2004 年 4 月 24 日 星期六 【晴】




凌晨喇......咁就廿一歲,第一個同我講生日快樂緊係PO YAN啦,
之後就係二佬,LILY,吳凱儀,文慧.......
二佬送左佢申請CREDIT card部mp3俾我,佢再去買左部新ge自己用.......哈,但我真係無聽歌呢...
朝早約左po yan .......^^

nicole同我講.....佢今日甩底,因為佢要同佢阿妹買野
所以會約過第日, 時間應該係siu wut考完a/c, um.......好漫長呢....


PO YAN唔信我同佢講<救命>係恐佈片(以為只係懸疑片),所以就俾我0厄左
去睇戲,勁好睇丫......不過血腥左少少.....睇緊時,我仲0岩0岩係到食緊早餐....

睇完戲就係青衣城行左陣,唔覺唔覺青衣城原來開左好多新鋪......我好耐無行
過咩?
之後等埋Emily,就一齊去左"滾滾紅茶"食大碗麵喇,係咁傾計....哈~
不過今次就食唔晒喇....個早餐仲頂住緊~

因為無諗定去邊丫,咁就出左去旺角行街街先,無咩買架,不過順便睇下有無0岩心
水GE鞋啦......想買波鞋/涼鞋GE我,最未係買左對超級斯文GE鞋....Lady到丫..
....不過呢....七號咋....呵呵呵...?得入呀!唔使做八號腳~~

跟住再買左條勁老餅GE裙....用黎襯對鞋....呢世女都未試過會咁Lady呀!!
著左出黎可能會嚇死自己....
我仲發現左,我係荃灣買左$70 0既一件衫,係旺角竟然賣$30,真過份呀!!!!

跟住就去左尖咀,行到累,就去左海旁坐左陣.....好舒服呀,坐係到傾計,心情好靚,
因為我地三個都係路盲,所以等埋KA KIN同RABBIT之後就去食飯喇~
由於我地無諗過食乜,又出現分歧,所以出現左D爭拗咁.......幾驚佢地吵大鑊呀~
Emily仲係咁好火....哈哈!
最後我地去左個非常"陽光海灘"0既美食廣場,起初都OK架,但後尾Emily覺得d
野唔好食,所以全程唔出聲......哎呀呀~~但我覺得d野ok喎,仲食左日本,韓國,
印度,泰式,.....好多款野食呀...賣單每人都係四十蚊到,幾抵喎~^^
食食下,Harry都黎埋,Emily又笑返囉喎,咁我地就影左幾張白痴相啦,好耐無同佢
影相喇......不過一樣係唔記得影大合照....我成晚為左唔想個氣氛咁嚇人,好似
未停過咁係咁講野,係咁八佢地d近況....所以呢......小玲ge舌頭同下巴,可能會因
為過度活躍而有所增長.......變成長舌婦......哈~

行左陣無印之後,就搭車車返歸喇,係車到一齊發左癲係咁講恐怖故事~^^
po yan個樣好驚呢....hehe....總之全程就係到勁笑,都無停過....
越夜就越開心......佢地仲夠膽話下星期去bbq喎...上次放我大飛機丫~~
lily就要返工,無黎到....又唔想佢收左工係到等我地,都係叫佢返屋企先~~

好奇怪,佢地係無夾過之下,都一齊送衫俾我.....難道佢地覺得我?得唔好睇,
所以幫我轉轉形象??!!~~~^^
po yan送左條迷你裙俾我丫,um............佢太睇得起我喇~~
ka kin & rabbit就送左件T-shrit俾我,等我搵次一套過咁?俾你地睇丫0下~
po yan 同emily都話我個pat大左超多....超多,嚴重到好似人地生完仔咁樣..
....oh~My God!!!!有咁嚴重咩??!我會檢討下.....
由於對腳太粗,再加個大Pat,所以?到件迷你裙仔唔係咁好睇,
不過我係唔會拎返去換ge,亦都唔會去換第二款......因為係po yan送ge,
而且我會逼自己減返個大pat之後,先?ge.....我下左決心架喇~
哼哼~~生完仔喎....=.=......太大打擊喇.....要減要減要減....

今日再收到阿靜,sw ge message........不過等佢考完試,再慶祝ge時候,都03/05,
已經都再唔係慶祝lu~~食餐飯兩個鐘,真係咁忙??!

不過今晚真係好開心.....


>>May 6, 2004 at 11:26:05 AM GMT+8

2004 年 4 月 23 日 星期五 【晴】

因為尋晚係到online.......唔夠訓,起身換衫再訓,食完早餐又再訓.....
點都唔想起身.....相信遲d有年假時,一唔想返工就會打返去....

勁煩阿龍陪我去踩單車,佢起初唔制架,話坐佢車尾仲好,後未肯去時,
佢女友又無假喎,咁就無謂去lu.......

想睇"救命",但po yan同阿靜都驚,sw同nicole又想睇第二套....無人陪我睇??!
um.....我自己帶肥仔一齊去睇,嚇死佢~(淨係帶佢出街仔都夠嚇佢!!)
你都覺得我好似孤獨精哩.....

坐坐下有個超靚仔GE鬼佬病人走左入黎,嚇得我丫,以為佢黎申請WAIVING,
好彩佢問圖書館係邊,我用手點左佢點行....哈~~唔識講呀!!

星期六無乜野做,所以上左內聯網睇下D心靈故事~~~^^

無無聊咁走去登記左做選民....hehehehe......良好公民呀~~

阿媽對我上次講話生日要買六合彩 一事,非常好記性,今日幫我再買......哈,我玩下0者,真係會中就好囉~~~即刻買間大屋俾你地住!!!!

SW同我講,今晚去街街要改夜D,因為靜靜要遲D放工,但阿靜就叫我地早D出
去,行下街先.....多一個鐘0者,佢同Nicole兩個衰婆都唔肯陪我行多陣~~哼哼哼!
還掂唔夠訓,就多睡一個鐘先出去啦~~Hehehe...

就黎係車到打橫黎訓架喇......

PO yan話聽日陪我睇<救命>呀~~~yeah!!!
因為佢終於發現到呢套唔係恐佈片喇......哈!!

好快咁食完個lunch,諗住早d訓下,今晚精神足d同sw,阿靜,nicole去玩.......
訓訓下.......Nicole打黎話今晚0既節目取消.......因為佢黎唔到.......所以改下星期........
其實有d唔開心架...加埋尋晚,一連三日ge活動.......變成得返聽日一日.....或者半日.......
之前好鬼牙擦擦同mum講話有好多朋友一齊慶祝.......呢幾晚都唔返屋企食飯架喇.....
所以話返俾mum聽我今晚都係屋企時,佢都好驚訝.....佢個樣似乎係覺得我好慘....無乜朋友咁.....
因為佢成日都見我係屋企無街去......又成日俾人放飛機.............但其實又唔係ge.........總之可以一班人一齊玩就算啦....好多人無人同佢慶祝生日架,我有咁人記得 生日已經好好..........
而且聽佢語氣好趕急,應該有緊要事,緊要事要緊!!只要遲D肯陪我去玩就算啦~~~~哈哈!!
阿峰打黎問我呢幾日好唔好玩............我答佢"好~~好好,放心啦!你唔係到,我都有人陪ge~~"
突然好想你呢個大朋友返黎陪我玩............

po yan0既賀咭呀~~年年都有send俾我.......好明顯......有心!!!!!Thx~~~^0^
你說：你要找一個你很愛很愛的人，你才會談戀愛。但是當對方問你：怎樣才算是很愛很愛的時候，你卻無法回答他，因為你自己也不知道。沒錯，我們總是以為，我們會找到一個自己很愛很愛的人。可是後來，當我們猛然回首，我們才會發覺自己曾經多麼天真。假如從來沒有開始，你怎麼知道自己會不會很愛很愛那個人呢？其實，很愛很愛的感覺，是要在一起經歷了許多事情之後才會發現的。或許每個人都希望能夠找到自己心目中百分之百的伴侶，但是你有沒有想過：在你身邊會不會早已經有人默默對你付出很久了，只是你沒發覺而已呢？



>>April 24, 2004 at 12:53:38 PM GMT+8

2004 年 4 月 23 日 星期五 【晴】

金牛座的三個階段
第一個階段是生日在4月21日到4月30日之間
這個階段的金牛座是最樂於幫助他人的金牛座。個人行星是金星，代表愛與美，你對於愛情相當執著，對於身邊的人也抱持同情心，因此你滿擅長做義工或是從事一些服務的行業。對你來講，如果可以同時運用你的藝術鑑賞能力又可以賺錢，真是一舉多得的事。而你也需要常常跟人家溝通內心的感覺，你很會從別人身上吸取經驗，這都是這個階段出生的金牛座所具有的特質。

>>April 24, 2004 at 12:45:36 PM GMT+8

2004 年 4 月 23 日 星期五 【晴】

我0既性格分析.....準果D我抽左出黎...我真係咁樣GE人黎架!好長,不過都想d朋友睇一睇,多d暸解......
http://geocities.com/gadogry/e_index.html

第一型: 3分
第二型: 5分
第三型: 4分
第四型: 4分
第五型: 3分
第六型: 7分 <====我
第七型: 2分 <====若然無估錯,芝應該係呢隻....
第八型: 4分
第九型: 4分

忠誠﹐負責﹐喜歡群體生活。他們很需要信任﹐在感到安全的群體裡會很溫和﹐
好玩﹐很會關心身邊的人。而在其他地方會顯得比較防衛﹐拘謹。

因為他們對自己有很多疑慮﹐不喜歡受人注視﹐所以未必是出色的領導者。
他們很需要一個可信任的群體或者一個明確的敵對目標來集中自己的注意力。

他們小心謹慎﹐警覺性很高﹐很會察覺危機出現﹐而面對危機也很懂得處理。
例如他們可以很敏銳地看出別人言行舉止背後的動機。可惜第六型的陰謀論作
風也會讓他們跨大危機的可能性﹐甚至會擔懮不存在的危機。這形成不健康的
第六型人的行為變得極端。他們有總會被迫害的念頭﹐常質疑﹐否定身邊的人。
當他們發覺(或者開始懷疑)被背叛﹐會變得更惡劣。

安穩的時候會變得順其自然﹐相信別人﹐放下自己的拘謹。
受壓的第六型會變得反應過敏﹐魯莽衝動﹔為求達到目的﹐會不顧一切。



深層動機是權力(對抗)﹐卻能在表面顯得溫和 (靠近)﹐形成助人特質。
有同理心﹐善解人意﹐樂於助人﹐渴望別人的愛或良好關係﹐甘願遷就他人﹐
以人為本﹐要別人覺得需要自己﹐當中有時會忽略自己。

他們會給他人無條件的愛﹐讓人覺得溫暖﹐常給人鼓勵﹐對別人和善﹐有時會顯得過份熱情﹐
在助人過程中對別人的行為有太多的干涉。由於希望自己能為人所愛而冒犯了他人
比較不健康有佔有慾﹐喜好操縱情境﹐願意捨身為人服務﹐卻否認自己負面
情緒的存在﹐特別是攻擊情緒 (憤怒﹐煩厭)。太希望別人認為自己時時刻刻都可愛善良﹐
卻否認自己在操弄他人的事實。
安穩的時候會在助人和自己之間找到平衡﹐不再為了渴望得到愛而不斷改變自己。

都很渴望被喜歡﹐被愛戴。希望別人認同他的愛心,在玩的過程裡比較注重身邊的人的感受
很需要安全感﹐而希望融入群體裡來得到安全感。

最渴望﹕被愛﹐被別人需要,安穩, 有保障
最恐懼﹕孤獨﹐不被喜愛,缺乏安全感
最難達到的美德﹕勇氣 (Courage)
最難克服的執念﹕猜疑 (Doubt)


對我一定要咁樣架.......哈哈!一句到尾.......小器!!
1. 欣賞他們的愛心﹐真誠地感激他們﹐讓他們知道他們為你所做的一切對你有多重要。要明確表面你感激他們為你做的某一些事﹐不要只是籠統地說多謝。
2. 欲要批評/拒絕﹐儘量婉轉。
3. 不要嘗試以他們對你的方式對他們 (滿足他們的需要)。對他們太熱情可能反而會讓他們覺得不知所措﹐因為對人好正是他們建立關係的工具。
4. 注重他們的感受﹐並提醒他們要分些時間關懷自己。
1. 要對他們真誠﹐坦白﹔如果你在行動中顯露到你在掩飾自己的動機﹐他們一定會猜疑並拆穿你。
2. 聽他們的忠告和意見﹐不要聽到一半就說明白﹐了解﹐他們會不信任你。
3. 他們會經常提出一些問題﹐來安撫他們內心的猜疑﹔要小心處理這些問題﹐及不厭其煩的向他們解釋。
4. 不要把人們弄成眾人焦點﹐他們會渾身不自在。
5. 跟他們相處/合作﹐你越焦慮他們就會越放心﹔這樣他們才會相信你有心理準備去面對問題/困難。


如果你是第二型...
1. 小心侵佔了別人的私人空間﹐有時候別人未必想要你的幫忙﹐不要把別人的問題都放在自己身上﹐要知道自己的責任範圍止於哪裡。
3. 不要刻意追求別人對你讚賞﹐這樣可能會弄巧反拙。
4. 學會"愛己如人"﹐不要一成不變的只付出。在某些情況下要先顧及自己的需要﹐因為沒有人會比你自己更重要。留些獨處的時間給自己吧。

>>April 24, 2004 at 8:58:17 AM GMT+8

2004 年 4 月 22 日 星期四 【晴】

SUKI唔識用電腦,但就成日搞,搞到好麻煩呢.....加倍工作....
而且佢做野好求其,成日出錯(真頭逄做必錯.....),同佢講返,佢就好惡話無錯,發現到真係錯喇,
就乜都唔再理...............咁樣唔得GE呢~~

哎呀~我呢三日GE慶祝檔期,完全被搞亂呀...
加上發生D咁GE事,影響左去玩GE心情添....怎麼辦?搞唔返高個mood添~~

嘩~d patient一個貼一個咁黎....做唔切丫~~~

lunch過canteen買飯時,又撞到上次個sales哥哥...傻架佢,推住成車貨,係咁追
住黎叫,我係咁兇佢話"lunch time呀,你唔好跟住入黎呀,入面無職員架,一陣俾
人以為你偷野丫,佢就話轉頭再黎搵我...等我匿埋先!!
著住件袍係到好似傻婆咁大叫,真失禮!!!!

下午忙到PK,Gloria蛇王過黎兩次,我都唔得閒同佢講野,無得停,
d 病人我都未叫佢已經衝左入我房,想飲啖水都唔得~~~

個sales哥哥真係走黎搵我,不過實在太多人,佢都唔夠膽行過黎,係房門口整古做怪左一陣,就
放低自己個電話號碼走左,仲寫明唔好放入垃圾桶,佢好低b呀!!!!

上次鬧我個男人...今日又黎左,坐係門口......厲住我...使唔使咁呀佢....係佢鬧我,唔係
我鬧佢喎......佢睥住我,我都廢事理佢,同事知我同佢有"牙齒印",唔使我見佢,我咪同SUKI講..."憎死呢個人呀~哼!唔好俾我再見佢!" ....鬼叫佢係第一個鬧我GE人呀,記實佢呀!

想信妳都唔得...
想幫你都唔知點幫,我都唔想咁惡鬧你,但唔想睇住你又"中"個頭埋去....又再痛苦...
咁唔開心,長痛不如短痛.....
妳唔打俾我,怕我鬧妳?唔企妳果邊??
結果我打返去.....

本來阿芝話約我今日去食晚飯,所以好無恥咁推左kiko溫書,改星期一.....點知阿芝話係無約實ge,
同joey行緊街.......所以就回家吃飯~~好彩我都醒,見佢無打黎,我都估到會係咁上下...

成晚d電話都係講去邊到玩,高漲心情又返返晒黎喇~~^^
不過星期日果晚真係唔知點算......佢地都係無同我講定幾點,去邊,到時會唔會再放我多一次飛機??
而聽日個約會,靜靜要返工,點算好?
傻瓜po yan問我想去邊......我話無所謂....其實我好恨去bbq,踩單車,放風箏,行山架....
不過我知佢好怕咁曬...仲有得兩丁友......做呢d咁有益身心ge活動,又好似怪怪地咁....^^
有機會ge,遲d人多d再去啦~~~

nicole介紹幾份好工叫我去in,好想去丫.....但又怕d英文"勁"得滯喎......自己又怕適應唔到,又
剛同d同事熟d......阿媽唔係幾想我轉,問阿哥佢又唔理我喎....點好呢?點好呢?好猶豫呀.....
但真係想出去闖闖.........見識見識......但呢家又好安穏喎.....


前兩日,叫阿爸阿媽夾d number俾我,自己再諗一d,跟住叫阿媽去買六合彩,諗住差唔多生日,點都俾我中下一,兩隻字啦,點知......$20,有四組數字,好似中左.........一,兩隻咁大把.....使唔使咁呀~~
不過早兩日係個固網短訊電話到,無情情抽中個電飯煲喎.....哈,suki中廿蚊雞現金卷咋~~
唔係咁差0者.....d運氣......


>>April 24, 2004 at 8:40:00 AM GMT+8

2004 年 4 月 21 日 星期三 【晴】

成晚都無訓過,亦都諗足成晚......雖然係預期中GE答案....不過都唔想係事實,........................唔係我堅持,你仍然會0厄我嗎??

再見到你地時....我要點面對住你?扮無野?
由一大堆朋友,變到以後都唔會再一齊......就全因為一個人GE問題....
三年感情,原來係咁兒嬉....真教我大開眼界....
完全只係顧住自己,你搵到個好0既(??),都放開0下人,仲當人傻仔....
你究竟諗緊乜野??

新來替代高姑娘GE劉姑娘,好似仲好有做社工GE熱諴....佢會俾自己咭片D
client架....咁即係某何時候都會on call...嘩~~
Eva介紹我時,仲話我有好多花名....又話我係醫管局派黎監視佢地ge臥底~~^^
呢個老闆真係好搞笑,又玩得......

今日都仲俾尋日個答案困擾住,心情好鬱悶咁....

社工Margaert話教我游水,一講原來全個gr d同事除左阿lam,無人識游,
Gary聽到,話佢又教我游...我怕死果喎,教到佢地嘔血都似~~



>>April 24, 2004 at 8:29:25 AM GMT+8

2004 年 4 月 20 日 星期二 【晴】

到十點連半都係無一個case.....
食飯前走左個client入黎,又係好麻煩果d,又要同我拗,話我苛刻,要佢帶咁多野
黎先俾佢申請,乜都唔使帶黎,俾埋成千萬你好唔好,佢真係"有病"囉~
嘈左成半個鐘,我都廢事理佢,叫Lung搞掂佢,後尾Gary捱義氣同佢頂左....
個男人用同一段對白鬧佢...連社工都無佢符,只可以俾佢鬧到夠為止.
都唔知佢係黎申請or搵人出氣~~~

兩個實習學生仔,今日帶埋d 病人組員出去pincin呀....去大尾篤踩單車,放風箏,仲話"湊埋"我
去架.....不過要做野,無得去.......佢地曬到紅卜卜咁返黎,仲話等佢地六月走果時,約埋我地再去
過......好啦,聽住先,我記得架~~hehe...

再晏d,有個成五十幾六十ge男人,同個大陸女仔黎申請.....個女仔大我無幾多........
居然...................係佢太太............唉~~~嫁香港男人真係咁好咩??!

越聽越火....不知所謂....你究竟係一個點樣0既女仔?

阿龍同我講,話我被人搵笨,自己要問GE野,因為唔想去到咁盡,就叫我呢個唔關事GE
人去問, 有乜野事發生都係我GE問題.......無諗過呢樣野........你真係咁諗?
希望你唔係咁諗......

是夜原本就照原定咁去做,但你GE行為,往往出人意表....
唉,事到如今,你就坦白D啦~~~

今日諗起自己由出世到呢家都有好多個第一次....

第一次望到呢個世界....
第一次喊....
第一次笑....
第一次返學.....
第一次識朋友仔...
第一次識感覺痛......
第一次知咩係病......
第一次做功課...考試....
第一次唔合格...
第一次返大陸...
第一次有人為我慶祝生日.....
第一次同屋企人/朋友嘈交....
第一次同阿哥打架....
第一次被阿爸鬧.....
第一次被阿爸打....
第一次去宿營......
第一次玩過山車,海盜船....
第一次自己一個行街....
第一次感覺浪漫.......
第一次被人0厄....
第一次考第一......
第一次上台....
第一次攞獎....
第一次暗戀人.....
第一次學游水....
第一次俾朋友出賣....
第一次養動物......
第一次隻竉物死0左.......
第一次心痛....
第一次學踩單車..
第一次自己同朋友去宿營....
第一次有人表白....
第一次先砍後奏養動物....
第一次俾貓咬....
第一次去狗房....
第一次打牌....
第一次買六合彩....
第一次考公開試......
第一次重讀.....
第一次去泰國.....
第一次有親人離去....
第一次痛不欲生...
第一次後悔....
第一次不信任朋友....
第一次鬧父母.....
第一次行山....
第一次做part-time...
第一次打工....
第一次出糧....
第一次有"同事"....
第一次俾人鬧喊.....街外人...
um......唔知我會有幾多個第一次呢??~~^^



>>April 24, 2004 at 8:24:32 AM GMT+8

2004 年 4 月 19 日 星期一 【晴】

朝早好似好靜咁..........好眼睏呢~~

今日唔覺唔覺都見左好多CASE呢......下午有個阿伯好慘架,
無人同佢講野所以有抑鬱症.....,於是佢就坐住唔走係咁同我傾,
我又唔好意思見佢走,加上果時都唔係忙,所以就由佢講下啦~
不過SUKI見我搞唔掂佢,就打個電話過黎扮叫我做野,而等個阿伯走...
我好似好衰咁........
老左果時,真係好慘...

有個住係長發GE CLIENT黎到咁遠申請,我同佢講話我住長安架....哈哈~~
見佢住得近,好似有親切感D~~~^^
不過如果唔批俾佢,就麻煩喇....撞到佢就俾人打都有知~~

返到屋企好怱忙咁沖涼,食飯就同kiko去0左麥記溫書,我地兩個都幾無恥咁
乜都唔買就坐係到溫......哈~
我好俾心機咁教,佢就係咁魂遊外太空,當我發up風喎~真係俾佢激死!!
教極佢都話唔明,double entry咋.....咁樣黎搵我玩呀...
仲叫埋victor黎喎,佢又唔係學,係咁撩我地傾計...佢黎埋之後,溫都
唔使溫........小組研討??!
被佢地係街到拉拉扯扯左大半個鐘....

俾阿媽勁阻止,無出到荃灣~
究竟有無講大話?真係唔知到.....精神好差,又有d唔想迫佢講......
所以無好執著咁問.......成晚都訓唔著....

大哥諗住讀副學士,讀到中五,可以讀大學,的確係唔錯....
但對我黎講,真係覺得無乜用,有用ge我一早都讀0左啦~~但佢咁想讀,
我唔會阻佢0既......有上進心都好ge.....但廿幾歲,再讀書,
一定學得慢,又辛苦......出黎之後,個社會又係點都唔知啦!!

好快又大一歲喇....廿歲生日時係到諗廿一歲會係點......原來我廿一歲
時,仍然都係咁上下,唔同ge只係讀緊書,同做緊野.....無乜大改變!!!!



>>April 24, 2004 at 8:16:09 AM GMT+8

2004 年 4 月 18 日 星期日 【晴】

肥仔變態架,三點幾又整醒我,五點幾又係我書台痾尿.....我好唔夠訓呀!

返工大塞車丫......遲到,好彩都係遲少少....^^
未食野,肚餓,所以係袋到拎左排巨型朱古力出黎食.....附近D人全部都望住我......=.=

返到黎先食早餐.......所以LUNCH好飽,食唔落,諗住食TEA,點知下午未停過....
水都無時間飲,一個CLIENT接一個,而且仲要每個CASE都好複雜~~救命!!!
所以成個下午都無食野....趁一路出WAIVING,一路食0左包餅....
好累呀!!!

件袍太多消毒劑,著到好痕呀,所以唔著~~

LUNCH果時太得閒,所以第一次走去0左GR睇報紙,仲坐係到同D同事傾計....
UM....咁樣的確會溝通多D~~^^

d社工開始好依賴我,即使我好忙,佢地自己d野都會繼續放低俾我做...
寧願等到第二日都留俾我做,週身骨痛丫!!

收工前見左個阿伯,七十幾歲,以前係中大畢業,成四十幾五十年前係中大畢
業,已經好勁.......竟然搞到要申請豁免,真係好可惜....
佢仲問我"你地而家d社工係咪係大學果時讀社工果科架?"
由於我唔係社工,所以我答佢"係呀,社工係要讀大學架,但我唔係社工,
我係呢到ge文員....."唔係就唔係,我唔會0厄阿伯扮社工!!^^

星期五阿芝都約我丫.....可以連續玩三日.......真係未出發,先興奮呀!!!

聽晚收工仲要幫kiko搵account........真係想訓~~




>>April 24, 2004 at 8:13:08 AM GMT+8

2004 年 4 月 17 日 星期六 【晴】

今日0既天氣非常靚呀~好有衝動想即刻衝去踩單車呀!!!!!!!!

天氣好,心情亦異常咁好~所以將全間屋0既野執黎執去..........................
我發現得閒0既人,係比較注重整潔.........

想做下運動同睇下書....但都係無掂過~~

搵日要去圖書館借下書睇下,唔想搭車時係咪都係到訓!!!

NICOLE約左我星期六呀!!!!有街去,YEAH!!!!!!!!!!!!!

見心愛GE散子包有D黑0左,就同佢洗白白....晾0左佢去窗邊.......一個唔覺意跌0左佢落街......
就咁就"死"0左喇................嗚~我好鍾意佢架............再買返一個好無呢??!








懶惰大測試！
http://www.sanriotown.com/psycho/psycho7/psycho7_tw.swf

還好我是中等懶惰........

>>April 18, 2004 at 1:53:51 PM GMT+8