2003 年 9 月 4 日 星期四 【暴雨】

仲以為今日可以慢慢瞓
點知 Check Check 個時間表
原來又係八點半堂！
I hate half past eight

臨出地鐵站, 聽到有人叫我, 但係又唔係叫我個名
轉頭一望, 係個女仔
問我係唔係去 poly, 我答係
跟住佢就問可唔可以遮埋佢
於是我把遮咪遮咗兩個人咯！
條友好健談
短短個幾字的路程, 我就知道佢係物理治療 Yr. 1, 住鄎C衣
平時要行十幾分鐘, 仲要等五個字先撘到 41x 去 poly 門口
可惜個樣唔係勁靚, 唔係實抄佢牌

講笑o者！
其實我都唔慣鄑琤�瞓醒的時候同人吹水
就算係屋企人都係咁
我阿媽成日都好晨早咁問我野
雖然我個身醒咗, 但係個腦又未醒
經常搞到好大火氣
成朝唔睬阿媽
如果唔係個女仔咁健談, 又費事佢講野我唔睬佢, 我都費事同佢傾偈！

番到去 FG 304, 果度竟然變咗做 Store Room！
唔通我地要變做電腦上堂？！
咁我唯有扮 Keyboad 咯！

佢地竟然將 D O'camp 的野畀番一份我
我好似無乜參與過
無啦啦 "豆" 咗佢地份禮
有 D 唔好意思添

終於攞番失落咗一個 Summer term 的兩隻 DVD
終於見到成個 Summer 無見既 Joseph
終於成功地令 Music Room 成為我的避風塘
但係代價係......

阿然原來收野真係可以收得好埋
埋到我都搵唔到
係阿大先可以摷到
果然不愧係阿大

留到六點幾先離開 Poly
去咗攞眼鏡
實遲到啦
都預咗第一日實會遲番 yco
又要無帶琴
會唔會畀人串呢？

條友搞咗好耐都未搞掂副眼鏡
實在太唔 Pro 啦！

去到沙田 MO
臨上見到陳沛倫入 LIFT
於是鉥X十碼外打手勢叫佢等埋
好彩佢睇得明我做乜
唔係我就會好似個傻佬咁 Fing 手 Fing 腳

練 "女媧補天"
成隻歌差唔多全部都係 C Major, 超易 Sight Read
好彩 KO 到份譜

� MO 有兩樣開心野同一樣得人驚的事發生
講開心先啦
1. 唔該 Doris 幫我千里迢迢咁鄐W海幫我買指甲, 仲送隻龜做生日禮物畀我, 多謝
不過無錢還畀佢住, 下個星期同佢計番買指甲錢先！
2. 馬禮怡終於唔係坐我隔離啦, 甩難咯！YEAH~~~~~~~~~
佢同棉花鬼坐, 祝棉花鬼好運！
何生萬歲！！

唔開心的係......
返到去, 無啦啦見到大大佬
嚇死我
驚到我一開頭練野個陣睇到份譜 d 八度亂晒, 彈高咗八度！
點解驚佢？
佢個頭又黑番啦！
真係懷疑佢係唔係用 "美源髮彩"
"逐漸變黑又得, 立即變黑晒亦得"
得咗！

又繼續尸位素餐
我係戀棧住 yco 中阮首席個位唔放的一條茂利
不過隔離條友都唔係練既
部電話成日震
好心佢咁受歡迎就熄手機先練啦
要寫 sms 既就留番遲 d 先做啦
實在係非常嚴重地滋擾到我
><""

棉花鬼同拔萃第二高手既 Sight Read 尚有待改進

蜜桃甜酸排骨好好食, 仲搞到我好飽
由於無食晏的關係
食一個晚飯 = 2 餐
必須食好 D
個餐要 $32, 除開一半都係 $16 一餐飯
幾抵！
但係呢佪飯搞到我用晒身上面所有錢
現在的我, 可謂 "一貧如洗"
有否善長仁翁好善好施, 慷慨解囊
拯救 "小博威" 於水深火熱, 飢寒交迫, 無依無靠, 資用乏絕的境地呢？！

飢餓 (無論肉體, 或是精神)
肉體肚餓可以食飯
精神肚餓可以啃書
但係我好似啃極都唔飽....
可能係精神真係空虛得滯掛？！

>>September 6, 2003 at 3:40:07 AM GMT+8

2003 年 9 月 3 日 星期三 【暴雨】

原本今日要上 Lab
但由於果堂調咗尋日上
(就係果個畀人夾硬用咗謠艙L聊野個 Lab 咯)
今朝堂 Lab 唔使上
即係話
我今日要四點半先有堂上
所以我今朝接近十二點先起身
瞓多 D 身體健康嘛！

打機、食飯
之後返 Poly

返到去 Music Room
發現成班中樂莊鉬糮�
阿瑩話阿大佢地全部出晒去後欄
咪同 Billy 一齊出去搵佢地咯
擺低份 Budget 同張影印咭畀阿大
果陣大約係三點十一
之後就同阿瑩去攞 Soc. T
仲以為要攞好耐
點知半個鐘唔駛就搞掂
我地兩個人抬咗成百件 Soc. T
由百利抬返 Poly
返到後欄, 都未到四點三
原來係唔駛咁多人去抬 Soc. T 架！

諗住去咗半個鐘
阿大都應該睇晒份 Budget 有乜錯啦
點知佢話畀我聽佢未開始睇
無應...

同佢 "鬥" 咗一輪
都係要去上堂
留低咗部計數機畀佢
佢話之後擺番份 Budget 同部機� Music Room

做咗個中文水平測試
成績好令人沮喪
都係時候要惡補吓 D 中文先
唔係實畀人話係文盲

抽不到心水的報告題目未算傷心
抽到係我最無信心的題目先至最無奈
無所謂
咪當向難度挑戰咯
唔係我就算 A 咗呢科都 A 得唔光彩
我要 KO 其他對手！
等人知道我唔係 "臘鴨", 係垃圾！

落堂返 Music Room
遍尋不獲我要的野
打去問阿大, 阿大話畀咗阿然, 叫我打畀佢
打去畀佢, 佢又唔聽我電話
唯有走咯
聽日至算

究竟怎樣面對從前的她？
仿如陌路...
相信跟我要好的友人絕對沒有辦法解決我的問題
原因？！
因為他們也解決不了

拋空一切 面對現實難 原來沮喪無期限
現實如此, 難亦須過
如果要將這沮喪加上一個期限
我想...
可能真的要一萬年

有甚麼真的可以永遠存在
鑽石恒久遠？！
就人而言, 人可以永遠存在腦中的
恐怕只有痛苦...

她, 是這麼近, 卻又是那麼遠
我倆是兩條在二維空間中不平行的直線
偶然相遇
然後...
有誰看過不平行的直線有再遇的機會？

傳說邱比特用黃金箭射人
使人成為伴侶
但為何分手會痛苦？
也許不是邱比特的箭失效
而是他在箭上塗上一種麻藥
迷藥使人暈眩、精志不清
有甜的錯覺
效力一過, 甜的感覺消失
痛就隨箭而來
可別忘記邱比特射的, 可正正是人的心！

答應自己
這是最後的一次無病呻吟
人應有四維的思考
不要停在三維之中
人生是一條向前走的直線
並非停頓的一點

~~~~~~~~~~~~~~~~~~~~~~~~~~~~~~~~~~~~~~~~~~~
回望一眼 像風般冰冷 前路竟已相反
你分開 那一晚 有沒卸下負擔
拋空一切 自唱又自彈 原來沮喪無期限
讓感情的失敗 不要拖拉 是否獲得天地更大
讓生命的考驗 繼續變壞 其實我開始不想理解
還是我只可以一知半解
情願孤單 未需分擔 逃避所有空間
或許一起 面對現實難 從頭不再簡單
（是否不慣 總也在想你）
難道想你折返 是我一直不慣
（思憶中 怎可沖淡）
還是我未決心 去留之間－－－－《一知半解》古巨基

>>September 4, 2003 at 6:36:05 PM GMT+8

2003 年 9 月 2 日 星期二 【雷雨】

點解會咁架！
杜鵑呀杜鵑, 你做乜野唔等埋我, 就咁就去咗呀
我真係好想見多你一面呀
失去了你, 今天的我生存還有什麼意義？

你話有冇搞錯呀
最後一面都唔畀我見吓就走咗
個颱風實在係 "來也匆匆, 去也匆匆"
今朝我一醒果陣, 好緊張咁問我阿媽有關的颱風情況
但係佢竟然同我講："個風走咗啦, 宜家乜風球都除晒啦！"
實在太悲哀啦
佢的離去, 代表我要返八點半
哀莫大於心死
都係走吧啦！

Bruce 真係幾過癮
上佢堂暫時都唔錯
對佢的印象好好
佢講野起碼我無瞓到呀嘛！

之後原來要上 Hydrographic Surveying 既 Lab
但係無啦啦殺咗個 SAO 既人蟆� Career Talk
呃咗我地個 Lab
後來先知佢用咗我地個 Lab 薯P GIS 班友講廢話
我地 D 堂要畀錢上架
浪費我既時間
不過都好, 起碼我用咗 D 時間充實吓自己
做乜？
梗係瞓覺啦！

之後上阿 Nick 堂
佢好鍾意用佢的經歷謠耨�
幾過癮架
起碼我都好精神嘛！
不過臨完堂
就有人成日打電話畀我
我坐最中間, 無理由話聽電話聽得咁揚嘛
咪 CUT 佢線咯

arm arm 上完堂, 又有電話
原來係阿一打�
叫我攞返本書
不過要我畀廿蚊
仲要我即刻飛去新 CAN 添
去到佢地竟然係食下午餐
難為我午餐都係食咗個叉飯 + 蛋咋！

佢地又走咗去上堂, 我又扮勤力去借書
順手 Check e-mail 同開 ICQ
一上見到仔仔
三點幾咗喎
點解會咁早放學架？
咪問佢咯
點知佢答完我之後, 我就長ber.....咗一聲
佢話："我唔知醒呀嘛！今朝十二點幾先起身！"
搞錯呀！
我係大學生都要準時八點半上堂呀！

原來仔仔的生活竟然係可以同豬的生活無分別
有時可以瞓5至6個鐘, 但係有時可以由夜晚10點瞓到第二日既下晝4至5點
真係覺得佢係傻架
佢仲要話佢會無啦啦晨早四五點起身添
點解一個人會有 D 咁唔規律的生活？！
實在無應！

繼續上堂
又見到陳武
對著佢, 唔知點解一定覺得好眼瞓
上個 SEM 上佢堂, 我第一次就瞓咗
今次都無例外, 又 "陣亡" 咗
可能尋晚疲乏後滯咯

上完堂
又未走得
要練歌嘛

練完歌就梗係食飯啦
CA 姐好奇怪咁問我："譚伯呀, 乜近排成日都返謗m歌呀？"
我真係有心返去練歌架
次次都係有 D 意外之嘛
我以後會返多 D 架啦！
唔好咁睇我啦！

魚寶鯊魚丸有乜用？
我話："排毒"
CA 姐話："排油"
阿然話："壯陽"
吓？！咩野話？！
大佬, 聽聞果 D 野係畀女性服用架喎！
點壯陽呀？！
搞到我食食吓鯊魚丸公仔麵都差 D 噴咗出�

救命呀
阿大又講 "Brian" 的事啦
"難受" 分有3.9, 可以話係超難受
講咁多次唔厭咩！
又要問埋晒 D 我宜家無的感情生活
無應！

我唔要除眼鏡呀！
都係按低副眼鏡, 扮咸濕佬咁望人自然 D
咁先似係平時既我嘛

食食吓飯
個新薊漱k仔 (又係叫 "道門") 怱然問我係唔係天秤座
跟住又話天秤座的人姿整, 花心
仲話有我鄎蚺j家唔會悶喎
我似咩？！
我梗係話佢錯啦
跟住佢就同CA 姐怒估我係乜野星座
我鄎蛈禲G"佢地咁撞法, 可能要估十二次先中"
不過可惜呀
CA 姐第十個就撞中咗
我其實係獅子座
佢又鄎袬蕙鄐l座大男人, 自大....
但係好衰唔衰, 佢又要加一句對女仔專一
搞到我都唔知點畀反應好

點解我次次對住阿大, 我既 "話題轉移大法" 都永遠失效架
CA 姐都中咗我招啦
最後都係轉唔到
都係要我扮阿伯撞聾先至應付到佢

好野
聽日四點半先上堂
不過阿大要我對住佢 (做budget)
三點半咪三點半
好！
聽日繼續努力

＞＜”
聽電話把聲又被人話磁性
仲要係阿大話添
唔通....
我屋企部電話真係可以令到人把聲磁性 D？
係就好呀, 咁我可以賣廣告：
"想唔想你把聲畀人話磁性呢？
宜家有妙法！
磁性電話出租
每位每一分鐘只收$3.99
係咪好平好抵呢？
即刻打98578702 同萬先生接洽啦"

記性好差
一號已經填好張延續個人八達通的表
但係今日先記後要交
返到屋企, 以為自己總算記性唔算太差
不過阿然問我張影印卡鈱銢J時候
我先至記得我十分 ON 居地袋咗返屋企
果然我無改錯名 (正確 D 講, 應該係花姐無改錯名)
譚伯果然係譚伯, 記性都係似阿伯

我要 D 增進記憶的藥呀
有冇人有秘方呀？

>>September 3, 2003 at 6:52:04 PM GMT+8

2003 年 9 月 1 日 星期一 【驟雨】

尋晚兩點幾三點先瞓得
梗係啦, 又要開會, 十二點幾先返到屋企
之後又要洗頭沖涼
又要上網搞野
搞到好眼瞓
好彩個頭乾咗, 隻手又無咁痛
先至有覺好瞓咋！

好彩起到身
唔係就遲到咯
起身果陣天氣晴朗, 陽光普照
但係阿媽叫我帶遮
鄑琝馴𡩋攭𠥔I解既時候
我家姐同我講："宜家一號風球喎！"
唔係掛！
半滴雨都無落話打風？
佢仲話尋日已經有
不過我遲返屋企唔知
激死！　><
我要早 D 返屋企！

今日返九點半
我突然發現無帶糖
唔理咯
堂可以遲少少先上
但係糖真係唔可以無喎！
都係買咗先

果個鬼佬阿 Sir 幾搞鬼
係唔畀我地食野慘 D
你知啦！
我地度野不嬲都食無定時架嘛
萬一度完都未食飯, 要等上完佢堂先食得
我地可能會死架！
唔好理咯
都係食番粒糖穩陣

上到十一點半
可以休息吓咯
又去 library 借 D 參考書扮勤力先
順便影印番 D notes
之後又要鄋G度 download D past paper
仲要白痴地 send 番畀自己
(無計啦
攞 past paper 係要上 intranet
屋企 download 唔到
又費事咁早 print 出�
唯有出此下策咯！)

今日無乜見到熟人
唔似尋日咁, 又見到黃寄泓, 又見到 Samuel
仲要發現佢倆個同班添！
所以話呢, Poly 既 podium 除咗頭果日之外, 其餘時間都唔會多人係有原因架
點解？
D 人開始識走堂嘛

本來約埋萬匯一同嘻嘻十二點半一齊食飯
因為就算我地讀埋同一間大學, 都唔係成日有機會一齊食飯架
諗住學期初無咁多野做, 時間好就 D 嘛
點知十二點四, 我 download 緊 past paper 果陣
阿一打畀我, 話唔同得我地食喎
仲話要離開 Poly 添
佢實係走去會老拎啦
算
唔同 d 無人性既人食飯

十二點半上到 library 門口
同嘻嘻話阿一走咗, 連佢都話佢無人性呀！
臨走又落雨, 個天一定好憎我
否則唔會鄑痝怉T狽 (一邊食甜筒, 一邊攞紙巾) 既時候落雨
好彩嘻嘻幫我攞我把遮出薨Q！

本來嘻嘻諗住三條友去茶餐廳食
但係最後淨番我地兩個
結果去咗 有 "DG" 之稱既扒王之王食
一個飯都係卅蚊
都唔係好貴

之後畀嘻嘻唆擺底下
話咁多人離開 Poly
一定係掛咗八號風球
於是就走咗下晝點半鐘果堂
同佢去洪葉睇書
點知行到街口
見到大電視仲係寫住三號風球
哎呀.........
開學第二日就走咗堂添
我即刻鬧嘻嘻唆擺我走堂！
不過牛唔飲水唔 "手禁" 得牛頭低
堂都係我想走既
無理由走到半路先返轉頭架嘛
話晒條柯士甸道都真係幾長

舊年好似都係開學初期無啦啦走咗堂
好似係因為同阿一食飯
學期初可能大家要再摸索掛？
即管放長雙眼睇吓遲 D 點！

舊年我走得好少堂咋！
有一次我以為某一堂十點半先上(其實係九點半上, 十點半完), 結果走咗堂
同埋同阿一果次之外
我都無試過走堂
都算好過以後 lower 同 upper 果陣
係唔係都走啦！
我都有進步掛？！

去到洪葉, 睇咗一陣果本 "胡桃裏的宇宙"
都未睇完第三章
個職員就話掛咗八號波, 要關舖
好彩
我都係走咗一堂咁大把之嘛

之後我地去咗邊？
你話洪葉咁近新港
我地會唔會唔去呀？
梗係唔會啦

一路去佢一路同我講佢宜家係全港打 TC2 的第一
不過佢話仲爭日本仔五萬幾分
唔係就係世界第一喎！
隻 GAME 都出到第三版啦
第二版好少人打咯
佢加 D 油就得啦

臨尾同佢玩 Photohunt
老貓燒鬚添！
居然成日炒
無一次可以破紀錄
可能太耐無 "煲"
下次要煲耐 D 先！

聽日八點半上堂
都唔知自己會遲幾多先醒到！
天文台仲要 arm arm 話掛返八號
之前九號架嘛
唔通聽日會除下所有風球？！
唔好呀！
聽日無風球我實遲架！
唯有祈禱啦！

聽人講話用念力講一萬次會靈架！
用念力先：
聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號！聽日掛八號......


>>September 2, 2003 at 2:45:05 PM GMT+8

2003 年 8 月 31 日 星期日 【晴】

一年之計在於春
一日之計在於晨
界乎兩者中間的一個學期, 其計在於什麼??
係乜我就唔知
我淨係知道我今個學期再唔努力
就一定升唔到讀 degree
好！
應承自己, 要有決心, 鬥志, 勇氣, 膽量同耐性咁完成今個學期
仲要係好勤力個隻添
唔係我就對唔住譚家的列祖列宗！！

晨早起身, 十點半左右
阿媽問食唔食埋飯先出去
鄎峊齯S唔使自己畀錢
我自己又 arm arm 資用乏絕
梗係食埋先啦

晨早開電腦 check timetable
都可以唔記得睇吓自己第一堂鈱銕蚺W
本來 print 咗張 timetable 出�
但係又死在自己無腦唔記得帶
時間又緊逼
點算？！
好彩, 未到 PolyU 門口已經見到自己友
咪同佢一齊行咯
佢帶咗我去 BC 60? 度, 先發覺果度雖則都係上中文, 都係我 D 同學
但係果班個編號係 001
佢果班個編號係 002
我果班就係 004
乜唔係鄋瓩饁[？！
我果班仲要係� DE 30? 上？！
玩我咩, 第一日上堂就行成十幾層樓！
唔傻都行到傻！

中文果科 D 野唔係好難
係麻煩在要寫計劃書
我唔想同人一組做呀
我自己又唔係做唔到！
如果 partner 唔生性又要扣我 D 分
好唔鍾意呀！！！ ><""

上咗半粒鐘就完咗
之後落 library 同人搞 GE D 野
搞搞吓 Timo 打畀我
話叫我陪佢 "溫" 女
無理由佢山長水遠出到薛畯礸y盡地主之誼
咪同佢行吓 Poly 咯
不過好頂唔住佢三句唔埋兩句就話 Poly D 女好識著衫
唔係就話 D 女靚
係都唔使成日講掛！
佢又唔係無女！！
我講就話ｏ者

佢條女搞其他野
我就扮係佢二奶陪佢食飯
佢同我講咗 d 佢唔開心的經歷
真係好慘
聽完佢咁講, 我真係覺得自己一來 waste 咗個暑假, 二來自己暑假過得勁折墮
希望佢入到大學有個新的開始
哀心祝佢大學生活愉快

不過佢腸胃就真係麻麻地
鈮s can 食咗個燒豬頸肉飯之嘛, 就話肚痛
佢條女� poly 行咗一大輪, 終於行到新 can
行咗成半粒鐘
好明顯佢就唔可以玩野外定向, 唔係實要 call 飛行服務隊搵佢
一行到�, Timo 就去咗 toilet
我就同佢條女吹水

佢條女性格幾好
問我以前玩過乜, 我話玩中阮, 跟住佢就話佢都識一個人玩中阮
究竟中樂界係咪真係細得咁可憐呀
次次有人咁同我講, 最後講果個我都一定識
麥觀係咁, 阿丁係咁, 今次都係咁
原來佢識江承瀚, 仲話佢彈中阮幾勁添！！
...
真係有 D 無應

食完飯, 同佢地落去換 folder 同甜筒
結果佢地將所有換到既野都畀咗我
搞到我都有 D 唔好意思
之後就同佢地分道揚鑣, 上堂去也

無奈在話上三點半
但係等到四點都未有人�
打畀上面就話會上堂
最後終於有人到, 但係佢話 Civil (果科係 Civil 野) 平時都係唔會上第一堂
真係畀佢地吹到 ber 一聲

好勤力咁借咗兩本參考書
但係究竟呢股熱誠會唔會好快無呢？
還看今朝...

又係時候練歌同開會
十三個 ex-co 終於人齊啦！
影番幅相先！
之後開到十二點九先走
仲要扭親隻手添
好痛呀！！！！

>>September 1, 2003 at 6:25:00 PM GMT+8

2003 年 8 月 30 日 星期六 【晴】

好平靜的心靈
對面對明日返學的我來說
今日十分平靜地度過
起身, Check e-mail, 打機...
完全無話有特別興奮的心情
就算係舊年, 前年
我都有期待過開學
但如今...
像上班一般
相信也不會有人期待上班吧 (除了那些失業人士)

今個暑假做過 D 乜？
做吓統計先：
1. 幫豬 Ray 手搞野
2. 入 Music Camp
3. 生日
4. 開會 (雖然成日唔蒲頭...)
5. 請屋企人食飯
6. 打機 (百份之九十九既時間都係做呢樣野！)
7. 瞓 (佔既百份比較少, 皆因成日失眠)
8. ICQ (無聊果陣先會, 但係今年實在太無聊, 所以成日玩)
9. 表演 (唔記得有幾多個, 總之好似兼職樂師咁, " 燉" 朱哥哥腳係個好例子)
10. 吽 (每朝起身必定會做的野)
11. 練琴 (真係異常無聊先會做, 所以都係練咗一次半次, 仲要練練吓瞓著)
12. 同人出街食飯
13. 去書展
14. 用鋼琴彈 "1874" (當然係未練好啦！)

好似做咗好多野, 但係有建設性的唔多
用錢就好似倒水咁
如果唔係有錢賺, 我都真係唔知點算好

雖然係有錢賺, 但係果 D 又唔係暑期工
但係又鉥輕褻}工
真係好矛盾！

聽日就開學
都係唔係好瞓得著...
不過又無原動力叫我早瞓
話晒聽日返晏晝

朝早起身
部機家姐霸住咗
雖然有另一部機用
但係部機好似整完都仲有問題
D RAM 好似唔係好夠用
以前得 64 MB RAM, 但係仲好過宜家 192 MB RAM
唔知點解
又要係 Window 98
連神童蔡7A都話麻煩
所以唔想用住

有 d 想攞個阮出謎u
但係尋日表演完之後入後台果陣, 無啦啦斷咗條弦
又唔想換弦
所以都係無練到琴

開咗隻閔惠芬豁�
佢既 "長城隨想", 真係聽到我好感動
每一次聽我都差 D 流眼淚
記得第一次聽 "忠魂祭" 果陣
真係忍唔住喊咗出�

家姐一離開部電腦
我就 "嗖" 一聲霸住部電腦
做乜？！
開頭咪 Check e-mail 咯, 之後就當然係打機啦
聽日可能無得打liu
梗係今日盡興啦

夜晚同屋企人去食飯
食咗七百幾蚊
條友仲要呃咗我十蚊呀
可惡！！

夜晚同仔仔講嗩吶問題
佢同我講咗好多呢方面的知識
仲無啦啦話教我玩嗩吶添
學多樣樂器都好
起碼唔使咁 "孤芳自賞" 嘛
視野又可以寬 D
不過都係驚果兩樣野：1. 錢；2. 時間
佢話唔收錢教我
但係我真係驚無時間練
不過事在人為o者
希望今年 d 野會好過舊年, 順利過舊年
咁我可以多 d 時間做自己想做果 d 野嘛
始終...
我係熱愛中樂既中樂人

不過
$450 一支嗩吶, 另加哨子錢就好貴
胡爺呀胡爺 (死咯, 一話有野教, 就連平時叫開佢做仔仔的我都改口風添！)
可唔可以打個折頭呀！

鈳芩n買野
話係 DB 仔有八五折
話係何生叫買既就有八折
如果我問胡爺你買野
咁有幾多折呀??
最多我免費同你補中文中史呀！
~~~~~~~~~~~~~~~~~~~~~~~~~~~~~~~~~~~~~~~~~~~~~~~
無需經歷從未遺憾過 冒險生活從未適合我
幸福生活原是平淡過 其它機會我都肯錯過


>>August 31, 2003 at 6:59:33 PM GMT+8

2003 年 8 月 29 日 星期五 【晴】

晨早又係接近十一點起身
好彩九月一號晏晝先返
不過都係要適應 D 八點半返到 POLY 的心情先

約萬匯一一點返 DB, 但係十二點半我仲鄎峊�
點解？
因為佢都鄎峊曮�
SMC 同仔仔都鄎峊�
仔仔仲 send 左兩隻歌畀我聽添
兩隻歌都有嗩吶 (但係有隻歌係黃耀明既！)
聽落唔係好難
但係仔仔話講畀我聽都唔明
係要玩嗩吶 D 人先聽得出有幾難喎！
咁都 arm 既, 話晒我對嗩吶唔係咁熟
不過無論如何
中阮鄍籉韝H眼中都絕對係一件易玩的樂器

最後點四先返到 DB, 但係國樂室裏面冇一個係 DB 仔
唔係 BPS, 就係港華
望吓擺僣^面 D 袋, 萬匯一竟然到左？！
都係上去 Hall 搬 D 鼓番落國樂室先

搬完就練
練得唔錯呀
今日都係 sight read, 下次大家練完之後應該會好 D
下次應該練大細聲同 "防衝快" 的秘技咯...
仲有, 都係時候要定邊個要打乜野
加油呀！謝子...

不過有 D 野聽到我心有少少酸
有條友問謝子攞 "佢" 作果隻歌喎...
隻歌我用兩晚作架！
又未畀錢我
原來托名作曲都係過唔到自己求 "名" 果關
下次都係要諗吓好唔好用人個名先
不過我又想要實利喎
真係好難取捨....

練練吓鼓, 成日有人摷我同一
點解？
今日 Poly 中樂團 Final Rehearsal, 但係我地又甩底
部長都摷左我兩次
更加唔使講一啦
好彩部長唔會畀臉色我睇
一就唔同咯...

本來我地就到時間 arm arm 好架
去到都六點咯
應該食飯啦
點知佢地仲練緊 "電視", 搞到我地要上台排
一仲衰, 佢要同班敲擊夾龍騰虎躍
搞到我鬼死咁肚餓

究竟用飯票食飯係咪好 D？
我地鈮s CAN 食飯
好少話有 D $25 飯喎
我食個飯再加大一杯野飲
都係 $23, 去到 Counter
佢竟然叫我攞多支益力多
差兩蚊唔好咩？
係都要逼人攞
有錢賺都唔賺

JCA 真係幾好
係有一個問題：完全收唔到任何電話
無論係任何一個台, 任何一部手機
都無辦法逃出 JCA 的魔掌
可以咁講
入左 JCA, 就算有人强姦我
我都 Call 唔到人救我
.......
好彩, 無人會强姦我既...
雖然今日 D 人成人都想除我條褲
尤其係 SMC

表演得比我想像中好
就係龍騰虎躍有 D 炒
其他都 OK, 起碼好過上次鉒鄙郁r！
上次真係唔知玩乜
可能同場地有關啦
不過今日 JCA 果 D 聲有 D 怪
有反聲板都無用, D 聲都係射唔到出去

完全聽唔到 "爆炸頭" 打乜！
都唔知佢點玩 Timpani！
仲要好明顯唔關反聲板的事
打龍騰虎躍敲擊 Solo 果陣, 全部敲擊無晒聲先聽到佢把聲
好心佢就唔好 "懶" 勁啦
成日話自己考過 APA, 好把閉咩？
考到先得架
如果根據佢果套邏輯, 咁我玩過 HUGO 咪好了不起？！
贏先得架
我都無乜同人講過
所以都唔係好多人知我玩過 HUGO
有時 D 野, 係勁先同人講啦
又唔係勁, 又要 "晒" 命
真係唔掂
不過...
聽聞佢係沙官喎！
唔知沙官 D 人係唔係個個都係咁呢？

講番表演先
表完唔記得邊隻歌, 有人鄍x下邊大嗌："超人！"
搞到梁仁昭勁無奈
玩完電視, 又有無聊人嗌："嘉寶！"
不過今次江偉基聽到又笑得幾開心喎

表演之後梗係 Second Round 啦
去左 "牡丹樓", 七條友去 "消費" 左一個新地筒
跟住就坐左半粒鐘
之後又鈰茬鶞糷f傾聽日行程
好似佢地要盡興埋暑假既最後一日
我就唔同佢地癲咯

聽日要請屋企人食飯
後日就返學啦
今年, 好似係我第一年唔想咁快開學...

>>August 31, 2003 at 4:54:40 AM GMT+8

2003 年 8 月 28 日 星期四 【晴】

實在太爽啦
竟然可以十點幾先醒
真係好耐都無識過咯
成個朝早都可以鄎峊� "眠眠"
好開心
更開心的係我尋晚無失眠
可以好快瞓著
不過又失左半年咯
好似同 D 應屆高考生同始同終咁

本來晏晝都鄎峊�
夜晚先出去
但係阿媽問我配唔配眼鏡
橫掂我又有年半無驗眼
又好似深左少少
副眼鏡又歪左半年
咪出去配咯

好野
深左一格 (25 度) 咋
佢話我個頭大定左唔會再大, 所以無乜深喎！
點都好啦
總之今次配左副好堅固結實的眼鏡
乜歀？！
下星期五話你知啦

配完又行左一陣街
買左對鞋
之後同佢地分開行
我去左榆林打書釘
睇 "胡桃裏的宇宙"
霍金已經寫得好淺, 但係都睇到我頭爆
齋睇第一二章都係唔明
但係一定要睇明第一二章先
事關第一二章後總綱
唔明唔得
所以........
都係下次再打過書釘咯！

之後又睇左本物理書
好似溫番 F.5 會考咁
有 D 感慨添...

去左圖書館還書
又借左本書
之後就去尖沙咀
做乜？！
Upper 6 A 大聯盟！

我地成班都好耐無聚咯
上次一齊見, 好似係舊年 last day
一行十一人
計有我, 一, 肥霖, 文天行, 洛基, Jacky Leung, 添MO, 鴨咀, 女人, 汪汪, 同李贊祺
去左紅螞蟻食
唔算好貴
但係裝修得幾好
好過另外一間

食完就 Second Round
去左 "蝦根黛阿絲" 食雪榚
不過好貴
都係留番 D 錢打機好過
添MO, 我同一都係咁諗
無謂勉强自己嘛！

之後就梗係新港之旅啦
PhotoHunt 又可以打名
但係下次可唔可以唔好打 "PK TURTLE" 呀！

無時間拍拖都係一件好事
起碼你有野做嘛

>>August 30, 2003 at 4:44:12 AM GMT+8

2003 年 8 月 27 日 星期三 【晴】

晨早要醒, 畀著係你都睇怕好想死
五點幾呀！
尋日仲要兩點先瞓
超抵死
不過交唔到份 Budget 我就真係畀阿大劈死

真係要怪我平時 "作威作福" 得多
上得山多終遇虎
不過死就死在我咁早起身
最後都係八點七先出門口
結果又係遲到

就九點果陣我打畀一, 想叫佢幫我攞個琴出�
(勁懶既我當然係擺左個琴鄖F田 MO 啦, 唔通日日都攞返屋企咩！)
點知打畀佢, 佢話佢自己仲瞓緊
我有叫佢返 YCO 架
係佢話尋日睇波睇到五點先瞓
咁我咪惟有叫佢繼續瞓咯！
條死仔竟然鄑痤h苦咁 "掙扎" 起身的時候先至瞓
抵死！！！

係九龍塘轉車就見到馬禮怡
我晨早的悲慘好似無完無了地繼續公映

番到 MO, 今日居然唔分部, 仲要係阿英輝阻住條路
好彩佢今日無 "串" 人
唔係今日的心情都會畀佢破壞晒

勁唔開心
曾昭兒同邵梓偉又神秘失"�
我既視線又要望向 "美少女" 度啦
好唔鍾意呀！　＞＜"
呢種委屈都唔係第一次咯
上次係燒賣
今次係 "美少女"
好想撼頭埋牆死

又要玩果隻仔仔都唔知點讀既歌
好彩最後都玩到
總算勉强過關
不過都係有 D 唔滿意
下次一定會好 D

練完之後又要食飯
食飯之後又係打機
好充實的生活

去左小談屋企玩 "煮飯仔"
煮煮吓我竟然瞓左
究竟係我睡眠不足
定係我老左呢？！

原來玩煮飯仔真係好抵
每人都係廿蚊
下次又搞過先

睇完閰學敏用唔鹹唔淡既廣東話講果句：
"冠軍就梗係你啦！"
真係笑到噴飯
聽多幾次都唔會厭

究竟我地有冇報名參加鼓樂節呢？
真係冇人知
D 負責的人又唔負責任
唯有聽天由命咯...

睇 "A Study of History" 睇左四分一
Arnold J. Toynbee果然係一個舊式的西方歷史研究者
當然, 我係睇中文譯本啦
我 D 英文連 "哈利波特" 都睇唔掂
點睇呢本鉅著呀

最近睇到兩首詩詞, 打出蟋奶j家睇吓先：

我, 神性的寫真, 宇宙的中心
自以為與真理的鏡台, 已經逼近,
迎向著天光雲影, 一片澄清,
早已經遠遠超脫了凡塵.
幻想中生命飛騰, 越過了火燄天神,
直將自由的力量, 煥然揚升,
懷持創造的生命, 儼然神聖,
啊！我如今受到何等的懲膺？
一聲霹靂,
將我推角於萬丈的深坑－－歌德

茫茫大塊洪爐裏, 何物不寒灰,
古今多少荒烟廢壘, 老樹遺台？
等是塵埃,
不須更歎花開花落
春去春來－－元, 劉靜修

仲有一首, arm 晒大家今日的心情：

為了世上的誰, 你擁抱得如此廣闊？
顯示無比的力量, 受盡無盡的折磨？
而宇宙佈滿著廣袤的靈魂與生命,
佈滿著那些林野、河川、和村落.
這三天轉瞬即過,
它們要將我向虛空擲落,
就在這麼短促的時間裏,
我已長成, 等待復活－－巴斯特納克

仲有三日就九月一日啦
到底可否以平常心面對她？
我可不知道....

~~~~~~~~~~~~~~~~~~

曾花光氣力踫你雙手
我愈接近我愈發現遇氣流
明白你這美態永遠不配我擁有
然後發覺兩腳不再願意走

>>August 29, 2003 at 5:07:50 AM GMT+8

2003 年 8 月 26 日 星期二 【晴】

尋日太疲累啦
結果瞓晏左
七點十先起身
"吽" 左一大輪
八點半先出門口
...
但係八點九要排 YCO 喎......
即係點？
咪遲到咯！~_~"

返到去, 又係何生分部
好彩, 唔係我最遲出現
仲有吳振釗墊我屍底
^^

基本上, 除左指揮之外
我既視線多數望向揚琴
梗係啦
直望之嘛
由於曾昭兒同邵梓偉終於蒲頭的關係
我今日既視線唔使再望阿 "揚琴美少女" 咯.........

今年有兩個柳琴
一如以往, 我坐佢地後面
都係唔會聽到佢地有彈咯！

今日馬禮怡有返呀
不要！不要！我不要！
唔制呀！！！！！！！
T_T T_T T_T T_T T_T T_T T_T T_T T_T T_T T_T T_T T_T T_T T_T
算啦, 佢今日都無發癲

尋日我隔離果條友就好唔掂 (梗唔掂啦！十秒有八秒都鄎� SMS！咁忙唔好返 YCO 呀！)
今日我隔離條友就 Short 既
幾時個天先會畀個絕色美女坐鄑盚j離呀！

果隻仔仔唔知個名點讀既歌真係好麻煩
不過玩得好的話效果一定超正
關迺忠喎！
點會差呀！

真係好難
六八拍子同三拍子一個隔住一個咁出
個感覺有 D 難捉
我要繼續努力

食完飯返 DB 練鼓樂節
好快排完
遲 D 應該可以再編好 D
畀人罰左每人兩盒檸檬茶
但係收番廿幾盒
算係 Balance 啦

又要練歌啦
不過關明今日唔鄎�
真係好冷清
tenor 仲要淨係得 ex-co 出現

唱歌咬字係非常之重要架
阿大講得無錯
我要努力

八點半就練完
之後又要搞 budget
基本上我係檔案管理員
要做既係將舊的檔案更新
改完, 就無野做啦
哈哈......
尸位素餐, 好似我鄍籉韝@處都係咁
YCO 又係, Choir 又係
又要係廢, 又要坐著賴死唔走
唉.........同聲浩歎

終於鄐Q二點前返到屋企啦
但係唔用得電腦
就算係正經野都唔得
原因？
不便透露................
不過我要第二日晨早起身做野
好無奈

>>August 28, 2003 at 12:00:00 AM GMT+8