2006 年 4 月 9 日 星期日 【晴】

　



　　　　　　　前日同朱朱羅羅佢地去行山
　　　　　　　好開心　係一個新既突破
　　　　　　　我要同佢地做好朋友呀　:D
　　　　　　　仲好似係第一次同　Suki　交談添呀

　　　　　　　之後我地落左去荔枝茶座吹水
　　　　　　　好神奇　第一次聽　Winnie　講咁多中文
　　　　　　　原來佢都會講本地潮語　eg. 超爆憎
　　　　　　　咁早起身去行山　全日都好似有多　d　時間咁
　　　　　　　行完山吹埋水都係十二點

　　　　　　　返屋企換哂　d　行裝就落左　TST
　　　　　　　好野我又親近番　TST
　　　　　　　行行下做左一個非常衝動既決定　..　整頭
　　　　　　　整左成五個鐘　難為等果個

　　　　　　　整完再行街
　　　　　　　買左一件唔岩身既衫　:(
　　　　　　　有種俾人呃既感覺　但係當初點解我又會俾佢呃左　?
　　　　　　　好差　,,　唔係你既始終唔係你既
　　　　　　　好唔忿氣呀　! !

　　　　　　　好支力好　exhausted
　　　　　　　所以一返到屋企就攤屍


　　　　　　　琴日　stay　係屋企
　　　　　　　我鍾意　weekend　出一日街　另一日就係屋企靜修
　　　　　　　但係好似咩都冇做過咁
　　　　　　　淨係掛住　msn　上網　
　　　　　　　我覺得我真係一個衰人　點解可以咁衰　?　..



　　　　　　　..................


　　　　　　　係咁先



　　　　　　　大穫　!
　　　　　　　大埔間　neway　真係開左喇
　　　　　　　我今日放工專登經過果度　..
　　　　　　　點算



　

>>April 10, 2006 at 4:46:08 PM GMT+8

2006 年 4 月 6 日 星期四 【晴】

　



　　　　　　　待我好　就誇獎一下我很討好
　　　　　　　就關心一下我的身高
　　　　　　　還容忍我間中的遲到


　　　　　　　拔尖既同學成功拔尖
　　　　　　　好戥佢地開心呀　! !　社會既棟樑　:)
　　　　　　　佢地真係好犀利
　　　　　　　就算俾我考多次　CE　我都唔會羅到三十分

　　　　　　　我大概已經睇得到佢地既未來喇　..
　　　　　　　但係我自己既未來呢　?
　　　　　　　仲未係好清楚　就連將來想做咩都唔知
　　　　　　　不過我一定會好努力咁生活　我都要好好計劃下我既將來　!
　　　　　　　成就唔駛大　最重要係過得有意義

　　　　　　　琴日知道有兩個校友發生左意外
　　　　　　　其實我唔識佢地兩個既　所以都唔係話傷心
　　　　　　　不過都覺得好惋惜　始終都係岩岩踏入社會既大好青年

　　　　　　　所以大家做咩都好都要記得注意安全
　　　　　　　唔好令身邊既人擔心　生命真係一樣好寶貴既野黎架　!

　　　　　　　呢幾日都同芹芹同　Joyz　商討要點整個頭好
　　　　　　　我好擔心個頭承唔承受得起
　　　　　　　其實真係已經好鬼傷　
　　　　　　　但我唔捨得剪　始終留左咁耐都係有感情既
　　　　　　　真係好想擁有一把長長既秀髮

　　　　　　　Lunch　難得出街食
　　　　　　　個個行行下走散哂得番我同芹芹　-.-"
　　　　　　　去天外天　原來個姐姐過左隔離做
　　　　　　　搞到冇　Monday　睇　!

　　　　　　　今日曹　Sir　又冇返工喇
　　　　　　　勁狗囉我地夾定哂請假既日子　我請完就到佢請
　　　　　　　搞到恆進日日都唔夠人

　　　　　　　死期將至　我仲係十五十六
　　　　　　　睇黎我要認真



　

>>April 7, 2006 at 3:51:27 PM GMT+8

2006 年 4 月 4 日 星期二 【晴】

　



　　　　　　　上網交友要小心，法國馬賽有一名多情花心，愛交女友的醫生，
　　　　　　　
　　　　　　　在網路聊天室結識了一名女網友，雙方幾乎夜夜無話不談，兩人

　　　　　　　興奮不已地聊了六個月之後，終於要約出來見面；不約還好，約

　　　　　　　出一看，兩人大吃一驚，這兩個人原來是媽媽和兒子。


　　　　　　　這個素來就愛拈花惹草的醫生表示，他在網路聊天室的時候，以

　　　　　　　「快樂王子」為名，認識了一個暱稱叫「甜蜜的茱麗葉」的網友

　　　　　　　，「快樂王子」一遇到「甜蜜的茱麗葉」，馬上就覺得這個神秘

　　　　　　　女子不知為什麼，好像非常瞭解他似的，兩人越聊越投機，聊了

　　　　　　　六個月之後，「快樂王子」終於決定把「甜蜜的茱麗葉」約出來。


　　　　　　　就在兩人到約定地點見面，雙方一看，都嚇呆了，原來女方發現

　　　　　　　，自己深愛的「快樂王子」，竟然是自己的兒子，馬上就原地尖

　　　　　　　叫起來，還驚動了警察，把兩人抓進警局去訊問，才扯出這一起

　　　　　　　烏龍戀情。



　

>>April 5, 2006 at 6:19:35 AM GMT+8

2006 年 4 月 3 日 星期一 【晴】

　



　　　　　　　Icy　生日快樂　暨　兒童節快樂　!

　　　　　　　琴晚　send　左個感動路線　sms
　　　　　　　拿　~　你話唔會　delete　架　
　　　　　　　我間唔中就要羅你電話　check　下

　　　　　　　個傻妹今日感動到喊　*v*
　　　　　　　就算再堅強再倔強　始終都係人　一個有感情既人
　　　　　　　我希望你可以開心

　　　　　　　驚覺今日竟然係兒童節
　　　　　　　雖然年年都知　但今年比較唔同
　　　　　　　因為我已經係用成人既身份去祝人兒童節快樂
　　　　　　　點解以前唔好好珍惜呢　..　?

　　　　　　　夏天真係黎喇
　　　　　　　琴晚俾蚊咬到訓唔到　仲俾我聽到佢　d　聲　..
　　　　　　　我打左個冷震彈左起身之後冇再訓　果陣係五點幾　-@-

　　　　　　　今日行程好緊迫
　　　　　　　落左　B3　上堂　風涼水冷架都
　　　　　　　但係去邊都要行好遠路　eg. 要行八層樓上五樓
　　　　　　　Space Station　個　presentation　都幾失敗　......　-.-

　　　　　　　Office　有個書記屈我地偷　SARS　箱
　　　　　　　無証據無動機　即係佢自己幻想出黎　但係佢當左係真
　　　　　　　聽講話九成係鄭書記　
　　　　　　　即係傳說中果個鄭書記　即係犯眾憎果個鄭書記
　　　　　　　不過最慘既都係蔡　Sir　,,　佢好撐我地

　　　　　　　由於係兒童節　所以今日返工對　d　細路特別好　
　　　　　　　佢地今日都特別乖　因為聽日係清明節　有假放

　　　　　　　佢地係咁乙水　Miss Chan　係咁嗌佢姐姐　搏羅糖
　　　　　　　Miss Chan　笑容都特別燦爛
　　　　　　　佢地今日又好笑左好多
　　　　　　　" 喂你手濕唔好掂　d　電芯呀　,,　會觸電架　! "　一名學生認真地說

　　　　　　　我喜歡這份工作



　

>>April 4, 2006 at 1:46:52 PM GMT+8

2006 年 4 月 2 日 星期日 【晴】

　



　　　　　　　Chem test
　　　　　　　Muji 訂文具
　　　　　　　Celebrate
　　　　　　　返工
　　　　　　　中化專題
　　　　　　　科學說需求
　　　　　　　Compo
　　　　　　　English Ambassador
　　　　　　　問卷調查
　　　　　　　追債
　　　　　　　還債
　　　　　　　Show time
　　　　　　　Field trip
　　　　　　　青蔥
　　　　　　　英文
　　　　　　　Lab report
　　　　　　　負離子
　　　　　　　入錢
　　　　　　　開會
　　　　　　　貧富宴宣傳
　　　　　　　社職 camp
　　　　　　　做功課
　　　　　　　追番 Econ
　　　　　　　溫 CE Chem
　　　　　　　睇英文報紙
　　　　　　　無具炊事
　　　　　　　買衫
　　　　　　　聯誼
　　　　　　　返教會
　　　　　　　私補
　　　　　　　唱 K
　　　　　　　側田
　　　　　　　陰質教育　?!

　　　　　　　好似仲係爭咁　d　野



　

>>April 3, 2006 at 1:48:04 PM GMT+8

2006 年 4 月 1 日 星期六 【晴】

　



　　　　　　　琴日去左理大玩英語節個比賽
　　　　　　　Connie　超好　!　為左我地哂左佢成個下晝既時間
　　　　　　　佢只係負責送我地入去理大同埋接番我地出去火車站
　　　　　　　一開始勁驚　Kuma　唔黎
　　　　　　　佢簡直係我地既支柱　其實我地乜都唔知就參加左　@@

　　　　　　　開頭唔係好投入架　都唔知做咩咁
　　　　　　　不過玩下玩下又覺得好好玩個喎
　　　　　　　最後我地係第十二名　三十幾隊黎講成績都唔錯
　　　　　　　不過入唔到決賽　..　要頭十名先入到　..　爭少少咋　!　-@-

　　　　　　　之後同盈盈　Kuma　食野行街
　　　　　　　我發現好多人都著　Bureberry　件黑色　Polo
　　　　　　　起碼有五個　,,　十幾歲人著住件幾十歲人既衫
　　　　　　　又周街億萬少年呀咁　佢地都唔知搵食艱難
　　　　　　　
　　　　　　　算我都係冇資格話人


　　　　　　　今日自動自覺返左教會
　　　　　　　希望親近神多　d　可以令我個人純良　d

　　　　　　　朝早有個節目叫激優一族
　　　　　　　真係睇唔出邊個係稱得上 " 優 "　成炸人都膠膠的
　　　　　　　應該叫激　yap　一族

　　　　　　　跟住竟然係重播　Feel 100%
　　　　　　　開心到飛起　Form 3 果陣好鍾意睇
　　　　　　　方力申扮許樂真係　cutie　到暈　　" Cherrie　我有空　,,　我送你　! "

　　　　　　　大家係咪已經知道呢　d　節目好耐　?
　　　　　　　其實我平時兩點起身　係未睇過呢　d　野架　。

　　　　　　　原來唔經唔覺已經四月
　　　　　　　即係就快睇側田
　　　　　　　所以我已經　dl　哂所有佢既歌備下課咁

　　　　　　　超級靚聲演鬥廳好好睇　in fact

　　　　　　　咁多電視節目名一睇就知我今日好　hea　啦
　　　　　　　仲未溫　isomer　呀　..



　

>>April 2, 2006 at 3:46:13 PM GMT+8

2006 年 3 月 29 日 星期三 【晴】

　



　　　　　　　我做左　Lab Report　奴隸　!
　　　　　　　都唔明點解可以俾咁多心機去做　平時做功課爭成十皮
　　　　　　　其實有時間不如溫書仲好

　　　　　　　盈盈今日身體不適　,,　好擔憂呀　!
　　　　　　　完全明白佢有幾辛苦幾痛　佢仲嚴重　連野都食唔落
　　　　　　　休息多　d　呀知道嗎　?
　　　　　　　冇你係我隔離哦我好鬼悶

　　　　　　　孫樂庭我覺得你有必要盡快去睇醫生

　　　　　　　聽日係　Form 5　真　Last Day　呀
　　　　　　　竟然無緣同　Minda　食飯　T口T
　　　　　　　Minda　搵日我要去你樓下接你一齊食飯　!

　　　　　　　好野返左一個月工喇原來
　　　　　　　我期待禮拜一出糧　有二千蚊　:D
　　　　　　　脫貧脫貧　!


　　　　　　　有樣野一直令我耿耿於懷


　

>>March 30, 2006 at 12:52:56 PM GMT+8

2006 年 3 月 28 日 星期二 【晴】

　



　　　　　　　今日出　Field　,,　好緊張好興奮呀　! !
　　　　　　　一返學就係咁等　Lunch　,,　好想快　d　去

　　　　　　　空堂同思思猛講惡作劇
　　　　　　　好野連佢都加入埋　!

　　　　　　　Econ　講番　d　卷
　　　　　　　YY　話我地應試能力好高　明明一知半解都可以答得似層層
　　　　　　　其實我覺得唔係一件好事　咁樣只係反映我地係考試機器
　　　　　　　我好希望真係學到知識　再將佢變做常識
　　　　　　　
　　　　　　　之後佢一反常態同我地吹足一堂水
　　　　　　　亦令我明白到結婚真係一種好奢侈既行為
　　　　　　　唔係話我唔想結婚　而係　d　繁文縟節真係好煩

　　　　　　　跟住　UE　唔知發生咩事　..
　　　　　　　徐步高單野搞到我地成身蟻　居然要為佢作文　? !

　　　　　　　之後真係出發喇

　　　　　　　個個都著得極之輕便　
　　　　　　　我認為自己著得毫無美感　完全唔想俾人見到
　　　　　　　行左一大段山路先去到　真係支力到阿媽都唔認得
　　　　　　　其實都幾好玩　澗水而行　又捉下魚影下相咁
　　　　　　　好似去梗旅行咁　但係都幾支力

　　　　　　　返番學校執埋野就同　Joyz　思思　盈盈　食野
　　　　　　　吹水吹得十分起勁　上至天文下至地理
　　　　　　　大家都非常認真咁探討社會既問題
　　　　　　　後來　Dave　肥賢都加入埋
　　　　　　　吹到七點幾先至捨得走

　　　　　　　今日我同　Joyz　都覺得講左好多哲理

　　　　　　　好充實　!


　
　　　　　

>>March 29, 2006 at 12:18:33 PM GMT+8

2006 年 3 月 24 日 星期五 【晴】

　



　　　　　　　岩岩聽左一首好難聽既不要離我太遠　不過唔係　live
　　　　　　　究竟呢個咁難聽既版本係新版定舊版　?
　　　　　　　Stephy　係咪重新錄過首歌　?
　　　　　　　我記得以前好似好好聽個喎　..
　　　　　　　定係我隻耳仔聽野衰左　?　..

　　　　　　　今日返學校做　Form 5 oral helper
　　　　　　　definitely　虛耗光陰燃燒青春
　　　　　　　係咁望住個計時器　睇住時間一分一秒咁過去
　　　　　　　而家真係覺得有　d　憨居　..
　　　　　　　不過　Tony Choi　請我地食左好多野　食到非常濟　:D

　　　　　　　好慘呀又到考試既季節
　　　　　　　個個都咪書咪到喊　成日都會覺得好惶恐不安
　　　　　　　我而家又有呢種感覺喇
　　　　　　　希望大家都可以考到理想既成績
　　　　　　　唔好令自己後悔　唔好浪費咁多年黎學番黎既野

　　　　　　　幫完手同思思盈盈芹芹食野　( 勁恐怖 D 名全部係疊字 ! @@" )
　　　　　　　then　我地去左買水鞋
　　　　　　　勁尷尬我隻腳既　size　..　
　　　　　　　大人最細果隻就大得濟　小童最大果隻又有少少緊　..　-.-
　　　　　　　所以都仲係未買到既



　

>>March 25, 2006 at 4:04:28 PM GMT+8

2006 年 3 月 22 日 星期三 【晴】

　



　　　　　　　陳冬敏　!　好野你貼我　~



　　　　　　　十樣你唔想人做但係又講唔出口既野 :


　　　　　　1) 催我食飯
　　　　　　　原因好簡單
　　　　　　　食飯係一種享受黎架　,,　點解可以唔試真每樣野既味道架　..　
　　　　　　　催我食飯對我黎講簡直係虐待


　　　　　　2) 將自己唔想做既野推俾我做
　　　　　　　己所不欲勿施於人
　　　　　　　如果你係做唔黎既我當然會主動幫手
　　　　　　　但如果你係因為某人或者某事而推俾我做既
　　　　　　　至少都扮你係好想做但係做唔黎丫　..
　

　　　　　　3) 摷我個袋
　　　　　　　我唔知幾時會無神神跌包　M　巾出黎
　　　　　　　我會好尷尬


　　　　　　4) 堅持送我返屋企
　　　　　　　你既好意我心領喇　我知道你既關心咪得囉
　　　　　　　但有陣時我真係會好想自行回家　我想令自己獨立　d
　　　　　　　所以聽我講左幾次　" 唔駛送我喇 "　就可以由我自己走


　　　　　　5) 半夜三更打電話黎
　　　　　　　通常半夜三更果時我一開口講野就會喉嚨痛
　　　　　　　所以我夜晚係好少講野架
　　　　　　　除非係馬拉松式煲粥停唔到


　　　　　　6) 重複提我做同一樣野
　　　　　　　有時我聽到知道但冇應到你　係因為我諗梗要點做
　　　　　　　你再提我只會令我覺得你好囉唆


　　　　　　7) 問我去邊食飯
　　　　　　　其實我覺得去邊食都一樣
　　　　　　　除非我無啦啦好有主見咁話去邊度食啦
　　　　　　　否則都係唔好問我好　d

　
　　　　　　8) 不斷追問我同一件事
　　　　　　　我冇答你即係唔想答啦
　　　　　　　再追問落去都冇意思


　　　　　　9) 成日係我面前話要減肥
　　　　　　　其實你地一講呢個話題我就會好無奈
　　　　　　　都唔知插唔插嘴好　..


　　　　　10) 同我一齊既時候顧住同人講電話
　　　　　　　咁樣會令我覺得你好唔尊重我
　　　　　　　如果係咁我寧願自己走開等你傾完電話再搵番我
　　　　　　　我對呢個行為其實都幾厭惡



　

>>March 23, 2006 at 4:20:03 PM GMT+8