔女同朋友D肉
申命記
28:53你在仇敵圍困窘迫之中、必喫你本身所生的、就是耶和華你　神所賜給你的兒女之肉。

>>December 24, 2006 at 5:43:50 PM GMT+8

2006 年 12 月 22 日 星期五 【晴】

窮不失義，達不離道。
孔丘

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
早早起身同屋企人飲茶
飲完同老姐行荷李活
太早去到, 好多地方都未開門
閒逛左一輪, 仲響萬寧整跌左人地 D 貨

卒之買左個新鬚刨
去重慶就唔使怕 D 鬚生到長一長都剃唔走了

歸家
執野
好快執晒所有今晚表演要用既野
包括表演服裝同譜

1315 去到荃灣
約埋陳倫食飯
食完行過荃灣大會堂
時間剛剛好

綵排
D 櫈好高, 加上個大阮咸夠重
結果彈幾下就會跣
不過綵排時問題不大

十二個人食晚飯
幾乎霸左人地半間舖

謝有個新外號叫「勒邦聰」
不過......似咩？
但係都唔夠漲慘
佢邊似李力持呀！
人地靚仔咁多......

臨表演前不忘映相
映完就表演
個琴跣到差 D 彈唔到
結果彈幾下就要托一托
加上個人無乜精神
表現如何, 不言而喻

上半場完左, 個人散咁滯
搵卡卡借防滑布, 佢無多一塊
用手撕極都唔開
結果都係就咁出下半場

《哈薩克》一如所料
玩得唔好
幸運既係未至於甩晒
查實 cut 左佢咪算咯, 何必要夾硬黎呢？

演完就離開
Konnie 都有黎睇
一班人搵唔到位食甜品
響荃灣行黎行去
仲撞到大大佬兩次

最後行左去牡食野
行緊既時候畀人撞
成杯檸茶飛左落街
連杯雪糕都打橫訓左響盤
最過份既係條友撞完我唔係不顧而去, 係望著我狼狽既樣
然後施施然地走左去

牡最好既地方就係會賠番杯新既飲品畀顧客
但係呢 D 幸福唔係必然既
否則「後悔」兩個字就唔使用了

一班人吹水吹到 1230 左右
送 Konnie 返屋企
響佢屋企上網買旅遊保險
好攰, 休息左陣先走

坐小巴歸家
返到屋企, 無上網
不過四點幾先訓

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
逃課的理由

最體面的理由︰我長的太帥，外班女生上課時總看我。
最實事求是的理由︰教授太難看，影響我的視力。
最拍馬屁的理由︰女老師們太漂亮了，總讓我魂不守舍。
最無聊的理由︰我同桌不陪我聊天。
最可恥的理由︰中午吃的太多，坐著難受。
最傷心的理由︰我們系最漂亮的女生跟一個還不如我四分之一帥（我個人看法）的男生
最關心自己的理由︰昨夜喝的太多，我怕影響身體，所以不能上早課了。
最時髦的理由︰我跟我網上第７位戀人約好今天下午海誓山盟。
最是理由的理由︰我同學準備用欠我的錢請我吃飯，因為他不準備還錢了。
最廉價的理由︰今天幫同學家扛大白菜。
最蠻橫的理由︰今天我不爽，就是不上了。
最無奈的理由︰我的幾雙襪子已經半個月沒洗了，今天沒的穿，只好在家呆著。
最支持打假的理由︰廉價羊肉串吃的太多，今天早上拉的我起不來床。
最身不由己的理由︰外班的哥們要向我這全系最年輕的台球王子挑戰。
最丟面子的理由︰走路看美女不小心摔壞了眼鏡，不得不去修。
最令人景仰的理由︰今天我去學雷瘋
最受挫折的理由︰我失戀了，罷課一天。
最胡說八道的理由︰爹要娶妻，娘要嫁人
最侮辱教育部的理由︰學校的桌椅太硬，影響我的睡眠質量
最荒誕的理由︰外人要入侵，我在給超人縫褲頭
最天真的理由︰昨夜我數了一夜的
最不數典忘祖的理由︰今天去動物園看猴
最進步的理由︰我揀了一圓錢，找了一天的警察叔叔
最令人同情的理由︰我迷路了，踫見女流氓了
最病態的理由︰我刷了一天牙
最具愛國精神得理由︰我去美國領事館游行示威，紀念我駐南使館被炸！
最吹牛的理由︰安南找我有事
最挨不著邊的理由︰我們家鄰居要生小孩
最變態的理由︰每個月總有那麼幾天不舒服
最大無畏的理由︰今天「九一八」周年，我找日本人玩命去。
最童話的理由︰我請花木蘭吃肯德基
最流氓的理由︰孔老而請我喝花酒
最諷刺宗教的理由︰我給和尚介紹對象
最抽象的理由︰一頭帶眼鏡的驢在街上畫畫，我在旁邊看了一天
最幸福的理由︰上學的路上有美女騷擾我
最不可能的理由︰為了保護國家財產，我同犯罪分子鬥爭了一天！
最不誠實的理由︰我領紅領巾少先隊員過馬路被車撞了
最遭罪的理由︰我家的手紙用光了，我在廁所坐到我媽下班
最臭美的理由︰我照了一天鏡子，梳了一天我的板寸
最夢游的理由︰今天我和李連英去跟八國聯軍談判

>>December 24, 2006 at 5:25:10 PM GMT+8

2006 年 12 月 21 日 星期四 【晴】

博學篤志，神閒氣靜。
〔清〕王永彬

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
起身就返 city
今日係最後一日考試
心情唔多緊張
不過唔代表我已經溫好書

考試前幫老爸響書店買書
等到兩點就正式考試
考完, 第一樣野唔係諗住點玩, 又或者係自由了
而係可惜左溫左某 D 野但係唔記得左

考完, 去 CSC 陪 Konnie 做功課
1800 死期, 但係佢過左死期都仲未交到
送佢過火車站, 然後歸家

卒之可以瘋狂打機
打到四點先訓
滿足

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
折磨人的學生試卷

曾參加很多閱卷工作，這項工作對我的啟示是：
畢業後千萬不要當老師！

1、
一題填空：
問蘇軾屬於哪一派詩人，稍有常識就知道是豪放派
寫婉約派、山水派至少還可以想像，然而卻有很多寫作「實力派」
其中一個居然作「偶像派」......

2、
小作文寫一篇關於「忘憂草」的文章
一個學生寫「布殊發動對伊戰爭是吃了忘憂草」，「建議賓拉登也吃忘憂草」；
另一學生寫「天下雨，我妹妹的爸爸讓她帶雨衣，我妹妹的媽媽讓她帶雨傘，她好憂傷哦」
接著對雨衣雨傘的優劣一番評述，寫了500多字，好佩服！

3、
論述題：
一學生卷面整潔、字跡公正，仔細一看每題各寫了十遍「老師你辛苦了」......

4、
有一學生一道問答題寫得密密麻麻足有半頁。
想想學生也不容易，耐著性子把難以辨認的字跡看完，一直看到頁底翻頁處。
只見最後做一標誌：「待續，請見反面」。
翻過來一看，反面寫道：「嘻嘻，沒有了，老師，我騙你的。」
暈......

>>December 24, 2006 at 3:22:13 PM GMT+8

2006 年 12 月 20 日 星期三 【晴】

閒有餘日，正可學問。
〔明〕陳繼儒

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
朝早起身
就要出門口
今日既主要任務係返 city 拎機票
其次係過牛池灣郵局拎信

返到 city
居然見到輝
佢一邊話自己溫唔切, 一邊話尋日 FM 炒左
聽到我行上六樓先離開

上去拎左兩張「機票」
點解要加「」？
因為一張機票真係機票咁樣
另一張係印響 A4 紙既電子機票
唔知到時會唔會當廢紙掉左佢呢？

拎完就走
無無聊聊出左旺角
買多幾件衫先返彩虹

由地車站行上郵局
其實都真係幾遠
尤其係陽光猛烈
真係熱得滯

行到上去
仲以為有 D 乜野人寄情信畀我
原來係 IELTS 既 result

返到屋企拆信
reading 居然有 8 分！！！！
高興之餘, 都唔明點解會咁高分
同埋發現我發住夢做既卷高分過醒醒地做既卷
=.=

至於總分......
不提也罷

聽日最後一科
今晚連 YCO 都唔返
不過溫習進度不大
可能係因為貼士實在放得太盡掛
唔太擔心

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
台灣與大陸的電腦用語翻譯


台灣用詞：登出電腦
大陸用詞：註銷計算機

台灣用詞：離線工作
大陸用詞：脫機工作

台灣用詞：重新整理
大陸用詞：刷新

台灣用詞：Wordpad
大陸用詞：寫字版

台灣用詞：選擇性貼上
大陸用詞：特殊黏貼

台灣用詞：剪下
大陸用詞：剪切

台灣用詞：說明與支援
大陸用詞：幫助與支持

台灣用詞：資料夾(ODBC)
大陸用詞：數據源

台灣用詞：附屬應用程式
大陸用詞：附件

台灣用詞：我的最愛
大陸用詞：收藏

台灣用詞：唯讀檔
大陸用詞：只讀文件

台灣用詞：預設選項
大陸用詞：默認選項

台灣用詞：進階設定
大陸用詞：高級設定

台灣用詞：清單(List)
大陸用詞：平舖

台灣用詞：大圖示
大陸用詞：圖標

台灣用詞：建立捷徑
大陸用詞：創建快捷的方式

台灣用詞：控制台
大陸用詞：控制面板

台灣用詞：游標
大陸用詞：鼠標

台灣用詞：電話與數據機選項
大陸用詞：電話和調制解調器選項

台灣用詞：工作列和開始選單
大陸用詞：任務欄和開始菜單

台灣用詞：工作排程
大陸用詞：任務計畫

台灣用詞：預設Web站台
大陸用詞：默認Web站點

台灣用詞：資源回收桶
大陸用詞：回收站

台灣用詞：Internet連線精靈
大陸用詞：Internet連接向尋

台灣用詞：平滑捲動
大陸用詞：平滑滾動

台灣用詞：執行(RUN)
大陸用詞：開跑

台灣用詞：WINDOWS微調精靈
大陸用詞：WINDOWS輕微抖動向尋

台灣用詞：OUTLOOK EXPRESS
大陸用詞：外看快遞
　
台灣用詞：NET MEETING
大陸用詞：網絡相見歡
　
台灣用詞：POWER POINT
大陸用詞：強而有力的一個小點兒

>>December 21, 2006 at 4:51:45 PM GMT+8

2006 年 12 月 19 日 星期二 【晴】

人有知學，則有力矣。
王充

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日考 FM
晨早起身返 city
坐響 LT-14 出面溫書
坐到夠鐘就走入去

本來諗住淨係答一條美容
不過最後都係每人兩條
唔難, 仲貼中左一條
不過果條無溫......

考完, 同 konnie 走去食 tea
食完行左陣就走
返到屋企先醒起自己唔記得去 CCIV 拎機票
聽日係死期
即係話我聽日要無啦啦返去拎
> . <

橫掂都係
之前收到郵局叫我去拎野
順手拎埋先
希望聽日我記得啦

花姐今日「碌」智慧齒（查實係剝牙, 佢寫錯字了）
但係夜晚仲流緊血
如果佢訓都未止血既
佢會唔會流血不止？
或者佢使唔使著口水肩以防牙血流到一床都係？？

好得閒地打番呢三日既日記
真高興
不過遲 D 上左大陸都未必有得上網
可能有成個星期打唔到日記
真可憐

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
男人遇到尷尬問題的解答

1.男人為什麼會同時愛上兩個女人？
答：因為沒時間去愛第三個女人。

2.為什麼男人的襪子特別臭？
答：因為男人是特別懷舊的！

3.女人為什麼喜歡叫男人「臭男人」？
答：這還用問！那他的鞋來聞聞就知道了！

4.男人為什麼總愛變心？
答：因為女人的相貌，身材，性格比較善變！

5.男人為什麼只看女人的外表？
答：那當然！看人內臟的那是醫生！

>>December 20, 2006 at 5:42:39 PM GMT+8

2006 年 12 月 18 日 星期一 【晴】

學以治之，思以精之。
楊雄

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今日要返 city 考試
所以唔可以太晏起身
早早起身, 早早返 city
以免畀溫暖家庭既電視削弱我既集中力

查實呢科真係無乜野好溫
即使係佢派畀我地既 handout, 都只不過係一 D 睇完 = 無睇既野
平日上堂又無乜野做（就算有我都唔知, 皆因太少上）
所以都唔知溫乜

1400 - 1700
開頭一條 50 分既 compulsory 真係畀可惡的 Henry玩死
唔係因為難
而係因為佢畀左幅黑白影印既 plan 我地
我完全分唔到邊隻色打邊隻色
即使問完小明都無用

最後要由偉大既 Henry 從地球某處走落黎
搵人家既顏色筆上色出黎
不過佢又搵左兩隻差唔多既顏色
結果唔止我一個睇唔到
佢要再花時間畫番 D 指示先勉強說服我地

由於花左太多時間
小明補番十五分鐘畀我地
但係查實都補唔番我地既損失
一來之前寫左既野要刪除由頭黎過
二來影響士氣

其實改革係好
但係下次可以做好少少準備先實行
咁就唔會令我地無所適從
有時清楚既指示 + 事前自己又睇多幾次
大家都好做
唔使你心翳時我地谷氣呀！

做左 3 小時 15 分鐘
卒之完成漫長既抗戰
好彩無乜點溫
因為溫左都唔慌會高分得去邊
Iris 響最後十五分鐘先走去 toilet
佢話急到諗唔到野喎

歸家
聽日有 FM
好似溫得最少係 Appraisal, 其次係 FM
兩份仲要貼住黎考
唉......

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
巴斯光年與恐龍

巴斯光年殺死左一隻恐龍。
為左紀念呢件咁偉大的事，佢改左自己個名：























叫做「殺龍巴斯」。

>>December 20, 2006 at 5:31:24 PM GMT+8