2003 年 8 月 25 日 星期一 【陰】

肯定係隊完酒之後 "賴" 野啦
一起身超頭痛
望吓個鐘
ha？！五點半！
唔係早成咁嘛！
雖然我真係好冀望今日練 YCO
但係唔使咁早醒嘛！
我兩點幾先瞓咋
之後鈺i床度 "典" 左超耐
都係瞓唔著
又要頭痛, 又要畀盞燈照到我瞓唔到！

典到六點鐘
忽然諗到："算啦, 不如開電腦 Check 吓 e-mail 咯
先至無繼續被失眠折磨

好耐無諗過咁早醒
連 "香港早晨" 都未做呀！
我 F. 4 開始就無諗過可以睇到 "香港早晨" 既第一節咯...

今日 YCO 終於正式開波咯
好多人無左, 又有好多新人上場
張曉暉就變左做阿 Sir
唔玩得 YCO
好懷念同佢同台演出的日子添
之不過總有 D 人係有佢個名, 但係就唔玩
阿丁又係咁, 鄧文蟹又係咁

今日馬禮怡無返呀
Yeah~~~~~~~~~~~~~~~~~

YCO 今年一月九號有 AP
歡迎大家捧場
節目就麻麻地
今年的 Guest Performer 係王紅藝
佢唔會玩北方掛？
又係的話會好無聊噃！

有 D 人話 YCO 玩 "風" 有 D 唏噓喎
點解呢？
查實 "風" 都幾好聽呀！
最緊要的係...................
如果係阿 "英輝" 指的話
幾勁的歌都係 side 架啦
"風" 咪幾好
佢指 "鶴" 就大鑊咯......

大家得閒果陣可以問吓仔仔 (即係胡 "進喜" )
今年 YCO 玩咩野歌呀
我相信佢會答你：
"風咯"！
"仲有呢??"
"仲有呀??咪除左風之外果隻咯！"
有冇人會相信一個 10/15/1987 出生
就讀拔萃男書院中四文的同學
係會連個 "鶴" 字都唔知係乜字呀！！

不過佢 "文盲" 都有前科架
佢 F.2 個年二胡初級
我, 一, David 幾條友都有去睇
結果佢當然係順利掄元啦
之後我地同其他人就吹水
個 assistant 就叫佢寫低佢個名同學校名
我地傾傾吓
佢無啦啦行過�
我地問佢係唔係走得
佢話："唔係呀! 個 Assistant 叫我寫低學校名, 但係我唔記得個 "萃" 字點寫呀！"
跟住我同一就 Ber 左一聲
David 就過去幫佢寫

F.2 喎！
連自己學校名都唔識寫？！
不過佢今次一定唏噓過上次啦
實畀人串到無應
話晒佢宜家都咁大.......

練完之後, 去左 "南姑" 屋企
D 人就有得打牌
我就要做 budget
唔開心 ><"

講開 budget
又諗到果陣司徒健 D 搞笑野
話說果時去食飯
佢無乜錢, 就同我地講："你地食飯個 "bud" "get" 幾多呀？"
唔明呀？
唔緊要, 下次我親口講你知
會傳神 D

原來南姑同佢阿哥都幾似樣噃...

成日玩阿 John, 都真係幾好玩
不過最難的係, 點樣鉌\明知我地會玩佢的情況底下都玩到佢
今日我地就做到啦
萬匯一 D "Grace language" 半桶水都搞掂到佢
勁呀！

不過條死仔最後甩我地底
送完老拎之後就走左無返�
話明一齊睇錢國偉果隻碟嘛
抵佢無得睇

"打鼓可以强身健體"
係我就講唔出咯
閰學敏好野！

再次遲過十二點返屋企
呢個禮拜真係有 D "忙" 添...............
@_@

>>August 27, 2003 at 11:27:01 PM GMT+8

2003 年 8 月 24 日 星期日 【雨】

十點半先起身
未返學就話早得滯o者
遲吓返學就大鑊咯
星期三, 五都要返八點半
又無 Day off 喎
好唔開心

食完飯就唏噓地出門口
點解唏噓？
又要開會嘛！
不過遲左少少
二點半開會
二點九先返到去
好彩佢地等埋我先開會
(由於 Magarate 同我一齊返到去, 所以我地未到, 佢地都唔夠法定人數開會, ^^)

好野
有手信
阿 "鉅記" 去完泰國返�
帶左一大包椰子糖同一套十二個的鎖匙扣送畀我地
不過我都係串到佢無應

開完會
又係屈機時間
今次都係彈多左一句咁大把
"仍然沒有 遇到"
其他仲係研究當中
sigh..........

臨走個陣阿聲拎左我份譜去影印
好彩多得佢
唔係都唔可以同文姐偶遇
真係好好彩

好耐無見過文姐
佢好似個樣大個左
不過都係好賢妻良母咁樣
太耐無見, 好似好多野想同佢講
但係又唔知講乜好
都係串佢最好
話晒真係好耐無串佢 ^^

同佢一齊搭地鐵
屈左佢出旺角
但係又咁蹺佢個妹都鄔籊�
係我令到佢兩姐妹可以鄔籊五姘J
真係幾高興

成班人去左 "陷仆樓"
無啦啦又會撞到邵梓偉
今日成日撞到熟人
真係有 D 邪

同文姐影完相之後
我地一班人就開波
$88 蚊/位, 花生$6, 茶芥又$6, 另收加一服務費
即係埋單要每人$110 啦

發現原來我地真係傻架
十二個人, 隊左廿支啤酒有多
好彩無人嘔同埋醉
唔係就 Side 晒我地好辛苦咁搶返薊漯峇姙�...

上次飲半罐就面紅
今次飲左一支...
無醉到！
都係面紅同瞓咯
瞓左一陣都無事啦
青島真係好飲過嘉士伯
無咁苦

周子維真係超勁
佢成日都話自己唔算勁
但係又成日都爆機
仲要係打太鼓機最難果關都 Perfect 喎！
二百一十幾萬？！
做兩次 "達人" 都得啦
TC2 又全世界十名之內
唔勁？！

十二點半先走
返到屋企又成點鐘
聽日同後日都應該會係咁
再係咁我實畀我阿爸阿媽鬧死！
不過難得盡興
咪豪埋今次咯
開左學之後又唔會得閒再見咯...

今日無乜點落雨
返屋企幾驚好似尋日咁
一出地鐵站就無啦啦落雨
諗住咁近唔攞遮, 一口氣跑返屋企啦
點知愈落愈大
搞到我濕晒
最無奈係一返到屋企樓下就停晒雨
搞到我真係無晒應
唔鍾意呀 ><''


>>August 25, 2003 at 11:45:22 PM GMT+8

2003 年 8 月 23 日 星期六 【晴】

究竟打唔打得成風呢？
真係唔係好想去
粉嶺真係遠左少少......

不過都係要去
約左萬匯一十二點半沙田火車站車尾
結果大家都好準時
好難得~~~~~
佢準時喎...............

真係好耐無去過粉嶺咁遠咯
有 D 陌生添
佢鄐鶢悍袬艘M日佢去練敲擊分部 D 野
講到超 "慶"

咁又係噃
無理由叫人十點鐘到 "你+*", 但係又未開始呀！
擺明玩野啦！
佢不嬲都唔會準時, 已經十點四至到
但係佢地叫佢十二點先返去喎
畀我就走啦
不過佢就有返去, 但係結果十二點七先至開波
激鬼死佢！
仲要發現馬詩恩係叛徒
幫 Poly D 人玩鼓樂節
同我地做對手

死啦, 今日練到一舊咁
星期六就表演
點算？！

話四點練完
結果差唔多五點先走得

部長未到果陣
去到人地主場都真係有 D 怯
好彩阿聲鄎�
都唔算孤立無援

練完之後要去聽 "宏光"？！
唔係卦？！
我梗係寧願食飯啦！

出到尖沙咀, 落埋吉野家
佢地果班鄐E龍公園游水的 "人棍"都未到
好明顯去左打機啦
我以為佢地會近近地去金聲
但係佢地竟然鈮s港打
仲要老拎鄍_角出到購\地都未到！

鄏N野家坐左二粒鐘
我地都係食左個下午茶 (十二蚊幾抵呀！)
羅 B 要去飲, 早走
傾左一大輪鼓樂節 D 野
最後都係去左新港
打打吓羅 B 出現
問吓佢點解會出現
佢話睇吓我地會唔會出現喎！
不過我地 "打機黨" 都係得我, 一, 謝, 同肥仔四個之嘛

好耐無打 Photo Hunt
廢左好多
不過都打到名
但係下次可唔可以唔留我個名呀！

我地要贏
殲滅 "爆炸頭" 同 "叛徒"！
不過今日先有譜
會唔會遲左 D 呢
人地開始練緊咯
而且又唔係唔識敲擊
我地就........
不過我地都唔係廢
一定有機會贏
加油

>>August 25, 2003 at 4:24:36 AM GMT+8

2003 年 8 月 22 日 星期五 【陰】

朝頭好得閒咁安坐家中
阿爸休息, 所以都好得閒咁用左部電腦
搞到我又無機用
少少失樂添...

十一點幾就要出門口
點解？
"為人為到底, 送佛送到西" 嘛！
都係唔明？
咁我都幫你唔到咯... ^^

其實做殯儀果 D 堂倌都幾好賺
起碼每家每戶死人都需要佢
唔係實好 "lei heer"
佢龐大的身軀令到我的視線離唔開佢
見果條友親力親為咁做左好多野
真係抵佢賺錢既
但係唔知佢賺幾多
又唔知究竟點解會咁肥
真係無機會問嘛！
有機會一定搵條友問清楚先

乜殯儀館有發新牌咩？
永恒原來係新牌架？
日日經過我都唔知喎
淨係知道我去度野行過都同人講："我地開始步向永恒"
不過做殯儀幾好呀！
全港有邊個行業係有賺無蝕？
一定係做殯儀
日日都有人死, 全港殯儀館又唔多
實有發展空間啦
不過有冇人知道做殯儀館究竟係：
A：壟斷 (Monopoly)
B：寡頭壟斷 (Oligopoly)
C：壟斷性競爭 (Monopolistic Competition)
D：完全競爭 (Perfect Competition)？

答中無奬, 知的話話畀 "啤梨徐" 聽就得啦！
佢成日都話做殯儀好賺嘛！
叫佢開多間 "啤梨殯儀館" 咯！
係佢成日話唔發牌架
但係永恒係一個好開始
佢開左, 咪唔使� DB 誤人子弟咯

上完山之後去食 "英雄" 飯
究竟有冇人知點解解穢酒又叫 "英雄" 呢？
而 "英雄" 又有冇寫錯呢？
知的話不妨同我講呀！

但係食食吓無啦啦有電話
一聽, 死！
阿大！
就係咁, 我三點幾已經決定左我八點半的命運
又要開會啦！
仲要夜 "媽媽" 開會
唉.........

又有電話？！
原來係部長
叫我聽日 Final Rehearsal
咁都應該既
不過佢同我講鉒鄙亳m
都搞到我有兩分唏噓......

食完飯
去睇 CD
買左三隻中樂返屋企
遲 D 先聽

返到去 Music Room
見到 Vanessa 個頭好搞野
好好笑, 笑到佢鬧我添！

盈盈去完澳門, 帶左 D 手信番�
"鉅記" ？！
一望到係 "鉅記", 我地就笑左一大輪
笑到 Vanessa 好無奈

開左一大輪會, 終於開j完會
跟住又要傾 Budget D 野
傾到十二點幾
返到屋企都成點幾咯
都係瞓先

>>August 25, 2003 at 3:50:13 AM GMT+8

2003 年 8 月 21 日 星期四 【雨】

成日都被家姐霸住部電腦
話要入 D "諸葛神數" 的資料喎！
都唔明點解佢唔影印
Side 兩蚊就得啦
唔使打十幾頁, 幾千隻中文字呀！
浪費時間
最緊要係阻住我打機嘛！

原來無電腦用的時間我係好無聊架！
坐酯蚙U到 "吽" 左好耐
又攞左幾隻CD 聽
都係好無聊喎！
於是終於肯攞個阮出覬R......

真係好耐無咁有心攞個阮出薊�
不過我無乜心機練基本功
咁我咪攞本 "林吉良阮曲選" 出� sight read 咯
第一頁係 "滿江紅", 隻歌點會 sight read 到呀！(雖然比賽過...)
加上我咁既狀態, 都一定玩唔到啦
咪飛左佢咯
彈下隻先, "睡蓮"？！

我記得係其中一年 Mu. Fes. 的高級組歌
果年我玩三弦初級
臨比賽果陣, 我仲好得閒咁望吓下一場 D 人點練
佢地 D 人玩得好辛苦, 我咪走過去望吓果隻係乜歌咯
"睡蓮"？！
未玩過喎, 於是問果D 參賽者借左份譜 Sight read
咦？我 Sight read 都玩到隻歌喎
點解佢地會練得咁辛苦呀？

High 得滯, 唔記得我係第一個參賽者添！
評判叫我個名, 我仲鄐W環個後樓梯度 Sight read 緊
結果我玩成點？
咪鉞L冠軍的情況之下攞左個亞軍
果年個評判鄍畧﹞T弦的比賽都無畀冠軍
初級組五個參賽者, 一亞三季(林朗 "hei" 無敵音準都係要輸, ^^)
高級組一個參賽者(朱哥哥), 季軍
深造組一個參賽者(豬 Ray), 亞軍
可能個評判想攞 D 錦旗返屋企當牆紙用啦
哼！我嬲！

講返隻 "睡蓮" 先
都係 Sight read 到
好彩, 都唔係退步得太多...

愈來愈發現個阮唔得
我攞返屋企果陣覺得個阮係練習用既阮
宜家真係練到我死吓死吓咁
自己玩死自己添！
好想換阮呀！

玩左一陣林吉良, 又轉玩劉星
好難 Sight read 呀！
都係慢慢練啦！

練練吓瞓鬼左
真係愈來愈似阿伯添...

幾日前生日
今日就要經歷 D 死亡的滋味
有親戚過身...

好驚聽到酒樓果 D 廣播的音樂
d m s d'~~~~~~~~~~~
同 "大酒店" D 廣播係一樣架！
好驚呀~~~~~~~~~~~~~~~~~~~~~~~~~~~~~~~~~~~~~

>>August 23, 2003 at 3:06:09 AM GMT+8

2003 年 8 月 20 日 星期三 【雨】

好晏先起身
都唔知第時點過D 要八點半上堂的生活咯~~~
最可憐的係
一起身, 發現成間屋得我一個人
真係有D 似孤兒仔的感覺添
諗左一陣, "吽" 左一陣
先至開左部電腦 Check 吓有冇人畀野我做
好彩..........無！

成朝對著部電腦
開 icq 同人 chat
問吓究竟有冇解悶的方法
結果 ？！
佢提供左唔少方法架
不過無樣 arm 我的情況呀！
最後佢講：開 icq 同人 Chat 咯
咁同我今朝做的事有什麼分別？！

太耐無聽過中樂歌啦
開左隻顧冠仁聽
之後又聽番 "失樂園" 隻碟
聽番D 好音樂, 真係精神D

不過始終都係覺得 "失樂園" 果隻 "酒狂" 無咁好聽
我個人推介崔軍淼玩果隻
我仲一邊聽一邊抄左果集歌份譜出螻K
真係唔錯
唯一缺點係必須 "教" 音
因為定弦唔可以係 GDGD
而要係 FCFD

打打吓機, 無啦啦有電話
原來係老豆叫我出街食飯
好耐無試過一家人食晏
雖然今日都唔齊人, 大佬要返工
但係果種一齊的感覺真係好實在, 好開心

國樂會今日選會長
結果係意料之內, 又係意料之外
預左的係蔡7A
鄔啀順掑O籠罩之下
佢都好難唔係會長
意外的係其餘的人
點解nick 姐同B 仔係Vice 呀？
點解Dennis 會被踢出局？
真係唔明

我都唔知出年佢地點樣壓台
當年肥婆以佢的暴君型統治方式鎮壓 "異己"
豬 Ray 以 "噸" 位取勝
鄧 "茂利" 用歪理壓人
就算係賴應斌咁 "淋" 善, 都有個鄧志豪撐場啦！
之前果D 大佬就更加唔使講啦！
佢地會點呢？
祝佢地好運啦
P.S. Nick 姐做 Discipline, 唔好搞小朋友就得咯

無去食佢地新會長果餐
覺得有D 失落添
話晒...
個餐係免費架嘛！

夜中不能寐, 起坐彈鳴琴
薄帷鑒明月, 清風吹我襟
孤鴻號外野, 翔鳥鳴北林
徘徊將何見? 憂思獨傷心

>>August 21, 2003 at 2:02:56 PM GMT+8

2003 年 8 月 19 日 星期二 【晴】

今朝其實都幾充實
係自己覺得無聊之嘛
話晒都搞掂左個名單
又 "砌" 左個Budget 出�

好明顯我呢個Fin. Sec. 係無用架啦！
擺到明唔做野都幾好
尸位素餐真係幾好

同阿然的諗法一致
話實喎
同佢真係有D 夾
尋日鄏a鐵夾數字歌
竟然夾到D 數字一模一樣
同我當年同牛眼練練吓野一齊彈火把節一樣咁騎呢

當年我地分組
休息緊果陣, 我想練吓solo 隻歌
咪彈咯
一彈, 聽到有第二個阮發出的聲音
望吓隔離, 發現牛眼又係彈果隻歌
仲要係同一段添
非常 "蹺"

尋日去練歌
Ca 姐都唔記得我星期一無返
發現我同我老豆 (唔係真果個, 係上莊果個張曉為!) 真係好似
今年我地見過佢一次, 就係佢鉆j離房跳舞果日
佢成日都唔練歌
我望著其他莊員都係有 "家長" 陪同
真係覺得自己似 "孤兒仔"

傳說世間每個人 也會有一位天使護蔭
縱使渺小彷如微塵 仍可棲身當愛人呼吸
可惜像我這一種人 聖母永遠不肯給予憐憫
每天如像苦兒祈求 誰可真心的逗我開心
誰說會與我騎迴旋木馬 天黑透了伴我一起歸家
是我或你犯錯了嗎 人被半路撇下
受那風吹雨打
誰人會愛我這種孤兒仔
流落到谷底
恐怕我已是個熱戀的後遺
無人前來認領骯髒的身體 若想抱抱就等下一世
誰要我這種孤兒仔
誰贈我安慰
當我至愛路過 亦不想拾遺
誰在從前話我貧窮但美麗 但想抱抱就等待轉世
我這種身世

好唔鍾意同d 放水畀人估野的人玩
明明個問題係叫人諗點解
又有乜理由放水放到咁出面！

大家不如諗吓有邊隻歌係唔可以變成數字歌呀！
講真, 真係無！

唔想過D "放" 的生活
但係又真係冇
冇計
唔通是但鉞鬊銊鶗� "燒賣" 咩~~

又瞓唔著啦
想瞓, 但係又瞓唔著果種感覺真係好辛苦
如果邊個有根治失眠的秘方的話
就幫吓我啦！

>>August 21, 2003 at 4:37:13 AM GMT+8

2003 年 8 月 18 日 星期一 【晴】

愈來愈夜瞓
愈來愈晏起身
健康的Camp 帶來的勃勃生機又無左
又回復Camp 前的頹廢生活
唔想呀! ><'' (＜－－－學左某人添！加埋踏腳同Fing 手就perfect 咯)

毫無辦法
我曾試過十點瞓
但睡不著
最後還是要起來
一邊看書, 一邊等自己身體疲累
抱恙的我, 仍是這般
唔死都無用咯...

好想做番個早睡早起的好寶寶
但
無論如何, 我都不能等個腦靜下來
明知待肉體疲乏才睡十分不健康
亦不是養生之道
不過現在我的肉體不累, 心就靜不了
心靜不了, 人就調養不了
何以養生?

可以說服到一個人做一D 正確的事
個心有D 開心
寫日記真係好健康！
又可以發洩自己的情感, 又可以等人知道你點諗
唔會好似自閉仔咁收埋自己
但........
勸說別人的我, 怎麼會明知故犯？

精神空虛時, 人會不會因尋求心靈上的慰藉而有信仰?
現在的我就是一頭白老鼠
諸君且看無神論的我最後會不會信教

在台下觀眾的欣賞下
我該是個出色的演員
面上的喜怒哀樂
教觀眾讚嘆不已
"他那出色的演技,
無怪他能成為出色的演員！"
台下的某人
坐在中央說著
台上的我聽到
忍不住往台下一瞧
怎麼.....
台下只有一個我？

要返Poly 還書, 順便Fax 返D 野畀曾志偉
無啦啦都撞到阿大！

Print 左份 "1874" 的譜, 詵usic Room 試玩
非常之難
果然6 個Flat 真係好難sight read
仲要我唔識點彈琴
玩左勁耐, 都淨係sight read 到個 intro
仲要唔可以跟住拍子機玩
實在太唔掂啦！
總之今年點 "屈機" 都要練到呢隻歌！

比利你壞啦！！
究竟你個 "佢" 係邊個呢？

>>August 20, 2003 at 5:25:12 AM GMT+8

2003 年 8 月 17 日 星期日 【晴】

"從人不從己" 的後遺症
病到好似死左咁！
起身之後 "怒" 鄎� "吽"
完全唔知自己做乜

喉嚨痛得要死
完全沒有心機
卡拉今晚不ＯＫ
還頭痛得要死
猶如就要ＤＯＷＮ機
救藥卻在洛杉磯
遲來幾班客機

同 "阿士匹靈" 的歌詞一樣
頭又痛, 喉嚨又痛
真係完全沒有心機
醒左又瞓, 瞓左又醒
完全唔記得時間

今日原來有 choir rehearsal
仲要開會添
結果....
四點幾阿大打畀我
問我記唔記得要練野同開會
我用盡把聲先同佢講到野
仲要畀佢個電話吵醒
完全鉞L腦的狀態畀佢 "盤"

早知唔好咁就得人啦！
不過再薯h次
睇怕我都係會去燒咯
無計啦
我係 friend-oriented 的人嘛！
可能有D 人覺得我 on 居
但係...
算啦, 我都係認自己係 on 居咯！

收到曾志偉 send 番封信畀我
我又係YCO 成員咯
"~X！你係唔係都貄CO 尸位素餐架啦"
係o者, 但係今年個首席位都唔會係我
我咪終於可以平平凡凡咁做一個成日遲到的小小團員咯

由得 "棉花鬼" 同吳振釗佢地爭咯
好似 "丹素華盛頓" 都入喎
是但啦
佢地個個都咁勁, 兩個 APA 再加 "拔萃第二高手" 喎
點打呀
我係 "小土豆" (small potato) 之嘛

好彩 "小澤延" 唔會邁�, 唔係佢實打我啦
其實都過左咁耐, 大家係唔係唔應該咁 care 呢？
一個係咁, 兩個又係咁
不過我都係有口話人, 冇口話自己
唔係的話, 夜晚又使唔使病左都瞓唔著呀？

無言獨上西樓, 月如鉤
寂寞梧桐深院 鎖深秋
剪不斷, 理還亂, 是離愁
別是一般滋味 在心頭

林花謝了春紅, 太匆匆
無奈朝來寒雨晚來風
胭脂淚, 相留醉, 幾時重？
自是人生長恨水長東

詞牌是 "相見歡", 寫的卻盡是柔腸百轉的離愁別緒

人生應是快活的
演繹人生的人卻是...

>>August 19, 2003 at 6:15:00 AM GMT+8

2003 年 8 月 16 日 星期六 【陰】

好多人幫我搞生日, 感激
聽到有人對我說：這也許是為了一群人可以有藉口活動
我不介意, 有人以我生日的那天搞活動而我能參與, 也是一種光榮

聽到有人說：何必委屈自己, 咳到死都要燒
但係活動如果連 "主角" 都唔見左, 又或者唔參與
參與的人又有什麼藉口活動？！
犧牲一個人, 成就其它人得到快樂
不也算是好事？！

今年的生日禮物非常豐富
有大龜, 有小龜, 仲有最實用的...書添！
送書唔好咩？
送的人覺得經濟, 收的人覺得實用
已經足夠

為什麼要逼自己知道得這麼多?
何苦要這麼委屈自己?
適當的時候把自己化身成一個天真的人多好

誰也可能是是非的中心, 沒有人是不知道他是是非的中心
但不是所有人都被是非纏著, 為什麼??
因為他們都懂得在適當的時候裝聾扮啞
別管那些閒言閒語, 不是真的事, 問心無愧便成

妝扮成個不問世事的小丑, 不為不真實的事執著
有人覺得我呆我傻
世界卻是天高海闊

上半場是快活的
下半場是迷惘的
哨子卻是一隻燒烤叉
休息室看到一群快活的人
荷塘的美景
蟲鳴蛙跳, 月照荷塘
寂寞的流星火為這美好的小天地帶來一點突兀
後悔了讓哨子聲刺破了辛苦經營的快活小天地

哨子聲使我變成荷塘上的朱自清
墮回沉淪的泥淖
縱有街燈, 黑暗燃燒了我
縱有歡芺, 寂寞覆蓋了我
縱有朋友, 孤單吹倒了我
縱有喧鬧, 寧靜淹沒了我

有口, 但講不出
有耳, 但聽不著
有眼, 但看不到
有腦, 但想不通
有手, 但......
文盲又如何能我手寫我心？

原來我終於習慣孤獨
更懂得純熟地假裝快樂
我自己成了臺下的觀眾
皮笑肉不笑的嘲笑演員的失敗

日子本來就沒有所謂的先後
嚼得乏味的口香糖黏黏糊糊的依附著思緒不肯走開
生活因為炎熱和假期而融化進而慵懶再而乏味
但規律生活的味道又在那兒?
人們於是不得不承認規律是為了掩飾不安

如果你知道生命的意義，請告訴我
如果你知道愛的寫法，請告訴我
最怕我已成了一字不識的文盲
缺乏練習之下已忘記了怎麼去愛
給褫奪被愛的資格
我孤獨，但在空無一人的屋中有誰聽見?

苟足於其性, 則雖大鵬無以自貴於小鳥
小鳥無羨於天池, 而榮願有餘矣
故小大雖殊, 逍遙一也

為昨天因任何事感到不快的人致歉
多謝惠顧, 歡迎光臨
明年請早

P.S. 我好似係廿歲生日, 唔係兩歲生日
　　下次可唔可以買D 無咁益智的野呀！
　　歲半or above ？！

P.S. 2 無野就係無野, 萬匯一唔好成日亂諗啦
　　　你搞到我真係唔知可以點！
　　　我真係唔係呀！
　　　係唔係想有妹都有罪呀！

P.S. 3 兩個人的天地變成三個人的世界(我唔係基架)
　　　不自在
　　　欲說無從, 有話無處說
　　　誠徵朋友一名, 專責聆聽, 兼責分享
　　　不論年齡, 無分貴賤
　　　有人性(無異性)者優先

>>August 18, 2003 at 4:44:49 AM GMT+8