2003 年 8 月 26 日 星期二 【晴】

有人成日睇我個日記，真係開心喇。日記唔再只得一個常客。

今日收左第一個口琴學生，哈哈...本來上年可以去間小學度教架...不過唔打緊，我而家個學生係大學生喎。雖然只係收佢「朋友價」，(即係唔收呀)，不過我都會盡我所能。其實我唔係好勁架，唔好期望咁喎哥仔~

我好想去 in City個 choir呀，我已經浪費左七年喇....爭扎下先

我今日先知原來我係「高貴脫俗」架，哈哈，有人講我就信架喇。我認....哈哈哈哈

舉世皆俗我獨清 眾人皆醉我獨醒 ←醒目個醒

>>August 30, 2003 at 5:01:22 PM GMT+8

2003 年 8 月 24 日 星期日 【晴】

o岩o岩o係O' Camp出黎，腳軟軟咁行街，所以o係大家樂['hε]左好耐，呢張就係o係大家樂影o既相喇，張相其實係對住塊鏡黎影o既，好似全世界陪緊我地食飯咁，幾威呀。

相機型號: Sony Cybershot DSC-F717
手動曝光
光圈: f/2.4
快門: 1/10s
手動白平衡
ISO 100
中央平均測光
等效焦距190mm
沒有閃光燈
自動對焦
sRGB色彩
24位元色深

>>November 30, 2003 at 9:47:01 AM GMT+8

2003 年 8 月 23 日 星期六 【雨】

今日係O' Camp最後一日。

起唔到身，寧願唔食早餐死都唔肯起身，後來又突然間有一下好醒，咁就決定起身去食早餐喇~全場得我同Stephen食早餐咋~點知個早餐係我最憎o既麥皮，好彩仲有麵包加雞蛋。結果我食左兩件三文治加一隻蛋，勁多火腿，食完之後我地打包左d火腿麵包雞蛋比其他人食。結果其他人都係食晒d火腿就算，因為之後要玩「勁飲勁食」，大家留肚。(我未驚過~)

「勁飲勁食」一開始由Duncan同埋阿蓀隊一條方包，全靠佢地食得快，我地一開始就氣勢如虹，跟住再由我、嘉麗、Konnie飲兩罐八寶粥，我地都飲得幾快架，哈哈哈哈哈哈哈哈哈哈哈哈哈~~~又追返唔少時間~之後由Chris、Zuki ﹝！﹞、Ocean飲一支大約1.5升o既可樂，Chris超勁，一開始就吹左一大截，Brian同Stephen再食左兩碟水泡餅，最後由Drink同Lok食左一條甘筍。結果我地大比數勝出，技術性擊倒！由於及時出王牌，我地有二百分。

休息一陣，玩「鬥長」，我地o個組個個手短腳短，實輸梗啦。遊戲係要成組人一個貼住一個......是但啦,唔知點講。我打頭陣，Chris跟住，佢鼻貼我耳仔,大佬呀,唔呼氣得唔得呀，好痕呀！...我地贏左喎...奇怪

最後Chris solo用頭砍爆個西瓜，勁呀！唔知點解最後「陳永陸」冠軍喎...食飯~~嘩，海南雞呀~~好味呀，最鍾意食雞。唔好以為玩完「勁飲勁食」我會無胃口呀，都係咁大食....唉,Chris話我甲組腳呀，不過唔緊要啦，佢都係小肥仔啦。

之後大懲罰，「披頭四」輸呀...我地「陳永陸」負責搓爛榴槤搽落佢地塊面。(不如比我地食好過啦，我地幾個女仔都係咁諗 ) 玩完見隻手仲有，搵阿 Lok玩下先，佢反擊，用沐浴露摔我塊面，，混亂之際，我副眼鏡飛左落地，碎埋，好在阿 Lok肯認頭，(我都會好錫住佢，換一塊鏡片算啦)。我就盲鐘鐘咁返屋企...

今次個camp玩得好開心。個camp無可能完美o既，OC做野好辛苦架，出錯或者安排得唔係太好都算啦，佢地係為我地出緊力架！多謝各位OC及組爸組媽！如有得罪，多多包涵

>>August 26, 2003 at 4:22:02 PM GMT+8

2003 年 8 月 22 日 星期五 【晴】

嘩，訓個半鐘又一條好漢。

食早餐，個個都咁細食架。炒米好得喎，勁食！
Drama，扮狗，陳永陸慘敗，不過出污泥而不染。悶爆！

「Go Back Jump」，癲架喎，自動摺埋，陳永陸又幾醒喎
碌碌碌...隻腳瘀左一大撻，兩星期前大傷，岩岩好返又瘀過。Ocean成個火柴人咁，佢碌過o個時超痛。

吹麥精，我終於有返 d用，(吹左咁耐Bass，當我流架？)不過最後都輸比人地組媽，陳永陸總算有第二，不過不失。組爸阿鈞超強喎，直頭識發光。

水戰過後我竟然乾住咁返去，我都懷疑自己有無玩過。我同Chris簡直係世上最弱o既組合，未贏過。最後要用頭頂住個筲箕接水彈，d 仔超強，接到不特只，仲唔爆，今次成組一齊識發光。仲洗問，第一啦

Mr & Miss MS好正，不過坐到腰酸背痛。之後Mini ball，又體力勞動。竟然有人搵我跳舞，不過佢搵錯人喇，佢太悶喇，快閃...又比佢捉得返，又跳...之後又撞返...跳咁多次都唔知佢咩名，定佢講左我唔記得呢？遇親都係「凌凌漆」d 仔，最後遇到披頭四組爸Sammy...我淨係記得佢乍。

洗白白，今日排第二個沖，舒服晒。又係非洲話事啤，大家開始怯，轉玩皇帝啤。大家尋晚熱完身，今日玩得癲好多。我始終唔係好妥「騎呢怪」(唔指名道姓喇)，輸親都要改懲罰先玩，唔玩得就去訓啦。可能係報應，我竟然要咀佢。不過如果真係報應，Duncan似乎做得最多衰野，睇佢個樣好似慘過比打咁。我都輸左唔少次，懲罰包括同組媽 April 咀對咀，同「騎呢怪」咀對咀，lai 組媽阿Milk小腿，咀Chris "格x底"，「開樽飲水」....大家似乎好奇怪我咁「玩得」...
其他懲罰包括 lai 大脾內側，脷疊脷，放條脷入耳隆，放條脷入鼻隆，春卷，整咖哩雞， lai 頸，lai面，含襪，lai 「的」...

又到六點，訓。要同「騎呢怪」孖舖？我企o係到訓好過。好彩結果同April 訓。

>>August 25, 2003 at 6:13:25 AM GMT+8

2003 年 8 月 21 日 星期四 【雨】

地點：烏溪沙
人物：City U MSS
主角：陳永陸
其他：金田一，林尚義，林源三，披頭四，伍晃榮，凌凌漆，八兩金

今日係2003 MS O'Camp 第一日。O CAMP當然唔少得集體遊戲，第一個game(圍圈坐o係後面o個個o既膝頭)，我o個組其實都幾無耐力，實力又不平均，死頂坐到成三十幾分鐘，排尾三，幾穩陣，唔怕輸...比組爸阿鈞坐到我雙腳癱瘓...

不得不提今日玩cum棉胎，組媽April 輸左，要雙腳各穿住一個百佳袋繞場一周，哈哈哈哈哈哈

食晚飯，「大家要食多 d 菜呀」...哈哈哈「唔食 菜知唔知有咩後果呀？」

本來要玩 treasure hunt(?)，幸好及時落大雨...我 "女子 支力 口牙"！！六個人兩把遮，我好自豪咁話 Baleno遮唔會反...點知一陣烈風...反左...收改玩"七手八腳"，掂啦！「陳永陸」個個都咁醒，不過辛苦 Duncan喇，孭左我咁耐，仲比三個女"責"左咁多次...

好在有我乍，如果唔係我(啤)牌不離身，就無非洲話事啤玩。今晚熱身，唔玩咁激住...Brian比人焗左去戴bra行走廊...仲有 "lai" 襪"...唔記得喇，總之好玩啦！

玩到六點幾，都係時候訓喇


>>August 24, 2003 at 3:35:10 PM GMT+8

2003 年 8 月 18 日 星期一 【陰】

收到一個好朋友send黎o既e-mail，覺得被人利用...平時好日都唔send e-mail比我，一黎就係一d要foward比人o既野...

為食仔話：「今日食肯德基，哈哈哈~~~」

今朝九點幾突然扎醒，噫？今日十點locker registration喎。起身 lu 。login定先，手多多，refresh左之後成個鐘都login唔返，大獲！打比蚊蚊睇下佢點，佢已經 login左，去到揀 zone，不過"system busy"拖左o係呢頁成個鐘。佢教我用 d 奸方法login到，好快去到揀 zone呢頁，大家又['hε]左好耐，我打比為食仔約佢食肯德基，但係仲未 reg 到，好焦急，發晦氣：「唔去喇！」，就o係呢一刻‧,我成功 reg 到一個 blue zone的 locker，blue zone係城大o既心臟，哈哈，好野

又打比蚊蚊睇下佢點，佢原來返緊工...無得 reg 住，我應承去完食飯就即刻返屋企幫佢 reg，當係報恩啦，一場朋友...

>>August 19, 2003 at 4:30:45 PM GMT+8

2003 年 8 月 6 日 星期三 【晴】

今日返工狀態大勇，仲有奇遇...

人物：三十幾歲o既女受訪者、我

我：「小姐請問今年幾多歲呀？」
受訪者：「xxx，咁你又幾多歲呀？」
我：「我十九呀...」當時我仲以為佢想留難我...
受訪者：「嘩，咁細個，做暑期工呀？」
我：「係呀~」
受訪者：「見你咁細個，幫下你啦。」
我：「唔該你呀...」
受訪者：「唔駛...」
：
：
：
受訪者：「嘩，個訪問咁長o既？」
我：「唔好意思呀，差唔多架喇...」
受訪者：「唔緊要...小妹妹，你食左飯未呀？」
我：「我...今晚無食。」
受訪者：「你減肥哩...」
我：「係呀...」
：
：
：
我：「個訪問完喇，唔該晒你」
受訪者：「唔駛...小妹妹，你快 d去食飯喇...」


好 warm 呀，遇到個咁好人o既受訪者，令我返工都特別開心，而且開心左成晚~

>>August 9, 2003 at 3:40:40 AM GMT+8

2003 年 8 月 5 日 星期二 【晴】

我衰左喇
d人淨係掛住會考...都唔理jupas....
樂樂真係叻仔，o係疾病中考會考都有咁高分

一開始入唔到 1 st choice都好唔開心架，不過入到 2 nd choice都應該好開心啦，所以就開心返走去玩喇。

突然 Mood 到，搵左幾個朋友一行六人去唱 K，o係走廊 staff 用o既咪度大叫：「我係沈肇彰~」，好好玩。

阿沈早走，埋單時找多左$10，所以其餘五個就去 Mc Donalds|' 食雪糕，分左$10。之後我去洗傷口，今日又係唔太痛。可能因為多日來就住隻左腳行，右腳抽抽地根，好辛苦。

>>August 7, 2003 at 2:41:15 AM GMT+8

2003 年 8 月 4 日 星期一 【晴】

o係診所，有人扭開左支水，拎個膠圈笠落我手指，跟住傻笑話：「好浪漫呀」
我問點解，佢話o個隻係求婚介指，我話：「咁你唔洗旨意有人嫁比你喇....介指！」
佢又自得其樂咁話：「好悽美呀...」


>>August 6, 2003 at 1:56:58 AM GMT+8

2003 年 8 月 1 日 星期五 【晴】

今日洗傷口遇到個靚護士姐姐，不過洗左咁多日，今日最痛！蛇蠍美人…紅顏禍水…嗚嗚嗚…

阿媽話：「以前d人做父母真係難，有十幾個仔女…我而家得三個，樣樣野都要有三份…」原來卑鄙o既細妹話比阿媽知我成日話佢偏心，是非精…


『茶的感覺，其實很像朋友。不會造成太大的刺激，卻能引起興致。』


>>August 2, 2003 at 3:40:06 PM GMT+8