2003 年 9 月 14 日 星期日 【乍寒還暖】

尋晚發夢都係夢見自己遲到
好似撞鬼咁！
識得我耐 D 人都知我平時好少遲到
最近唔止成日遲到, 仲要遲好多添
好邪！

O' week 第一日
晨咁早出門口
趕住八點半返到 POLY
點解？
唔係要做野
反而係想早 D 返去溫書

今朝特登早 D 返去, 事關約左阿一溫書
點知地鐵唔知搞乜, 成鬼日故障
搞到我要轉火車
去到 LIB 門口, 好似都係遲左十分鐘
好沮喪, 唔知點算
雖然佢同謝子最後都係遲到
但係我都遲左
無論遲幾多都好, 遲到就係遲到
總之就唔開心啦！

之後去 Music Room 幫手
雞手鴨腳就少不免啦
最厲害係四條友抬左部鋼琴走
由 Music Room 去 CF Core, 都真係幾大工程架

今日表演麻麻地
聽日要再好 D

一路練歌, 一路訓覺的感覺真係好正
雖然之前果堂 Lecture 都訓左成粒鐘
但係都係唔夠
今次的感覺, 差唔多等於我平時一路訓一路練阮咁

細個果時玩 Music Camp, 好夜訓 (以前我九點前訓左咯...)
第二朝就好鬼眼訓
咪一路訓一路玩咯
但係我又玩到呀！ (顧冠仁之嘛！佢 D 歌唔係好難O者)
無意中就畀我練成左呢門絕技
可惜呀, 呢項絕技唔係成日都用到
否則果次黃曉飛練 "酒歌", 就唔使佢等我訓醒先講：" 好啦, 佢醒啦, 我地開始..."

好野, 今日十點幾就返到屋企
唔使阿爸成日話："我好似都成個星期無見過你咯"

聽日仔仔話唔得閒唔教得我
阿一又話去肥仔屋企玩煮飯仔
咁我梗係聽日收完檔之後火速去肥仔屋企啦！
不過...
我好似淨係記得佢屋企係星河明居五至六樓
點算？

>>September 15, 2003 at 6:52:48 PM GMT+8

2003 年 9 月 13 日 星期六 【雨】

尋晚同胡晉僖傾左一陣
最係都係去屯門睇佢表演

今朝終於可以自己起身
因為真係好驚又遲到
差 D 遲到, 結果要轉火車
好彩轉火車咋
旺角超大雨, 如果我由地鐵站行上火車站實死
不過咁大雨, 大大佬都可以以為出面好大霧
激死！

去到等左一陣陳某人先到
上邊放遲左之嘛, 我都明白
我以前都係彈撥人嘛！

去左八音, 唔記得點開門.........
上到去, 佢去買弦, 我就睇下有無新野
結果大家都無收獲
之後想買 pick, 但係佢果 D 款好唔掂
最後 "襯" 條友 serve 其他人果陣靜靜雞走左
好似偷左 d 野乘機走左咁鬼祟！

之後去左凱聲
佢買到弦, pick 同書, 我都買左五塊 picks
佢望完本劉星, 話譯譜譯死佢喎！
呢層就辛苦佢咯............
快 D 學下 sight read 五線譜咪得咯

最後仔仔會合埋我地
一齊去 "拔萃飯堂" 食飯

原來有 D 人隻手係有 "蹼" 架
如果見到呢類人要小心 D 呀
佢好有可能精神有問題架！
我同仔仔又搞到佢出左 D 新既基本動作啦, 包括：
1. Fing 頭
2. 哼！
當然, 傳統的用腳踏地就梗係有啦！

萬匯一鄑琣a食完飯無耐打畀我
約我鄐鶢挽舋�
點知掛住吹水唔記得 (唔係齋吹水架, 我同仔仔有正經野講架！)
搞到佢勁嬲！
sorry 呀~~~~~~~~~~~~~~~~~~~~~~~~~~

上到 DB, 又畀佢怒 "小"
又話我掛住唔知乜乜！
邊有喎！

練鼓練得唔錯
不過硬係未 row 到
仲係跛 row
要加把勁先得！

練完上火車站搭車去屯門
一上到去就有車, 我咪上咯
不過真係幾驚搭錯車呀
於是成日望出面街, 一唔對路立即落車
好彩, 順利到達目的地

七點幾先到
傾盆大雨
鄐椌虪姨s場落車, 明明鉆j離
居然唔知點去大會堂
真白痴！
平時有太陽我都熟路架！
可能係天雨關係影響能見度啦 (都有可能影鉈I個腦啦)

終於到大會堂啦
食左個免費飯
見到朱哥哥, 又見到豬 ray (不過佢仲唔肯畀錢)
仲見到朱鳳儀添
搞到我好想入愛樂呀~~~~~~~

又見到文姐
果然係一個有性格的文姐
同場見到阿 B 同 B 仔添 (不過此乃真 "B 仔", 唔係羅 B)
仲見到趙慶中, 佢畀左張飛我, 不過我就未畀錢佢 ^^

仔仔真係好帶挈
畀張邊緣位我地坐！
睇到勁辛苦
鄔立＊玩得真係好
鄭旭都唔錯, 如果無樂隊陪奏會更好
肥婆遲到, 要到秦王破陣樂至出現
仔仔就好 d, 一開場最遲出現, 仲以為佢有 solo 添！

下半場調左位去頭等處坐
文姐同阿 B 好驚有人捉佢地....
文姐仲諗左個藉口, 話我地坐中間試下貴飛係咪坐彈弓椅喎！
唔係咁都驚一餐嘛！我成日都係咁架喎！
個場咁空, 實無人坐啦
最多咪坐過一兩個位咯！

睇睇下佢話有 d 凍
睇過, 真係幾凍喎！
最衰無帶褸啦, 唔係佢咪唔使咁辛苦咯
咁蹺有本 leaflet 講張愛玲小說
內容如下：
“他握住她的手。
曼楨道：" 你的手這樣冷......你不覺得冷麼？"
世鈞道：" 還好。不冷。"
曼楨道：" 剛才我回來的時候已經有點冷了，現在又冷了些。" ”
睇完之後, 佢都笑左出�

方+寶又炒粉
次次都係咁, 都預左咯
冬 "臘" 中阮同主旋律都係夾唔到
都係預左咯
基本上我除左聽 CD之外, 無聽過現場的冬 "臘" 呢處係夾到架！

成場表演都係麻麻地
"第一二胡狂想曲" 唔係唔好, 係無聲果下衰嘛
上次 "世紀中樂名曲選" 表演都有加咪啦
佢地唔係無錢唔加咪嘛！
最唔開心係全人類都玩到有神無氣咁, 大細聲又唔夠誇張
完全係令到我有少少聽到頹.......

唯一令我有多少驚喜的係肥仔江
原來佢拉二胡真係幾勁
難怪當年佢坐得咁前啦！

表演完, 去咗後台
意外發現失落已久的麟仔
於是我, 豬 ray, 肥婆同麟仔四個出左旺角食野
我叫埋文姐一齊, 但係佢又要等仔仔
最後都係得我地幾個一齊出去

好大雨
去左許留山食野
今次終於我做到決定咯
又係肥婆請, 仲要請晒全部人
多謝肥婆

計落麟仔走左四年
宜家都第二個 Yr. 2 咯！
但係佢仲要讀多一個 degree
之後又要酯^國做幾年野攞經驗
咁佢咪起碼要 30 歲先可以回流返香港？！

>>September 14, 2003 at 6:19:05 PM GMT+8

2003 年 9 月 12 日 星期五 【晴】

延續番尋日
我同阿然五點幾六點訓左
十一點八先起身
去左食早餐 (其實即係午餐)
食完返屋企
check e-mail 同開 icq
都係眼訓
訓吓先
Zzzzzz............................................

醒番都成六點幾
食飯, 訓覺
之前同陳某人講要十二點二去到 MO 樓下
好驚遲到
都係早 D 訓
雖然都係兩點幾先訓............

>>September 14, 2003 at 4:47:55 PM GMT+8

2003 年 9 月 11 日 星期四 【晴】

晨早要練鼓, 但係遲到
個人好似好無活力咁
遲成個鐘, 好彩無畀人 "少"
今日算係練得唔錯架啦
不過勝利的果實響北京, 我地仲未由香港行路出發上去攞之嘛！

練到六點幾, 阿一練到好累
好彩老拎上左�, 佢會精神 D

好唔想佢地走
因為我十點要返 poly, 所以想佢地留係旺角
始終係我地頭, 去邊度都方便 D
起碼知道邊度有得畀我打書釘嘛！

阿一成日話響旺角淨係會打機
咁既思想真係好唔健康
今日終於有 "小澤延" 同我想法一致
捉左佢同老拎去睇書
不過站到阿一更疲累
我同佢講："都話去榆林架啦, 林澤延係都要謙グz之嘛！"
佢問有乜分別
我咪話："榆林有得坐咯！"
佢 ber 左一聲

去左食十蚊麵
之後又去許留山食甜品
$ 22 的晚食連甜品真係幾抵！

要走既始終要走
要蟀J始終要�
等到佢地都走晒
我又要懂得面對一個人的時候
不過今次好好
旺角大把地方可以打書釘
睇左一粒鐘幾米, 真係愈來愈鍾意佢

今日響 Hall, 都有少少驚撞到佢
響大堂坐左好耐都見唔到佢
好似好好彩
點知搭到一樓佢就入 lift
我見到佢, 佢都見到我
我做左樣好無勇氣同不負責任的事：
扮睇唔到, 同阿然吹水
仲要連望都唔望去佢個邊
唔只係唔想, 不過最重要係唔敢
死在我地一行三人同佢都係一齊響十八樓落 lift
人生如戲, 真係好似做戲咁 "蹺"

畀阿大呃左入 Hall
好似無乜野做過
四十蚊入 Hall 齋吹水, 好無聊...

最後五點幾六點去左十八樓訓
好驚又好似做戲咁
不過...
我唔係次次都咁好彩架嘛
呼~~~~~~~~~~ (鬆一口氣)

彩雲追月......
我唔響屋企, 無得追添！
不過今日雖然係追月
但係天上面淨係得一個大餅同一粒星
唔好講話係彩雲呀, 雲都唔多舊

今晚的天空, 只有一副對聯可以形容：
上聯：遙望這月
下聯：遠眺那星

~~~~~~~~~~~~~~~~~~~~~~~~~~~~~~~~~~~~~~~~~~~~~~
密密麻麻厚重的日記
細細長長字字都想你
清清楚楚模糊中回憶
再也無法清醒　藍色的憂鬱
刻劃著一點一滴　年華老去
孤孤單單扎實的恐懼
虛虛幻幻看不見自己
凌凌亂亂碎一地感情

一頁頁的日記　貼上的記憶
隨時光一點一滴　斑駁的感情

>>September 13, 2003 at 7:37:29 AM GMT+8

2003 年 9 月 10 日 星期三 【晴】

中秋節快樂？！
這次是我今年過得最差的一個假期
上堂忘記轉了課室, 結果
去到維園, 跟鄧文蟹集團毫無聯絡
已方勢力遠比鄧文蟹集團弱小 (只有四人)
最後都係去咗打機...

去明將食飯
趕時間得滯, 結果落錯 Lift
落錯 Lift, 如離開了幸福的高速路
落錯 Lift, 如明天發現只愛舊懷抱

五條友食咗七十幾碟
破唔到上次紀錄

終於可以十二點前返到屋企
總算係今個星期的異數
真係要多謝阿一阿媽！
唔該晒呀伯母！

~~~~~~~~~~~~~~~~~~~~~~~~~~~~~~~~~~~~~~~~~~~~
每個人的心事都由一個箱儲藏並鎖上
鎖的堅固程度是根據自己的做人態度來釐定的
有的人擁有的是把玩具鎖, 易被爆竊
有的人擁有的是密碼鎖, 容易洩露
有的人擁有的是加固鎖, 非有鎖匙不得內進
可是
有的人根本沒有鎖上, 但箱子卻從沒有人願意理會...

好彩, 總算唔會無人理我
用的是加固鎖, 想要鎖匙的問我
不過, 我也找不著那失落良久的鎖匙...
如有拾獲, 請與本人聯絡, 重酬

我的心像口井 不管你伸手探尋
越過你 看著你身後最亮的星
我的心像口井 枯等回頭的身影
聽見的 竟是冷冷經過的足音

我的心是沙漠海

獨夜無伴 又擱來到 離別的所在等候
想到彼道歌 彼個人 彼場夢 彼段情 悲歡不堪回頭
彼陣時機來到 咱來結做患難之交
但是咱相信 有一日一定會出頭

吉他情歌輕彈　彈未出咱滿腹孤單
像落魄江湖　無稀罕的一雙淺拖

>>September 11, 2003 at 6:07:26 PM GMT+8

2003 年 9 月 9 日 星期二 【晴】

如果尋日叫做眼瞓的話
今日真係直頭眼瞓到想死！
通頂做咗份垃圾功課出�
好唔開心
但係都唔可以完全唔做其他野, 好專心咁做功課
用咗一個鐘薔握敿O
原來打日記後要用咁多時間架
不過篇野又真係幾長...

朝早用第二部電腦印份功課出�
點知部影印機食紙
搞到我八點一先出得門口
但係八點半就要上堂
好慘
我要坐地鐵轉火車
先至勉强可以鄐K點九返到 POLY
好彩今日堂 Lab 廢 (下個星期先要做 Assignment, 今次無野做)
唔係我又眼瞓又頹
實無心機上堂啦

今日好叻, 全班人都識的問題我居然識答
好似做完果份野之後真係唔同 d 喎！
唔係勁咗, 只不過係比從前懂得如何去揭書而矣...

上完堂之後, 去咗 library 過咗一陣
借咗兩本黎文卓, 幾扺死
後來真係好頂唔順
於是去咗 Music Room 度, 趴咗鈳◎s琴上面瞓
瞓到就夠鐘就醒, 我真係好知醒呀！

去阿 NICK 堂
瞓到唔記得咗要 Print 佢份 NOTES
唯有擺本盜版書僣^面
既可以等枱面無咁空虛, 又可以令我睇落好似勁 D
NICK 講講吓唔好 Copying, 行過我個位 (我坐第一排嘛)
見到我本盜版書
我就同佢講, "身為一個老師, 你係應該睇唔到本書既..."

佢今日講 Tides, 叫咗幾條 "茂利" 出去扮太陽, 月球, 地球, 大潮 * 2 同細潮 * 2
地球無乜野做之嘛
一於我扮啦
之後佢問我有冇玩 DRAMA, 話我好似做謊裝搳I
當然啦
我由幼稚園開始好似已經係做緊
點會唔好呀？

一落堂又去 Music Room 瞓
無野做就落去無聊吓
宜家 Music Room, 就好似以前的國樂室
唯一的分別
可能係鈰篥眱カ�瞓唔著咯...

練完歌去食飯
琴子成日講無聊野
仲搞到我好無奈添！
夠啦！
我唔要有人再講 "Brian 的故事" 呀！！＞＜”

飯後琴子想去許留山
Billy 帶路, 結果去咗仙跡岩
又吹勁耐水
吹到點半....
結果我要搭去旺角轉西貢小巴
咁就無咗 $18 啦！！！＞＜”

聽日要上堂, 唔去得整衫添！
好眼瞓
三點幾都仲 online
都係早 D 瞓把啦

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
由出世開始就做戲
一開頭係個淘氣小朋友
之後扮係純品小學生
做到好悶, 扮成一個成日爛口的學生
入咗 DB, 又扮成一個要講賤野做賤人的學生 (雖然今次做得唔好...)
讀咗七年, 扮咗七年, 頹咗七年
到大學, 好似變成一個鄉愿
戲中的角色, 漸漸變成現實的我
現實的我, 反而變成幻想中的我
到底現實的我是我, 還是戲中的我是我？！

莊周夢蝶？！

>>September 11, 2003 at 4:10:54 PM GMT+8

2003 年 9 月 8 日 星期一 【晴】

朝早四點寫既 INFO.....

有咁耐風流, 有咁耐折墮
"即食麵文化" 又令到我墮入痛苦的深淵....
(抵死, 自己唔早D做功課)

又窮, 又頹, 仲要開夜車
無非都係為咗同一班老鬼食飯
好耐無見麟仔, 唔知佢點呢?
更加想知係肥婆點解要...添

聽日要食飯, 後日要交功課
睇怕聽晚實要開 "行" 架夜車先得咯...
今日都要做到就四點先可以訓
聽晚...
唉......... ><"

睇完李碧華的 "赤狐花貓眼"
識得一個新的名詞："汁男"
呢個係一個行業的名稱
汁係乜??
想知就自己問我啦

願天下有 "汁" 的男人都唔使做 "汁男"
9-9-2003

好累呀~~~
今日仲要返九點半
差 D 又遲啦！
鬼叫我未做完份 Assignment 咩
抵死！

上堂果陣差 D 瞓鬼著
好彩, 仲支持到
無瞓到

中場休息, 去咗攞錢
實在太窮啦
銀行的錢愈來愈少
爭我錢既人又唔肯還！
搞到我都爭人錢
面臨嚴重的財政危機

好想賺錢
但係今個 SEM 我又發過誓 GPA 要過三
都係想吓好咯...
睇吓遲 D 有冇外快賺吓啦
不過機會都係好渺茫
專心溫書做功課把啦！

本來放五點半
但係未夠三點就可以鬆人
超開心！
好想做陣野先
最後又係陪阿一同班同學吹水
嘥晒 D 時間

之後去咗邊？
同阿一一齊有冇地方好去呀？
唔通佢會咁好死陪我去圖書館做野咩！
佢連入圖書館都嫌嘥時間
雞咁腳就走咗去機舖啦！

不過佢今日肯定勁高興
事關佢打足球機果陣
有條 "茂利" 走去挑佢機
你無聽錯, 你無聽錯
果條友真係一條 "茂利"
同阿一呢種 "球技" 麻麻的人對打
竟然可以連輸六舖
仲要嘥 $21 蚊去挑阿一機
條友真係一條有錢既 "懇實" 之人！

條友好廢, 但係就搞到阿一欲罷不能
仲要搞到我地遲到
約七點到尖沙咀地鐵恒生, 居然七點四先趕到
就連永無早到的肥婆都到埋, 我地都未到
真係有 D 過份
阿一都唔敢張揚佢之前的輝煌戰績畀在場的人聽
否則各大佬知道我地係因為打機而遲到
一定叫我地請食飯, 順手溶埋我地...

麟仔無去到, 有 D 失落
但係都唔使叫 Matthew 螺遜嚏I
兩個人鄑琱艄堣云漲a位真係差好遠
謝子去都話係大佬呀！
Matthew 算係乜呀？！
咁都跟埋薄H！
不過算啦, 都係食飯之嘛！
我係唔滿意佢成日都懶係扮晒同 D 大佬熟O者

今日的飯團計有：肥婆, 牛眼, 嘻嘻, David, 汪汪, 阿一, 我, 謝子同 Matthew
食完飯吹咗勁耐水
吹完又去食糖水
行到新港門口, 阿一機癮起
同謝子去咗打機
其餘的人就到咗杏花樓
食食吓有人打畀我
我以為係阿一啦
點知一聽, 有個人用一把死人聲同我講野
仲問我："萬匯一係咪鄑盚j離？！"
原來係老拎
肯定係條死仔打機打到唔聽佢電話啦

大家食完就散
我, 嘻嘻同汪汪諗住會合番兩個打機的人
點知佢地粒聲唔出走晒
過份！

十二點幾, 番到屋企
做功課咯.....
(欲知後事如何, 且聽下回分解)

~~~~~~~~~~~~~~~~~~~~~~~~~~~~~~~~~~~~~~~
識的人當中
終於有人係可以坦然面對舊愛
居然係嘻嘻...
好似除咗佢之外, 我識的人都無一倖免
汪汪最灰
每年暑假就開心, 之後又 Down 番
不過聞說 "子宮頸癌" 會長駐香港
汪汪會點呢！？

有好多野想問肥婆
但係見到佢又講唔出
諗吓佢自己的事都自己解決咗啦
佢又唔係霎時衝動, 又唔係無諗過後果
佢做的決定實有佢的理由
只不過唔知究竟 "佢" 近況如何
我地都好似同 "佢" 生疏咗
話晒小學識到宜家
唔想見 "佢" 唔開心
"佢" 係有愁善感, 但係唔輕易表露出來
好想同 "佢" 有番聯絡...

講完佢地, 又講番我呀
宜家我又變番 Yr.1 的自閉狀態
但係又隨時可以同唔同人做唔同的野
好似食飯, Grouping...
唔會好似以前咁, 淨係同一小撮的人熟
可惜
相識滿天下, 知心有何人？

始終也是騙不了自己, 她出現的時候
我的眼神都是迴避, 甚至不參與活動
是怕？是介懷？是恨？是怨.................
不要問我, 我可不知道
也許我真是哭得太累
也許也許我要睡一睡
也許往事不堪回首
也許...
只是不想再被愚矇

被騙了太多次
每次都是被拙劣的謊話愚弄
愚公仍舊相信
總有一天心田會長出盛放的花朵
可是一覺醒來
心田早已轉讓
愚公最後一次被愚弄
可是
曾花了他無數心血的一畝荒田
田中的花朵已是在別人懷裏獻媚

"瘦田定律" 仍舊存在
競爭會引致租值消散, 減低需求
需求下跌, 總收入亦會下跌
切記, 人可不是壟斷的, 而是可以取代的
善價待沽, 只會引致需求量下跌
總收入永遠也不會因而增加

>>September 9, 2003 at 8:57:11 PM GMT+8

2003 年 9 月 7 日 星期日 【陰】

一起身, 望吓個鐘
十點九！
如果我尋日咁既鐘數醒就唔會遲到啦！

阿媽整咗}x, 食完}x先出去
差 D 遲到！
好彩及時趕到
正確 D 謠�, 我係遲到, 但係個講師都係遲過我
逃過一劫！^^

終於有 "寶帶橋" 篇文咯
可以開工啦！
不過好似好鬼死多野做
唔知開唔開到工添！

發現自己真係好似 DB 仔
做野往往係有 "即食麵文化"
即係做野係要到最後關頭先開始做
雖然次次都搞得掂 (好似兩次作曲咁)
但係難保會有一次有冬瓜豆腐
咁就真係大鑊咯

今次真係可能中伏呀
事關我份功課後日要交
但係今日要開會
聽日要食飯
無時間做
大鑊.......
唯有夜車 "車" 掂佢啦！！

原來上 Civil D 堂真係好可憐
要怒抄 notes 架！
不過真係上得勁充實
只係周圍 D 人鄑盚j離猛咁話宜家仲有人抄 notes 咯....
無應...

落到 Music Room, 見好多人都食飯
於是我走咗去7仔買咖喱牛腩飯
宜家7仔既咖喱牛腩飯已經成為我練 Choir 之前的定食咯
每次要開會果陣我都係買7仔既咖喱牛腩飯
仲有℅l送添！^^

隔離中樂 D 莊員請全房 D 人食月餅
我地食完之後, 我鉌\盒餅上面寫咗張 "謝謝" 的便條
話晒都算係有禮貌嘛

開完會
望吓表, 原來都十二點九
大家都好 "支力"
盈盈仲要畀阿然個袋絆倒
成個人跌咗落地, 仲好響添
佢話無事, 但係我 Feel 到佢真係勁痛咯！

地鐵公司唔肯要我呢個乘客
平時住地鐵沿線, 無地鐵搭都唔知點好
話晒出到彌敦道都成點鐘咯
幾驚無車返屋企呀！
好彩, 有架 26 號咁 "蹺" 經過
咪 "啦啦林" 上車咯
架巴士超快, 但係真係好危險
我真係覺得似鈺T嶇的山路上玩過山車咁
成個人完完整整返到屋企
非常好彩
都係一點半o者
唔算好晏....(?!)

返到屋企, 仲要做功課呀！！
今次實要開夜車啦！！
努力！加油！！

>>September 8, 2003 at 6:42:54 PM GMT+8

2003 年 9 月 6 日 星期六 【暴雨】

今朝半睡半醒的時候望吓個鐘
八點幾之嘛, 又再瞓過...
到第二次瞓醒
大鑊！！十二點三！！
我好似約人十二點二架喎！
立即打個電話同佢 say sorry
佢話唔介意
但係我真係好介意！
1. 無理由要一個女仔等我
2. 身為一個人, 無理由約完人之後遲到, 尤其呢個人不嬲都唔鍾意人遲到
3. 更無理由的是, 竟然約人十二點二出旺角, 會十二點三先起身！
太過份啦！！

上星期五配咗副新眼鏡
星期五攞咗, 練練吓 YCO 果陣覺得超唔對路
副眼鏡歪咗
今日攞咗去整番好佢

之後要練鼓
番到 DB, 佢地� cover playground
"你英偉" 鈰篥眱サ迮^, 無得鄐J面練
不過出面真係好熱
好彩有風趣幽默的曹家偉仗義相助
幫我地開 Hall 之餘
仲幫我地印譜
曹 Sir 果然係我地國樂會的好舵手！
唔係, 係艦長至真！
假假地佢都係手掌兵權, 雄霸北洋的北洋艦長！
佢手下的兵馬, 真係隊隊都係 "北洋艦隊" 蟀[！

入到 Hall, 好似好熱
都係開晒冷氣先
練練吓阿然打襄雂絞葹屭炩}會
之後又有人打畀我問聽日得唔得閒開會
好似好多電話添！

要打第一部, 仲要企第一排
真係要練吓先
唔係到時畀何生見到
畀佢話："果個譚博威呀, 點解你打到咁架？無練過架咩？" 咁就唔好啦
都係要練吓點 row 先得！

人經常要面對不少的誘惑
總不成每次都受到誘惑而不加抵抗
無條件的投降只會麻痹自己對誘惑的危機感
到了一個時候, 人就會被其肉體支配
靈魂因而沉淪
如何增强自己的意志去對抗誘惑？
無慾無求？不成, 太過理想, 不太可能實踐
唯有少慾隨緣, 方可使我們面對誘惑時能有較客觀的頭腦分析！

例子：
1. 看到一本八卦雜誌／成人雜誌.... (視乎個別對象而定), 你會？
　A. 毫不猶豫買下
　B. 考慮價錢
　C. 睇當時心情, 如果有 D 需要, 可能會買
　D. 因為不屑, 所以不買

當然這個例子比較極端, 因為有不少人對這些東西不感興趣, 再看下一個例子：

2. 當你看到一個樣貌十分英俊, 有型, 瀟灑...／俏麗, 可愛, 漂亮...的男孩／女孩時, 你會？
　A. 飛身撲埋去, 像蜜蜂看到花, 蒼蠅看到...般圍著他／她
　B. 唔會咁狼死, 但係一定會問佢攞聯絡方法, 等無咁多人先至郁手！
　C. 會對佢地行注目禮, 但係唔會話非要結識不可, 欣賞吓就無所謂
　D. ~X！靚仔／女之嘛, 我先至唔恨！

揀 A 的人好明顯係狼胎啦！全無氣魄可言！如果我是那個人的話, 一定唔會揀你
揀 B 的人可謂深謀遠慮, 但係陰謀遲早有一日會敗露, 小心
揀 C 的人頗有風度, 但係機會是要爭取的, 那人不會是上天特別賜給你一人的禮物
至於揀 D 的人會不會是出於妒忌, 我可不清楚...也許他／她要追求的不是外貌, 而是內在美的話
那他／她可真是個有氣魄的人

一佪人要完全了解另一個人, 並不可能 (因為自己亦未必完全了解自己)
唯有透過長期觀察, 方可掌握較準確的情報
了解那人是否適合自己
如果你真的是這樣的話, 恭喜你
你很成熟
但小心切記, 他／她可不會等你

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
曾經說出 今生不愛妳 我共妳是 但有份沒有緣
情切是妳 痴痴相戀 將心中愛念 為我捐
如今我竟 竟將心意轉 那份愛念 沒有盡沒有完
輪到妳 不啾不啋 心中的愛念 盡化煙 能否改變
還想再等 沒法息愛念 但偏偏妳 回頭也倦
煩惱是我 流淚更無言 情逝去不再留半點
誰可以將 將光陰倒轉 再讓往日 復現眼前
能再共妳 漫步田園 心中的愛念 為妳牽 求可改變－－－《誰可改變》譚詠麟

>>September 7, 2003 at 4:49:28 PM GMT+8

2003 年 9 月 5 日 星期五 【雨】

今日去咗拜山
年年都係咁, 晨咁早拜山
等到正日就唔使同一大班孝子賢孫迫餐死
雖則正日果日我地都要拜山...

阿媽今日畀人串！
根據佢既口供, 佢話當時佢鈰s樓度叫外賣
由於叫既數量太多的關係
個阿嬸畀晒 D 點心其他輪候的人 (鄑琲揸𦶡嵾控ⅱ云漱H) 先
仲話唔等得唔好等添！
咁既時勢, D 人的服務態度都仲係咁差
香港點復甦呀？！

每年的春秋二祭, 都係我老豆同老友的聚會
佢地以前一齊學野, 一齊揸的士
後來老豆賣咗架車, 佢就繼續做
每年佢都會車我地一家人去拜山
就係咁, 我地一家五口每年就要有四條友迫著鄎嵼y (老豆坐前座)
仲要全家人裏面, 得我係身材窈窕
好心佢地減肥啦！
好迫呀！

尋日超夜瞓, 今朝超眼瞓
一上車就瞓
老豆同佢老友就不斷吹水
無啦啦醒咗
點解會去咗西貢市中心架？！
明明去緊和合石噃！
無理由從彩虹去大埔要經過西貢掛！
好明顯佢地又玩野啦！
佢地年年都會行唔同的路去大埔
今年玩到入完西貢？！
仲要玩玩吓架的士無氣, 要走去石油氣站加氣添
激死！　＞＜"

去完大埔買祭品, 直去和合石
落咗車, 又見到果個 Control Point
都見過幾次咯
以前未讀量地之前都唔知係乜
宜家知道之後又好想八吓其他果 D 鈱�
最少要多兩個 points, 我地先至可以搵到個 point 既 coordinate
然後先至可以開始 "量地" 嘛！

一路上山, 一路有兩個女人跟住我地
佢地幫我地清理墳前的雜草, 又畀咗兩個財神我地
本來都唔使佢地做
我地年年都係咁打掃架啦！
但係都要焗住畀錢
真係唔抵！

拜完山返到屋企
表哥無啦啦話上�
仲帶埋佢三個仔女添！
大家唔使驚
我最大個表哥仲老過我老豆

玩到六點幾先走
我就一路都鄔衎蚰晷�, 仲要打到瞓鬼著咗添

原來 "貓之報恩" 都真係幾唔錯！
隻歌就更加係好聽啦！
不過我都係想買 "叮噹" 同 "海底奇兵"
呢兩齣戲上畫果陣我非常想睇
但係都唔得閒去睇, 無好好咁到把握、珍惜
到落咗畫我先至後悔莫及
塵世間的悲劇莫過於此！

係咪有人借咗我隻 "Matrix" 未還呢？！
係又睇到既話就快 D 還啦
都攞咗去成個 Summer 咯！
唔通仲未睇完咩！

~~~~~~~~~~~~~~~~~~~~~~~~~~~~~~~~~~~~~~~~
你花一眼和一句 令到她會笑下去 還換新香水
你為人人犯過罪 似地平狂傲雨水
每朵花最後 沒法可再安睡 橫渡過便拆散一對
何不共沿路野花歡快起舞 何解越難越要得到
你用你懷抱 但我只能禱告 掠過她 已心愛不保
何解在沿路停了步 歲月要消耗隨便消耗
最後這玫瑰 是我終生愛慕 期望你 能好心好報
你花一眼和一句 令我仿似是 她的故居
你為人人狠過罪 愛在詹前下雨水
每朵花最後 沒法可再安睡 如摘去是我欠進取
某日你來到 月老看得到 也會越老 －－－《花犯》李克勤

>>September 6, 2003 at 6:04:39 PM GMT+8