2004 年 7 月 3 日 星期六 【晴】

尋晚個肚仔真係好俾面,無肚過,下午起床,已經痛到傻左~~:P腸胃真的很有問題........

尋晚癲到戴住對CON去沖涼,洗完之後唔記得放左係邊添........搵唔返喎~~

待續........

>>July 4, 2004 at 7:54:29 AM GMT+8

2004 年 7 月 2 日 星期五 【晴】

越訓越凍,但懶得起身拎多張被,暖笠笠0既肥仔又自己閃去床訓,今朝起身已經流鼻水呢....

搭車聽左個電話,朋友個親人過世,但我就聽錯左係至親,呆左....又唔識安慰人.......好擔心,硬係唔知點咁,騰騰雞.....後尾發現自己搞錯左....真烏龍...小事大意,大事失魂......千祈唔好太相信我辦事能力...

落車dr.仔棟0左係到,不過佢實在早得誇張....我有帶遮耶...唔會再好似上次咁狼狽....^^THX~

失驚無神整左個morning call俾阿li....但誤打誤撞,反而叫醒左佢~多謝我0丫~~^.^

見左兩個人之後,就坐定定係GR睇雜誌到收工....因為今日坐係到GE係SUKI同ANSIE,可以輕鬆D~~

收工返左屋企大覺訓,諗住個BBQ去唔成啦,有雷暴呢......但又去得成喎,奇蹟~^^
去到先知Emily 黎唔到.....好失望呢....不過詩帶多左個表妹,很爽朗的女孩~~
跟住都幾怪雞吓.....係超市到,你買D,我買D......無溝通呢.........真係好好好唔熟........
但呢個唔係一個問題...........問題係........除左嘉建之外....好似無人出聲.......

去到勁熱,再對住個爐多陣都想暈........好似全部人加埋係有十個人到,
女有女講,男有男講.......對話真係無乜,我好努力咁講野,不過都無乜人應...
或者我地出現錯左係呢個場合.....真係無話題,雖然大家都曾經係同學,但無乜印象......
話題只係圍繞返學d野.......仲要係"你讀邊班?"跟住就停.....
個氣氛真係嚇死人.....

我仲要中左兩次雀屎.....咁大個女....都係第一次中.......還好平日做慣肥仔阿四.....還好,跌下來的不是一條蟲,不過都尖叫左出黎.......

燒左唔知幾耐,走左3個人...emily俾我地搞到又唔知點咁....我同po yan都好想返屋企訓,但咁樣又好似唔係咁好咁,我地唔慣搵藉口,不過可能我地走埋,佢地會玩得開心d~~
最終玩啤牌,得ka kin,阿dee,po yan同我....其餘d人,話走就走........有點........
阿dee很好人呢,起碼佢會出聲....搭巴士時,繼續我地低b牌局,玩到傻左,因為輸左要被人
畫公仔..........唔識玩 ge po yan就成大輸家,紋身........哈~
但輸得唔多ge我,都拍得住佢,戴住兩手"漂亮"戰跡返屋企.....好彩無nike眉....不過真係唔玩得呢.....
原子筆都敏感,沖涼後仲有d紅.......^^
成晚最唔悶ge時候...

跟住我同po yan歸家,其他人繼續遊玩.........沖完涼仲醒d,一直online直至六點.......頭都乾埋........
很累....

今晚這樣子的bbq.......想起也怕怕.......如果emily入左黎,應該會幾好玩,起碼佢肯玩,又玩得......






>>July 3, 2004 at 9:46:30 PM GMT+8

2004 年 7 月 1 日 星期四 【乍寒還暖】

7月喇,呢個月好似幾難捱呢~~~0黎緊ge三個月都無乜假,會好辛苦架!!
不過只要返埋九月,我就可以放大假喇!我就實返大陸,不過會熱傻左~~

呢個星期,睇下有無時間研究呢個芝士蛋糕先~~

今朝俾清潔阿姐捉住傾左好耐,走唔甩,office d同事亦笑左好耐......
隻手指好似拮到刺,但Suki姐話應該係 界? 親,仲好溫柔咁幫我貼膠布呢~哈!

doris好唔捨得我定啦~~所以整暈兩個學生入院,順道返0黎"探我"......=D

今日好多野做呢....不錯~

二佬有個老友仔都係到返工,其實我一早見到佢,不過唔肯定係佢,不過就算識都會扮唔識.....:P,幾次搭車都撞過佢,原來佢一早認得我(=.=)....坐左過黎,傾左D悶到嘔血GE話題.......我諗佢下次見到我會即閃架喇~~嘻!

收工前,Ka kin & Rabbit又即興式叫去食飯,太趕喇,個個都去唔到,
得返4丁友去食飯....等齊人時,幫人做0左三份問卷,仲係到兇細路....hehe~~
去買壼時,遇到個好得意GE男人,當正我地好在行咁問野,搞笑~
仲有好pink pink ge "pink pink Harry"~~~~~
跟住就不停咁睇衫,係真係睇左好多,仲多過自己去買衫果時~~

又去食沙嗲王,之後仲去食0左碗遲來的薑汁豆花......^^
肚痛仲要食食食.......找死!
早食d真係好d,可以慢慢行!
我仲好八咁八0左d好唔關自己事ge野......八婆仔~~

兔仔同嘉建,由食飯打到返屋企都無停過,越來越唔正常,
相信佢地就係傳說中果兩個神經病的人......的朋友....

好彩GE係......人家無嬲我呢~~('v')....不過都係好面懞懞咁...

例湯好叻女呢,又見得成工,證明小玲ge朋友都係人才....哈~
尤其成日吼住院長一職GE傻例湯~~~^^
但去唔成camp ge危機好似又大0左喎....

由尋日開始,都已經肚痾.....兩日去左數不清咁多次洗手間.........
罪魁禍首係真係咁清腸胃ge乳酪?還是果杯俾我放左係?面N咁多個鐘後先飲GE
豆漿呢???

出街食餐飯,就使左成日GE人工....WOO~~仲話要慳錢....

個bbq居然去得成......但個組合真係怪到無人有....um...好想縮沙呢....
十個都識,不過無個熟.....樣都唔認得ge同學仔....真係覺得嘉建玩野....

十一點多返到屋企,已經散左喇,肥仔仲嘔左攤野係我張床到....拆埋床單,沖埋涼又點幾lu.....仲要打地鋪訓廳....無人性ge兩個阿哥仲係到打機嘈住我同肥仔......=.="




>>July 3, 2004 at 9:10:49 PM GMT+8

2004 年 6 月 30 日 星期三 【清涼】

熱!!!


cher~原來個BBQ係全男班GE,約唔到其他人都係唔去好...
下午坐足係部電腦成日,因為太熱,唔想郁.......

二佬今日守維園........WOO......一定好熱......聽日返工GE老豆,仲難捱..........

成個晏晝,大半用黎傾個BBQ......同F.7同學仔GE BBQ~

放下心頭大石,卻有另一舊大石.....我鬧錯人,好內疚...........

肥仔九歲大壽過左幾日才記起........所以俾左個大餐佢~~^^
難怪早幾日阿峰問起佢............佢都記得,反而我遺忘左......真過份......


>>July 1, 2004 at 2:54:45 PM GMT+8

2004 年 6 月 29 日 星期二 【清涼】

今朝好訓呀......七點四起身...:P
個頭仲滴緊水咁出門........買緊早餐時已經撞到個巴士狂人.....
佢好似同我講緊野,不過聽唔清楚我就拔腿跑去追巴士....佢可能係唔
正常....

返到公司對住KATHY,差D就同佢拗交....佢做野果套同我好唔同囉...

LUNCH又去飲茶喇~~^^
仲遲到呀....遲0左15分鐘先返到0黎.....門口己經坐住人喇~~
好彩人家無鬧我.....所以我係咁同佢地講唔好意思....
佢地鬧我GE話,我都會好受,等咁耐真係唔0岩GE......

GR D同事就叫我一定要忍住唔好同KATHY嘈,因為身份關係,我會唔著數....
但......我理得佢?,忍唔到實鬧,如果唔係同事仔好,份工都OK，我一早轉工，
我知出面都係受氣，但呢家唔係無得揀，點解要忍呢個師奶仔?!
今朝直頭有衝動星佢兩巴!!!!!!

DORIS今日就走,但唔係好覺得佢今日LAST DAY咁........

今日最期望ge事........................星期五掛台8號風球!!!!




>>July 1, 2004 at 2:27:27 PM GMT+8

2004 年 6 月 28 日 星期一 【清涼】

尋晚都用左幾長時間下打一封EMAIL...
不過不吐不快嘛....吐左出黎個心會好D,而且誤會就係要去解決,
唔可以拖......起碼個心唔會焗住焗咁......

無係日記再提起GE事,多數都係已經淡忘左OR已經唔再介懷OR唔想再提....心情同樣來去如風~~~~要學習?定情緒,唔可以受人影響~~^0^
要不受人牽制自己GE心情!!!

阿媽同大佬兩個都唔知搞乜,乜都有得嘈一餐....煩煩地~
阿爸呢排終於講多左野...^V^,返工曬傻0左??!

朝早收到個MSM....嗯,我有時間會看的!
不過俾個時間嚇左一嚇~~
咁夜都未訓....令人擔心....

跟住朝早就要努力開工....入機~~

今朝傻左,逢人行過房門口望入黎就對住佢笑,痴得都幾勻"秦"?....哈...
但D人又對返住我笑喎....今日都唔係幾正常....

不過呢幾日都有少少遊魂咁,要入機都係收到OPAS先記得....
但成日都好多人呀,不停見人,唔得閒入機....

KATHY係到勁搞搞震....搞到唔使做野,佢可以講唔掂D病人,
就咁扔低人地坐係房,自己走左去唔理,我入房就唔知咩事咁俾人媽到飛起,
搞掂完之後問返佢本人,佢竟然答到勁不負責任....點可以咁架....過份!

跟住又用原子筆畫人地本銀行簿喎,癲架......?
畫完又係就咁走人,留低晒D蘇州屎....
又拎住人地D私?週圍放...態度亦好惡劣....
鬧同事,鬧PATINET....每見一個病人,佢又要加把口,
問無關GE野,講錯誤GE野.....我咪停口,停手咁等佢搞囉......
佢又唔做咯喎,為左0厄鐘,又拖住人......半個鐘頭拉住人地個幾鐘....
俾人鬧時就搵我過0黎頂左去......到無人有....
最大問題係......我好討厭無做錯野而被人鬧......=.="
D人仲要係勁煩果隻.......真係俾佢激到嘔血......

起初真係睇錯左佢....仲以為佢好好添.....
再晏D,佢可能都發現到成個OFFICE D同事都唔係幾理佢啦,
佢就走去買雪糕請人食.....不過我無要佢....
我唔要好似SUKI佢地咁,剛鬧完人,又食人D野....
勸佢咁多次都唔聽,我相信,佢再係咁,我一定會鬧佢....
容忍係有個限度呢......

跟dr.仔去做義工.............勁多貓貓狗狗,好慘呀........雖然好臭,但幫得到,好開心.....真係覺得好有意義..............

無電腦用....睇唔到封EMAIL....
















>>July 1, 2004 at 12:04:09 PM GMT+8

2004 年 6 月 28 日 星期一 【晴】

Subject: 惡女人測驗~








***男士們可給身邊的她或女性朋友玩玩啊~~!!***

有人話香港的惡女人特別多，想知自己是惡女人嗎？來測試吧！

Q1：你和朋友去西餐廳食晚飯，你會：
A 先參考朋友食乜，然後再決定自己食乜->Q2
B 按自己喜歡決定食乜->Q11

Q2：食飯時你會把最喜歡的食物：
A 先食->Q3
B 最後食->Q4

Q3：買衫時，你會：
A 參考店員的意見->Q4
B 自己選擇->Q12

Q4：你會找甚麼類型的人做朋友？
A 靚過自己->Q5
B 醜過自己->Q6

Q5：有人說你壞話，你會：
A 很嬲，即時反? ?>Q6
B 暗地裡嬲->Q13

Q6：睇相佬說你條命唔好，你會：
A 唔理->Q7
B 搵另一個睇相佬再睇一次->Q8

Q7：有人激嬲你，你會：
A 找朋友訢苦->Q8
B 唔理->Q17

Q8：朋友比你更快打探到八掛消息，你會：
A 扮知->Q9
B 探朋友的口風->Q17

Q9：買雜誌時，報販找多了錢，你會：
A 即閃->Q10
B 俾番錢報販->Q15

Q10：你會幫朋友起! 花名嗎？
A 會-
>B 型
B
不會->C 型

Q11：汽水機沒有你想要的飲品，你會：
A 飲其他飲品->Q12
B 去另一個汽水機->Q3

Q12：名牌店大減價，但店內有好多人，你會：
A 殺入去掃貨->Q5
B 番屋企->Q13

Q13：你因唔知醒而失約，你會：
A 老實講出實情->Q14
B 講大話，說有急事->Q16

Q14：你經常說對不起或謝謝嗎？
A 是->Q15
B 否->Q16

Q15：你向朋友借了錢，你會：
A 主動還錢->E 型
B 唔記得->D 型

Q16：心情唔好，你會向朋友發洩嗎？
A 會->Q15
B 不會->Q10

Q17：你面對陌生人會緊張嗎？
A 不
會->A 型
B 會->Q10

A 型：100% 惡女人
你是一個不折不扣的惡女人，你腦筋靈活，凡事自以為事，自我中心太強，是惡女人的XO。

B 型：80% 惡女人(哈,死喇,我係呢個,惡死)
要別人按自己的意思行事，但由於你有吸引人的魅力，別人往往會容忍你的任性，把你當作女皇。

C 型：50% 惡女人
你個性軟弱 ，欠缺惡女人的霸道特質，而且船頭驚鬼，船尾驚賊，你永遠也無法做一個100%惡女人。

D 型：30%
惡女人
你像 瑪莉身邊的
小綿羊，溫柔是你的特性，似水般的你可說是女人的典範。

E 型：10% 惡女人
單純的你與子孩無異，你可以說是心智未成熟，絕對談不上是個女人！

>>July 1, 2004 at 11:44:40 AM GMT+8

2004 年 6 月 27 日 星期日 【晴】

今日著左果d差兩吋著會勁靚ge裙返工.....靚係靚,不過暴露得滯....不過d同事都話ok....今日成33度...
0岩晒......仲遮到個大pat~~~哈哈哈!!
都話我會著得佢好靚ge啦,fix死左ge藍綠色.......^^

個巴士狂人,一排無撞到佢,今朝排左係佢後面,佢一見到我就HI,
都話佢認住我架啦....佢都知HI錯人,即刻掉轉頭,好明顯,佢有問題!!!!

lunch,同埋doris,suki, visi去飲茶....服務態度好差呢.....

跟住office大漏水....好彩8號無事....

入機生涯又開始了......




>>June 28, 2004 at 1:23:13 PM GMT+8

2004 年 6 月 26 日 星期六 【酷熱】

姑媽同表姐上0左0黎開?....太熱鬧喇,嘈得滯,所以我坐足係房成日....

一個電話,令我勁唔開心,仲好嬲添,嬲ge唔係電話中人,而係佢講俾我聽ge野......
過份呀....真係好過份,從來未曾見過d咁ge人....
係咪有妄想症??真係好心?雷劈.....
真係有說不出ge感覺囉.....點可以咁樣諗人....
離譜!最憎人唔信我....仲要係自己個fd...真係激心...

仲一心幫佢慶祝生日......嬲得滯,一望到佢份禮物就
扔左落垃圾桶...後尾諗起覺得笨左,唔送俾佢都可以自己用,
何必浪費自己揀左咁耐ge心血,想執返ge時候,已經俾mum掉0左lu....
但真係無晒心情再對住佢再慶祝.....咁樣我會覺得我好假,
唔知係因為溝通ge問題,抑或係人地對我信心不足啦....
但我真係好mind人家唔信我....

阿媽真係乜解究成日要話下我先得呢??

ka kin話去bbq......去camp多數都會b,咁咪好熱氣....?

聽日去唔去跑好呢......六點幾鐘都好鬼曬呢....





>>June 28, 2004 at 1:19:21 PM GMT+8

2004 年 6 月 25 日 星期五 【清涼】

成晚都俾人嘈醒好多次...
今朝攤屍咁訓0係大廳,阿爸同兩個阿哥都嘈醒0左我好多次....
但我發緊個夢就一路接住咁....好得人驚.....

我夢到阿女麻....但又唔係好正常......因為夢入面好清楚知道阿女麻係已經唔存在....但阿女麻復活0左.....但佢唔係活生生果種,面貌亦同佢個樣有d出入.....淨係覺得佢為左想見我地而變成咁...咁樣好似好痛苦咁....
阿哥就好似無乜野咁,而堂姊就認為變成咁,都總好過唔存在....
我係個夢入面,好害怕去接觸佢,因為覺得佢唔係佢...阿女麻已經走0左....
搞到我成朝都好唔安樂......

發埋晒d咁ge夢,唔知係訓得唔好or自己內疚好耐無去探佢or過多一個月,
就係佢死忌....早兩日先同二佬提起過.....
唔知其他人有無夢到阿女麻呢?我想夢見佢ge,但唔係咁驚嚇ge場面囉.......

其實阿女麻走0左咁耐,可能已經搵到阿爺同叔叔,一齊好開心咁生活lu~~
只不過小玲仲未可以放得低~~今晚問下阿哥有無發夢先...再問下佢有無見到
臭肥豬責住我黎訓,等我訓得唔好,發惡夢~~

好早醒0左,所以有好多時間同肥仔玩....對面屋果兩隻貓,其中一隻同肥仔差
唔多咁曳,已經有兩個星期無見到佢....唔係俾人掉左嘛.....?

開始有少少忍受唔住kathy....佢d行徑的確怪怪,仲有佢d習慣....
佢會趁無人時摷我d野黎睇...仲開埋我打緊ge日記黎睇,雖然我都會post上
網,但佢咁摷,我就唔係幾受....佢用左我個位三日.....我張?好似打完
仗咁.....我唔介意佢用,但用完之後變返原狀嘛...
講講下野又會"突然"奇奇怪怪咁.......
佢呢幾日仲學埋D社工....擺款...
叫GR同事做野時,幾無禮貌下....um....總之就怪~
suki逃避佢,直到坐係gr唔過黎....

剛剛諗緊今日無街出,SW就即刻打黎....太好喇~
不過其實我地係無野做...哈~

跟住搵埋例湯,蕩左出葵芳...搵埋ON DUTY緊GE ADA姐一齊食飯~~^^
無無聊聊咁行左一大日....好開心...
無神神又買左對鞋...又買左衫,但其實我今季已經買左好多衫了......
真係唔識慳...
一直行到七點多.......嗯...好滿足!!

葵芳仲開左間叫"紅蘿蔔"GE店鋪,買動物同動物用品......
有好大個櫥窗,有好多............貓呀!!!!

返屋企又嘆世界喇~~^^

去CAMP.......一個都不能少.....大家要合作少少~~^^
我很想全部人都可以呢.....
等問到假,就開始約人!!!!!!!

有人約去BBQ.......一口答應左.....但有D後悔呢........好鬼熱...

HARRY就生日.........點搞搞佢好??
好似有點困難添....誰教我怎麼辦?

同樣好口爽話會陪阿爸,媽子去飲茶,但online on到兩點......明天怎麼起
床呢.............我想睡耶......

今天很高興....發夢應該也會笑~~~^^




>>June 26, 2004 at 5:52:05 PM GMT+8