2003 年 7 月 15 日 星期二 【晴】

我對您絕對信任，你卻懷疑我不信您...

為什麼最好的朋友，就是不能容忍多一個問題？
我只是多口問一句，就足以將我和不信您的人劃上等號？
即使全世界的人都懷疑您，我都信您


>>July 16, 2003 at 3:13:51 PM GMT+8

2003 年 7 月 13 日 星期日 【晴】

今日o係街撞到以前o既好鄰座Zoe，好開心呀，因為好耐無見過佢喇。不過可惜丫，我趕時間，無得同佢講多兩句。

食完lunch去捐血，磅重…嘩！嚇親嚇親…到我捐血喇，個姐姐幾靚架，仲好好人添。以前d 姑娘一搽完碘酒就幫我打麻醉針，今次個靚姐姐就唔同呢，佢搽完碘酒再隔一陣先幫我打麻醉針，咁就無咁痛喇。佢睇返我份record，佢好懷疑同驚訝咁問：「你有xx千克？」
我話：「係呀~」
靚姐姐：「幾時磅架？」
我話：「o岩o岩囉」

我都唔想相信我有xx千克，足足比上次重左4千克。仲有，上次係冬天，而家係炎夏。

捐完血就行返北角返工，由於時間太充裕，所以放慢腳步。返到去，原來我做o個個job得返四份要做，有兩個人返工，所以我做完兩份就鼓勵我位同事努力喇。雖然多勞多得，不過萬一我再成功做多份，咁佢咪成晚只做得一份囉，唔好o既…佢終於做埋最後o個份喇，好野！可以早半個鐘放工。


>>July 15, 2003 at 2:46:03 PM GMT+8

2003 年 7 月 12 日 星期六 【晴】

今日都唔知點解，訓極都未夠咁...
由今朝9：30起身，隔左一陣由於敷 mask，所以就攤o係床，約十五分鐘起身，洗左去，敷另一隻mask，之後就訓著左，醒返洗完臉就索性去訓覺。
訓醒已經係下晝四點二十分...

發左個幾傻仔o既夢，趁仲記得，打落日記啦：

我當時自己一個人去完澳門旅行，已經坐左o係回程o既船上，唔知點解，我身份突然唔同左，係一個士兵，男的，縮埋一舊坐左o係凳底，之後有個女軍人發現左我，用英文問我識唔識聽佢講咩，我就拎拎頭，廢事煩，佢再問，船上有幾多人同我用同一種語言，我用手指示意兩個。佢又問佢地o係邊，我就扮喊得好傷心咁走左去。(暗示佢地已經死左，唔好再煩我...)

我走去坐o係船頭o既座位，我又變返我。突然前面出現兩架航空母艦(唔關事o既)，我坐緊o既船比 d 浪拋到向後傾斜左大概80度，嘩好驚呀！兩隻手要自已捉實先至唔跌出黎，不停咁拋左好多次我就唔再驚喇。

過左一陣，到左碼頭，我就問人係咪到啦，之後跑落船，噫？唔似香港o既？問人呢度係邊度啦，有人話呢度係"珠門"，我問：咁香港離呢度幾遠呀？....問左一輪都問唔到d有用資料，就跑返上船，原來呢度係中途站，比我地買手信o既，當時9：40am，11：00am要上返船。我身旁分別有一個好高o既男士(唔知咩樣架，因為太高，費事抬頭望)，一個好肥o既男士(亦唔知咩樣，因為太肥，我唔想望)。我唔識佢地架，不過佢地陪我一齊落去買手信。

見到好多豬仔o既精品，不過無買過...行行下盪失路，個肥男士唔見左，我同高男士都懶得去搵佢，又行行下，竟然比佢搵到我地.....

結果乜都無買，嗚嗚嗚...仲醒左添..我真係好想去旅行呀...


>>July 14, 2003 at 1:52:32 AM GMT+8

2003 年 7 月 11 日 星期五 【晴】

今日我買左張生日卡，未定送比邊個架.....食左好多旺旺，不過只係冰山一角，我買左84包呀，哈哈…好野。
由而家開始，我要努力苦練 Duet for Two Instruments in B。沉悶O既一日咁就過左。


>>July 13, 2003 at 2:51:49 AM GMT+8

2003 年 7 月 10 日 星期四 【雨】

“疾風知勁草 板蕩識誠臣 勇夫安知義 智者必懷仁”──李世民


我今日深深咁體會到人應該知足。我今日特登請左一日假去另一份工o既 training + 實習，結果辛苦左一日，人工都未夠本身份工一日o既車費津貼......得到前所未有o既挫敗感。不過，我好堅強o既，我係勁草。今日有個暫時跛左隻腳o既人特登出黎陪我食早餐，好感動呀。

好朋友呀好朋友，你唔好食煙啦。點解你一次又一次咁做 d 會傷害到自己o既野丫？你自己明明都知道食煙對身體唔好.....我好傷心呀。你已經飲酒飲左好多年，所以作為好朋友，我只勸你飲少d，而唔係勸你戒酒。不過你食左煙唔係好長時間o者，不如戒煙啦。我知你唔鍾意人地逼你，我唔敢，亦無咁o既能力，我憑咩身份逼你丫？
"for who am I to judge you On what you say or do?
I'm only just beginning to see the real you"
古有忠臣以死相諫，今有....唉，我憑乜野諫你丫？OK，我無。不過我仍然希望你有一日會同我講：「我無再食煙喇...」

>>July 14, 2003 at 1:48:47 AM GMT+8

2003 年 7 月 8 日 星期二 【晴】

今日我好大力...哈哈哈~去左維園學游水，比個男仔唔小心踩左一腳，我即刻大叫：「嘩~~」之後我唔小心踼左唔知咩人o既背脊一腳，人：「邊個踼我背脊？」好似係佢，或者佢o既朋友。天意。仲未學識，不過我有信心我一定掂o既。

最近好鐘意去維園跑步徑旁(去撞我丫)睇肌肉人，或者睇人類點樣進化成橡皮。而家對肌肉人另眼相看，好型呀！我都不甘示弱，玩橫梯(這是official name，不過又稱"笨蛋前進"，因為太辛苦喇)。我無乜力，一向都一格都郁唔到，不過今日進步到行到兩格，再進步到完成全程。我好快就會做到引體上升，哈哈！

今日Oracle打電話叫我星期五去training，我又見成左一份工喇，好野，我將會成為市場調查界o既表表者~飲杯

>>July 14, 2003 at 1:47:38 AM GMT+8

2003 年 7 月 7 日 星期一 【晴】

我真係好嬲媽咪呀，但係...我真係唔忍心對佢唔好，唔忍心唔睬佢.....佢即使無特別為我付出過任何野，但佢始終為呢個「家」承受左太多委屈。

我好唔甘心我今年o既暑假要咁平淡咁過，我仲要過幾耐咁沉悶o既日子？

如果為左唔肯定有o既幸福而放棄現有o既幸福，係咪好蠢呢？我想唔想呢，又敢唔敢呢？又或者，我而家有o既，究竟係唔係一種幸福呢？究竟係唔係我想要o既幸福呢？我想過有新鮮感o既生活，我唔想咁樣，可以點樣？

我希望有人可以間中為我帶來驚喜，我真係好唔開心

友人info說：「當您見到天上星星 可有想起我？」(雖然唔係講比我聽)
諗落又無喎，不過當我一見到天花板上的夜光星星就一定會諗起佢。今日o係電視聽到呢隻歌，當然都會啦。隻歌又引得幾好喎，果然係勁人~

>>July 10, 2003 at 2:49:25 AM GMT+8

2003 年 7 月 4 日 星期五 【晴】

樂樂無穿無爛返左黎呀~好野，仲買左椰汁糕比我食，綠色架，好野！！(其實係我叫架~)
yeah~~樂樂對我幾好呀。叫樂樂做"樂樂"真係好開心~

>>July 7, 2003 at 2:49:03 AM GMT+8

2003 年 7 月 3 日 星期四 【晴】

今日AL放榜，econ只係 F 左？好開心，我兩年黎只讀左兩日ECON，竟然唔係U，天才o既美名，我真係當之無愧。不過，我一定要多謝Peach同埋小蕊，因為無左Peach比我o既歷屆Econ suggested answer，小蕊比我o既歷屆Econ past paper，仲有佢地o既鼓勵，我 U 梗喇！多謝你地呀！
A/C竟然B左，哈哈，吐氣揚眉。話我上堂恰眼訓丫拿？當大家好辛苦咁讀 publish a/c時，我訓左差不多一個月o既A/C堂。大家都話我傻，因為明知一定會出都唔讀。比人話到我差d都以為我做錯。結果？無話邊個o岩邊個錯o既，只係証明我選擇左適合自己o既路。Cashflow statement 咪又係一定出，既然我唔適合背野，咁我就用運氣博下啦。Cashflow statement 同Brach a/c都係一開始錯就死硬，結果我又得左喇。我一生本身就係一個奇蹟。無背過theory，唔識做publish a/c，唔識做debenture redemption...

諗返考A/C當日，我做左差不多一個鐘Branch a/c，先發現睇錯題目，做左另一樣野，差 d 喊左出黎。由於A/C係最後考o既科目，之前考o既都唔掂，我知我依科一定唔衰得，所以將自己置之死地而後生，就係由頭做過，我溫得咁熟，唔做咪蝕晒？我話過家嘛，我唔會做無把握o既野。
既然有把握，就訓身做啦。

做A/C最怕張台唔夠大，我o個日張d文具放晒o係條裙上面，咁就有好多位啦，但係硬係凝住d 監考員懷疑我出貓，好驚...驚到爭d 以為自己真係出貓

見到蚊蚊喊到力竭聲嘶，我真係好開心....哈哈，因為佢得左喇！唔知仲有無機會做同學呢。

搵豬仔，一大清早嘈醒左佢，講左成個鐘拿？噢~我都係想搵人陪下我o者...
去豬仔畢業禮，要入場券？唔緊要，因為今日仲係我o既國際生日月，所以突然有個男士比左兩張我，入到去，大獲，兩張分開坐？唔緊要，因為今日仲係我o既國際生日月，所以票務先生比我地一齊坐。
影相，點解豬仔笑得咁勉強o既？點解我笑得咁勉強o既？
「哈哈，我今日全套新衫，識發光架，你搵下我o係邊~」
「我唔覺有人發光o既？」

阿沈搵我呀~哥仔，多謝關心喎



>>July 6, 2003 at 7:08:10 AM GMT+8

2003 年 7 月 2 日 星期三 【晴】

聽日AL放榜喇，一直無特別o既心情，直至放工，心跳得好快...
打電話比豬仔。我都幾厚顏無恥，開聲叫人安慰自己。再次聽到一句令我最開心o既說話。豬仔：「聽日無論開心又好，唔開心又好，都打個電話話比我知，OK？........如果今晚真係訓唔著o既，打比我丫。幾點都好，三點又好，四點又好.....」好感動啊，佢依句足夠令我一世都對佢好好。


>>July 6, 2003 at 5:03:15 AM GMT+8