2003 年 11 月 11 日 星期二 【晴】

今日無 Econ Lecture ，好野，可以玩耐 d。今日玩大富翁，Brian 勁可惡！恃住有少少錢就勁寸，唔夠時間乍，唔係你實破產....今日玩得好開心呀

同 Brian 搵 Econ tutor，蕩失路添...全靠我死都話o係七樓乍，終於搵到...仲未有卷派....




>>November 14, 2003 at 4:54:24 PM GMT+8

2003 年 11 月 10 日 星期一 【晴】

最近迷上了鐵觀音

今日睇左 Breakfast at Tiffany's，幾悶囉‧同 Life is Beautiful 實在無得比。

最近日日見到 d 人影畢業相，我都好想影呀，希望到時所有好朋友都會到。

我好掛住你呀，點解唔 reply 我喎

我今日勁白痴呀！話說城大四樓裝左 d 新電腦，我又未用過，見 Marcus用緊，我就走去玩下。我見有個紅色掣，我就係咁"禁"，然後問：「個掣有咩用架？」....Marcus好激動咁問我做乜 boot 左部機....oops，我無心架，我見佢好似想打我咁，咁我就走喇

最憎人搭地鐵排隊但打尖、塞o係車門唔先讓乘客落車、埃住扶手。
不過我每日都遇到以上情況，終於諗到對策防止(其實係阻止)人地埃住扶手。話說我今日遇到個衰人攬住成條扶手，仲要佢個死人頭都痴埋落去。我最憎就係掂到陌生人 d 頭髮架喇，我就扶住佢頭以上o既柱啦，點知手同柱之間仲有幾條佢o既頭髮，於是我好用力咁捉實，佢 feel 到，抆開自己個死人頭又痴返落去....頂！仲以為佢會知難而退。如果有一日我買左地鐵 50% 以上股份，我要佢 d 子孫世世代代都唔準搭地鐵！

今朝返學o係地鐵比個賤人"掂"左兩次，佢扮晒將隻捉住扶手o既死人手fing 落黎，兩次都係咁...好可惡呀，好想一拳揮過去，不過， 一向我都選擇息事寧人，而且我尊重自己 ，所以只係怒啤佢全程。如果有一日我買左地鐵 50% 以上股份，我會邀請每個乘客踢佢下體一腳，然後offer佢地免費搭一程

>>November 11, 2003 at 2:46:11 PM GMT+8

2003 年 11 月 8 日 星期六 【晴】

好嬲呀！CSC 快 d 爆開！


>>November 9, 2003 at 2:19:00 PM GMT+8

2003 年 11 月 7 日 星期五 【颱風】

Account MC test，好傷心呀，實 A 唔到啦...
整豆漿，幾健康呀！唔話好飲以後都唔洗旨意有得飲呀，嘿嘿嘿
終於都有得去街喇，好野
d 貓今日好鐘意我(地)咁喎...比兩隻好乖o既街貓圍住，見到隻貓跑去避雨時跣低，佢起返身若無其事咁再跑過，好似一 d 都唔覺得糯咁，真係得意

>>November 9, 2003 at 2:17:39 PM GMT+8

2003 年 11 月 6 日 星期四 【晴】

那天 不小心洗去你口訊
才有欲哭的衝動
認清生疏了的情人
再也無權令手機接通
我應該 不記得為何你吸引
饒恕自己的不幸
但當我想到你的傳聞
這雙手竟再震

#人都分開了 唯有親手自己治療
如發泄是生理需要 為何眼淚會缺少

如能為你哭 哭得出眼淚
失眠 至少能睡
想起你如何不對 怎麼我還要追
原來上次哭 哭不出眼淚
感情 不進則退
感激我們成熟了
應知道流淚有罪
承受任何是非都能捱下去
我都想假裝只得一歲
為你當街的出走也說得過去

這一刻 不小心想到你的吻
難過但安守本份
為一個不愛我的壞人
我早得到教訓



以前我成日覺得佢唔陪我，我就不停咁諗，點解呢？唔通因為佢太忙，而我太得閒？
而家大家都讀大學，應該一樣咁忙啦。當我懶 d，花少 d 時間溫書...咁我要返工喎，夠忙啦...但係我仲係覺得佢好少時間陪我...咁代表咩呢

>>November 7, 2003 at 5:32:55 PM GMT+8

2003 年 11 月 4 日 星期二 【微雨】

一早返學，去到天后地鐵站前面發現唔見左銀包。今次我肯定係跌左，返轉頭行個圈，無發現，照返學...
由於前日返學唔記得帶銀包，所以有左少少危機意識，放左$30入本 organiser ，所以今日有錢返學。好唔開心，七月先比人偷完銀包，已經元氣大傷...返到學收到阿媽電話，佢一開始就問：「你個銀包呢？」我都知即係有人執到打電話去我屋企...雖然放心，不過比阿媽哦左好耐。喂大佬呀，我想架？

原來「好心人」見我銀包入面有張我 Mentor 的卡片，所以打電話去，Mentor就打電話去我屋企...結果阿媽去幫我拎返。

好感動，完全無損失，八達通都o係返度...其實我銀包當時一蚊都無，可能「好心人」見我咁可憐，所以完壁歸趙，總之多謝佢啦

呢幾日咁黑仔....睇怕又會遇到 d 衰野。上次唔見完銀包，一個月都未夠就入急症室....阿媽而家逼我將八達通同銀包分開擺，或者吊o係頸....咪洗旨意呀。佢話全家個個都分開擺，得我唔係，So？



>>November 7, 2003 at 5:34:54 PM GMT+8

2003 年 11 月 2 日 星期日 【晴】

走MS Lecture，落得悲慘o既下場....

話說可以訓多兩個鐘，好精神咁出門口，行左落天后地鐵站門口，突然覺得自己無帶銀包，一搵之下，果然無帶。

好無助，無錢，連散銀都無個。都唔洗旨意會借到啦，比我都唔信啦。結果要行返百幾二百級樓梯返屋企...搭 lift上樓，又o係十五樓鐘左出去，咁多人睇住，返轉頭好樣衰家嘛....又行多四層樓梯...上完 EN，去上Account tutorial，發現漏左筆袋o係上一個課室...搵得返，已經係不幸中之大幸

跟住好事就接住黎喇，食左個好好味o既白汁粟米雞柳火腿絲飯......哈哈哈哈，食到覺得自己好似變左幼稚園學生咁...記得以前讀幼稚園，o係學校日日都係食粟米粒雜菜粒腸仔片飯，好好味，一聞到就肚餓...一諗起就想食...一想食又肚餓。自從轉校就無再聞到呢陣咁親切o既味喇，我又唔明點解我唔自己試下整喎...以前如果我返學扎住辮， d 老師會o係我訓完晏覺幫我扎返...仲會話我係噴泉，因為我條辮係扎o係頭頂o既。唔知由幾時開始，我就好鐘意人地幫我梳頭

今日係我返Acorn 做 Project witty最後一日，做左三份。supervisor話做唔到 old age要倒扣一份，所以我又打返比之前半途拒訪o既女仕，第一次佢好樂意做架，點知有線入之後佢就話屋企人要用電話，我幾日後搵佢佢又話食緊飯，再夜 d 佢叫個屋企人話佢訓左，今日再搵：「你都幾好耐性個喎。」佢就肯幫我完成佢喇，臨做完佢屋企人又話要用電話，佢話：「你用手機啦，我幫人做埋先...」多謝你呀

>>November 3, 2003 at 4:21:42 PM GMT+8

2003 年 11 月 1 日 星期六 【晴】

今日一早同阿媽，阿妹去飲茶，無乜人，又近屋企，唔錯唔錯

I'm loving it 都咪話唔過癮
我唔鬼識煮飯　都唔慌會餓親 ...


午飯前相聚 放學到公園去
喜愛狂追逐 同學笑我們登對
創世界之最 疼你永不減退
約定十九歲 可以到白頭 到老年去
搭膊頭 手牽手 愛字最怕說出口
信天長地久 別說曾經擁有
* 也許有天 一切都要變
身邊一切都要變
你我不見 總會發現
你在我背面 常在我心裡 面
也許有天 一切都要變
身邊一切都會變 ...


徘徊悠悠長路 今天的我
知道始終要獨行
閒來回頭回望去　追憶去　
邊笑邊哭喝啖酒
然而就算哭　仍暗私下慶幸
時日在我心留低許多足印
從前從前曾共我一起的　
現仍在心內逗留...



>>November 2, 2003 at 4:28:31 PM GMT+8

2003 年 10 月 30 日 星期四 【晴】

It works again~



>>October 31, 2003 at 9:57:46 AM GMT+8

2003 年 10 月 29 日 星期三 【晴】

今日派 SOM 功課，得C+，我差d喊出黎
我好比心機做架....雖然唔計GPA...不過...

>>November 2, 2003 at 4:42:26 PM GMT+8