2003 年 10 月 12 日 星期日 【晴】

又返學.. 哎呀.. 好倦呀~~


============================
呢個禮拜係十五周年的重點周...
也是我的走當周...

就係對住個PCB做做做...人都癲啦...
仲有唐山呢... 唉.. 死咁濟!

後尾發現原來上次未買晒電子零件.. 搞到今日臨急臨忙放學即刻飛出去..
原本諗住K17->KCR->MTR.. 但係k17要排成龍.. 最後都係73x->MTR..
但係都要成粒鐘(算快架啦).

出到去... 先發現呢個世界無人用7803.. 仲諗住有tim...
所以係華輝企左好耐..
仲有爹叫老表上我屋企食飯(姨媽同我媽去左旅行嘛..得佢一個人食飯)
我就係深水等埋佢.. 一齊返屋企囉...
好彩的是搭到JF9604@72x..

同表哥吹左一陣水... 搞到野都做唔晒.. @_@
原本今日係要設計好電路圖...
嘩...

>>October 15, 2003 at 2:35:10 AM GMT+8

2003 年 10 月 11 日 星期六 【晴】

懶懶閑的一日....


================================
前晚訓得唔好.. 唔知點解好似有蚊咬咁... 好痕..
尋晚就訓得好好多...

今日爹話去飲茶.. 同佢一個舊同事去明星飲茶.
佢地吹水, 我就飲水(當然仲有食野啦~)
可以當埋食午飯.. 以前都好刁鑽... 水魚都食埋.. 怪唔怪?
係明星撞到鄭太屋企人.. 但係基哥就唔係到~

下午.. 無咩心情做野.. 所以都係開著部機... 搞下野..

下午成日都好飽...


>>October 15, 2003 at 2:29:14 AM GMT+8

2003 年 10 月 10 日 星期五 【晴】

星期六係出街日..
當然係出街啦..

============================
今日唔切去整機...
加上今日係71k加金的大日子, 所以一朝早就去跟榮哥車去遊河..
車係KV8572...
相關相簿
架車係原75k掛牌.

下午要出黃金... 但係HE2554話去跟271洪哥, 所以.. 反正都係出九龍, 照上, 去到油麻地轉番地鐵走.. 只係用左$2.4就出到黃金...

行黃金... 都係行左一陣.. 之後在鴨記的華輝買埋d 野..
所以好快就搞掂.. 估唔到佢仲落雨tim.. 唉..
之後見無野做.. 約埋老表去鑽石山打機.. 好耐無玩過搖鼓.. 所以差左好多..
連Ayu果隻Unite都唔可以full combo..仲搞到差d fail埋...

打完機就返屋企食飯訓覺...


>>October 15, 2003 at 2:22:46 AM GMT+8

2003 年 10 月 9 日 星期四 【晴】

雙十節, 話者應該話係國父紀念日...
心情唔見得係好.. 只係有點震驚..
因為富善邨發生左一件震驚的事...
=================================
我今日終於體會到, 咩叫做"永遠在床上發夢, 餘生都不會再悲哀"
因為.. 我發左個夢實在太好.. 夢中我拖住佢隻手行街..
我真係唔想起身... 因為起身返到學又要面對現實..... 唉~

今日返學可以話係soft..
第一二堂Computer 做野.. 目標就係要用光蝕板做PCB (Printed Circuit Board)
第三堂空堂又係做野.. 結果係第三堂過後就做完..)
第四堂英文, 不過無上到.. 因為轉埋d 窿.. 唔係點落零件落塊板到呀...
做到我背脊超痛...... >_<'
第五堂phy.. 老趙唔知話要處理咩學生問題.. 又無上堂. 我落左306用左五分鐘左右就接好晒d 780x同埋電容....

----------------------------------------------------
lunch 學生會人同校長食飯...
環境同氣氛唔係想像之中咁差.....
仲可以談笑風生.....

蝗蟲話我似乎掂過佢(講果d野囉..)
係鬼.. 起碼蝗蟲同佢的vicky 一齊坐.. 我.... 恨都恨唔到..
有好多野佢唔知架o者..... 其實感覺同"佢"遠左好多...

也就係呢幾日唔開心的主因....
----------------------------------------------
返到去3堂pure maths 繼續d...數....
dy/dx.. d 到人都癲..
-----------------------------------------------
投先話富善邨發生左一件震驚的事...
果件時就係... 善鄰樓有人自殺.... 跳樓死的..
放學果陣.. 學校開咪講...
我並唔知佢點解要自殺.. 當然係因為有問題先自殺啦.. 唔通開開心心話.. 好開心呀.. 去自殺囉咁咩....
我心入面即刻唔好受.. 我對自殺呢樣野好敏感...
因為好多人都知我以前的確有諗過去自殺.. 因為活得太辛苦.. 頂唔順.. 做人做得好唔開心...
最後當然係因為怕痛無做到啦... 如果唔係我都唔會打到日記啦..
但係而家就唔會... 因為我發現我有一定重要性.... 係我的工作黎講...
但係自殺.. 我今日就係到諗.. 點解人會自殺..
我以前諗自殺果陣係有d 理所當然... 或者有點美化左呢樣野..
好似死左咩都唔使諗.. 係, 你講得啱.. 但係.. 死左.. 其他人就煩呢...
太自私.. 但當人活得太苦... 如果唔會累到人... 我都會覺得無所謂... 我不會太反對...
唉.. 人生就是這樣.. 唉~
信教啦.. 是但搵個宗教信下啦.. 可能會睇開d o既..
你仲信上帝愛你的話... 咁你就唔會去死架啦... 雖然係難以令我置信..
我一生有幾多神蹟? 有.. 我咁都唔走去死咪神蹟囉...

有時我都好服我自己... 仲可以去付出去愛一個人咁深...
不過以後都唔會... 我真係無信心再鍾意任何人.. 可能到期時係人地愛我多過我愛人地囉(如果咁好彩的話)
she is my last one...
====================================
放學明報記者黎採訪我地電腦科... 十七號報紙會登出黎.. 你地得閒就留意下啦..
一個人行街.. 無咩地方好行.. 唉~
====================================
回靈魂:
(已於icq 回應).

回賤健:
我唔係唔記得, 我只係想係網上串多你一獲...
因為你好可愛...


>>October 10, 2003 at 4:23:54 PM GMT+8

2003 年 10 月 8 日 星期三 【晴】

唔開心照舊是唔開心..


=================================
不過今日有個問題倒時值得思考...
就係敏乾的海鮮提起的..

我一向都攞廢紙做數.. 咁做完, 寫花晒就梗係丟架啦..
佢話: 嘩.. 自己做o既都丟?
咁就帶出一個問題... 就係 呢個世界有咩唔可以(或者你唔會)丟的呢..?
對我黎講.. 的確無咩.. 除左回憶同感覺之外... 我無咩唔會丟... 特別係可以recycle o既野.. 會丟得更多... (因為我地屋邨可以recycle廢物黎換番d 有用野)
但係感覺, 回憶.. 好多人都會丟.. 只係我唔知點解要hold 住... 嗯....
無論如何, 呢條的確係一條好問題...

d 數d 到滾滾地... 不過本身都好滾下....

呢期成日係到講 人生不得意是十常八九...
聽落好聽, 但係諗清楚其實好辛架喎... 一生人唔開心居然係佔80%-90%.. 真係有無搞錯..
不過我的人生又真係"不得意是十常八九"...
個師妹果日都問我... 有咩係我人生的如意事..
我話係以前日子.. 例如攞MCSE.. 例如比賽有獎攞之類..
佢居然話: 得呢d? 仲話努力左有成果係必然o既事.. 唔需要特別開心..
呢句真係過份.... 無人話俾佢聽一分耕耘係唔會有一分收穫架咩.... 佢條命真係生得正..

=============================
唉~ 呢個世界.. 唔係你努力左就會有成果..
好講運... 老實講我就真係無咩運...

應該話我出世前好好運(因為起碼唔會飬唔大之類....)
但係出世後就好惡運.... 要自求多福... 有時連求都無機會..
=============================
丟棄一段感覺... 其實難唔難呢?

=============================

>>October 10, 2003 at 3:52:05 PM GMT+8

2003 年 10 月 7 日 星期二 【晴】

昨天的淚留待今天去拭..


===========================
其實尋日發生咩事我都唔係太過記得..
最激氣莫過於俾人偷左個單車... shit!
一早踩左架車返去, 午飯想踩番去.. 攞車果陣一睇.. 嘩... 成架車唔見左..
算... 遲d 有錢買過部...
不如買真車好過....

同埋係自修室撞到"佢"....

===========================
今日... 唔知點解有一種莫名的悲痛..
可能真係攰得濟... 係感情攰得濟...
如果靈魂話佢係傻仔的話, 我係超級傻仔...
聽聞人家清泉已經有新目標...
我仲係咁傻... 仲玩順心而行.... 唉..
其實如果我可以唔鍾意佢... 我都好想.. 起碼係折衷方法之一... 雖然係雙輸局面.. 但現在也不見得有任何一方贏..

今日... 好痛, 個心好痛...

放學結果咩都唔想做... 無心機... 撞到黎樺同匡辰.. 吹左陣水...

我決定都係為自己的手提申請個長途電話服務.... 所以行左一陣..
之後同影印舖老闆娘吹左陣水... 心情好番少少..

可惜陳小春果隻"獻世"實在太惡毒... 聽完之後簡直係俾佢講中晒..
唉~ 又心痛過...

================================
獻世

作詞：黃偉文　作曲：周杰倫

我沒有膽掛念　你沒有心見面　試問我可以去邊
只要我出現　只怕你不便　亦連累你丟臉
你是我的秘密　我是你的廢物　缺席也不算損失
今晚你生日　祝我有今日　地球上快消失

＊眼淚還是留給天撫慰　你是前度　何必聽我吠
再不走　有今生　無下世　你是否想我　起這個毒誓
寧願失戀亦不想失禮　難道要對著你力歇聲嘶
即使不抵　都要眼閉　我這種身世　有甚麼資格　獻世＊

我共你不夠熟　眼淚也比較濁　也沒氣質對你哭
不介意孤獨　比愛你舒服　別離就當祝福

Repeat＊

即使不抵　都要眼閉
我自卑不怕　有自尊只怕　怕獻世

====================================
你話講得幾中point呀~~
你是我的秘密, 我是你的廢物.. 唉~
真係啤一聲, 頂Q 晒 (原句: 叮一聲, 白番晒 - 鄭秀文SK2廣告slogan)

各人的意見開始越來越兩極... 又係有人叫我繼續等, 但呢次大部份人叫我走...
但係.. 都係果句: 給我一杯忘情水....

====================================
獻世.....


>>October 8, 2003 at 3:27:17 PM GMT+8

2003 年 10 月 5 日 星期日 【晴】

星期一的確係會特別攰...
真係唔怪得加菲貓會唔鍾意星期一...

===================================
仲要一堂空堂都無.. 幾殘忍呀..

今日... "佢"無返學... 其實之前都有少少預感佢會唔返... (唔係馬後炮架.)
所以都無特別suprise, 但係至於係唔係佢病成點就有d 擔心..

原本諗住小息就打俾佢, 結果拖到放學..

佢唔係到, 驗都係照測.. 雖然我未溫過書.. 但係都唔係太難o既.. ok 啦..

我到食lunch 行緊番屋企果陣先打電話俾佢...
佢只係腸胃有問題.. 希望佢快d 好番啦.... 好驚佢有咩事...
不過從佢把聲都知道佢係病病地.. 好擔心..

之後就係最難頂的三堂UE.. 人都癲.. 做UE Sec E 的Task 1a, 1b..
做到我傻.. 不過真係做得太慢...

無野做, 又唔想咁早返屋企.. 就去左306吹下水...先走..
八到好多料返黎.. 哈哈哈~
=================================


>>October 7, 2003 at 3:20:08 PM GMT+8

2003 年 10 月 3 日 星期五 【晴】

幾過一天的辛勞.. 新的有點攰..

今日的話.. 咩都無做過, 好彩都有做到個英文Sec. C...

===========================
其實我打今日日記.. 都係為左reply 你們的留言~
===========================
回賤咀:
一向架啦.. 佢做初一, 我做十五.. 好合理...
我唔即場吉爆佢四條軚咪小事囉..
差左無同佢講:"寶福山(富山)近.. 小心撞車呀~"
咁算忍口囉...

回 路易斯
我地maths group得五個女仔... 艷艷同學, 水雲的女友, 乾的目標, "佢", 仲有另一個女仔..
當然最留意係.. 吓.. 唔使多講啦..

回 賤健
厲害厲害..
最厲害你自己自認係賤健~
呢野真係五體投地..
真係有自知知明... 認自己係"賤"..<--- 講笑ing...

>>October 7, 2003 at 12:52:39 PM GMT+8

2003 年 10 月 3 日 星期五 【晴】

生意真係做都做唔晒..
今日真係忙到嘔... 飯都無得食..

=======================
我早上去九龍城同個客裝番晒d software..
原本好早就走得去食飯.. 點知真係pk..
裝左第一次 XP, 之後用intel 碟上driver, 仆街.. hang 左機.. hang 死左係"歡迎使用"的畫面...
又要裝多次... 痴線架~
再一次裝driver就唔用佢隻installer 啦.. 幾大用人手續隻裝番上去..
呢期Intel 都搞笑, 我仲估佢個USB2 Driver 好似以前咁一裝就掂.. 點知而家係要裝SP1..
真係仆街...

結果係搞到四點先走得人....
仲約左Wong J ..... 去深水..
結果唔係在深水留好耐, 買好router + WLAN client, 同埋幫潔慈姨買個墨盒拿拿聲攞去俾佢用.. 佢今晚要飛啦~
搞到我去到維港灣先lunch.. 果陣都成五點幾...

之後落番黃金攞router, 再去個客到整..
搞到七點幾.. 不過值得一提係佢地果到都幾富貴.. detect 到好多個AP.... 即係好多人都用WLAN啦~ 早知就咁用人地個WLAN... =) XDDDDDDDDDDD
同埋隻3Com Wireless Router 有d 怪怪地.. 硬係覺得...
不過好彩最後都無咩事~ 上到網咁啦..

之後去左表哥屋企食飯.. 其實曲終人散先去.. 都有點怪~

========================
最激氣就係搭的士果陣.. 真係想吉爆架的士的四條軚..
未見過咁仆街的的士司機.
由表哥家到大圍火車站.. 真係錶都唔使跳.. 問題有客你就應該好聲好氣啦...
條友有病.. 我問佢平時搭88k應該轉右, 問佢點解轉左, 態度已經唔好..
之後落車果陣我老豆無散紙, 個司機又勁唔好態度.. 我咪屌佢囉..
之後佢居然屌番我.. 死屎啦去... 今時今日咁o既服務態度係唔夠架啦!
屌.. 下次見到你吉爆你四條軚!
=========================

>>October 6, 2003 at 3:14:13 PM GMT+8

2003 年 10 月 2 日 星期四 【晴】

今日好似唔知有邊位以前的同學生日..
算啦.. forget it.. 真係唔記得左.. 唔好打我呀~

=============================
三堂phy.. 點過...
卻不難過.. 因為老趙碌車的技術真係厲害..
講書講左半堂, 之後同班女仔吹水.. 三堂就咁搞掂..
係俾exercise我地做.. 做到我火都起埋...
好難做.. 其實... 特別d 波形移動...

聊左"佢"一陣.
好想陪住佢.. 但係唔得, 因為今日最主要係去紅磡幫個客攞個scanner去代理到整..
都係K17-->火車-->火車-->K12架啦.. 悶到嘔.. 仲要呢期唔知點解成日都搭唔到東鐵新車..
好想係某刻撞到佢~~
成日都係舊EMU.. 好悶...
點解最後係K12? 因為我要攞番個眼鏡.. 今日終於有.. 足足五日先有..
不過係幾靚o既... 所以我都即刻帶... 帶住行, 睇下會唔會頭暈之類啦~
係昌運撞到阿fay.. 不過佢見我唔到 ~

今日撞到真係多人囉.. 周梓君都撞到... 佢陪friend.. (係Apollo外)
仲有就係撞到"佢"... 當我正想去影印舖途中...

結果俾周梓君見到仲串左一大餐.. 算啦~

潔慈姨話想幫helen佢地買Panasonic X70.... 因為佢就快過美國旅行..
我就係大埔打個轉幫佢地問...
可惜... 一條"有無X70賣", 就可以分到邊間係pro, 邊間係流料..
有d 舖頭根本連X70都未聽過, 得兩間知道係咩同埋大約講到個價...
唉......

又假期啦.. 我就梗係唔會出去wet啦.. 咪傻啦..
d 生意.. 老實講真係多到做唔晒... 分d 俾大家好唔好? (<--好似好串tim... 不過如果各位真係想做我唔介意有錢齊齊搵..., 特別係新客...)

=============================
今日又MC Chan啦...
入到去, 點解有個人咁似MC Chan o既?? 估唔到果個就係MC Chan..
老實講, 上鏡靚仔同形d... 真人呆左少少, 無咁風趣~
我都係用把聲先認到果個係佢~

=============================

>>October 6, 2003 at 12:39:44 PM GMT+8