2004 年 6 月 11 日 星期五 【晴】

<雷電中的微笑>

村中小女孩每天都獨自步行上學及回家。一天下午，天色忽然變得昏暗，刮起大風，並且開始閃電。天上的閃電逾發利害，好像一張電劍不斷從天直刺人間。

小女孩的母親想起女兒該在回家的途中，恐防女兒受驚，甚至受雷電所傷，決定駕車去接女兒。不久，母親便看見女兒正在回家的路上。奇怪的是，每次天上電光一閃，小女孩就立刻停下腳步，舉頭微笑。然後，小女孩又繼續上路。

母親看見女兒一次、兩次，每次閃電都是這樣。就問小女孩：「孩子，你在做甚麼﹖為甚麼每次閃電你都停下來﹖」

小女孩回應道：「媽，我希望能造最好的表情，因為天父不停地為我拍照。」


有時，我們不妨更樂觀地面對生活或工作上的風雨。也許，我們可以發現更美好的祝福。

　
===============================================================================
　
<<貧窮>>

一天, 富有的父親帶著小兒子到鄉下旅行, 想讓他見識一下窮人是怎樣生活的。在農村最窮的人家裡住了一天一夜。旅行結束後, 父親問兒子 : 「今趟旅行覺得怎樣?有什麼發現? 」「好極了!」「這回你知道窮人是怎樣過日子的了。」「是的!」「有何感想?」 兒子答道:「我們家有一條狗, 我發現他們家裡卻有四條狗。我家裡有一個水池通向花壇的中央, 可他們竟有一條望不盡的小河。我們家的花園裡只有幾盞燈, 可他們卻有滿天的星星。還有, 我們的院子只有前院那麼一點兒, 可他們的院子卻有整個農場那麼大!」兒子說完, 父親啞口無言。接著兒子又說道: 「爸爸, 感謝你讓我明白了我們家是多麼貧窮! 」

=====================================================================================

<第一百零一下敲打 >

記者問一位事業有成的企業家：「在你事業上遭遇阻力和逆境之時，你是如何令自己繼續面對，終不放棄呢﹖」

企業家於是說：「記得有一次我考察一個石礦埸運作，在一塊空地上，我駐足觀察了一個正在鑿石的工人，他在石塊的同一位置上恐怕已敲過差不多一百下，卻絲毫看不出有任何改變。但當他敲第一百零一下的時候，石頭就突然裂開兩塊。其實並不是那第一百零一下的敲打才令石塊裂開，而是因為他之前已經敲打了一百下。」

努力的成果有時亦未必能夠即時讓你看到，如果你就此放棄，便永遠無法成功。


===========================================================================================

<讓時間幫一把>

劉志飛

住家男人煮了煲仔飯，他開懷大嚼，吃得津津有味。飯實在太香了，他把瓦煲內的飯吃盡，只剩下一層飯焦黏在煲底。

這位住家男人並不是那種吃完飯便癱在梳化上看電視的人，他總會馬上清洗碗碟。他相信飯後輕微的勞動，能幫助消化。他是一個十分注重養生之道，而且是一個有紀律和愛整潔的人。

當他清洗瓦煲時，發現那層飯焦在煲內黏得很牢固，任憑他怎樣費力氣用飯勺去刮，也無法令那層飯焦動分毫。他無奈地放棄了，隨手放了一些水進瓦煲內。

第二天，男人再嘗試清洗瓦煲。這回，他只輕輕用飯勺一刮，整層飯焦立刻鬆脫，飯粒四散在水裏。男人把水倒掉，不費吹灰之力，瓦煲便洗乾淨了。

哈，住家男人若有所悟：有一樣比導彈更犀利的武器，叫時間。


有時，只要把困難擱一擱，它就會隨著時間起了變化，也許變得輕易解決，又或許已經無須解決了。

>>June 12, 2004 at 8:34:40 AM GMT+8

2004 年 6 月 10 日 星期四 【晴】

每朝搭車都差唔多係同一個男仔坐係隔離,每次訓醒佢都係挨住我0黎訓,次次都俾我拍醒......今朝,我專登排佢後面,一見佢坐係邊,我就坐遠d....訓醒之後,佢都唔知幾時坐0左過0黎......你係唔係咁邪呀~~~痴線架!!


尋日果個變態佬,今朝又幾正常喎.....但過多陣,suki又撩佢講野,佢又傻喇....坐住係到話要我同佢傾計,叫佢走,佢就話我係社工都唔啋佢....我一句得埋去答...."我唔係社工嘛~你想見社工,我幫你安排.....",即刻丟佢俾社工跟呀...

可能一朝早俾mum哦左幾句,總覺得心情好似唔係太愉快咁~~

阿jane今日就出發囉喎~~

GLORIA今日又過0左0黎.....好搞鬼....係咁叫我搵SAMSON.....
其實我真係同佢唔係好熟,我都唔知佢做乜鬼搵我....我點會咁傻自己去搵佢~~
佢同SUKI呀,兩個死野,係咁話三十歲好,有錢就好....人地有錢唔係我嘛.....

何姑娘超搞笑,佢平日見到我幫其他社工出WAIVIER,都無問,可能係開會時聽到D社工講,俾低晒D PASSWORD我出WAIVIER,佢今日又走0黎問我,如果放低個PASSWORD俾我,我肯唔肯幫佢出WAIVIER.......有得答唔可以GE咩??
不過咁都好GE,咁樣佢地會少D入0黎坐........哈哈哈~

會計仔同SUKI講......"你個新同事好搞笑,扮阿婆講野.....成個鄉下婆咁,好真呀!!!",佢又知GE??????

成個下午都無乜人,SUKI又放0左假,悶到嘔血.....
0黎GE人連尋日一半都無呀~~~係走廊行來行去....去GR睇報紙...老闆見到仲對住我笑,好假咁....
睇漫畫....無聊~~

跟住之前入D PSCF可能入漏0左D野,搞到社署有高層SEND EMAIL俾譚姑娘,話佢DOUBLE ENTRY 0左....其實入果個人就係我....唔夠訓真係累事.....入錯野都唔知.....俾老闆的0左去問話....佢個樣好想鬧我,不過都忍住無鬧到.....
但佢個面色呢......簡直差到無人有.......
不過又係GE,明明係老闆入GE野,佢就搵左個卒仔0黎入,仲要入錯0左同俾高層發現到.....但佢就硬食0左呢隻死貓,佢唔轟我真係好俾面........

蘇姑娘見到GARY坐左係我房到,就講左句"小心D呀,好多二五仔架...."
GARY就好噩然咁,之後應0左句...."都唔至我啦,唔係淨係仔呀,女都有啦...."
佢地咁講,係咪即係開會時篤過我背脊呀??
阿蘇果然唔怕得罪人....但佢咁樣話我知,遲d班社工又會講佢壞話.....

阿lung因為態度差俾patient投訴....雖然佢態度係差,但多數呢d投訴者,都係因為唔合資格,俾人趕走果d.....
係到做野,最慘就係呢樣....做得好唔好,都一定會俾人鬧左先.....

今日麥翠生日呢....生日快樂!!!!!!!!!!!!!!!!!!!!!!!!!!!!!!!!!!!




>>June 12, 2004 at 8:29:57 AM GMT+8

2004 年 6 月 9 日 星期三 【晴】

又係一個繁忙ge朝早....點解比前兩個月多0左咁多人??
唔通真係因為我鬆手0左,所以多0左人0黎申請??

十一點多,已經見0左一打人喇~~要俾返三個勁勁勁自己呀!!^^

之後gloria過0左0黎坐坐,就俾suki叫埋佢一齊食飯,搞搞0下就變0左再加埋visi出去海畔食飯仔.....由去多一間食店~~
佢地仲偷聽我講電話.....聽到我對住samson又講大話(AMY 姐仲未同佢講返??),.....佢地仲喪到係個電話邊亂咁講野(咁似我GE作風GE?).......差D穿煲......AMY救我.......(+.+)~~
佢地之後笑0左好耐,食完飯都仲係到講,仲勁屈話我出面一定收埋0左個好好條件GE男友,所以連人地過到0黎都唔肯去見人.......真係俾佢地吹脹....(=.=")....有拖拍,我仲會成日黏係屋企咩~~~

今朝起身先諗起....我買0左份小禮物俾阿JANE架....但尋日居然無俾到佢........................................笨死喇!!!!!!!
唔怪得知總係好似做漏野咁......

LUNCH見0左個超級口花花GE男人,佢之前0黎過,仲拖埋阿二,阿三,同佢地生GE兩個仔0黎申請野GE.......原來佢就係之前搏SUKI懞果個死咸濕佬,....
SUKI仲係到同佢勁吹水......個男人變態架,我一行開,就同SUKI講埋晒D變態野,佢試下係我面前咁樣講返俾我聽,實鬧死佢.....郁手就即刻報警!!
後生就要俾你望咩,咁鍾意望就去海灘望啦.......死變態!!!

WOO~今日見0左好多好多人....做到傻0左,有個好鄉音GE阿婆0黎0左,聽唔明我講咩.......咁我咪玩0下,扮返佢D口音同佢講野囉....佢又真係聽得明喎....笑到我死.......估唔到我係呢方面GE語言天份咁高...................哈哈哈!!!

原本今日約0左LI睇戲架,但我唔係幾想去.....不過天意....我都未講......就告吹LU~~

一返到屋企就訓到九點幾先起身....最近唔乖啊~~無做訓....

P.S:我唔係覺得你係負累....雖然我覺得係辛苦??!或者困擾...
不過就係因為你係我朋友,所以我唔想放棄你....但覺得你個夢太長喇....
係時候要醒醒........



>>June 12, 2004 at 8:27:02 AM GMT+8

2004 年 6 月 8 日 星期二 【晴】

今朝早餐都未食,就見0左五個人喇.......不過五過都無帶0野0黎,所以好快就
搞掂........叫晒佢地走....hehehehehe~~~

不過食完早餐之後,居然拍烏蠅....一個人都無,無聊到我係走廊遊蕩....
真係搵唔到0野搞,但又唔想睇書.....

好好地一件衫,俾我著左就變成低胸衫咁.......該煨~~~~

跟住就同阿jane留影喇,佢今日last day呢.....最可惜佢同suki都有野做,唔係收工一齊去街啦....
係gr影左張大合照架....不過無社工份...^^,不過佢地都唔會肯咁樣一齊影啦.....

之後就去0左間應該係高級d ge職員餐廳同阿jane食"最後的午餐"~~~^0^
見到那打素個院長係入面食飯喎,仍然成個周潤發咁款,型!佢都望到我,認到我??不過認到都唔出奇,以前日日都撞見,不過從來都唔會叫佢....

不過呢餐飯更令我見識到呢個部門GE階級之分呢.....老闆勁唔想坐我地個?...不過我地都唔想佢坐落0黎.....反而EVA就無乜野,不過佢不嬲都幾好人......呢D飯局,個個都唔想去,但因為係俾面兩個學生仔,而且唔去GE話,會更多閒言閒語,所以GR 0既同事都好好,差唔多全數出席.....但阿JANE身為主角食到一半就俾人叫走左LU~~
成餐飯都食得好怪.........呢D俾面派對,真係幾無意義,破壞晒人地實習GE回憶咁......
如果班社工唔係到,我諗會食得幾開心~~~:D

食完走得好快......掉低成班社工....WOO~~非常好....唔想同佢地一齊行....
還掂比較好果幾個又無0黎到..........欣賞佢地!唔理人地點睇,做返自己!!!

一開工.....WOO~得償所願呀!!超多人.....LUNCH已經排0左一條人龍....
連續兩個鐘見0左九個人.....仲要成對手都係炭粉都照摸落人地D銀行簿到...
哈哈.........好鬼充實~~~XD

到四點到,終於可以停一停喇...今日收工去唔去跑下步好呢.....有D眼睏,唔去住....搵到邊個陪我睇過史力加1喇.....果個就係阿芝!
要搵返佢一齊去睇第二集....

仲未打去"慰問"下返左工GE 例湯,工作辛苦嘛.......

今日做到痴痴地線.......將今日個日期寫晒........08/06.....
OH.......算啦,d社工都唔會睇得到...........

雖然阿jane今日last day,但佢有好多野要跟,唔可以同我地一齊走....
臨走時,幫佢同d社工影相......有d好好,有d好假......um...總之感覺怪怪....

跟住eva就講低埋話星期一,我同doris ge岡位要調轉下先......doris做我d野,
仲要寫埋recording.......但我唔使做佢d功課喎.....咁我做乜東東??
eva先話,咁分返d一齊做.......oh~~會悶死我呢!!!!
不過都唔會太悶ge,doris都仲係到~~^^

一定係d社工早前開會ge提議啦,都話佢地講乜都郁到我架啦....
不過唔知佢地講好or差.......但無相干啦,郁唔到我人工就理得佢話我表現如何......我自覺已經做得好好....因為......無野做....做ge野,細路仔都識啦.........

唉......有一pair朋友,真係搞到我好苦惱....

其實你地兩個想點咪點囉,唔使理人點諗,點睇......兩個都唔知諗乜....
我唔係你地,更加理解唔到.....我唔係唔想理,而係根本幫唔到d乜.....
可以做ge,都做左......唯有你地自己生性下啦....




>>June 12, 2004 at 8:23:30 AM GMT+8

2004 年 6 月 7 日 星期一 【晴】

唔.....D社工好多準則呀...又0黎一人一套...好煩呀....
我唔知要聽邊一套.........

清潔果個阿姐,睇到我放係?面GE貓仔擺設,想我送俾佢,但個擺設係Ceiline送俾我架.......係我第一份同事送ge禮物....點可以俾佢,就係呢個時候,suki姐就好有義氣咁,將佢?面上所有擺設送晒俾個阿姐,個阿姐先無再叫我俾貓仔佢.....suki話,佢都就走,d野都唔想帶走....索性送晒俾個阿姐.....聽完都唔識點應佢.....
個阿姐又好好氣喎,係到呻0左半個鐘做野有幾辛苦.....我已經唔記得第幾次聽呢段說話喇....SUKI頂唔住,閃0左,佢就繼續同我講....救命....

lunch前,Shirely打電話俾我,原來佢調返過0黎威院....搵埋我同GLORIA一齊去食飯,不過GLORIA就無去到,我本來好興奮咁去食飯架....shirely無乜點變,仍然都係吐苦水,果件十年如一GE苦差事......不過我真係聽得好辛苦,只見到佢口郁郁,但佢又怕餐廳入面其他GE人會聽到.....成餐飯,我都係估佢講緊乜,依希聽到d就答"係呀,係呀......"
好似好衰咁.......不過真係覺得好悶....我好努力去加插其他話題,但佢都可以扯返去果件苦差到....悶到我飯都食唔落,坐到吽左咁....=.=我好眼睏耶...

d社工又開會,於是EVA又請食TEA....我差唔多食左成份公司三文治,因為LUNCH乜點食到........不過每次開會,唔理好壞,都會影響都我,唔知今次又係講D乜......

收工係life口見到d不平事,好想出聲幫個女人,但又怕事,怕果個男人打埋我,又唔知我出聲之後,其他人會唔會幫手.....
如果阿哥或者有多d朋友係到咪好囉,實會幫手....我諗suki係到,都一定會幫個女人.......
上左屋企之後,同mum講返呢件事,覺得好內疚,無去幫個女人,但阿mum就係咁話我,叫我千祈唔好咁多事......um...但個女人真係好慘...

今日返工,係咁抽無見人d時間0黎打封email...打左好長好長.....
夜晚再打埋淨返果d.....終於打晒喇,好似放下心頭大石咁...
抖左好大啖氣.....鬆晒....以後ge事,以後再算.....
將來ge事會係點都唔知......不過由今日起.....個心豁然開朗返....^^
之前硬係屈埋屈埋咁.....打晒出黎......好似將d不快感覺吐晒出黎......
但一打完,部機就short左...入唔到網頁...仲hand埋....咁樣對我丫....

eager真係好耐無見過,我地好多野都無同佢講返添.....
唔緊要啦,下星期就可以一齊出去lu~~~

下午果時,我做0左一件好衰GE事.....有個由家務助理推住坐輪椅0黎GE阿婆,
佢講講下野就除0左個口罩,跟住就一路講,一路流口水,我當時個心就一路諗
"好核突....",但見到佢係咁流,個家務助理又唔理佢,佢又無能力自己去抺0左
去,我又於心不忍,先去拎紙巾同佢印一印件衫,但我覺得好嘔心呢....唔敢點抺...跟住就放0左張紙巾係佢身上,唔俾佢再整濕件衫就算....正常人係應該幫個阿婆抺埋個嘴....但我無咁做,.......個阿婆仲係咁話我好人,解釋得清楚....將心比己...我老0左咁樣郁唔到時,都唔想D口水流出0黎而無人幫我抺...
如果佢係我親人,我就會幫佢抺.....其實?完之後,我可以去洗手架嘛.....
但我咁都唔肯.....

所以今日有兩件應該做GE事,我都無做到..........



>>June 12, 2004 at 8:19:09 AM GMT+8

2004 年 6 月 6 日 星期日 【晴】

今日係預期中咁多人....不過都係迫埋係同一個時間咁,好趕好趕.....
個頭無咁暈LU....但仍舊好眼睏....

今朝早又有個阿婆係到0厄0厄??咁,但好明顯係講大話,但d老人家,你一質疑佢,佢就會即刻眼都紅晒,但佢d大話太過火時,都唔想理佢,所以就用好差ge態度對佢,0厄,都要有個限度架....0厄都0厄得咁無誠意,想俾你都難啦....
仲要個記錄都花晒,仲0黎0厄.....過份!
搞到d申請條件越來越高就係因為呢d人!!!!!!

返工做野係好開心,但對住某d patient時,就會好谷氣,真係一樣米養百樣人,
唔抵得佢地貪心,無賴,仲扮可憐,真係勁多借好多咭數呀,借錢賭錢,買樓或者
申請埋破產ge人走0黎申請,但我覺得呢d係佢地自己?0黎,未學行,先學走,一步登天,.....搞到香港經濟咁差,用呢d錢0黎開多幾個職位請多d人仲好啦~~
一個月,淨係我個最細職位ge人,都幫人申請成十萬蚊ge減免.....
唔怪得之政府財赤得咁嚴重啦.....

同suki講開d老人家0黎申請,有d都唔係為錢,只係想我地同佢傾計....
佢就話好多人都好似春秋二祭咁,一年先探父母兩次,我係到鬧,阿so竟然答
話佢自己都係咁,因為佢好忙.......
但我覺得佢地已經好多假,一星期或者一個月返去探父母,都唔係好過份0者...
如果搵咁多人工,但連搵少少時間返去陪屋企人都無,咁開心咩??
唔識ge老人家,就成日聽佢地呻,自己父母就唔理.....um....怪怪~~

阿jane返埋星期三就完0左呢到個實習喇....真係快...我係威院都三個幾月..
.......尋日同佢一齊走時,覺得佢走0左之後....應該都無咩機會可以見到咁....
好似有點點失落.....


有個朋友今日返工....um.....好似好辛苦咁,大家又係到研究,究竟讀書有無用呢......真係唔知道...讀又煩,唔讀又煩....但無可能搵親D工都唔夠一萬0家....好唔掂....但又唔夠料....







>>June 12, 2004 at 8:11:29 AM GMT+8

2004 年 6 月 5 日 星期六 【晴】

前一晚online到凌晨,之後仲再講多個電話,直至三點鐘,肥仔見我唔訓,發傻咁係間屋到衝....仲扯斷埋條電話線,搞到全屋d電話都用唔到.....=.=",但太眼睏喇,理都唔理就走左去訓....

嘻.....我扮唔知.....:P

一訓就訓到第日三點鐘,但仲係覺得好累......好想再訓..但都要起身餵阿肥豬仔.....佢無恥到咬人腳趾呀~~~太痕,頂唔順,即刻彈起身....

跟住就清理d盆栽,死0左一盆呢......0係係那打素果時買架....上個星期心情唔多好,又無時間,望到佢乾緊都唔想理,一行到埋去就訓.....
另一盆就黃咁咁,俾我剪走左四分三....希望佢再生返靚d啦......
其餘兩盆都仲捱得住,無乜枯枝....我已經培植緊兩棵好靚ge植物,一棵用黎填補返死左果盆,另一棵呢......帶返公司.......係咪無聊0左d呢.....

跟住再執下勁亂ge房,都唔明,一個星期0者,點解會亂成咁......

頹廢0左一個星期,暈足一個星期,由今日開始,唔要再係咁,醒d醒d醒d.....
好記得阿june果句名言"訓醒就會醒少少~".......^^

OH....仲未打果封EMAIL....懶得離譜....但千頭萬緒....唔知要點打,...等頭腦清晰D再打啦....

唉....其實果晚問你,你無答我,我都覺得古怪,不過你唔講,實有你GE苦衷......
呢家你唔講,我都知左....不過我想等,等你幾時會自己講....
不過其實又唔係幾關我事.............................................隨緣啦....
我知道真係人夾人GE......唔夾就唔夾....有無心係另一回事....




>>June 12, 2004 at 8:14:42 AM GMT+8

2004 年 6 月 5 日 星期六 【晴】

<耶穌看足球賽>

耶穌談起他從未看過足球賽，於是我和朋友就請他一起去，恰巧是一場天主教與佛教球隊的激烈比賽。天主教隊首先攻得一分，耶穌欣喜若狂，把帽子往上拋。不久，佛教隊亦攻進一分，耶穌欣喜若狂，也把帽子往上拋﹗後座的人對耶穌的反應頗為困惑，就輕拍他的膞頭，問道：「老兄：你究竟是幫那一隊的﹗﹖」耶穌答：「我啊﹖」他顯然被球賽吸引得入迷﹗「哦﹗我不幫任何一隊，我只是在欣賞球賽﹗」世間原是有許多值得欣賞的事物人﹗只可惜我們硬要選擇立場，故都白白錯過了﹗﹗

==========================================================================================

<畫扇窗給自己>

那一年，黃永玉大師帶著他飽經滄桑的心靈和撼人魂魄的畫作來到北京後，住在京新巷「芥末」故居。這是一間擱置了多年的房子，四壁連一扇窗都沒有，一走進去就有種壓抑的感覺。然而，黃永玉並沒有厭棄這間小屋。他笑哈哈地拿出一張潔白的畫紙貼在牆上，然後順手在上面畫了一扇窗，畫得如同真窗。他頓時感覺屋外的陽光像流水一樣湧入小屋，屋內一切立刻顯得無比生動。

畫一扇窗給自己，這是一種怎樣豁達的人生﹗如果上帝有時在關上門的同時，也封閉了窗，那就畫一扇窗給自己吧﹗它可以讓靈魂喘息，讓希望棲息，讓一切還來得及實現的夢想在心靈的窗前翩然翻飛。

==========================================================================================

<讚美的力量>

瑪莉和小冰素來不和。有一天，瑪莉終於忍無可忍地對另一位同事老張說：「老張，請你去告訴小冰，我真的受夠了她，請她改她的壞脾氣，否則沒有人會再願意理她﹗」老張答應了瑪莉的要求，和小冰私底下談了幾句。

自此之後，瑪莉再遇到小冰時，小冰果然變得既和氣又有禮，跟以前的她簡直判若兩人。

瑪莉向老張道謝後，好奇地問他：「你到底跟她說了些甚麼，令她真的改變過來﹖」老張笑著說：「我只是跟她說：『有很多人稱讚你，尤其是瑪莉，她常說你又溫柔又善良，脾氣好，人緣亦佳﹗』如此而已。」

面對惡劣的人和事，責備和批評只會增加雙方的怨懟和不滿。如果要想情況有所改善，嘗試用讚美的說話，可能會帶來奇妙的效果。

==========================================================================================

<有關等待的故事>

遠在天邊的一角，有一條長年積雪的小村莊。村民不但互相認識，而且相處融洽。一天，一位陌生人來到村裏，蓋了一楝房子，開始自給自足、我行我素的生活。每天早上，他都會獨個兒走到村口，站立呆望至日落才回家，好像在等待什麼似的。每日如是，從不與人交談。村民都感到很奇怪，但並沒有騷擾他。

有一天，一位小孩路經村口。這位陌生人終忍不住問：「孩子，我在等待的十分重要，但我不知道要等到何時。你說我應該繼續等下去嗎？」小孩回答：「當然不應該啦！既然不知道要等到何時，再等下去可能白等一場！如果我是你，便寧願幹別的事情也不會再等下去。」小孩說罷便離開了。

第二天，一位長者經過。陌生人又問：「老人家，我在等待的十分重要，但我不知道要等到何時。你說我應該繼續等下去嗎？」長者回答：「應該！若你等待的真是重要的話，那無論要等到何時都要等下去。如果我是你，便寧願放棄一切事情都要等下去。」長者說罷便離開了。

第三天，一位天使從天而降。陌生人再問：「天使、天使，求你指引。我在等待的十分重要，但我不知道要等到何時。你說我應該繼續等下去嗎？！」

天使反問：「你享受在這裏等的光陰嗎？」

陌生人想一想，答：「享受！」天使便消失了。

從那天起，這位陌生人依舊每天走到村口，依舊站立至日落才回家，依舊好像在等待什麼似的。每日如是，從不與人交談。面上卻多了一絲笑容。

>>June 6, 2004 at 8:41:25 AM GMT+8

2004 年 6 月 5 日 星期六 【晴】

<天堂與地獄>

有個人作了一個夢，他夢見自己離開了人世，然後他的靈魂去到地獄和天堂。

在地獄裡面，他見到一張長長的桌子，桌的兩旁坐著兩排準備進餐的人，而桌上就放滿了豐富的佳餚。可是他們當中沒有一個人可以吃到這些食物，因為他們的手臂都被詛咒，手肘不能夠彎曲，所以即使夾到食物，亦無法放進口中，這些人因此感到非常痛苦。

然後他又去到天堂。在天堂裡，他同樣見到滿桌子的美食，桌的兩旁同樣坐著一群手肘不能彎曲的人，但他們卻可以吃得興高采烈。因為他們雖然不能彎曲自己的手臂，但是卻跟對面的人彼此協助，互相幫對方夾菜，結果大家都可以分享到桌上的佳餚，席上充滿著歡樂的笑聲。


懂得與人分享，我們才可以獲得真正的快樂

==============================================================================
<樵夫的斧頭>

一個年輕的樵夫接替了他父親的砍柴工作，他很興奮地賣力工作，第一天，他砍了三十顆樹，老父親聽了很高興說:「做得不錯!」年輕的樵夫聽了很開心。

第二天，他更賣力工作了，但卻只砍了二十五顆樹;第三天，他再度加倍努力，竟然只砍了二十顆樹; 一直到一個月過後，他平均一天只能砍不到十顆的樹。年輕的樵夫覺得很難過，跑到父親那兒說自己不知該如何是好，因為自己的力氣好像越來越小了!

父親遲疑了一會兒，問道: 「你上一次磨斧子是多久前的事了?」

「磨斧子?!」兒子詫異地大叫:「開什麼玩笑， 我天天忙著砍樹，那來的時間磨斧子?!」


你上一次好好休息是多久前的事了﹗﹖

================================================================================

<隨遇而安>

印度守護神對一位天天到衪跟前祈求的信徒感到厭煩，便說：「我打算答塵你三個請求，以後甚麼不給了。」

這名信徒立刻歡欣地許了第一個願，希望他的妻子死去，好娶一個合心意的女人，此願馬上成真。

在喪禮中，親朋齊聚，敘說妻子的美德，信徒了解自己過於輕率，竟看不見她的美德，怎能找到像他妻子那樣好的女人呢﹖於是要求神使她復生。這下子，只剩下一個祈求，而且不容犯錯，因為沒有挽回的機會...因此他考慮很多。有些朋友建議他求長生不死，但又有人說，沒有健康，活得久又有何用﹖過了好幾年，他還是無法決定祈求甚麼：生命或健康、財富、權力或愛﹗﹖最後他問神說：「請指示我要祈求甚麼。」神眼見這個人的難處，笑道：「祈求安於生活裏發生的一切事吧﹗」


======================================================================================
<有關攀登的故事>

一位攀山專家立志獨力征服一座山。也不知爬了多久，漸覺這座山比想像中險峻，過程比想像中艱難，目標比想像中遙遠。但他對自己的技能和經驗充滿信心，小小考驗才不算什麼。再爬一陣子，開始感到有點疲倦、飢餓。又爬高一些，開始感到有點力有不逮。但他心信「有志者事竟成」，只要努力不懈，定能征服這座山。每爬多一步，便消耗多一分力，但他依然不放棄。突然，天氣轉壞，寒風、冷雨、濃霧逐漸包圍整座山。雖然伸手不見五指，而且飢寒交迫，筋疲力竭，但他依然認為不打緊，還為自己打氣：「有志者事竟成！」；況且距離山峰應該不遠，他這攀山專家定必能夠克服任何挑戰。

突然，手一滑、腳一鬆，整個子開始向下墮，一直沿山崖飛墮。「完了！死了！」正當他感到絕望的時候，繫在他腰間的安全帶突然拉緊，整個人懸吊著，暫保性命。從不言敗的攀山專家初次感到徬徨無助，心想：「究竟要在這裏吊多久呢？何時才會有人來救我呢？」

時間一分一秒的過去，黑夜降臨，寒風更寒、冷雨更冷、濃霧更濃；何止不見五指，就連方向也分不只清。他終忍不住大叫：「神呀，求你救我一命呀？」突然，心頭一暖，一把慈祥的聲音對他說：「您真的相信我可以救您嗎？」

攀山專家毫不猶豫呼叫：「我相信！我相信！請救救我吧！」

「那麼，割斷安全帶吧。」聲音說。

「為什麼要我割斷安全帶？這樣做合乎邏輯嗎？」那聲音沒回答便消失了。攀山專家拿出小刀，掙扎了很久。最後，把小刀收回，決定緊握繩子，等待救援。

次日早上，天朗氣清，攀山拯救隊四出搜尋。終於發現攀山專家凍僵了的屍體，緊握繩子，一臉徬徨‧‧‧‧身體距離地面只有三尺。

=======================================================================================

<烏鴉的天空>

有人說起這樣一個故事：

一隻烏鴉嘴銜著一片肉，飛遨在天空，後面跟著二十隻烏鴉、猛烈地攻擊牠。最後，這隻烏鴉放棄了口中肉，才得以脫身，那些追逐者遂叫嘯地撲向肉片。

這烏鴉說：「此刻這裏安寧多了，我擁有整個天空。」

禪師道：「我的房子燒掉了，我便能無礙地欣賞夜月。」

　

《一分鐘的觀心系列叢書之一 – 弦外之音》
戴邁樂著 周佩玉譯

>>June 6, 2004 at 8:40:14 AM GMT+8

2004 年 6 月 4 日 星期五 【晴】


話說今朝有個十幾廿歲,好高0下ge男仔坐住輪椅,仲有屋企人一齊坐左係
我門口到,個男仔應該係智商有少許問題ge,所以就不停大叫大嘈....當我
拎住隻杯諗住去裝水,行過佢隔離時,佢就無程程撲起,係我背脊"Cool"住左
我膞頭個位到,向佢自己扯過去,(好彩唔係COOL我頸.....)淨係聽到佢
哎"醫生姐姐,醫生姐姐....."哎到鬼咁大聲,不過因為佢高我太多,我又細粒,
咁樣一扯,佢捉我唔住,我就撞左落佢到,跟住就差唔多坐0左係個地下,
佢雙手仲係拉住左我件袍,佢仲想再抱埋黎(我仲唔識閃.....),佢身邊有兩個
男人已經即刻捉住佢,好殘忍咁按住佢係D長?到,佢係咁慘叫.....

而佢屋企人就係咁道歉.....果陣仲未有乜意識,由頭到尾我都唔係好知發生
緊咩事,連少少反抗都無,隻手仲拎住隻杯....或者果時都諗住唔會有乜危險啦,
因為我估佢都唔會拎住把刀係手咁狼?.....所以只係講左句"哦,唔緊要...",
跟住叫佢地唔好再按住個男仔個頭係?到,話晒,都係佢細佬0黎....都無乜事,
仲按住佢....個男仔果時仲係咁叫"姐姐救我...救我.."....唔通佢屋企人成
日會咁對佢??

過0左茶房再返房時,仲聽到佢屋企人係到話我可能遇得多呢D情況,所以個樣都
仲好淡定,仲唔同佢計較......=.="說真的....係我反應遲鈍...我無遇過D咁
GE情況....正常反應係,我會搵野車佢個頭...例如我隻大杯....
不是我心地善良,係我呆滯大0者....

過多陣又發生一件搞笑GE事,隔離會計部個男仔,又帶住個PATIENT過0黎交低俾社工,
跟住就同我傾0左兩句,我咪順便問佢"會計部唔係好忙GE咩,點解成日仲要你帶人過0黎?"
佢就答我"都係架,不過係我要帶D病人過0黎之嘛....你未0黎之前,我都無過0黎帶人~^0^"

佢仲話因為以前都未見過一個個樣咁COOL(串??!)0既社工,諗我應該係實習GE,但又奇怪
點解我日日都要返0黎實習,所以得閒咪過0黎睇0下(當我動物園動物??),
仲話我又無乜點同佢講野,所以佢覺得我呢個社工應該好呆,
(緊係啦,SUKI佢地成日話佢後生靚仔,見到佢過0黎實同佢講得多野,令佢錯覺,係到做GE人會
好NICE 0者~)
但又見到我會帶D人去俾錢,又見到我成日追過去會計部,俾返D病人漏低GE野佢地....
又好似唔係太差咁,所以專登過0黎睇下我會點對D病人,仲有睇下實習GE社工多數
係做D乜....
(其實唔係D病人漏低左D野,係我拎左0黎mark 0野之後,唔記得俾返佢地,d老人家,你拎
0左佢d乜,佢都唔知喇,仲唔追過,俾佢走0左點算~)
下次佢過0黎,叫阿jane佢地向佢講解0下,實習做乜,因為我唔係...哈~

添叔又一力作....將隻熊仔錫向我個芒入面隻狗仔到....真係得佢先會諗到...^v^

跟住都係入左元朗,呢排好殘,應該會有好多豆豆.....好鬼痛呀~~救命!
痛到我想起飛腳....歡姐仲搞鬼,幫我蓋成三張被.....不過都無訓到,太痛喇...
佢仲狂按我對眼,話我好大隻熊貓眼.....個膞頭又實到死......我都唔想呢...
連日係咁對住部電腦....兩個膞頭都未得放低.....

係元朗咁極速買左幾件衫...本來係諗住買定生日禮物俾PO YAN架.....
.因為唔想自己一個人行,但又唔想第日專登去買衫喎,
所以就係到買埋,都好似幾唔值咁....不過幾靚,無計GE....獎勵自己呢個月辛勞工
作呀....5月好似係入0黎做得最多野GE一個月....
SHOPPING,係會好開心~~^^

個電話BBB足一日,都以為無電,奇怪點解B足一日.....原來傻瓜DORIS搵我,早知叫埋你去睇戲啦~
我好想睇史力加2架...今集仲有隻好型仔GE貓呀....

返屋企係咁食食食.....咁好胃口GE??
四肢無力.....太耐無做運動....遲下.....一個人去跑好唔好呢....我有無咁GE恆心呢??

我記得,睡眠不足會變笨......我會笨了嗎?

今朝發生左件我應該會驚ge事,但我或者未訓醒,又唔覺得驚喎...
咁我隻貓咪每日都搵我同佢驗牙仔??!




諗起今朝件事....就諗起呢篇故仔~~

<愛沒有重量>

一位印度教徒，步行到喜馬拉雅山的聖廟去朝聖。路途非常遙遠，山路非常難行，空氣非常稀薄，他雖然攜帶很少的行李，但沿途走來，還是顯得舉步維艱，氣喘如牛。他走走停停，不斷往前遙望，希望目的地趕快出現眼前。就在他的上方，他看到一個小女孩，年紀不會超過十歲，背著一個胖嘟嘟的小孩，也正緩慢地向前移動。她喘氣得很厲害，也一直在流汗，可是她的雙手還是緊緊呵護著背上的小孩。

印度教徒經過小女孩的身邊，很同情地對小女孩說：「我的孩子，妳一定很疲倦，你背得那麼重！」

小女孩聽了很不高興地說：「你背的是一個重量，但我背的不是一個重量，他是我弟弟。」

沒有錯，在磅秤上，不管是弟弟或包袱，都沒有差別，都會顯示出實際的重量，但就心而言，那小女孩說得一點沒錯，她背的是弟弟，不是一個重量，包袱才是一個重量。

　

愛沒有重量，愛不是負擔，而是一種喜悅的關懷與無求的付出。

>>June 6, 2004 at 8:38:17 AM GMT+8