2003 年 6 月 2 日 星期一 【陰】

尋晚過得都好輕鬆..

今日呢.. 一開始就"體能測驗"
雖然我體能唔係差, 但係我就想谷下自己...
算係咁啦.. sit up 50下(1 min), 掌上壓 40下, 9分鐘跑圈都有21.5圈...
已經改進左..

不過真係好累. 連樓梯都行唔郁...
我估聽日就真係大件事... 成身鬆軟....

中文堂吹水吹左好耐..

諗住兩點半去搵李卓安去幫佢睇睇佢d chem..
點知... 我尋晚話library.. 佢就係學校果個, 我就係寶湖果個..
真得意.. 不過都好.. 我係library睇本SAN的書都幾過癮...

仲有... 我今日打電話好黑..
打俾呢個唔通, 果個就取消左電話....... 阿嗚....
咁有電話黎做咩? 仲要係急事tim...!!!!

乾同我左一樣關於佢o既 野,
有少少唔開心tim... 但係我唔應該唔開心... 因為唔關我事..
而且打極佢電話都無人聽... 雖然係為左工事...

我睇左小兵的故事一陣, 玩左N次online game都係心翳住咁...
我死定了...

又到端午啦.. =)
又到我上網周年紀念.. 我上網都上左七年lu.. (1996/6/6 -- 2003/6/6)

just updated: 2003/06/04 0954
估唔到6月3日晚先係戲玉..
日記真係唔應該咁早寫.

話算我同佢, 同埋一班人去沙田補習.
乾同J都話清泉打電話問佢地關於"佢"o既事,
剛才我咪話乾同我講左d 野o既?
其實果樣係清泉問佢, "佢"會幾時補完習..
仲問埋地址.. 咁明顯地佢即係會蒲頭啦!!
我係"佢"面前.. 我也要扮到若無其事..
奇就奇左我係電話聽乾講果陣就心翳住,
但係J同乾係車上講, "佢"係到的時侯就真係無咩大感覺..
可能呢d 就係物極必反...
但係我睇得出, "佢"好唔想清泉出現... 點解呢? 驚見光(俾我地知道佢不可告人的秘密???)? 驚佢?

好可惜(真係好可惜), 清泉最後沒有出現,
我地已經好努力咁拖延佢, 等到清泉出現,
可惜佢遲到.......
結果"佢"係咁話走人.. 算啦... 鬼叫佢遲到...
之後我地班男仔話去打機, "佢"呢, 就去買野食...
我地去打機先啦.. 打機緊要, 佢話一陣join我地..

乾同J就話好佩服我... 點解可以忍得咁耐, 仲忍得咁好...
我諗, 因為我知道愛係付出, 唔係得到...
所以我明白我愛佢就好... 至於佢愛邊個, 我唔想知... 就算知我都會祝福佢地...
所以無期望, 就無失望掛..
加上以前我"訓練有數"... 所以扮蟹能力絕對唔差.. 我應該去做演員啦.. =)

我要係佢面前扮到若無其事...

講起打機.. 真係唔掂....
Dance Maniax (fing手果隻呢) 居然C尾.. 頂... 以前起碼都A尾 (即係玩到最後係A)
賽車居然係四個人之中的包尾....
唉.. 老啦, 呢期又打得機少.....
唔得.. 我要交學費....!!!

我地上火車返歸果陣... 清泉打佢電話問佢係邊, 仲話已經等左成粒鐘...
哈.... 好呀....
因為佢電話分鐘爆晒.... 所以... 我做左一個人生重要的決定...
借左張SIM卡俾佢.

但係後來發現我做錯左一件事, 就係飛左線返屋企..
例如: 佢電話飛落我電話, 我電話飛落我屋企.
結果: 佢電話會飛左落我屋企.. 萬一清泉打黎, 我又聽左的話, 咁............ 我死定了......

唔得... 立即睇下有無remote 飛線先!!!!

=======================================
我呢個守護天使做完了, 是時候離開..
因為有另一個守護天使會出現..
我相信佢對你會更加好的..
好像我的野蠻女友中,
牽牛當治療那女孩的心靈創傷後離開..
我想道理是一樣的吧...
=================================
Re: 靈魂.
marco係飛機迷黎架.. 同你一樣.. =)
佢咪就係去左美國果個囉...

=================================
一日一韓文:
Gamsa hapnida (感謝, 多謝)

>>June 4, 2003 at 2:25:14 AM GMT+8

2003 年 6 月 1 日 星期日 【晴】

今日都無野o既...
尋晚Phy TAS Report都係寫唔晒. 唉...

一出門口, 同隔離12J室果個鬼佬吹水..
佢原來係沙田一間小學的英文教師(即係NET, Native English Teacher)
同佢又幾好吹喎.. =)

返到學校, 校長講左好多"肺腑之言"..
真係令人滴汗(因為熱得濟..) XDD =) =)
搞到第一堂(英文)少左時間..
但係英文堂只係作文.. 不過小有的是,
我作文第一次咁慢... 要作到放學.. 唉.. 無心機,
係咁架啦.. draft左好耐....

Physics堂過得最慢囉...

但係放學見到甘sir, Ryan Sir , Johnny 同埋一班人..
見到我飛緊單車.. 一個二個話:
嘩..[手查]車喎. =) XDDDDDDD

係呀.. 今日簡sir 返黎lu...
其實果個李sir 都好過癮.. 同簡sir 相比簡直係超大分野..
簡sir係warm果種, 但係李sir呢, 簡直係冷面殺手, 來去如風.. 怪!!

返到屋企之後,
食完飯, 上下網,
又出去打左個轉...
俾番 d 錢人啦, 幫marco搵 ricky martin的碟啦, 同埋fight sim03啦..
順便找找本Conceptual Physics Ed. 8...
居然找唔到..
係大中撞到我第一個鍾意的女仔(係追唔到的)..
傾左一陣.. 點知撞到李玉雯同艷艷..
希望佢地唔好誤會啦... 無關係架.. 而家..
============================================

我視線始終離唔開係佢身上......

============================================

等我又reply 下留言先..

Re Louis Lung,
huh..我唔想掂果種wet 果類, 我會以白痴黎型容的女仔.
果種就算幾靚我都唔會追!!
果種女仔玩就識, 但係工作以至生活,
同殘廢無分別... 我毫無興趣..

Re: TinyBee
無錯呀... 正所謂各花入各眼..
我覺得佢都係local max.,
係心入面當然係覺得佢係global max.

事實係始終一山還有一山高,
但係老實講真正的global max, 俾你搵到都唔敢追...

得架啦.. 我滿足架啦...

=============================================
每日一韓文:
Annyong higaseyo (再見, 對住走的人說)
Annyong higyeseyo (再見, 對留下的人說)

>>June 2, 2003 at 10:14:22 AM GMT+8

2003 年 5 月 31 日 星期六 【晴】

呢個日記系統超有問題..
明明登入左, 寫完都話我未登入.. 又要我寫多次.. 真係 pk..
唔識php就問我呀嘛....!!!!! =) XDDD (joking)

=============================================
尋日真係搞到好累..
今日成十點幾先醒.. 好舒服....
醒左,
諗起自己無端端學識將愛同佔有兩樣野脫鈎..
都係好事黎o既....
係咪? 起碼無期望就無失望..... 哈...
showgood 都有教啦:
"空即是色, 色即是空.
色又是空又是色, 空又是色又是空.
反正色又是空又是色,
想色幹啥? 想空好過啦..."

係囉.... 所以某程度上我可能係愛緊佢.. 但係我應該唔會再好似已前咁想佔有囉...
好偉大? 唔係o既.. 可能呢種先係真正的愛掛.....

話時話: 愛情一斤幾多錢?
對我黎講, 係貴到無價(天文數字)
對其它人黎講, 可能都係無價, 只不過$0都費時寫, 無左個價o者...

都係唔好講傷心野啦..
講開心野啦..
今日同智偉吹水吹左好耐..
關於d 咩? 就係"香港學生", "香港要咩學生", 同"香港有咩學生"的問題..
特別係經過尋日睇過個比賽之後, 簡直係不知所謂....

結果由一點講到四點半.. lab report? 唉... 努力中..

等我reply下d 留言先..:
re 大魚:
算啦... 你爆係唔o岩架啦..
只不過我夠膽同得佢出黎, 就預左見光..
只不過好彩只係俾你一個見到, 其他人只係聽你的轉述..
比我想像中好....
無所謂啦, 反正係過去的事實. 或者就算係現在的事實, 都無所謂.. 反正都無機會再進一步發展..

至於比賽方面, 就算佢地咁諗, 我都唔會服..
輸俾第二同第三都好呀,
你只要諗深一層, 你就會發現佢講o既野超多漏洞,
例如: 中英中英中的分佈, 你試想想我坐係英文果個位到, 我諗有兩個中係相消, 咁仲有個中呢? 點呀? 佢地覺得實驗成功只係因為佢地知道個實驗做緊咩, 所以個耳仔識得選擇性咁聽一樣野.. 你試下好似roadshow咁播一段野, 係雙語.. 睇下會點?
仲有, 一架巴士我估唔會係車頭或者上層都85dB咁嘈.. 你試下呀.. 85dB, 同大球場開演唱會一樣... 同開槍一樣咁嘈.. 咩都聽唔到架啦.. 等於你走去引擎位聽roadshow, 得鬼... 我係巴士迷我唔知?

re Louis Lung:
你講呢個世界好多女, 係, 無錯.. 唔係男就女架啦..
但係你只要睇我地班張班相,
之後再將樣貌同智商的水平相加, 畫一條curve... 我估佢已經係max pt...

re: 水雲
我講的情形係majority 囉...
你只要一出街就見到, 一個好樣衰但係扮到好型果d 永遠都係拖住條靚女... 所以我成日都話呢d野唔係一定講樣, 但係要講天份(打扮)...
唔係我作架.. 我阿姨講架...
為人好? "如果做好人會發達的話, 全個世界都係好人" (showgood.tv, 小兵的故事第三集)
如果唔係呢個世界點會咁多痛愛?
正所謂"男不壞, 女不愛", 都係majority現象...

re: 路人cut
當然啦.. 志豪兄喎, 當然厲害.... 用文字已經搞掂一個女仔...

re: 靈魂
係呀... 所以我覺得志豪兄都係講下only..

============================
每日一韓文..
Annyong haseyo! (你好)

>>June 1, 2003 at 9:18:07 AM GMT+8

2003 年 5 月 30 日 星期五 【晴】

今日倒屎咁早就起身... 皆因要去支持泉嘛.. 佢地入圍去present 喎... 點解唔去呢?
我仲要帶埋DV機去tim....
(實情係.. 學校叫我去睇下人地優勝的作品囉.. 阿sir 係學校俾埋部DV我去拍)...

但係呢, 大魚第一個發現我同佢一齊.. 咁好正常o者... 佢係佢果隊的團長, 我係我果隊的死死團團長, 咁我地去都好正常o者.. 係咪? 我心諗只係working partner, 但係始終離唔開果種感覺...
隨便呢種感覺啦.... 既然係要做佢的守護天使, 唔緊要啦...
老老實實我真係唔會再理佢的私生活.. 反正與小弟無關..
只不過佢要搵人"救命"的時候, 我會在佢身邊蒲頭...

大魚發現完之後, 居然講晒俾全村人聽.. ok 啦.... 好彩佢早走...
也是唔好彩佢早走.... woo.........................
(按: 佢同另一個男同學去尖沙咀.. 我無咩興趣想知或者去喎.. 佢有問我去唔去, 但係有個客等住我, 個客重要d...(其實係錢重要d..)...)

之後同泉去黃金... 嘩... 簡直係人山人海x10, 起碼係年宵的兩倍.. 我真係行咁耐腦場, 第一次見到咁x多人.. 多到你唔信... 遲d 等我upload d 相上黎啦... 真係得意.
為左個客ja..... 如果唔係, 我絕對唔會今日係連針都迫唔入o既高登場, 打直行入去, 打斜look番出黎....... 真得意.....

我同泉就好快就分開行.. 點解? 一來唔想"我在發熱發亮", 二來咁多人.. 一齊行動就好麻煩!

而家就係維港灣, 剛剛裝完部機, 打埋日記先走..
呢d 咁o既細機箱(Micro ATX)真係蝦人裝.... 位又細, 裝得呢個, 又要拆另一個先..
真係頂癮之中的大頂癮... 手又要夠幼...
位又少, 得一大一floppy位加一個hd 位.. 裝到我.. 平時30分鐘搞定, 呢次要成45-60分鐘... 唉... 老啦我...

.........................................................

MST果面隻無線牛居然瓜左, 入唔到圍... 滴晒汗~~~! ???
第三係黃金分割 (o下?)
第二係果個出晒事機械人 (滴大汗..???????????????????????????????????)
第一係巴士果個咩系統 (超滴汗................""""""""""""""""""""""加間間.."""""""""""' )
唉... 造馬呀!!!!!!!!!!!!!!!!!!!!!!!!
really piece of shit.......
你地總之見到段片, 你就會講粗口..
智偉, 快d 返香港啦.. 串人啦去!
.......................................................
我叫阿晨都幾好喎.. =) XDDD

第日我屋企的我做野的工作室就會用"波拉利思工作室"代替,
"馬利西安工作室"就係維港灣... 點解呢兩個名? 睇過冬戀的人就會知道的..
例如: 今日我係在馬利西安工作室裝機.. =)

得意嗎? =) XDDDDDD

p.s. 泉係william
比賽係指呢次"香港學生科學比賽"

>>May 31, 2003 at 3:15:55 PM GMT+8

2003 年 5 月 29 日 星期四 【晴】

今日都無咩好寫.... 都無咩事發生.. (或者未發生)...
寫多d 尋晚啦..

尋晚... 雖然話已經決定左唔諗..
但係唔妒忌唔代表唔傷心..

傷感? 為何會傷感?
既然唔係妒忌... 我諗我只係覺得可惜.. 無咩恨過任何人..
或者真係想知我同各位女觀眾心裏的理想男友差幾遠和差甚麼???

我記起我徒弟同我講過: 佢話佢d 女同學同佢講.. 女仔係鍾意d 男仔型, 唔係靚仔..
就算個男仔好樣衰, 只要型都得..
umm.. Anaso..... 我明白啦...
簡直係"朝聞道, 夕死可以矣...."

我尋晚都好想喊... 只不過場合同埋時間唔許可.....
所以好早就訓..

今日都無咩大事發生.. 好平靜..
既然決定左唔諗, 那我心應該安寧... (係應該)..

空堂去圖書館都無用電腦lu, 費時又俾人投訴..
但係打唔咁快同咁大力, 唔過癮架嘛!!!

電腦堂... 打機囉.. 仲有咩好做?
只不過放學果陣心神怪怪地... 好似有野要發生.. 唔係好開心.. 有點納悶..
但係又無咩事發生喎..
只係放學等Dr. Ho (一個數學阿sir, 關於project 啦)... 等到兩點.. 我正想留字條轉身走,
就係門口撞到佢.. 搞笑.. =)
不過好肚餓..
返到屋企發現正村人係我屋企, 我契媽/契爺啦, 一個姨媽一個阿姨啦....
幾好.....

走啦.. 出去啦.. 今晚再update啦..

>>May 30, 2003 at 6:57:41 AM GMT+8

2003 年 5 月 28 日 星期三 【晴】

今日嘛...
係我第二日交換日記的日字..

由於寫的時間尚早(而家先兩點半)..
所以無可能包括今日的事,
唯有加少少尋晚的事啦...

尋晚嘛,
同ex-gf 講番以前的感情生活..
大家都好自然咁表達左以前的感覺..
好事呀..
特別我好耐之前想講, 但係尋晚先講到的果句: 我想你搵一個俾我好的男仔...
只不過我好似好衰咁打破左佢對愛情的幻想... 嘿嘿~~!
好似將佢的初戀給騙了~~~~~~!! :~) 別怪我o...

今日呢,
Pure Maths Test啦,
Open Book, 但係我尋晚溫左少少.. 所以都唔使點睇書.. 而且係可以問到:
a/r, a, ar is 3 roots of polynoimal, 之後問 show that they are geo. sequence... 唔係掛... 做人真係唔好咁好囉... test 完就得閒d 寫日記囉.~~!

星期六又變左無假期tim.... 要去會議...

唔知點解今日突然想學車tim.. 之前仲話唔想學... =) XDDDD

至於你地最想睇的問題, 係呢到開始..
(你地最想睇都係我的感情問題o者, 係唔係? 都話左你地八架啦..)

佢嘛...... 我放學果陣見到佢同另一個男仔(名叫:清泉)一齊..
反而有一種感覺... 佢同清泉會襯d.... 或者我已經知道結果, 唔會再為無結果的事去追求..
而且我估清泉愛佢, 比我愛佢更多..
所以嘛, 讓她同清泉一起吧.....
我不會妒忌的(最少現在不會)... 因為我已經決定左.
我對你再有感覺是因為project, 現在project 完結, 那些感覺也是時候完結....

正如周甚麼倫的"安靜"一樣..
"希望他是真的比我還要愛妳......

不要擔心的太多, 我會一直好好過
...
我會學習放棄你, 是因為我太愛妳"

"我會守護你"的... 我會做你的守護天使..(夏泰勇嘛..)

心情真係唔好的時候, 我會去機舖係咁玩Time Crisis 或者 World Combat 或者 Dance Maniax 再唔係我最鍾意的 Syakatan 搖鼓機 再唔係.. 日本刀...... , 唔係機舖, 我咪去飛單車囉.. 好似今日係明雅苑行人路以40km/h(大約啦) 狂飆... 簡直對途人做成威脅.. 遲做俾人拉.. =) XDDDDDDDDD

仲有呀.... 我唔想呢個日記俾咁多人睇.. 所有人, 要forward 都淨係forward 俾自己人就好啦..
記得留下言啦... 我會睇的.. 信我吧..

至於佢, 我絕對唔想俾佢睇到..... 俾我有少少夢想好唔好?

剛update 的..
投先去宇謙到整機, 講起原來佢好耐之前已經係酒樓做part time (假期)..
嘩.. 我真係唔敢想像一個無假期的日子... 一至五要返學, 六日要part time.. 人生仲有樂趣o既???

附上:
守護天使主題曲"小小的希望(朴龍河, 無錯, 就係冬戀中的金相奕)" 意譯
我的愿望 是不是實現了 遇到你這樣的一個人
越走我心中的傷痛 帶給我生命的曙光 無論我
是多么地痛苦 在我深愛的你面前 不能讓你看
到我在流淚 我不能讓你受到傷害 我們還是不
要見面 因為我們是不同世界的人 我想我應該
讓你趁早離開 這樣或許我會好過點 在這世上
沒有比離開自己心愛的人更痛苦

>>May 29, 2003 at 11:07:36 AM GMT+8

2003 年 5 月 27 日 星期二 【陰】

撞鬼的...

今日係有人介紹的情況之下俾人叫做去學寫日記..
我有無寫日記的習慣?

以前曾經試過... 只不過一次打成千字先可以宣洩心中的恨...
所以無寫lu..

呢期最得意的就係:
1. 俾人投訴打字太嘈...
2. 影印舖個老板娘係Teens到見到我的車頭相(!?), 仲俾埋果本野我...
3. MC Chan (英皇教Phy.)仁兄簡直係卡通聲..... 咩叫卡通聲?? 咪好似卡通人講野的聲.. =)

>>May 28, 2003 at 10:31:57 AM GMT+8