2003 年 10 月 1 日 星期三 【晴】

經過一日的假期後, 生活再度苦悶..

================================
放學前三堂pure maths + 放學pure maths 補課
問你怕未.. 不過文sir 講書都ok. 唔覺得太悶..

最不苦悶的就是放學補課時, 早走到Wong J家檢查他的電腦..
佢部機死到開唔到機.. 只是去檢查究竟係死板定係死U...
發現係板死左.. 結果就係佢星期六出去換左部機..
我用咩機去試? 當然就係個客的入唔到graphic mode 壞機啦...
起碼有一粒用得的P III 733..

Wong J, 折哀啦.. 買過部機咪仲好~

就係咁, 我在新興同屋企兩頭走~

=================================
其實今晚仲有一單, 就係葵涌間廠一個同事的妹妹..
住係富善的.. 不過新客, 有時唔係好想自己出手..
所以叫埋徒弟去執頭執尾... 如果第日我唔得閒, 可以叫徒弟自己搞掂嘛...

今日的確太少時間, 我諗遲d 要叫我徒弟自己去搞埋佢...
聽日仲要返學, 所以都係早d走好...
=================================

>>October 6, 2003 at 12:38:30 PM GMT+8

2003 年 9 月 30 日 星期二 【晴】

睇睇日記.. 原來發現好多日無寫日記...

===============================

國慶日, 當然要去慶下佢啦..
朝早就跟榮哥71k一個來回..
可是期間, 九龍城個客攞左部機黎測試..

佢尋晚俾左第二個睇, 又話壞板又話果樣..
我都俾佢講到驚驚地.. 要求佢攞過黎試....

點知我一開機.. 超! 咩事都無~ 都唔知邊忽壞左..
果條友就真係忽...

但係之後都係要出trip.. 去個客屋企整少少野..

其實佢另一部機已經係判左死刑... 塊板癲左.. 一入graphic mode就restart...(用其他display card 都有事)

去到最多都係插埋線呀, 之如此類啦..
佢壞左果部機, 個客就話砌過部就算~ 嘩.. 又有得做...
之後當然就係落黃金... 原本諗住睇部HP OfficeJet 6110(個客就要四合一.. 方便喎)
但居然豐澤仲平... 真係過份..

買完野就返馬利西安工作室砌啦.. 對我黎講砌機好快o者.. 一陣就搞掂..
只不過手頭上無Software, 所以無得裝住...

到九點左右, 有煙花睇... 馬利西安係可以睇煙花的.. 雖然都係遠左少少..
但係都好有真實感.. 國慶煙花真係好睇好多.. 今年特別好睇...
d 煙花好得意, 可以random咁move, 唔一定係向下墮..

睇完煙花, 就同媽媽走了.. (其實係我同我媽去九龍城同馬利西安的.)

==============================
回 靈魂:
下車.. 我還未想..
==============================

>>October 5, 2003 at 5:44:52 AM GMT+8

2003 年 9 月 29 日 星期一 【晴】

突然間又有感而發..


======================
只係投先沖涼想起一件事...

識我的人都知我成日話... 如果而家有人用一萬蚊一個月請我係佢公司做電腦部主管之類..
我即刻唔讀書... 即刻去做..
你可能會覺得.. 喂.. 前途緊要d .. 第日都有得做..

其實.. 除左讀書辛苦之外, 有一個很重要的原因....

就係..
讀書生活(即係而家的生活)..
很多野係到否定緊我的存在..
感情事唔使講, 連學業成績... 很多地方的表現都在否定..
好像我根本我沒有存在的價值..

相反, 在工作上,
我絕對肯定我的存在價值... 我自問是一個不差的Network Admin..
技術上比起出面的人不會遜色很多.. 勝任有餘.. 我在這點上充滿自信..

==================================
我都同"佢"講過唔想讀書..

你地.. 而家明白啦?
==================================

>>September 30, 2003 at 3:34:51 PM GMT+8

2003 年 9 月 29 日 星期一 【晴】

昨天的深宵飛車...

先別提.. 因為我們是依照事情在我身上發生的次序的.. 別搞亂當..
==========================
今日一返到學就俾肥B捉住上台宣佈學生會選舉結果..
仲要用普通話.. 不是吧.. 大哥(大姐先o岩).. 你耍我咩..
不過.. 算了吧...
反正呢期我都唔知點解平時講普通話仲多過講廣東話.. (痴咗線)

今日係國慶.. 所以要升旗.. 唱國歌..
不錯~

由於要慶祝國慶.. 今日特意出街食飯.. 可是只有水雲, 水雲的女友, 同埋乾.. 一行四個..
水雲病左... 唉.. 搞咩搞成咁呀?? =)

返到去過左中文堂.. 又係做野的時候...
都係為左"佢"個project...
用左一堂左右的時間就可以畫到一個封面.. 算係咁..
阿如失驚無神發脾氣.. 好心佢就控制下自己.. 唔好下下都癲雞咁啦..
都唔知點解咁都有仔肯受.. 滴汗.. >-<"!

做呀做.. 做到我都唔知幾點... 佢d friend 一個二個咁走.. 結果.. 得番我同佢兩個...
由306 最後到CSC..
我地兩個做到六點幾七點先走得..
之後去到M記... 貼埋d 相上去就完project 了.. 之後.. 我善後囉..
陪佢等埋271就走了...

==========================
今天雖然過得幸福(至少我覺得是..)
可是.. 我想並沒有明天... 因為.. 你看下去吧...
==========================
我覺得她尋晚一定有留言係icq 度.. 所以我一返到屋企都開左icq.

是她在今朝0:55時留的.
------------------------------------------------
不過都很多謝你.....很多謝你
雖然有時我覺得你都幾煩...同幾多癈話
現在又讓我誠懇的對你說"對不起"

我會盡量自己做
不要對我o甘好..
我是受唔起的...
對不起.....
不過....如果係站在朋友的立場..那麼我會很多謝你這個朋友
---------------------------------------
p.s. 咁我地吹水架嘛... 無人講過.. 吹得水多自有吹神保佑咩...
算啦.. 每人觀點與角度不同..
我只好... 回了三個言:

---------------------------------------
放心.. 你受得起的.. 因為是我給你的.. 你知道我對怎樣就行了..
至於對不起, 或者多謝這些.. 聽厭了.. 別再說.. 你不煩我也會覺得煩~~
反正很多事, 我是心中有數.. 有些事不要覺得對不起..
而且結果我根本就不計較.. 要是我計較, 我就不會這樣對你..
加上我早就沒有那種期望... 天意如此, 我也無謂逆天而行..
要說對不起的, 是我.. 不是你.
我不難過.

這種事情... 不是貴乎付出的嗎?
至於我的缺點.. 我也想聽別人說的.. 我不會介意...

p.s. 廢話多在閒時說, 可有益身心..

只要你好... 我...

就算好不好, 也不太重要吧..... :-P

還有.. 我不難過的.. 放心..

皆因無期望, 所以無失望..

可是呀.. 你要好.. 所以分一點好給你.. 我只是想這樣...

都是那句.. 不要說多謝或是對不起了.... 我很煩呀~~~~
===============================
可是今日.. 沒有避我的企圖.. 我也不知道..

如果上天要這樣耍我.. 我想他捉錯了用神...
我已經覺得她點對我都無所謂..

痛愛? 犯賤? 隨便你地點講...

===============================
今晚的心情.. 很怪.. 百感交集..
看了這樣的留言.. 開心就一定不是..
但也不是很不開心..
百感交集.. 就像wave interference.. 變成沒有感覺.. 因為.. 我也不知道我應該覺得點先o岩..

"回頭看見風影, 百感交集的我.."

很想聽孫燕姿... 很想聽她慘的歌.. 好讓自己去舒發一下感情.. 可是...
還是沒有感覺.. 但.. 我不想聽開心的歌, 因為我根本不開心..
我想感覺明天就會到我身..
大家準備好.. 要聽我聽日訴苦....

============================
深宵飛車.. 真的出了軌.
感情.. 也在預計之下出了軌...

我想我以後也不會再入軌..


>>September 30, 2003 at 2:21:24 PM GMT+8

2003 年 9 月 28 日 星期日 【晴】

唔怪得嘉菲貓咁憎星期一..
星期一係特別攰..

=============================
昨晚只係幫"佢"準備相的事..
搞到十一點幾先有得訓..

今日起身簡直係無晒力..
不過又未至於起唔到身..

今日係學生會投票日.. 簡直係忙到.... 不可開交..
頭三堂我根本無上過...
頭兩堂係低form 投票, 第三堂要搵鄭sir.

第四堂打後先有時間上番堂(其實係自己想走堂..)
至於高年級呢.. 要到最後一堂先搞.. 不過呢個內閣我都覺得心知不妙..
因為見到低form果d 都有唔少"不信任" (得佢地一個內閣都搞成咁)

放學後, 由於莫記搞lib記新舊交換...
所以返左去一轉.. 可是返得去太遲了.. 所以大部份熟人走晒.. @_@
見到一個新仔.. 好鬼頂佢唔順... 咁細個.. 咁快有資格坐熊銘張椅? 你去死啦!
講野又串... 小心d 呀"靚"仔...
最後同佐住走~~

之後約左"佢"出黎... 幫佢搞個chem project (我無讀chem都好耐lu~)
例如買紙... 周圍走啦總之..

=================================
我寫呢個日記.. 我係到諗緊我應該跟"事件發生次序"定係我見到的次序..
最後我決定用我見到的次序... 因為咁樣會容易表達我心入面諗緊咩...
其實.. 以下才是今晚的戲玉.. 並要留意明日的日記.. 因為更加......
=================================
返到家.. 上上網..
只是期望"佢" 快d 搞掂俾我印, 做d 有得訓..
可是事與願違..
因為佢d friend d 咩關係咩啦吓.. 我唔理咁多..
結果... 俾佢睇穿左.. 我係對佢太好..

------------------------------------
佢: 唔知呀~~
你都係sleep sin la
我: 如果你唔知... 你就俾我做啦...
知道嗎?
佢: 唔好對我o甘好
其實我也不是o甘好的
我: 嗯...

我真係走啦..
我唔會解釋咁多..
==========================
簡直是深宵飛車.. 而且出了軌...

可是.. 我沒有任何失望.. 因為.. 真是沒有期望..

可是明天.. 我某程度上會感覺到會發生更多的事...
==========================
都係死老趙講得o岩.. 唔好對女仔咁好...

>>September 30, 2003 at 1:51:27 PM GMT+8

2003 年 9 月 27 日 星期六 【晴】

星期日.. 原本係諗住做野, 做功課的一日.. 可是.. 唉~


==============================
今日終於下定決心做學生會張選票(大佬.. 今日唔做到就大擰樂呀.. 全校都會走黎砍死我..)
是但亂畫, 之後就攞左去影印..

影印舖個老闆娘係到...好彩...

之後同媽媽去幫我配眼鏡... 後尾發現我又唔係真係好深近視,, 只係一隻眼175, 一隻眼150.. 只不過其中一隻眼有散光50.. 所以先覺得而家睇野難度高左.. 另一隻居然無散光..
算啦.. 都係要配眼鏡架啦..
家下d 眼鏡的確係幾靚.. 580.. 咁就580蚊...

星期五先有得攞....

跟住同ES3678, 584兩個巴士迷去遊車河.. 又係榮哥車..
真係好開心...
不過今日真係驚險.... 差d 撞車!
係大埔火車站, 左轉番71k條坑.. 點知架71A的S3V油都唔收... 如果榮哥停唔切, 如果唔係EV129..我諗我都入左廠.....
我地幾個巴士迷即刻屌屌聲...

落左車.. 大家去左七十一買雪糕食.... 我都好耐無食過七記的雪糕..
平平地.. ok 啦..
轉過頭又係坐番榮哥車去返大中.. 一日的行程就完咗啦.

之後上下網.. 咁就夠鐘訓覺啦....

又一日無做到功課.. 死啦..
=============================



>>September 29, 2003 at 3:08:13 PM GMT+8

2003 年 9 月 26 日 星期五 【晴】

星期六, 指定出街玩(做野)的一日..
今日俾Jerry 兄一個電話抄醒左...
所以九點幾就起左身..
==============================
今日行程
->維港灣->深水埗->黃竹坑->大圍

首先搭呢個72x (HD199)去維港灣
架車個錶板係就係寫80, 但係實際上... 我感覺到連70都唔知有無...
擺底左部notebook俾潔慈姨就搞掂啦.

之後搭43c落深水埗.. 個司機好燥...
去得好快.. 估唔到一架吉龍可以咁勁...
只係幫richard買左個CDRW.. 真係好平.. Liteon 52/32/52 只係賣299...抵到震..
april 姐介紹左一個超平套裝.... 54xx 包17" LCD Mon.. 又係抵到震..
不過配件價錢無咩變化.. 只係ram 價少少獲利回套...

之後去171 (AD???)去黃竹坑..
一架變態的AD.. 追到上一班新ATR....
不過個司機成日唔拉手掣.. 結果.. 去到紅隧口無風.. 要叉風...
其實去黃竹坑, 美其名係做野, 實際上, 係瘋狂彩色影印.
唔使錢喎~~~
順手影印埋本MCSE Win2K.. 俾老銓...
你咪話影書真係好辛苦.. 唔怪得影印之星個老闆娘唔影書啦.. 佢真係醒..
又要時間, 又攰..

只係救番一部ttfcache 抄的電腦(果d min, max button 變晒數字果個問題呢...)

六點幾, 落左大圍同銓一齊食.
見到鐵板餐唔錯呀! 35蚊左右..
又係吹下水.. 之後上左佢公司做少少野咁...啦..

又係佢請搭的士... 真係豪~~~
========================================


>>September 28, 2003 at 12:15:31 PM GMT+8

2003 年 9 月 25 日 星期四 【晴】

星期五 - Happy Friday, 終於放假啦~


===================================
平時死老趙講埋晒d 廢話.. 今日估唔到佢又幾中point..
佢話op-amp.. 係negative feedback..
佢話.. 男女關係都係咁.. 男仔唔好對個女仔咁好.. (當然反之亦然, vice-versa啦~)
嗯.. 又真係幾有道理... 如果唔係對方會覺得唔希罕...
所以我都係唔好對佢咁好~ 要追佢... 幾盤數.. (追收呆帳.. XDDDD )

仲有佢話大學應該擇自己的興趣, 亦都非常之o岩!

星期五加上Day 6 有一堂空堂, 搞到成個人都好懶..
空堂後見到江嘉麗.. 佢借左我件冷衫去著... 咁我著咩呀? 我都會凍架...
算啦... 如果唔係在莫記已經同佢好熟.. 我絕對唔會咁做...

佢仲要放學先還番俾我. 問題係.. 佢搞到五點幾先走得..
咁我都要practial.. 做AL CS份卷..
早知唔攞番住啦.. 因為, 係圖書館門口排枱到見到"佢"係到做緊數.. 咁即係我一定會等埋"佢"架啦..先一齊走架啦...
其間同AV組d 人吹水.. 講笑.. 爆賤... "佢"咩都聽到晒..

最滴汗係我同佢走左之後... 江嘉麗居然同佢講, 叫我返去幫佢拎野喎.. 傻啦.. 我會丟下佢唔理咩?
咪叫係學校的人幫佢囉.. 可惜.. 為時已晚.. 我同"佢"搵唔到人...

一個月之中.. 最開心就係呢日..

其實成個九月我都好唔開心.. 好彩就快完..
唔好彩就係又黎新的十月.... 唉...
================================
回速龍..
咁......
我呢一刻對呢樣野有渴望囉, ok?

>>September 28, 2003 at 7:09:21 AM GMT+8

2003 年 9 月 23 日 星期二 【晴】

今天心情好似好左d..
無咩愁.. 可是王J都係咁愁...
唉.. 鬼咩.. 一段感情.. 咁搞法.. 咩都死啦..
=======================
我被王J影響到.. 我都搞到好愁..
我最慘係... 愁果陣都唔知望住"佢"定唔望住"佢"好..
因為我一定會諗起"佢"...

所以今日好多堂我都係同佢一齊坐..

老趙見J同宮主講多一句野就話要J出去坐..
我真係幾乎就一句屌左出黎..
我唔知點解.. 果一刻真係好火... 我知J根本心入面就唔係咁開心..
J都頂左佢一句.. 我做朋友.. 當然要出聲同埋出氣架啦!

當然因為加上自己... 心入面唔開心先會咁容易火起...

我火滾通常係因為工作(還記得果次換兩部機壞三部機的事嗎?)
感情.. 從前會...現在懂得保持溫柔一點... 唔好嚇親人...

----------------------
補課補課又補課..
不過幸運的是, 純數科不會太悶..
=================================
唱到後來, 大家都累了
只有你依然生猛地嘶吼著..
當那一首情歌出現, 我們都懂得安靜
聽你邊哭邊唱到最後,
然後遞給你面紙和一杯紅酒, 然後來賓掌聲鼓勵
然後若無其事地繼續唱著銷魂的靡靡之音

明天起, 我們都要勇敢面對人生
不是嗎?

幾米 - 照相本子 - 靡靡人生 (P.104-105)

>>September 25, 2003 at 12:14:01 PM GMT+8

2003 年 9 月 22 日 星期一 【晴】

Very down.. no mood..
唔代表我唔會寫野o既..
我只會寫得更加多 ..
=============================
為何我又用口語寫日記呢? 真是奇怪~

鼎坤, 生日快樂.
午飯我們一起食..

今日的視點..落在她身上的次數真的減少了許多..
我不喜歡她? 現在不是..
我開始真的覺得倦...

為何我常常會想起天黑黑這首歌..?
因為是其中一句: 我懷念過去單純美好的小幸福
我想指的是在莫記的日子.. 每天有一大班朋友陪伴我左右.. 任何不開心的事可以暢所欲言,
可是現在... 交心的朋友可說是沒有... 坤? 可是跟他說感情, 我硬是覺得對他太殘忍... 因為他未試過.. 他又不明白... 他只有聽的份兒...
乾? 唉... 我也不知怎說...
J? 可以的.. 可是人家要做算術嘛.. 不過他自己也有感情問題..
水雲? 他有他自己的世界.. 而且他的幸福不易明白我的痛苦...
Isaac? 他只覺得他現在失戀最慘... 他知道有戀可失已是幸福的嗎?
蝗蟲? 我不想他做兩頭蛇...
女生.. 不是太熟.. 不是太好的嘛.. 始終...

天呀.. 我不應離開莫記的.. 始終都是你們最好...
你們會耐心聽我訴苦.. 怎辦...................................
我要自私一點... 我要你們多點聽我訴苦.. >_<"!

今日放學後跟了兩位巴士迷去遊車河.. 之後再返回學校...
做一個英語會話的練習.. 可是我也不太想出聲...

愛情花兒, 我就是一生接漏..
=====================
開始懂去愛, 開始懂得遷就對方...
卻不代表你會有一個對方給你愛, 給你遷就..
相反有些不知所謂的人.. 卻有很多對方可以遺棄.. 有很多可以迫害..

也許我只是看不過眼.. 不是真的因為愛而受苦.. (可能啦~)
就等於.. 我懂得駕駛戰機.. 卻沒有這種機會.. 懂也沒用.
======================
回 賤咀
其實我話幾米灰.. 其實應該話, 比起其他漫畫/書的作家現實..
因為現實是殘酷, 是灰的..
幾米只係描寫現實.. 不像其他人就會先修飾一下..
所以感覺上比較灰..

不過如月亮忘記了, 地下鐵.. 結局係現實慘, 心靈世界好(例如地下鐵個女仔係要仆街..但最後他進入了內心的彩色世界)

或者月亮忘記了, 個小朋友可以同月亮永遠一齊.

照相本子.. 居然將幸福背後的悲慘描寫得繪影繪聲.

但係你唔覺幾米的人物人多係好寂寞?
地下鐵的女孩, 月亮忘記了的小孩子, 向左走向右走的男女..
我覺得幾米也不是很好受..

回 速龍
其實.. 我可是說是為愛而生存.. 不是為她..
只是在尋覓愛時.. 所受的種種打擊有感而發..
-----------------------------------

>>September 23, 2003 at 1:36:24 PM GMT+8