2004 年 6 月 3 日 星期四 【晴】


尋日收工,遇到一件好搞笑GE事囉.....但我唔會插手....你鍾意點做就點做啦,
你覺得唔會有問題GE,你就照返你自己個意願去做,我阻你,都怕你到時會後悔,
我更加唔會出現係呢個咁尷尬GE場面啦~~
我提過你架喇0下.....只要到時唔好好似上次咁就OK喇~
最怕人喊....因為我本來就係一個喊包,加多個就麻煩~~^V^

DR.仔仲搞笑,係我房門口坐足兩個鐘.......因為我去左GR入機,連水都無入房飲,攬埋杯坐係GR狂入....到我走果時,佢已經坐左係梳化訓左喇,送左兩巴掌俾佢~~~^0^
跟住一齊出左去買野......乜深水圳有個咁GE地方,我都未曾去過....見識真少~~不過無乜心機行....06/07咩日子,做乜咁緊張?要咁早約定??佢生日??
不過我好得閒GE收左工之後......如果唔累的話..
約定搵日收工去踩單車...還掂放咁早,又近...踩到七點都好丫~~^^
YEAH~~終於有人陪喇,阿龍同阿嫂都應該會去....

尋晚係到發夢咁.......痴痴呆呆,坐係到唔做乜咁.....個人好吽....
好耐無搵過阿峰,尋晚轉死性,我搵佢....嚇左佢一跳....hehe.....
不過佢心情都唔係幾好....話要轉工...senior manager喎,都做得唔開心?
嬌生慣養慣丫你~~

岸本齊史居然仲有個孖生兄弟,叫岸本聖史....仲要兩個畫D野都咁似,不過眼睏,
搵日先去睇啦.....ZZZZZZ

幫老闆入PSCF,入左一個朝早.....好難呀!d form寫中文,我就打英文,咩抑鬱症,
驚恐症,社交恐懼,我點識?問d社工,佢地都口啞啞,老闆咁睇得起我呀,我d英文程
度很低的......後未諗起學生哥成日搵果本圖書,的確係有呢d名詞....太好喇~?住
佢當天書咁,死都唔放....哈~~直至食飯都仲入緊....終於入完喇....太好喇,我有得
抖抖....再入會?左我條命.......

lunch一食完飯就飯左,訓醒已經係兩點三,訓到隻手痺0左,即刻彈起身,咁0岩就要見人,
個頭暈到爆,早知叫佢係門口坐一陣先叫佢入黎啦....等我回返魂先嘛.....後未去洗臉,
先發現訓到塊面紅0左一撻仔,仲有d印,頭髮又有少少亂.....oh~~個patient實望到啦....
唔怪得知望住我個樣時個表情咁怪啦.....真失禮....=.="

過左陣.......老闆又在俾多一疊我入....收埋人命??!仲要我坐係三號房入....oh~佢地開
暖氣架....焗到我都就暈...............仲見到老闆用好唔同ge態度對曾姑娘....阿so做
得咁好,就因為無咁識講野,就得唔到D咁GE待遇....識講野,係唔同好多.....

今日有個新移民細路仔,係OFFICE搗亂,連阿YEN都鎮佢唔住,俾佢走埋入GR,SUKI就勁鬧佢,
ANISE,LAM就用勸佢.....我....用0左一粒糖就收服0左佢喇.....哈哈哈~~
細路仔0者,鬧佢做乜,佢媽唔理佢之嘛.......可必咁谷氣........

今日都無去跑步,例湯仲有好消息呢...^^,不過以後都無乜機會一齊跑步lu....維持左個幾星
期就停左我地個運動大計喇~~佢搵到工,我就有開心&有d失落喇....因為佢搵到野做,但即係之
後就會少左機會見面喇....返工可能會好辛苦,尤其佢係初返工.....識多d新同事啦~
返工會好好玩的!!!

返到屋企就訓左陣,點知醒左食飯時仲暈....why?
mum話我可能係因為唔夠訓,仲食豆腐花,太涼,頂唔住.....哈~我唔知嘛...
不過知我都會繼續食~~hehe...
但真係轉得好唔正常,企唔到起身ge??!未試過暈成咁果喎....但唔想食藥....可能今次睡
眠不足得太耐..先會嚴重左啦.....日日都訓唔夠六個鐘,又係幾有問題ge...
好似睇粵語殘片咁.....v wan wan....v wan wan...眼花花....年紀大呀~~



>>June 6, 2004 at 8:37:42 AM GMT+8

2004 年 6 月 2 日 星期三 【晴】


一朝早對住個阿婆發茅咁滯........佢又唔係講國語,佢講廣東話,但唔識聽我講乜......
見左九個字,佢都唔清唔楚咁.........就想鬧人時,佢就叫我寫俾佢睇,我無諗到佢咁大年紀會識字........
我就好似寫對白咁寫俾佢睇.......差D就發惡鬧人......真係好內疚....
越來越無耐性同愛心..........

今日入電腦入足一日,入到癲左....但仲要見人,後尾最尾果隻索性唔見喇,俾D社工見,好累....而且CMS機我係無PASSWORD,要老闆親自過黎入架....
D社工個ACCOUNT都入唔到.....所以唔可以走開耐過十分鐘.....唔係LOG OUT左就煩....

今日有個阿伯送自己種GE蘭花俾KITTY,好香呢~~^^

後來GARY同我講返,今朝個阿婆原來係講大話......0岩聽就聽得明,一問佢D錢係邊到0黎就話聽唔明.......諗諗下又係喎.....個阿婆咁都得,真係服左佢.....

HEHEHE..阿LUNG話有野要同返我講,但佢唔記得係咩事,其實應該係佢想鬧我果件事,不過佢唔記得,我當然唔會提佢啦,摶俾佢鬧咩...............^^

霸住部電腦成日,仲趕走D社工唔俾佢地用....我幾咁霸道~~哈!!!

阿LUNG唔覺意鍚左落我D頭髮到,佢淨係係到笑....但我覺得我頭有口水囉....=.=....霸你部機0者,你噴我口水丫嘛~~~



>>June 6, 2004 at 8:36:42 AM GMT+8

2004 年 6 月 1 日 星期二 【晴】

搭緊車就諗起,我帶漏左袋衫,真係衰,我好想去跑,跑到乜都唔記得晒.....
偏偏就要拎漏左.....不過身體亦唔容去今日去跑....勁RING...

係個OFFICE到,係行唔到直線GE,起初只係諗住唔夠訓,暈下係好少野,但一朝早,老闆就叫我入快D,
因為佢有D新野想教我入之後,就交俾我做......OH~MY GOD.....月頭月尾,我好忙呢...第日可以嗎??
唯有好快,好快咁入埋D OPAS.....入到睇到個畫面係會轉GE....
跟住又不停起身走返去自己房見人,又走返去GR入機,每次坐停就暈一暈,見PATIENT時,一坐停就睇到D灰影,好驚,手都有D震震地,又唔想俾個PATIENT見到喎,咪望實佢,等佢望住我個頭.......後未諗返,...咁GE死樣,仲俾人地望住,擺到明俾 佢知,我不在狀態.....

直至十二點到,真係頂唔住,趴左係GR,係直頭訓左係阿YEN台到,我知好過份,但頂唔到喇,我連早走行落樓搭車都唔得,GR D同事好好,個個走黎問,我仲要戚起個笑容講"無,我唔夠訓,有D暈,擺一陣就無野..."
不過佢地真係好好....^^

過多陣就走返去自己房訓,D社工一見我趴係到,問都唔問,阿LUNG仲會睥住我.....我都唔理,照趴,
很暈,乜都係到轉.......唔知係咪訓著左,我入房時好似係十二點頭,但再醒時已經係12:30......
一直好想問doris我係咪訓左,但諗唔起要問佢乜.....呢個係一個謎.....

ANISE仲好好人咁叫我唔好做野住,出去兜下會好D,DORIS仲陪埋我過去....

但約左出去食飯,佢地驚我會暈,所以可以行ge路程,都變左搭的.......其實我真係怕暈左係條路要call白車架....但仲死充.....真係有問題...

今次係doris第一次同我地一齊出去食飯,有jane,doris,suki,visi,lam同奇哥....好多人去飲茶!
食d野,又傾下計,好返d.....

lunch之後,繼續入機,勁暈,但都入到四點鐘先入好,再搵埋老闆教入野......係post SARS clinical from
呀......入到人都癲呀.....百幾個分......仲俾左成串幾厚我,話呢疊趕d做住先.....
我見到老闆仲有成幾吋厚ge未俾我.........救命...
不過黎緊都唔會悶喇......

發現左另一個致暈原因....我都覺得其怪架喇,點會咁暈....

唔知阿lung聽日會唔會真係捉我黎鬧呢.....我唔想俾佢鬧喎.....無理取鬧架佢....

收工搵左例湯,今日都係去唔到跑....不過佢又醒目喎,知我今日去唔到,但我諗住,跑唔到,
都坐下....但衫都無帶.....三次無去喇.....
呼拉圈都幾日無玩.......唔夠時間用....
亦都問左佢,搞清楚其中一個誤會,.....幾時講你知好,我唔想打電話,會演變到好似尋晚咁.......
再講,我會死架喇,好累......

俾mum鬧左好耐......因為夜訓搞到暈...又係抵死ge....

好累,但仲想打埋日記,因為唔夠訓,到左聽日會唔記得,唯有今晚打埋去....
諗左另一個好方法去溝通,就係email,但唔得閒住,第日先打.......要訓覺要訓覺......

好開心.....一online,就見到例湯解開左我一個遺憾....thx~
我一直以為我oral講錯左SARS 殉職醫生個名.....原來我無呀!
係其他考生同阿Sir唔識咋........^^
不過個阿sir唔識,會唔會當我錯??
俾我合格啦....我會考英文個oral唔格,我一直好介懷....如果呢次合格就好喇....

"http://hk.news.yahoo.com/040601/12/10n4b.html
原來真係有鄭夏恩e個人ga...



>>June 6, 2004 at 8:30:53 AM GMT+8

2004 年 5 月 31 日 星期一 【晴】

尋日放工搭車,坐左係車尾,一訓醒,成個身都係汗,痴線架,冷氣巴焗成咁,本來已經暈,焗多焗,暈到死....即刻打電話俾例湯叫佢唔好出黎....
落車果時,蹲左係巴士站.....唔敢行,又唔想打電話俾MUM,廢事嚇親佢...
諗左唔知幾耐之後,打左俾阿龍,又唔想佢揹住我行咁辛苦....
於是佢半拖,半扯咁,好似拖屍體咁拖到我返去....咁大個女都未試過咁狼狽....
返到去一句唔該都無同佢講過就入左屋喇...真唔好意思!

訓左係梳化,訓到八點,起身食左兩啖飯,仲未食完,又訓左係梳化.....
一直訓到今朝,涼都無沖.....或者真係太累,唔覺得自己烏糟...完全唔覺自己係無
沖涼....好彩今朝阿媽有叫我起身......訓醒一覺,
精神好返好多.....真係呢三,四日訓埋都無十個鐘...係咪訓少一陣都唔得...
差起少少啦身體,仲要返工,我唔可以咁,擾亂自己生活秩序...

搭車成日見到個男人好似小丸子個爺爺架,佢今日仲拎住張小丸子書籤睇書....
嘩~~CUTE到丫....真係好得意!

返到公司仲拎埋個電話0黎差電....因為尋晚無熄到,開到無晒電,..
差左無耐,一開就聽到個唔愉快電話....唔該你話我知!
我唔係熄電話,熄ICQ黎避你,我無咁做!!
我尋日日記都打住想三口六面,夠喇...講夠喇....呢家咩事0者,嘈成咁,我好累,俾個時間我休息,
抖夠了,我就有精理去處理我好混亂GE思想....每件事都被搞得好亂,分唔清....
我唔想再煩,亦都唔想聽D 聽D咁,會影響返工GE心情.....做得唔好....
我要避,我抆埋屋企電話線啦......

過多陣,聽到個留言喇....好,我正有此意!你終於搵我喇...
因為我都想聽下你會講D乜.......我真係好想知.....我諗極都諗唔明...

入機入足一日,頭好痛...一返房飲杯水,SUKI就係GR同同事吵大鑊,嘈到有幾個社工都出左門口到八0下,
但我完全唔知咩事,添淑就驚到匿左係我房,仲叫我唔好出去八......噢.....咩事呢,嘈成咁,SUKI
又唔出聲喇....好怪GE氣氛...我無問,不過起火源頭應該係Clare....得佢先會激得到suki...

阿媽尋日幫我換左CREDIT CARD GE禮物喇.......八張戲票....果時諗住可以一大班人一齊去睇,
阿哥就彈0左句...."你要請人先有人陪你睇??".....
因為佢見到我有太多套戲都想睇而無人陪我去......
朋友,唔一定會遷就你.....我D朋友,太有性格....唔鍾意,請都唔會....陪我..........
佢講錯了.....

雖然好累,但仍然要online...我想知你有無答我....
同埋我想睇下個INFO係咪仲係有果段野.....無理由講完之後,都仲係到架....
一睇....好似放下心頭大石.....真係乜都鬆晒咁...um.....我知道你無野喇,放心返....

唉........我想硬起心腸....但我唔捨得.....唉唉唉.....

是夜,一心諗住可以搞清楚晒d大混亂.....好緊張咁打個電話,結果好似越搞越"喎"....
早知就等齊人先講啦,個氣氛可以會無咁彊,亦都會清楚D,一心諗住早D解決唔使拖,但變左炒大鑊咁,
無諗到問題係半年前積落0黎...另外仲有咁多誤會...有D直頭唔知係咩事..........
好混亂,個腦組織唔到想講GE野,越講越急,越講越亂,前晚,尋晚都不停講錯,唔夠訓真係累事,搞到EQ低晒,
控制唔到情緒....好失禮添...講極都好似唔能夠令佢明白我講緊乜咁....我打去只係想搞清楚件事,所以已經好留意自己GE語氣,盡量唔用自己慣用GE語氣,廢事串得滯,再加多兩錢誤會......但我好似講乜佢都聽唔入咁,好似談判破裂咁...你俾左個答案我,但.......唔知點講....
佢叫我問你,你叫我問佢,.....好亂!!!未搞得清...

第二個電話,仲亂0黎,我成晚其實問0黎問去都係一個問題....但可能係我表達得差,A & B朋友都唔知我講乜,只有C朋友知我表達緊乜,或者佢已經聽慣左我說話GE方式....
講左成晚,都係搞唔清我想知GE,但氣氛正常好多,起碼都可以講到野...唔係拗交咁....不過真係口都乾,又好累,又"SIN"左一個晚上......兩點,好鬼辛苦.....
不過最辛苦GE係,唔涉及呢件事GE 朋友,捉埋你一齊聽,仲搞到咁夜,唔好意思....你又係無怨言....
你都鬧返我兩句啦,唔係我又好似唔知點咁.....=.="

真係好辛苦,仲要係搞到一鑊泡咁...好煩,好唔開心 ,幾失望咁.....但一落床,訓左......







例湯:
多謝你,其實我好唔好意思架,....我好多次唔開心時,都有你係ICQ上陪住我,果一晚我知你
唔開心,但就摶命係到講自己GE事,無問到你點樣......到我想問GE時候,我真係好想訓.....
我仲諗住聽日去跑步,就可以聽返你講,但我就CHEAP得滯,暈鉈鉈....
最好你鬧返我幾句,e.g."你好鬼自私.......",咁我個心會安樂d......
雖然唔知係咩事,但都希望你都會開心返,唔開心ge大懶蟲,我見到會一腳踩扁佢~~~^^

>>June 6, 2004 at 8:25:50 AM GMT+8

2004 年 5 月 30 日 星期日 【晴】

尋晚唔想去訓,因為對眼會好腫,所以就坐係到係咁食零食,雪糕,汽水,糖,乳酪,....摶命係咁食....
食果一刻,心情的確比較好D...

添叔好搞笑,日日將我係OFFICE拎果隻熊仔,做D高難度動作,每次返到去一望到,就會精神左咁.....^^
佢又知我唔會話佢咁喎....今朝仲企住係我門口等我開門望到,仲做個鬼臉先去食早餐......大細路!!
佢比我爸仲細幾歲到,但我爸個樣就後生好多......黑色頭髮係好D...

結果訓左4個鐘都無....
成朝都諗緊尋日果件事,尋日浪費了大半日去搞件事,雖然係有個解釋同答案....但就引伸出更多GE疑問.........
我只係諗......咁你知道我對佢有誤會同佢講返好正常,我有講過0既,我一定認!
但你就叫我算數,唔好再提,我就聽你講無再介懷,但轉過頭,
你就自己同佢講返,你唔覺得咁樣係有問題咩?
變相好似俾人出賣咁,我唔係想追究D乜,只係想搞清楚件事....

你知我誤會佢,而你亦知道返實情,點解你又無同返我講我誤會佢?
你同佢講左我誤會佢之後,佢反應咁大,點解你又無同返我講,由個
誤會繼續加深?

只係諗住朋友間GE說話,我知你地Frd D,我都照係你面前講,就預左你會同
佢講返,但點解講完知後佢會咁?

我的心不是鐵石,碎開了.再黏起,也有裂痕.......

無叫食飯咁細微細眼GE地方,我無留意到呢樣野,無諗過可以扯到咁遠~
如果你地想去,你地都,會講句想去,點解會諗到呢樣野?
何必講得咁嚴重.....

你日日都有睇我日記,我諗乜,你都知架,點解咁對我?

我對你有誤會時,都未曾諗過"討厭"......

我打名,就指名導姓,我唔打名,你就將我打有關阿LI 0既事,誤以為係佢,
咁我打名,唔打名,都一樣有問題,一樣會對號入座,一樣有可能用自己0既想法,
套用係我到,但我不是你,你唔係我.....每個人諗野都唔同!!

我諗你無諗過大家反應會咁激,我都無諗過,但事實係我接受唔到,我的反應
係好大.......但我喊,唔代表D乜,只係我好谷氣,唔係扮可憐,............
我一點都不可憐,即使屋企人有時相處得唔好,朋友有時都會拗下鎖碎事,
但我仲會愛惜我自己,太過唔開心,身體會差D....

係咪整定GE呢,又一次證實,好開心過後,就會發生D好唔開心,勁唔開心GE事...
"以後幸福亦未必敢笑......"

或者尋晚講電話太激動,唔想被以為我懦弱,所以有D聲嘶力竭咁....
今朝竟然咳血絲....但咳左出黎仲好,喉嚨無再痛,又可以大聲返........
好彩!!

SUKI今日好奇怪.....原來唔出聲GE佢,係好得人驚架....日日都聽慣佢把聲架嘛.....

老闆今日係GR開會,但我唔聽得,入緊OPAS都要出返黎,
後尾聽SUKI講老闆會CUT GR 3個人....OH....仲會無埋8號房,咁我即係要坐
去GR......噢,我唔想喎....唔好CUT左SUKI & ANISE...佢兩個比較熟D,好人D,
唔想佢地走.....其實佢地邊個我都唔想佢地走....走個3個,只會做到八月...即係仲有兩個月....
佢地咁0既年紀,要佢地去第二個DEPT.會好辛苦,乜都由頭再學...最遲入0黎GE SUKI都做左六年啦!
咁就叫人走,走左咪又係請D合約GE返0黎頂佢地個位.....政府政策,難以明白....
SUKI講到佢同阿LAM就走咁....我0岩0岩先同GR GE同事熟D,佢地仲走得快過我....

話左唔可以再喊......由上年講到呢家.....到做唔到!


你應該睇到,你應該知道,點解都係無打俾我??
你真係諗住唔答我?就咁就算....??三年了.....
你睇完應該會有我同佢一睇到時咁,有個好激ge反應,點解都係唔搵我....
無理由..........

本應今日應該好開心先0岩,我捱左一個月,今日出糧,應該搵下朋友出黎食飯....但完全唔係果回事.....



>>June 6, 2004 at 8:19:38 AM GMT+8

2004 年 5 月 29 日 星期六 【晴】

今日訓到兩點都唔想起身,捱夜真係好辛苦,都唔明點解以前通頂都無咁累........ada呢個時間仲要返工,都唔知佢暈唔暈...

多謝你,唔係你話我知,我仲係乜都唔知.......

愉快ge心情,一直到我online......
知道d可能唔知道會更開心ge事,..........

既然你討厭我,可必要跟我 一起,不必這麼辛苦,
你不需用某人這等字眼,該讓我早知道,我會懂得自己離開,
唔會再on居居咁同你傾計,同你玩,繼續惹你討厭......
你一早說出來,就唔使你咁難做,很簡單,只要有你開聲,我會自動消失!

朋友應該互相信任,但打從一開始,係邊個講大話先,我又有怪過誰?
兩個都係你朋友,你決定去信你聽到果一個,我無野好再講,...........
越描越黑......你聽一套,我聽一套,最好搵返講俾我聽果個出黎,三口六面,當面對質,

更多謝果個滿口人義道德GE朋友,兩邊"逄人說項".........
你自己做過D乜,你自己最清楚不過........
你想我地無朋友做,恭喜你,你成功了!

焗了滿肚屈氣,也搞不清楚是誰屈誰.......但好彩阿靜陪足一個下午.....聽我呻下..............心情勁低落............ 講真話原來唔係人人0岩聽......為左唔想人尷尬,會變左見人講人話,見鬼講鬼話,
更加意想不到.........
唔知道令你難受,但我也心情不好......
原來呢個世界真係需要戴住面具,.........尋晚,開心的時光都是一個假象.......??

夜晚,終於搵到有誤會ge朋友講返,清楚明白,.........
唔知你係鍾意是非當人情ge人,我坦白講心入面感覺,你將佢當另一回事咁講,我當你係朋友,你咁樣話我......我唔係口講一套,人前做一套,而係你地叫我唔好計較,係佢面前再提,但你就唔係咁樣...........我唔提,變左你係佢面前提時,就會變成是非.....

你點同我講,點同佢講,你最清楚,如果係無問題,點解我一問你,你要走??
你唔可以照事實講咩?我有怪過你咩?我當你地係朋友,點解要咁諗我?
我好惹你地討厭咩?點解要咁做??

唔叫你地去,只係為你地著想,你都可以咁樣諗我法,其實係咪你地一早對我有成見,
所以我做乜,你地都諗唔好果一邊?

我一心想做朋友,諗住大家會對一世,要坦白d,就有果句,講果句,難聽ge,就唔再講,
想體諒下朋友ge苦衷,就俾人咁講....................係咪我以後戴住面具,你地會更喜歡???

雖然傾過,但其實心底裡好失望.....好多點解.......
口入面話無野,其實我仍介懷.........
心情不好..........兩點才睡............聽日返工死得喇........唔好暈呀.......
點解咁笨俾情緒影響,份工要緊.......身體要緊.....

搞到芝同我講野,都無乜心情應佢.....

點解連朋友都要誤解我?對我信心不足是也.........
對眼腫腫,聽日又俾人問......

原來我都係同harry一樣,睇乜都睇得好重.....朋友,家人,.....我的人格!

希望時間會沖走我不應該記得的回憶........
我珍惜你們,亦希望你們珍惜我.........T.T

多謝陪了一夜的朋友.......十萬個感激!!!





>>May 30, 2004 at 5:57:42 PM GMT+8

2004 年 5 月 28 日 星期五 【晴】

完全係無意識狀態....返工以來,最好訓的一程車~

好彩今日無乜人,乜都唔想做呀......
呢個星期都做到好累.......

oh...今日天氣麻麻,會影響我地個釣墨魚行程嗎?

過左去GR做OPAS,今日得阿YEN同CLARE係到......CLARE每個舉動都令到阿YEN
好谷氣,於是佢每次見到CLARE做D乜,就係我耳邊到鬧CLARE一次.....今日差唔多係佢同我講最多說話GE一次,不過都係鬧CLARE 0既,不過佢又慘GE,拍著個懶人......佢唔呻下就會做得好無癮~
因為呢個原因,所以我入得好快就返自己房....坐~^.^

收工極速咁衝返屋企,因為我真係好需要訓一訓,唔係今晚真係會頂唔住,我唔想玩得好開心時會暈左呢~~咁樣會好掃興....
點知返到屋企,嘈到不得了,跟本就訓唔到,結果好累咁去搭車,去到等左好耐呢.......等唔係問題,但早d講嘛,咁我可以改搭巴士....訓一訓~~^v^

好彩趕得切上船,唔係好似以前咁同阿峰,阿龍佢地咁,追都追唔切架船......幾無奈呀果次.......真係好無癮..............所以今次好好彩~~我地好似參加左個搵笨團,人多,但跟本無乜位坐&釣墨魚.......
全船四十人到啦,但只係釣到二隻........哈~
我釣釣下,例湯都走埋,先覺原來得返我同阿靜係到釣,ada,sw,nicole都走左上去坐,唔玩喇...........
其實真係好悶同幾暈架.........不過唔甘心呀,一條都釣唔到.........所以好堅持咁釣........

後尾同阿靜收返d鈎時,我仲唔覺意咁跌埋個柄落海.......要d職員拎返上0黎,火農 爆.......=.=
好似笨手笨腳咁.....

我地係船頂食野時無燈架,後尾開燈時,先發現,都幾多飛蟻下......可能食左d落肚~~~
ada好搞笑咁影相.....笑死人~
有個細路好搞笑架,都唔怕醜ge,會走圍同人玩,同我細個差得遠,我覺得我細過係自閉架.......好彩呢家唔係~~~

成個團,最好玩係我地自己影相,同埋坐左上船頂,好舒服,不過好驚跌落水.....
坐係船頂個feel,好似細過返鄉下訓天台時咁,好舒服,不過可惜無星.......
但以後都唔 去喇,好搵笨ge........因為真係好悶.....同唔值.....

之後去左星光大道,真係幾無聊0下....d人踩d手印ge.......
行到好累,十二點到搭車返屋企,返到去好暈,坐左陣先沖 涼訓覺,驚會暈左係浴室.....

真的好累,但不錯的回憶......我未試過同朋友"出海"呢~~^^

慶幸今個晚上,一滴雨都無..........感謝個天呀~





>>May 30, 2004 at 2:42:46 PM GMT+8

2004 年 5 月 27 日 星期四 【晴】

個頭好重....唔想返工....但唔可以走佬,走得一次,我下次又會唔返工.....

喉嚨都係劇痛....但都唔想去睇醫生...我唔想食藥喇....


今日仲約左例湯,ada佢地去食飯,ada尋日生日嘛~大半年無同佢食飯呀!!
雖然好累,但去到應該會好精神~~

芝無搵我....

今個星期六,都唔知去唔去到釣墨魚添....

SUKI好心做壞事呢....成日幫我答0左D病人問題,但係又答錯咁D,今日又有兩個阿伯俾佢老點0左黎.......但其實帶漏野...所以申請唔到,就勁0係到鬧,話我玩佢....好煩啊~~

今日遇著幾個老人家....都係撞聾....哎到我就快失聲......救命..好痛!!

suki d病菌太勁喇,惹到成個OFFICE好多人中左.....阿LAM頂唔順走左,阿yen都受感染.......我好驚呀,我都無聲架喇,我唔想再咳埋一份.........佢就話係CLARE惹到大家GE,所以CLARE成為目標,全部針住佢,好慘呢....佢都無野啦,其實真係SUKI惹架,CLARE都係下午先返到黎GE.....

原本諗住收工都係咁辛苦ge話就唔去食飯,但又好好彩喎,收工果時回光返照.......

經旺角困條天橋時,遇到個不禮貌promoter,勁到我紮紮跳!!

今日做0左件壞事....無關心朋友....阿靜同例湯就知我做過d乜喇....
其實我一d都唔瞭解佢思想....只能理解佢點解會有咁ge行為....
發生咁多事以來,都無好真真正正咁同佢傾過傾...聽下佢真心果句...
一開始就企係自己角度去睇佢,覺得係佢錯...但企係佢果邊諗,又會係點....?
我無努力咁去試過........
懷念當初兒時無慮的友誼....真想找個機會,再坐低HEHEHAHA.....
我心軟.....或抑而家先企係佢果個角度去睇??

例湯幫我揀埋禮物,真係好人....我地無送禮物,只係賣左份野俾ADA~^^

同ADA,雅玲,阿靜,蕭活,例湯去烚下烚下...過多陣,麥翠都0黎埋喇,佢應該係最耐無見果個,個個D樣都無乜點變.......成班大傻瓜咁~~~呵呵!!!

食到好飽呀,但D野其實麻麻,仲差過長發.......下次唔會再去~嘈到死~

食完都十點喇,所以就返屋企,41A D 車程真係好穏定.........無一個鐘係返
唔到屋企GE.......=.=,唔知咩原因,仍然好精神....坐係到睇報紙,撩貓(肥仔&隔籬屋隻貓<==點幾鐘仲坐係我屋企門口喎,仲唔撩你...哈!)
之後沖涼,執房,填FORM,做肥仔阿四.......一直到兩點半....癲0左...訓得四個鐘都無....

個墨魚團book得成呀!!!nicole,阿靜同sw都好勁勁呀~
仲有阿靜可以同我地去台灣喇.......要儲錢儲錢!!尤其呢兩個月...
我要儲學費....要慳錢....不過黎緊呢排都係洗錢高峰期呢......

今晚一定要雷雨.........^0^

茄菲拍左做電影呀.........畫到好樣衰呢......



>>May 30, 2004 at 8:52:44 AM GMT+8

2004 年 5 月 26 日 星期三 【晴】

喉嚨都係好痛,仲要返工,聲都無乜,仲要係咁問人野....

一朝早就好抆,因為未夠鐘,個同事就已經放人入0黎,我早餐都未食....衫又未換,連袋都未放好呀......但後尾就發現係個病人自己唔知係邊到拎左個FILE就走入0黎GE,差D怪錯同事....

9:10咋....已經見0左三個人.....今日唔會好多人0卦,好痛呀喉嚨....

今日就係ADA & LILY生日....兩個都未同佢地慶祝....仲有ADA份禮我都未買到......

收工去唔去IVE拎D夜讀FORM呢.....好貴呀....要讀,就要拎晒小玲全副身家仔去讀.....點好呢.....OR下年先報呢...但到時再老多年,返果一份工未必又可以讀書....煩呀~~
但我一定要自己供自己,咁樣馨香d.........哈~

ANISE超好人,打0左好多整甜品ge食譜俾我~~^^好想整架,不過又懶,幾時會"的"起心肝仔去整呢......

doris好搞笑咁無端端返0左黎.......唔使我自己一個係到食飯咁悶~~
仲放左好多零食入我個櫃....^^乜你d舉動咁似阿峰??!
今日激多人喎,咩事呢....搞到我都無乜時間入機.....

放工抆住Doris係部櫃員機搞左好耐~~^^

之後同佢行去遠少少果個車站搭車,今日真係好熱....出左成身汗,之後搭左去葵興,過ive拎form......但原來同網上ge一樣ge,仲枉我葵興行到葵芳,熱死+累死!

跟住買埋個蛋糕仔,拎埋份禮物上阿li屋企,俾左佢mum......原來我好耐無見過伯母....

成身都好病咁,仲要係到填表.....表又拎錯,要上網dl返....就死架喇....好暈........訓少一陣就好辛苦....遲d返學的話,捱得住嗎?




Subject: IQ question

> http://www.hkipark.com.hk/test/iq1.htm?幾有趣，可以玩下
>
>
我呀~
你在 11 題當中答對 8 題。

你的IQ評分為：表現不錯，在學校一定是資優生

你的EQ評分為：快了，愛神就要找到你

>>May 30, 2004 at 8:44:37 AM GMT+8

2004 年 5 月 25 日 星期二 【晴】

由六點鐘醒左,一直係張床碌到十二點........懶床越來越厲害喇........

跟住就online.........um..........同joey傾左陣........對佢再次失望........
點解現實世界會發生d咁戲劇性ge問題??
估不到,沒有一絲心涼的感覺..........只覺得誰是誰非,我分不清楚.......
何時變得那麼恐佈.......猜不透....

突然發現青衣城無我想睇果套戲........唔係咁丫嘛.....我好難先搵到阿chris陪我睇架~~嗚.........

無聲........

同你傾完....眼前一片澄明.......

今日超勁呀......玩左436下呼拉圈......未停過,真係好勁呀!!!
跟住去跑步,出門前順便問下寶恩去唔去,佢又肯去喎~~~^^
點知打俾例湯,先知佢今日唔去........好彩寶恩今日陪我,哈,唔係我會走返轉頭.....!!
同寶恩去到跑左無半個圈,佢好累呀,所以我地就不停咁行行行,行左好多個圈,今日咁熱,咁都可以
當係做運動GE,出好多汗....臭臭~
寶恩做多D運動呀.........會身體健康D!!

之後買左LI份禮物,聽日俾佢......ADA果份仲未買到,傷腦筋....

阿媽去左表嫂屋企,得我同老豆食,但我太遲返到去,所以老豆自己煮....真係唔好意思...

阿媽係咁問我有無5呎5吋,因為表嫂識人,國泰做GE,負責請人GE,全家都係果到做......佢話只要我點
頭,唔理英文好唔好,個樣掂唔掂,都請....做地勤果類......有成萬五蚊人工呀........肉尺呀......
我DOUBLE SALARY呀....就係因為果6CM..........阿媽..你點解講我知......




>>May 30, 2004 at 8:35:10 AM GMT+8